ཕྱོགས་ནམ་མཁའ་ཐམས་ཅད་ན་གནས་པའི་སེམས་ཅན་ཐམས་ཅད་ཀྱིས་མིང་ཐོས་སམ༔ རིག་པ་འདི་བརྗོད་ན་མངོན་པར་ཤེས་པ་སྣ་ཚོགས་ཀྱིས་སེམས་ཅན་གྱི་དོན་བྱེད་ཅིང་༔ ནམ་མཁའ་ལ་འགྲོ་བ་དང་ས་ལ་འཛུལ་བ་སོགས་དང་མཚན་མ་སྣ་ཚོགས་ཀྱིས་སེམས་ཅན་གྱི་དོན་བྱེད་ཅིང་༔ རྣལ་འབྱོར་པ་ཆེན་པོ་ཐེག་གཅིག་གི་ལམ་འགྲུབ་བོ༔ ཞེས་གསུངས་སོ༔ ཁྱད་པར་ནཱ་ག་ཀླུ་འདུལ་འདི…

ལྕགས་སྤུ་གྲི་འདྲ༔ རྣོ་བའི་ཚད་ནི་མེ་ལྟ་བུ༔ མྱུར་བའི་ཚད་ནི་གློག་ལྟ་བུ༔ རྒོད་པའི་ཚད་ནི་ཐོག་ལྟ་བུ༔ གཏུམ་པའི་ཚད་ནི་ཆབ་ལྟ་བུ༔ དགྲ་དང་བགེགས་དང་བྱད་མ་དང་༔ ནད་ཀྱི་རིགས་དང་གདོན་གྱི་རིགསཿ གཉན་དང་ལྷོག་པ་ཐབས་ཀྱི་རིགས༔ མཛེ་དང་ཤུ་འབྲུམ་སྐྱང་ལ་སོགས༔ གང་དང་གང་ལ་བཏབ་པ་དེ༔ མེ་དང་རྩྭ་སྦྱར་དཔེ་བཞིན་དུ༔ བསྲེག་ཅིང་རབ་ཏུ་ས…

བསྔལ་རབ་ཏུ་ཆེ༔ དྲེགས་པ་ལྷ་ཆེན་ལ་སོགས་པ༔ སྡེ་བརྒྱད་གང་ཡང་རུང་བ་ཡིསཿ ཚོར་ན་མགོ་སྙིང་དུམ་བུར་འགས༔ དགྲ་བགེགས་སྤྱི་དང་བྱད་སྟེམས་སོགསཿ སྦྱར་མས་མེ་ལྕེ་རེག་པ་ལྟར༔ རང་གཤེད་རང་ལ་བབ་ནས་སུ༔ མྱ་ངན་སྡུག་བསྔལ་ཆེན་པོ་འབྱུང་༔ དོན་ལ་བྱམས་དང་སྙིང་རྗེ་དང་༔ དགའ་བ་བཏང་སྙོམས་ལ་སོགས་པ༔ ཚད་མེད་བཞི་ཡི་འགྲོ་དོན་ལ༔ ཐམས་ཅད་མ་ལུ…

ཁྲོས་པ་ནི༔ གནོད་སྦྱིན་ནག་པོ་ལྕགས་རལ་ཅན༔ དགྲ་དང་བགེགས་དང་བྱད་མ་དང་༔ གཟའ་ཀླུ་རྒྱལ་བསེན་གཉེན་པོར་བསྟན༔ ཅེས་དང་༔ གུ་རུ་ཆོས་དབང་གི་གཏེར་ཁའི་རྟ་མགྲིན་ནག་པོའི་གཞུང་ལས་ཀྱང་༔ རྩ་སྔགས་ཀྱི་ཕན་ཡོན་སྐབས་སུ༔ ཁྲི་ཚོ་གཅིག་གིས་བགེགས་ཐུལ༔ འབུམ་ཚོ་གཅིག་གིས་གསུང་ཐོས༔ བྱེ་བ་གཅིག་གིས་ཞལ་མཇལ༔ ཞེས་དང་༔ པདྨ་གླིང་པའི་རྟ་ནག་ག…

གྲུབ་པའི་རྒྱལ་མོས་རས་ཆུང་པ་ལ་གནང་བའི་རྟ་མགྲིན་ནག་པོ་དང་༔ སྲོང་བཙན་སྒམ་པོའི་རྟ་མགྲིན་ནག་པོ་ནོར་ལྷ་ལྟར་བསྒྲུབ་པ་དང་༔ དགོངས་འདུས་ཀྱི་བཀའ་སྲུང་རྟ་མགྲིན་ནག་པོ་ཆོས་སྐྱོང་ལྟར་བསྒྲུབ་པ་དང་༔ བྱང་སེམས་ཟླ་བ་རྒྱལ་མཚན་གྱི་ལུགས་རྟ་མགྲིན་གཅེར་བུ་ཀཱ་ལ་མེ་དཔུང་དུ་གྲགས་པ་སོགས་ཐམས་ཅད་ཟབ་མོད་ཀྱི༔ བརྒྱུད་པ་འདི་ལ་རཏཱ་ལུག…

བ་ཡིན་ལ༔ བཀའ་སྲུང་ནི་ཁྱད་པར་མཁའ་རི་སྨྱོ་ཁ་གཉིས་ཡིན་པས་དེ་གཉིས་སྒྲུབ་སྐོར་ཡང་འདི་ལ་འབྱར་རོ༔ དངོས་གཞི་སྒྲུབ་པའི་སྟ་གོན་གཞུང་གི་ཡིག་ཆུང་ལྟར་ཡིན་ལ༔ ལྷ་བསྐྱེད་ལུགས་དབང་དང་དུས་མཆོད་དུས་རྙིང་མ་སྤྱི་ལྟར༔ ཆོ་ག་ནི་གཅིག་གིས་བདག་མདུན་བུམ་གསུམ་གཏོར་མ་ལྷར་བསྐྱེད་དང་བཞི་དུས་གཅིག་བསྐྱེད་པ་སྤྱན་འདྲེན་མཆོད་བསྟོད་དུས་…

གཞུང་ལྟར་བྱས་ནས་གཏོར་མགྲོན་རང་ལ་བསྟིམས་པ་ཡིན་ཏེ༔ དེ་ལྟར་ཐུན་དྲུག་གམ་བཞིའམ་གསུམ་མམ་ནངས་ནུབ་གཉིས་བྱའོ༔ ངག་འཁོར་ཡུག་ཏུ་གཅོད་པ་རབ༔ ཐུན་མཚམས་སུ་བཏང་བ་འབྲིང་༔ ཐ་མ་འཐོར་བསྙེན་ཡང་རུང་སྟེ༔ ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཧྲཱིཿམཐིང་ནག་འགྲེང་ཐབས་སུ་མཆོད་རྟེན་ལྟར་གཡོ་འགུལ་མེད་པ་ལ༔ བསྙེན་སྔགས་འབྲུ་བཅུ་དྲུག…

གསུང་ཐུགས་ཡོན་ཏན་ཕྲིན་ལས་ལྔའི་བྱིན་རླབས་དངོས་གྲུབ་ཀྱི་ངོ་བོར་འོད་ཟེར་ཁ་དོག་ལྔའི་མེ་རེ་རེ་གང་ཞིང་འཁྱིལ་བས༔ གསལ་སྟོང་བདེ་བ་ཆེན་པོའི་ཡེ་ཤེས་རྒྱུད་ལ་སྐྱེས་པར་བསྒོམས༔ ཡང་འོད་ཟེར་ལྔ་འཕྲོས་པས་འགྲོ་དྲུག་སེམས་ཅན་ཐམས་ཅད་ལ་ཕོག་པས་སྡིག་སྒྲིབ་དག་ནས་རྟ་མགྲིན་རིགས་ལྔའི་གོ་འཕང་ལ་བཀོད༔ དམྱལ་བ་ནི་རྡོ་རྗེ་རྟ་མགྲིན༔ ཡི…

ཉིད་ཐུགས་ཀའི་ཧྲཱིཿལ་བསྡུ༔ ཡང་ན་མེ་འབར་བས་སྣོད་བཅུད་ཐམས་ཅད་བསྲེགས་ལ་རང་ལ་རིམ་གྱིས་བསྡུ༔ ཧྲཱིཿཐིག་ལེ་མཐིང་ཀ་དམར་བའི་མདངས་ཆགས་པ་གཅིག་ལ་སེམས་བཟུང་༔ རང་གི་སྤྱི་བོར་རྟ་དབུ་རྩེར་རིགས་བདག་སྣང་བ་མཐའ་ཡས་དང་པོར་སྔར་ནས་བསྒོམས་ཡོད་པ་དེ་མི་བསྡུ་བར་བཞག་ལ༔ རང་སེམས་ཐིག་ལེ་སྣང་མཐའི་ཐུགས་ཀར་བསྟིམ༔ སྣང་མཐའ་ཡང་འཇའ་ཡལ་བ་…

རིས་དོད་པ་མེ་ལོང་ནང་གི་གཟུགས་བརྙན་ལྟར་བསྒོམ༔ སྤྱན་གསུམ་གསལ་བས་མངོན་ཤེས་འཆར་བ་དང་མིག་གསལ་བའི་རྟེན་འབྲེལ༔ ཞལ་དང་མཆེ་བ་གསལ་བས་མི་དང་མི་མིན་བཀའ་ཉན༔ མེ་རི་གསལ་བས་བར་ཆད་ཀྱིས་མི་ཚུགས༔ རྒྱན་གསལ་བས་ལོངས་སྤྱོད་འདུ༔ ཞབས་བསྒྲད་དང་གདན་གསལ་བས་ས་ནོན་པ་སོགས་རྟེན་འབྲེལ་དང་༔ རྟ་དབུའི་རྩེར་རིགས་བདག་བསྒོམ་པ་བླ་མ་དང་དབྱ…

སྒོ་ནས་ཉི་ལི་ལི་ཕྱིར་ཐོན༔ ལུས་ཀྱི་ནང་ཐམས་ཅད་ཡེ་ཤེས་ཀྱི་མེ་རིའི་རང་བཞིན་དམར་ལྷང་ངེ་ལྕགས་སྲེག་ལྟ་བུ་སྟེ༔ མེ་ལྕེ་བ་སྤུའི་བུ་ག་ནས་ཕྱིར་འཕྲོས་པས་ལུས་དང་གནས་ཁང་དང་བཅས་མེ་རིའི་རང་བཞིན་དུ་འབར་བས་གནོད་བྱེད་ཐམས་ཅད་བསྲེག་པར་བསྒོམ༔ རྐང་ལག་མདུན་རྒྱབ་སོགས་ཟུག་གཟེར་ཡོད་ས་བུག་པ་ཧ་རེ་ཡོད་པར་བསམ་པའི་ནང་ནས་མེ་ལྕེ་དམར་…

བྱེད་ཀྱིས་འཐུས་ཏེ༔ སྔགས་ནི་ཁམས་སུ་དབད་ཟེར་ཀྱང་མི་དག་པ་འདྲ་བས་དབུས་སུ་ནི་དྲོད་ཟེར་བས་དག་པར་སེམས་སོ༔ སྔགས་རིང་གསུམ་ཁའི་དམིགས་པ་འདི་མེད་དེ༔ རང་ཉིད་རྟ་མགྲིན་གྱི་ལྷ་ཚོགས་སྔར་བས་ཀྱང་སྐུ་ཚེ་ལ་ཡན་ལག་རགས་པ་ནམ་མཁའ་ཁེངས་པ་ཙམ་གྱི་ཐུགས་ཀ་ནས་རང་འདྲ་བའི་རྟ་མགྲིན་ནག་པོ་ལྕགས་ཀྱུ་ཞགས་པ་ཅན་གྲངས་མེད་སྤྲོས་ཏེ་སྟོང་གསུམ་…

བཏབ༔ ཐུན་རྫ་ས་ཞོར་ལ་སྔགས་ན་ཡང་སྨོན་པ་སེར་བ་སོགས་ལ་ཕན་ཚེ༔ དེ་ལྟར་གཞུང་ལྟར་ཐུལ་རྟགས་མ་བྱུང་བར་དུ་བཟླསཿ ཐུལ་རྟོགས་ལན་གསུམ་བྱུང་ནས་བཟླ་མི་རུང་དམིགས་པ་སྲོད་ལ་བྱམས་སྙིང་རྗེའི་བསྔོ་བར་བྱའོ༔ གལ་ཏེ་ད་རུང་བཟླས་ན་རང་ནུས་པ་དང་ལྟ་བའི་གདེང་མེད་ན་རང་ལ་ལྡོག༔ གདེང་ཆེ་ན་གདོན་སྲོག་དང་བྲལ་བས་སྡིག་ཆེ་གསུངས༔ སྔགས་མི་དག་ལ…

འདོན་དུས་སྦལ་ལྕོང་ཆུ་གནས་བསད་པ༔ མཚོ་སྐེམ་རྫིང་གཏོར་ཤིང་བཅད་གཟའ་ཀླུ་ཐུལ་རྟགས༔ བནེ་བུད་མེད་ཁྱི་བྱི་ལ་སོགས་བརྡུང་བ་དང་བསད་པ་སོགས་རྒྱལ་བསེན་ཐུལ་རྟགས་སོགས་གཞུང་དུ་ཡང་གསལ་ལྟར་ཏེ་རྒྱས་པར་རིག་པས་བརྟག་སྟེ་ཤེས་པར་བྱའོ༔ དེ་ཡན་ཆད་སྔགས་པ་གསར་བུ་ལས་དང་པོ་པའི་ཉམས་ལེན་ཏེ༔ བསྐྱེད་པ་མ་ཧཱ་ཡོ་ག་ལྟར་ཉམས་སུ་ལེན་ལུགས་སོ༔ …

གསལ་སྐད་ཅིག་ལ་བཏབ་ལ་སྔགས་ཕྲེང་སོགས་དམིགས་པའི་འཕྲོ་འདུ་སོགས་མི་བྱེད་པར༔ སྒྲ་ཐམས་ཅད་སྔགས་སྒྲ་གཟུགས་ཐམས་ཅད་རྟ་མགྲིན༔ ཟས་ནི་ཤ་ལྔ་བདུད་རྩི་ལྔ༔ གོས་ནི་བེར་ནག་དང་ཞིང་གླང་ལྤགས་པ༔ རྒྱན་དུར་ཁྲོད་ཀྱི་ཆས་གདན་ཉི་ཟླ་པདྨ་ཀླུ་བརྒྱད་སོགས་སུ་དམིགས་པས༔ སེམས་ཅན་ཐམས་ཅད་ལྷར་གསལ་ན་གདོན་ཞེས་བཙལ་བས་མི་རྙེད་པས་དྲག་སྔགས་བཟླ་ར…

སྒྲ་རུ་གྲག་པ་རྟ་མགྲིན་གསུང་༔ སེམས་སུ་དྲན་རྟོག་རྟ་མགྲིན་ཐུགས༔ ཞེས་སོགས་དང་པདྨ་དབང་གི་རང་བཞིན་ལ༔ མ་དག་སྣང་བ་ཡོད་མ་ཡིན༔ ཐམས་ཅད་དབང་གི་དཀྱིལ་འཁོར་ཆེ༔ ཞེས་སོགས་ཨ་ནུ་ཡོ་ག་ལྟར་བསྒྲུབས་པའི་ལེའུ་ལས་གསལ་བར་གསུངས་པའོ༔ དེ་ལས་ཀྱང་རྟོགས་པ་མཆོག་ཏུ་གྱུར་པའི་གང་ཟག་གིས་ནི༔ ཡི་དམ་རྟ་མགྲིན་ལྷ་ལྔ་ཞེས་པ་ཡང་རང་སེམས་ལས་གཞན…

མེད༔ སེམས་ཉིད་རྟོགས་ན་སངས་རྒྱས་ཏེ༔ སངས་རྒྱས་གཞན་ནས་མ་ཚོལ་ཞིག༔ ཅེས་དང་༔ སེམས་ལ་རྒྱུ་དང་རྐྱེན་མེད་པས༔ མ་གྲུབ་རང་བྱུང་ཡེ་ཤེས་གནས༔ མ་བཙལ་བཞག་པས་རང་ས་ཟིན༔ ཅེས་དང་༔ བལྟ་བའི་ལེའུ་ལས༔ འཁོར་འདས་ཁྱད་པར་དབྱིངས་སུ་མཉམ༔ ལས་དང་ཡེ་ཤེས་གཉིས་སུ་མེད༔ མ་འགག་པ་ནི་ཆོས་ཀྱི་སྐུ༔ མི་དམིགས་པ་ནི་ཆོས་ཀྱི་དབྱིངས༔ དེར་རྟོགས་དེ་…

ཁྱད་མེད་དམ་ཞེ་ན༔ འདི་སྟོང་ཉིད་ཁོ་ནར་བསྒོམ་པ་ནི་མ་ཡིན་ཏེ༔ སྟོང་ཉིད་ཀྱི་ལྟ་བའི་གནས་ལུགས་རྟོགས་ནས༔ བསྒོམས་པས་ཉམས་སུ་ལེན་ཚེ༔ ཐུགས་ཀའི་ཧིལ་སེམས་རྩེ་གཅིག་ཏུ་བཟུང་བ་ཞི་གནས་གནས་པའི་ངོ་བོ་ལ་བལྟས་པའི་སྟོང་པ་མཐོང་བ་ལྷག་མཐོང་༔ སྟོང་ཉིད་འདི་བལྟ་བའི་གཤིས་མ་ཤོར་བའི་ངང་ནས་ནམ་མཁའ་ལ་འཇའ་ཤར་བ་ལྟར་རྟ་མགྲིན་གྱི་དཀྱིལ་འཁ…

སུ༔ ཡི་དམ་ལྷ་ཡིས་ཁྲིད་པར་འགྱུར༔ གོང་མ་རྩ་བའི་བསྙེན་པ་ལ༔ བྱེ་བ་བདུན་ནམ་ས་ཡ་གཅིག༔ གལ་ཏེ་ཐེམ་པར་གྱུར་པ་ན༔ ཆོས་ཉིད་དང་པོའི་བར་དོ་ནས༔ མི་དེ་མངོན་པར་སངས་རྒྱས་ནས༔ སྐུ་དང་གདུང་དང་རིང་བསྲེལ་དང་༔ སྒྲ་དང་འོད་དང་འཇའ་ལ་སོགསཿ ངོ་མཚར་རྟགས་དང་བཅས་ནས་ནི༔ གྲོལ་བར་འགྱུར་བ་གདོན་མི་ཟ༔ ཞེས་ཨུ་རྒྱན་རིན་པོ་ཆེས་བཀའ་སྩལ་ཏོ༔ …

མདུན་དྲུང་དེར་ནད་པ་ཡོད་པར་བསམས་ལ༔ རང་གི་སྐུ་ལས་མེའི་ཕུང་པོ་མཆེད༔ ནད་པ་ལ་ཕོག་པས་ནད་གདོན་ཐམས་ཅད་གཞོབ་ཐུལ་གྱིས་ཚིག༔ ཐུགས་ཀ་ནས་བདུད་རྩིའི་རང་བཞིན་ཆུའི་རྒྱུན་ཆེན་པོར་འཕྲོས་པས་ནད་གདོན་ཐམས་ཅད་བཤལ་ཞིང་བཀྲུས་པར་བསྒོམ་ལ་བསྙེན་པ་བྱ༔ གལ་ཆེ་ན་སྔགས་རིང་ཅུང་ཟད་བཟླའོ༔ གདོན་ཆེན་དང་ནད་པ་གལ་ཆེན་ལ་སྔགས་རིང་གི་སྔགས་ཆུ་བ…