ཆོས་དབྱིངས་གང་བའི་རྒྱལ་བ་དེ་དག་ཐམས་ཅད་ལ་ཡང་མཆོད་པ་བྱེད་པར་ཡིད་ཀྱིས་མོས་པ་བསྒོམ་མོ། །ཡང་ཞེས་པས་འཁོར་སེམས་དཔའ་རྣམས་མཆོད་པར་མོས་པའོ། །བཟང་པོ་དགེ་བའི་འབྲས་བུ་དང་སྤྱོད་པ་བྱང་ཆུབ་ཀྱི་སྤྱོད་པ་ལ་དད་ཅིང་ཡིད་ཆེས་པའི་སྟོབས་ཀྱིས། མཆོད་པ་དེ་དག་ནི་མདོ་སྡེ་རྣམས་ནས་བྱང་ཆུབ་སེམས་དཔའི་རྫུའཕྲུལ་དེ་དང་སངས་རྒྱས་ཀྱི་ཞིང་…

སེམས་ལོག་ལྟ་ཆེ་ཕྲ་སྣ་ཚོགས་དང་། སྡིག་པ་མི་དགེ་བའི་ལས་བདག་གིས་སྐྱེ་བ་འདིའམ་ཚེ་རབས་སྔ་མ་རྣམས་སུ་བགྱིས་པ་དང་བགྱིད་དུ་རྩལ་བ་དང་བགྱིད་པ་ལ་ཡི་རང་ཅི་མཆིས་པ་དེ་དག་ཐམས་ཅད་བདག་གིས་རྒྱལ་བ་སྲས་དང་བཅས་པའི་སྤྱན་སྔ་ན། འདུག་བཞིན་དུ་ཤིན་ཏུ་འགྱོད་པས་སྐད་ཅིག་རེ་རེ་ལ་སོ་སོར་བཤགས་ཤིང་བསལ་བར་བགྱིའོ། །བཞི་པ་ཡི་རང་བའི་ཡན་ལག…

ཡན་ལག་ནི། བཅོམ་ལྡན་འདས་གང་རྣམས་ཕྱོགས་བཅུའི་འཇིག་རྟེན་དག་ན་ཉི་ཟླ་མི་སྣང་བར་སྐུའི་འོད་ཀྱིས་གསལ་བས་ཕྱིའི་སྒྲོན་མེ་དང་། འཇིག་རྟེན་ན་དགེ་སྡིག་སོགས་བླང་དོར་མི་ཤེས་པའི་མུན་པ་སེལ་བས་ནང་གི་སྒྲོན་མེར་གྱུར་པ་དེ་དག་རྣམས་ནི། དང་པོ་བྱང་ཆུབ་ཏུ་ཐུགས་བསྐྱེད་ནས་བསྐལ་པ་གྲངས་མེད་པར་བྱང་ཆུབ་ཀྱི་སྤྱོད་པ་རིམ་པར་བྱང་ཆུབ་ཡང…

མཐར་ཐུག་གི་ཕན་བདེའི་དོན་དུ་བསྐུལ་པ་དུས་གསུམ་གྱི་སངས་རྒྱས་ཀྱི་ལྡིང་གི་རྡུལ་ཇི་སྙེད་པའི་གྲངས་དང་མཉམ་པར་བཞུགས་པར་ཡང་། བདག་གིས་ལུས་ཐལ་མོ་རབ་ཏུ་སྦྱར་ནས་ཞེ་ཐག་པ་ནས་གསོལ་བ་འདེབས་བར་བགྱིའོ།། །བདུན་པ་བསྔོ་བའི་ཡན་ལག་ནི། འདི་ལྟར་སྒོ་གསུམ་གྱིས་ཕྱག་འཚལ་བའི་བསོད་ནམས་དང་། སངས་རྒྱས་སྲས་བཅས་ལ་དངོས་དང་ཡིད་ཀྱིས་སྤྲུལ་…

ཀྱི་ཚངས་པ་ལྷ་ཚངས་པ་དང་མཐར་ཐུག་གི་ཚངས་པ་སངས་རྒྱས་བཅོམ་ལྡན་འདས་ཐོབ་པའི་ཐབས་ཚངས་པའི་གནས་བཞི་སྟེ་ཚད་མེད་པ་བསྒོམ་པ་ནི། པདྨ་ཟབ་པའི་རྒྱུད་ལས། བྱམས་དང་སྙིང་རྗེ་དགའ་བ་བཏང་སྙོམས་ཀྱིས། །ཉོན་མོངས་ལོག་པར་ལྟ་བའི་དགྲ་སྡང་འཇོམས། །ཞེས་དང་། རྒྱལ་བ་རྒྱ་མཚོ་ལྷ་དགུའི་རྒྱ་གཞུང་ལས། དེ་ལ་ཐོག་མར་ཐུགས་རྗེ་ཆེན་པོའི་སེམས་ཅན་རྣ…

སྙོམས་ཤུགས་ལ་སྐྱེ་བའི་ཕྱིར་བརྟག་གཉིས་ལས། དང་པོ་བྱམས་པ་བསྒོམ་པར་བྱ། །གཉིས་པ་སྙིང་རྗེ་རྣམས་བསྒོམ་ཞིང་། །གསུམ་པ་དགའ་བ་བསྒོམ་པ་དང་། །ཀུན་གྱི་མཐའ་ནི་བཏང་སྙོམས་སོ། །ཞེས་གསུངས་ཏེ། སྙིང་རྗེ་རྣམ་གསུམ་ཞེས་པ་སེམས་ཅན་ལ་དམིགས་པའི་སྙིང་རྗེ་ནི་སེམས་ཅན་སྡུག་བསྔལ་ལས་ཐར་བར་འདོད་པ་དང་། ཆོས་ལ་དམིགས་པའི་སྙིང་རྗེ་ནི་འགྲོ…

ཚུལ་གཞུང་ཚིག་རང་གི་དེས་འཐུས་སོ། །སྔགས་ལུགས་ཀྱི་ཚད་མེད་བསྒོམ་ལུགས་ནི་གཉིས་ཏེ། རང་གའི་སྙིང་ཁའི་ས་བོན་ལས་འོད་ཟེར་སྔོན་པོ་འཕྲོས་པས་སེམས་ཅན་ཐམས་ཅད་བྱམས་པ་ཚད་མེད་པ་ལ་བཀོད། དེ་བཞིན་དུ་འོད་ཟེར་དཀར་པོས་སྙིང་རྗེ་ཚད་མེད་ལ་བཀོད། དམར་པོས་དགའ་བ་ཚད་མེད་ལ་བཀོད། འོད་ཟེར་སྣ་ཚོགས་ཀྱིས་བཏང་སྙོམས་ཚད་མེད་ལ་བཀོད་པར་བསྒོམ་…

སྐལ་བ་ཡོད་པས་བསྐྱེད་རྫོགས་ཀྱི་ལམ་རིམ་པ་གཉིས་སྒོམས་ཤིག་ཅེས་གནང་བ་བྱིན་པས། ལྷ་ཚོགས་ཐམས་ཅད་འོད་ཟེར་དཀར་དམར་མཐིང་གསུམ་གྱི་རྣམ་པར་ཞུ་ནས་རང་ལ་ཐིམ་པར་བསྒོམས་ཏེ། རང་བྱུང་བའི་ལྷ་དགུའི་ཚོགས་ཞིང་རྣམས་ཨོཾ་ཨཱཿཧཱུྃ་གིས་ལྷ་ཚོགས་ཐམས་ཅད་བདག་ཉིད་ལ་བསྡུས་ཏེ། ཞེས་གསུངས་སོ། །དེ་ཡན་བསོད་ནམས་ཀྱི་ཚོགས་བསགས་པ་སྟེ། རྒྱ་གཞུང་…

སྔགས་བླ་མེད་ཐེག་པ་འདིར་སྟན་ཐོག་གཅིག་ཏུ་བསྒོམ་སྟེ་དང་པོ་ཚོགས་བསགས་པ། དེ་ནས་ལྷར་བསྐྱེད་འགྲོ་བའི་དོན་བྱེད་པ་འོད་ཟེར་སྤྲོ་བསྡུ་སོགས་ཕྲིན་ལས་སྣ་ཚོགས་བསྒྲུབས་ནས་མཐར་མྱ་ངན་ལས་འདའ་བ་དང་མཚུངས་པར་རྫོགས་རིམ་དུ་བསྡུས་པ་ཡིན་ནོ། །དེ་ནས་སྭ་བྷ་ཝས། ཨོ་རང་བཞིན་གྱིས་དག་པའི་ཆོས་ཐམས་ཅད་རང་བཞིན་གྱིས་དག་པའོ། །ཞེས་བྱ་སྟེ། …

ཏེ་ཆོས་ཐམས་ཅད་སྟོང་པ་ཉིད་དུ་བསྒོམ་པར་བྱའོ། །དེ་ནི་ཡེ་ཤེས་ཀྱི་ཚོགས་སོ། །ཞེས་གསུངས་ཏེ། འདིའི་དོན་སྟོང་ཉིད་བཤིགས་ནས་བསྒོམ་ཐབས་དང་། བཙན་ཐབས་སུ་བསྒོམ་ལུགས་གཉིས་ཏེ། བཤིགས་ནས་བསྒོམ་པ་ནི་གཅིག་ཏུ་བྲལ་གྱིས་རིགས་པས་སྟོང་ཉིད་དུ་གཏན་ལ་ཕབ་ནས་བསྒོམ་པ་སྟེ་རྒྱས་པར་དབུ་མའི་གཞུང་ལྟར་རོ། །དེ་ལ་ནི་སྟོང་ཉིད་བསྒོམ་པའི་རྗེ…

ཀྱི་དབུ་མ་ཞེས་ཕྱེས་ནས་གསུངས་ལ། ཟབ་གསལ་སྔགས་ཀྱི་དབུ་མ་ནི་ཕྱག་རྒྱ་ཆེན་པོ་སྟེ། དེ་ནི་ཆེན་པོ་གསུམ་གྱིས་བློས་མ་རིག་པ་འོད་གསལ་ལས་ཁྱད་པར་དུ་འགྱུར་བ་ཞེས། ས་ར་ཧའི་རིང་ལུགས་ཀྱི་ཆོས་སྐད་དུ་བྱུང་ཞིང་། གསང་བ་བསམ་གྱིས་མི་ཁྱབ་པའི་རྒྱུད་ལས། སྣང་སྲིད་འཁོར་འདས་ཆོས་རྣམས་ཐམས་ཅད་ལ། །རང་གར་སྤྱོད་པས་སྐྱེ་བོ་འཁྲུལ་པའི་ངོར།…

ཀྱང་། དབུ་སེམས་སོགས་ཀྱི་ཕྱག་ཆེན་མི་རྟོགས་པར་གསུངས་ཤིང་། རྫོགས་ཆེན་རྒྱུད་གཞུང་རྣམས་ནས། །ཉན་ཐོས་རང་རྒྱལ་བྱང་སེམས་གསུམ། །གང་ཟག་དབང་པོ་དམན་ལ་དགོངས། །ཞེས་སོགས་བྱང་སེམས་ཐེག་པས་རྫོགས་པ་ཆེན་པོར་མི་རྟོགས་པར་གསུངས་པའི་ཕྱིར། དབུ་མ་ལས་གསང་སྔགས་བླ་མེད་ཀྱི་ལྟ་བ་དེ་མཐོ་བར་གསུངས་པའི་ལུང་རིགས་མང་དུ་སྣང་ངོ་། །ཕྱིས་ཀྱ…

ཕར་ཕྱིན་ཐེག་པའི་སྣང་བའི་གནས་ཚུལ་ལ་དཔྱད་པར་རང་བཞིན་མ་རྙེད་པ་དེ་ཐལ་འགྱུར་པའི་ལྟ་བ་ཡིན་པར་ཀུན་ལ་གྲགས་ཀྱང་། བླ་མེད་སྔགས་ཀྱི་ལུགས་ལ་སྣང་བའི་དམིགས་པ་གང་ཡང་མེད་པར་བཙན་ཐབས་སུ་སྟོང་ཉིད་བསྒོམ་པ་ཡིན་ཏེ། རྗེ་བཙུན་བསོད་ནམས་རྩེ་མོས་སྣང་ལ་རང་བཞིན་མེད་པར་བསྒོམ་པ་དང་། སྣང་མེད་དུ་བསྒོམ་པ་གཉིས་ལས་འདི་སྣང་བ་མེད་པར་བསྒོ…

ལུགས་འདི་བདུད་མོ་བཀྲ་ཤིས་འོད་ཟེར་པའི་བཞེད་པ་ཡིན་ནོ། །དེ་ལྟར་ཡེ་ཤེས་ཀྱི་ཚོགས་བསགས་པའི་དགོས་པ་ནི་བཞི་སྟེ། སཾ་བྷུ་ཊི་ལས། དང་པོ་སྟོང་ཉིད་བསམས་པས་ནི། །ལུས་ཅན་རྣམས་ཀྱི་དྲི་མ་བཀྲུ། །ཞེས་གསུངས་པས། བདག་མེད་པ་ལ་བདག་ཏུ་འཛིན་པ་ལ་སོགས་ཀུན་རྟོག་གི་དྲི་མ་དག་པ་དང་། རྒྱུད་ལས། ལུས་སོགས་སྟོང་པའི་ཞིང་ས་ལ། །བློ་དང་ལྡན་པ…

གཞན་ཡང་སྔོན་དུ་སྟོང་ཉིད་ལྟ་བ་བྷོ་ནས་ལྷ་དང་དཀྱིལ་འཁོར་བྷེ་ན་དེ་རྣམས་ཐེར་ཟུག་མ་ཡིན་པར་སྒྱུ་མ་ལྟ་བུར་ཤུགས་ཀྱིས་འཆར་བའི་གནད་ཡོད་དོ། །སྟོང་ཉིད་དུ་ཞུགས་པའི་སྣང་མེད་ནི་རྣམ་པར་མི་རྟོག་པའི་ཡེ་ཤེས་དང་། དེ་ལ་ལྷའི་སྣང་བར་ལང་བ་དག་པ་འཇིག་རྟེན་པའི་ཡེ་ཤེས་ཀྱི་རང་བཞིན་དུ་ཤཱནྟི་པས་བཞེད་དོ། །དངོས་གཞི་ལ་བསྐྱེད་རྫོགས་གཉ…

བརྟེན་པའི་འབྲུ་གསུམ་བྷོ་པར་བཤད་པ་དང་དོན་གཅིག་པ་ཡིན་ནོ། །དེ་ནས་རྟེན་གཞལ་ཡས་ཁང་བསྐྱེད་པ་ནི། དཀྱིལ་འཁོར་གཞན་ཐམས་ཅད་གླིང་བཞིའི་འཇིག་རྟེན་ཁམས་ཆུང་ངུ་འདི་ཙམ་ཞིག་སྦྱང་ཚུལ་ལས་མ་གསུངས་ལ། འདིར་ནི་སངས་རྒྱས་སྐུ་གསུམ་གྱི་ཞིང་མཐའ་དག་སྦྱངས་པ་སྟེ། ཨོ་རྒྱན་རིན་པོ་ཆེས་མཛད་པའི་རྒྱལ་བ་རྒྱ་མཚོའི་ལྷ་ལྔའི་གཞུང་ལས། འོག་གི་…

སྐུ་ཡི་ཞིང་ཁམས་ནས། །དཔག་ཡས་ནམ་མཁའི་མཐའ་དང་མཉམ། །ཞེས་གསུངས་པས། དེ་ལྟ་བུའི་ཞིང་དུ། དང་པོའི་སངས་རྒྱས་ཀུན་བཟང་དེ། །དུས་གསུམ་དུས་མེད་དུ་བཞུགས་ནས། །སངས་རྒྱས་བྱང་སེམས་ཐམས་ཅད་ལ། །ཆོས་སྐུའི་བསྟན་པ་རྫོགས་པ་ཆེ། །ནམ་མཁའ་ལྟ་བུའི་སྨྲ་བརྗོད་དང་། །བྲལ་བའི་ངང་ནས་གསུངས་པ་སྟེ། །དེ་ནི་ཐུགས་ཀྱི་འདུལ་བའོ། །དེ་ནས་ལོངས་སྐུ…

དེའི་སྟེང་དུ་གཟི་བརྗིད་དཔལ་གྱི་སྙིང་པོ་ཞེས་བྱ་བའི་རླུང་གི་དཀྱིལ་འཁོར་བསམ་གྱིས་མི་ཁྱབ་པ་ཡོད་པར་བཤད་དེ་འོད་ཟེར་ལས་གྲུབ་པ་ཞེས་བྱ་བའི་དོན་ནོ། །དེའི་སྟེང་དུ་ནོར་བུ་སྣང་ཡང་ཞེས་བྱ་བའི་རྒྱ་མཚོ་ཆེན་པོ་ལ་པདྨའི་སྡོང་པོ་ཆེན་པོ་བསམ་ལས་འདས་པ་ཞིག་སྐྱེས་ཏེ་པདྨ་དེའི་ཟེའུ་འབྲུ་ལ་མིང་སྤོས་ཀྱི་རྒྱལ་པོའི་འོད་ཟེར་ཞེས་བྱ་…

མའི་སྒྲུབ་གཞུང་རྣམས་ལས་མལ་འོག་ཏུ་རྡོ་རྗེ་རྒྱ་གྲམ་བྲིས་པ་སྡོད་ཚུགས་པའི་རྟེན་འབྲེལ་དུ་གསུངས་པ་རྣམས་འདི་ལ་ཚང་བས་གནད་ཀྱང་ཆེ་ཤོས་ཡིན་ལ། གྲུབ་ཆེན་༧ཀརྨ་པཀི་སྤུངས་རིར་ཕྱིན་ནས་ལོ་གཉིས་ཙམ་ལོན་པའི་དུས་སུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཁྱབ་པའི་པདྨའི་སྡོང་པོ་བྱང་ཆུབ་ཀྱི་ཤིང་སྙིང་པོའི་རྒྱན་…

གསུངས་པ་ཞིག་བྱུང་། བྱང་ཆུབ་ཤིང་གི་བཀོད་པའི་ཐང་ཀའི་དཔེ་ཡང་དེ་ཡིན། དེ་ཕྱིན་ཆད་ཐུགས་རྗེ་ཆེན་པོ་ཕྱོགས་མེད་དུ་བསྟན་པའོ། །ཞེས་གསུངས་པ་རྣམས་གཅིག་ཏུ་ན་འདི་ཞལ་གཟིགས་དུས་དང་མཚུངས་པའི་མངོན་རྟོགས་ཀྱང་ཡིན་པས་བྱིན་རླབས་ཆེ་བ་ཡིན་ནོ། །དེ་ཡང་མེ་ཏོག་རེ་རེ་ལ་འཇིག་རྟེན་རེ་རེ་ཆགས་པའི་ནང་ནས་འདི་ནི་ཀུན་གྱི་དབུས་མ་སྟེ། །ཨོ…