གཅོད་མ་ཤེས་པ་གཉིས་ཀྱི་ཉེས་པ་ཕོག་ཐུག་ཆེ་བ་མེད། དེ་བས་ལུང་དང་སློབ་དཔོན་གྱི་ཞལ་ཁྲིད་དགོས། གཞན་ཡང་དང་པོ་བླ་མ་ཡི་དམ་མཁའ་འགྲོ་ཆོས་སྐྱོང་རྣམ་སྲས་དམ་ཅན་གཞི་བདག་རྣམས་ཐེག་པ་ཆེ་ཆུང་རིམ་བཞིན་བརྗོད། ལམ་ལྷ་ཁ་འཛིན་ཕྲིན་ལས་བཅོལ་བ་མཐོང་བ་བརྒྱུད་པ་ལྟར་གོང་འོག་མ་ནོར་བ་མཛད་དགོས། དངོས་གྲུབ་བླང་བ་དང་། གཏང་རག །བཤགས་པ་དང་།…

གྱིས་མི་ཁྱབ་པས། །སེམས་བསྐྱེད་དམིགས་པ་གསལ་ན་ལེགས་པའི་ཡོན་ཏན་འགྲུབ། །ཉེས་ཚོགས་དག་ནས་རྣམ་མཁྱེན་སངས་རྒྱས་འཐོབ། །འབྱོར་པ་ལོངས་སྤྱོད་རྒྱུན་མི་འཆད་པར་འཕེལ། །སྔགས་དག་མཆོད་རྫས་གཙང་ན་བསོད་ནམས་ཀྱི། །གཞི་མ་ཚོགས་གཉིས་རྫོགས་ནས་སྒྲིབ་པ་བྱང་། །ཕར་ཕྱིན་དྲུག་རྫོགས་མདངས་དང་གཟི་བརྗིད་རྒྱས།འཐབ་རྩོད་དང་བྲལ་མི་ནད་ཕྱུགས་ནད…

ནི་བཟང་དྲུག་དང་། ཙནྡན་དཀར་དམར། ཨ་གར་རིགས་གསུམ། རྒྱ་སྤོས་སྤང་སྤོས་བྲག་སྤོས། སྦྱར་སྤོས་རིགས་གསུམ་དང་ཞོ་ཤ་གསུམ། གེ་སར་གསུམ། འབྲས་བུ་གསུམ། ད་ལི། ཤུག་པ། སྒྲོན་ཤིང་། མཁན་པ་རིགས་གསུམ། སྤེན་དཀར། དྷེ་བ་དྷ་རུ་ལ་སོགས་རྩི་ཤིང་སྣ་ཚོགས། འབྲུ་སྣ་ཚོགས། རིན་ཆེན་སྣ་ཚོགས། ཕྱེ་མར།་ཕུམ་ཐུད། འོ་ཞོ། ཇ་ཆང་ལ་སོགས་པའི་མཆོད་པ…

དང་། །མོ་རྩིས་རྨི་ལམ་འགྲམ་འཁྲུག་སོགས། །བྱ་བ་ཆེ་ཆུང་ཐམས་ཅད་ལ། །བསང་མཆོད་བྱས་པས་བདེ་ལེགས་འབྱུང་། །བཀྲ་ཤིས་དོན་འགྲུབ་འབྱོར་པ་རྒྱས། །ལྷ་འདྲེ་དགྱེས་པའི་དམ་ཚིག་དྲན། །སྡོང་གྲོགས་མགོན་སྐྱོབ་དཔུང་གཉེན་བྱེད། །ཅེས་གསུངས་སོ། །རྣལ་འབྱོར་དམ་ཚིག་ཅན་དེ་ལྷ་འདྲེ་ཀུན་ལ་གཉེན། །དམ་ཚིག་འདི་མིག་འབྲས་བཞིན་དུ་བསྲུང་དགོས། བླ…

རྒྱུད་ཁྲག་མཚོ་ཁོལ་མོ་ནས་གསུངས་སོ། །རྟོགས་པའི་སྲོག་གི་དབང་གི་དམ་ཚིག་བསྒྲགས་པ་ལས། ཆོས་སྒོར་སྤྱོད་ཚེ་ཆོས་ལོག་ཞུགས་པས་ཀྱང་། །ལྷ་སྲིན་སྡེ་བརྒྱད་ལ་སོགས་པ། །བླ་མའི་ཆོས་སྐྱོང་སྲུང་མ་དང་། །གནས་དེར་གནས་སམ་ཡུལ་གྱི་ལྷ། །ལྷ་སྲིན་སྡེ་བརྒྱད་ཐམས་ཅད་ལ། །གསོལ་ཀ་མཆོད་པ་ལས་ལ་ཤེས། །ཞེས་ཨོ་རྒྱན་རིན་པོ་ཆེས་གསུངས་པས། །ཇི་ས…

ཉམས་པའི་མིས་མཆོད་ན་འབྲས་བུ་མེད་ཅིང་བར་དོར་ཆུད་ཟོས་པར་འགྱུར་རོ། །ཞེས་གཏོ་འབུམ་ལས་གསུངས་སོ། །དུ་བ་བརྟག་པ་ནི། དུ་བ་དཀར་པོས་ལྷ་དགྱེས་ཞི་བའི་ལས་འགྲུབ་། ནག་པོས་བདུད་རྨུགས་གྲིབ་ཀྱི་ངོ་ཁྲུས་དང་གྲིབ་སེལ་བྱ། དམར་པོས་བཙན་དང་ས་བདག་གདོན། ས་བདག་འཁྲུགས་བཅོས་བྱེད། དཀར་ནག་འདྲེས་ན་བྱད་ཀས་གདོན་༔ བྱད་ཟློག་བསྲུང་བ་ཟློག་…

རྨུགས་ནི་མནོལ་གྲིབ་འོང་། །དུ་བ་འཁྲུགས་ཤིང་འཐིབས་པ་ན། །ན་ཚ་སྡུག་བསྔལ་མྱ་ངན་འོང་། །དྭངས་ཤིང་དགུང་དུ་འཁྲིགས་ན་བཟང་། །གཞན་ཡང་ཤར་འབར་བཀྲ་ཤིས་ཤིང་། །དོན་གྲུབ་ལྷ་མཉེས་བདེ་སྐྱིད་ལྡན། །ལྷོར་འབར་ལས་བཞིའི་ཕྲིན་ལས་འགྲུབ། །ནུབ་འབར་ནད་ངོ་གྲིབ་ངོ་ཆེ། །བྱང་འབར་ཆོམ་རྐུན་དགྲ་ངོ་ཡོད།ཤར་ལྷོར་ཞི་བའི་ལས། ལྷོ་ནུབ་རྒྱས་པའི…

ཞི་བརྔན་བསང་གསུམ་གྱི་ཆོ་ག་ཕྱོགས་གཅིག་ཏུ་བསྡུས་ཏེ་ཁྱེར་བདེ་བར་བྱས་པ་མགྲོན་རིགས་ཚིམ་བྱེད་ཡིད་བཞིན་རེ་བཀང་སྨན་སྤོས་བདུད་རྩིའི་སྤྲིན་སྤུངས་ཞེས་བ་བཞུགས་སོ།།

ཨོ་རྒྱན་པདྨ་འབྱུང་གནས་ལ་ཕྱག་འཚལ་ལོ༔ དང་པོ་བརྔན་གྱི་བྱུང་ཁུངས་ནི༔ འཛམ་བུ་གླིང་གི་བོད་ཡུལ་དབུས༔ བཙན་པོ་ཁྲི་སྲོང་ལྡེའུ་བཙན་གྱིས༔ བསམ་ཡས་གཙུག་ལག་བཞེངས་པའི་དུས༔ ས་བདག་ཀླུ་གཉན་འཁྲོས་གྱུར་ནས༔ ལྷ་ཁང་ཉིན་རྩིག་མཚན་མོ་བསྐྱེལ༔ རི་རྡོ་ཐམས་ཅད་ཀླུང་དུ་ཕབ ཀླུང་རྡོ་ཐམས་ཅད་རི་ལ་བསྐྱལ རྩི་ཤིང་ཐམས་ཅད་མེ་ལ་བསྲེགས༔ ནད་དང…

སུ༔ སློབ་དཔོན་པདྨ་འབྱུང་གནས་ཀྱིས༔ རྡོ་རྗེ་ཕུར་པའི་དཀྱིལ་འཁོར་བཞེངས༔ ལྷ་འདྲེ་ཐམས་ཅད་དམ་ལ་བཏགས༔ དཀོན་མཆོག་གསུམ་ལ་མཆོད་པ་ཕུལ༔ ལྷ་དང་སྲུང་མ་ཐམས་ཅད་དང་༔ ས་བདག་ཀླུ་གཉན་ཐམས་ཅད་བརྔན༔ དེ་ཡིས་བསམ་ཡས་ཆོས་འཁོར་འགྲུབ༔ རྗེ་འབངས་བདེ་ཞིང་བཀྲ་ཤིས་པ༔ རྒྱལ་བློན་སྐུ་ཚེ་རིང་བ་དང་༔ རྩི་ཤིང་མེ་ཏོག་སྣ་ཚོགས་དང་༔ ལེགས་པའི་ཡོ…

བསྲུང་བ་དང་༔ སྒྲུབ་པའི་བར་ཆད་སེལ་བ་དང་༔ འཁོར་སྲུང་རྐྱེན་བཟློག་གྲགས་པ་སྤེལ༔ ལྷ་ཁང་བཞེངས་དང་མཆོད་རྟེན་བརྩེགས༔ མི་ནད་ཡམས་ནད་བཅད་པ་དང་། མཁར་ལས་བྱེད་དང་བཀྲ་ཤིས་འདོད༔ ཐག་རིང་མགྲོན་ལ་འགྲོ་བ་དང་༔ ཆུ་ཆེན་གྲུ་ལ་འགྲོ་བ་དང་༔ ལམ་འཕྲང་བསྒྲོད་དང་དམག་ལ་འགྲོ༔ ལྷོ་བལ་སྦས་ཡུལ་འགྲོ་བ་དང་༔ ཆེ་དྲག་བྱ་བ་ཐམས་ཅད་ལ༔ སྔོན་དུ་…

པཿ མདའ་མདུང་དར་ཆེན་ཕྱར་བ་དང་༔ རྔ་དུང་ལ་སོགས་རོལ་མོའི་སྒྲ༔ སྤྱན་གཟིགས་མཆོད་པ་སྣ་ཚོགས་དང་༔ རང་ཉིད་པདྨའི་ང་རྒྱལ་གྱིསཿ མཆོད་རྫས་ཀུན་ལ་སྤོས་ཆུ་གཏོརཿ ཐམས་ཅད་ཅི་དགོས་འབྱུང་བའི་ལྷ༔ མཆོད་སྤྲིན་ཡིད་བཞིན་གཏེར་གྱུར་པ༔ ས་གཞི་བར་སྣང་གང་བར་གྱུར༔ ཤིང་སྣ་མེ་སྦར་བསང་དུད་དང་༔ རོལ་མོ་སྒྲ་ཡིས་བྱིན་དབབ་བོ༔ ན་མ་སརྦ་ཏ་ཐཱ་ག…

རྒྱལ་པོ་ནི༔ རིགས་ནི་ཟ་ཧོར་རྒྱལ་པོའི་སྲས་སུ་འཁྲུངས༔ ཨོ་རྒྱན་ཡུལ་དུ་སྒྲོ་འདོགས་མ་ལུས་བཅད༔ བསིལ་བ་ཚལ་དུ་དངོས་གྲུབ་རྣམ་གཉིས་བརྙེས༔ ཁ་བ་ཅན་དུ་བསྟན་པ་དར་བར་མཛད༔ ལྷོ་ནུབ་མཚམས་སུ་སྲིན་པོའི་ཁ་གནོན་མཛད༔ མྱ་ངན་མི་འདའི་འགྲོ་བའི་གཉེན་གཅིག་པོ༔ སྐུ་གསུམ་ཆེ་མཆོག་བཛྲ་ཧེ་རུ་ཀ༔ དུས་གསུམ་མཉམ་ཉིད་བླ་མ་དུས་འདིར་དྲནི༔ བདག…

རྟོགས་པའི་སྡེ་བརྒྱད་པོ༔ སྟོང་གསུམ་ཁྱབ་པའི་མཐུ་རྩལ་ཅན༔ ཆེ་དགུ་གཉན་དགུ་ཐམས་ཅད་དང་༔ གཙུག་ལག་ཁང་དང་སྒྲུབ་གནས་ཀྱི༔ སྲུང་མ་གཉན་པོ་ཐམས་ཅད་དང་༔ གཞན་ཡང་ལྷ་ཀླུ་གནོད་སྦྱིན་དང་༔ དྲི་ཟ་གྲུལ་བུམ་མཁའ་འགྲོ་སོགསཿ བརྔན་པར་འོས་པའི་མགྲོན་རྣམས་དང་༔ ས་བདག་ཀླུ་གཉན་ཐམས་ཅད་ཀུན༔ སངས་རྒྱས་བསྟན་པ་བསྲུང་བ་དང་༔ བསྒྲུབ་པའི་སྡོང་ག…

ནས་བྱུང་༔ བསང་གི་རྒྱུད་བྱུང་གནམ་ནས་བྱུང་༔ ཕ་གནམ་ལ་འབྲུག་ཆེན་ལྡར་མ་ལྡིརཿ མ་ས་ལ་གློག་ཆེན་གྱ་མ་གྱུ བུ་སྟག་རྒོད་གང་གི་ཐེག་པ་ཡིན༔ མ་ཕམ་གཡུ་མཚོའི་ཁ་ཞིག་ཡིན༔ བཟང་དྲུག་སྨན་གྱི་ནུས་པ་ཡིན༔ དྲི་ཞིམ་སྤོས་ཀྱི་ངད་པ་ཡིན༔ ཕྱེ་མར་འོ་སྐོལ་གསུར་གྱིས་མཆོད༔ གསེར་ལོ་འབར་བའི་སྟག་པ་དང་༔ གཡུ་ལོ་འབར་བའི་ཤུག་པ་དང་༔ དུང་ལོ་འབར…

བླ་མེད་དམ་ཆོས་བསང་༔ འདྲེན་པ་བླ་མེད་དགེ་འདུན་བསང་༔ བླ་མེད་དཀོན་མཆོག་གསུམ་པོ་བསང་༔ བུདྡྷ་བཞི་བཅུ་རྩ་གཉིས་བསང་༔ ཁྲོ་བོ་རྨ་བྱུང་བ་བསང་༔ ཁྲག་འཐུང་ལྔ་བཅུ་རྩ་བརྒྱད་བསང་༔ འཇམ་དཔལ་སྐུ་ཡི་ལྷ་ཚོགས་བསང་༔ པདྨ་གསུང་གི་ལྷ་ཚོགས་བསང་༔ ཡང་དག་ཐུགས་ཀྱི་ལྷ་ཚོགས་བསང་༔ ཆེ་མཆོག་ཡོན་ཏན་ལྷ་ཚོགས་བསང་༔ ཕུར་པ་ཕྲིན་ལས་ལྷ་ཚོགས་བས…

བསང་༔ རིག་འཛིན་བརྒྱུད་པའི་སྲུང་མ་བསང་༔ སློབ་དཔོན་རྒྱུད་ཀྱི་སྲུང་མ་བསང་༔ ཕ་མྱེས་རྒྱུད་ཀྱི་སྲུང་མ་བསང་༔ དབེན་གནས་གཉེན་གྱི་སྲུང་མ་བསང་༔ ཕྱི་ཨ་ཀར་དཀར་གྱི་སྲུང་མ་བསང་༔ ཚངས་པ་ལ་སོགས་ལྷ་བརྒྱད་བསང་༔ ཉི་མ་ལ་སོགས་གཟའ་བརྒྱད་བསང་༔ སྨིན་དྲུག་ལ་སོགས་རྒྱུ་སྐར་བསང་༔ མཐའ་ཡས་ལ་སོགས་ཀླུ་བརྒྱད་བསང་༔ ཛཾ་ལྷ་ལ་སོགས་ནོར་ལྷ…

མཚུན་རྒྱལ་བུ་མཐིང་གེ་བསང་༔ སྨན་བཙུན་དེ་མོ་དབུ་དཀར་བསང་༔ རྗེ་ཡི་མགུར་ལྷ་བཅུ་གསུམ་བསང་༔ སྲིད་པ་ཆགས་པའི་དགྲ་བླ་བསང་༔ མ་སངས་རྡོ་རྗེ་ལེགས་པ་བསང་༔ བཙན་རྒོད་འབར་བ་སྤུན་བདུན་བསང་༔ ཤར་གྱི་རྨ་གཉན་སྤོམ་ར་བསང་༔ རྨ་རིགས་སུམ་བརྒྱ་དྲུག་ཅུ་བསང་༔ ལྷོ་ཡི་འཛམ་བུ་གླིང་ཆུང་བསང་༔ ཀླུ་འཁོར་སུམ་བརྒྱ་དྲུག་ཅུ་བསང་༔ ནུབ་ཀྱི་ག…

ཡག་ཅང་སེ་གཉན་པོ་བསང་༔ ཐབ་ལ་གནས་པའི་ཐབ་ལྷ་བསང་༔ ལམ་ལ་གནས་པའི་ལམ་ལྷ་བསང་༔ དུད་པ་གནམ་དུ་སོང་བ་ཡིས༔ ནམ་མཁའ་གང་བའི་ལྷ་ཚོགས་བསང་༔ མེ་ལྕེ་བར་སྣང་སྦྱར་བ་ཡིས༔ བར་སྣང་གང་བའི་ལྷ་ཚོགས་བསང་༔ མེ་ལྕེ་ས་གཞིའི་སྟེང་དུ་འབར༔ ས་གཞི་གང་བའི་ལྷ་ཚོགས་བསང་༔ མེ་སྟག་དྲག་པོ་ཐོད་རྒོད་འཕྲོ༔ གདུག་པའི་དགྲ་བགེགས་ཁོང་ཐག་ཆོད༔ ཐལ་བ་ཆེ…

གྲོགས་ལ་མཁོ་བའི་དགྲ་བླ་བསང་༔ དགྲ་བསད་གྲུབ་པའི་དགྲ་བླ་བསང་༔ དར་མ་ཐོབ་པའི་དགྲ་བླ་བསང་༔ ཆེ་བཙུན་སྨོན་པའི་དགྲ་བླ་བསང་༔ ཐུགས་དཀར་སུམ་བརྒྱ་དྲུག་ཅུ་བསང་༔ འབར་བ་ཉིས་བརྒྱ་ལྔ་བཅུ་བསང་༔ ཝེར་མ་བརྒྱ་དང་བརྒྱད་ཅུ་བསང་༔ མེད་པ་ཡོད་སྲིད་དགྲ་བླ་བསང་༔ སྲིད་པའི་ལྷ་ལུག་དཀར་པོ་བསང་༔ གླིང་བཞི་དར་བའི་དགྲ་བླ་བསང་༔ སྐུ་གསུང་ཐ…