ཐམས་ཅད་སྟོང་ཞིང་བདག་མེད་པར། །མྱང་འདས་ཐོབ་ན་སྡུག་བསྔལ་ཐམས་ཅད་ཞི། །བདེ་བ་དམ་པ་ཡིན་ཚུལ་ཡིད་ལ་བསམ། །དེ་ནས་མ་ཡེངས་སེམས་ངོའི་ངང་ལ་བཞག །དེ་ནས་ཁྲིམས་ཀྱི་ཚུལ་ཁྲིམས་སྐྱོན་མེད་ཅིང་། །ཞེས་སོགས་བརྗོད་པ་ཞི་གནས་གསོ་སྦྱོང་སྟེ། །ཡོངས་འཛིན་སྨྲ་བའི་སེང་གེའི་ཞལ་ནས་གསུངས། །དེ་ཡིས་ཉེས་བྱས་ཕྲ་ཞིབ་ཐམས་ཅད་དག །དགེ་འདུན་ལྷག་མ…

ལ་རྨ་དང་ནད་ཀྱི་འདུ་ཤེས་བསྒོམ། །ཟས་དང་གོས་ལ་སྨན་གྱི་འདུ་ཤེས་བྱ། །ཞེ་སྡང་ཁོང་ཁྲོའི་རྟོག་པ་སྐྱེས་པའི་ཚེ། །དགྲ་འདིས་ངན་སོང་གནས་སུ་སྐྱུར་མི་བྱེད། །ཞེ་སྡང་ཁོང་ཁྲོ་འདི་ཡིས་ངན་སོང་སྐྱུར། །དེ་ཕྱིར་རང་གིས་རང་ལ་སྙིང་རྗེ་ལྟ། །ཁྲོས་པའི་ལན་དུ་ཁྲོ་བར་མི་བྱེད་ཅིང་། །གཤེ་བའི་ལན་དུ་གཤེ་བར་མི་བྱེད་ཅིང་། །མཚང་འབྲུ་བ་ཡི…

གྲུབ། །ང་བདག་མེད་ལ་ང་ཞེས་ཅི་ཕྱིར་འཛིན། །ང་བདག་མེད་པའི་སེམས་ལ་རེ་རེ་བལྟ། །དེ་ནི་གང་ཟག་བདག་མེད་སྒོམ་པ་ཟེར། །དགེ་བ་ཐར་པ་ཐོབ་པའི་ཕྱིར་དུ་བསྔོ། །འབྲས་བུ་མ་འོངས་བྱམས་པ་འབྱོན་པའི་དུས། །མི་ལུས་ཐོབ་ནས་བྱམས་པ་ཞལ་མཇལ་ཏེ། །སངས་རྒྱས་སྐུ་གཟུགས་མཆོད་རྟེན་འབྲེལ་ཆེ་ན། །འདུས་པ་དང་པོའི་སྐབས་སུ་དགྲ་བཅོམ་ཐོབ། །གསུང་རབ་བ…

ཞལ་མཐོང་དགྲ་བཅོམ་ངེས་པར་ཐོབ་པར་བཤད། །སོ་སོར་ཐར་པའི་ཉན་ཐོས་ཉམས་ལེན་ཚུལ། །རཱ་ག་ཨ་སྱས་མགུར་གྱི་ཚུལ་དུ་སྨྲས།། ༈ །།ན་མོ་གུ་རུ་སེང་ཧཱ་ནཱ་ད་ཡ། །གསོན་དང་བླ་མ་བརྩོན་འགྲུས་རྒྱ་མཚོ་ལགས། །འཁོར་བར་སྐྲག་ནས་ཚུལ་ཁྲིམས་གཙང་མར་སྲུངས། །མི་དགེ་བཅུ་སྤངས་དགེ་བ་བཅུ་ལ་སྤྱོད། །ཉམས་སུ་ལེན་ཚུལ་གོང་དང་འདྲ་བ་ལ། །འཁོར་བར་འཁོར་བའ…

སོར་འཛིན་པས་འཁྲུལ། །སེམས་ནི་གདོད་ནས་ངོ་བོ་སྟོང་པ་ཡིན། །སྟོང་ཉིད་དེ་ཡི་ངང་ལ་མཉམ་གཞག་པས། །གང་ཟག་བདག་མེད་རྟོགས་པའི་སྟེང་དེ་ནས། །ཆོས་ཀྱི་བདག་མེད་ཕྱེད་ཙམ་རྟོགས་པ་ཡིན། །འཁོར་བ་འདི་ན་ད་ནི་ལུས་མི་ལེན། །བླ་མ་སློབ་དཔོན་གཞན་ལ་མི་རེ་བར། །རང་མགོ་ཐོན་ནས་རང་ཉིད་སངས་རྒྱ་བའི་། །བསྔོ་བ་སྨོན་ལམ་དེ་ལྟར་བྱས་པ་ཡིས། །བསྐལ…

དུས་གཅིག་འབྱུང་ཞིང་ཕྱོགས་གཅིག་བཞུགས་པ་ལ། །ཚོགས་ན་སྤྱོད་པའི་རང་རྒྱལ་ཞེས་བྱ་བ། །གཅིག་ལས་མེད་ཅིང་གཅིག་པུར་བཞུགས་པ་ལ། །བསེ་རུ་ལྟ་བུ་རང་སངས་རྒྱས་ཞེས་བྱ། །ཐུབ་བསྟན་ནུབ་ནས་བྱམས་པ་མ་བྱུང་བར། །རང་རྒྱལ་བརྒྱད་ཁྲི་འབྱོན་པར་གསུངས་པ་ཡིན། །རང་སངས་རྒྱས་ཀྱི་ཉམས་ལེན་གླུ་ཆུང་འདི། །རཱ་ག་ཨ་སྱས་འཕྲལ་དུ་སྨྲས་པའོ།། ༈ །།ན་མ…

བཅོམ་ཟེར་བ་གང་ཞེ་ན། །དགྲ་ནི་ཉོན་མོངས་དུག་ལྔ་དུག་གསུམ་སྟེ། །གཏན་ནས་བཅོམ་པས་སེམས་ལ་སྐྱེ་མི་སྲིད། །བལྟ་བའི་འདུན་པ་བཏང་ན་མངོན་ཤེས་ཀྱིས། །བསྐལ་པ་བརྒྱ་སྟོང་སྔ་ཕྱིའི་དོན་རྣམས་ཤེས། །།མ་བལྟས་དགྲོང་མི་ཡོད་ཀྱང་མི་རིག་གོ །རྫུ་འཕྲུལ་ཡིད་ལ་གང་བསམ་ཐོགས་པ་མེད། །འདས་ཁ་སྐུ་ལུས་ནམ་མཁའི་དབྱིངས་སུ་འཕག །འབྲུག་སྒྲོག་གློག་…

ཁྲི་ནས། །སངས་རྒྱས་འོད་ཟེར་ཕོག་པས་དྲན་པ་རྙེད། །དེ་ནས་སངས་རྒྱས་སྐུ་བསྟན་གསུང་དབྱངས་ཀྱིས། །ཁྱོད་ཀྱི་འདི་ནི་མཐར་ཐུག་འབྲས་བུ་མིན། །རྫོགས་པའི་བྱང་ཆུབ་ལམ་དུ་ཞུགས་ཤིག་གསུངས། །དེ་ནས་བྱང་ཆུབ་མཆོག་ཏུ་སེམས་བསྐྱེད་ནས། །སླར་ཡང་རྫོགས་པའི་བྱང་ཆུབ་བསྒྲུབ་དགོས་ཏེ། །དེ་ལྟར་བསྐལ་པ་བརྒྱད་ཁྲིར་འགྲོ་དོན་འགག །དེ་ཕྱིར་ཐེག་ཆ…

ཕན་པར་མ་བྱས་ན། །རྫོགས་པའི་བྱང་ཆུབ་ཐོབ་པའི་ཐབས་མེད་པས། །གཞན་ཕན་སྒྲུབ་པ་རང་དོན་མཆོག་ཏུ་གོ །བསྐལ་པ་བྱེ་སྟོང་བསམ་གྱིས་མི་ཁྱབ། །པར། །ལུས་ནི་བསམ་འདས་བརྗོད་མི་གྲངས་བླངས་ཚེ། །རང་དོན་བསྒྲུབས་པས་མ་འགྲུབ་འཁོར་བར་འཁྱམས། །ད་ནས་བཟུང་སྟེ་བསྐལ་པ་གྲངས་མེད་གསུམ། །གཞན་དོན་བསྒྲུབ་ན་སངས་རྒྱས་ཐོབ་པར་གསུངས། །མཐའ་མེད་འཁོར་…

ཕུལ། །ཐུགས་དམ་གཙོ་བོ་ཡན་ལག་བདུན་པས་བྱེད། །ཞེ་སྡང་སྐྱེས་ན་བྱམས་པས་འདུལ་བ་སྟེ། །སེམས་ཅན་ཐམས་ཅད་སྐྱེ་བ་མང་པོའི་མ། །ཁོང་ཚོས་མ་ཤེས་དེ་ལ་དགྲ་བྱེད་ཀྱང་། །བདག་གིས་ཤེས་བཞིན་ལན་བྱེད་ག་ལ་རུང་། །མ་རྒན་སྨྱོ་རྒོད་བུ་ཡིས་མི་བཟོད་ལྟར། །དེ་ལ་སྙིང་རྗེ་བསྐྱེད་ལ་ཅི་ཕན་བསྒྲུབ། །འདོད་ཆགས་སྐྱེས་ན་མི་སྡུག་མ་པས་འདུལ། །རོ་རུ…

ཐུགས་ཀྱི་དཔལ་བེའུ་ལ། །གར་གཏད་སེམས་གནས་ཡུན་རིང་མི་འཕྲོ་ན། །དེ་ནི་ཐུན་མོང་ཞི་གནས་འགྲུབ་པ་སྟེ། །དེ་ཡི་ཕན་ཡོན་དཔག་ཏུ་མེད་པ་ནི། །ད་། ལྟའི་སངས་རྒྱས་མངོན་སུམ་བཞུགས་མདོ་དང་། །ཏིང་འཛིན་རྒྱལ་པོའི་མདོ་ལས་རྒྱ་ཆེར་གསུངས། །མདོར་ན་རང་གི་རིག་པ་གང་གཏད་སར། །ཡུན་རིང་མི་འཕྲོ་ཅི་འདོད་བར་གནས་པ། །རྣམ་རྟོག་ཞི་ནས་གནས་པའི་ཞི…

པས་གང་ཡང་ཀ་བ་མིན། །ཀ་བ་བདེན་པར་མ་གྲུབ་མིང་བཏགས་ཙམ། །དེ་བཞིན་ཕྱི་སྣོད་ནང་བཅུད་དངོས་པོ་ཀུན། །གང་ཡང་བདེན་པར་མ་གྲུབ་སྟོང་པ་ཉིད། །དེ་ནི་ཆོས་ཀྱི་བདག་མེད་སྒོམ་ལུགས་ཏེ། །དེ་དག་པཎྜི་ཏ་ཡི་དཔྱད་སྒོམ་ཟེར། །དེ་ལ་གོ་བའི་ངེས་ཤེས་སྐྱེ་མོད་ཀྱི། །སྟོང་ཉིད་དངོས་ནི་རྟོགས་པར་མི་འགྱུར་ཏེ། །བསྐལ་པ་གྲངས་མེད་གཅིག་ཏུ་ཚོགས་བས…

ཕྱིར། །ཟུར་ཙམ་སྨྲས་ལ་འགལ་བ་མཆིས་སྲིད་ན། །གཞུང་ལུགས་སྨྲ་བ་རྣམས་ཀྱི་དྲུང་དུ་བཤགས། །བན་རྒན་བཅོས་པས་གང་དྲན་སྨྲས་པའི་ཚིག །བརྩོན་འགྲུས་རྒྱ་མཚོས་ཆོས་སུ་བསྒོམས་ནས་བྲིས། །རྟ་ལོ་རྒྱལ་ཟླའི་ཚེས་བཅུའི་དགོང་ཐུན་ནུབ། །རཱ་ག་ཨ་སྱས་བིརྱ་སཱ་ག་ར། །ཞུས་ལན་མགུར་དུ་བྱས་པ་མངྒ་ལཾ། །སྡེབ་སྦྱོར་མ་ལེགས་ཚིག་ཚོགས་མ་མཛེས་ཀྱང་། །མ…

༼ཅ༽ རི་ཆོས་མཚམས་ཀྱི་ཞལ་གདམས་ལས། སྡོམ་པ་གསུམ་གྱི་སྲུང་ཚུལ་མུན་སེལ་ཉི་མའི་དཀྱིལ་འཁོར་ཞེས་བྱ་བ་བཞུགས་སོ། །ན་མོ་གུ་རུ་ཤཱཀྱ་མུ་ནེ་ཡེ། ཀུན་མཁྱེན་ཐུབ་པའི་ཞབས་ལ་ཕྱག་འཚལ་ལོ། །དགེ་སློང་རྡོ་རྗེ་འཛིན་པ་བརྩོན་འགྲུས་ཀྱི། །སྡོམ་གསུམ་དམ་ཚིག་སྲུང་མཚམས་གང་ཡིན་ཟེར། །འདི་ནི་རྒྱ་ཆེ་གྲངས་མང་བརྗོད་མི་ལངས། །དབུས་གཙང་མཁས་པ་…

སོ་ཐར་བྱང་སྡོམ་སྔགས་སྡོམ་རིམ་པར་ཞུ། །དེ་ནས་སྔགས་ཀྱི་སྤྱོད་པ་བྱ་བར་བཤད། །གསང་སྔགས་རྙིང་མར་ཐེག་པ་རིམ་དགུའི་དབང་། །དེས་ཀྱང་སྡོམ་པ་གསུམ་ཀ་རིམ་གྱིས་ཐོབ། །འདི་དག་ཉམས་སུ་ལེན་པའི་ཕྱག་ལེན་ལ། །རྒྱ་གར་དུའང་ཆོས་ལུགས་གསུམ་དུ་ཡོད། །སྡོམ་གསུམ་གནས་འགྱུར་ས་སྐྱ་པ་ཡིས་བཞེད། །གཏོང་གནས་ཐ་དད་བཀའ་བརྒྱུད་པ་ཡིས་བཞེད། །གཅིག་…

གསེར་སྲང་སུམ་བརྒྱ་རྙེད། །དེ་དུས་ཇོ་བོ་རྗེ་དང་དུས་མཉམ་པས། །ཁོང་གིས་ཆགས་ལམ་སྤེལ་ལ་མ་མཉེས་ནས། །ཇོ་བོས་ཁོང་ལ་བཀའ་སྐྱོན་འབར་ཤ་ཆེ། །དེ་དོན་བཀའ་གདམས་གླེགས་བམ་ནང་དུ་གསལ། །ཁོང་གི་ཆོས་ལུགས་དང་པོ་སྐྱབས་སྡོམ་ནས། །དགེ་སློང་བར་དུ་རིམ་པར་ཞུས་བྱས་ཏེ། །རེ་རེ་གཞུང་བཞིན་ལོ་ཤས་ཟླ་ཤས་བསྲུངས། །དེ་ནས་བྱང་ཆུབ་སེམས་བསྐྱེད་ཞ…

སྡོམ་པ་གསུམ་ཀ་རིམ་གྱིས་ཞུས་པའི་ཚེ། །གནས་འགྱུར་སྔགས་སྡོམ་ཉིད་དུ་འགྱུར་ན་ཡང་། །ངོ་བོ་གཅིག་ཕྱིར་གསུམ་ཀ་བསྲུང་དགོས་པ། །དེང་སང་ས་ལུགས་རྣམས་ཀྱིས་བཞེད་པ་སྟེ། །རྒྱབ་རེས་ཤདྨ་ཀ་ར་བོད་དུ་ཕེབས། །འབྲོག་མི་ལོ་ཙཱས་བླ་མར་བསྟེན་པའི་དུས། །ལམ་འབྲས་ལ་སོགས་ཟབ་ཆོས་མང་བ་དང་། །བདེ་མཆོག་རྭ་ལི་ཉེར་བཞིའི་རྒྱུད་རྣམས་གསུངས། །དེ…

པ་གསུམ་ཀ་ཐོབ་པར་རློམས་ནས་ཀྱང་། །འདུལ་ཁྲིམས་སྡོམ་པ་གཞན་ནི་མི་ཞུ་བར། །ཆོས་གོས་སྣམ་སྦྱར་གྱོན་ནས་སྲུང་སྡོམ་གཟབ། །དེ་ནི་ཨོ་རྒྱན་ཆེན་། པོའི་ལུང་བསྟན་ལས། །སྡོམ་པ་དབང་གིས་ཐོབ་པར་བརྩི་བ་ནི། །འདུལ་བའི་བསྟན་པ་ཉམས་པའི་རྟགས་སུ་གསུངས། །འདི་ལ་ཉེས་འགལ་ཆེན་པོ་མ་མཆིས་ཏེ། །འདུལ་ཁྲིམས་མ་ཞུས་འདུལ་ཁྲིམས་སྲུང་བ་དེས། །ཕན་ཡ…

དངོས་ཙོང་ཁ་པ་ཡིས་བཞེད། །དེ་ཕྱིར་དགེ་ལུགས་འདུལ་ཁྲིམས་བཙུན་པོ་བྱུང་། །པཎ་ཆེན་ཤཱཀ་ཤི་སློབ་མ་པཎ་ཆུང་ནི། །བི་བྷུ་ཏི་ཙན་ཞེས་བྱ་བ་ཡིས། །མཛད་པའི་སྡོམ་གསུམ་འོད་འཕྲོ་རྒྱ་གཞུང་དོན། །སོ་ཐར་སྐར་མ་བྱང་སྡོམ་ཟླ་བ་དང་། །སྔགས་སྡོམ་ཉི་མ་དག་དང་མཚུངས་པ་སྟེ། །གང་ཟག་གཅིག་གི་རྒྱུད་ལ་སོ་སོར་ཡོད། །གཅིག་དེ་ཤོར་ཡང་གཞན་ཀུན་མི་ཤ…

པ་མིན་པས་ཉམས་སུ་མི་ལོན་པའི། །གསང་སྔགས་ཉམས་ལེན་དམ་ཚིག་སྲུང་ཟེར་བ། །དེ་དག་རྫུན་དུ་ཆེ་གསུངས་བཞད་གད་མཛད། །ཁྱིམ་པ་རྡོ་རྗེ་འཛིན་པ་ཞེས་བྱ་བ། །སྐྱབས་སྡོམ་དང་ནི་བསྙེན་གནས་སྡོམ་པ་དང་། །སྣ་འགའ་སྲུང་བའི་དགེ་བསྙེན་ཞེས་བྱ་བ། །མི་ཚངས་སྤྱོད་པ་མ་གཏོགས་གསུམ་པོ་སྲུང་། །དེ་མིན་བྱང་སྡོམ་སྔགས་སྡོམ་གཞུང་བཞིན་སྲུང་། །སྲས་ད…