དཔལ་ཁྲོ་བོ་རྟ་མགྲིན་ཡང་ཕྱུངས་ལས་རིམ་བདུན་མའི་ཞལ་ཤེས་བརྒྱད་པོ་ཐུགས་ལ་གབ་ཅེས་པའི་སྔོན་འགྲོ་དངོས་གཞི་རྗེས་ཀྱི་ལས་མཐའ་གབ་སྦས་ཕྱག་ལེན་མངོན་དུ་ཕྱུང་བ་འགྲིགས་ཆོག་ཏུ་བཀོད་པ་བཞུགས་སོ། །

ན་མོ་བཛྲ་ཀྲོ་དྷ་ཧྱ་གྲི་ཝ་ཡེ། དབང་གི་བདག་ཉིད་པདྨ་ཧེ་རུ་ཀ །མ་རུངས་གདུག་པའི་ཚུལ་གྱིས་བསྟན་དགྲ་འདུལ། །སྙིང་རྗེ་བྱམས་པའི་ཚུལ་གྱིས་འགྲོ་རྣམས་སྐྱོང་། །དྲེགས་པའི་གཙོ་མཆོག་རྒྱལ་པོ་དེ་ལ་འདུད། །ཡང་ནས་ཡང་ཕྱུང་ཡིད་ཆེས་ཟབ་པ་ཡི། །གདམས་པ་གསེར་ཆོས་རྣོ་དབལ་སྤུ་གྲིའི་མཚོན། །ཡོངས་འཛིན་བཞི་ཡི་ངག་ལས་བརྒྱུད་པ་ཡི། །རྣོ་དབལ…

སྡེ་བརྒྱད་ཀྱིས། །སྙིང་ཁྲག་ཞལ་དུ་བཞེས་ཤིག་ན་ར་ཀན། །སྙན་བརྒྱུད་ཡི་གེར་བཀོད་ལ་ཉེས་མཆིས་ན། །དཔའ་བོ་ལྷ་ལྔ་དྲེགས་པའི་ཚོགས་ལ་བཤགས། །བརྒྱུད་འཛིན་རིགས་ལྡན་ཀརྨ་ཡང་དག་ཁྱོད། །དཔེ་འདི་བརྡ་ཙམ་ཁ་རུ་མ་འདོན་ལ། །སངས་རྒྱས་བསྟན་པ་འཇིགས་པའི་དགྲ་བྱུང་ན། །དེ་ལ་འདི་འདྲའི་མན་ངག་གསེར་བས་དཀོན། །མང་དུ་སྤེལ་ན་ལས་ངན་སྡིག་པའི་རྒྱ…

དེ་ཡི་དོན། །སངས་རྒྱས་བསྟན་དོན་དམིགས་ལ་མཐུ་བྱས་ཀྱང་། །རང་ལ་མི་སྒྲིབ་བསྟན་པའི་ཆགས་ཕྱིར་འགྲོ། །དཔེར་ན་བླ་མེད་དོན་གྱི་རྒྱུད་ལས་ཀྱང་། །དཀོན་མཆོག་གསུམ་ལ་གནོད་བྱེད་ལ། །བཟོད་པ་བསྒོམ་པར་མི་བྱའོ། །ཞེས་དང་། གསུངས་ཕྱིར་མུ་སྟེགས་ལུགས་ཀྱིས་བསྒྲལ་བ་ལ། །ལས་ཚོགས་མངོན་སྤྱོད་དྲག་པོའི་ཕྲིན་ལས་མཛད། །འཇིག་རྟེན་སྲུང་མ་ཁོ་…

ལ་བརྟེན་འདི་ཡི་མན་ངག་བཅས། །མོ་ལུས་ཞུས་ནས་གསེར་ཞོ་གསུམ་པོ་ཕུལ། །ཕྱིས་སུ་གཙང་པ་རྒྱལ་པོ་སྡིག་སྤྱོད་ཅན། །བོད་དུ་འོང་ནས་གཙུག་ལག་བཤིག་བསམ་ཛ། །སྔགས་འཆང་པདྨ་རྣམ་རྒྱལ་དེ་ཉིད་ཀྱིས། །རྟ་མགྲིན་ཡང་ཕྱུང་འཕངས་བས་རྡུལ་དུ་བརླག །རྣམ་ཤེས་སྤར་ནས་སུམ་ཅུ་རྩ་གསུམ་འཕང་། །གཙང་པ་རྒྱལ་པོ་ལྷ་གནས་སྐྱེ་ཟེར་འདུག །མངའ་རིས་རྒྱལ་པོ་…

དེ་དག་དགོས་ཆེད་བསྟན་པའི་ཞལ་གདམས་ཏེ། །འདི་ཡི་ཞལ་གདམས་མན་ངག་ཞུ་བའི་ཚེ། །གསེར་གྱི་མཎྜལ་རིན་ཆེན་ཡོན་དུ་ཕུལ། །རང་དོན་ཁོ་ནའི་སེམས་ཙམ་མ་ཡིན་པའི། །སྙིང་རྗེ་བྱང་ཆུབ་སེམས་ལ་རབ་གནས་པ། །གཞན་ལ་མི་སྤེལ་ཐ་ཚིག་ཞིག་གིས་བགགས། །དཔང་དུ་བཀའ་སྲུང་དྲེགས་པ་སྡེ་བརྒྱད་བཞག །མང་པོར་སྤེལ་ན་རང་མཚོན་མི་ལ་ཤོར། །རྣམ་སྨིན་སྡིག་པའི་ས…

སྙན་བརྒྱུད་བྱས་པ་ཡིན་ནའང་ཡི་གེར་བྲི་བར་མི་འཐད་ཀྱང་ཞུ་ནན་ཆེར་གཙོས་པས་བཀོད་པར་བྱ་སྟེ། ཤིན་ཏུ་བཀའ་རྒྱ་དམ་སྟེ་ཞལ་ཤེས་གཅིག་བརྒྱུད་བྱས་པས་རྡོ་རྗེའི་ཐ་ཚིག །ས་མ་ཡ། རྒྱ་རྒྱ་རྒྱ། ཨྠྀི། འདིའི་ལག་ལེན་བསྟན་པ་ནི། སྔོན་འགྲོ། དངོས་གཞི། རྗེས་ཀྱི་བྱ་བ། མཐའ་སྡུད་ལས་ཀྱི་རིམ་པ་གསུམ་ལས། དང་པོ་རྫས་དང་ལིངྒ་བྲི་བ་དང་། ཕྲིན་…

ལམ་དུ་བཀུག་ཅིང་ཡིག་འབྲུ་ལ་ཐིམ་པར་བསམ། སྨྱུ་གུ་ནི་རབ་གྲི་ལྕགས་ལས་བྱས་པ། མ་རྙེད་ན་ཚེར་མ་ཅན་གྱི་ཤིང་གང་རུང་ངམ་སྐྱེར་པ་ལ་བྱའོ། །སྣག་ཚ་ནི། དུག་ཁྲག་སྟེ། ཁྱི་ནག་དཀར་མཚན་མེད་པ་སྨྱོ་ནས་ཤི་བའི་ཁྲག་སྣག་ཚ་ལ་བཏབ། མ་རྙེད་ན་གྲི་ཁྲག །དྲེའུ་བྲ་ནག་དུག་གིས་ཤི་བའི་ཁྲག་དགོས། དབུས་གཙང་ཕྱོགས་སུ་སྔགས་པ་དགོན་སྡེ་སོགས་ཀྱི་རྒ…

བྱས། དགྲ་མཁར་ནི། ཕུང་ཤིག་ཤོར་གསུམ་གྱི་ས་ལ་བཟོས་པའི་ཁང་པ་ཡུལ་དང་བཅས་པའི་དབྱིབས་བྱ་བ་རུང་བའི་ཕྱག་ལེན་ཏེ། རྡ་རོ་དང་དགྲ་མཁར་གནད་འགགས་མི་ཆེ་བས། མ་གྲུབ་ཀྱང་རུང་ལ། ཟན་ལིང་ཆེ་བ་གཅིག་གི་བྲང་དཀྱིལ་དུ་ཟན་ཀོང་གི་མར་མེ་ཆུང་བ་གཅིག་གམ་སྡོང་བུ་ཧྲཱིཿང་ངེ་བ་གཅིག་བཙུགས། དགྲ་ཆོས་སྐབས་སུ་ཁྲག་གིས་བསད་ནས། ལིངྒ་བསྒྲལ་བ་དེ་…

ཀྱང་རུང་ངོ་། །དེ་ནས་ཕྱི་རིམ་བྲི་བའི་ཡིག་མགོ་ཕྱིར་བསྟན་པ་གཡོན་བསྐོར་དུ་བསྐོར་ཞིང་སྤྱི་བོ་ནས་བཟུང་སྟེ། དགྲ་བོ་རྗེའི་མགོ་དཔོན་སྡོང་ཟླ་ཐམས་ཅད་ཁུག་ཛ་ནན་མ་ཤོར་ཅིག ། །དཔུང་པ་གཡོན་ནས་རིམ་བཞིན་བྲིས་ཏེ། དམ་ཉམས་དགྲ་བོ་ཆེའི་བུ་མོ་མོ་རྒྱུད་དང་བཅས་པ་ཁུག་ནན་མ་ཤོར་ཅིག །རྐང་པ་གཡོན་པའི་ཐད་ནས་བཟུང་སྟེ་དམ་ཉམས་ཆེའི་ནོར་…

དོགས་ཀྱིས་ལིང་ཁྲུས་བྱ་བ་རེག་པ་ལྟར་བྱས་ལ། དེ་དག་སྔོན་འགྲོའི་རིམ་པ་རྫ་ས་དང་ལིངྒ་བྲི་ཐབས་ཀྱི་རིམ་པའོ། །ཕྱག་ལེན་གཏན་ལ་ཕབ་པ་ཞལ་ཤེས་ཟེར་བའོ། །གསང་རྒྱ་ཁ་ཐཾ། ༈ དངོས་གཞི་ལས་རིམ་བདུན་མས་གཞུང་བསྲངས། མངའ་གསོལ། བསྐང་བ། བཟླས་པ་ཡན་འགྲུབ་ཚར་བར་བྱས་ཏེ། ཤི་ལྟེབ་ཅེས་པ་ནི། གོང་གི་ལིངྒ་གཡས་ནས་ཕར་ལྟེབ། སྤྱི་བོ་ནས་མར་ལྟེབ…

བོའི་སྣ་བུག་དང་བཤང་ལམ་ནས་ཞུགས་སྙིང་གར་བསླེབས་པས་ལྕགས་སྲེག་གི་འཁོར་ལོ་རྩིབས་བཅུ་པའམ་དྲུག་པ་གཅིག་སྟེང་དུ་གཡས་སུ་སྒ་ར་ར་འཁོར་བ། འོག་ཏུ་གནམ་ལྕགས་ཀྱི་འཁོར་ལོ་རྩིབས་བཅུའམ་དྲུག་པ་གཡོན་དུ་ཀྱི་ལི་ལི་འཁོར་བའི་འཁོར་ལོ་ཆུང་ངུ་གཉིས་སྙིང་ནང་དུ་འཁོར་བས་དྲག་སྔགས་ཀྱི་ནུས་པ་དང་ཁོ་རང་གི་ངན་སེམས་ཀྱི་རྣམ་སྨིན་ལས། འཁོར་ལ…

ལ་དྲིས་ཞེས་པ་ནི། དགྲ་བོ་བསྒྲལ་བའི་ཤ་ཁྲག་རུས་གསུམ་བདུད་རྩིར་མི་བསྒྱུར་ཞིང་ཞལ་བསྟབ་སྐབས་ཀྱི་དམིགས་པ་དེ་ཡིན་ལ་ཞལ་གནམ་ས་ཙམ་གདངས་བའི་ནང་དུ་དགྲ་བོ་རྐང་མཐིལ་སྐྱ་ལྷག་ལྷག །ཤ་ཁྲག་དམར་ལྡིབ་ལྗིབ་གསོལ་བར་བསམ་པ་དེ་ཡིན། ཞལ་ཤེས་ནི་གང་ཟག་ཕལ་གྱིས་དཔེ་ཙམ་མཐོང་ནས་ངན་སེམས་འཆང་དོགས་ནས་སྦས་པའོ། །དེ་ནས་སྙན་གསན། བྱུང་ཁུངས། …

སྔགས་བརྒྱ་རྩ་བཟླས་ལ། ཐལ་རྡེབ་རེ་དང་། སྔགས་རེ་སྤྲད། དེ་ནི་ཤིན་ཏུ་ཟབ་པའི་སྔགས་དམིགས་དགྲ་བོ་སྙིང་འབྱིན་མ་ཞེས་པ་ཡིན་ནོ། །བདེ་རིམ་ལ་ནི། གཞུང་ལྟར་ལས་རིམ་བདུན་མ་འདི་ལ་ཞལ་ཤེས་གང་ཡང་མེད་དེ་ལྟར་རབ་ཞག་རེར་ཐུན་དྲུག་གམ། འབྲིང་བཞིའམ། ཐ་མ་གསུམ་ལས་ཉུང་མི་རུང་། ཞག་གྲངས་ནི་རྟགས་མ་ཐོན་ཚེ་སྒྲུབ་སྟེ་ཞག་ལྔ། བདུན་དགུ་གང་ར…

ལས་རྒྱས་པར་བྱ། ལིང་ཆུང་དང་གཏོར་ཆུང་གཉིས་བསྒྲགས་ལ་ཧོམ་ཁུང་དུ་བཅུག་པའི་ལིངྒ་དང་བཅས་པ་མདུན་དུ་བཤམས། དེ་ནས་གཙོ་བོ་རྣམས་ཀྱི་བསྐུལ་པ་རེ་དང་། གཏོར་ཆུང་ལིང་ཆུང་རེ་གཏོར་ཆེན་ནང་དུ་འབུལ། །དེ་ལྟར་གཙོ་འཁོར་ལྔ་རྫོགས་ནས། སྡེ་བརྒྱད་ལ་དེ་བཞིན་དུ་བསྐུལ་རེ་དང་གཏོར་ཆུང་ལིང་ཆུང་སྦྲག་པ་རེ་ཕུལ་ཏེ། བསྐུལ་པའི་མཐའ་ཡི་སྔགས་དེ…

བཟི་བ་ལྟར་དྲག་ཏུ་ཁྲོས་ཏེ། ཁྲོ་རྔམས་བརྗིད་ཚུལ་གཏུམ་པའི་ང་རོ་དང་ཞེ་སྡང་དང་ལྡན་པའི་བ་སྤུའི་གསེབ་ནས་རང་འདྲ་བའི་སྤྲུལ་པ་ཡང་སྤྲུལ་དཔག་ཏུ་མེད་པ་འཕྲོས། མཚོན་ཆ་སྣ་ཚོགས་ཀྱི་ཆར་དང་། ནད་དུག་གི་ཐོག་སེར་བབས་པས་དམ་ཉམས་དགྲ་བོའི་ལུས་ངག་ཡིད་གསུམ་ཐལ་བ་རྡུལ་དུ་བརླག །རྗེས་མེད་ཐལ་བ་བུན་བུན་སོང་བར་བསམ་ཞིང་། དྲག་ཏུ་བསྐུལ། …

ལྡོག་རྩིས་ལ། རྒྱང་བསྲིངས་ལ་ཁྱེར་ཏེ་དགྲ་བོའི་ཕྱོགས་ལ་ལིངྒ་བཞག །བརྒྱབ་ཚེ་དམིགས་པ་ནི། གཞུང་ཚིག་ལྟར་ནད་དུག་མཚོན་ཆའི་ཐོག་སེར་གྱིས་དགྲ་བོ་བརླག་པར་བསམ་ལ་ཟོར་རྣམས་བརྒྱོབ། དེ་ནས་ཆོས་སྐྱོང་བཀའ་སྲུང་གང་ཡོད་ཀྱི་གཏོར་མ་འཕངས། དེ་ནས་དྲེགས་པ་གོ་ལྡོག་ལ་བསྐུལ་རེ་དང་བཟློག་པའི་མཐའ་ཡི་རང་རང་གི་གཏོར་མ་མ་ནོར་བར་འཕངས། གཙོ་…

ཞལ་ཤེས་མནན་བསྲེག་འཕང་གསུམ་བྱ་བའི་ཕྱག་ལེན་འདི། བླ་མ་ཡང་དག་གིས་གསེར་གྱི་མཎྜལ་དང་བཅས་ནས་ནན་ཆེར་བྱས་ལ། གལ་ཆེན་གཅིག་བརྒྱུད་མ་གཏོགས་གཞན་ལ་མི་སྤེལ་བའི་བཀའ་རྒྱས་བསྡམས་ཏེ་སྔགས་ནག་རཱ་ག་ཨ་སྱས་བྲིས་པ། དཔེ་འདི་བཀའ་སྲུང་དྲེགས་པ་སྡེ་བརྒྱད་ཀྱིས་སྲུངས་ཤིག །ས་མ་ཡ། དཔེ་འདི་བྲིས་པའི་བསྟན་འཛིན་སྐྱེས་བུ་ཡི། །སངས་རྒྱས་བསྟ…

རྟ་མགྲིན་ནག་པོ་ལས་རིམ་བདུན་མའི་ཞལ་ཤེས་གསང་བའི་ཟིན་བྲིས་ཨྠྀི། རྒྱ་རྒྱ་རྒྱ། བླ་མ་ཀརྨ་ཕྲིན་ལས་ངོར་བསྐྱེད་རྫོགས་ཞལ་ཤེས་ནང་གི་སྤྱི་དོན་དྲུག་པ་བདུན་པ་བརྒྱད་པ་གསུམ་གབ་པ་འདིའོ།།