ལྷན་ཅིག་སྐྱེས་མ་རྡོ་རྗེ་རྣལ་འབྱོར་མའི་ཕྱི་ནང་གསང་གསུམ་སྒྲུབ་པའི་སྟ་གོན་བཞུགས་སོ།།

ན་མོ་བཛྲ་ཝཱ་ར་ཡེ། བཅོམ་ལྡན་འདས་རྡོ་རྗེ་རྣལ་འབྱོར་མ་ལྷན་ཅིག་སྐྱེས་མའི་ཕྱི་ནང་གསང་གསུམ་སྒྲུབ་པའི་སྟ་གོན་ལ། དང་པོ་དབང་ལུང་ལེགས་པར་ཐོབ་ཅིང་དམ་ཚིག་དང་ལྡན་པས། ལོ་ཟླའི་གོང་ནས་རྫས་བསག་པར་བྱ་སྟེ། རབ་ནི་འབྲུག་གི་ལོ་འབྲུག་གི་ཟླ་བ། འབྲུག་གི་ཉི་མ་དུས་ཚོད་ལ་མགར་བ་འབྲུག་ལོ་པས་བརྡུང་བའི་མེ་ལོང་མཐོ་སྐོར་རམ་མཛུབ་སྐོར…

དེ་ནས་མི་ལག་མ་འགྲིམ་པར་རང་གིས་འཚག་བྱ། དེ་མ་འཛོམས་ན་མེ་ལོང་གཙང་མ་མིག་མ་བུག་པ་ཆེ་བ་གཅིག །བུ་མོ་མགོ་གཙང་གི་ལུས་ལ་ཅུང་ཟད་བཅང་བཅུག་ལ་རང་གིས་འཚག་བྱས། གསར་རྙིང་གང་རུང་གི་བདུད་རྩི་རིལ་བུ་ཁུངས་མ་གང་རྙེད། རྡུལ་ཚོན་ཙནྡན་དམར་པོ་སིནྡྷུ་ར་གང་མང་དང་། མགོ་གཙང་གི་མངལ་ཁྲག་དང་། མི་རྟ་ཁྱི་གསུམ་གྱི་ཁྲག་གཙང་མ་སྐམ་པོ་དང་།…

རྙེད་ན་ཤ་ལྔ་དང་བདུད་རྩི་གཙང་མ་འཚགས་བྱས། དྲི་ཆེན་དྲི་ཆུ་ནི་ཡབ་སྲས་ལྟ་བུའི་དང་། བྱང་སེམས་དཀར་དམར་མ་རྙེད་ན་ཅོང་ཞི་དང་བྲག་ཞུན། ཤ་ལྔ་ཡང་སྡིག་ཅན་དང་། ནད་ངན་གྱིས་ཤི་བ་མ་ཡིན་པའི་ཤི་མ་རུལ་བ་དང་། ཞལ་ཐང་། ཌ་མ་རུ། རྡོར་དྲིལ། རྐང་གླིང་། དབུ་རྒྱན། ཟངས་སམ་རྫའི་བུམ་པ་རབ་སྙིམ་པ་བདུན་ཤོང་བ། ཆུང་ཡང་ཁྱོར་བདུན་ཤོང་བ། གཟ…

རུང་ངོ་། །དུས་ནི་ཟླ་བ་གང་ཡང་རུང་བའི་ཚེས་བཅུ་ལ་མགོ་བཙུགས་ཏེ། དེ་ཡང་བསོད་ནམས་བསགས་པར་འདོད་ན་ཡར་ངོའི་ཚེས། སྒྲིབ་པ་དག་པར་འདོད་ན་མར་ངོའི་ཚེས་བཅུ་ལ་བྱའོ། །དེ་ནས་རྩ་ལྟུང་བཅུ་བཞི་ལ་བསམ་བློ་བཏང་ལ། དམ་ཚིག་ཆག་ཉམས་བྱུང་འདུག་ན། བླ་མ་མཚན་ལྡན་ལ་དབང་སླར་ཝིག་ནས་ཞུ། དེ་མ་འཛོམས་ན་རང་བདག་འཇུག་ཚར་གཉིས་གསུམ་བླངས། འདི་ཡི་…

ཡོད་དོ། །དེ་ལ་བསྐལ་པ་བྱེ་མ་དང་། བ་དམར་སེར་གྱི་ལྕི་བ་དང་། གཅིན་དང་། འཇིམ་པས་མིག་དང་། སྣ་དང་ཁ་ཆུ་ལ་དྲུད་པས་བ་བྱུང་ལྔ་སྟེ། གནས་ཆེན་རྣམས་ཀྱི་ས་སྣ་ཅི་རྙེད་བསྲེས་པས་ཞ་ལ་བྱ། དེ་སྐམ་པའི་སྟེང་དུ་དྲི་ལྔ་དང་། བུད་མེད་གཙང་མའི་མངལ་ཁྲག་དང་། མི་རྟ་ཁྱི་གསུམ་གྱི་ཁྲག་དང་། ཙན་དན་དམར་པོ་རྣམས་ཕྱེ་མ་ཞིབ་ཏུ་བཏགས་པ་ཆང་དང་ས…

ནང་སྒྲུབ་ལ་ནི་དཀྱིལ་འཁོར་རྒྱས་བསྡུས་གསུམ་པོ་གང་རུང་གཅིག་མེད་ཐབས་མེད། ཕྱི་སྒྲུབ་གསང་སྒྲུབ་གཉིས་ལ་མེད་ཀྱང་ཐབས་མི་ཆག་གོ །སྒྲུབ་རྫས་ཀྱང་དེ་དང་འདྲའོ། །སྒྲུབ་གཞུང་ནས་བུམ་པ་མ་གསུངས་ཀྱང་། འདི་ཆོ་ག་དང་མཐུན་པར་ལེགས་པས། དཀྱིལ་འཁོར་གྱི་དབུས་སུ་མཉྫིའམ། ཤིང་ཁྲིའི་སྟེང་དུ་རིན་པོ་ཆེའི་སྣོད་དམ་སྡེར་གཙང་མ་ཆག་གས་མེད་པ…

ཟེད་པའི་སྟེང་དུ། སྨན་སྣ་ཚོགས་འབྲུ་སྣ་ཚོགས་རིན་ཆེན་སྣ་ཚོགས་ལ་སྔར་གྱི་བདུད་རྩི་རིལ་བུ་དང་། པཉྩ་གམ་ཕྱེ་དང་མ་ཎི་རིལ་བུ་དང་། རིལ་ནག་མ་གང་རྙེད་མང་དུ་བསྲེས་པའི་རིལ་བུ་སྐམ་ཐག་ཆོད་ཅིང་ན་བཟའ་དམར་པོ་ཅན་སྲན་མ་ཙམ་མམ། རིལ་མ་ཙམ་ཅི་མང་སྤུངས། དེའི་གསེབ་ཏུ་ཨ་རུ་ར་གསེར་མདོག་གཅིག །འབྲུ་ལྔ། སྙིང་པོ་ལྔ། དར་སྣ་ལྔ། རིན་ཆེན…

བསྣར་ལ་བཞག་གོ །དེའི་ཕྱིར་དཀྱིལ་འཁོར་མཐར་ས་སྟེགས་ཀྱི་གྲུ་བཞི་དེར་མཆོད་པ་བཤམས་པའམ། ཕྱོགས་བཞིར་ཆུ་གཙང་། དབྱར་ཡིན་ན་མེ་ཏོག །དགུན་ཡིན་ན་ནས་ཏིང་གང་། སྤོས་ཐུར་སྤོས་ཤིང་། ནས་ཏིང་གང་ངམ་མར་ལ་བཙུགས་པ། མར་མེ། སྤོས་ཆུའམ་དྲི་ཆབ། ལྷ་བཤོས། དེ་རྣམས་ཕྱོགས་བཞིར་བཤམས་པ་མཁའ་འགྲོ་བཞིའོ། །གཙོ་མོའི་མཆོད་པ་ཤར་དུ་བཤམས་པའམ། ཡ…

ནས་སྒྲུབ་པ་གྲོལ་ཁོ་བར་མི་བསྔོ། མཆོད་པ་རྣམས་ཀྱང་ཞག་བདུན་ཕྲག་ཙམ་ལ་ཆུ་དང་ནས་ཁ་གསོ་ཙམ་ལས་མི་བརྗེ་སྟེ། སྒྲུབ་རྫས་ལྟ་བུ་ཡིན། དེ་དག་གི་སྟེང་ནས་དར་དམར་པོས་གུར་ཕུབ་པའི་ཚུལ་དུ་དགབ། དེ་ནས་དཀྱིལ་འཁོར་ས་སྟེགས་ཀྱི་རྒྱ་དང་མཉམ་པའི་ཤིང་བྲེ་ཞབས་ལྟ་བུས་བསྐོར། དེའི་སྟེང་ནས་རམ་ཆུང་བསྒྲིགས། མི་བྱི་བ་སོགས་ཀྱིས་མི་གནོད་པར་…

དམ་མཁའ་འགྲོ་ཆོས་སྐྱོང་ནོར་ལྷ་ལྔ་ཕྱི་རྒྱུད་པ། མཁའ་འགྲོ་སྤྱི་ཡི་གཏོར་མ་དང་བཅས་པ་ལེགས་པར་ལོགས་སུ་གཏོར་སྒམ་དུ་བཅས་ལ། རྒྱུན་དུ་གཏོར་བསྔོས་དུས་དེ་གསོ་བྲན་བྱེད། ཚོགས་ཕུད་ཀྱང་དེར་འབུལ། རང་གི་མལ་སའི་མདུན་དུ་ཅོག་ཙེའི་སྟེང་དུ། ནས་སྡེར་གང་གི་སྟེང་དུ་ལག་མཆོད་རྒྱུ་ཀ་པཱ་ལ་ཆང་གིས་བཀང་བ་བདུད་རྩི་རིལ་བུ་བཏབ་པ་དང་། རྡ…

བྱེད་ནི་ནང་སྒྲུབ་ལ་ནི་དེ་རྣམས་མེད་ཁ་མེད་ཡིན་ལ། ཕྱི་སྒྲུབ་དང་གསང་སྒྲུབ་གཉིས་བདག་བསྐྱེད་ཁོ་ན་ལ་བརྟེན་ཡང་རུང་བས། དེའི་ཚེ་གཏོར་བསྔོས་བྱེད་པའི་གཏོར་མ་དང་། ནང་མཆོད་དམིགས་རྟེན་ཞལ་ཐང་ཙམ་གྱིས་ཀྱང་ཆོག་སྟེ། མཚུར་ཕུ་འཇམ་དབྱངས་པས་ཡང་ན་ཚོམ་བུའམ། རས་བྲིས་སམ། སྐུ་གཟུགས་ལྟ་བུའི་དམིགས་རྟེན། ཡང་ན་ཏིང་འཛིན་གྱི་མཆོག་ཡིན…

ན་མོ་བཛྲ་ཝ་ར་ཧི་ཡེ། ལྷན་ཅིག་སྐྱེས་མ་རྡོ་རྗེ་རྣལ་འབྱོར་མའི་ཕྱི་སྒྲུབ་ཀྱི་ཕྱག་ལེན་ལ། བཅའ་གཞི་རྣམས་ཚར་ནས་སྔོན་འགྲོའི་གཏོར་མ་ནི་མཚམས་དང་པོ་བསྡམ་དུས་བཟང་བ་གཅིག་བཏང་ནས་རྒྱུན་དུ་མ་བཏང་ཡང་རུང་མོད། ནང་རེ་རེ་རེ་བཞིན་བཏང་ན་བར་ཆད་མི་འབྱུང་བས་ལེགས། དེ་ཡང་བདག་བསྐྱེད་གཞུང་ལྟར་ཡིན་མོད་ཀྱང་། ཅུང་ཟད་གོ་དཀའ་བ་རྣམས་དཀྲ…

པོ་ཡིན། བཙན་བདུད་རྒྱལ་འགོང་སོགས་ནི་ཡི་དྭགས། མོ་གདོན་རྣམས་ཤ་ཟ་མཁའ་འགྲོ་སོགས་ཡིན་པས། སྔོན་འགྲོ་དཀར་བགེགས་གཉིས་ཚང་བའོ། །འོག་ཐམས་ཅད་རྡོ་རྗེའི་ས་གཞི་སོགས་གཞུང་གི་དམིགས་པ་དེ་ཉིད་བསྡུས་པ་ཡིན། རྒྱས་པར་འགྲུབ་ན་བར་ཆད་མི་འབྱུང་བའི་གནད་ཟབ་པས། རྡོ་རྗེའི་རྭ་གུར་སྔོན་པོ། དེའི་ཕྱི་རོལ་དུ་འཁོར་ལོའི་གུར་དཀར་པོ། དེ་རྒ…

ལྟར་འཕྲོས་པས། ཕྱོགས་བཞི་དང་སྟེང་འོག་གི་བགེགས་ཐམས་ཅད་ཚར་བཅད། གཡོན་ཕུར་བུས་བཏབ་ཅིང་གཡས་རྡོ་རྗེའི་ཐོ་བས་བརྡུངས་བས། ལུས་ངག་ཡིད་གསུམ་ཆོས་ཉིད་དུ་བསྟིམ། བགེགས་ལྷག་མ་རྣམས་རྒྱ་མཚོའི་ཕ་རོལ་དུ་བསྐྱེད་ནས། སྒོ་མ་རྣམས་ཕྱོགས་སོ་སོའི་སྲུང་འཁོར་རྭ་གུར་ལ་ཐིམ་པ་སྲ་ཞིང་བརྟན་པར་བསྒོམ། ཧཱུྃ། འདི་ལྟར་ལྷ་མོ་ཡ་མཚན་སོགས་ནས་ཧ…

ཞུ་བའི་མོས་པས། བདག་དང་ནམ་མཁའི་ཞེས་པ་ནས། ཀུན་ཀྱང་སངས་རྒྱས་ཐོབ་པར་ཤོག །ཅེས་པའི་བར་གཞུང་ལྟར་སྐྱབས་ཡུལ་རང་ལ་བསྟིམ། མདུན་གྱི་ནམ་མཁར་ཞེས་སོགས་ཚོགས་རྟེན་སྤྲུལ་པ་འདི་ལ། མདུན་དུ་དཀྱིལ་འཁོར་རྒྱས་པར་ཡོད་ན་དེ་ཉིད་ལ་གསལ་འདེབས་པར་བྱ་ཞིང་། དཀྱིལ་འཁོར་མེད་ན་ནམ་མཁར་བསྒོམ་པ་ཡིན་ནོ། །དེ་ཡང་ཕག་མོའི་དཀྱིལ་འཁོར་གྱི་སྟེང་…

བར་ཐིམ་པས་ང་རྒྱལ་དག་ཡོན་ཏན་གྱི་དབང་དང་བྱིན་རླབས་ཐོབ། ལྗང་གུ་གསང་གནས་སུ་ཐིམ་པས་ཕྲག་དོག་དག་ཕྲིན་ལས་ཀྱི་དབང་དང་བྱིན་རླབས་ཐོབ་པར་བསྒོམ། གསོལ་འདེབས་ཀྱི་མཇུག་ཏུ་རང་ཉིད་ཕག་མོ་ལྔ་ཡི་རང་བཞིན་དུ་གྱུར་པར་བསྒོམས་ལ། ཚོགས་ཞིང་རང་གི་སྙིང་གར་བསྟིམ། དེ་ནས་ཚད་མེད་བཞི་འདི་ནི་སྔགས་ལུགས་ཡིན་ལ། །བདག་ཉིད་ལས་འོད་ཟེར་སྔོན་པ…

ཐམས་ཅད་རང་གི་སེམས་ལས་གཞན་དུ་མ་གྲུབ། ནང་འཛིན་པའི་སེམས་ཉིད་ཀྱང་ཡེ་ནས་ཡོད་མེད་སྐྱེ་འགག་དང་བྲལ་བའི་སྟོང་པ་ཉིད་ཀྱི་ངང་དུ་མཉམ་པར་བཞག །དེ་མི་ན་སྟོང་ཉིད་ནམ་མཁའ་ལྟ་བུར་གྱུར་སྙམ་པའི་མོས་པ་བྱའོ། །དེ་ནས་ཆོས་འབྱུང་སྒོམ་པ་འདི་ལ་བཞེད་པ་མི་མཐུན་པ་མང་ན་ཡང་། སློབ་དཔོན་གྱི་ཞལ་ཁྲིད་ནི་ཕྱི་རྡོ་ར་མེ་རི་སོགས་སྲུང་འཁོར་ནི་…

ནས་གནས་ཏེ་གསལ་འདེབས་པ་ཡིན་ཏེ། ཆོས་ཐམས་ཅད་ཆོས་ཀྱི་སྐུར་རོ་གཅིག་པ་མཚོན་ཕྱིར་ཞལ་གཅིག་སོགས་རྣམ་པར་དག་ཚུལ་འདི་དང་པོ་ནས་བསྒོམ། འདི་སྟབས་འཇུག་པ་བདེ་ཞིང་ཟབ་པ་ཡིན། གཞན་རྣམས་ནི་བསྐྱེད་རིམ་ཚར་རྗེས་རྣམ་དག་ལྷར་བསྒོམ་པ་ནི་འཇུག་མི་བདེ་ཞིང་འདོན་བྱ་མང་བར་འགྱུར་རོ། །དེ་ཡང་འཇའ་ཚོན་ལྟར་སྣང་ལ་རང་བཞིན་མེད་པ་ཆུ་ནང་གི་ཟླ་ག…

བཞུགས་གསོལ་སྔགས་མཆོད་ཡན་ཆད་སྐབས་འདིར་སྦྱར་ན་ལེགས། མ་སྦྱར་ན་ཡང་རུང་སྟེ། མདུན་གྱི་དམིགས་རྟེན་དཀྱིལ་འཁོར་དང་དབྱེར་མེད་དུ་བཞུགས་པར་བསྒོམ། དམིགས་རྟེན་མེད་ན་ནམ་མཁར་བཞུགས་པར་བྷེ། དེ་རྣམས་ཀྱི་སྐུ་ལ་ཞེས་སོགས་དམིགས་པ་དེ་ཁོ་ན་བསྒོམ་ཞིང་སྔགས་སྟོང་ཕྲག་ཙམ། དེ་རྣམས་ཀྱི་གསུང་ལས་སྔགས་ཞེས་སོགས་དམིགས་པ་དེ་ཁོ་ན་བསྒོམ་ཞ…