བཀའ་རྫོགས་པ་ཆེན་པོ་ཡང་ཟབ་དཀོན་མཆོག་སྤྱི་འདུས་པདྨ་འོད་འབར་གྱི་དབང་གི་རིམ་པ་ལས༔ ཐོག་མར་སྟ་གོན་དང་དབང་བཤད་ཡོད་ལགས་སོ༔

ན་མོ་པྲ་ཝ་ཀ་ར་ཡེ། ཨོ་རྒྱན་རྗེ་ལ་ཕྱག་འཚལ་སྐྱབས་སུ་མཆི། །འདི་བྲིས་བཀའ་ཡི་གནང་བ་བསྩལ་དུ་གསོལ། །དེ་ལ་པདྨ་འོད་འབར་གྱི་དབང་རྫས། བུམ་པ་རྫས་ལྡན། བྷནྡྷ་བདུད་རྩིས་བཀང་བ། ཁཊོ་ཤེལ་རྡོ། བཀའ་སྲུང་སེང་གདོང་མའི་དམར་གཏོར་བཤམས། ཚེ་དབང་བྱེད་ན། ཚེ་གཏོར་བུམ་པའི་དབྱིབས། བུམ་པ་རྫས་ལྡན། ཚེ་རིལ་ཚེ་ཆང་། ཚེ་ནས། མདའ་དར་ཁ་དོག་ལ…

ཞེས་སོགས་མན་ཆད་མདུན་བསྐྱེད་ཚར་གཅིག །དེ་ནས་དབང་བསྙེན་བརྒྱའམ་སྟོང་བྱ། ༈ སླར་བདག་འཇུག་བླངས་ལ། དེ་ནས་དབང་བསྐུར་རོ།། ༈ བསྡུ་ན་རྙིང་མ་སྤྱི་ལྟར་ཆོ་ག་ཚར་གཅིག་གིས། བདག་མདུན་བུམ་གསུམ་དུས་གཅིག་ལ་བསྐྱེད་བསྙེན་པ་བརྒྱ་སྟོང་སོགས་གང་འགྲུབ་བྱས་ལ། ཏིང་འཛིན་གྱི་དབང་བླང་ན་ཆོག ། ༈ དེ་ནས་སློབ་མ་འཚོགས་ནས། ཇི་ལྟར་བལྟམས་པ་ཙ…

རང་རང་གནས་སུ་དེངས༔ བཀའ་ལས་འདས་ན་བརླག་པར་གདོན་མི་ཟ༔ གཏོར་མ་དོར། ཨོཾ་སརྦ་བིགྷཱན་ཨུ་ཙ་ཏ་ཡ་ཕཊ༔ ཧཱུྃ༔ བདག་ཉིད་འགྱུར་མེད་ཡེ་ནས་རྡོ་རྗེའི་སྐུ་སོགས་ནས། ཨོཾ་བཛྲ་རཀྟ་ཛྭ་ལ་རཾ༔ རོལ་མོ་བྱ། ༈ འོ་ན་ད་ལམ་ཁྱེད་རྣམས་ཀྱིས་བཀའ་རྫོགས་པ་ཆེན་པོ་ཡང་ཟབ་དཀོན་མཆོག་སྤྱི་འདུས་ཀྱི་དབང་ཞུ་བའི་ཐོག་མར་ཡིད་ཆེས་པའི་དོན་དུ་ལོ་རྒྱུས་ཅུ…

ཧོ༔ ང་ནི་མྱ་ངན་འདས་འོག་ཏུ། །བདག་བས་རྟགས་བཞིས་ཁྱད་འཕགས་པ། །པདྨ་འབྱུང་གནས་ཞེས་བྱ་ཞིག །ལོ་ནི་བཅུ་གཉིས་དུས་སུ་འབྱུང་། །ང་ཉིད་དངོས་ཡིན་དེ་གཞན་མིན། །སངས་རྒྱས་བསྟན་པ་འཛིན་སྐྱོངས་དེ་ཡིས་བྱེད། །འཁོར་རྣམས་མྱ་ངན་མ་བྱེད་ཅིག །ནམ་མཁའི་དབྱིངས་ནས་ཉི་ཟླ་བཞིན། །ང་བས་ལྷག་པའི་པདྨ་འབྱུང་། །རྒྱ་མཚོའི་གླིང་ནས་ནོར་བུ་བཞིན།…

པའི་མདོ་ལས། ང་ནི་འདས་ནས་བཅུ་གཉིས་སུ། །དྷ་ན་ཀོ་ཤའི་མཚོ་གླིང་དུ། །པདྨའི་སྟེང་དུ་རང་འཁྲུངས་པའི། །གསང་སྔགས་བསྟན་པའི་བདག་པོ་འབྱུང་། །ཞེས་སོགས་མདོ་རྒྱུད་དུ་མ་ནས་ལུང་བསྟན་པ་དང་མཐུན་པར། བཅོམ་ལྡན་འདས་ཤཱཀྱ་ཐུབ་པ་སྐུ་མྱ་ངན་ལས་འདས་པའི་ཚུལ་བསྟན་ནས། སངས་རྒྱས་ཀྱི་བསྟན་པ་ཉམས་དམའ་བར་གྱུར་ཏེ། བདུད་དང་མུ་སྟེགས་རྣམས་དར…

ནུབ་ཕྱོགས་ཨོ་རྒྱན་གྱི་ཡུལ་ལྷོ་ནུབ་འོ་མ་ཅན་གྱི་མཚོར་ཐིམ་པས་བཀྲ་ཤིས་པའི་ལྟས་མང་པོ་དང་བཅས་ཏེ་མེ་ཏོག་པདྨའི་སྙིང་པོ་ལ་ཁྱེའུ་ལོ་བརྒྱད་པའི་ན་ཚོད་དུ་བྱོན་པ་ལྷ་དང་ཀླུ་དང་དཔའ་བོ་མཁའ་འགྲོ་ཐམས་ཅད་ཀྱིས་ཕྱག་འཚལ་ཞིང་མཆོད་པ་དཔག་ཏུ་མེད་པས་མཆོད། དེར་གསང་སྔགས་ཀྱི་ཆོས་དཔག་ཏུ་མེད་པ་གསུངས། དེ་ནས་ཨོ་རྒྱན་ཡུལ་གྱི་རྒྱལ་པོ་མ…

གྱིས་གདན་དྲངས། དགེ་བསྙེན་ཉི་ཤུ་རྩ་གཅིག་མ་སྲིང་བརྟན་མ་བཅུ་གཉིས། གཟའ་ཆེན་བརྒྱད། རྒྱུ་སྐར་ཉི་ཤུ་རྩ་བརྒྱད་སོགས་ལྷ་སྲིན་གདུག་པ་ཅན་ཐམས་ཅད་དམ་ལ་བཏགས། དཔལ་གྱི་བསམ་ཡས་ལ་སོགས་པའི་གཙུག་ལག་ཁང་མང་དུ་བཞེངས། གསང་སྔགས་ཀྱི་ཆོས་དཔག་ཏུ་མེད་པ་གསུངས་ནས་གྲུབ་ཐོབ་ཀྱིས་ལུང་པ་བཀང་། སྒྲུབ་གནས་ཐམས་ཅད་བྱིན་གྱིས་བརླབས་ཤིང་སངས་ར…

རལ་གྱི་དུས་སུ་མྱང་བན་གྱི་སྤྲུལ་པ་ཞིག་གིས་འདོན་ནས་སེམས་ཅན་ལ་ཕན་པར་ལུང་བསྟན་སྨོན་ལམ་དང་བཅས་ཏེ། ཤར་ཀོང་པོའི་ཡུལ་ཀླུ་གནས་པའི་མཚོ་འགྲམ་བྲག་རི་རྡོ་རྗེ་འདྲ་བ་ལ་གཏེར་དུ་སྦས་སོ། །བོད་ཀྱི་ས་རྟ་རྨིག་ཙམ་ཡང་མ་ལུས་པ་ཞབས་ཀྱིས་བཅགས། གཏེར་ཁ་བྱེ་བ་ཙམ་སྦས། མ་འོངས་ལུང་བསྟན་དཔག་ཏུ་མེད་པ་གསུངས་ནས། ཤཱཀ་ཐུབ་མྱ་ངན་འདས་འོག་ཏ…

གྱི་འོད་དཀྱིལ་ལ་སྤྱན་དྲངས་ཏེ༔ འཇའ་འོད་དུ་མེ་རེ་འཁྱིལ་ཞིང་ལྷོ་ནུབ་རྔ་ཡབ་གླིང་དུ་བྱོན་ནས་སྲིན་པོ་རྣམས་ཆོས་ལ་བཀོད་ཅིང་བཞུགས་སོ༔ དེ་ནས་དུས་སྙིགས་མའི་ཚེ་དུས་ལ་བབ་ནས་མྱང་བན་ཏིང་འཛིན་བཟང་པོའི་ཐུགས་སྤྲུལ་གཏེར་སྟོན་ཆེན་པོ་འཇའ་ཚོན་སྙིང་པོ་ཞེས་ཀྱང་བྱ༔ ཧཱུྃ་ནག་མེ་འབར་ཞེས་ཀྱང་བྱ༔ ལས་འཕྲོ་གླིང་པ་ཞེས་ཀྱང་བྱ༔ པདྨ་བ…

ཡོད་དུ་ཟུག་ནས་གསལ་བར་གཟིགས་ནས༔ གཏེར་ཁ་མང་དུ་བཏོན་པ་དང་གནས་སྒོ་ཕྱེ་བ་དང་རྡོ་ལ་ཕྱག་ཞབས་ཀྱི་རྗེས་མང་དུ་བཞག་པ་དང་༔ མངོན་ཤེས་པ་ལ་ཐོགས་པ་མེད་པ་ལ་སོགས་རྫུ་འཕྲུལ་དུ་མ་བསྟན༔ ཁྱད་པར་དཀོན་མཆོག་སྤྱི་འདུས་འདི་ཉིད་ཞལ་ཕྱེས་ཏེ༔ སློབ་མའི་གཙོ་བོ་ཨོ་རྒྱན་རིན་པོ་ཆེས་ལུང་བསྟན་པ་ལྟར་ཆོས་ཀྱི་བདག་པོ་རྗེ་ཆོས་དབྱིངས་རྡོ་རྗེ་…

ཅད་ལོ་ནད་སྣ་ཚོགས་ཀྱིས་སྐམ༔ ནད་རྟགས་མེ་ཆུ་གོ་ལོག་ཏུ་འབྱུང་བས་རྩི་སྨན་གྱིས་མི་ཕན་དུག་ཏུ་འགྲོ༔ ས་གཡོས་དང་ཐོག་སེར་དང་འཁྱུགས་དང་གནམ་རྡོ་མང་དུ་ལྷུང་སྐྱེས་པ་ཚེ་ཐུང་བས་མོ་རིགས་མའི་ཁྱུ་ཆེ༔ མིང་སྲིང་དང་ཕུ་ནུ་ཉེ་དྲུང་དམེ་འཁྲུག་འདྲེན༔ ཁྲིམས་ལྡན་གྱི་ཆོས་པ་ནི་ཉིན་སྐར་ལས་ཉུང་༔ ཟབ་པོ་དང་བསྟན་བཤིག་ནི་དབྱར་གྱི་ཆུ་བཞི…

ཞིག་གིས་རྙེད་ནས༔ དུས་ངན་སེམས་ཅན་འགའ་ཞིག་ལ་ཕན་པ་འོང་༔ ཆོས་འདི་ཞལ་ཕྱེས་པ་ཐམས་ཅད་ཀྱི་མཐའ་དམག་ཕྱིར་བསྲིང་ནུས༔ ས་ཕྱོགས་དེར་ཡང་ལོ་ཕྱུགས་ལེགས་པ་དང་རླུང་འཚུབ་ཆུང་༔ དད་འདུན་བྱེད་པའི་དུད་འགྲོ་ཡན་ཆད་བདེ་ཆེན་དག་པའི་ཞིང་ཁམས་སུ་འགྲོའོ༔ གཞན་ཡང་ཟབ་གཏེར་འདི་ཉིད་བྱིན་རླབས་ཀྱི་སོ་མ་ཉམས་པར་དད་ལྡན་རྣམས་ལ་དབང་ལུང་བཏོན་པ་…

པ་ལ་ཡང་རིགས་རྒྱུད་འཕྲལ་དུ་འཕེལ་བར་འགྱུར་རོ༔ མོས་ཚུལ་བཞིའི་དབང་དང་ལྡན་ཞིང་༔ ལྷ་སྲིན་སྡེ་བརྒྱད་དཔུང་དང་བཅས་པ་ཡང་ཕྱི་བཞིན་དུ་འབྲང་བ་དང་བཀའ་ཉན་པར་འགྱུར་རོ༔ ཚེ་ཟད་པ་དང་ཉམས་པ་ཡང་གསོ་ནུས་སོ༔ བློ་གྲོས་མི་ཟད་པ་དང་ཤེས་རབ་ཕྱོགས་མེད་དུ་འབར་བར་འགྱུར་རོ༔ དྲག་པོའི་ལས་རྣམས་འཕྲལ་དུ་འགྲུབ་ཅིང་དུས་ཀྱི་འཆི་བ་ཡང་བར་མ་དོ…

འབྲེལ་ཐོགས་བྱེ་བ་གསུམ་དང་འབུམ་ཕྲག་གི་ནང་དུ་ཚུད་པས་ཁྱེད་རྣམས་ཀྱང་ཨོ་རྒྱན་རིན་པོ་ཆེའི་ལུང་བསྟན་དུ་ཚུད༔ ཐུགས་རྗེས་ཟིན་པ་ཡིན་པས་སྐལ་བ་ཤིན་ཏུ་བཟང་ཞིང་ཕན་ཡོན་ཆེ༔ འོན་ཀྱང་ཆོས་འདིའི་བཀའ་སྲུང་ནི་ཡེ་ཤེས་ཀྱི་མཁའ་འགྲོ་སེང་གེའི་གདོང་ཅན་མ་དང་༔ འཇིག་རྟེན་གྱི་ཀླུ་བདུད་དང་མཚོ་སྨན་གཉིས་བཀའ་སྲུང་ཡིན་པའི་ཕྱིར་བཀའ་ཤིན་ཏ…

ལ༔ གསོལ་བ་འདེབས་པ་ནི༔ ཨེ་མ་ཧོ༔ དཀོན་མཆོག་སྤྱི་འདུས་བླ་མ་ནི༔ རིགས་རྣམས་ཀུན་བདག་ཆེ་བའི་མཆོག༔ དཔའ་བོ་ཆེན་པོས་རྗེས་སུ་བཟུང་༔ དབང་གི་སྨིན་གྲོལ་དངོས་གྲུབ་སྩོལ༔ ལན་གསུངས་པ་ནི། དེ་ལྟར་ཡིན་ན་ཧེ་རུ་ཀའི༔ དམ་དུ་བཞག་ཅིང་སྨིན་པར་བྱ༔ བླ་མེད་ཡང་གསང་བྱིན་རླབས་འདི༔ གནས་ཁང་འདི་ཡི་ཕྱི་རོལ་དུ༔ དམ་མེད་པ་ལ་སྨྲ་མི་རུང་༔ དེ…

ཡི་སྨིན་མཚམས་ཨོ་དཀར་ལས་འོད་ཟེར་སྐར་མདའ་ཆད་པ་ལྟར༔ སྐལ་ལྡན་ལུས་ལ་གཉིས་མེད་ཐིམ༔ བུམ་དབང་ཐོབ་ནས་སྣང་སྟོང་བསྒོམ༔ པདྨ་འབྱུང་གནས་སྐུ་ཡི་དབང་ཐོབ་ཤོག༔ ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཀཱ་ཡ་ཨ་བྷི་ཥིཉྩ་ཨོཾ༔ ཞེས་སྤྱི་བོར་བསྐུར༔ བདུད་རྩི་ཐོགས་ལ༔ ཧཱུྃ༔ དཀོན་མཆོག་སྤྱི་འདུས་རིགས་ཀྱི་བདག༔ དུས་གསུམ་སངས་རྒྱས་ཐམས…

དུད་པ་ལྟར༔ སྐལ་ལྡན་སེམས་ལ་གཉིས་མེད་ཐིམ༔ ཤེར་ཡེའི་དབང་ཐོབ་གསལ་སྟོང་བསྒོམ༔ པདྨ་འབྱུང་གནས་ཐུགས་ཀྱི་དབང་ཐོབ་ཤོག༔ ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཙིཏྟ་ཨ་བྷི་ཥིཉྩ་ཧཱུྃ༔ ཞེས་སྙིང་གར་བསྐུར། ཤེལ་རྡོ་ཐོགས་ལ། ཧཱུྃ༔ དཀོན་མཆོག་སྤྱི་འདུས་རིགས་ཀྱི་བདག༔ དུས་གསུམ་སངས་རྒྱས་ཐམས་ཅད་ཀྱི༔ སྐུ་གསུང་ཐུགས་ཡོན་ཕྲིན་ལས…

ཡང་སྣང་༔ དེ་དག་སེམས་ཀྱི་ཆོ་འཕྲུལ་ཡིན༔ རང་བྱུང་རང་ཤར་རང་སར་གྲོལ༔ ངོ་བོ་སྟོང་པ་ཆོས་ཀྱི་སྐུ༔ མ་འགགས་རང་གསལ་ལོངས་སྤྱོད་རྫོགས༔ རིག་རྩལ་འགགས་མེད་སྤྲུལ་པའི་སྐུ༔ སྐུ་གསུམ་རང་ཆས་མ་བསྒྲུབ་འགྲུབ༔ རང་ཉིད་ཡེ་ནས་པད་འབྱུང་ཡིན༔ སྲོག་ཕུར་གྱི་ལེའུ་སྟེ་ལྔ་པའོ༔ ཤོག་སེར་གྱི་བུ་དཔེ་ལག་ཏུ་གཏད་ནས་འདི་སྐད་དོ༔ ཨོཾ་ཨཱཿཧཱུྃ༔ ས…