འབར་བའི་དཀྱིལ་འཁོར་དུར་ཁྲོད་བརྒྱད་ཀྱི་བསྐོར་བའི་དབུས༔ ཡེ་ཤེས་ཀྱི་མེ་དཔུང་འབར་བའི་ཀློང་༔ རང་སྣང་ཡེ་ཤེས་ལས་གྲུབ་པའི་གཞལ་ཡས་ཁང་གི་དབུས་སུ༔ པདྨ་ཉི་ཟླ་བདུད་བཞི་བསྣོལ་བའི་སྟེང་དུ་རང་བྱུང་ཆོས་ཀྱི་དབྱིངས་ལས༔ རང་བྱུང་ཡེ་ཤེས་ཀྱི་རྩལ་ཧཱུྃ་མཐིང་ནག་ཁྲ་ཐབས་སུ་བབ་སྟེ༔ འཕྲོ་འདུས་ཡེ་ཤེས་ཀྱི་འོད་ཟེར་གྱིས་རྒྱལ་བ་ཐམས་ཅ…

བསྒྲད་པ༔ ཡུམ་འཁོར་ལོ་རྒྱས་འདེབས་དང་གཉིས་མེད་དུ་འཁྲིལ་བ༔ ཞལ་ཕྱག་རྒྱན་དང་ལྡན་པ༔ ཕྱག་གཡས་གཉིས་རྩེ་དགུ་རྩེ་ལྔ་སྟེ༔ གཡོན་གཉིས་མེ་དཔུང་ཁ་ཊཾ་འཛིན་པ༔ ཐ་གཉིས་རི་རབ་ཕུར་པ་འདྲིལ་བ༔ ཡུམ་གྱི་གཡས་ཨུཏུལ་མགུལ་ནས་འཁྱུད་པ༔ གཡོན་དུང་དམར་གཙོ་ལ་སྟོབ་པ༔ དུར་ཁྲོད་རབ་འཇིགས་ཆས་རྣམས་རྫོགས༔ དེའི་དཔྲལ་བར་ཧཱུྃ་ཀཱ་ར༔ དཔུང་པ་གཡས་…

ཀར་ཧཱུྃ༔ དེ་དག་དམིགས་ལ༔ ཨོཾ་ཨཱཿ༔ཧཱུྃ༔ བདུན་བརྗོད་པས༔ ཕྱོགས་བཅུའི་རྒྱལ་བ་ཐམས་ཅད་ཀྱིས་དབང་བསྐུར་བྱིན་རླབས་ཏེ་དབང་རྟགས་སུ་རང་རང་གི་སྤྱི་བོར་དོན་ཡོད་གྲུབ་པས་དབུ་བརྒྱན་པར་གྱུར་ལྷ་རང་རང་གི་ཐུགས་ཀའི་ཧཱུཾ་ལས་འོད་ཟེར་འོག་མིན་དང་སྟེང་འོག་ཕྱོགས་བཅུར་འཕྲོས་པས༔ གཙོ་འཁོར་དང་བཅས་པ་རང་རང་སྤྱན་དྲངས་ཏེ་གཉིས་སུ་མེད་པར…

བར་མ་ཆད་པར་ཐིམ་པས་རྒྱལ་བ་ཐམས་ཅད་ཀྱི་ཐུགས་རྗེ་དང་༔ བྱིན་རླབས་ནུས་པ་ཐམས་ཅད་རྡོ་རྗེ་ཕུར་པའི་ལྷ་ཚོགས་ཀྱི་ངོ་བོར་སིབ་སིབ་བདག་ལ་ཐིམ༔ རང་གི་གོ་ཆའི་ལྷ་ཐམས་ཅད་མདོར་ན་རྩ་གནས་ཀྱི་ལྷ་ཐབས་ཤེས་ཡབ་ཡུམ་ཏིལ་གྱི་གོང་བུ་ཁ་ཕྱེ་བ་ལྟར་གནས་པ་ཐམས་ཅད་ཀཱི་ལ་ཡའི་སྔགས་སྒྲ་བུང་བ་ཚང་ཞིག་པ་ལྟར་ཏི་རི་རི་བཟླས་པར་གྱུར༔ ཨོཾ་བཛྲ་ཀཱི་ལ…

འདུལ་བའི་ཕྱིར༔ ཕུར་པའི་ལྷ་ཚོགས་ཞེས་གསུངས་པས༔ རྒྱལ་འགོང་དམ་སྲི་འདུལ་བའི་མཆོག་དམ་པ་ཡིན་ནོ༔ དེའི་རྒྱུད་ཇི་ལྟར་གསུངས་ཚུལ་ནི༔ འོག་་མིན་གྱི་གནས་གསང་ཆེན་རོལ་པའི་དུར་ཁྲོད་དུ༔ བཅོམ་ལྡན་འདས་ཕྲིན་ལས་ཀྱི་བདག་ཉིད་རྡོ་རྗེ་གཞོན་ནུ་ལ་འཁོར་རིགས་བཞིའི་སངས་རྒྱས་དང་སྤྲུལ་པའི་འཁོར་དཔག་ཏུ་མེད་པས་བསྐོར་ནས་བཞུགས་པའི་ཚེ༔ གས…

མིག་དགུ་པ་ཞིག་གིས་ངས་སེམས་ཅན་སྐྱབས་མེད་པའི་སྐྱབས་བྱའོ༔ མགོན་མེད་པའི་མགོན་བྱའོ་ཟེར་བ་ཞིག་གཟིགས་པས༔ ཕྱིར་ནངས་དེར་བསྐོས་པའི་འོག་ནས་ཕུར་པའི་རྒྱུད་མང་པོ་བྱུང་ངོ་༔ དེ་ནས་རིག་འཛིན་པྲ་ཆེན་ཧསྟི་ལ་སློབ་དཔོན་པདྨས་ཕུར་པའི་དབང་བསྐུར་བར་ཞུས་ནས༔ པྲ་ཆེན་ཧསྟི་ངས་ཁྱོད་ལ་ཕུར་པའི་དབང་བསྐུར་བའི་སྐལ་བ་མི་ལྡན༔ རྒྱ་གར་ཤར་ཕ…

པའི་རྒྱུད་མན་ངག་ཐམས་ཅད་གནང་ནས༔ སྐྱེ་འཆི་མེད་པ་ཚེ་ཡི་རིག་འཛིན་དང་༔ ལྷུན་གྱིས་གྲུབ་པར་བྱས་པ་ལ་སོགས་རིག་འཛིན་ལ་མངའ་བརྙེས་པར་འགྱུར་རོ༔ སླར་ཡང་སློབ་དཔོན་པྲ་བྷ་ཧསྟི་ལ་ཕུར་པའི་ཆོས་སྐོར་མང་དུ་ཞུས་སོ༔ དེ་ནས་སློབ་དཔོན་པདྨ་བལ་ཡུལ་ཡང་ལེ་ཤོད་དུ་ཡང་དག་མར་མེ་དགུའི་དཀྱིལ་འཁོར་བཞེངས་ནས་ཕྱག་རྒྱ་ཆེན་པོ་མཆོག་གི་དངོས་གྲ…

མིག་སྐམ་པ་རྣམས་སྐྱེས༔ རྩི་ཤིང་ནགས་ཚལ་ལོ་ཐོག་ཐམས་ཅད་དུས་དེ་ཉིད་དུ་སྔོ་ལྷུབ་སྟེ་སྐྱེས་ཤིང་རྒྱས་སོ༔ དེ་ནས་སློབ་དཔོན་གྱིས་ཕུར་པའི་ཆོས་རྣམས་དཔག་བསམ་གྱི་ཤིང་ལ་དཔེ་བླངས་ནས༔ བི་ཏོ་ཏ་མ་ལ་སོགས་པ་རྩ་བ་ལྟ་བུའི་རྒྱུད་བཞི༔ ཡལ་ག་ལྟ་བུའི་ཁྲོ་བཅུའི་རྒྱུད་ཆུང་བཅུ༔ དམར་མོའི་བསེ་མོའི་རྒྱུད་སོགས་ལོ་མ་ལྟ་བུའི་རྒྱུད་གསུམ་…

གྲོགས་བྱེད་པའི་སྲུང་མར་བསྐོས་སོ༔ ཕུར་སྲུང་བསེའི་ལྷ་མོ་མཆེད་བཞི་མིང་བཏགས་སོ༔ དེ་ནས་སློབ་དཔོན་རྒྱ་གར་བི་ཀ་མ་ལའི་གཙུག་ལག་ཁང་དུ་བྱོན་ནས་པཎྜི་ཏ་རྣམས་ལ་ཕྱག་དཔེ་སྔ་མ་རྣམས་གཏད༔ སློབ་དཔོན་ཉིད་ཀྱིས་བརྩམས་པ་རྣམས་གཟིགས་ཕུལ་བས༔ པཎྜི་ཏ་རྣམས་མཉེས་ནས་ཕྱག་གྱང་འགྱེལ་བ་ལྟར་འཚལ༔ ད་དུང་ཡང་སྔགས་ཀྱི་འགྲེལ་བ་སྒྲུབ་ཐབས་མང་ད…

མ་ཏི་མཆེད་བཞི་བྱུང་བ་རྣམས་དམ་ལ་བཏགས་ནས་རྡོ་རྗེ་ཕུར་པའི་དབང་ཐོབ་ཉམས་སུ་ལེན་པ་རྣམས་ཀྱི་སྲུང་མར་བསྐོས༔ དེ་ནས་ཕུར་པ་རྣམས་དཀྱིལ་འཁོར་གྱི་སྟེང་དུ་འཁྲབ་ཅིང་བྱུང་བས་སྒོ་བར་བཅུག་པས༔ སྒོ་བ་ནམ་མཁར་འཕར་ཞིང་སྒོ་བའི་ནང་ནས་ཆོམ་སྒྲ་འུར་སྒྲ་རིམ་རམ་བྱུང་བས་ཕུར་པ་རྣམས་བཏོན་ནས༔ སློབ་དཔོན་པདྨས་རྡོ་རྗེ་གདན་དང་མ་ལ་ཡའི་ཙན་…

བུ་བཞིན་སྐྱོང་བར་ཁས་བླངས་སོ༔ སློབ་དཔོན་དེ་གསུམ་གྱི་དགོངས་པ་བསྡུས་ནས་མཛད་པའི་ཕུར་པའི་ཆོས་རྣམས་ལ༔ ཕུར་པ་རྣམ་གསུམ་སྐོར་ཞེས་བྱ་བར་གྲགས་སོ༔ དེ་ནས་སློབ་དཔོན་པདྨ་བོད་དུ་བྱོན་ནས་བྲག་དམར་བསམ་ཡས་སུ་རྡོ་རྗེ་ཕུར་པའི་དཀྱིལ་འཁོར་བཞེངས་ནས་བསམ་ཡས་ཀྱི་ས་འདུལ་ཕུར་འཆམས་དང་བཅས་པ་མཛད༔ བོད་ཀྱི་ལྷ་སྲིན་ཐམས་ཅད་དམ་ལ་བཏགས་ནས…

ལྕགས་ཕུར་ཅན་ཞེས་གྲགས་སོ༔ སངས་རྒྱས་ཡེ་ཤེས་ཀྱིས་སྒྲགས་ཀྱི་རི་ལ་ཚད་ནས་འདྲིལ་བ་ཙམ་གྱིས་མེ་འབར་རོ༔ རྡོ་རྗེ་བདུད་འཇོམས་ཀྱིས་གཙང་པོ་ལ་བཏབ་པས་ཆུ་འཁྱིལ་ཉི་མ་ཕྱེད་ཀྱི་བར་དུ་ཆུ་འབབ་མ་ནུས༔ བྲག་ཟང་ཟིང་མོ་ལ་བཏབ་པས་ནས་ཙམ་ཡོས་ཙམ་དུ་འཐོར༔ ཤུད་བུ་དཔལ་སེང་གིས་བསམ་ཡས་ཧས་པོ་རི་ལ་དགུན་ལ་བཏབ་པས་རྩི་ཤིང་སྔོ་ལྷུབ་ཀྱིས་སོང་༔…

དབང་ཕྱུག་སོགས་ཕུར་པའི་གྲུབ་ཐོབ་བཀའ་བབས་མང་དུ་བྱུང་སྟེ༔ བཀའ་བབས་གཙོ་བོ་ནི་མཁར་ཆེན་བཟའ་ཡིན་ནོ༔ དེ་ནས་སློབ་དཔོན་གྱིས་དཔལ་གྱི་དབང་ཕྱུག་ལ་ཙན་དན་གྱི་ཕུར་པ་ཁྱེའུ་ལོ་བརྒྱད་པ་ཙམ་ཞིག་གནང་ནས༔ གཙང་གི་བྱང་ངོས་ན་སྲིན་པོ་འདུག་པ་ཅིག་མ་ཐུལ་ནས་ཡོད་པ་ཐུལ་ཞིག་གསུངས་ནས་སློབ་དཔོན་སྲིན་ཡུལ་དུ་འབྱོན་པར་དགོངས་སོ༔ བོད་ཀྱི་སྒ…

པོའི་ཁ་གནོན་ལ་བྱོན་དུས་རྒྱལ་པོ་མུ་ཁྲི་བཙན་པོ་སོགས་བོད་ཀྱི་ལྷ་སྲས་དང་རྒྱལ་བློན་ཐམས་ཅད་ཀྱིས་སློབ་དཔོན་མང་ཡུལ་བར་དུ་བསྐྱལ༔ སོ་སོར་ཆོས་དང་ཞལ་གདམས་མང་དུ་ཤུགནང་༔ དེ་དུས་ཇོ་མོ་མཁར་ཆེན་བཟའ་དང་༔ ལྕོགས་རོ་བཟའ་དཔལ་མཆོད་གནས་མ་དང་༔ གཡོག་ཨཱཿ་ཙར་ས་ལེ་གསུམ་གྱི་ཐད་དུ༔ དགྲ་བགེགས་གདུག་པ་འདུལ་བ་ལ་མཐུ་དང་བྱིན་རླབས་ཆེ་བའ…

དེ་བཞིན་དུ་སློབ་དཔོན་ཆེན་པོ་ཀླུ་དཔལ་དང་༔ སྟག་ར་ཀླུ་གོང་གཉིས་ཀྱང་སྔར་སློབ་དཔོན་ལས་རྡོ་རྗེ་ཕུར་པའི་དབང་ཐོབ་ཀྱང་སློབ་དཔོན་ལ་ལོག་ལྟ་གཤེ་སྐུར་བྱས་རྒྱལ་པོ་ལ་ཚེ་དབང་ཞུ་མ་བཅུག་པའི་ཉེས་པས་རེ་ཞིག་དམྱལ་བར་སྐྱེས་ཏེ༔ ཡང་དབང་ཐོབ་པའི་བྱིན་རླབས་ཀྱིས་མྱུར་དུ་ཐར་ནས་སྐྱེ་བ་ཐམས་ཅད་དུ་དབང་ཆེ་ཞིང་སྟོབས་དང་ལྡན་པར་སྐྱེས་ཏེ…

ནི་རིང་སེང་གེའི་རྫོང་གསུམ་དུ་རྡོ་རྗེ་ཕུར་པའི་སྒྲུབ་པ་མཛད་པས་ཕུར་པའི་ལྷ་ཚོགས་ཐམས་ཅད་མངོན་སུམ་དུ་མཇལ་བྲག་ལ་ཕུར་པ་བཏབ་ཅིང་བྲག་ལས་ཚེ་ཆུའི་རྒྱུན་བབས་པ་ད་ལྟའི་བར་དུ་ཡོད་དེ་ཆུ་དེ་སུས་འཐུང་ཚད་ཚེའི་བར་ཆད་སེལ་ལོ༔ དགུང་ལོ་ཡང་གཉིས་བརྒྱ་ལྷག་ཙམ་བསྒྲེས་རྒུད་མི་མངའ་བར་བཞུགས་ཤིང་གཉེན་ཨཱཿ་ཙརྱ་དཔལ་དབྱངས་སོགས་ལ་ཕུར་པའི…

པ་བར་མ་ཆད་པར་བྱོན་པ་ས་སྙིང་ཞེས་སུ་གྲགས་ཏེ༔ ས་ཆེན་ཀུན་སྙིང་ནས་བཟུང་རྙིང་མའི་ཡང་དག་ལྷ་དགུ་དང་གསར་མའི་ཀྱེ་རྡོར་ལྷ་དགུ་དོན་གཅིག་པར་དགོངས་ནས་ཀྱེ་རྡོར་དང་རྡོ་རྗེ་ཕུར་པ་ལ་ཡི་དམ་མཛད་ཅིང་༔ ས་སྐྱ་པཎྜི་ཏ་ཡིས་མུ་སྟེགས་འཕྲུལ་རྗེ་རས་པ་འདུལ་བའི་ཕྱིར་བལ་པོར་བྱོན་ནས་མུ་སྟེགས་པ་རྩོད་པའི་བགྲོ་གླེང་གིས་ཕམ་ཐུབ་ན་ཡང་མུ་ས…

གསུངས་སྐད་དོ༔ དེ་ས་སྐྱ་པཎྜི་ཏས་སློབ་དཔོན་པདྨའི་རྒྱ་དཔེ་རྙིང་པ་ཞིག་ལས་ཕུར་པ་རྩ་ཐུང་གི་རྒྱུད་བསྒྱུར༔ བླ་ཆེན་འཕགས་པ་དང་བསོད་ནམས་རྒྱལ་མཚན་ལ་སོགས་ས་སྐྱའི་ཞབས་དྲུང་ཁྲི་རྒྱན་ན་རིམ་པར་ཐམས་ཅད་ཀྱིས་རྡོ་རྗེ་ཕུར་པ་འདི་ཐུགས་དམ་དུ་མཛད་ཅིང་༔ གཙང་ས་སྐྱ༔ དཔལ་འཁོར་བདེ་ཆེན༔ གངས་དཀར་རྡོ་རྗེ་གདན་ལ་སོགས་ཆོས་གྲྭ་ཆེན་པོ་རྣ…

དར་ཞིང་རྒྱས་སོ༔ དེ་ལྟར་བཀའ་མ་དང་གཏེར་མ་གཉིས་ཀའི་བརྒྱུད་པ་ནི་དབང་འདི་ལ་ཚང་བས་ཤིན་ཏུ་བྱིན་རླབས་ཆེ་བ་ཡིན་པས༔ ཨོ་རྒྱན་རིན་པོ་ཆེའི་ཞལ་ནས༔ ཕུར་པ་མཁན་པོ་བཀྲ་ཤིས༔ ཕུར་པ་མཁན་པོ་དཔལ་ཆེ༔ ཕུར་པ་མཁན་པོ་ཚེ་རིང་༔ ཕུར་པ་མཁན་པོ་ནོར་ཕྱུགས༔ ཕུར་པ་མཁན་པོ་འཁོར་རྒྱས༔ ཕུར་པ་མཁན་པོ་སྲིད་འཕེལ༔ ཕུར་པ་མཁན་པོ་མཐུ་ཆེ༔ ཕུར་པ་མཁན…

སྐྱབས་སུ་མཆི༔ རྡོ་རྗེ་གཞོན་ནུ་འཁོར་དང་བཅས༔ ལྷ་རྣམས་ལ་ཡང་ཕྱག་འཚལ་ལོ༔ སེམས་ཅན་མ་ལུས་སྲིད་པར་ལྟུང་༔ འགྲོ་རྣམས་ཀུན་ལ་ཕན་པའི་ཕྱིར༔ བདག་གིས་དུས་འདི་ཉིད་དུ་ནི༔ བྱང་ཆུབ་སེམས་ནི་བསྐྱེད་པར་བགྱི༔ སེམས་ཅན་ཀུན་གྱི་དོན་གྱི་ཕྱིར༔ སངས་རྒྱས་ཉིད་དུ་འགྲུབ་ནས་ནི༔ སེམས་ཅན་འཁོར་བར་བྱིངས་བ་རྣམས༔ བྱང་ཆུབ་གནས་སུ་བསྒྲལ་བར་བག…