ཅན་ཏེ། །མར་རྒྱན་ཚེས་བརྒྱད་ཟླ་བ་ཡུ་བ་ཅན། །བྱང་དུ་དྲག་པོའི་གཏོར་མ་ཟུར་གསུམ་ནི། །མར་རྒྱན་ཀྱང་ནི་ཟུར་གསུམ་དབྱིབས་ཅན་ཏེ། །ཟླུམ་པོ་མར་ཁུ་བྱུགས་པས་དཀར་པོ་སྟེ། །སེར་པོ་ཡུང་བ་མར་བསྲེས་བྱུགས་པས་སེར། །ཟུར་གཉིས་འབྲི་མོག་ཟུར་གསུམ་དྲག་སྣུམ་བྱུག །དཀྱིལ་འཁོར་ཤར་ལྷོ་ནུབ་བྱང་ཕྱོགས་བཞིར་བཀོད་། །ཕྲིན་ལས་རྣམ་བཞི་འགྲུབ་པ…

ཕྱེད་དང་། །སྟེང་དུ་དར་གྱི་བླ་བྲེ་ལ་སོགས་པ། །རྙིང་མའི་སྒྲུབ་ཆེན་ཆས་ནི་ཡིན་མོད་ཀྱི། །སྨན་བླ་རྔོག་དཀྱིལ་བདུན་སོགས་གསར་མ་ལའང་། །དེ་ལྟར་བྱ་བ་གཞུང་ནས་བཤད་འདུག་གོ །ནང་སྒྲུབ་འདི་ནི་མ་ཧཱ་ཡོ་གའི་ལུགས། །སྤྲོས་པ་ཇི་ལྟར་རྒྱས་བཞིན་བསོད་ནམས་ཆེ། །དེ་ཕྱིར་དེས་ཆོག་མི་བྱ་འབད་པས་བསྒྲུབ། །མ་རྙེད་པ་ལ་སྒྲུབ་པ་བཤོལ་མི་དགོས…

མདུན་གཉིས་ཀ་ཚར་རེ་འདོན། །ཐུན་མཚམས་རང་གཞུང་གཏོར་བསྔོས་ཚར་རེ་བྱ། །ཉི་མའི་གུང་ལ་སྦྱིན་སྲེག་རེ་རེ་སྟེ། །ཞི་རྒྱས་དབང་གསུམ་རེས་མོས་གང་འདོད་བྱ། །མ་འབྱོར་རྫ་ས་གཅིག་སྦྱིན་སྲེག་བྱས་ཀྱང་ཆོག །ནུབ་མོ་ཚོགས་འཁོར་རྒྱས་པ་རེ་རེ་འམ། །ཅི་འབྱོར་བློ་སྟོབས་བསྐྱེད་པའི་ཚོགས་རེ་བྱ། །དེ་ལྟར་ཟླ་གཅིག་ཉེར་གཅིག་བཅུ་བཞིའམ། །ཐ་ན་ཞག…

དམིགས་རིམ་ཡིན། །དེ་ནས་འོད་ཟེར་དེ་ཉིད་སྔགས་ཕྲེང་གྱུར། །དང་པོ་དལ་བུ་དེ་ནས་ཇེ་མགྱོགས་སུ། །དེ་ནས་དྲག་ཏུ་འཁོར་བ་ཉེ་བསྙེན་ཡིན། །བར་དུ་འཁོར་ཚེ་སྔགས་ཕྲེང་དེ་དག་ལས། །འོད་ཟེར་སྣ་ཚོགས་ཕྱོགས་བཅུ་ཁྱབ་པར་འཕྲོས། །རབ་འབྱམས་ཞིང་ཁམས་ཀུན་ན་བཞུགས་པ་ཡི། །རྒྱལ་བ་སྲས་བཅས་ཡི་དམ་ཌཱ་ཀིའི་ཚོགས། །ཀུན་ལ་མཆོད་སྤྲིན་རྒྱ་མཚོས་མཉེས…

མདུན་བར་གྱི་སྔགས་ཕྲེང་དེ། །མུ་ཏིག་ཕྲེང་བ་ལྟ་བུ་དཀར་པོར་བསྒོམ། །རང་གི་ཞལ་ནས་ཕར་ལ་འཕྲོ་བའི་དུས། །ཞི་བའི་མཆོད་པ་ཕུལ་བའི་མོས་པ་བྱ། །མདུན་གྱི་ཞལ་ཞུགས་སྐུ་ལུས་བརྒྱུད་པའི་ཚེ། །ཞི་བའི་ལས་ལ་དགོངས་པ་གཏད་པར་བསམ། །སྔགས་ཕྲེང་ཚུར་ལ་འཕྲོས་ནས་བྱུང་བའི་དུས། །ཞི་བའི་དངོས་གྲུབ་བདག་ལ་སྩོལ་བར་བསམ། །རང་གི་ལུས་བརྒྱུད་ཐུགས…

པར་འཁོར་བར་གྱུར་པ་ནི། །དྲག་པོའི་མཆོད་པ་དགོངས་གཏད་དངོས་གྲུབ་གནང་། །ཐུགས་ཀར་ཐིམ་པས་བདུད་བཞི་ཚར་གཅོད་བསམ། །དེ་ནི་སྒྲུབ་པ་ཆེན་པོའི་དམིགས་པ་སྟེ། །རྙིང་མའི་ལུགས་ལ་ལས་སྦྱོར་ཞེས་བྱའོ། །ཕྱི་སྒྲུབ་བཞིན་དུ་སྔགས་ཤམ་སོ་སོར་སྦྱར། །དེ་ནས་རབ་ཏུ་ལས་བཞིའི་སྦྱིན་སྲེག་བྱ། །འབྲིང་དུ་ཕུན་སུམ་ཚོགས་པའི་སྦྱིན་སྲེག་གཅིག །ཐ་ན…

སྒྲུབ་གཏོར་བཟུང་སྟེ་ལག་གཉིས་བསྣོལ། །མོས་གུས་བསྐྱེད་ཅིང་རང་གི་གནས་བཞིར་གཏུགས། །དངོས་གྲུབ་ཐམས་ཅད་ཐོབ་པར་ངེས་ཤེས་བསྐྱེད། །བུམ་ཆུ་བཏུང་དང་ཁྲུས་བྱ་རིལ་བུ་བཟའ། །དེ་ནས་རྗེས་ཆོག་ཆོ་གའི་གཞུང་ལྟར་ཏེ། །མདུན་བསྐྱེད་གཤེགས་སམ་ཡང་ན་རྟེན་ལ་བསྟིམ། །བདག་བསྐྱེད་སྟོང་པར་བསྡུ་བ་མ་གཏོགས་པ། །བྱང་ཆུབ་མ་ཐོབ་བར་དུ་མི་གཤེགས་ཏ…

བཅད་དེ་སྨྲས་རྣམས་ཡིད་ལ་ཟུངས། །དེ་སྐད་སྨྲས་ཚེ་བཱིརྱ་སཱ་ག་རས། །ཤིན་ཏུ་མགྱོགས་པ་རྫུ་འཕྲུལ་ལྟ་བུ་ཡིས། །རབ་ཏུ་གསལ་བ་ཞུན་མར་ངོགས་ལ་བྲིས། །སྦ་འོས་གསལ་བཀོད་ཉེས་པ་མཆིས་པ་རྣམས། །ཆོས་བདག་ཌཱ་ཀི་སྲུང་མའི་ཚོགས་ལ་བཤགས། །འདི་ཕྱིར་སྒྲིབ་པར་མི་འགྱུར་དངོས་གྲུབ་སྩོལ། །དགེ་བས་འགྲོ་ཀུན་རྡོ་རྗེ་འཆང་འགྲུབ་ཤོག །དེ་སྐད་རྟ་ལོ…

༼ས༽ རི་ཆོས་མཚམས་ཀྱི་ཞལ་གདམས་ལས། བླ་མེད་གསང་སྔགས་གསར་རྙིང་ཡི་དམ་ཌཱ་ཀི་སྤྱི་ཡི་གསང་སྒྲུབ་ཡེ་ཤེས་མཁའ་འགྲོའི་གདུང་གླུ་ཞེས་བྱ་བ་བཞུགས་སོ། །ན་མོ་གུ་རུ་ཌཱ་ཀི་ནཱི་སིདྡྷི་ཧཱུྃ། གསང་སྔགས་ཀུན་གྱི་བདག་མོ་རྣལ་འབྱོར་མ། །ལྷན་སྐྱེས་ཌཱ་ཀིས་བདག་ལ་བྱིན་གྱིས་རློབས། །གསོན་དང་བླ་མ་བཱིརྱ་སཱ་ག་ར། །གསར་རྙིང་ཡི་དམ་མཁའ་འགྲོ་ག…

མཆོད་གཏོར་མི་བསྡུ་ཁ་གསོ་ཙམ་གྱིས་ཆོག །དུས་གཞན་ཡིན་ན་ནང་སྒྲུབ་བཞིན་དུ་བཅའ། །ཐུན་བཞི་བྱེད་ལུགས་ནང་སྒྲུབ་ཁྱད་མེད་ཀྱང་། །ཉིན་གུང་སྦྱིན་སྲེག་འདི་ལ་མི་དགོས་སོ། །བདག་མདུན་ཚང་མ་དུས་བཞིར་བཏང་བྱ་ཞིང་། །བདག་མདུན་གཙོ་བོ་གཉིས་ཀྱི་སྐུ་ལུས་ནང་། །སྟོང་ཞིང་གསལ་བ་ཕྲུ་མ་ཕུས་བཏབ་བཞིན། །རྩ་གསུམ་འཁོར་ལོ་ལྔ་པོ་མོས་ཙམ་བསྒོམ…

རྣམས་ལ་པདྨ་ཉི་ཟླའི་གདན། །འཁོར་རྣམས་ཟླ་བའམ་རོ་ཡི་གདན་ཅན་ནོ། །གཙོ་བོ་ལྔ་ཡི་ཐུགས་ཀར་པད་ཟླའི་གདན། །རང་མདོག་ས་བོན་རང་མདོག་སྔགས་ཕྲེང་འཁོར་། །ཕོ་ལ་གཡས་དང་མོ་ལ་གཡོན་དུ་འཁོར། །རང་གི་ཐུགས་ཀའི་སྔགས་ཕྲེང་འཁོར་བཞིན་ལས། །འོད་ཟེར་སྣ་ལྔ་སྟོང་སྐུད་སྒྲིམ་འདྲ་ཞིག །ཐུགས་ཀའི་ཡི་དམ་མཐིང་ཀའི་ཞལ་ནས་ཐོན། །མགྲིན་པའི་ཡི་དམ་དམ…

ཐུགས་ཀའི་ལྷ་ཞལ་ཞུགས། །སྔགས་ཕྲེང་དྲག་འཁོར་འོད་ཟེར་གསང་བར་ཐོན། །ལྟེ་བའི་ལྷ་ཞལ་དུ་ཞུགས་སྔགས་ཕྲེང་མྱུར། །གསང་སྦུབས་ནས་ཐོན་གསང་བའི་ལྷ་ཞལ་ཞུགས། །སྔགས་ཕྲེང་དྲག་འཁོར་གསང་བའི་སྦུབས་ནས་ཐོན། །མདུན་བསྐྱེད་གསང་སྦུབས་སམ་ནི་སྦྱོར་མཚམས་ཐོན། །བདག་བསྐྱེད་གསང་སྦུབས་སམ་ནི་སྦྱོར་མཚམས་ཞུགས། །གྱེན་བརྒྱུད་ཐུགས་ཀར་ཐིམ་པས་དང…

ལ་ཟག་མེད་བདེ་བའི་མཆོད་སྤྲིན་ཕུལ། །དེ་དག་རྣམས་ཀྱི་དཔྲལ་མགྲིན་ཐུགས་ཀ་ནས། །རང་གི་ཡི་དམ་དེ་ཡི་སྐུ་གཟུགས་ནི། །དཀར་སེར་དམར་ལྗང་ཆེ་བ་རི་རབ་ཙམ། །་ཆུང་བ་ཡུངས་འབྲུ་ཙམ་ལ་གྲངས་མེད་པ། །གསུང་ནི་དབྱངས་དང་གསལ་བྱེད་རྟེན་འབྲེལ་སྙིང་། །ཡི་དམ་སྔགས་ཕྲེང་དཀར་སེར་དམར་ལྗང་ཚོགས། །ཐུགས་ནི་རྡོ་རྗེ་རིན་ཆེན་པདྨ་དང་། །རྒྱ་གྲམ་འཁ…

བར་ཆད་ཐམས་ཅད་ཞི། །ཉིང་གུང་དུས་སུ་སྔགས་ཕྲེང་སེར་པོར་བསྒྱུར། །འོད་ཟེར་སེར་པོས་བདག་དང་འགྲོ་ཀུན་གྱི། །ཚེ་དང་བསོད་ནམས་ཡོན་ཏན་ཡེ་ཤེས་རྒྱས། །དགོང་མོའི་དུས་སུ་སྔགས་ཕྲེང་དམར་པོར་བསྒྱུར། །འོད་ཟེར་དམར་པོས་བདག་དང་འགྲོ་ཀུན་གྱི། །རླུང་སེམས་སྣང་བ་དབང་འདུས་རང་དབང་ཐོབ། །སྲོད་ཀྱི་དུས་སུ་སྔགས་ཕྲེང་མཐིང་ཀར་བསྒྱུར། །འོད…

བཀོད། །སྦྲ་འོས་གསལ་བཀོད་ཉེས་པོ་གང་མཆིས་རྣམས། །ཆོས་བདག་ཌའི་སྲུང་མའི་ཚོགས་ལ་བཤགས། །འདི་ཕྱིར་སྒྲིབ་པར་མི་འགྱུར་དངོས་གྲུབ་སྩོལ། །འདིར་འབད་དགེ་བས་འདི་ལ་འབྲེལ་ཐོགས་རྣམས། །མཆོག་ཐུན་དངོས་གྲུབ་དཔལ་ལ་ལོངས་སྤྱོད་ཤོག །ལེའུ་ཉེར་བརྒྱད་པའོ་མངྒ་ལཾ།། །།

༼ཧ༽ རི་ཆོས་མཚམས་ཀྱི་ཞལ་གདམས་ལས་སྤྲོས་མེད་ལས་བཞིའི་སྦྱིན་སྲེག་རི་ཁྲོད་པ་ལ་ཕན་པ་ནོར་བུ་སྣ་ཚོགས་མདོག་ཅེས་བྱ་བ་བཞུགས་སོ། །ན་མོ་གུ་རུ་པྲ་ཝ་ཀཱ་ར་ཡེ། ལས་བཞིའི་སྦྱིན་སྲེག་མན་ངག་ཅུང་ཟད་བྲི། །ཨོ་རྒྱན་ཆེན་པོས་བཀའ་གནང་བྱིན་གྱིས་རློབས། །ལས་བཞི་རྒྱས་པར་གཞན་དུ་གསལ་བ་ལྟར། །བསྡུས་པ་ལ་ཡང་སྤྲོས་བཅས་སྤྲོས་མེད་གཉིས། །སྤ…

སྔགས་ལས་སྔགས་གསུམ་པོ་དེ། །སྦྲེལ་བ་བརྒྱ་རྩ་ཚང་བས་གྲངས་ཚང་སྟེ། །ལྷ་སྔགས་ཨོ་དང་རྫས་སྔགས་ཨོ་གཉིས་གཅིག །དེ་བཞིན་སཱ་ཧཱ་ཡོད་ན་གཅིག་ཏུ་བསྡུ། །སྡིག་པ་ཞི་འདོད་ཏིལ་ནག་ཁོ་ན་སྟེ། །བགེགས་ཞི་ཡུངས་ཀར་ནད་ཞི་གྲོ་ཉིད་འབུལ། །ཞི་བའི་སྦྱིན་སྲེག་དེ་གསུམ་གཙོ་བོ་ཡིན། །ཚེ་རྒྱས་དུར་ཝ་བསོད་ནམས་རྒྱས་པ་འབྲས། །སྟོབས་རྒྱས་སྲན་མ་ནོ…

བཞིན་དཀྱིལ་འཁོར་མེད་པའི་གཙོ་རྐྱང་ལའང་། །མེ་ལྷའི་ཐུགས་ཀར་གཙོ་བོའི་མཐའ་བསྐོར་དུ། །རིམ་བཞིན་སྤྱན་དྲངས་མཆོད་བསྟོད་གོང་བཞིན་བྱ། །སྦྱིན་སྲེག་གཅིག་ནང་སྲོག་མང་པོ་ཤོང་། །བསྲེག་རྫས་འབུལ་བས་ལྷ་ཚོགས་རབ་ཏུ་མཉེས། །ཞི་བའི་དུས་སུ་འོད་ཟེར་མུ་ཏིག་མདོག །བདེ་བའི་རེག་བྱ་ལྡན་པ་དཔག་མེད་འཕྲོས། །འགྲོ་བ་ཀུན་དང་བདག་དང་བསྲུང་བ…

མགོ་མཇུག་ལོག་སྟེ་ཞལ་དུ་སོང་བར་བསམ། །དེ་ནས་མེ་ཞགས་ལ་སོགས་བརྒྱབ་པ་ན། །མེ་དཔུང་ཐོགས་པའི་ཁྲོ་བོ་དཔག་མེད་ཀྱིས། །མེ་རླུང་ཞུན་མའི་རྟ་ལ་ཞོན་ནས་རྒྱུག །གནོད་བྱེད་དགྲ་བགེགས་ཐམས་ཅད་བསྲེག་པར་བསྒོམ། །དེ་ལྟར་རྫས་གཅིག་སྦྱིན་སྲེག་འདོན་འགྲིག་ནི། །རང་ཉིད་ཡི་དམ་བདག་བསྐྱེད་སྔོན་སོང་ནས། །བསྲེག་རྫས་བྱིན་རླབས་ཐབ་བསྐྱེད་ཀུ་…

ཚིག་བདག་ལ་བསྟིམ། །འཇིག་རྟེན་མེ་ལྷར་དྲིན་ལན་གཏོར་མ་འབུལ། །འདོད་དོན་གསོལ་ཞིང་ཨརྒྱུ་སོགས་ཀྱིས་མཆོད། །བསྟོད་པས་བསྟོད་ཅིང་ཡེ་ཤེས་དྲང་སྲོང་དེ། །ཤར་ལྷོའི་ཕྱོགས་གཤེགས་དམ་ཚིག་མི་དམིགས་བསམ། །འདི་ནི་རྫས་གཅིག་བརྟེན་པའི་སྦྱིན་སྲེག་ཅེས། །སྤྲོས་མེད་ལུགས་ཀྱི་སྦྱིན་སྲེག་བསྡུས་པ་ཡིན། །སྦྱིན་སྲེག་བརྒྱ་རྩ་སོགས་ལ་འདི་བྱ…