ཚན་ས་ལ་བརྒྱབས་ནས་ཐལ། །སྲུང་མ་དཔའ་བོ་སྡེ་བཞིའམ། །ཆོས་སྐྱོང་མི་དགའི་རྟགས་སུ་གོ །རས་ཆུང་པ་ཡི་མགུར་ལས་ཀྱང་། །ན་ནིང་ལོ་ལ་དཀའ་དགུ་སྤྱད། །ད་ལོའི་ལོ་ལ་མཚར་དགུ་མཐོང་། །མ་གཅིག་གྲུབ་པའི་རྒྱལ་མོ་མཐོང་། །མཁའ་འགྲོ་རྒྱ་མཚོའི་སྲོག་སྙིང་ཡོད། །གསུངས་པའི་དོན་ཡང་འདི་ཡིན་གསུངས། །བླ་མ་མཁའ་འགྲོའི་བཀའ་རྒྱས་བཏབ། །གཉན་ཕྱིར་ག…

གཉིས་ཟླ་གཅིག་ཙམ་དུ་འབད། །བདག་ཀྱང་ལན་གྲངས་བཅུ་གསུམ་ཙམ། །ཚོགས་མཆོད་ཕུལ་ཞིང་གསོལ་བ་བཏབ། །བརྒྱ་ཕྱག་མཎྜལ་བརྒྱ་རྩ་ཕུལ། །ནག་པ་ཟླ་བའི་བཅུ་གསུམ་ནུབ། །ཉལ་ཁའི་ཡིད་ལ་འདི་ལྟར་དྲན། །སྔོན་གྱི་རྒྱ་གཞུང་བོད་གཞུང་རྣམས། །བསྒྲིགས་ན་སྒྲུབ་ཐབས་བྲི་མི་རུང་། །ཆོས་བཤད་ལག་པ་ཁྲག་ཅན་ཟེར། །བཀའ་དཀྲུགས་ཉེས་པས་བཀའ་ཆད་འབྱུང་། །དེ་བ…

བར་ཐོས། །ཕྱིར་ནངེས་བཀའ་རྒྱ་གྲོལ་ཡོད་སྨྲས། །འོན་ཀྱང་རེ་ཞིག་མ་སྐབས་པས། །སྐར་མ་བཟང་དུས་དབུ་བཙུགས་སྙམ། །དེ་ནས་སྤྲུལ་སྐུ་བསྙུང་བ་ཐོས། །ཞག་བརྒྱད་ཙམ་ཞིག་སྐུ་རིམ་བསྒྲུབས། །དེ་ནས་སྤྲུལ་སྐུ་གཤེགས་པ་ཐོས། །མྱ་ངན་དྲག་པོས་སེམས་ནོན་ཅིང་། །ཞག་བདུན་འདས་མཆོད་ཆོ་ག་བྱས། །དེ་ནས་ཚེས་ལྔའི་སྲོད་ཀྱི་ཐུན། །ད་ནི་མྱ་ངན་སེམས་འཐ…

དམར་འདོན་བྱས་པ་དེས། །ཆོས་བདག་མཁའ་འགྲོ་མི་དགྱེས་སྲིད། །བདག་དང་སློབ་མ་བརྒྱུད་བཅས་ལ། །འཕྲག་གམ་མི་འཕྲུག་ཤིས་མི་ཤིས། །ཅི་འགྱུར་བརྟགས་པ་བྱས་པའི་ནུབ། །སྲོད་ལ་རང་གི་ཡིན་སྙམ་པའི། །ཁྱི་རྒོད་ལྕགས་ཐག་རིང་པོ་ཅན། །གཉིས་ཤོར་ཁྲོམ་འགའ་འཇུ་གྲབས་ལ། །བུད་མེད་རྒྱན་ལྡན་མཛེས་མ་གཉིས། །ལྕགས་ཐག་བཟུང་ནས་ཁྱི་བཀག་ནས། །ཡང་ཡང་ཤོར…

འདི་ཉིད་སུ་ཡིས་ཉམས་བླངས་པས། །ཆོས་སྐྱོང་སྲུང་མས་སྐྱོབ་པར་གོ །ཐོ་རངས་ཉམས་ཀྱི་སྣང་བ་ལ། །མདུན་གྱི་བར་སྣང་ཡི་གེ་དོད། །དེ་ཉིད་འདོན་ཅིང་ངག་ཏུ་བརྗོད། །། ཡུངས་དཀར་རྡོ་རྗེའི་རིགས་དེ་སོགས། །བཀྲ་ཤིས་རྫས་བརྒྱུད་ཚིགས་བཅད་རྣམས། །རིམ་པར་དོད་ཅིང་རིམ་པར་བཏོན། །དེ་ནས་ཉམས་དེ་ཡལ་མ་ཐག །འདི་ཉིད་སུ་ཡིས་ཉམས་བླངས་པས། །བཀྲ་ཤི…

དལ་གྱི། །རང་གར་བྲིས་པར་མི་དགོངས་འཚལ། །རྩོམ་གཞིའི་ལུང་ཁུངས་སོ་སོར་གསལ། །ཀཾ་ཚང་ནག་རྒྱལ་ཕག་གསུམ་ལ། །མཚུར་ལུགས་རྟོགས་ལྡན་ལུགས་གཉིས་བྱུང་། །མཁའ་སྤྱོད་དབང་པོ་མན་ཆོད་ལ། །གཞུང་གི་དབང་ལུང་དར་ཆེ་ཡང་། །སྙན་བརྒྱུད་ཡི་གེ་མེད་པའི་སྐོར། །ཐམས་ཅད་གཅིག་བརྒྱུད་ཁོ་ན་ལགས། །གཅིག་བརྒྱུད་མི་རབས་བཅུ་གསུམ་ཚང་། །དེ་ནས་མཁའ་སྤྱ…

གཉིས་སུ་གྱེས། །དེ་རྗེས་མཐོང་བ་དོན་ལྡན་སོགས། །ན་རིམ་རྗེས་མ་ཐམས་ཅད་ཀྱིས། །རྟོགས་ལྡན་ལུགས་དེ་སོར་བཞག་མཛད། །མཚུར་ལུགས་ནུབ་ཅིང་བརྒྱུད་པ་ཆད། །དཔལ་ལྡན་མཁའ་སྤྱོད་དབང་པོ་དེས། །བོད་ཡུལ་གྲགས་དང་མ་གྲགས་པའི། །དབང་ལུང་གདམས་ངག་མཐའ་ཡས་པ། །དངོས་དང་ཉམས་དང་རྨི་ལམ་དུ། །མ་ཐོབ་པ་ནི་གཅིག་མེད་གསུངས། །མཁའ་འགྲོའི་ལུང་བསྟན་ཡི…

ཐབས་ལམ་རྩ་རླུང་གཏུམ་མོ་དང་། །གྲོལ་ལམ་ཕྱག་རྒྱ་ཆེན་པོ་དང་། །ཐམས་ཅད་འདྲེས་མར་གསུངས་པའི་ཕྱིར། །ཕལ་གྱིས་ཉམས་སུ་ལོན་པ་དཀའ། །དེ་ཕྱིར་དཔེ་ཆ་འཛོམ་ན་ཡང་། །སྒྲུབ་པ་ཐོན་མཁན་ཉིན་སྐར་ཙམ། །ཐུན་མོང་དབང་སྡུད་ནོར་སྒྲུབ་ལ། །དམིགས་ནས་སྤྱན་རས་གཟིགས་བསྒྲུབས་ན། །ཙནྡན་སོལ་བ་བྱས་པའམ། །གཡག་རྟ་བེའུ་ལ་བསྒྱུར་བའི་དཔེ། །འོ་ན་ཅི་…

རྒྱུན་ཐག་ཆད་པའི་པི་ཝང་བཞིན། །དོན་འབྲས་འགྲུབ་པར་མི་འགྱུར་གསུངས། །དེ་ཕྱིར་འདི་ནི་མཆོག་སྒྲུབ་ཡིན། །མཆོག་སྒྲུབ་ཐབས་ལམ་གྲོལ་ལམ་གཉིས། །ཐབས་ལམ་རྩ་རླུང་ཐིག་ལེ་སྟེ། །རྩ་རླུང་སྒོམ་པའི་གང་ཟག་གིས། །བསམ་བཞིན་བྱང་སེམས་ཉམས་ཤོར་ན། །རྩ་གནས་མཁའ་འགྲོ་བྱེ་བ་འབུམ། །ངུ་དང་དི་རི་བཀའ་ཆད་འབེབས། །རྩ་རླུང་སྒོམ་པའི་བྱིན་རླབས་ཡ…

ཡིན། །དངོས་གྲུབ་ཀུན་གྱི་གཏེར་མཛོད་ཡིན། །སློབ་དཔོན་པདྨའི་ཞལ་གདམས་ཡིན། །རྒྱུད་སྡེ་བཞི་ཡི་སྤྱི་སྒྲུབ་ཡིན། །མཆོག་དང་ཐུན་མོང་དངོས་གྲུབ་ཀུན། །ཞག་བདུན་ཙམ་གྱིས་ཐོབ་པ་ཡི། །གདམས་ངག་ཁྱད་པར་འཕགས་པ་ཡིན། །བཀའ་བབས་བྱིན་རླབས་བརྒྱུད་པ་ལྡན། །འགྲུབ་ཐག་ཤིན་ཏུ་ཉེ་བ་ཡིན། །དེ་སྐད་གྲུབ་ཆེན་པཀཱིས་གསུངས། །ཟིན་བྲིས་བརྩམས་པའི་…

ཚེ་དང་སྒྲུབ་པ་མཐར་ཕྱིན་ནས། །ཚོགས་གཉིས་མཐར་ཕྱིན་བཅོམ་ལྡན་འདས། །རྒྱལ་བ་རྒྱ་མཚོ་སྤྱན་རས་གཟིགས། བདེ་ལེགས་མཐར་ཕྱིན་ཤོག། །།མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་དགུ་ལྷ་ལྔ་གཉིས་ཀྱི་སྒྲུབ་ཐབས་རྣམས་ཀྱི་དུས་རྟགས་གྲངས་ཀྱི་བསྙེན་ཚད་ཕན་ཡོན་དང་བཅས་པ་མདོར་བསྡུས་པ་བཞུགས་སོ།།

ན་མོ་གུ་རུ་ལོ་ཀེ་ཤྭ་རཱ་ཡ། རྒྱལ་བ་རྒྱ་མཚོའི་ལྷ་ཚོགས་ཞབས་ལ་འདུད། །རྒྱལ་བ་རྒྱ་མཚོའི་ལྷ་དགུ་ལྷ་ལྔ་གཉིས། །སྒྲུབ་པའི་དུས་རྟགས་གྲངས་ཀྱི་བསྙེན་པའི་ཚད། །ངེས་ཤེས་བསྐྱེད་ཕྱིར་གཞུང་གི་ལུང་འདྲེན་བཀོད། །ལྷ་དགུའི་རྒྱ་གཞུང་གྲུབ་ཆེན་ཛ་ལན་རས་མཛད་པ་ལས། གྲངས་ཀྱི་བསྙེན་པ་འབུམ་ཕྲག་གསུམ་དང་། དུས་ཀྱི་བསྙེན་པ་མཚན་མའི་བསྙེན་…

གཏོར་ཞིང་མ་ཎིའི་དབྱངས་སྒྲོགས་པ་དང་། སྤྲིན་ལྡིང་བའི་ཐོག་ཏུ་འདུག་པ་དང་། དེ་བཞིན་གཤེགས་པའི་སྐུའི་མདུན་དུ་ཕྱིན་པ་ལ་སོགས་པ་དང་། རིན་པོ་ཆེའི་སྐས་ལ་འཛེག་པ་ལ་སོགས་པའི་རྨིས་ལྟས་བཟང་པོ་རྣམས་འབྱུང་བའོ། །ཞེས་དང་། ཨོ་རྒྱན་རིན་པོ་ཆེས་མཛད་པའི་རཏྣ་གླིང་པའི་གཏེར་ཁ་ལྷ་དགུ་ལས། སྒྲུབ་པའི་རྟགས་ཕྱིའི་རྟགས་སུ་ལུས་བདེ། ཁམས…

བ། རྒྱན་ཐོགས་པ། ཆུ་བོ་བརྒལ་བ། ཉི་ཟླ་ཤར་བ། གསང་ཚིག་སྨྲ་བ། མེ་ཏོག་དམར་པོ་འཐུ་བ་སོགས་དཔག་མེད་འབྱུང་ངོ་། །བྱུང་ཡང་དགག་སྒྲུབ་མི་བྱ་མཉམ་ཉིད་དུ་བཞག །ཅེས་དང་། བུམ་ཆུ་གཏོར་མ་བྷན་ལ། །གཟུངས་ཆུ་གཟུངས་རིལ་མང་དུ་ནི། །བསྒྲུབས་ནས་འགྲོ་བ་ཡོངས་ལ་སྤེལ། །རིན་ནི་མ་ཎི་འུར་རྒྱག་བླང་། །འདི་ནི་ཡོན་ཏན་བརྗོད་མི་ལོངས། །སྐྱེ་བ་…

གསལ་ཆེན་པོ་འགྲོ་འོང་མེད་པ་མངོན་དུ་གྱུར་ནས། མཁའ་སྤྱོད་ཀྱི་དངོས་གྲུབ་ཐོབ་པར་འགྱུར། ཅེས་གསུངས་སོ། །རང་བྱུང་རྡོ་རྗེའི་ལུས་དཀྱིལ་ཚིགས་བཅད་མ་དང་། པདྨ་ཟབ་པའི་རྒྱུད་གཉིས་ཚིག་དོན་མཐུན་པར། ལུས་ཀྱི་དཀྱིལ་འཁོར་ལེགས་བསྒོམས་པས། །སངས་རྒྱས་སྤྱན་གྱི་རྣལ་འབྱོར་གྱིས། །ལུས་ལ་བདེ་བ་སྟེར་བར་བྱེད། །གོས་དཀར་དྲོད་ལ་བདེ་བ་སྟ…

ཕོ་མོ་འདུ་བ་དང་། །རྒྱན་ཅན་བུད་མེད་འདུ་བ་དང་། །ཟང་ཟིང་དགོས་འདོད་འབྱུང་བའི་རྟགས། །ལས་སྦྱོར་རྫས་སྨན་དེ་ཉིད་ནི། །གང་དུ་འགྲོ་ལ་སྦྱིན་པར་བྱ། །རྣམ་སྨིན་ཕུང་པོ་ནམ་དོར་བར། །འོད་དཔག་ཞིང་དུ་ཐེ་ཚོམ་མེད། །ཅེས་གསུངས་སོ། །ཉང་གི་གཏེར་ཁ་བ་མཁལ་མའི་གཞུང་ལས། དེ་ལྟར་སྒོམ་བཟླས་བྱས་པའི་རྟགས་ནི། ལུས་བདེ་བ་དང་། ཡང་བ་དང་། སྣ…

ཞེས་དང་། ལྷ་ལྔའི་རྒྱ་གཞུང་ཆེན་པོ་རྡོ་རྗེ་སྙིང་པོས་མཛད་པ་ལས། ལྟས་དང་ཆོ་འཕྲུལ་མཁའ་འགྲོའི་རྟགས། །དངོས་གྲུབ་མཚན་མ་ལ་སོགས་པ། །བཟང་ངན་བྱེ་བྲག་ཅི་ལྟར་ཡང་། །གང་ལ་དགའ་དང་མི་དགའ་བའི། །མཚན་མར་འཛིན་པར་མི་བྱའོ། །དེ་ལྟར་ཞག་བདུན་ཉེར་གཅིག་སོགས། །ཟླ་གསུམ་ཟླ་དྲུག་ལ་སོགས་པར། །མཆོག་དང་ཐུན་མོང་དངོས་གྲུབ་འགྲུབ། །ཅེས་གསུང…

དུས་ཀྱི་བསྙེན་པ་ཞག་ཉི་ཤུ་རྩ་གཅིག །གྲངས་ཀྱི་བསྙེན་པ་འབུམ་ཚོ་གསུམ། མཚན་མའི་བསྙེན་པའི་རྟགས། བྱིན་ཆེ་བ་དང་། ལུས་བདེ་བ་དང་། ཡང་བ་དང་། སྣང་བ་ལ་འཛིན་པ་ཆུང་བ་དང་། སྣང་བ་སྒྱུ་མ་ལྟར་མཐོང་བ་དང་། འོད་དང་། སྒྲ་དང་། དྲི་ཞིམ་པ་རྣམས་འབྱུང་ངོ་། །ཞེས་དང་། རྒྱལ་བ་རྒྱ་མཚོ་ལྷ་ལྔའི་སྒྲུབ་ཐབས་སངས་རྒྱས་གླིང་པའི་གཏེར་ཁ་ལས། …

མཚོའི་སྒྲུབ་ཐབས་ལ། དེ་ལྟ་བུའི་དུས་ན་རྒྱུན་མི་འཆད་པ་གསུམ་ཡང་འབྱུང་སྟེ། སྣང་བ་ལྷའི་དཀྱིལ་འཁོར་ལ་མི་དང་མི་མ་ཡིན་པ་གང་ཡང་མེད་པས་མཚམས་རྒྱུན་མི་འཆད་པའོ། །གྲག་པ་སྔགས་ཀྱི་དཀྱིལ་འཁོར་ལ། ཨོཾ་མ་ཎི་པདྨེ་ཧཱུྃ། ཞེས་པ་མན་པ་གང་ཡང་མེད་པས། འཛབ་བཟླས་རྒྱུན་མི་འཆད་པའོ། །དེ་ལྟ་བུའི་དུས་ན་འདུ་བ་རྣམ་པ་གསུམ་ཡང་འབྱུང་སྟེ། ལུ…