གཏོར་གསུམ་མར་མེའི་མདངས་བསྐང་གྱེར་ཞིང་སྐོར་བ་བྱེད་པའི་ཕན་ཡོན་ནི། འཕགས་པ་སྤྱན་རས་གཟིགས་ཀྱི་མདོ་ལས། འཇིག་རྟེན་མགོན་གྱི་མཆོད་རྟེན་ལ། །མི་གང་བསྐོར་བ་བྱས་པ་ཡིས། །བསྔགས་པ་བསྐལ་པ་བྱེ་བར་ཡང་། །བརྗོད་པས་ཟད་པར་བྱ་མི་ནུས། །ཞེས་དང་། མཆོད་རྟེན་བསྐོར་བ་བྱས་ན་ནི། །བརྩོན་འགྲུས་བརྟན་ཞིང་མཐུ་བརྟན་ལ། །བརྟན་ཞིང་རྣམ་པར་ག…

མཆོག་གསུམ་པོ་དངོས་སུ་བཞུགས་པ་དང་དངོས་སུ་མི་བཞུགས་པ་ལ་ཡིད་ཀྱིས་དམིགས་ནས་མཆོད་པ་ཡང་བསོད་ནམས་མཉམ་པར་གསུངས་ཏེ། མདོ་སྡེ་རྒྱན་ལས། སངས་རྒྱས་རྣམས་ལ་གོས་ལ་སོགས། །མངོན་སུམ་མངོན་སུམ་ཡིན་པར་མཆོད། །ཅེས་གསུངས་སོ། །སྨན་རཀ་གཏོར་གསུམ་མདངས་བསྐང་དང་བཅས་པའི་ཚིག་མཚམས་སུ་ཨོ་ཨཱཧཱུཾ་སྦྱར་བ་ཡང་ཚིག་སླད་མ་ཡིན་ཏེ། སྐུ་གསུང་ཐུག…

གྱེར་ཞིང་གཡས་སྐོར་གཡོན་སྐོར་སྟངས་སྟབས་བྲོ་ཡི་རྣམ་པ་བྱེད་པ་འདི་ཡང་། ཕལ་པའི་གླུ་དང་བྲོ་དང་། རྩེད་མོའི་ཕྱིར་མ་ཡིན་ཏེ། གསང་སྔགས་བརྟུལ་ཞུགས་སྤྱོད་པའི་གླུ་དང་བྲོ་གར་བྱས་པས། རི་བྲག་ལ་ཐོགས་པ་མེད་པ་དང་། ནམ་མཁར་འཕུར་བ་དང་ཆོས་ཀྱི་དངོས་གྲུབ་ཐོབ་པའི་ཕན་ཡོན་བཤད་དེ། རྒྱུད་གསང་བ་སྙིང་པོ་ལས། །བྲོ་གར་འདུ་འཕྲོའི་ཕྱག་ར…

བཅོམ་ལྡན་འདས་ཀྱིས་བཀའ་སྩལ་པ། །མ་རུངས་འབྱུང་པོ་འདུལ་བ་དང་། དགེ་འདུན་སྡེ་འཇིག་སྔགས་པ་དགྲས་འཇིག་གང་། །གཙུག་ལག་ཁང་ལ་བགེགས་ཆེན་ཞུགས་པ་དང་། །འཇིག་རྟེན་ལྷ་འདྲེ་འཁྲུག་ནས་མ་རུངས་དང་། །གདུག་པའི་དགྲ་བགེགས་མ་ལུས་བསྒྲལ་བའི་ཕྱིར། །བརྟུལ་ཞུགས་སྤྱོད་པ་འདི་ལྟར་བགྱི། །ཞེས་པ་ནས། དགྲ་བགེགས་ཐལ་བར་བརླག་པའི་བྲོ། །བདུད་དཔུ…

ཁྲོམ་བསྡུས་ནས་ཡིག་དྲུག་འདོན་པ་འདི་ཡང་རང་གར་ཇོ་རྒྱུན་བྱེད་པ་དང་མི་འདྲ་སྟེ། ཞི་ཁྲོ་ལ་ཡིག་དྲུག་རྒྱུན་པའི་དོན་ནི་གུ་རུ་ཆོས་ཀྱི་དབང་ཕྱུག་དེ་ཉིད་རྨང་ལམ་དག་པའི་སྣང་བ་ལ། ཟངས་མདོག་དཔལ་རིར་བྱོན་དུས། ཨོ་རྒྱན་རིན་པོ་ཆེས་ཞི་ཁྲོ་གསང་བ་ཡོངས་རྫོགས་ཀྱི་སྒྲུབ་ཆེན་མཛད་ཅིང་འདུག་པ་ལ། ཡང་ཐུགས་རྗེ་ཆེན་པོའི་དཀྱིལ་འཁོར་གཅིག…

ཐུགས་རྗེ་ཆེན་པོ་པདྨ་ཞི་ཁྲོ་གཉིས་ཀའི་ཆོས་ཐུན་མོང་བ་ཡིན་པ་དང་། དཀྱིལ་འཁོར་འདི་ཡི་ནང་ན་ཡང་ཐུགས་རྗེ་ཆེན་པོ་སྤྱན་རས་གཟིགས་ཀྱི་ལྷ་ཚོགས་རྣམས་བཞུགས་པས་འབྲེལ་ཆེ་བ་ཡིན་ནོ། །ཡིག་དྲུག་འདོན་པའི་ཕན་ཡོན་ཡང་ཟ་མ་ཏོག་བཀོད་པའི་མདོ་ལས། རིགས་ཀྱི་བུ་འདི་ལྟ་སྟེ། དཔེར་ན་ངས་རྡུལ་ཕྲ་རབ་ཀྱི་ཚད་ནི་བགྲང་བར་ནུས་ཀྱི། རིགས་ཀྱི་བུ་…

འགག་པར་འགྱུར། །གསུམ་བརྗོད་ངན་འགྲོ་བའི་འགག །ཅེས་གསུངས་པ་དང་། བཀའ་ཐང་ཚིག་ལྷུག་མ་ལས། ཨོཾ་མ་ཎི་པདྨེ་ཧཱུྃ། ཅེས་ཡི་གེ་དྲུག་པ་འདི་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་ཡིན་པས། ཞག་རེར་བརྒྱ་རེ་བཟླས་ན་ངན་སོང་དུ་མི་སྐྱེ་བར་ཕྱི་མ་མི་ལུས་ཐོབ་ནས་འཕགས་པ་སྤྱན་རས་གཟིགས་ཀྱི་ཞལ་མཇལ་བར་འགྱུར་རོ། །ལན་ཉི་ཤུ་རྩ་གཅིག་རེ…

ཤིག །ངན་སོང་དུ་མི་འགྲོ་བའི་དགོས་པ་ཡོད་དེ། བོད་ཁ་བ་ཅན་གྱི་ལྷ་སྐལ་ཡིན་པས་དད་གུས་མོས་པས་གསོལ་བ་ཐོབ་ཅིག །བྱིན་རླབས་དངོས་སུ་འབྱུང་ངོ་། ཡིད་གཉིས་ཐེ་ཚོམ་མ་བྱེད་ཅིག །ཆོས་འདི་ལས་ཟབ་པ་ནི་དུས་གསུམ་སངས་རྒྱས་རྣམས་ཀྱིས་ཀྱང་མ་གསུངས་ཏེ། སློབ་དཔོན་པདྨ་འབྱུང་གནས་བདག་གིས་ཀྱང་མ་གསུངས་མི་ཤེས་སོ། །ད་ལྟ་བཞུགས་དང་སླད་ནས་འབ…

དཀྱིལ་འཁོར་འཛབ་བསྙེན་མ་ཡིན་པས་ཡིག་དྲུག་བསྐུལ་འདོན་མི་རུང་ངམ་སྙམ་ན་རུང་སྟེ། དུས་རེ་ཤིག་གི་ཚེ་ན་གྲུབ་ཆེན་ཀརྨ་པཀྵིའི་མདུན་དུ། གསང་བ་ཡེ་ཤེས་ཀྱི་མཁའ་འགྲོ་འཁོར་མཁའ་འགྲོ་བརྒྱ་རྩ་དང་བཅས་པས་གར་མཛད་ཅིང་བྱོན་ནས་ཁྱོད་ཀྱིས་མ་ཎི་པདྨེ་བགྲངས་མི་ཤེས་གསུངས། འོ་ན་ཇི་ལྟར་བཟླ་ཞུས་པས། མཁའ་འགྲོ་མ་བཞིས་མགྲིན་གཅིག་ཏུ་བསྡེབས…

གཞན་ཡང་སྦྱིན་པའི་ཕན་ཡོན་ནི། ཐར་རྒྱན་ལས། སྦྱིན་པའི་འབྲས་བུས་མཐར་ཐུག་དང་། །གནས་སྐབས་གཉིས་སུ་ཤེས་པར་བྱའོ། །དེ་ལ་མཐར་ཐུག་ནི་བླ་ན་མེད་པའི་བྱང་ཆུབ་ཐོབ་སྟེ། ཞེས་པ་དང་། གནས་སྐབས་སུ་ཟང་ཟིང་གི་སྦྱིན་པ་བཏང་བས་མི་འདོད་ཀྱང་རང་ལ་ལོངས་སྤྱོད་ཕུན་སུམ་ཚོགས་པར་འགྱུར་རོ། །ཞེས་གསུངས། གཞན་ཡང་ཟས་ཀྱི་སྦྱིན་པས་ཡི་དྭགས་ཀྱི་ས…

ནས་། བླ་མེད་ཐེག་ཆེན་སྙིང་པོའི་དོན་རྣམས་དང་། །གང་འབྲེལ་ཐམས་ཅད་སངས་རྒྱས་འགྲུབ་པའི་ཕྱིར། །འདི་གྲོལ་འདི་མ་གྲོལ་གྱི་རྣམ་དབྱེ་བྲལ། །འབྲེལ་ཚད་དོན་དང་ལྡན་ཞེས་དེ་ལ་བརྗོད། །ཅེས་གསུངས་སོ། དེ་ལྟར་ཞི་ཁྲོའི་བསྐང་བཤགས་འདི་ནི་ཕན་ཡོན་གང་ཆེ་ཆེའི་ཆོས་ཐམས་ཅད་གཅིག་ཏུ་བསྡུས་པ་ལྟ་བུ། ཆོས་སྐུ་ཀུན་ཏུ་བཟང་པོའི་དགོངས་པ། བཅོམ་…

ཟབ་ཆོས་ཞི་ཁྲོ་དགོངས་པ་རང་གྲོལ་ལས༔ ཚེ་འདས་གནས་འདྲེན་འགྲོ་དྲུག་རང་གྲོལ་ཁྲིགས་སུ་བཀོད་པ་བཞུགས་སོ༔

རྡོར་སེམས་དམ་པ་རིགས་བརྒྱའི་ཞབས་ལ་འདུད༔ དཀྱིལ་འཁོར་ལྷ་ཚོགས་ཞི་ཁྲོ་སྤྱི་ལྟར་ལས༔ དཀྱིལ་འཁོར་དབུས་སུ་ཡོད་ན་བུམ་པ་ལྔ༔ ལས་བུམ་གཅིག་དང་དྲུག་བཤམས་མེད་ན་ནི༔ རྣམ་རྒྱལ་ལས་བུམ་གཉིས་ཀྱིས་ཆོག་པ་ཡིན༔ ཆོ་ག་གཅིག་གིས་བདག་མདུན་བུམ་གསུམ་བསྒོམ༔ རབ་ཏུ་རིགས་ལྔའི་ཡིག་བརྒྱ་བསྙེན་པའམ༔ བསྡུ་ན་ཡིག་བརྒྱ་གཅིག་པོ་བོ་དྷི་བསྙེན༔ ཁྱ…

བག་ཆགས་ཐམས་ཅད་ཤིན་ཀུ་རུ་ཡེ་སྭཱ་ཧཱ༔ ཞེས་པས་བྱེ་མ་སྔགས་པར་བྱ་བའོ༔ དེ་ནས་རིགས་དྲུག་དལ་དང་བྱང་བུ་བཅས༔ དཔེའུ་རིས་ལྟར་མདུན་དུ་བཀྲམ་པར་བྱ༔ དང་པོ་དཀྱིལ་འཁོར་ལྷོ་ངོས་བྱང་བུ་བཞག༔ ཚེ་འདས་ལྷོ་ཕྱོགས་གཤིན་རྗེས་ཁྲིད་སོང་བ༔ དེ་ལ་དཀོན་མཆོག་གསུམ་གྱི་ར་མདའ་སྦྲན༔ ཐམས་ཅད་ཐལ་མོ་སྦྱར་ལ་འདི་སྐད་བརྗོད༔ ཡོད་ན་སྤོས་ཐུར་བཟུང་ཞ…

རྗེའི་དབང་གིས་གནས་འདིར་བྱོན་ཅིག༔ དངོས་སུ་འབྱོར་པ་དང་ཡིད་ཀྱིས་སྤྲུལ་པའི་མཆོད་པ་བཞེས་ཤིག༔ ཐུགས་རྗེ་ཅན་ཁྱེད་རྣམས་ལ་མཁྱེན་པའི་ཡེ་ཤེས༔ བརྩེ་བའི་ཐུགས་རྗེ༔ མཛད་པའི་ཕྲིན་ལས༔ སྐྱོབས་པའི་ནུས་མཐུ༔ བསམ་གྱིས་མི་ཁྱབ་པ་མངའ་བ་ལགས་པས༔ ཐུགས་རྗེ་ཅན་ཁྱེད་རྣམས་ཀྱིས་ཚེ་ལས་འདས་པ་རྗེ་ཞེས་བྱ་བ་འདི་ནི༔ འཇིག་རྟེན་འདི་ནས་ཕ་རོལ…

མེད༔ གཅིག་པུར་འགྲོ་དགོས་པའི་དུས་ལ་བབ་ན༔ ཐུགས་རྗེ་ཅན་ཁྱེད་རྣམས་ཀྱིས་ཚེ་ལས་འདས་པ་རྗེ་སྐྱབས་མེད་པ་ལ་སྐྱབས་མཛོད་ཅིག༔ མགོན་མེད་པ་ལ་མགོན་མཛོད་ཅིག༔ དཔུང་གཉེན་མེད་པ་ལ་དཔུང་གཉེན་མཛོད་ཅིག༔ བར་དོའི་མུན་ནག་ཆེན་པོ་ལས་སྐྱོབས་ཤིག༔ ལས་ཀྱི་རླུང་དམར་ཆེན་པོ་ལས་ཟློག་ཅིག༔ གཤིན་རྗེའི་འཇིགས་སྐྲག་ཆེན་པོ་ལས་སྐྱོབས་ཤིག༔ བར་ད…

ངང་ལས་ཡི་གེ་ནི་ཡིག་ལས་ཚེ་འདས་དེ་ཉིད་གསོན་པོའི་གནས་སྐབས་དང་འདྲ་བ་ལ༔ བཀྲག་མདངས་འོད་དང་ལྡན་པ༔ ལག་ན་མེ་ཏོག་པདྨ་འདབ་བརྒྱད་བསྣམས་ནས༔ ཕྱོགས་བཅུའི་བླ་མ་དཀོན་མཆོག་ལ་སྐྱབས་ཞུ་བའི་འདུན་པ་བྱེད་པར་གྱུར༔ སློབ་དཔོན་གྱིས་ལྕགས་ཀྱུའི་ཕྱག་རྒྱ་དང་བྱམས་སྙིང་རྗེ་བསྒོམ་ཞིང་༔ ན་མོ་སངས་རྒྱས་ཀྱི་བཀའ་བདེན་པ་དང་༔ ཆོས་ཀྱི་བཀའ་བ…

འདས་ལུས་བརྗེས་རིགས་ཀྱི་བུ་ཁྱོད་ཀྱང་༔ མཛའ་སྡུག་བརྩེ་བའི་གཉེན་བཤེས་གྲོགས་རྣམས་དང་༔ རྟག་ཏུ་འགྲོགས་པའི་སྐལ་དང་དབང་མེད་པས༔ མི་ལུས་ཚེ་འཕོས་འཇིག་རྟེན་སྣང་བ་ནུབ༔ རྣམ་ཤེས་སེམས་ནི་མི་རྟག་ཚུལ་བསྟན་ཏེ༔ ལས་ཀྱི་དབང་གིས་ཕ་རོལ་ལུས་ཤིག་བླངས༔ ཉོན་མོངས་འཁོར་བའི་སྡུག་བསྔལ་བསྐྱེད་པ་ཡི༔ སྐྱེ་གནས་བཞི་པོར་ལྟུང་བའི་སར་སྐྱེས…

བཟང་ཞི་ཁྲོ་རབ་འབྱམས་ཐུགས་རྗེ་ཡིས༔ འོག་མིན་གནས་སུ་སངས་རྒྱས་སྐུར་བསྐྱེད་ཀྱིས༔ ལུས་དང་སེམས་སུ་བྲལ་བའི་ཚེ་འདས་ཁྱོད༔ མིང་ཡིད་ཕུང་པོ་ཐོགས་པ་མེད་པའི་ལུས༔ དངོས་པོ་གཟུགས་མེད་གནས་སུ་ཕྱིན་པ་དེར༔ རྒྱལ་བའི་འོད་ཟེར་ལྕགས་ཀྱུ་རྣོན་པོ་ཡིས༔ མི་ལུས་ཉམས་དགའི་གནས་སུ་འགུགས་བྱེད་པས༔ རེ་དོགས་མེད་པའི་སེམས་ཀྱིས་འདིར་ཤོག་ཅིག༔…

ཐོགས་མེད་འཇའ་ཚོན་འདྲ་བའི་ཡིད་ལུས་ཁྱོད༔ དམིགས་པའི་རྟེན་འཛུགས་འདི་ལ་གནས་པར་གྱིས་ཚེ་འདས་རྗེ་ཏིཥྛ་བཛྲ་ས་མ་ཡ་ལྷན༔ བྱང་བུ་སློབ་དཔོན་གྱི་མདུན་ཕྱིང་དཀར་གྱི་གདན་ལ་བཞག༔ དེ་ཡི་མདུན་དུ་ཏིལ་དང་གཡས་སུ་མེ༔ གཡོན་དུ་ཆུ་བཤམས་ནས༔ ཚེ་འདས་རྣམ་ཤེས་ཨ་ཡིག་དཀར་པོ་དེ༔ ཧྲི༔ཡིག་སྔོ་སྐྱ་ཀ་ཡིག་དམར་སྐྱ་ཡི༔ དྲ་བས་རུས་པ་ལྤགས་པའི་ཚུ…