རྡོ་རྗེ་ཕྲེང་བའི་ངག་ཁྲིད་ཀྱི་ཞལ་ཤེས་ཟིན་བྲིས་སློབ་དཔོན་ཁྲོ་མེད་བཞུགས་སོ།།

ན་མོ་བཛྲ་དྷ་ར་ཡེ། རྡོ་རྗེ་འཆང་དངོས་བླ་མའི་ཞབས་ལ་འདུད། དེ་ཡང་ཆོས་ཀྱི་བྱུང་ཁུངས་སྐུ་གསུམ་སྟོན་པའི་རྣམ་ཐར་དང་། དེས་གསུངས་པའི་ཆོས་ཀྱི་སྒོ་མོ་བརྒྱད་ཁྲི་བཞི་སྟོང་ཐམས་ཅད་ཐེག་པ་ཆེ་ཆུང་གཉིས་སུ་འདུས་པ་དང་། ཐེག་དམན་ཡང་ཐེག་ཆེན་གྱི་ལམ་སྟེགས་ཡིན་པ་དང་། ཐེག་ཆེན་ལ་མདོ་སྔགས་གཉིས་ལས། མདོ་ལས་སྔགས་ཟབ་པ་དང་། སྔགས་ལ་ཡང་ར…

ཤེས་པར་བྱ་ཞིང་། དེ་དག་མདོར་བསྡུས་པ་ནི། རྒྱུད་སྡེའི་དབང་བཤད་ལོགས་སུ་ཡོད་པ་དེར་གསལ། རྒྱུད་སྡེ་སོ་སོ་དང་ལྷ་སོ་སོའི་བརྒྱུད་ཚུལ་མང་དུ་ཡོད་པར་འདུག་ཅིང་། རྒྱུད་སྡེ་བཞིའི་དབང་ཕྱོགས་གཅིག་ཏུ་བསྒྲིགས་པ་ནི་སྔོན་ཆད་མེད་པ་ལ། འཕགས་པ་སྤྱན་རས་གཟིགས་ཀྱིས་བྱིན་གྱིས་བརླབས་ཤིང་ལུང་བསྟན་ནས། གྲུབ་ཆེན་མི་ཏྲ་ཛོ་ཀིས་མཛད་པའི་…

སོ་རི་པ་ར་གུཔ་ནི་འབྲིང་བའི་བླ་མ་ཡིན། ཆུང་བ་བུདྡྷ་ཀཱིརྟི་ཞེས་ཀྱང་བྱ། ཙ་མི་འཆི་མེད་ཅེས་ཀྱང་བྱ། དེ་འབྲིང་བའི་སློབ་མ་ཡིན། འབྲིང་བ་ཨ་བྱཱ་ཀ་ར་གུསྟ་ནི་འདི་མཛད་མཁན་ཡིན་ཏེ། བི་ཀྲ་མ་ལུ་རིང་པ། དུས་འཁོར་བ་འཇིགས་མེད་འབྱུང་གནས་སྦས་པ་ཡང་ཟེར། ཁོང་གིས་རྒྱ་གར་ཤར་ནུབ་ཀྱི་པཎ་གྲུབ་མང་པོ་ལ། སོ་སོར་དབང་ལུང་།དཔག་ཏུ་མེད་པ་ག…

དོ། །དེ་ཉིད་རྒྱ་གར་དང་བལ་པོ་དང་བོད་ཡུལ་དུ་དར་སྲོལ་ཤིན་ཏུ་ཆེ་བ་བྱུང་ན་ཡང་། དགེ་བའི་བཤེས་གཉེན་ཁ་ཅིག་གིས། རྒྱུད་སྡེ་བཞིའི་མཆོག་དམན་གྱི་ཁྱད་པར་མི་འབྱེད་པར། རྣལ་འབྱོར་རྫོགས་ཕྲེང་གི་དངོས་བསྟན་གྱི་གོ་རིམ་བཞིན་ཉམས་སུ་ལེན་ཞིང་། ཕྱི་དྲུག་གི་དཀྱིལ་འཁོར་ལ་ཡང་དབང་བཞི་རྫོགས་པར་བྱེད་པ་ཡོད་མོད། དེ་དག་ནི་མགྲོན་པོ་ཕྱ…

རྗེས་འབྲང་བལ་པོའི་པཎྜི་ཏ་མཁས་པ་ཆེན་པོ་མ་ཧཱ་བོ་དྷི་བཞུགས་པ་ཐོས་ནས། ས་བཟང་འཕགས་པ་གཞོན་ནུ་བློ་གྲོས་དཀའ་བ་ཆེན་པོ་སྤྱད་ནས་དེར་བྱོན། བཀུར་སྟི་དང་སྒྲུབ་པའི་མཆོད་པས་མཉེས་པར་བྱས་ནས། དབང་སྒྲུབ་ཐབས་བཤད་པ་ལུང་དང་བཅས་པ་ཞུས་ནས་དེའི་དགོངས་འགྲེལ་བསྟན་ཆོས་གཞུང་ཆེན་པོ་ཡང་མཛད་དེ། རྡོ་རྗེ་འཆང་ཀུན་དགའ་བཟང་པོ་སོགས། བོད་ད…

སློབ་མ་སྟ་གོན་སྐྱར་དགོས་གསུངས་པས། དབང་གི་མགོར་མ་སླེབས་པར་སྐེད་པ་ནས་ཞུ་བ་བྱུང་ན། སློབ་མ་རྗེས་འཛིན་དང་སློབ་མ་སྟ་གོན་གཉིས་ཀ་སྐྱར་དགོས་སོ། །རྡོར་ཕྲེང་ནང་གི་དབང་ཐོར་བུ་རེ་ཟུང་མགྱོགས་དབང་དུ་བསྐུར་ན། སློབ་མ་རྗེས་འཛིན་སྟ་གོན་གཉིས་ཀ་མི་དགོས་ཏེ། ཀུན་རིག་སོགས་དཀྱིལ་ཆོག་ཕལ་ཆེར་ནས། སློབ་མ་སྟ་གོན་བྱེད་མི་བྱེད་ཅེས…

ལ། ཚོམ་བུའི་དཀྱིལ་འཁོར་གསུངས་ཤིང་། རྗེ་རང་བྱུང་རྡོ་རྗེ་དང་། །བདུད་མོ་བཀྲ་ཤིས་འོད་ཟེར་དང་། དཔའ་བོ་གཙུག་ལག་ཕྲེང་བ་དང་། ཤར་དྭགས་པོའི་པཎྜི་ཏ་ཆོས་རྒྱལ་བསྟན་པ་སོགས་ཀྱིས། ཚོམ་བུ་ལ་བརྟེན་ནས་དཀྱིལ་འཁོར་དུ་དབང་བསྐུར་རུང་བར་བཤད་འདུག་ཀྱང་། གྲུབ་མཐའ་གཞན་གྱི་དགེ་བའི་བཤེས་གཉེན་ཁ་ཅིག་གི་ཞལ་ནས་། བསྐྱེད་རིམ་ལ་བརྟེན་པ…

ཕྱོགས་མདོག་དང་བཅས་པ་མ་འཆུགས་པར་བྱས་ནས། རིམ་བཞིན་བརྗེ་ཞིང་བཤམ་པ་ནི། འགྲིམ་དཀྱིལ་ཞེས་བྱ་སྟེ། སྐྱེས་ཆེན་གཙུག་ལག་ཕྲེང་བས་ཀྱང་དེ་གསུངས་སོ། །དབང་སྒྲུབ་ལུགས་ལ། སྤྱིའི་ལུགས་ལ་བདག་མདུན་བུམ་གསུམ་སོ་སོར་སྒྲུབ་པ་དང་། བདག་བསྐྱེད་བྱས་རྗེས་མདུན་བུམ་དུས་གཅིག་སྒྲུབ་པ་དང་། །བདག་བསྐྱེད་བྱས་རྗེས་བདག་བསྐྱེད་བསྡུས་ཏེ། བད…

བརྟེན་ནས་ཚིག་བསྒྱུར་འོས་བསྒྱུར་ཤེས་པར་བྱའོ། །སྒྱུ་འཕྲུལ་དྲྭ་བ་ལས། རྣམ་པ་ཀུན་གྱི་མཆོག་ལྡན་པ། །སྤྲོ་དང་བསྡུ་བའི་བྱེད་པ་པོ། །ཡེ་ཤེས་སྐད་ཅིག་གིས་རྫོགས་པ། །རྫོགས་པའི་རྣལ་འབྱོར་ཞེས་བརྗོད་དོ། །ཞེས་དང་། སྡོམ་འབྱུང་ལས། རྣོན་པོ་སྐད་ཅིག་རྣམ་པ་ཡིས། །བསམ་གཏན་ཉིད་ཀྱི་དཀྱིལ་འཁོར་ཏེ། །སྐད་ཅིག་རྣམ་པའི་རྣལ་འབྱོར་གྱིས…

བསྒོམ་རིམ་སྟེ། །སྐད་ཅིག་གཅིག་གིས་སྐུ་རྫོགས་པ། ཞེས་གསུངས། སྒྲུབ་ཐབས་འདི་ནི་རྟེན་བརྟེན་པ་དང་བཅས་པའི་དཀྱིལ་འཁོར་རྣམས་ས་བོན་ལས་མི་བསྐྱེད་པར་ཆུ་ལ་ཉ་ལྡང་བ་ལྟར་སྐད་ཅིག་ལ་བསྐྱེད་ཅིང་། དེ་ཡང་རྫོགས་ཕྲེང་གི་འཇམ་རྡོར་སྐབས་སུ། འདིར་རྫོགས་པའི་རྣལ་འབྱོར་ལ་མིག་ལ་སོགས་པ་བྱིན་གྱིས་རླབས་པ་དང་ཡེ་ཤེས་སེམས་དཔའ་དགུག་གཞུག་…

ན་གསང་སྔགས་སྤྱོད་པ་མང་མོད་ཀྱང་། །བསྐྱེད་རྫོགས་གང་ལ་ཡང་ཚུལ་བཞིན་སྤྱོད་པ་ཉིན་སྐར་ཙམ། །འོན་ཀྱང་མོས་པ་ཙམ་ཞིག་ལམ་དུ་བྱ་བའི་ཕྱིར། །བདག་གིས་འདིར་ཡང་མདོར་བསྡུས་ཆོ་ག་བརྗོད་པར་བྱ། །ཞེས་གསུངས་པ་ལྟར། ཆོ་ག་བསྡུས་པ་བདག་མདུན་ཐ་མི་དད་པ་འདི་ནི། མཁས་པ་ཆེན་པོ་བུ་སྟོན་གྱི་རྗེས་འབྲང་། ཛྙཱ་ན་ཤྲཱིས་བསྒྲིགས་པའི་རྡོར་ཕྲེང་ག…

མེད་ཀྱི་དཀྱིལ་འཁོར་དུ་བདག་མདུན་ཐ་མི་དད་དང་ཐ་དད་དུ་བསྒྲུབ་ཚུལ་གཉིས་ཀ་གསུངས་པ་ཡོད་ཅིང་། བུམ་བསྐྱེད་ཀྱང་ལོངས་སྐབས་དང་སྦྱར་བའི་བདག་མདུན་དང་དཀྱུས་གཅིག་ཏུ་སྦྲེལ་མི་སྦྲུལ་གྱི་ལག་ལེན་གཉིས་ཀ་ཡོད་པ་དང་། ཁྱད་པར་རྡོ་རྗེ་ཕྲེང་བའི་ཕྱག་ལེན་ཁ་ཅིག་ཏུ་བདག་མདུན་བུམ་གསུམ་ཀ་དུས་གཅིག་ལ་བྱེད་པའི་ལུགས་སྣང་། ཞེས་ལུགས་དེ་ཡང་…

རྣམས་སློབ་དཔོན་འདིའི་དགོངས་པ་མཐར་ཐུག་ཡིན་པས། སྤྲོས་པ་ལ་མི་དགའ་ན་འདི་ཁོ་ནས་གདོན་མི་ཟ་བར་འགྲུབ་ཅིང་། སྤྲོས་པ་ལ་དགའ་ན་རྡོ་རྗེ་ཕྲེང་བའི་ཕྱག་ལེན་གསལ་བྱེད་དུ་ཡེ་ཤེས་གཞུག་པ་དང་དབང་བསྐུར་བ་སོགས་བཤད་པ་ལྟར་ཉམས་སུ་བླང་ངོ་། །ཞེས་གསུངས་པ་དང་། ཡང་འགའ་ཞིག་གིས། ཕ་རྒྱུད་ལ་གསང་འདུས་འཇམ་རྡོར་དང་། ཀྱེ་རྡོར་གྱི་རིགས་ཐམས…

བུམ་པར་ལྷའི་འཁོར་ལོ་སྐད་ཅིག་ལ་བསྐྱེད་ཡེ་ཤེས་བསྟིམ་སྟེ། མཆོད་བསྟོད་བསྙེན་པས་ཆོག་པར་གསུངས་པ་དང་། སྟག་ལུང་ངག་དབང་གྲགས་པས་འོད་ཟེར་འཕྲོ་འདུས་སངས་རྒྱས་རྣམས་ཀྱི་བྱིན་རླབས་བསྡུས་ཏེ་བུམ་ཆུ་ལ་ཐིམ་པར་བསྒོམས་པས་ཆོག་པར་གསུངས་པ་དང་། མི་བསྐྱོད་རྡོ་རྗེས་རྣམ་གྲོལ་སྒོ་ཆེན་ལས་བུམ་པར་རྡོ་རྗེས་རེག་ནས་སྔགས་རྣམས་བརྗོད་པས་…

ནི། མཚམས་མེད་དང་འདྲ་བའི་སྡིག་པ་རྔམ་པོ་ཆེ་ཡིན་གསུངས་ནས་བཀག །འོན་ཀྱང་དགོངས་གཅིག་ལས། ཉམས་ལས་མ་ཐོབ་ཉེས་པ་ཆེ་བས་དམ་པའི་ཆོས་ལ་འབྲེལ་པ་ཐོགས་། ཞེས་དང་ཁམས་གསུམ་རྣམ་རྒྱལ་གྱི་རྒྱུད་ལས། ཁམས་གསུམ་གྱི་སེམས་ཅན་ལ་དབང་བསྐུར་བར་བྱའོ། །འདིར་སྣོད་དང་ལྡན་པ་དང་མི་ལྡན་པ་ཡོངས་སུ་བརྟག་པར་མི་བྱའོ། །དེ་ཅིའི་ཕྱིར་ཞེ་ན་། དཀྱིལ་…

ལྡན་འབུམ་ཕྲག་བཅུ་གསུངས་པས། སྐྱེས་བུ་དམ་པ་དེ་ལ་རྡོར་ཕྲེང་ཐོབ་པ་ནི་སྐལ་པ་དང་ལྡན་པ་ཡིན་མོད་ཀྱི། སྣོད་ལྡན་དམ་ཚིག་ཅན་འབུམ་ཕྲག་ག་ལ་ཡོད། དེས་ན་དགེ་བའི་བཤེས་གཉེན་རྣམས་ཀྱི་ཕྱག་ལེན་ལ། ཁྲོམ་ཉོབ་ཐམས་ཅད་རྡོར་ཕྲེང་ལ་མི་ཚུད། གཙོ་ཆེར་རབ་བྱུང་རྣམས་ལ་བསྐུར། མི་ནག་པ་ངོ་ཆེན་རྣམས་ལའང་། འབྱོར་པ་ཅན་ལ་འབུམ་བརྒྱ་བསྐལ་བརྒྱ་མ…

དབང་མ་ཚང་བར་ཤེས་ནས་མི་མགུ། གཞན་ལ་དབང་རྒྱུན་འཕེལ་ན་ཡང་དབང་ཕྱེད་པོ་རེད་པས་བསྟན་པ་ལ་གནོད། ཉུང་དབང་དུ་བསྐུར་ན་མང་མ་ཡིད་མི་ཚིམ་ཞིང་ལོང་སྐབས་ཀྱང་མེད། དེའི་ཚེ་བདེ་གཤེགས་སྙིང་པོས་འགྲོ་ཀུན་ཡོངས་ལ་ཁྱབ། །འགྲོ་བ་འདི་དག་ཐམས་ཅད་སངས་རྒྱས་ཉིད། །གར་མཁན་དང་ནི་རི་མོ་བཟང་ལྟར་གནས། །འདི་ན་སྣོད་མིན་འགྲོ་བ་སུ་ཡང་མེད། །ཅེས་…

ཉིན་རེ་ལ་དཀྱིལ་འཁོར་གཅིག་གིས་དབང་བསྐུར་བ་ལས་མི་མཛད་ན། རྣམ་རྒྱལ་བུམ་པ་གཅིག་དང་། ལས་བུམ་གཅིག་མཛད་ཅིང་། ཉིན་གཅིག་ལ་དཀྱིལ་འཁོར་བཞི་ལ་སོགས་པའི་དབང་སྐུར་བྱེད་ན། དཀྱིལ་འཁོར་རེ་རེ་ལ་རྣམ་རྒྱལ་བུམ་པ་རེ་རེ་དང་། ཐུན་མོང་དུ་ལས་བུམ་གཅིག་བཤམས་པ་ཡིན་པས། ཞེས་དང་། རེས་བྲིས་དང་རྡུལ་ཚོན་གང་ལ་བརྟེན་ཀྱང་རུང་སྟེ། སང་ཉིན་ད…

བྱེད་ན། རྣལ་རྒྱལ་བུམ་པ་གཞན་གྱི་ཆུ། གཙོ་བོའི་བུམ་པར་བསྡུས་ཏེ། ལས་ཀྱི་རྡོ་རྗེས་བུམ་པ་བཏེག་ལ། སློབ་མའི་ཕྱོགས་སུ་བཟུང་ཞིང་སློབ་དཔོན་རྡོ་རྗེ་དྲིལ་བུ་འཛིན། ཞེས་གསུངས་པའི་དོན། དཀྱིལ་འཁོར་གསུམ་བཞི་ལ་སོགས་པའི་དཀྱིལ་འཁོར་སྟ་གོན་དང་བུམ་པ་སྟ་གོན་སྔར་ནུབ་ལྟར་བྱས་ནས། ཕྱིར་ནངས་དང་པོ་རྩ་བའི་དཀྱིལ་འཁོར་གཅིག་བསྒྲུབ། …