བཅོམ་ལྡན་འདས་དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་བདག་བསྐྱེད་ཀྱི་དཀའ་བའི་གནད་རྣམས་བཀྲོལ་བ་དོན་འགྲེལ་ཉི་མའི་འོད་ཟེར་ཞེས་བྱ་བ་བཞུགས་སོ།།

ན་མོ་ལོ་ཀི་ཤྭ་ར་ཡེ། འོད་དཔག་མེད་མགོན་ཆོས་ཀྱི་དབང་ཕྱུག་ཞབས། །ཐུགས་རྗེ་ཆེན་པོའི་རྣམ་འཕྲུལ་ཀརྨ་པ། །མཁས་གྲུབ་མཚུངས་མེད་ལུང་རིགས་ཉི་མ་སོགས། །དྲིན་ཐོབ་བླ་མ་རྣམས་ལ་ཕྱག་འཚལ་ནས། །རྒྱལ་བ་རྒྱ་མཚོའི་བདག་བསྐྱེད་ཆོ་ག་ཡི། །དཀའ་བའི་གནད་རྣམས་གསལ་བྱེད་སྤྱི་དོན་བྲི། །དམ་ཅན་རྒྱ་མཚོའི་བཀའ་གནང་བྱིན་གྱིས་རློབས། །དེ་ལ་རྗེ་…

སྤྲོས་པ་བསྐྱུངས་ལ། གོ་སླ་བ་རྣམས་བཤད་མ་དགོས་ཤིང་། ཅུང་ཟད་གོ་དཀའ་བ་རྣམས་སྤྲོས་ཏེ་བཤད་ན། དང་པོ། བླ་མ་ཡི་དམ་ལ་ཕྱག་འཚལ་ནས་རྩོམ་པར་དམ་བཅའ་བ་ནི། རང་ཉིད་སྐྱེས་བུ་དམ་པའི་སྤྱོད་པ་དང་མཐུན་པ་དང་། རྩོམ་པ་མཐར་ཕྱིན་པའི་དགོས་པ་ཡོད་པའོ། །སྔོན་གྱི་ཡི་གེའི་རིམ་པ་རྟོག་དཀའ་བས། ཞེས་པ་ནི། སྔོན་སྲོང་བཙན་སྒམ་པོའི་དུས་ཀྱི་ཐུ…

དཀར་དང་ཆུ་དར་ལ་ཡི་གེར་བཀོད་པའི་སྦ་ལྕག་མ་དང་། སྲོང་བཙན་ཉིད་ལ་མཁའ་འགྲོས་ལུང་བསྟན་མཛད་པའི་རྒྱལ་བ་རྒྱ་མཚོའི་མཁའ་འགྲོའི་ཐུགས་སྒྲུབ། གསང་བ་ཡེ་ཤེས་ཀྱི་སྒྲུབ་ཐབས་གཉིས་སོགས་གྲུབ་ཐོབ་དངོས་གྲུབ་ཀྱིས་གཏེར་ནས་ཕྱུང་ཉང་ནས་བརྒྱུད་དེ་གྲུབ་ཆེན་ཀརྨ་པ་དང་རང་བྱུང་བ་སོགས་ཀྱིས་གསན་པ་དང་། རྟ་མཆོག་རོལ་པའི་རྒྱུད་དང་། པདྨ་དབང…

ཡིག་ཏུ་བསྒྱུར་བ་དང་། བྱང་ཆུབ་སེམས་དཔའ་རྡོ་རྗེ་སྙིང་པོས་མཛད་པའི་ལྷ་ལྔའི་རྒྱ་གཞུང་དང་། རྗེ་ཀརྨ་པཀྴིསམཛད་པའི་རྒྱལ་བ་རྒྱ་མཚོའི་སྐོར་གསུམ་གྱི་དང་པོའི་ནང་དུ་སྔགས་ཀྱི་སྒྲུབ་གཞུང་རྒྱུད་དང་རྒྱ་གཞུང་རྣམས་དང་། གཉིས་པ་ལ་མངོན་རྟོགས་ལག་མཆོད་འགྲིགས་སོགས་ཕྱག་ལེན་སྐོར། གསུམ་པའི་ནང་དུ་རྒྱལ་བ་རྒྱ་མཚོའི་ཡི་གེ་ལྔའི་ངོ་ས…

ཅད་ཀྱི་དོན་འདིར་འཇུག་བདེ་ཞིང་གསལ་བར་རྗེ་དྲུག་པས་མཛད་དེ། དེ་ཡང་ལྷ་དགུ་དང་ལྷ་ལྔ་ལན་མང་དུ་ཞལ་གཟིགས་པ་ལ་བརྟེན་ནས་མཛད་དེ། ཉིད་ཀྱིས་ཞལ་གཟིགས་པའི་ཡི་དམ་ཕལ་ཆེར་ལ་དཀྱིལ་ཆོག་རེ་མཛད་སྐད་དོ། །དེ་ལྟར་སྔོན་སྨོས་པའི་གཞུང་དེ་དག་ལེགས་པར་ཁོང་དུ་ཆུད་ཅིང་གླེགས་བམ་ཆེན་པོ་གཅིག་ཏུ་བསྒྲིགས་ཤིང་བྲི་བར་མཛད་ནས། དབང་ལུང་རྒྱུན་…

རྗེས་སུ་གནང་བ་ཐོབ་ཅེས་གསུངས་སོ། །འདི་བཀའ་མ་གཏེར་མ་གཉིས་ཀ་ཡིན་པས། གསར་མ་ལྟར་རྩ་ལྟུང་བཅུ་བཞི་ཡན་ལག་དང་བཅས་པ། རྙིང་མ་ལྟར་རྩ་བ་སྐུ་གསུང་ཐུགས་ཡན་ལག་ཉི་ཤུ་རྩ་ལྔ་ཐམས་ཅད་བསྲུང་བར་བྱའོ། །དེ་ལྟར་དབང་ཐོབ་པའི་དམ་ཚིག་ལ་གནས་ནས། སེམས་ཅན་ཐམས་ཅད་ལ་སྙིང་བརྩེ་བས་བྱང་ཆུབ་ཏུ་སེམས་བསྐྱེད་ཅིང་། ཤེས་རབ་སྟོང་ཉིད་ཀྱི་ལྟ་བའི་…

པར་ཅན་ནམ། སྟོན་པའི་དུས་ཆེན་བཞི་ལྟ་བུ་ཕན་ཡོན་ཆེ་བའི་དུས་སམ། རྒྱལ་ཕུར་སོགས་འགྲུབ་སྦྱོར་བཟང་པོ་ལ་དབུ་འཛུགས་སོ། །དེ་ནས་ལས་དང་པོ་པས་མཚན་མོའི་དུས་སུ་ཉམས་སུ་ལེན་ཏེ། ཤཱནྟི་པ་དང་། ནག་པོ་པ་དང་། བྷ་ཝ་བྷ་དྲ་གསུམ་གྱི་བརྟག་གཉིས་འགྲེལ་པ་ལས་ཀྱང་། མཚན་མོ་བསྒོམ་པར་གསུངས་ཏེ། རྣམ་པར་རྟོག་པ་ཉུང་བ་དང་། །བར་ཆད་ཉུང་བ་དང་། …

མཆོག་རྒྱུད་ལས། རྟག་ཏུ་ཧེ་རུ་ཀ་རྣལ་འབྱོར་ཞེས་སོགས་དང་། བརྟག་གཉིས་ལས། རྐང་པ་འཁྲུ་དང་ཟ་བ་དང་། །འཐོར་འཐུང་སོ་རྩི་ཟ་བ་དང་། །ཙནྡན་གྱིས་ནི་ལག་ཉེ་དང་། །སྨད་གཡོགས་ཀྱིས་ནི་སྐེད་འགེབས་དང་། །འབྱུང་དང་སྨྲ་བ་འགྲོ་བ་དང་། །འདུག་དང་ཁྲོ་དང་དགོད་པ་དང་། །བཅོམ་ལྡན་འདས་མ་བསྟེན་པ་དང་། །བ་བརྟུལ་ཞུགས་ཅན་ཉིད་ཀྱི། །རྟག་ཏུ་རྣལ…

སྟེ། འཇམ་དཔལ་རྩ་རྒྱུད་ལས། འཛམ་བུ་གླིང་གི་ཡུལ་ཅན་སོ་སོར་ལྷ་དང་རིག་སྔགས་སོ་སོར་གང་དང་གང་འགྲུབ་པར་འགྱུར་བར་ངེས་པར་གསུངས་པའི་སྐབས་སུ། མདོར་ན་བྱང་ཕྱོགས་སུ་དེ་བཞིན་གཤེགས་པ་ཐམས་ཅད་ཀྱི་རིག་པའི་རྒྱལ་པོ་འགྲུབ་པར་འགྱུར་ཏེ། ཞེས་དང་། ཁ་བ་ཅན་གྱི་མཚམས་ཀུན་དང་། །བྱང་ཕྱོགས་སུ་ནི་གནས་བརྟན་ལ། །དགེ་བའི་སྔགས་ནི་འགྲུབ་པར…

པའི་འགྲེལ་པ་ལས། འབྲིང་དྷ་ཀི་འདུ་བའི་མཚན་རྟགས་བཟང་པོ་དང་ལྡན་པའི་གནས་ཆེན་གང་རུང་། ཞེས་གསུངས་པས། སློབ་དཔོན་པདྨས་བྱིན་གྱིས་བརླབས་པའི་གནས་ཕྲན་གང་རུང་ངམ། ཆོས་འདི་ཡང་བཀའ་བརྒྱུད་རྒྱལ་བ་ཡབ་སྲས་ཀྱིས་བྱིན་གྱིས་བརླབས་པའི་གནས་རྣམས་སུ་སྒྲུབ་པར་བྱའོ། །ཨོ་རྒྱན་རིན་པོ་ཆེས་བྱིན་གྱིས་བརླབས་པའི་གནས་རྣམས་སུ་གཞན་དུ་ལོར་བ…

གནས་དང་། རོང་བཙུན་ཁ་བ་དཀར་པོ་ཁ་ཝ་རི་དང་། སྒམ་པོ་རི་བོ་ཤཱནྟི་སོགས་གནས་སུམ་ཅུ་སོ་གཉིས་དང་། འབྲས་མོ་ཟམ་བུ་མཁར་ཆུ་སོགས་གནས་ཆེན་དང་། ཁྱད་པར་པདྨ་གསུང་གི་སྒྲུབ་གནས་མཆིམས་ཕུ་སོགས་སུ་བསྒོམས་ལ། ཡང་འདི་དབང་གི་ལྷ་ཡིན་པས་ཚོང་འདུས་སོགས་མང་པོ་འདུ་བའི་གནས་སུ་ཡང་འགྲུབ་སྟེ། རྡོ་རྗེ་གུར་ལས། གླུ་གར་རབ་ཏུ་འཆང་བ་དང་། །ཆང…

ཆག་གདབ། བདག་མདུན་འབྲེལ་ན་དཀྱིལ་ཐང་སོགས་མཆོད་གཏོར་རྒྱས་པར་བཤམས། བདག་བསྐྱེད་བསྙེན་པ་ལ་ནི་སྔོན་འགྲོ་གཏོར་མ། ནང་མཆོད་བདུད་རིལ་བུ་བཏབ་པ། རྡོ་རྗེ་དྲིལ་བུ། ཌཱ་མ་རུ་གཏོར་མ་དཀར་དམར་བརྒྱན་པ་ལྷ་གྲངས་སམ་ལྔ་སོགས་རང་གི་གཡོན་ངོས་ནས་མགོ་བཟུང་བའི་ཉེར་སྤྱོད་བདུན་སོགས་བཤམས་པ་སྤྱི་མཐུན་ནོ། །དེ་ནས་མཆོད་པ་ཐམས་ཅད་ཀྱི་ཐོག་…

སོགས་བདུད་རྩི་ལྔའི་རྒྱས་བཤད་དང་། བ་ལང་ཤ་དང་རྟ་ཤ་དང་། །གླང་པོའི་ཤ་དང་དེ་བཞིན་ཏེ། །མི་ཡི་ཤ་དང་ཁྱི་ཤ་དང་། །མཁས་པ་ཡིས་ནི་བཟུང་བར་བྱ། །ཞེས་སོགས་ཤ་ལྔའི་རྒྱས་བཤད་དང་། དུས་འཁོར་ལས། ཨོཾ་ཨཱཿཧཱུྃ་ཧོ་རིམ་པར་གནས་པས་དང་པོར་འདི་ནི་རྟག་ཏུ་ཆང་ནི་སྦྱངས་ནས་རྟོག་པར་བྱ། ཞེས་དང་། གསང་བ་འདུས་པ་སོགས་གསར་མའི་རྒྱུད་སྡེ་ཆེན་པ…

དུ་ཉོན་མོངས་དུག་ལྔ་ནི། །ཐུན་མོང་དམ་ཚིག་ཉམས་ཆག་བསྐང་། །གསང་བ་རང་བྱུང་རྣམ་པར་དག །ཉན་ཐོས་རང་རྒྱལ་ལ་སོགས་པ། །བསྐལ་པ་གྲངས་མེད་སྐད་ཅིག་གིས། །མཉམ་དང་ཆེ་ལྡན་ཡོན་ཏན་རྫོགས། །ཞེས་གསུངས་སོ། །རྙིང་མའི་རྒྱུད་འགྲེལ་དུ་མ་ནས། རྩ་བརྒྱད་སྟོང་སྦྱར་བདུད་རྩིའི་སྒྲུབ་ཐབས་མཐའ་ཡས་པ་འབྱུང་བ་ཐམས་ཅད་བདུད་རྩི་བྱིན་རླབས་འདི་ལ་འད…

གྱིས་འབྲས་རབ་སྟེར། །ལས་རྣམས་ཀུན་ལ་རབ་སྦྱར་ན། །མཁའ་སྤྱོད་གོ་འཕང་ཐོབ་པར་འགྱུར། །འདི་ནི་བདུད་རྩི་ལྔ་འགྲུབ་པ་ངེས་པར་བརྟན་པ། ཞེས་དང་། ཨོ་རྒྱན་རིན་པོ་ཆེས། ཡེ་ཤེས་ལྔ་རྫོགས་སྒྲུབ་པའི་རྫས། །རྒྱུད་ལྔ་སེམས་ཅན་ཀུན་སྒྲོལ་ཕྱིར། །དུག་ལྔ་སེལ་བའི་བདུད་རྩི་ཆེ། །ཞེས་གསུངས་སོ། །སྒྲུབ་པ་བཀའ་བརྒྱད་ཀྱི་གཞུང་ལས། །ར་ས་ཡ་ན་བ…

གཉིས་མའི་གཏོར་ཆོག་གཉིས་ནས་རང་བྱུང་བས་བསྡུས་ནས་གསང་སྔགས་ནང་གཏོར་གྱི་བྱིན་བརླབ་ཏུ་བྲིས་པ་སྟེ། དེ་ལས་དོན་ལྡན་ཞབས་ཀྱིས་བཏུས་ཏེ་ཟུར་ཙམ་བཅོས་ཏེ། སློབ་དཔོན་པདྨས་ཐུགས་རྗེ་ཆེན་པོ་ཡང་གསང་བླ་མེད་ཀྱི་སྐབས་སུ་མེ་རླུང་གིས་སྦྱོར་བས་འོད་དུ་ཞུ་བའི་སྟེང་དུ་ཨོ་ཨཱཧཱུཾ་གསུམ་རིམ་གྱིས་ཡར་མར་ཞུ་ནས། སྐུ་གསུང་ཐུགས་ཀྱི་བདུད་ར…

རྣམས་ཀྱི་སྲོག་བསྲུང་ཕྱིར། །རྡོ་རྗེ་སེམས་དཔའི་གཏོར་མ་བརྟེན། །ཞེས་དང་། ཨ་ཀཱ་རོའི་སྔགས་འདི་ཡང་འབྱུང་པོ་ཐམས་ཅད་ཀྱི་གཏོར་མའི་སྔགས་སུ་གསུངས་ཤིང་། གལ་ཏེ་གཏོར་མ་འདིས་འབྱུང་པོ་ཐམས་ཅད་མཆོད་པར་བྱེད་ན། རྣལ་འབྱོར་པ་རྣམས་ལེགས་པར་འགྱུར་རོ། །དེ་རྣམས་ལ་བདེ་བ་དྲི་མ་མེད་པ་དང་། ལྷ་མོ་རྣམས་དང་འགྲོ་བ་རབ་ཏུ་འབྱོར་བ་རྣམས་ད…

གནོད་སྦྱིན་གྱི་རྒྱལ་པོ་ཕྱོགས་སྐྱོང་བཅུ། ཞེས་སོགས་བགེགས་ཞེས་པ་ནི། བགེགས་རིགས་སྟོང་ཕྲག་བརྒྱད་ཅུ་སྟེ་ལན་ཆགས་རྣམས་སོ། །འབྱུང་པོ་ནི་འཇིག་རྟེན་པའི་ཆོས་སྐྱོང་ཕལ་ཆེར་དང་། གཞི་བདག་གནས་བདག་ཕལ་མོ་ཆེའོ། །དེ་དག་བཀུག་ནས་མཆོད་ཡོན་སོགས་ཀྱིས་མཆོད་ནས། ན་མསརྦ་སོགས་ཀྱིས་གཏོར་མ་བྱིན་ལ། ཕྲིན་ལས་སོ་སོར་བཅོལ་བ་སྟེ་དཀར་ཕྱོག…

ཚོགས་པའི་དབང་ཕྱུག་དང་། མཐུ་བོ་ཆེ་དང་ཉི་ཟླ་དང་རླུང་ལྷ་དང་། བརྒྱ་བྱིན་དང་། ཚངས་པ་དང་། དགའ་བོ་ལ་སོགས་པའི་ཀླུའི་རྒྱལ་པོ་བརྒྱ་སྟོང་དུ་མ་དང་། ཆོས་དགའ་ལ་སོགས་པ་དྲི་ཟའི་རྒྱལ་པོ་བརྒྱ་སྟོང་དུ་མ་དང་། བཞིན་བརྒྱ་པ་ལ་སོགས་མིའམ་ཅིའི་རྒྱལ་པོ་བརྒྱ་སྟོང་དུ་མ་དང་། གཙུག་ཕུད་ཅན་ལ་སོགས་པ་ལྷའི་བུ་མོ་བརྒྱ་སྟོང་ཕྲག་དུ་མ་དང་…