གོས་སོགས་གཟབ། གདུགས་རྒྱལ་མཚན་འཕན་དར་དཀར་པོ། སྤོས་མདའ་དར་མེ་ལོང་ཚོགས་རྣམས་ལག་ཏུ་བཀྱག །རོལ་མོ་གང་ཡོད་ཐོགས་ལ། བྷནྡྷ་ནང་དུའམ་བསེ་ཕོར་རམ་དཀར་ཡོལ་དུ་བདུད་རྩི་ལ་ཆོས་སྨན་བཏབ་པ་བཟུང་། རོལ་མོ་ཐམས་ཅད་འཁྲོལ་ཞིང་དཀྱིལ་འཁོར་ལ་ལན་གསུམ་བསྐོར། ཕྱག་ན་ཕྱག་ཆ་མེད་པ་རྣམས་པད་ཀོར་བྱ་ཞིང་། དང་པོ་སྒྲུབ་ཆེན་ནང་གི་བྱིན་འབེབས་འ…

མེད་ཤེལ་མདོག་ཅེས་ཚིག་ཟུར་བསྒྱུར་ལ་ཚར་གཅིག་འདོན་ཏེ། རྗེས་ཟློས་མ་ཐོན་ཀྱང་གང་ཤེས་འདོན། ཤེལ་ལ་རིགས་མང་བས་དམར་པོ་ལ་འཇུག་རྒྱུའོ། །དེ་ནས་ཡི་གེ་མི་ཤེས་པ་ཚོ་ལ་ཡང་སྔགས་འདི་ལན་གསུམ་རྗེས་ཟློས་བཅུག །ཡི་གེ་ཤེས་པ་ལ་ཡི་གེ་བཀྱེ། ཤེས་རབ་ཆེ་བ་ཚོས་བློར་བཟུང་སྟེ། ཡིག་བདུན་ལ་བཏགས་ནས། ཨོཾ་ཨཱཿཧཱུྃ་སྭཱ་ཧཱ། མཱི་ལཱ་མཱི་པཾ་ཏཾ།…

འདི་ལ་སྟོང་རེ་ཙམ་རྒྱུན་དུ་མ་ཆག་ན། ཚེ་སྒྲུབ་གཞན་མི་དགོས་སོ། །ཡང་འདི་སྔགས་རིང་པས་ཡི་གེ་མི་ཤེས་པས་མི་ཟིན་ནམ། མ་དག་པ་བྱུང་དོགས་ན། ཨོཾ་མ་ཎི་པདྨེ་ཧཱུྃ་ཨ་ར་པ་ཙ་མི་ཏ་ཧྲིད་ཡ་སྭཱ་ཧཱ། མ་བསྒོམས་པར་སངས་རྒྱས་པའི་སྔགས་འདི་ཡང་རིལ་བུ་སྒྲུབ་པའི་སྔགས་གཅིག་ཡིན། འདི་གསང་འདུས་ནས་མ་གསུངས་ཀྱང་། ཡང་སྙིང་འདུས་པ་ནས་གསུངས་པས། …

ཀཱ་ལི་ཆུ་ཀླུང་ཆེན་པོའི་རྒྱུད་ན་ཡང་སྣང་ངོ་། །ཡང་སྙིང་འདུས་པའི་རྒྱུད་གཞུང་ལས་ནི་སྔགས་འདི་ཟབ་པས་སྙན་བརྒྱུད་དུ་བྱས་ཏེ། རྒྱ་ཡིག་ཏུ་བྲིས་ནས་ངག་རྒྱུན་མེད་པར་མི་འདོན་པར་བྱས་ནས་སྣང་ངོ་། །སྔགས་འདི་གཉིས་ཀ་གང་རུང་ཞིག་མེད་པར་སྐྱེ་བདུན་མྱོང་གྲོལ་རིལ་བུ་མ་བསྒོམ་པར་ཟོས་པས་སངས་རྒྱས་པའི་རྫས་དེ་འགྲུབ་པར་མི་འགྱུར་བས་གན…

རིག་སྔགས་འཆང་བ་དགེ་སློང་རཱ་ག་ཨ་སྱས་འཕྲལ་དུ་བྲིས་པ་མངྒ་ལཾ།། ཤུ་བྷཾ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་གསང་བ་འདུས་པའི་མ་ཎི་བུམ་སྒྲུབ་དང་རིལ་བུའི་ལོ་རྒྱུས་དང་ཕན་ཡོན་བཞུགས་སོ།།

ན་མོ་ལོ་ཀི་ཤྭ་ར་ཡེ། འགྲོ་འདུལ་ཐུགས་རྗེ་ཆེན་པོ་གསང་བ་འདུས། །འགྲོ་དྲུག་འདྲེན་མཛོད་དེ་ལ་ཕྱག་འཚལ་ནས། །སྐྱེ་བདུན་རིལ་བུ་ལོ་རྒྱུས་ཕན་ཡོན་བྲི། །ཆོས་བདག་སྲུང་མས་བཀའ་གནང་བྱིན་གྱིས་རློབས། །དེ་ལ་སྤྱིར་རྒྱུད་སྡེ་བཞི་ཀ་ནས་རིལ་བུ་ལ་བརྟེན་ནས་མཆོག་ཐུན་མོང་དངོས་གྲུབ་སྒྲུབ་ཐབས་དཔག་ཏུ་མེད་པ་གསུངས། འཇམ་དཔལ་དམར་པོའི་ཤེས…

ཐམས་ཅད་དང་། རྙིང་མའི་བཀའ་དགོངས་ཕུར་གསུམ་སོགས་རྒྱུད་སྡེ་ཐམས་ཅད་ནས། བཟའ་བའི་དམ་ཚིག་གི་སྐབས་ནས་བདུད་རྩི་རིལ་བུ་བྱ་ཐབས་དེའི་ཕན་ཡོན། ཟོས་པས་མཆོག་ཐུན་མོང་གི་དངོས་གྲུབ་ཐོབ་ཚུལ་མཐའ་ཡས་པར་གསུངས་ཤིང་། མ་ཎི་རིལ་བུ་འདི་ལ་ཡང་གཏེར་ཁ་དུ་མ་ནས་བྱོན་པའི་བདུད་རྩི་རིལ་བུ་དང་། གཏེར་སྟོན་དུ་མས་བསྒྲུབས་པའི་བདུད་རྩི་རིལ་བུ…

ཡིན་པའི་ཕྱིར་དང་། བདུད་རྩི་རིལ་བུའི་རྩ་བ་ཡང་ཤ་ལྔ་བདུད་རྩི་ལྔ་ཡིན་ལ། འདིར་མཆོག་གི་ཤ་སྐྱེ་བདུན་གཙོ་བོར་བྱས་པའི་རིལ་བུ་ཡིན་པས། རྒྱུད་སྡེ་རྣམས་ནས་བདུད་རྩི་རིལ་བུའི་ཕན་ཡོན་ཇི་སྐད་བཤད་པ་ཐམས་ཅད་མ་ཎི་རིལ་བུ་འདི་ལས་འབྱུང་ངོ་། །ཁྱད་པར་དུ་གསར་མའི་བདེ་མཆོག་རྩ་བ་དང་། བཤད་པའི་རྒྱུད་ཆེན་པོ་རྣམས་ནས་སྐྱེ་བ་བདུན་པ་ཡི…

ཡི་སྐྱེ་བ་བདུན་པོ་དྲན༔ དེ་ཡང་ཆོས་ལྡན་སྐྱེ་བདུན་པའི༔ རོ་བླངས་ཤ་རྣམས་ལེགས་སྐམ་སྟེ༔ ཞེས་དང་། ཐུགས་རྗེ་ཆེན་པོ་གསང་བ་འདུས་པའི་རྒྱུད་ལས། དལ་འབྱོར་ཆོས་ལྡན་མི་ལུས་ནི༔ བདུན་ནི་བརྩེགས་མར་བླངས་བ་ཡིས༔ ངེས་པར་ཡིད་ཆེས་ལྡན་པ་དེའི༔ རོ་བླངས་ཤ་རྣམས་ལེགས་པར་སྐམ༔ ཞེས་གསུངས་པ་ལྟར༔ རིལ་བུ་འདི་ཀརྨ་པ་ཆོས་གྲགས་རྒྱ་མཚོའི་སྐུ…

བཏོན་པའི་བྲམ་ཟེ་ལོ་ལི་ཇི་བའི་སྐུ་ཤ་དང་། གནམ་སྐས་ཅན་ནས་བཏོན་པའི་བྲམ་ཟེ་ཛེ་ཏ་རུ་པའི་སྐུ་ཤ་དང་། བྲམ་ཟེ་དྲི་མེད་སྙིང་པོའི་གཙོར་བྱས་བྲམ་ཟེ་ཉི་ཤུ་རྩ་ལྔའི་སྐུ་ཤ་རྣམས་ནི། ཟུར་མང་བློ་གྲོས་རྒྱ་མཚོ་པ་དང་། དགོངས་འདུས་བསོད་ནམས་རྡོ་རྗེ་དང་། སྐྱོ་བྲག་བསྟན་འཛིན་པ་སོགས་ཀྱིས་རིལ་བུ་འདིའི་ཕབས་རྒྱུན་ལ་འདྲེས་པར་གདའ་བས། …

ནི་འཁོར་བ་སྟོང་ངོ་དགོངས་ནས་གཟིགས་པས། སེམས་ཅན་གྱི་ཁམས་ལ་འཕེལ་འགྲིབ་མེད་པར་གཟིགས། ཕལ་ཆེར་མི་དགེ་བ་ལ་སྤྱོད་པས་ངན་སོང་གི་སྡུག་བསྔལ་བཟོད་གླགས་མེད་པ་ལ་སོགས་མྱོང་། མཐོ་རིས་སུ་སྐྱེས་ཀྱང་ཆོས་དང་མཇལ་དཀའ། ཆོས་དང་མཇལ་ཡང་ཉམས་སུ་ལེན་མཁན་དཀོན་པས། །ཆོས་བཤད་པས་སེམས་ཅན་ལ་ཕན་ཐོགས་དཀའ་བར་གཟིགས་ནས། ཐུགས་རྗེ་ཆེན་པོས་ཕྱོག…

དང་། དེའི་ཤ་ཁྲག་རུས་པའི་ཟེར་ཙམ་འགྲོ་བ་གང་གི་ཁོག་ཏུ་སོང་བ་ཐམས་ཅད་སྐྱེ་བ་དེ་ནས་འཁོར་བར་མ་འཁྱམས་ཏེ། བླ་ན་མེད་པ་སངས་རྒྱས་པའི་འབྲས་བུ་ཐོབ་བོ། །ཞེས་བཀའ་གནང་ངོ་། །དེ་ནས་སྤྱན་རས་གཟིགས་ཀྱི་སྐུའི་སྤྲུལ་པ་བྲམ་ཟེ་དྲི་མེད་སྙིང་པོ་ཞེས་བྱ་བ་ཟ་ཧོར་གྱི་ཡུལ་དུ་བྱོན་ཏེ། ཚོང་དུས་རྣམས་སུ་སྐལ་ལྡན་ལས་འཕྲོ་ཅན་ཡོད་ན་ངའི་ལུས…

བདུན་གྱི་སྒྲོམ་བུར་བཅུག་ནས། དུར་ཁྲོད་ཆེན་པོ་དགའ་བའི་ཚལ་ལ་གཏེར་དུ་སྦས་ཏེ་མཁའ་འགྲོ་མ་རྣམས་ལ་གཉེར་དུ་གཏད་དེ། མནྡཱ་ར་བ་འཁོར་ལྔ་བརྒྱ་དང་བཅས་པ་དགེ་སློང་མའི་སྡོམ་པ་ལ་བཀོད་ནས་གཙུག་ལག་ཁང་དུ་བཞུགས་སོ། །ཨོ་རྒྱན་རིན་པོ་ཆེ་དེར་བྱོན་ནས་མནྡ་ར་བ་དཔོན་གཡོག་ལ་ཆོས་གསུངས་པས། རྒྱལ་པོས་ཆད་པ་བཅད་དེ་གསོན་བསྲེགས་བྱས། དེར་མེ…

རིན་པོ་ཆེ་བྱོན་ནས་ཕྱག་དང་བསྐོར་བ་མཛད་པས་ང་ལ་ཕྱག་འཚལ་ནས་ཅི་འདོད་གསུངས། སྐྱེ་བདུན་གྱི་ཤ་ཡིས་འགྲོ་དོན་བྱེད་འདོད་ཞུས་པས། འོ་ན་བརྡའ་ཞིག་བྱུང་དུས་ཤོག་ལ་ལོངས་ནས་འགྲོ་དོན་གྱིས་གསུངས། ་་་དེར་ལོ་ལྔ་རེད་དུས་བརྡའི་བྱུང་བས། ཨོ་རྒྱན་རིན་པོ་ཆེའི་བརྟུལ་ཞུགས་ཀྱི་ཆས་སུ་ཞུགས་ནས་སྟག་ལ་ཆིབས་ཏེ་རོ་དེ་སྤང་པར་ཁྱེར་གྲོང་ཁྱེ…

གདན་དྲངས་དུས། སྐྱེ་བདུན་གྱི་གཏེར་ཆེན་གསུམ་པོ་བཏོན་ནས། རིལ་བུ་དཔག་ཏུ་མེད་པ་སྤེལ་ཏེ། རྒྱ་གར་གྱི་ཤར་ནུབ་བལ་པོ་སོགས་སུ་ཡང་གཏེར་དུ་སྦས་མོད་ཀྱིས། ཕལ་ཆེར་བོད་དུ་གདན་དྲངས་ནས་གཏེར་ཁ་མང་དུ་སྦས་ཏེ། བོད་དུ་སླར་ཡང་རིལ་བུ་རྣམས་ལ་དམ་རྫས་ཡབ་ཡུམ་བྱང་སེམས་སོགས་བསྣན་ཅིང་བསྒྲུབས་ནས་མཚོ་རྒྱལ་གྱི་ཕྱག་གིས་བསྒྲིལ་བ་ལ། མཐེབ…

རྣམས་བཏོན་ཏོ། །བསམ་ཡས་བྱང་ཆུབ་ཆེན་པོའི་གདན་ཁྲིའི་སྐུའི་རྒྱབ་ཟུར་ནས། གསང་འདུས་ཕྱི་སྒྲུབ་དང་རིལ་བུ་བུམ་སྒྲུབ་བྲམ་ཟེའི་སྤུར་ཤ་རྣམས་བཏོན། དྭགས་པོས་ལྡང་ལུང་ཁྲ་མོ་བྲག་ནས་བྲམ་ཟེའི་སྤུར་ཤི་སྐྱེ་བདུན་གྱི་ཕེབས་དང་། དགའ་རབ་རྡོ་རྗེ། ཤྲཱི་ས་ཧ། བཱི་མ་ལ་མི་ཏྲ། ཨུ་རྒྱན་རྣམས་ཀྱི་སྨན་སྒྲུབ། ་ཨུ་རྒྱན་ཡབ་ཡུམ་གྱི་བྱང་སེ…

འཇའ་འོད་འཁྲུགས་པ་བྱུང་། ཟབ་སྐར་ཞེས་པའི་ས་ཆར་སྐྱེ་བདུན་སྒྲུབ་དུས་རིལ་བུ་འཕེལ་ཞིང་ལྷུད་པ་དང་། བུམ་ཆུ་ཁོལ་བ་ཆུ་ཚན་ཙམ་དུ་གྱུར་ཏོ། །ཁྱུང་ཆེན་བྲག་གི་དགོན་པ་ན་སྐྱེ་བདུན་བསྒྲུབས་པས་དྲི་བཟང་གིས་ཁྱབ་པ་དང་། འོད་ཟེར་དཀར་པོ་འཕྲོ་བ་དང་། མར་མེ་ཞག་བདུན་འཛིན་པ་བྱུང་ངོ་། །འཕན་ཡུལ་སྨན་རྩེ་དགོན་དུ་སྐྱེ་བདུན་རིལ་བུ་བསྒྲ…

མྱོང་ཁོ་བོ་འདྲ་བ་དཀོན་ཞེས་གསུངས་སོ། །དེ་ལྟར་གཏེར་སྟོན་རཏྣ་གླིང་པའི་སྐྱེ་བདུན་གཏེར་ནས་བཏོན་ཞིང་བསྒྲུབས་ནས་སྤེལ་བ་དེའི་རྒྱུན་གྱི་དམ་རྫས་བྲམ་ཟེའི་ཤ་སོགས་ཀྱི་རུ་རྩི་མེད་དམ་ཞེ་ན༔ རཏྣ་གླིང་པའི་དག་སྣང་ཡིད་བཞིན་ནོར་བུའི་སྐབས་སུ། ཟངས་མདོག་དཔལ་རིར་བྱོན་དུས། ཨོ་རྒྱན་རིན་པོ་ཆེའི་གསུངས་པ། ལར་ཁྱོད་ལ་ཟོས་པས་སངས་རྒ…