དོར་ན་རང་སར་གྲོལ་བའམ། ཆུ་ལ་སྤུ་དབུགས་བསྣུན་པས་གཉེར་མ་རང་དྭངས་ལ་འགྲོ་བ་བཞིན། དྲན་རེག་ཐམས་ཅད་ལ་བཅོས་སླད་མེད་པར་རང་སར་བཞག་པས་རང་ཞིར་འགྲོའོ། །ཞེས་གསུངས་ཤིང་། ཐུགས་རྗེ་ཆེན་པོ་གསང་འདུས་གསང་ཁྲིད་ལས། རིག་ཐོག་ན་ངོ་བོ་སྟོང་སང་ངེ་བ། རང་བཞིན་གསལ་སྟོང་རྗེན་ནེ་བ། རྩལ་གཏད་མེད་དུ་ཐལ་ལེ་བ། གསལ་རིག་སྟོང་གསུམ་ངང་གཞི་ག…

མཚན་མ་རང་སར་གྲོལ་བའི་མན་ངག་ནམ་མཁའ་ལ་སྤྲིན་གྲོལ་བ་ལྟ་བུ་ཡིན་ཏེ། སེམས་ཉིད་སྟོང་པ་ཉིད་ནམ་མཁའ་ལྟ་བུ་ངོས་བཟུང་མེད་པ་ངོ་བོ་སྟོང་པ་ཉིད་དེ་ལ། སྤྲིན་ཁུ་རླངས་ལ་སོགས་པ་བྱུང་ཡང་ནམ་མཁའ་སྟོང་པའི་ངང་ལས་བྱུང་། བསལ་ཡང་གང་དུ་ཡང་བསལ་བ་མེད་པ་ནམ་མཁའི་ངང་དུ་དྭངས་བ་ལྟ་བུ་ད་ལྟ་དངོས་པོ་མཚན་མ་སྣང་བ་ཐམས་ཅད་རང་བྱུང་གི་ཡེ་ཤེས་ར…

པར་རྟོགས་པའི་དུས་ན། རྣམ་རྟོག་ཅི་བྱུང་ཅི་སྐྱེས་ཐམས་ཅད་སླར་ཡེ་ཤེས་སུ་གསལ་བའི་ཡེ་ཤེས་རྒྱུན་ཆད་མེད་པར་འཆར་བ་ཡིན་ནོ། །དེ་ལྟར་རྟོགས་པའི་ཐུགས་རྗེ་ཆེན་པོ་སྒོམ་པའི་རྣལ་འབྱོར་པས་ངག་ཏུ། ཨོཾ་མ་ཎི་པདྨེ་ཧཱུྃ། ཞེས་བཟླའོ། །ཞེས་གསུངས་པ་དང་། ཨོ་རྒྱན་རིན་པོ་ཆེ་ལ་སྣང་བ་མཐའ་ཡས་ཀྱིས་དངོས་སུ་གནང་བའི། ཐུགས་རྗེ་ཆེན་པོ་ལྟ་བ་…

གཅིག་ཏུ་བསྲེས་པ་མེད་པ་སེམས་དང་ཆོས་ཉིད་ལ་བཅོས་པ་དེ་ལ་རང་ལུགས་ལ་གནས་པ་དེ་ལ་སྒོམ་བྱེད་ཀྱི་ཐུགས་རྗེ་ཆེན་པོའི་ཡེ་ཤེས་རང་བྷེ་ཞེས་བྱའོ། །དུས་རྟག་ཏུ་དེ་དང་མི་འབྲལ་ན་ཐུགས་རྗེ་ཆེན་པོའི་ཐུགས་ཡེ་ཤེས་དང་ཆོས་ཉིད་འདྲེས་པ་ཡིན་ནོ། །ཐུགས་རྗེ་ཆེན་པོའི་ཡང་སྙིང་ཡི་གེ་དྲུག་པ། ཨོཾ་མ་ཎི་པདྨེ་ཧཱུྃ། ཞེས་པ་འདི་ལ་ཡེངས་སུ་མེད་ད…

ལྔ་དང་རྣམ་རྟོག་ཏུ་ཤར་བ་ཡིན་ནོ། །དེ་ལ་སེམས་ཀྱི་ངོ་བོ་སྟོང་པར་འདུག་པ་དེ་ཆོས་སྐུ་རང་ལ་གནས་པ་ཡིན་ནོ། །རྩལ་དུག་ལྔ་དང་རྣམ་རྟོག་མ་འགག་པར་ཤར་བ་ཡང་རྩ་བ་སྟོང་པ་ཡིན་པས། མ་འགག་དང་རང་ཤར་མི་གནས་ཏེ་རང་གྲོལ་བས་ཡེ་ཤེས་སུ་འཆར་རོ། །སེམས་ཉིད་ངོ་བོ་སྟོང་པ་ཆོས་སྐུར་ཉམས་སུ་བླངས། མ་འགག་པར་གསལ་བར་ལོངས་སྐུར་ཉམས་སུ་བླངས། སྣ་ཚ…

རང་ཤར་རང་གྲོལ་སྤྱོད་པའི་མཆོག །རྣམ་རྟོག་དུག་ལྔ་གང་སྐྱེས་ཀྱང་། །རྗེས་ཕྱིར་མི་འབྲང་རང་སར་ཞོག །སྤྱོད་པ་དེ་ཡི་གོང་ན་མེད། །ཅེས་གསུངས་པ་དང་། སྤྲུལ་པའི་རྒྱལ་པོས་མཛད་པའི་ཐུགས་རྗེ་ཆེན་པོའི་འགྲེལ་བཤད་ནོར་བུའི་རྒྱན་ལས། ཧྲིལ་གྱིས་དྲིལ་བས་དབང་པོ་ཚོགས་དྲུག་ཡུལ་གྱི་སྣང་བ་འཛིན་མཁན་སེམས་ཡིན་པས་སྣང་བ་སེམས་སུ་ངོ་སྤྲད། …

གྲོལ། མ་སྤངས་ཏེ་མ་འགག་རང་ཤར། མི་གནས་ཏེ་རྗེས་མེད་སྟོང་པར་གྲོལ་ལོ། །ཞེས་དང་། ལྟ་བ་དེ་ལོག་ན་མེད་དེ། སེམས་ཉིད་ངོ་བོ་སྟོང་པར་ཡོད་པ་དང་། མེད་པ་དང་། རྟག་ཆད་ཀྱི་མཐའ། ཡིན་མིན་མཐའ་གང་དང་ཡང་བྲལ་བ། གཏན་ཅིར་ཡང་མེད་པ། ཤེས་བརྗོད་ཀྱི་ཡུལ་ལས་འདས་པ་དེ། །ཐུགས་རྗེ་ཆེན་པོའི་ལྟ་བ་མཐའ་བྲལ། རྟེན་མེད་དུ་ངོ་སྤྲོད་དོ། །ཞེས་དང…

བྱེད་པ་ཅི་ལྟར་གནས་ཀྱང་རིག་སྟོང་དབྱེར་མེད་དུ་མི་འདའ་བ་དེ་ལ་ཐུགས་རྗེ་ཆེན་པོའི་སྤྱོད་པ་ཤུགས་འབྱུང་འགག་མེད་རང་ཤར་རང་གྲོལ་དུ་ངོ་སྤྲད་པ་ཡིན་ནོ། །ཞེས་གསུངས་སོ། །དེ་བཞིན་དུ། གྲུབ་ཆེན་མི་ཏྲ་ཛཱ་ཀིའི་གསུང་རྒྱུན། སྤྱན་རིས་གཟིགས་ཀྱི་ཁྲིད་རིམ་ལས། སེམས་ཀྱི་ངོ་བོ་སྐྱེ་འགག་གནས་གསུམ་དང་བྲལ་བ་ངོ་བོ་རང་བཞིན་གྱིས་སྟོང་པ…

རྗེ་ཆེན་པོའི་སྤྱན་གྱིས་འགྲོ་བ་ཡོངས་ལ་ཐོགས་པ་མེད་པར་གཟིགས་པ་ནི། སྤྱན་རས་གཟིགས་སོ། །བློ་འདས་མཐའ་དབུས་དང་བྲལ་བས་ཀུན་མཁྱེན་གྱི་སྤྱན་གྱིས་ཆོས་ཐམས་ཅད་གཟུགས་བརྙན་ལྟ་བུར་མ་འདྲེས་པར་རང་གསལ་དུ་གཟིགས་པས་སྤྱན་རས་གཟིགས་སོ། །རང་རིག་ཡེ་ཤེས་ཀྱི་སྤྱན་གྱིས་ཆོས་ཉིད་སྐྱེ་བ་མེད་པའི་དོན་ལ་གཟིགས་པས་སྤྱན་རས་གཟིགས་སོ། །གཟུང…

བོ་ལ་བཟོ་མེད་རང་ལུགས་རང་བབ་མལ་དུ་ཀློད་ནས་བཞག་པས། ཉོན་ཡིད་ཀྱི་འཕྲོ་འདུ་ཡེ་ཤེས་སུ་ཐིམ་ནས་དག་པ་ཆོས་ཉིད་དུ་རོ་གཅིག་གི་ཉམས་རྟོགས་རྒྱུད་ལ་ངང་ངམ་ཤུགས་ཀྱིས་འཚར་བར་འགྱུར་རོ། །ཞེས་དང་། གཞི་གཤིས་ཀྱི་གནས་ལུགས་རང་བཞིན་ཡེ་གདོད་མ་ནས་སྟོང་ཞིང་བདག་མེད་པ་ཆོས་ཀྱི་སྐུའོ། །དེའི་ངང་ལས་མ་འགག་རོལ་པ་སྣ་ཚོགས་ཀྱི་འཆར་སྒོ་མ་སྒ…

སྙིང་འདུས་པའི་རྒྱུད་ལས་ཀྱང་། དྲན་རྟོག་རང་གྲོལ་ཐུགས་སུ་ཁྱེར། །ཞེས་དང་དེའི་དོན། ཨོ་རྒྱན་རིན་པོ་ཆེས། འདས་མ་འོངས་ད་ལྟར་གྱི་རྟོག་པ་གང་དྲན་ཡང་། དྲན་ཡུལ་དྲན་མཁན་རང་གྲོལ། དྲན་བསྡོ་ལ་སྟོང་སྟེ་རང་བཞིན་མེད་པར་གྲོལ་བ་ནི། བདེ་གཤེགས་ཐུགས་ཏེ་ཆོས་རྣམ་དྲན་སྟོང་ཐུགས་ཀྱི་ལམ་ཁྱེར་རོ། །རྒྱུད་ལས་ཀྱང་། སྣང་གྲག་རྟོག་ཚོགས་ར…

ཟང་ཐལ་ཆོས་ཀྱི་སྐུ། །འཁོར་འདས་མཉམ་པ་ཉིད་དུ་བརྡལ། །ཞེས་གསུངས་སོ། །དེ་བཞིན་དུ་ཐུགས་རྗེ་ཆེན་པོའི་དགོངས་དོན་འགྲོ་བ་ཀུན་གྲོལ་བའི་རྒྱུད་ལས། ཧཱུྃ༔ བདེན་པ་གཉིས་བདེན་རང་གི་སེམས། །མ་བྱུང་མི་གནས་མི་འགྲོ་བ། །འཁོར་འདས་དབང་དུའང་འགྱུར་བ་མེད། །དོན་འདིས་བློ་འདས་དགོངས་པ་ལ། །ཐམས་ཅད་ཡོད་ཅིང་ཐམས་ཅད་མེད། །འགྱུར་བ་མེད་ཅིང་…

སྒྱུ་མ་འདྲ། །མཁས་པ་དེས་ནི་སེམས་ཀྱི་ཆོས་ཉིད་ཚོལ། །དེ་ནི་སེམས་ཀྱིས་ཆོས་ཉིད་ཚོལ་བ་ན། །སེམས་དང་ཆོས་ཀྱི་ཆོས་ཉིད་མཐོང་བ་མེད། །སེམས་དེ་སེམས་གང་གིས་ནི་ཚོལ་བྱེད་པ། །སེམས་དེ་ཡང་ནི་རང་བཞིན་མཐོང་བ་མེད། །ཅེས་དང་། ཏིང་ངེ་འཛིན་རྒྱལ་པོའི་མདོ་ལས། གཞོན་ནུ་སེམས་ཀྱི་ངོ་བོ་ཉིད་ནི་གཟུགས་མེད་བསྟན་དུ་མེད་པ་སྟེ། གཞོན་ནུ་དེ་…

སོགས་པའི་བསོད་ནམས་བྱ་བའི་དངོས་པོ་ལུས་ངག་གི་འབད་པ་ཐམས་ཅད་བྱས་ཀྱང་ཆོས་ཀྱི་སྐུ་འཐོབ་པར་མི་འགྱུར་རོ། །དེ་མ་ཐོབ་ན་གཟུགས་སྐུ་གཉིས་ཀྱང་གདུལ་བྱ་ལ་སྣང་བར་མི་འགྱུར་རོ། །ཞེས་དང་། ནམ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པ་ན་སེམས་རྟོགས་པ་མཐར་ཕྱིན་ནོ། །སེམས་རྟོགས་པ་ནི་སངས་རྒྱས་པའོ། །…

བྱའོ། །དེ་ཅིའི་ཕྱིར་ཞེ་ན། སེམས་དེ་ནི་རང་བཞིན་གྱིས་ཡོངས་སུ་དག་པ་ཡིན་ཏེ། དེ་ནི་ནང་ན་ཡང་མེད་ཕྱི་རོལ་ན་ཡང་མེད་གཉིས་ཀའི་བར་ན་ཡང་མི་དམིགས་སོ། །ཞེས་དང་། དེ་ལྟར་ན་སེམས་དང་ནམ་མཁའི་དབྱིངས་དང་། བྱང་ཆུབ་འདི་ནི་གཉིས་སུ་མེད་དེ། གཉིས་སུ་བྱར་མེད་དོ། །ཞེས་དང་། རིགས་ཀྱི་བུའམ་རིགས་ཀྱི་བུ་མོས་བྱང་ཆུབ་ཡོངས་སུ་ཤེས་པར་འདོ…

གླེང་གཞི་མང་དུ་འབྱུང་། །རྟོགས་དང་ལྡན་པའི་བླ་མའི་བྱིན་རླབས་དང་། །སྔོན་ནས་བསོད་ནམས་བསགས་པའི་ལས་འཕྲོ་ཡིས། །ཉམས་མྱོང་རིག་པ་དྭངས་པའི་སྣང་ངོ་ལ། །ཉམས་མྱོང་སྣ་ཚོགས་འོང་བ་ངས་ལུང་སྟོན། །རང་ངོ་རང་གིས་ཤེས་པའི་རྟོགས་པ་དེ། །ཉོན་མོངས་དབྱིངས་སུ་དྭངས་བའི་རྗེས་ཐོབ་ལ། །དངོས་མེད་རྟོགས་པ་མ་འགག་དྲན་པ་གསལ། །ཡེ་ཤེས་ཆེན་པོ་…

གང་ལ་སྲིད་དང་མྱ་ངན་འདས་འཕྲོ་བ། །འདོད་པའི་འབྲས་བུ་རབ་ཏུ་གཏེར་བྱེད་པའི། །ཡིད་བཞིན་ནོར་འདྲའི་སེམས་ལ་ཕྱག་འཚལ་ལོ། །ཞེས་དང་། འཇུར་བུས་བཅིངས་པའི་སེམས་འདི་ནི། །ཀློད་ན་གྲོལ་བར་ཐེ་ཚོམ་མེད། །དངོས་པོ་གང་གིས་རྨོངས་པ་འཆིང་། །མཁས་པ་དེ་ཡི་རྣལ་འབྱོར་གྲོལ། །བཅིངས་པ་དག་ནི་ཕྱོགས་བཅུར་འགྲོ་བར་བརྩོན། །མཐོང་བར་གྱུར་ན་མི་ག…

བསྟོད་པ་ལས། གང་གིས་སེམས་བྱུང་དྲ་བ་ནི། །སེམས་ཉིད་ཀྱིས་ནི་གསལ་མཛད་དེ། །སེམས་ཀྱི་རྨོངས་པ་སེལ་བ་ཡི། །རང་སེམས་དེ་ལ་ཕྱག་འཚལ་ལོ། །ཞེས་དང་། རིན་ཆེན་སེམས་ནི་རྣམ་གྲོལ་ལས། །ལྷ་རྣམས་བསྒྲུབ་ཏུ་ཡོད་མ་ཡིན། །སེམས་མཐོང་བས་ནི་བྱང་ཆུབ་སྟེ། །ཞེས་དང་། སེམས་ཉིད་རྡོ་རྗེ་བསྒོམ་པའི་ཕྱིར། །དེ་ནི་བྱང་ཆུབ་མཆོག་ཅེས་བྱ། །ཞེས་དང་…

འདུས་མེད། །ཅེས་དང་། སེམས་ནི་ནམ་མཁའི་དཀྱིལ་ལྟར་བསམ་པའི་ཡུལ་ལས་འདས། །དེ་ཡི་ངང་ལ་བཏང་བཞག་མེད་པར་ཀློད་ལ་ཞོག །སེམས་ལ་གཏད་སོ་མེད་ན་ཕྱག་རྒྱ་ཆེན་པོ་ཡིན། །དེ་ལ་བསྒོམས་ཤིང་འདྲེས་ན་བླ་མེད་བྱང་ཆུབ་འཐོབ། །ཅེས་གསུངས་སོ། །ཤ་བ་རི་པའི་དོ་ཧ་ལས། ཀྱི་ཧོ། མ་ཡེངས་སེམས་ཀྱིས་རང་གི་རང་ལ་ལྟོས། །རང་གི་སེམས་ཉིད་རང་གིས་རྟོགས་གྱ…

བཞག །གོམས་པར་བྱས་ན་རྣལ་འབྱོར་མངོན་དུ་གྱུར། །ཅེས་དང་། ནཱ་རོ་པའི་ལྟ་བ་མདོར་བསྡུས་ལས། སྣང་ཞིང་སྲིད་པའི་ཆོས་འདི་རྣམས། །རང་རིག་སེམས་ལས་གུད་ན་མེད། །ཅེས་སོགས་དང་། མེ་ཏྲི་པའི་ཕྱག་རྒྱ་ཆེན་པོ་ཚིག་བསྡུས་ལས། ཕྱག་རྒྱ་ཆེན་པོ་བརྗོད་པར་བྱ། །ཆོས་རྣམས་ཐམས་ཅད་རང་གི་སེམས། །ཕྱི་རོལ་དོན་མཐོང་འཁྲུལ་པའི་བློ། །རྨི་ལམ་བཞིན་ད…