ལ་གིང་ཀ་ར་ཏེ་ཤང་ཀུ་རུ་རྒྱུག་རྒྱུག་བྲིང་བྲིང་། མ་ཧཱ་ཀཱ་ལ་ཡ་བྷྱོ་བྷྱོ། ཞེས་སོགས་སྔགས་དང་བཅས་པ་གསུངས་པ་དང་། མགོན་པོ་ར་ཐོད་མ་རྒྱས་འབྲིང་བསྡུས་གསུམ་ཐམས་ཅད་ཀྱང་གཙོ་བོ་མགོན་པོའི་རྣོ་མདེལ་ལ་སྐྱེས་བུ་ཆེན་པོ་འདི་བཏགས་པའི་གདམས་པ་ཡིན་པར་གསལ་ལོ། །དེ་བཞིན་དུ་ནག་པོ་ཆེན་པོ་སྐུ་གསུང་ཐུགས་ཁྲོས་པའི་རྒྱུད་ཉང་གི་གཏེར་མ་…

ཧཱུྃ༔ སྲོག་བདུད་ནག་པོ་མ་རུངས་པ། །སྐུ་མདོག་དུད་ཁོའབར་བ་སྟེ། །ཞལ་གཅིག་སྤྱན་གསུམ་ཞལ་བསྒྲད་ནས། །མཆེ་གཙིགས་མི་བསྲུན་ང་རོ་ཅན། །ར་སྐྱེས་ཁམ་པའི་སྟེང་ན་བཞེངས། །ཕག་རྒོད་ལྤགས་པས་ཤམ་ཐབས་ཅན། །དྲེད་མོའི་གཡང་གཞི་སླག་པ་གྱོན། །རླུང་ལྷའི་ཕྱོགས་ཀྱི་ཕོ་ཉ་ཁྱོད། །གྲི་གུག་ཐོད་པ་དགྲ་སྙིང་ཕྱུངས། །ཐོད་པས་སྙིང་ཁྲག་ཆོས་ལ་འཐུང་…

བ་དག་ནི་ཁྱོད་ཀྱི་དགྲ་ཡིན་ཀྱང་། །མ་བསྐྱོད་བརྟེན་པར་གྱུར་པ་མཐོལ་ལོ་བཤགས། །ཞེས་འདི་ཡང་རྒྱུད་གཞུང་ཚད་ལྡན་ཡིན་ནམ། མེ་ལྕེ་འབར་བའི་རྒྱུད་ལ་ནི་མི་སྣང་ངོ། །དེ་ལྟར་ཁྲག་མཚོ་ཁོལ་ཆེན་དང་གཞན་ཡང་གསར་རྙིང་གི་རྒྱུད་སྡེ་དུ་མ་ནས་སྐྱེས་བུ་ཆེན་པོའི་སྒྲུབ་ཐབས་མཆོད་བསྟོད་སོགས་གསུངས་ཤིང་། རྒྱུད་དེ་དག་ཕལ་ཆེར་ནི་སྤྲུལ་སྐུ་ཤཱ…

རྗེ་བྱེ་བ་ཕྲག་བརྒྱའི་བཀའ་སྡོད་བྱེད་བཞིན་ལས་མ་གཡོས་པར། ཡང་སྤྲུལ་འཇིག་རྟེན་གྱི་སྐྱེས་བུ་རྡོ་རྗེ་ལེགས་པ་བྱེ་བ་ཕྲག་བརྒྱར་སྤྲུལ་ལོ། །དེ་རེ་རེ་ལ་ཡང་སུམ་སྤྲུལ་སྤྲུལ་པ་མཆེད་ཟླའི་ཚུལ་སུམ་བརྒྱ་དྲུག་ཅུ་རེ་རེར་སྤྲུལ་ལོ། །དེ་ལྟར་གཙོ་བོ་དང་འཁོར་སུམ་བརྒྱ་དྲུག་ཅུ་པོ་རྣམས་རེས་འགའ་ལྷ་འདྲེའི་ཚུལ་དང་། རེས་འགའ་མིའི་སྐྱེ…

གཉིས་ཚིག་མཐུན་པར། སྔོན་ཚེ་ཐོག་མར་རང་གི་བག་ཆགས་སམ། །སྨོན་ལམ་དམ་བཅའ་ཉིད་ཀྱི་མོས་པ་ཡི། །རྒྱ་བོད་མདོ་གཙང་བགྲོད་པའི་སྣ་འདྲེན་པ། །ཚོང་དཔོན་ཆེན་པོའི་སྐུ་ལ་མཆོད་འབུལ་བསྟོད། །ཅེས་དང་། རྗེ་རང་བྱུང་པས་མཛད་པའི་གསོལ་ཁ་ནས། བརྒྱ་ནི་རྒྱ་གར་ཡུལ་དུ་བཞུགས། །རྒྱ་གར་ཆོས་ཀྱི་རྒྱལ་ས་མཛད། །བརྒྱ་ནི་རྒྱ་ནག་ཡུལ་དུ་བཞུགས། །རྒྱ…

ན། མཆེད་ཟླ་བཙན་གྱི་གིང་ཆེན་ཡམས་ཤུད་དམར་པོར་སྤྲུལ་པ། ཀླུ་སེ་ཧུའི་བུ། རྒྱ་ནག་གི་རྟ་རྫི་དེས་རྒྱལ་པོ་འཕྲོག་སྟེ། མེ་ཉག་འགའི་རྒྱལ་པོ་ཞེས་རྒྱ་མེ་ཉག་གཉིས་ཀ་ལ་དབང་བསྒྱུར་བ་དང་། མཆེད་ཟླ་ལྷའི་གིང་ཆེན་ཚངས་པ་དཀར་པོ་ཞེས་ཀྱང་བྱ། གནམ་ཐེལ་དཀར་པོ་ཞེས་ཀྱང་བྱ་བ་ཧོར་གྱི་བུར་སྤྲུལ་ནས། རྒྱ་ནག་གི་རྒྱལ་ས་འཕྲོག་སྟེ། རྒྱ་བོད་…

མདོས་ཆ་དེ་ད་ལྟ་བྱུང་ཡང་པ་ཅན་དུ་ཡོད་སྐད། མདོར་ན་གློ་བུར་གྱི་རྒྱལ་པོ་སྟོབས་དང་ལྡན་པ་ཕལ་ཆེར་སྐྱེས་བུ་ཆེན་པོའི་མཆེད་ཟླ་རེ་མིར་སྐྱེ་བ་བླངས་པ་ཡིན་ལ། །འཁོར་དང་ཡང་འཁོར་རྣམས་ཀྱང་མིར་སྐྱེས་སྐབས་བརྡུང་བའི་གྲི་དང་གོ་ཁྲབ་ཐེལ་རང་མགར་བས་བརྡུང་ཟེར་བ་ཡིན་ནོ། །དེ་ལ་གཙོ་བོ་སྐྱེས་བུ་ཆེན་པོ་འདི་ཉིད་རིགས་གསུམ་གྱི་སྐྱེ་རྒ…

བྱ་བ་དང་། ཕྱི་མོ་པའི་མེར་མེར་བདག་ཅེས་བྱ་བའི་བུ། བདུད་གདུག་པ་ཅན་རི་མ་ལ་ཡ་ལ་གནས་བཅས་པ་ཞིག་དང་། མ་ལ་ཡའི་བྲག་སྲིན་མོ་གཉིས་ཀྱི་སྲས་ཡིན་པས། སེམས་ཅན་ལ་གནོད་འཚེ་བྱེད་ཅིང་གླིང་བཞི་ཁྱབ་པར་རྒྱུག་ཙམ་ན། བལ་ཡུལ་ཨ་སུ་རའི་བྲག་ཕུག་ཏུ་བཅོམ་ལྡན་འདས་ཕྱག་ན་རྡོ་རྗེ་དང་མཇལ་ཏེ་དམ་ལ་བཏགས་ནས་གསང་སྔགས་ཀྱི་སྲུང་མར་བསྐོས་ཏེ། འད…

བཞག་སྟེ་ཐར་པ་ཐོབ་པའི་ལུང་བསྟན་ཅིང་གསང་བའི་མིང་བཏགས་ནས་མ་འོངས་པའི་རྣལ་འབྱོར་པས་སྒྲུབ་པའི་གྲོགས་བྱ་བར་ཁས་བླངས་པ་ཡིན་པས། བདག་གི་ཕྲིན་ལས་མྱུར་དུ་སྒྲུབས་ཤིག །གལ་ཏེ་ཁྱེད་ཀྱིས་དམ་ཚིག་ལས་འདས་པར་གྱུར་ན། སྙིང་གི་དཀྱིལ་དུ་སྡིག་པ་ནས་ཙམ་ཞིག་ཞུགས་ནས། སྙིང་ཁྲག་འཇིབས་ཏེ། ཚེ་འདིར་བརླག་ཅིང་ཕྱི་མ་རྡོ་རྗེའི་དམྱལ་བར་འགྱ…

མཁས་པར་གནས་པ་ལས། རྒྱལ་པོའི་ཆད་པ་བྱུང་ནས་སྙིང་བཏོན་ནས་བསད་དོ། །དེའི་སྐྱེ་བ་ཕྱི་མ་ལ་ཨ་ཙ་ར་ནག་པོ་ཅིག་ཏུ་སྐྱེས་ཏེ། དེ་ཡང་སྔོན་སྐྱེས་པའི་ཕ་ཝཾ་ལོང་བུའི་གནས་ན། ཕ་སྲིན་པོ་སྤེལ་གདོང་དང་། མ་བདུད་མོ་ཁྲག་གདོང་མའི་བུ་ཡིན་པས། ཁོ་རང་བདུད་དང་སྲིན་པོ་གཉིས་ཀ་ཡིན་པས་ཏེ། དཔེར་ན། ལས་ཀྱི་མགོན་པོ་ཐམས་ཅད་བདུད་དང་སྲིན་པོ་གཉ…

ཀྱང་བྱ། གངས་དཀར་ཉི་མ་འཕྲུལ་ཡང་ཟེར། བདུད་ཟ་སྨིན་དཀར་མ་ཞེས་ཀྱང་བྱ་སྟེ། འཁོར་བུད་མེད་ཁྲག་གི་རྒྱུ་མ་དང་ནད་ཀྱི་རྐྱལ་པ་རྡེག་པ་འབུམ་ཕྲག་དང་བཅས་པའོ། །དེ་ལ་སྐྱེས་བུ་ཆེན་པོ་འདི་དང་པོ་གཤིན་རྗེ་ཆོས་རྒྱལ་གྱི་སྲས་སུ་འཁྲུངས་པ་དེ་ཚེ་འཕོས་ནས་ཡབ་མོན་པ་ནག་པོ་དང་། ཡུམ་མོན་མོ་ནག་མོ་དེ་གཉིས་ཀྱི་སྲས་སུ་འཁྲུངས་སོ། །དེ་ཡང་ར…

པོ་སྒྲོག་པ། དེ་ལྟ་བུའི་དུར་ཁྲོད་ཆེན་པོའི་དབུས་ན།། སྣ་སྲིད་ཀྱི་ལྷ་འདྲེ་ཐམས་ཅད་ཀྱི་བླ་རྡོ། རྡོ་ཕ་བོང་ལོང་བུ་ལས་གྲུབ་པའི་སྐུ་མཁར་འོད་རྣམ་པ་ལྔའི་འཇའ་ཚོན་གྱིས་བསྐོར་བ་གཅིག་ཡོད། ནང་ནི་རིན་པོ་ཆེ་སྣ་ཚོགས་པ་ལས་གྲུབ་པའི་གཞལ་ཡས་ཁང་། ལོངས་སྤྱོད་དཔག་ཏུ་མེད་པ་དང་བཅས་པར་སྣང་ངོ། །དེ་ལྟ་བུའི་གནས་ནས་ཡབ་འོལ་རྒོད་སྟོང་…

འཐུང་བ། དེ་ལ་འཁོར་དུར་ཁྲོད་ཀྱི་བདུད་ནག་པོ་སྤུན་གསུམ་ཞེས་བྱ་བས་བསྐོར་ནས། སྐྱེ་འགྲོ་ཀུན་གྱི་བདུད་དུ་བྱུང་ངོ། །གཞན་ཡང་འདབ་ཆགས། གཅན་གཟན་དཔག་ཏུ་མེད་པས་དུར་ཁྲོད་ཀྱི་རོ་གསར་རྙིང་ལ་ལོངས་སྤྱོད་ཅིང་། ཁྱད་པར་ཤ་ཟ་གདུག་པ་ཅན་སེང་གེ་དང་སྟག་དང་སྤྱང་ཀི་གསུམ་གྱིས་སྐྱེ་འགྲོའི་བླ་སྲོག་འཕྲོག་པར་བྱེད་ཅིང་གནས་པའོ། །དེའི་ཚ…

དྭགས་རྫུ་འཕྲུལ་ནུས་མཐུ་ཅན། །ཁམས་གསུམ་སེམས་ཅན་བདུད་དུ་བྱུང་། །ཐམས་ཅད་མཁྱེན་པས་འདུལ་བར་ཞུ། །ཞེས་གསོལ་པ་དང་། བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་ཐུལ་ཅིག་བཀའ་བསྒོས་པ་དང་། ཕྱག་ན་རྡོ་རྗེ་ཐུགས་རབ་ཏུ་ཁྲོས་པའི་ཚུལ་གྱིས་ཚེ་སྲོག་འགུགས་པའི་སྔགས་ཀྱིས་ཁོ་རང་རྒྱུད་པ་བཀུག །ཕྱིར་མི་ལྡོག་པའི་སྔགས་ཀྱིས་འབྲོས་ལམ་བཅད་། གཟ…

བྲམ་ཟེའི་དྲང་སྲོང་པྲ་སེ་ནས་ཞུས་པའི་ངོར། བཅོམ་ལྡན་འདས་ཕྱག་ན་རྡོ་རྗེས་དམ་ཅན་མགར་ནག་གི་རྒྱུད་ལེའུ་བཅུ་པ་གསུངས་སོ། །དགྲ་བླ་སྟག་སྤྱང་རོལ་པ་ཞེས་ཀྱང་བྱ། དགྲ་བླ་སྟག་སྤྱང་ཁ་སྤྲོད་ལེའུ་དགུ་པ་ནི། གཞན་གྱིས་མ་ཞུས་པས་ཕྱག་ན་རྡོ་རྗེ་ཉིད་ཀྱིས་གསུངས་ཏེ། ལྷ་དབང་ཕྱུག་ཆེན་པོ་དང་མ་མོ་ཨེ་ཀ་ཙ་ཏི་ལ་གཏད་དོ། །རྒྱུད་དེ་གཉིས་ནི…

དམ་ཅན་གྱི་རྒྱུད་ཅིག་བཞུགས། དྲེགས་པ་བཅོ་བརྒྱད་ཀྱི་རྒྱུད་བཅོ་བརྒྱད་གྲར། དམ་ཅན་གྱི་རྒྱུད་གཅིག་བཞུགས། དེ་རྣམས་སྒེར་རྒྱུད་ཡིན་ལ། སྤྱི་རྒྱུད་ནི་འཇིག་རྟེན་མཆོད་བསྟོད་ཀྱི་རྒྱུད་དང་། དམོད་པ་དྲག་སྔགས་ཀྱི་རྒྱུད་དང་། མགོན་པོ་སྟག་ཞོན་གྱི་རྒྱུད་དང་། གཏེར་མགོན་ཕྱག་བཞི་པའི་རྒྱུད་ལ་སོགས་པ་རྒྱུད་མང་པོའི་ནང་ནས་སྐྱེས་བ…

བོད་དུ་བྱོན་དུས་གཙང་འོ་ཡུག་བྲེ་མོའི་སྣར། དགེ་བསྙེན་རྡོ་རྗེ་ལེགས་པ་རང་ཕོ་བྲང་དུ་ཨོ་རྒྱན་ཆེན་པོ་སྤྱན་དྲངས་བསྙེན་བཀུར་ཞུས། དེར་ཨོ་རྒྱན་ཆེན་པོའི་ཤངས་ཟམ་བུ་ལུང་གི་གནས་བྱིན་གྱིས་བརླབས། གཏེར་ཁ་དཔག་ཏུ་མེད་པ་སྦས་ཏེ། གནས་དང་གཏེར་གྱི་སྲུང་མར་བསྐོས། འོག་ཡུག་བྲག་ཕུག་ཏུ་གཏེར་ཁ་བརྒྱད་སྦས། འོ་ཡུག་གང་སྔོན་དུ་གཙུག་ལག…

འབུད་པར་མཐོང་། ཕྱིམ་ནངས་བལྟས་པས་དཀའ་བ་ཆད་ལ་ཁད་དུ་སྣང་། ཕྱིར་ནངས་གནས་ཚང་ལ་དངོས་གྲུབ་གང་འདོད་སྦྱིན་ཟེར་བས། རྒན་མོ་རྒྱུན་དུ་ཆང་མི་ཞིམ་པས་དམུས་ནས། ཆང་ཞིམ་པའི་དངོས་གྲུབ་དགོས་ཞུས་པས། རྒན་མོའི་མི་རྒྱུད་དེང་སང་བར་ཆང་མི་ཞིམ་པ་མི་སྲིད་པ་ཡིན་སྐད་དོ། །དེ་ནས་ཙནྡན་ཀ་བ་དེ་ཉང་པོའི་ཡུལ་བར་ཁྱེར་ནས་དེར་བཞག་སྟེ། དེ་ནས་…

བཞེངས་པ་ལྟ་ཡང་ཡོད་དེ། དེ་ནས་ཨོ་རྒྱན་རིན་པོ་ཆེ་བསམ་ཡས་ཀྱི་སྒྲ་བསྒྱུར་རྒྱ་གར་གླིང་དུ་བཞུགས་དུས་ཉིན་གཅིག་སྤྱང་ཀི་སྔོན་པོ་འུར་བ་ཅིག་བྱུང་ནས། ལུས་སློབ་དཔོན་གྱི་ཁྲིའི་འོག་ཏུ་འདུག་ཅིང་གདོང་སློབ་དཔོན་ལ་ལྟའོ། །དེ་སློབ་དཔོན་གྱིས་སྡིགས་མཛུབ་ཀྱིས་གཟིར་བས་ཁྱེའུ་ལག་ན་ལྕགས་ཀྱི་རྡོ་རྗེ་ཐོགས་པ་གཅིག་ཏུ་གྱུར་ཏེ་ཐལ་མོ་…

སོགས་སྦས་ཡུལ་རྣམས་ཀྱི་ཡང་སྲུང་མར་བསྐོས། སངས་རྒྱས་ཀྱི་བསྟན་པ་བསྲུང་བ་དང་། གཙུག་ལག་ཆོས་འཁོར་གཉན་པོ་བསྲུང་བ་དང་། སྔགས་པ་དམ་ཚིག་ཅན་མགོན་བྱེད་པ་ལྷདང་། རྣལ་འབྱོར་ཡོན་མཆོད་རྣམས་ཀྱི་མགོན་སྐྱབས་བྱེད་པ་དང་། སྔགས་པ་རྣམས་ཀྱི་གྲོགས་པོ་དང་བཤེས་གཉེན་དང་། དཔུང་དང་གྲོགས་དང་སྡོང་གྲོགས་བྱེད་པ་དང་། ཚོང་པ་ཐམས་ཅད་ཀྱི་ཚོང…