རྟགས་ཡིན་གསུངས། །གསུངས་པ་བཞིན་དུ་བུ་རྣམས་ཐར་བར་བྱ། །ཁོ་བོ་མཆོད་གཡོག་ཡིན་ཕྱིར་ཕྱག་ལེན་ཞིབ། །དཔེ་རྙིང་རྣམས་སུ་ཕྱག་ལེན་ཞིབ་གསལ་རྨིས། །ཕྱོགས་གཅིག་མེད་པར་འཐོར་ནས་མེད་པའི་ཕྱིར། །སྔགས་ཆུང་གསར་བུ་རྣམས་ཀྱིས་ཤེས་པར་དཀའ། །ཐར་ཆུང་ཁྲུས་དང་བྱིས་ཁྲ་རྐྱང་པས་ཆོག །རྒྱས་པར་འདོད་ན་ཐར་སྐས་འཛེག་པ་དང་། །ཕུར་བུ་བཏགས་དང་མིང…

བྱིས་པ་ཐར་འདོན་གསལ་བར་བཀོད་པ་དགའ་སྟོན་འཕྲུལ་གྱི་འདོད་འཇོ་བཞུགས་སོ།

བླ་མ་ཡི་དམ་མཁའ་འགྲོའི་ཚོགས་ལ་འདུད། མིའུ་རིན་ཆེན་སྐག་ལས་ཐར་བ་ཡི། །ཡར་གཞི་རྩ་གསུམ་རྟེན་གཏོར་མཆོད་པ་བཤམས། །ཐར་གཞི་སྣམ་བུ་དཀར་པོ་འདོམ་གང་སྟེང་། །ནས་ཀྱི་ཐར་སྐས་རིམ་པ་བཅུ་གསུམ་བྲིས། །འོག་ཏུ་གདན་དཀར་པདྨ་འདབ་བརྒྱད་བྲིས། །མདའ་དར་རིན་ཆེན་སྣ་ལྔས་བརྒྱན་པ་བཤམས། །གཡས་སུ་ལྷ་ཤིང་སྐས་རྩར་ཐར་བྱེལ་བཞག །ངར་མི་བཅུ་གསུམ་…

ཚེ། །བསང་གི་ཆོ་ག་བསང་མཆོད་གཞུང་བསྲངས་ནས། །དྲི་ཞིམ་སྤོས་ཀྱིས་བསང་ལ་འདི་སྐད་དོ། །ཨོཾ་བཛྲ་ཨ་མྲྀ་ཏས་བསང་། ཨོཾ་སྭ་བྷ་ཝས་སྦྱང་། སྟོང་པའི་ངང་ལས་བྱིས་པ་འདི། །བུ་ཡིན་ན། པདྨ་འབྱུང་གནས་སྐུ་རུ་བསྒོམ། །གནས་ལྔ་རྒྱལ་བ་རིགས་ལྔ་གསལ། །ཨོཾ་ཧཱུྃ་ཏྲཾ་ཧཱིསཿ བུ་མོ་ཡིན་ན། ཡེ་ཤེས་མཚོ་རྒྱལ་སྐུ་རུ་བསྒོམ། །གནས་ལྔར་མཁའ་འགྲོ་སྡེ…

བསྙེན་པ་བྱ། དེ་ནས་གསེར་སྐྱེམས་མཆོད་ལ། ཀྱཻ། དེ་རིང་ཉི་རྒྱས་ཟླ་བ་ཡར་གྱི་ངོ། །གནམ་ལ་གཟའ་སྐར་ས་ལ་དུས་ཚོད་བཟང་། །བར་ལ་ཚེས་གྲངས་དུས་སྲིད་སྐལ་པ་བཟང་། །རྒྱུ་སྦྱོར་ཡོན་བདག་བཙན་ཕྱུག་འཕན་དར་རྒྱས། །ལྷ་གཞི་བཀྲག་མདངས་མཆོད་རྫས་དྭངས་རེ་སྤྲོ། །དེ་ལྟར་ཕུན་སུམ་ཚོགས་པའི་གནས་འདི་རུ། །བླ་མ་ཡི་དམ་མཁའ་འགྲོ་ཆོས་སྐྱོང་དང་། །…

གི་མིའུ་རིན་ཆེན་ཐར་འདོན་འཚལ། །སྔོན་ཆེ་ཧ་ལུ་མུན་དྷ་བྲག་སྲིན་གཉིས། །མིའུ་གདུང་དྲུག་མི་རབས་བྱུང་བའི་ཚེ། །སྤྱན་རས་གཟིགས་ཀྱིས་ལུང་བསྟན་ཐར་པ་ལྟར། །དེང་གི་མིའུ་རིན་ཆེན་ཐར་འདོན་འཚལ། །ས་སྐྱེས་དྷེ་ཝ་ཡུམ་སྲས་རྒྱལ་མོ་གཉིས། །སྲས་པོ་སྨོན་མི་དབུ་ནག་སྐུ་འཁྲུངས་ཚེ། །རྟེན་འབྲེལ་ཐར་པའི་སྐས་ལ་དྲངས་པ་ལྟར། །དེང་གི་མིའུ་ར…

གསལ་བའི་སྒྲོན་མེ་ལྷ་ཞལ་མཐོང་བའི་སྒྲོན། །རིན་ཆེན་མདའ་དར་དགྲ་ལྷ་ཝེར་མའི་རྟེན། །སྐུ་གླུད་ངར་མི་ཚེ་སྲོག་བསླུ་བའི་ཡོན། །རྟེན་འབྲེལ་རྫས་བསགས་ལེའུ་ལྷ་དར་ནས། །བྱིས་པ་སྲིའུ་ཚང་ནས་འདོན་འཚལ་ལོ། །བར་ཆད་རྐྱེན་ངན་སྐག་ལས་ཐར་མཛོད་ཅིག །དེ་ནས་ཡན་ལག་སྐུད་པ་བཀྲོལ་ལ། ཀྱཻ། རིགས་བཟང་ལྷ་ཡི་སྲས་བུ་འདི། །མཐོ་རིས་མི་གྲལ་བགྲོད…

གཅིག་པ་རང་སྐག་ཆུང་བདུད་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་ངོ་གཉིས་ལོན་པའི་ཁྱེའུ་འདི། །སྲི་རྐུན་བཅུ་གསུམ་ཁ་ནས་ཡར་ཐར་རོ། །གཉིས་པ་འཆི་བའི་བདུད་སྐག་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་ངོ་གསུམ་ལོན་པའི་ཁྱེའུ་འདི། །མ་ཡམས་རྒྱལ་མོའི་ཁ་ནས་ཡར་ཐར་རོ། །གསུམ་པ་དྲ…

ཡར་ཐར་རོ། །བདུན་པ་བདུན་ཟུར་སྐག་རྣམས་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་ངོ་བརྒྱད་ལོན་པའི་ཁྱེའུ་འདི། །སྤར་ཁ་བརྒྱད་ཀྱི་སྐག་ནས་ཡར་ཐར་རོ། །བརྒྱད་པ་དུར་སྒོའི་སྐག་རྣམས་ཐུར་དུ་བསྒྱུར། །གསལ་བའི་སྒྲོན་མེ་སྲུང་སྐྱོབ་ལྷ་ལ་འབུལ། །ཟླ་བ་ངོ་དགུ་ལོན་པའི་ཁྱེའུ་འདི། །སྨེ་བ་དགུ་ཡི་སྐག་ནས་ཡར་ཐར…

ཞག་དུས་སྐག་ནས་ཡར་ཐར་རོ། །ལོ་རྒྱལ་ཟླ་བློན་ཞག་དམག་དུས་མཚོན་སྐག །ཐམས་ཅད་ཆུང་བདུད་དམ་སྲིའི་སྟེང་དུ་སྒྱུར། །ཀྱཻ། བསླུ་མེད་དཀོན་མཆོག་རྒྱུ་འབྲས་བདེན་སྟོབས་དང་། །སྔགས་འཆང་རྟེན་འབྲེལ་རྫས་སྔགས་ཡོན་ཏན་གྱིས། །མིའུ་རིན་ཆེན་བར་ཆད་རྐྱེན་ལས་ཐར། །ནད་རིགས་བཞི་བརྒྱ་རྩ་བཞིའི་སྐག་ལས་ཐར། །གདོན་རིགས་སྟོང་ཕྲག་བརྒྱད་ཅུའི་སྐ…

གཉིས་ཀྱི་རྒྱལ་ཁ་གྱེན་དུ་བསྟོད། །ཆུང་བདུད་བྱིས་ཟན་བདུད་ཁྲ་ཐུར་དུ་བཀར། །འདྲེ་སྲིན་གཉིས་ཀྱི་ཟ་ཁ་ཐུར་དུ་བསྒྱུར། །རྒྱུ་སྦྱོར་སྦྱིན་བདག་སྐལ་ལྡན་ལྷ་བུ་འདི། །ཚེ་རིང་མི་ཡི་ལྷ་གྲལ་ཕྱིན་པ་ཡིན། །ལོ་བརྒྱའི་བར་དུ་བརྟན་པར་བཞུགས་སུ་གསོལ། །ཅེས་བརྗོད་མཐར་གཞི་གོང་གི་གདན་དཀར་ཐོག་ཏུ་བསྡད། ཐར་བྱིས་སྐས་ལྷམ་ལྷའི་ཕྱོགས་སུ་བ…

སྐྱིད་ཕུན་སུམ་ཚོགས། །ཐེག་པ་མཆོག་ལ་ངེས་པར་སྤྱོད་གྱུར་པའི། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། །ཞེས་ཚེ་གཟུངས་བརྗོད། སྦྱིན་པའི་སྟོབས་ཀྱིས་སོགས། དགའ་སྟོན་ཚོགས་འཁོར་ལ་སོགས་བྱའོ། །དེ་ནས་གླུད་ཡས་རྣམས་བྲན་ལ། ཨོཾ་བཛྲ་ཨ་མྲྀ་ཏ་སོགས། ཨོཾ་སྭ་བྷ་ཝ་སོགས། སྟོང་པའི་ངང་ལས་མདུན་གྱི་གཞ…

གདོན་ཆེན་བཅོ་ལྔ་དེ་དག་གིས། །དབང་པོ་སྤྱོད་ཡུལ་ཁམས་རྣམས་ཚིམ་བྱེད་པ། །གླུད་དང་ཡས་སྟགས་རྣམ་པ་སྣ་ཚོགས་འདི། །བྱིས་པའི་ཚེ་གླུད་སྲོག་རྐྱེན་བུ་ལོན་འཇལ། །སོ་སོར་ཅི་འདོད་ཟག་མེད་བདེ་སྐྱིད་གྱུར། །ཁ་འབར་མའི་སྔགས་དང་། ཨོཾ་ཨ་རེ་མ་ཏི་ཏུ་ཏེ་ཧཱུྃ་ཕཊ། ལན་བདུན་གྱིས་བསྔོའོ། །མཉེས་ཚིམ་དགའ་མགུ་ཡི་རང་གནོད་སེམས་སྤོངས། །བདེ་ག…

རྗེ་དང་། །རྒྱལ་བ་སྲས་བཅས་དྲང་སྲོང་རིག་པ་འཛིན། །བླ་མ་ཡི་དམ་མཁའ་འགྲོ་ཆོས་སྐྱོང་དང་། །བདེན་ཚིག་གྲུབ་པ་རྣམས་ཀྱི་བདེན་སྟོབས་ཀྱིས། །བསྲུང་བྱ་འདི་ལ་བདག་གིས་བསྲུངས་ཟིན་གྱིས། །འདི་ལ་སུས་ཀྱང་གནོད་པ་མ་བྱེད་ཅིག །ཡི་དམ་སྔགས་ཤམ་དུ། བཛྲ་རཀྵ་རཀྵ་ཧཱུྃ། བགེགས་རིགས་སྟོང་ཕྲག་བརྒྱད་ཅུ་ཞི་སོགས། །བཀྲ་ཤིས་བསྔོ་སྨོན་བྱ། ཕྱི…

སྲིའུ་གསོ་བ་ནི། བྱིས་པ་བཙས་ནས་རྐན་མར་མ་གཏད་པར་དཔྲལ་བའི་མཐིལ་དུ་གི་ཝཾ་གིས་ཨོཾ་ཞིག་བྲིས། ལྕེ་རྩ་བར་གུར་གུམ་གྱིས་ཨཱཞིག་བྲིས། སྙིང་ཁའི་ཐད་དུ་ཐིག་ལེའི་ཧཱུྃ་ཞིག་བྲིས། དེའི་ཡོན་ཏན་ནི་ཨོཾ་གྱིས་ལུས་ནད་དཀོན། ཨཱཡིས་ལྕེ་བདེ་སྣ་འགུགས་འགས་པ་སེལ། ཧཱུྃ་གི་ཡིད་བཞིན་ནད་དང་གདོན་ལས་ཐར། །དེ་ནི་རྟེན་འབྲེལ་ཡིད་བཞིན་ནོར་བུ…

བཏང་ན་མྱུར་དུ་ཐོན། ཨོཾ་ཏྲེ་ཙེ་ཤ་ཀུན་འཚང་བ་ལ་སྲུངས་ཤིག །སྲིའུ་གསོ་བའི་གདམས་པའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

བྱིས་ཁྲ་སྤར་འབྱེད་བཞུགས་སོ། །ན་མོ་རཏྣ་ཏྲ་ཡཱ་ཡ། དཀོན་མཆོག་གསུམ་གྱི་བདེན་པ་དང་། །རྟེན་འབྲེལ་བསླུ་བ་མེད་པའི་མཐུས། །བྱིས་པ་འདི་ལ་གནོད་བྱེད་པའི། །ཆུང་སྲི་སྒབ་འདྲེ་བྱིས་པའི་ཚོགས། །ཁྲ་གཟུགས་ནག་པོ་འདི་ལ་ཁུག །ཛཿཧཱུྃ་བཾ་ཧོས་དབྱེར་མེད་གྱུར། །བྱིས་པའི་བླ་ཚེ་སྲོག་དང་བཅས། །བྱིའུ་འདི་ལ་དབྱེར་མེད་གསལ། རིན་ཆེན་སྣ་ལྔ…

འཕྲུལ་ཅན། །བྱིས་དང་ཁྲ་གཉིས་སོ་སོར་ཕྱེས། །ཡ་བདུད་ཀླུ་བཙན་རྒྱལ་པོ་དང་། །ཐེའུ་རང་དམ་སྲི་ཕོ་མོ་སོགས། །ལན་ཆགས་གྱུར་པ་ཐམས་ཅད་ལ། །ཆངས་བུ་ངར་མི་གླུད་དུ་འབུལ། །བྱིས་པ་འདི་ལ་མ་གནོད་ཅིག །བརྗེད་བྱེད་སྐེམ་བྱེད་སྨྱོ་བྱེད་དང་། །དམ་སྲི་ནག་པོ་ཐམས་ཅད་ལ། །བྱིས་པ་འདི་ཡི་གླུད་དུ་འབུལ། །མ་ཡི་ནུ་ཞོ་མ་སྐེམ་ཞིག །བུ་ཡི་སྲིད་…

སོར་ཕྱེས། །ཟླ་བ་བཅུ་གཅིག་སྲིན་པོའི་སྐག །བྱིས་དང་ཁྲ་གཉིས་སོ་སོར་ཕྱེས། །ཟླ་བ་བཅུ་གཉིས་ལོ་ཡི་སྐག །བྱིས་དང་ཁྲ་གཉིས་སོ་སོར་ཕྱེས། །ཟླ་བ་བཅུ་གསུམ་སྡེ་བརྒྱད་སྐག །བྱིས་དང་ཁྲ་གཉིས་སོ་སོར་ཕྱེས། །ཟླ་བ་བཅུ་བཞི་ལྷ་འདྲེ་སྤྱི་ཡི་སྐག །བྱིས་དང་ཁྲི་གཉིས་སོ་སོར་ཕྱེས། །ཟླ་བ་བཅོ་ལྔ་གདོན་ཆེན་བཅོ་ལྔའི་སྐག །བྱིས་དང་ཁྲ་གཉིས་…