ཡན་ཆད༔ བདག་མདུན་བུམ་པའི་དཀྱིལ་འཁོར་གྱི་ལྷ་ཚོགས་རྒྱ་མཚོའི་ཚོགས་རྣམས་ལ༔ ཆེ་ཆུང་ཕམ་རྒྱལ་མེད་པར་མཉམ་ཉིད་ཆེན་པོར་བདུད་རྩི་འབུལ་ལགས་ན༔ དེ་བཞེས་ནས་དངོས་གྲུབ་མ་སྩལ་ནི་ལྷ་རང་རང་སོ་སོའི་དམ་ཚིག་ཉམས་པར་གྱུར་ནའང་༔ དེ་མི་བཞེས་པར་མ་མཛད་ལ༔ ཐུགས་རྗེ་ཆེན་པོའི་བདག་ལ་ཕན་པའི་ཕྱིར༔ ཐུགས་བརྩེ་བས་དགོངས་ཏེ་བཞེས་སུ་གསོལ༔ བཞེ…

མེད་པར་གྱུར་ནས༔ ལྷ་སོ་སོའི་ཞལ་དུ་བདུད་རྩི་དྲངས་པར་བྷེ་ཞིང་དབྱངས་དང་བཅས་པས༔ ཆོས་སྐུ་སྣང་བ་མཐའ་ཡས་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ལོངས་སྐུ་ཐུགས་རྗེ་ཆེན་པོའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ སྤྲུལ་སྐུ་པདྨ་འབྱུང་གནས་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ མཁའ་འགྲོ་ཡེ་ཤེས་མཚོ་རྒྱལ་ཞལ་དུ་སརྦ་པཉྩ་ཨ་མྲྀ་…

ཨཱཿཧཱུྃ༔ ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ༔ གཞན་ཡང་འགྲོ་བ་རིགས་དྲུག་སེམས་ཅན་ཐམས་ཅད་ཡི་དམ་ལྷར་གསལ་བའི་ཞལ་དུ་ཨོཾ་ཨཱཿཧཱུྃ༔ དེ་ལྟར་མཆོད་པས་ལྷ་ཐམས་ཅད་ཀྱི་མཆོག་ཐུན་མོང་གི་དངོས་གྲུབ་ཆར་ལྟར་བབས་ནས་བདུད་རྩི་ལ་ཐིམ་པས༔ ཨོཾ་དཀར་དམར་ཧཱུྃ་མཐིང་གའི་རྣམ་པར་འདུག་པ་རང་གི་གནས་གསུམ་དུ་ཐིམ་པར་…

ལྟར་འདོད་ཡོན་ལྔ་ཚང་ཞིང་༔ མཆོད་པའི་ལྷ་མོའི་ཚོགས་རྒྱན་གྱིས་སྤྲས་ཤིང་༔ ལག་ན་བྷནྡྷའི་སྐྱོགས་ཐོགས་ནས་ཡེ་ཤེས་ཀྱི་བདུད་རྩི་རྒྱུ་མཚོ་དེ་ལས་བཅུས་ནས༔ མཆོད་པའི་ལྷ་མོ་སྤྲིན་ལྟར་འཐིབས་པ་འདི་རྣམས་ཀྱིས༔ བྱིན་རླབས་ཀྱི་རྩ་བ་བླ་མ༔ དངོས་གྲུབ་ཀྱི་རྩ་བ་ཡི་དམ༔ ཕྲིན་ལས་ཀྱི་རྩ་བ་མཁའ་འགྲོ་ཆོས་སྐྱོང་གསུམ་གྱི་ལྷ་ཚོགས་རྣམས་ལ་འ…

བྱའོ༔ སྨན་རཀ་གཏོར་གསུམ་ནི་ནང་མཆོད་ཡིན་ལ༔ སྦྱོར་མཆོད་སྒྲོལ་མཆོད་གཉིས་ནི་གསང་མཆོད་ཡིན་ཀྱང་༔ གཞུང་ཡོད་ཚུགས་ལས་གོ་རིམ་བསྒྲིག་མི་ཕོད་དེ་བཅོས་སླད་དུ་འགྱུར་བའི་ཕྱིར་རོ༔ ཧཱུྃ་ཞེས་གདུག་པ་ཅན་འདུལ་བའི་སྔགས་བརྗོད་ནས༔ རང་ངོ་རང་གིས་མ་རིག་སྟེ༔ ལོག་པར་རྟོག་པའི་འཁྲུལ་བའི་དབང་གིས༔ བསྒྲལ་བའི་ཞིང་བཅུ་ཚང་བ་བསྟན་པའི་སྤྱི…

དོན་རྟོགས་པའི་ཤེས་རབ་ཀྱི་རལ་གྲི༔ གཟུང་བའི་ཡུལ་དང་འཛིན་པའི་སེམས་སྟོང་པ་ཉིད་དུ་རྟོགས་པས་བདག་བསྒྲལ་དེ་ལྟར་མ་རྟོགས་པའི་སེམས་ཅན་ལ༔ སྙིང་རྗེ་དྲག་པོས་གདུག་པའི་སེམས་དང་ལྡན་པའི་གཟུགས་ཅན་གྱི་དགྲ་བསྟན་པ་ལ་གནོད་པ༔ གཟུགས་མེད་ཀྱི་བགེགས་བྱང་ཆུབ་སྒྲུབ་པ་ལ་བར་ཆད་བྱེད་པ་རྣམས་བསྒྲལ་ན་རྒྱལ་བའི་ཚོགས་རྣམས་ཐམས་ཅད་དེ་ལ་དགྱ…

ཕྲི་མི་རུང་བའི་ཕྱག་དམ་བཀའ་རྟགས་མཁའ་འགྲོའི་ཡི་གེའོ༔ དེ་ནས་བསྟོད་པ་རྒྱས་པ་རྣམ་རྒྱལ་འབར་མ༔ བསྡུས་པ་འདི༔ བསྐུལ་ནི་རྣམ་རྒྱལ་འབར་མའི་མཇུག་གི་ལེའུ་དང་༔ སྤུ་གྲིའི་བསྐུལ་པ་དང་གསུམ་ལས༔ དང་པོ་གཙོ་བོ་ལ་དོན་རྟགས་དྭང་མཐུན་པར་བསྟོད་པ་ནི་༔ ཧཱུྃ་ནི་མཆོག་བསྐལ་པ་འཇིག་དུས་ཀྱི་མེ་ལྟར༔ ཡེ་ཤེས་ཀྱི་མེ་དཔུང་འབར་བའི་ཀློང་དཀྱ…

བཞུགས་ཤིང་༔ འཁོར་རིགས་ལྔའི་སངས་རྒྱས་བྱང་སེམས་སྤྲིན་ལྟར་གཏིབས་པ༔ ཞལ་གསུམ་གདུངས་ཤིང་ལྗགས་འདྲིལ་བ༔ རྣོ་དབལ་དང་ལྡན་པའི་མཆེ་བ་ཟླ་བ་ཚེས་པ་ལྟར་བཅུ་གཉིས་གཙིགས་པ༔ ཕྱག་གཡས་དང་པོས་གནམ་ལྕགས་ཀྱི་རྡོ་རྗེ་རྩེ་དགུ་པ་ལྷ་ཚངས་པའི་གྲུ་གང་བ༔ སངས་རྒྱས་ཐམས་ཅད་ཀྱི་ཕ་རོལ་ཏུ་ཕྱིན་པ་དྲུག་སྤྱད་པའི་བདེན་མཐུ་ལས་གྲུབ་པ༔ དེ་ཚད་པ་ཙ…

སྙིང་ཁྲག་འཐུང་བར་བྱེད་པ༔ ཕྱག་གཡོན་བར་པས་བྷནྡྷ་འབར་བས་ཡངས་ཤིང་རྒྱ་ཆེ་བར་ཁམས་གསུམ་གྱི་སེམས་ཅན་རྣམས་ཀྱི་ཉོན་མོངས་པ་དུག་ལྔ་དུག་གསུམ་ཐམས་ཅད་ཁྲག་ཏུ་བྱིན་གྱིས་བརླབས་ཏེ་རོལ་པས་འཁོར་བའི་རྒྱ་མཚོ་སྐེམ་པར་མཛད་པ༔ ཕྱག་གཡོན་དང་པོས་ཁཊཾ་རྩེ་གསུམ་པ་འཛིན་པས་ཉོན་མོངས་པ་དུག་གསུམ་མ་སྤངས་གནས་སུ་དག་ནས་སྐུ་གསུམ་གྱི་དབྱིངས་ས…

བཞེད་ཀྱང་༔ དེང་སང་ཀུན་གྱི་ཡོངས་གྲགས་ལ་གཡོན་བརྐྱང་གཡས་བསྐུམ་གྱད་ཀྱི་འདོར་ཐབས་ཀྱིས་ནི་གྱད་སྟོབས་པོ་ཆེ་རྣམས་ཀྱི་ཤེད་བགྲད་དུས་ཀྱི་རྐང་སྟབས་ལྟར་བགྲད་པ༔ སྐུའི་བ་སྤུའི་རྩེ་མོ་ཐམས་ཅད་ལ་གནམ་ལྕགས་རྡོ་རྗེའི་རང་བཞིན༔ མེའི་ཚྭ་ཚྭ་མགར་གྱི་སོལ་མེ་ནས་བྱུང་བའི་ལྕགས་སྲེག་གི་ཚྭ་ཚྭ་ལྟར་སིལ་སྒྲ་དང་བཅས་ཏེ་འཕྲོ་བ༔ སྐུ་ལས་ས…

ཡོན་ཏན་ནི་རྡོ་རྗེའི་ལྗགས་ཀྱིས་ཀྱང་བརྗོད་པར་མི་ནུས་ན༔ བདག་ལྟ་བུས་བརྗོད་པར་ག་ལ་ནུས་ཏེ༔ འོན་ཀྱང་སྐུའི་ཆ་ལུགས་ལ་ཟུར་ཙམ་བསྟོད་པ་ནི༔ བདག་དང་སེམས་ཅན་ཐམས་ཅད་ཀྱི་སྐུ་རྡོ་རྗེའི་གོ་འཕང་ཐོབ་པའི་ཕྱིར་དུ་ཕྱག་འཚལ་བསྟོད་དོ༔ ཡུམ་ཁྲོས་མ་ནག་མོའི་ཐུགས་སྲོག་ཧཱུྃ་ཞེས་བོས་ནས་ཐབས་ཀྱི་རང་བཞིན་ཡབ་ཀྱི་སྐུ་མཆོག་དེ་ལ་དགྱེས་པར་ས…

ཐུགས་གསང་བ་བསམ་གྱིས་མི་ཁྱབ་པའི་བདག་མོ་ཆོས་སྐུ་ཡུམ་ཆེན་མོ་དེ་ལ་ཕྱག་འཚལ་བསྟོད་དོ༔ ཧཱུྃ་ཞེས་མཆོག་གི་ས་བོན་ནས་བོས་ཏེ༔ པདྨའི་རིགས་ཀྱི་བདག་པོ་སངས་རྒྱས་བཅོམ་ལྡན་འདས་སྣང་བ་མཐའ་ཡས་ནི༔ ཐུགས་རྗེས་འགྲོ་ལ་ཆགས་པས་སྐུ་མདོག་དམར་གསལ༔ སྐྱོན་ཐམས་ཅད་དང་བྲལ་བས་དྲི་མ་མེད་པ་དཔེར་ན་རིན་པོ་ཆེ་པདྨ་རཱ་གའི་མདོག་ལྟ་བུ༔ ཆོས་སྐུ་…

དཔལ་གཤིན་རྗེའི་གཤེད་ཀྱི་ཐུགས་སྲོག་ནས་བོས་ཏེ༔ དུས་གསུམ་སངས་རྒྱས་ཐམས་ཅད་ཀྱི་སྐུའི་སྤྲུལ་པ་འཇམ་དཔལ་གཞོན་ནུར་གྱུར་པ་དེ་ཉིད༔ འཆི་བདག་གཤིན་རྗེ་འདུལ་བའི་ཕྱིར་ཁྲོ་བོར་བཞེངས་པ་གཤིན་རྗེའི་གཤེད་ཞལ་གཅིག་ཕྱག་གཉིས་སྐུ་མདོག་སེར་ལ་ཅུང་ཟད་ནཱག་པའི་མདངས་ཅན་འོད་འབར་བའི་སྐུ༔ ཕྱག་གཡས་པས་ཤེས་རབ་ཀྱི་རལ་གྲི་ནམ་མཁའ་ལ་ཕྱར་བས་…

མགྲིན་གྱི་ཐུགས་སྲོག་ཧཱུྃ་ཞེས་བོས་ནས་སངས་རྒྱས་ཐམས་ཅད་ཀྱི་གསུང་གི་སྤྲུལ་པ་པདྨ་དབང་ཆེན་རྩྭ་མགྲིན་ནི༔ སྐུ་མདོག་དམར་པོ་ཞལ་གཅིག་ཕྱག་གཉིས་ཡེ་ཤེས་ཀྱི་མེ་དཔུང་དམར་ནག་འབར་བའི་ཀློང་ན་བཞུགས་པ༔ དབུ་གཙུག་ན་རྟ་མགོ་ལྗང་ཞུར་རྟ་སྐད་ནམ་མཁའི་དབྱིངས་སུ་འཚེར་བས་ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པ༔ ཞལ་ནས་ཧཱ…

བསམ་གྱིས་མི་ཁྱབ་པའི་བདག་པོ༔ གཏུམ་པོ་ཆེན་པོ་དང་གཏུམ་ཆུང་དང་གོས་སྔོན་ཅན་དང་འཁོར་ཆེན་དང་འབྱུང་འདུལ་དང་ལྕགས་སྨྱུག་ཅན་དང་འགྲོ་བཟང་དང་༔ བཛྲ་ཧེ་རུ་ཀ་ལ་སོགས་པ་དོན་གཅིག་མཚན་གྱི་རྣམ་གྲངས་ནི༔ སྐུ་མདོག་མཐིང་ནག་འབར་བ་ཁྲོ་བོ་ཞལ་གཅིག་པ་ཕྱག་གཉིས་པ་གར་དགུའི་ཉམས་དང་ལྡན་ཞིང་གོས་སྔོན་པོའི་སྟོད་གཡོགས་དང་༔ ཁྲོ་བོའི་རྒྱན་…

ཎ་སྙིང་རྗེར་འཇུག་པས་མ་དག་ཟེར་ཀྱང་འདི་ནི་ཀ་རུ་ཎ་དག་སྟེ༔ བྱ་ཁྱུང་ཞེས་པ་བོད་སྐད་སྔོན་དུ་སོང་ནས༔ སེམས་ཅན་གདུག་པ་ཅན་གྱི་ཀླུ་དང་དེའི་ནད་ཀྱིས་ཉེན་པའི་སེམས་ཅན་སྙིང་རྗེ་ཆེན་པོས་ཁྱུང་གི་སྐུར་སྤྲུལ་པ་ཡིན་པའི་ཕྱིར༔ བྱ་ཁྱུང་གི་ངོ་བོ་སྙིང་རྗེ་ཡིན་པའོ༔ ཁྱུང་རིགས་ལྔ་འདི་སྐུའི་བྱ་ཁྱུང་སྐུ་མདོག་དཀར་པོ་གནམ་ལྕགས་ཏེ་ཐོག…

ལྔ་ནང་ལྟར་ན་ཁམས་ལྔ་གསང་བ་ལྟར་ན་ཡེ་ཤེས་ལྔ༔ དེ་ཉིད་གཟུགས་ཀྱི་སྐུར་བཞེངས་པ་མཁའ་འགྲོ་སྡེ་ལྟའི་ཚོགས༔ རང་རྟགས་མཐིང་དཀར་སེར་དམར་ལྗང་བའི་སྐུ་མདོག་ཕྱག་མཚན་རྡོ་རྗེ་འཁོར་ལོ་རིན་ཆེན་པདྨ་རྒྱ་གྲམ་གྱིས་མཚན་པའི་གྲི་ཐོད་འཛིན་ཅིང་༔ ཞབས་གཡོན་བརྐྱང་གཡས་བསྐུམ་དཔའ་མོའི་གར་སྟབས་ཀྱིས་ཡབ་དཔའ་བོ་ཁཊཾ་དུ་བསྒྱུར་ནས་མཆན་ཁུང་དུ་བ…

རབ་ཏུ་འཇིགས་པ་གནོད་སྦྱིན་ཁྲོས་པའི་ཚུལ༔ ཡན་ལག་རིགས་ཤིང་ལྟོ་བ་འཕྱང་བ༔ མིག་དམར་ཞིང་མཆེ་བ་སྤུ་གྲི་ལྟར་རྣོ་བའི་བར་ནས་མེའི་ཁ་རླངས་འཕྲོ་བ༔ ཕྱག་གཡས་གནཱམ་ལྕགས་ཀྱི་རྡོ་རྗེ་ཁ་གདེངས་བ་ནཱམ་མཁའ་ལ་གསོར་ཞིང་༔ གཡོན་པས་ཐོ་བས་གནོད་བྱེད་རྒྱལ་གསེན་གྱི་ཀླད་པ་བཅོམ་པར་བྱེད་པ༔ སྐུ་ལས་ཁྲོ་ཆུང་གི་ཚྭ་ཚྭ་དང་མེའི་ཕུང་པོ་འབར་བས་ག…

མཛད་པས༔ དགྲ་དང་བགེགས་ཀྱི་གཉན་པོར་ཆེར་བསྔགས་པ༔ གང་ལ་གང་འདུལ་གྱི་ཕྲིན་ལས་རབ་འབྱམས་མཛད་པ་ལ་ཕྱག་འཚལ་བསྟོད་དོ༔ ཧཱུྃ་ཞེས་ཐུགས་སྲོག་ནས་བོས་ཏེ༔ ཕྱོགས་སྐྱོང་བཅུའི་གདོན་འདུལ་བའི་ཕྱིར༔ སངས་རྒྱས་ཐམས་ཅད་ཀྱི་ཕ་རོལ་ཏུ་ཕྱིན་པ་བཅུ་ལས་རང་བྱུང་དུ་སྤྲུལ་པའི་ཁྲོ་བོའི་རྒྱལ་པོ་ཆེན་པོ་བཅུ༔ སྟེང་ཚངས་པ་དང་འོག་ས་བདག་གཉིས་ཤར་ན…

བར་མཛད་པ༔ སངས་རྒྱས་ཐམས་ཅད་ཀྱི་སྙིང་རྗེ་བྱམས་པ་དགའ་བ་བཏང་སྙོམས་བཞིའི་ངོ་བོ༔ ལྕགས་ཀྱུ་ཞགས་པ་དང་ལྕགས་སྒྲོག་དྲིལ་བུ་འཛིན་པའི་སྒོ་སྲུང་བཞི་ལ་སོགས་པ་དཀྱིལ་འཁོར་ཡོངས་སུ་རྫོགས་པའི་ལྷ༔ འགྲོ་བ་གང་ལ་གང་འདུལ་དུ་ཞི་བས་འདུལ་བ་ལ་ཞི་བ་དང་༔ ཁྲོ་བོས་འདུལ་བ་ལ་ཁྲོ་བོ་དང་༔ ཞི་མ་ཁྲོ་དང་རོལ་པའི་གཱར་སྣ་ཚོགས་སུ་སྤྲུལ་པ༔ དེ་…