དགྲ་བགེགས་ཞབས་སུ་མནན། །ཞེ་སྡང་ཕོ་རྒྱུད་གཡས་སུ་མནན། །འདོད་ཆགས་མོ་རྒྱུད་བགཡོན་དུ་མནན། །གཏི་མུག་རིགས་རྒྱུད་རྩད་ནས་བཅད། །འདི་ནི་ཁྲོ་བོའི་ཕྲིན་ལས་ཡིན། །ཧཱུྃ། སྡང་བའི་དགྲ་དང་གནོད་པའི་བགེགས། །བྱད་མ་རྣམས་ཀྱི་རྩད་ཆོད་ཅིག །བྱེད་མི་དམ་སྲི་གདོན་གྱི་ཚོགས། །རྡུལ་ཕྲན་བཞིན་དུ་མེད་པར་མཛོད་།་རྟ་མགྲིན་ཁྲོ་བོའི་ཚོགས་ཀྱ…

ནས། །སྤྱན་དྲངས་པའི་ཡེ་ཤེས་པ་རང་བཞིན་གྱི་གནས་སུ་གཤེགས། བཛྲ་མུཿ དམ་ཚིག་པ་འོད་དུ་ཞུ་ནས་མགོན་སྙིང་ལ་ཐིམ་པར་གྱུར། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། མགོན་སྙིང་སོ་སོར་བསྲུང་བ་བཏགས་རྒྱུ་གཏད། དགེ་བ་འདི་ཡིས་མྱུར་དུ་བདག །རྟ་མགྲིན་ནག་པོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །བསྔོ་བ་སྨོན་ལམ…

ལེན་དང་། །ཆུང་དུས་རང་གིས་ལག་བླངས་ཉམས་མྱོང་བསྟུན། །སློབ་དཔོན་ཁྲོ་མེད་བཀླགས་པས་ཆོག་པ་འདི། །དགེ་སློང་སྔགས་འཆང་རཱ་ག་ཨ་སྱ་ངས། །ཕྱི་རབས་སྔགས་འཆང་སེང་ཕྲུག་ཐམས་ཅད་ལ། །མཛེས་པའི་རྒྱན་དུ་གཡུ་རལ་འདི་བཞག་པ། །གོ་ཁྲབ་ཇ་དར་ཚན་ཆེན་བཞག་པ་བས། །དུས་མཐའི་བར་དུ་བཞག་འདི་ཕན་པ་ཆེ། །ཉེས་འགལ་མཆིས་ན་ལྷ་དང་སྲུང་མར་བཤགས། །དགེ་བས…

ཤ་ཁྲག་གིས་བརྒྱན་པའི༔ སྟེང་དུ་གཏོར་མ་བཤམས། འོག་གཞི་སྟེགས་བུའི་དཔེའུ་རིས། ༈ གདོན་ཆེན་གྱིས་བཏབ་ན་དང་པོ་གསོ་བའི་ལས་བྱེད་པའི་དཔེའུ་རིས་སོ། གོང་གཏོར་དཀར་བགེགས་སོགས་གོང་ལྟར་རོ། ཕྱི་རིམ་དམར་པོ་མེ་རི་བྱའོ། ཅོག་ཁྱིའི་ཁར་མགོན་ཆུ། ཟོར་བཏེག་གི་དཔེའུ་རིས། མགོན་ཟངས། ལྕགས་ཀྱིས་བྲབ་པའི་དཔེའུ་རིས། མགོནུ་ཟངས་སྒྲུབས་པའ…

རྟ་མགྲིན་ལས་རིམ་བདུན་མའི་ཞལ་ཤེས་གཏོར་ཟློག་གི་ཟིན་བྲིས་གསལ་བ་བཞུགས་པའི་དབུའོ།།

ན་མོ་རྒྱ་གྲི་ཝ་ཡེ། རྟ་མཆོག་རོལ་པའི་རྒྱུད་ཀྱི་དུམ་བུ། ནག་པོ་ཀླུ་འདུལ་གྱི་རྒྱུད་ལ་བརྟེན་ནས་མཛད་པའི། །རྟ་མགྲིན་ནག་པོ་འདི་གཏེར་ཁ་རེ་ནས་རེ་རེ་འབྱུང་བས། རིགས་མི་འདྲ་བ་ཤིན་ཏུ་མང་ན་ཡང་། ཉང་ལུགས་འདི་གྲགས་ཆེ་སྟེ། ཀརྨ་པཀྴི་ནས་བཟུང་སྟེ་ཀརྨ་པ་ན་རིམ། དགེ་འདུན་གྲུབ་པ་ནས་བཟུང་སྟེ། ཐམས་ཅད་མཁྱེན་པ་ན་རིམ། དེ་རྣམས་ཀྱིས…

ཁྲོམ་བཅོ་བརྒྱད། ནང་པུ་རི་དཀར་ནག །གསང་བ་བཙོ་བརྔོ་སྲེག་གསུམ། ཆར་སེར་འགུགས་གསུམ། དཔེའུ་རིས་ལྟར་མང་དུ་ཡོད་ཀྱང་། སྔགས་པ་རྣམས་ལ་ཉེ་བར་མཁོ་བ། ལས་རིམ་བདུན་པ་ཞེས་བྱ་བ། བསྐང་ཟློག་དགྲ་ཆོས་གསུམ་ཀ་ཡིན་ཏེ། དེང་སང་སྔགས་པ་རྣམས་ཀྱིས་གཞུང་ལེས་གཅིག་དེ་འདོན་མཁན་མང་ན་ཡང་། ཆ་ལག་ཚང་བར་མི་འདུག་པས། བདག་གིས་པོད་གཞུང་ནང་ནས་བས…

མཐུ་བྱེད་ཐབས་རྣམས་སྦས་པ་ཡིན། དེ་དག་སྤེལ་ན་སྡེ་བརྒྱད་རྣོ་དྲགས་པས། དུག་འཚགས་པ་དང་འདྲ་བ་འོང་དོགས་ནས་སྦས་སོ། །འདི་འདོན་པ་ནི་ཡི་དམ་གཏོར་མ་ལ་བསྔོ་ཆོག་ལོགས་སུ་མི་དགོས་ཏེ། སྐྱབས་སེམས་སྔོན་འགྲོ་དཀར་བགེགས། བསྐང་བ་ཚོགས་གཏོར་འབུལ་སོགས། སྔགས་པ་སྤྱི་ཡི་ལུགས་ལྟར་བྱས་པས་ཆོག །འདི་རང་བཅས་ལ་རྒྱས་འབྲིང་བསྡུས་གསུམ་ཏེ། ༈…

འཁོར་བཞི་ལ་བདུན་རེ། སྡེ་བརྒྱད་ལ་གསུམ་རེའམ་རེ་རེ། གཏོར་མ་སོ་སོ་ལ་ལྷ་སོ་སོའི་ཙཀ་ལི་ཡོད་ན་བཙུགས། དེ་རྒྱབ་རྩང་ཉི་ཤུ་རྩ་བརྒྱད་ཆུང་སླས། རྩང་སྟོད་དམར་རྡུང་སྨད་ནག་སྐེད་པ་རྒྱ་མདུད་སེར། ཕྱོགས་བཞིར་ཟླུམ་པོ་གྲུ་བཞི་ཟླ་གམ་གྲུ་གསུམ་སྟེ་སྒོ་རྩང་བཞི་ཐད་ཀར་བཙུགས། སྟེང་དུ་དར་གདུགས་ནག་པོ་ཟོར་འཕེན་ན་དཔེའུ་རིས་ལྟར་དང་། …

མཐེབ་སྐྱུས་གསོས་ཀྱང་ཆོག །རྒྱས་པ་དེ་གཏོར་མདོས་དང་བསྡུས་པ་འདི་གཏོར་ཟློག་ཅེས་བྱའོ། །ཤིན་ཏུ་བསྡུས་པ་ནི། ཟངས་ལྕགས་སོགས་ཀྱི་སྡེར་ནང་དུ། དམར་གཏོར་གཙོ་འཁོར་ལྔ། དེ་རྒྱབ་གཏོར་ཆུང་བརྒྱད་ཀྱིས་བསྐོར། ཟན་ལིང་བསྒྲལ་རྒྱུ་གཅིག་བྱའོ། །ཡང་འདིའི་སྒྲུབ་པ་བྱེད་པར་འདོད་ན། མདུན་དུ་གཞིའི་སྟེང་དུ་འབྲུའི་ཚོམ་བུ་ལྔ་བཀོད། དེར་བ…

བསྐྱེད། དེ་ནས་ཉང་ལུགས་བཏོན་པ་མདུན་བསྐྱེད་དེ་ཤིན་ཏུ་ལེགས། ཉང་ལུགས་ཀྱི་གཞུང་ལས། དྲན་པ་ཙམ་གྱིས་རྫོགས་པ་ཉིད། །ལྟ་བ་གྱད་ཀྱི་ལྷ་ཞེས་བྱ། །རྡོ་རྗེ་ལྟ་བུའི་ཏིང་འཛིན་འདི། །སྲུང་བ་ཀུན་གྱི་མཆོག་ཡིན་ནོ། །ཞེས་གསུངས་པས། བདག་བསྐྱེད་གཙོ་རྐྱང་དྲན་རྫོགས་སུ་བསྒོམས་ནས། མདུན་བསྐྱེད་གཙོ་འཁོར་ལྔ་པ་བྱ་སྟེ། སྤྱན་འདྲེན་བཞུགས་…

ཡང་རུང་ངོ་། །ཡང་འཇོམ་པར་འདོད་ན་སྡེ་བརྒྱད་ཀྱི་བསྐུལ་རྣམས་མི་འདོན་སྒྱུར་རོ། །དེ་ཡང་རང་དོན་གལ་ཆེན་འགྱུར་ཆེ་བར་བྱེད་ན། ལས་བྱང་དང་བསྐང་བ་སོགས་ཆབ་ཆོབ་མང་པོ་མི་འདོན་པར། རྟ་མགྲིན་གཞུང་འདི་ཉིད་འདོན་ཅིང་ཚར་གྲངས་བསོག །ཚར་རེ་ལ་ཡང་བསྙེན་པ་སྟོང་ཕྲག་རེ་འགྲོ་བར་བྱས་ལ། རྟ་མགྲིན་གྱི་གཏོར་བསྒྲུབས་ཡིན་པས་བྱིན་རླབས་ཤིན་…

གསོ་ལ་བརྩོན་ན་དོན་ལ་སྤྱན་རིས་གཟིགས་མཆོད་པ་ཡིན་པས་ཕྱི་མའི་ལམ་བརྒྱག་དང་། འཁོར་སྡེ་བརྒྱད་རང་ཆས་སུ་རང་ལ་འདུག་པས། དུས་དེང་སང་སྡེ་བརྒྱད་ཁ་དར་དུས། ཤིན་ཏུ་རྣོ་ཤིང་ཕན་ཐོགས་ཆེ་བར་འདུག །ཅེས་ཆབ་གཤིས་ཀྱི་འཚོ་མཛད་སྔགས་འཆང་ཞིག་ལ་ཕན་ཕྱིར། སྔགས་རྒན་རཱ་ག་ཨ་སྱས་ངག་ནས་སྨྲས་པ་ལྟར། དགེ་སློང་མེ་ཏྲིས་ཡི་གེར་བྲིས། སྔགས་ཆུང་…

ལས་བྱེད་པར་བསམ། རང་གི་སྙིང་གར་པདྨ་འདབ་བརྒྱད་ཀྱི་ལྟེ་བར་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་དམར་པོའི་རྩེ་ལ་ཧྲཱིཿདམར་པོ་འོད་ཀྱི་རང་བཞིན་ཅན་དུ་བསྒོམ། ཧཱིའི་རྩེ་མོ་ལ་བླ་མ་རྡོ་རྗེ་འཆང་གི་ཆ་ལུགས་ཅན་ལ་བཀའ་བརྒྱུད་བླ་མས་བསྐོར་བར་བསམ། གཡས་སུ་ཕ་སྤུན་བུ་དང་བཅས་པ་རིགས་གསུམ་མགོན་པོའི་ཆ་ལུགས་ཅན་དུ་བསྒོམ། གཡོན་དུ་བུ…

གྱིས་གང་བར་གྱུར། སྒྲ་གྲག་ཐམས་ཅད་རྟ་མགྲིན་གྱི་སྔགས་སྒྲ་འབྲུག་སྟོང་དུས་ཅིག་གྲག་པའམ། བུང་བའི་ཚང་ཞིག་པ་ལྟར་དི་རི་རི་བཟླས་པར་བསམ་ལ་ངག་སྨྲ་བཅད་བྱས་ནས་སྔགས་བགྲང་ལ་འབེབས་བཟློག་པ་དང་བསད་པའི་དུས་སུ་ཕྱག་གཡོན་པའི་ལྕགས་ཀྱུས་དགྲ་བགེགས་བྱད་མའི་སྙིང་ནས་བཟུང་། ཞགས་པས་སྐེ་ནས་བཅིངས། །མདུན་དུ་འདར་ལྡི་ལི་ལི་བཀུག་ནས་ཕྱག་…

ལྟར་བྱའོ། །མཐར་ཉི་མ་ཧྲཱིཿཡིག་སྔགས་ཕྲེང་དང་བཅས་པ་འོད་དུ་ཞུ་ནས་རང་སེམས་མ་བཅོས་པར་ཕྱག་རྒྱ་ཆེན་པོ་ལ་གནས་ནས་བཟླས་པ་བྱའོ། །རྟ་མགྲིན་ནག་པོའི་སྲུང་འཁོར་ཟབ་མོ་རྫོགས་སོ།། །།རཏྣ་གླིང་པའི་ལུགས་སོ། །བཀྲ་ཤིས་སོ།། །།ན་མོ་གུ་རུ་དྷེ་ཝ་ཌཱཀི་ནཱི། ཆོས་དབྱིངས་མཁའ་ལས་མཁྱེན་པའི་དཀྱིལ་འཁོར་རྒྱས། །ཐུགས་རྗེའི་འོད་ཟེར་འགྲོ་བའ…

གཏེར་སྟོན་རཏྣ་གླིང་པ། སྔགས་འཆང་ཧཱུྃ་ནག་མེ་འབར། རྗེ་བཙུན་མཐོང་བ་དོན་ལྡན། དཔལ་ལྡན་ཡེ་ཤེས་སྙིང་པོ། དྲིན་ཆེན་རཱ་ག་ཨ་སྱའོ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལས་རིམ་བདུན་མའི་ཟིན་བྲིས་མཐོང་གསལ་མེ་ལོང་བཞུགས་སོ། རང་མཐོ་ང་རྒྱལ་ཅན་ལ་སྤྱི།