ན་མོ་གུ་རུ། བླ་མ་ཡི་དམ་དབྱེར་མེད་ཐུགས་རྗེ་ཅན། །ཚེ་རབས་གཏན་གྱི་སྐྱབས་གཅིག་རྗེ་བཙུན་མ། །སྒོ་གསུམ་གུས་པས་གསོལ་འདེབས་ལུས་ངག་ཡིད། །ཉིད་ཀྱི་རྡོ་རྗེ་གསུམ་དུ་བྱིན་གྱིས་རློབས། །རྗེ་བཙུན་དམ་པ་དེ་ཉིད་ཀྱི་དྲུང་དུ། ཕྱིས་ཁོ་བོའི་ལོ་མཚམས་བྱས་སྐབས་རིམ་གཉིས་ཀྱི་ཉམས་ལེན་ལ་ཐེ་ཚོམ་གང་བྱུང་གི་ཞུས་ལན་བརྗེད་ཐོར་བཀོད་པ་ནི།…

བཏོན་རྗེས་རྒྱལ་བ་རྒྱ་མཚོ་འདོན་པ་ལེགས་ཏེ། ཚེ་དཔག་འོད་དཔག་གཉིས་བླ་མ། རྒྱལ་བ་རྒྱ་མཚོ་ཡི་དམ་ཡིན། སྒྲོལ་དཀར་ནི་མཁའ་འགྲོ་སྟེ་ཚེ་དཔག་གི་ཡུམ་ཡང་ཡིན། ཞི་དྲག་ལ་སོགས་གཞན་རྣམས་གོ་རིམ་ཁྲིག་ཁྲིག་མི་དགོས་ཐུན་མཚམས་གང་བདེར་འདོན་ཆོག །སྔ་མ་ཐུན་བསྡུ་བ་དང་། གནས་འགྱུར་བ་སོགས་རྣམ་རྟོག་གི་ཕྲེང་བ་མི་དགོས། སེམས་ངོར་བལྟས་པས་ཐ…

ངོ་བོ་གཅིག་ཡིན། དེ་རང་གི་སེམས་ཀྱི་ངོ་བོ་སྟོང་རྗེན་ལྷང་ངེ་བ་དེ་ལྷ་དངོས་ཡིན། སྐུ་མདོག་ཕྱག་མཚན་ལ་ངེས་པ་མེད་གསུངས། ༈ ཚེ་སྒྲུབ་ཀྱི་གཞལ་ཡས་ཁང་རྟ་བབས་སྟེང་ཐོག་སོགས། རྒྱལ་བ་རྒྱ་མཚོ་ལྟར་བསྒོམས་པས་ཆོག་གམ་ཞུས་པས། དེ་རྒྱལ་བ་རྒྱ་མཚོ་དང་འདྲ་གསུངས། ། ༈ པདྨ་རིན་ཆེན་རྡོ་རྗེ་ཟེར་བ་དང་། ཁོར་ཡུག་དང་འོད་ཀྱི་དྲྭ་བ་དེ་རྣམ…

ཐུགས་ཀར་ཡིག་འབྲུ་བཞི་སྦྲག །སྤྱི་བོའི་ཨོ་རྒྱན་ཚེ་དཔག་གི་ཐུགས་ཀར་ཧྲཱིཿཡིག་རྐྱང་པ། དེ་གཉིས་ཀའི་མཐར་བཟླ་བྱའི་སྔགས་ཕྲེང་གཡས་སུ་དང་པོ་དལ་བུ་དེ་ནས་ཇེ་མགྱོགས་སུ་འཁོར་བར་བསྒོམ། ཨོ་རྒྱན་ཚེ་དཔག་དང་བླ་མ་དབྱེར་མེད་བསྒོམ་ན་ལེགས། ཨོ་རྒྱན་ཚེ་དཔག་དང་རིགས་བདག་དབྱེར་མེད་བྱས་ཀྱང་མི་འགལ་ཏེ་དེ་མིན། ཨོ་རྒྱན་ཚེ་དཔག་མེད་ནམ་…

ཅུང་ཟད་མི་གཅིག །འཛུགས་པ་ནི་ཀ་བ་བཙུགས་པ་ལྟར་བརྟན་པོ་བྱས་པའི་མིང་རེད་གསུངས། ཚེ་འགུགས་དུས་ལྷ་མོ་རང་རང་གི་བུམ་པའི་བདུད་རྩི་སྤྱི་བོའི་ཚེ་དཔག་གི་ཕྱག་ཏུ་བསྡུའམ་ཞུས་པས། དེ་སྤྱི་བོའི་ཚེ་དཔག་གི་ཕྱག་གི་བུམ་པར་བསྡུས་ནས་བདུད་རྩིས་བདག་ལུས་བཀང་བ་སོགས་གོང་ལྟར་རོ། ༈ །ཡང་གསང་གུད་སྦས་ཀྱི་རང་དང་སྤྱི་གཙུག་གཉིས་ཀའི་ཐུགས་…

འཆི་གཞོམ་གཞིག་དང་བྲལ་བར་བསྒོམ། རང་ཐ་མལ་ལུས་ཀྱིས་ཆོག །ཡི་དམ་དུ་བསྒོམ་ཡང་རུང་། ལར་འདི་ས་སྐྱའི་ལམ་འབྲས་དང་། མཁའ་སྤྱོད་པའི་བཀའ་འབུམ་ནས་ཀྱང་འབྱུང་གསུངས། ༈ འཆི་མེད་རིག་འཛིན་གསང་རྒྱུད་ནས་གསུངས་པའི་འཆི་བསླུ་འདིའི་རྡོ་རྗེའི་རྭ་དང་སྔགས་འཁོར་དང་འོད་ཀྱི་ཁ་དོག་སོགས་ངེས་མ་བྱུང་ཞུས་པས། རང་ལུས་གསེར་གྱི་རྡོ་རྗེ་འགྲེ…

རྒྱལ་བ་སྲས་བཅས་རིགས་སོ་སོའི་སྐུ་མདོག་བསྒོམས་སམ། རང་གཞུང་ལྟར་དམར་པོ་བསྒོམས་པས་ཆོག །རིགས་སོ་སོའི་སྤྱན་རས་གཟིགས་ཀྱི་ང་རྒྱལ་བཟུང་དུས་ཀྱང་ཇི་ལྟར་བྱ། །སྐབས་སུ་འཁོར་བ་དོང་སྤྲུགས་ཀྱི་དམིགས་པ་ཐུན་རེ་བསྒོམས་ན་ལེགས་སམ། འདི་དུས་འགྲོ་དྲུག་རིགས་སོ་སོའི་ཞིང་དང་སྐུར་བསྒོམ་པ་དང་། བདེ་ཆེན་ཞིང་དང་འདྲ་བ་ཁོ་ནར་བསྒོམ་པ་ལ…

ནས་གསུངས་པ་ལེགས། ༈ སྒྲོལ་དཀར་གྱི་ཡིད་བཞིན་འཁོར་ལོར་རྒྱས་བསྡུས་གཉིས་ཁྱད་པར་གང་ཟབ། རྒྱས་པ་དུས་བླ་མ་ལ་སོགས་བསྲུང་བྱའི་མཚན་སྔགས་ཐུགས་ཀར་བསྒོམ་པ་དང་། ཕྱིའི་འཁོར་ལོའི་ནང་དུ་ལུས་དངོས་བསྒོམ་པ་གཉིས་དགོས་སམ། །འཁོར་ལོ་གདན་ཐབས་སུ་བསྒོམ་རྒྱུ་ཡིན་ནམ། རྡོལ་སྐྱིལ་དུ་བཞུགས་པ་ལ་རྡོ་རྗེའི་གདན་ཟེར་ལེགས་སམ་ཞུས་པས། ཡིད་བ…

བྱའི། དེ་ལྟར་བསྒོམ་མི་དགོས་ཡན་ལག་བདུན་པ་འདི་ཨ་ཏི་ཡོ་གའི་ལུགས་རེད་པས་དམིགས་པ་བསྒོམ་མི་དགོས་སེམས་ངོའི་ངང་ནས་འདོན་ཆོག་གསུངས། ༈ ཞི་དྲག་སེང་གསུམ་འདོན་དུས་ཇི་ལྟར་ལགས་ཞུས་པས། དང་པོ་རང་འོད་འབར་དུ་བསྒོམ་པ་དེ་གནས་འགྱུར་ནས། དྲག་པོ་བསྒོམ་དུས་དབུ་གཙུག་ཏུ་འོད་འབར་སྐུ་ཆུང་ངུ་ཞིག་རིགས་བདག་གི་ཚུལ་དུ་བསྒོམ། ཞི་བ་མི་འ…

ཆེ་ལ་ནང་དུར་ཁྲོད་སོགས་གུར་དྲག་ལྟར་ལགས་སམ། འདོད་སྣམ་ལ་མཆོད་ལྷ་བཅུ་དྲུག་དཀྱིལ་འཁོར་ཐམས་ཅད་དགོས་སམ།་རྟ་མགྲིན་རིགས་བཞིའི་ཐུགས་ཀར་ས་བོན་དང་སྔགས་ཕྲེང་མེད་དམ་ཞུས་པས། གཞལ་ཡས་ཁང་གུར་དྲག་དང་མཚུངས་གསར་མའི་ལུགས་ལ་ཕ་རྒྱུད་ལ་དུར་ཁྲོད་མེད་པར་བཤད་ཀྱང་། རྙིང་མ་ལ་ཡོད་པས་དུར་ཁྲོད་དགོས། འདོད་སྣམ་ལ་མཆོད་ལྷ་དཀྱིལ་འཁོར་ཐམ…

སྲེག་ལྟ་བུ་དམར་ལྷང་ངེ་བསྒོམ། མེ་ལྕེ་བ་སྤུའི་བུ་ག་ནས་ཕྱིར་འཕྲོས་པས་རང་ཉིད་མེ་དཔུང་ཆེན་པོའི་དབུས་སུ་བཞུགས་པའི་མེ་སྒྲ་ལས་སྔགས་སྒྲ་འུ་རུ་རུ་སྒྲོག་པར་བསྒོམ། ལས་སྔགས་འོག་མ་གསུམ་གྱི་ཚེ་རང་ལས་སྤྲུལ་པའི་རྟ་མགྲིན་རང་འདྲ་བས་འཇིག་རྟེན་ཐམས་ཅད་གང་སྟེ། རང་ལ་གནོད་པའི་གདོན་ཐམས་ཅད་གཡོན་ལྕགས་ཀྱུས་སྙིང་ནས་བཟུང་། ཞགས་པས…

རང་གི་ལུགས་ལས་སྤྲུལ་པའི་ལྷ་མོས་བདག་བསྐྱེད་མཆོད་པ་ཡིན། ཡེ་ཤེས་སེམས་དཔའ་བསྟིམས་པས་དབང་བསྐུར་གྱི་གོ་ཆོད་དེ། དབང་བསྐུར་ཡང་དེ་ལས་ལྷག་ཅི་མེད་པའི་ཕྱིར་རོ། །རིགས་བདག་དང་པོ་ནས་རང་ཆས་སུ་བསྒོམ་ཡོད་པས་སླར་རྒྱས་གདབ་མི་དགོས་ཏེ་གསར་མའི་ཆོ་ག་བསྡུས་པ་འགའ་ཞིག་ལའང་དབང་བསྐུར་རྒྱས་གདབ་མེད་གསུངས། ༈ རྙིང་ལུགས་ཀྱི་ལས་བྱང་འ…

གནས་ལྔར་ལྷ་གང་ཡིན་རིགས་ལྔའི་ཁ་དོག་ཅན་ལ་རྩ་འདབ་ཀྱི་གྲངས་མཉམ་མཁའ་འགྲོ་མ་གསལ་བཏབ་ནས་ཟ་བ་རྒྱས་པ། རང་ལྷར་གསལ་བའི་ཐུགས་ཀར་ལྷ་གང་ཡིན་གྱི་དཀྱིལ་འཁོར་བསྒོམ། ལྟེ་བའི་གཏུམ་མོ་ཡེ་ཤེས་ཀྱི་མེ་ལྕེ། ཁ་ཐབ་ཁུང་། ལག་པ་དགང་གཟར་བླུགས། བཟའ་བཏུང་བསྲེག་རྫས་སུ་བྷྱོ་པ་ནང་གི་སྦྱིན་སྲེག་སྟེ། དེ་གསུམ་འདྲ་གསུངས། ༈ དྲི་ཆུའི་རྣལ་འ…

གོལ་བར་གསུངས་ཤིང་། ཁྱད་པར་རྣལ་འབྱོར་རྒྱུད་མན་ཆད་ལ་ཡེ་ཤེས་པ་གཤེགས་གསོལ་མ་བྱས་པར་ཞག་གཅིག་ལུས་ནའང་ལྷ་བཙོན་དུ་བཟུང་བའི་ཉེས་པ་ཡོད་གསུངས། ༈ བསྐྱེད་རིམ་མཐར་དམིགས་མེད་དུ་བཞག་པ་དང་བསྡུ་རིམ་བྱ་བ་གཉིས་ལ་ཁྱད་པར་ཡོད་དམ་མེད་ཞུས་པས། ཐུན་མཚམས་སུ་དམིགས་མེད་དུ་བཞག་པ་ལེགས་ཤིང་། ལ་ཁར་བསྡུ་རིམ་བྱས་ན་འོད་གསལ་བཟུང་བའི་ཐབས…

བསྒོམ་པ་འདི་མི་དགོས་སམ་ཞུས་པས། སེམས་ངོ་མ་ཡེངས་པའི་ངང་གིས་བསྐྱེད་རིམ་ལ་བློས་བྱས་ཀྱིས་ངོ་བོ་སྟོང་པར་བསྒོམ་མི་དགོས་གསུངས། ༈ བསྐྱེད་རིམ་འདི་ཀུན་རྫོབ་དང་དོན་དམ་གང་ལགས་ཞུས་པས། སེམས་ངོ་མ་ཡེངས་པའི་ངང་གི་བསྐྱེད་རིམ་ནི་བསྐྱེད་རྫོགས་ཟུང་འཇུག་ཡིན། ཟུང་འཇུག་འདི་དོན་དམ་ཡིན། བསྐྱེད་རིམ་ཁ་རྐྱང་གི་དམིགས་པ་ལེགས་ལེགས་…

བསྒོམས་ན་རིག་འཛིན་གྱི་གདོན་ཞེས་ལྷ་དེ་འདྲ་བའི་འདྲེ་ཞིག་ཏུ་སྐྱེས་ཏེ་རླུང་ལྷའི་འཁོར་ཡིན། རྒྱ་གར་དུ་སྔགས་པ་ཞིག་ཤི་མལ་དུ་གཞན་བླ་མ་ཞིག་བཞུགས་པས། ཉལ་སའི་ནང་དེར་ཁྲོ་བོ་ཞལ་གསུམ་ཕྱག་དྲུག་མཆེ་བ་ཙ་རེ་བ་ཞིག་གདའ་བས། ང་རི་ཁྲོད་འདིར་འདུག་པའི་སྔགས་པ་ཞིག་ཡིན་ཏེ། ང་ཡི་དམ་དེ་འདྲ་བའི་ཡི་དྭགས་སུ་སྐྱེས་པས་ལྟོགས་སྣང་ཆེ་བས་…

རེས་མོས་མ་བྱས་ནི་ཐབས་ཤེས་ཡ་བྲལ་དུ་སོང་འདུག་པས་མཐར་ཐུག་འབྲས་བུ་འབྱུང་ངམ་ཞུས་པས། དེ་ཐབས་ཤེས་ཡ་བྲལ་དུ་སོང་བས་སྟོང་ཉིད་ཁ་རྐྱང་གིས་གཟུགས་སྐུ་མི་འགྲུབ་ཅིང་སྙིང་རྗེ་མེད་ན་ཉན་ཐོས་སུ་གོལ་དོགས་ཡོད། བསྐྱེད་རིམ་ཁ་རྐྱང་གིས་ཆོས་སྐུ་མི་འགྲུབ་ཅིང་ཆགས་ཞེན་ཆེ་ན་གཟུགས་ཁམས་ཀྱི་ལྷར་གོལ་དོགས་ཡོད། དེ་བསྟན་པ་སྤྱིའི་ལུགས་ཡི…

བ་གང་ལགས། བསྒོམ་ལུགས་ཀྱི་གསལ་ཀའང་གནོང་ཞུས་པས། རང་རྒྱལ་བ་རྒྱ་མཚོའི་སྤྱི་གཙུག་ཏུ་སེམས་དཔའ་རང་བྱུང་རྡོ་རྗེ་ནི་ཀརྨ་པཀྵིའི་གསང་མཚན་ཡིན། དེའི་སྤྱི་བོར་ཨོ་རྒྱན་བསྒོམ། གཞན་ལྷ་ལྔ་གཞུང་ལྟར་དྲན་རྫོགས་སུ་བསྒོམ་ནས་གསོལ་འདེབས་ཚར་ནས་མཐར་རང་ལ་བསྟིམ། ལར་དམིགས་པ་མང་པོ་བས་ངོ་བོ་སྐྱོང་བ་རང་དགའ་གསུངས། ༈ ཕྱི་མ་ཁོ་ན་དོན་ད…

བརྒྱད་སྒྲུབ་པས་རྟགས་ཅི་ཡང་མ་བྱུང་བས་ཕྲེང་བ་ཆབ་ཁང་དུ་བསྒྱུར་ཏེ། ལྷ་མི་བསྒྲུབ་པར་དམ་བཅས། ནུབ་གཅིག་རྨི་ལམ་དུ་བུད་མེད་གཅིག་གིས་ཁྱོད་ཀྱི་ལྷ་དགྱེས་རྡོར་ཡིན་པས་ཕྲེང་བ་ཡར་ལོང་ཁྲུས་གྱིས་ལ་ཐོན་གསུངས། དེ་ལྟར་བྱས་པས་ཞག་བདུན་ནས་དགྱེས་རྡོར་ཞལ་གཟིགས། བདག་མེད་མས་དབང་བསྐུར་ཏེ་ས་དྲུག་པ་ཐོབ། ནཱ་རོ་པས་ལོ་བརྒྱད་དགྱེས་རྡ…

ཀྱི་བསྒོམ་བྱ་གཏོང་ལེན་ཡིན་པས་ཐོག་མར་ལེགས་གསུངས། ༈ སྙིང་རྗེ་རྣམ་གསུམ་གང་གལ་ཆེ་ཞུས་པས། སེམས་ཅན་ལ་དམིགས་པའི་སྙིང་རྗེ་དེ་རྩ་བ་ཡིན་པས་གལ་ཆེ་བར་བཤད་གསུངས། ༈ སེམས་ངོ་མ་ཡེངས་པའི་ངང་ནས་སྙིང་རྗེ་ཤར་བ་དེ་ཅི་ལགས་ཞུས་པས། དེ་སྟོང་ཉིད་སྙིང་རྗེ་ཟུང་འཇུག་སྟེ་དོན་དམ་སེམས་བསྐྱེད་རང་ཡིན་གསུངས། ༈ ཚོགས་བསགས་པ་ལ་དངོས་འབྱོ…