གཉིས་བཅས་བྱུང་བ་དང་། །མཚོ་འགྲམ་དགེ་བཤེས་ཆེན་པོ་ནི། །གོས་ཆེན་སེར་པོའི་བེར་གྱོན་པ། །ལངས་ཏེ་མཚོ་འགྲམ་གདའ་བ་མཐོང་། །ཞག་པོ་གཅིག་ལ་ཆར་ཆེན་བབ། །དེ་ནས་དབའི་མདའ་མཚོ་ནག་ཅེས། །རྒྱམ་གྱི་མཚོ་ནག་རྔ་མ་ནི། །ཡིན་ཟེར་མཚོ་ཁར་སྒར་པ་བརྒྱབས། །མཚོ་དང་ཆུ་མིག་ཆར་འབོད་བྱས། །འབྲུག་སྒྲོག་སེར་ཕྲན་ཆར་ཆེན་བབ། །ཉམས་དང་རྨི་ལམ་འདྲེས…

པར་དགོངས་ཡང་ལམ་མ་རྙེད། །སྡིག་ཅན་མི་དེ་འདྲེན་པའི་ཕྱིར། །ཅི་ལྟར་བྱས་ན་ལམ་ཐོད་སྨྲས། །དེ་ཚེ་དམྱལ་སྲུང་ལས་མཁན་གྱིས། །དམྱལ་བའི་ཡུལ་གྱི་ས་འདི་ན། །སུ་དང་གང་གིས་ལུང་མི་འགྲོ། །རྫོགས་པའི་སངས་རྒྱས་བཅོམ་ལྡན་འདས། །དེ་ཡི་ལུང་དང་ལག་རྟགས་ཤིག །ཡོད་ན་ལམ་ཐོད་ལུང་འགྲོ་ཟེར། །དེ་ནས་བྱང་ཆུབ་སེམས་དཔའ་དེས། །ཡར་འོང་སངས་རྒྱས་ལ…

འཁྱིལ་ལ་སོགས་རྟགས་འདུག་པས། །ཨོ་རྒྱན་ཆེན་པོས་སྦས་པ་ཡི། །གཏེར་ཕྲན་ཞིག་ཀྱང་ཡོད་དམ་སེམས། །རྨི་ལམ་ཉམས་སྣང་འཁྲུལ་སྣང་ལ། །མཆོག་འཛིན་རློམ་པ་མ་མཆིས་ཀྱང་། །ཐུབ་ཆེན་དེ་བཞིན་གཤེགས་པ་ཡི། །ཕྱག་བྲིས་ཡི་གེ་དྲུག་པ་དང་། །རང་བྱོན་སྒྲོལ་མ་བཞུགས་པའི་གནས། །རུ་པ་དབང་ཕྱུག་རྡོ་རྗེ་སོགས། །བཀའ་བརྒྱུད་སྐྱེས་ཆེན་མང་པོ་ཡི། །བྱིན…

ཆར་དྲག་དང་། །ཐོག་འོང་འདྲ་བའི་དངོས་རྟགས་མང་། །དེ་ཕྱིར་རྡོ་ཐི་གངས་དཀར་ལ། །དམ་བརྡར་གསོལ་ཁ་ཉུང་ངུ་བྲིས། །དེ་ནས་མི་གཞོན་རལ་པ་ཅན། །ཆོས་བཟང་དཔོན་རིགས་ཆེན་པོའི་གཟུགས། །བདག་ལ་ཕྱག་འཚལ་མདུན་དུ་བྱུང་། །དབང་རྫས་སྣ་གཅིག་མགོར་བཞག་པས། །དབང་ནི་ཡོངས་རྫོགས་ཐོབ་གྱུར་པས། །ཁོ་དགའ་གར་འཆམ་བྱེད་ཅིང་ནི། །རླུང་ལྟར་སྐད་ཅིག་ཡུད…

ནི། །མགོ་ཡི་སྐྲ་བཞར་བཙུན་པའི་མགོ །ལུས་ལ་གོས་དཀར་གྱོན་པ་ནི། །བཞི་བཅུ་ཙམ་ཞིག་བདག་གི་མདུན། །གུས་འདུད་ཐལ་མོ་སྦྱར་ཏེ་འདུག །ལྷ་ཐོག་ཡེ་བརྫུ་ཡིན་ནམ་སེམས། །དེ་ཡི་གསོལ་ཀ་རྒྱས་བསྡུས་གཉིས། །བྲིས་ནས་དཔོན་རིགས་འགའ་ལ་བྱིན། །ཡང་ནི་ཉམས་དང་རྨི་ལམ་མཚམས། །གཟུགས་ནི་གསལ་པོར་མི་སྟོན་པའི། །ཟང་ཟིང་ཤིན་ཏུ་མང་ན་ཡང་། །སྐྱབས་གས…

བའི། །ལུང་བསྟན་བྱུང་ཕྱིར་མྱུར་བར་བཀྱག །དེ་ནས་དྲག་སེང་དཔོན་ཚང་གིས། །སྤྱན་དྲངས་དེ་ཡི་སྡེ་དཀྱིལ་ཕྱིན། །ན་ཐང་ཆུ་མིག་མང་པོ་ཅན། །སྒར་མཐའི་ཆབ་ཀྱིས་བསྐོར་བར་བསྡད། །དེ་མ་ཐག་ཏུ་ཉམས་སྣང་ལ། །མི་གཞོན་ཆས་བཟང་མཛེས་པ་སོགས། །ཉི་ཤུ་ཙམ་ཞིག་རང་མདུན་དུ། །ཐལ་མོ་སྦྱར་ཏེ་འདུག་པ་ལ། །བུམ་པའི་དབང་བསྐུར་ལན་འགའ་བྱས། །དེ་ཡང་ཡེ་བ…

འཕྲུལ་ཆེ། །ཟེར་བའི་གྲགས་ཆེར་འདུག་ན་ཡང་། །དཀར་གཏོར་ཕུལ་ཞིང་ཨོ་རྒྱན་གྱིས། །སྔོན་གྱི་དམ་ཚིག་དམ་བདར་བྱས། །རྩུབ་ཆ་མེད་ཅིང་བདེ་བར་བྱུང་། །གཞི་བདག་དེ་རྣམས་ཨོ་རྒྱན་གྱི། །དམ་གནས་སྐྱེས་བུ་ཆེན་པོ་ཡི། །བཀའ་ཡི་འཁོར་ཚོགས་ཡིན་ནམ་སེམས། །བོད་ཀྱི་མགར་བ་མཆེད་བརྒྱད་སོགས། །ཤིན་ཏུ་འཇིགས་པ་ཡིན་ནོ་སྐད། །ཞག་བཅུར་དབང་ལུང་ཁྲི…

པར་ཤེས། །འདི་གསུམ་ཅི་ལ་ཡིན་སྙམ་པའི། །འདི་གསུམ་སྔར་ནས་ཡོད་པ་ཡིན། །ཟེར་བའི་སྒྲ་ཞིག་གྲག་པ་བྱུང་། །དེ་དུས་གཏེར་སྟོན་སྤྲུལ་སྐུ་ཡིས། །དགོངས་པ་གཏད་པ་ཡིན་འདུག་པས། །ཚེས་གསུམ་ཉིན་པར་བཀའ་ཤོག་དང་། །གནང་སྦྱིན་གྱ་ནོམ་བཅས་པ་སླེབས། །ལམ་དུ་ཚུགས་གཉིས་བྱས་སོ་སྐད། །རྣམ་ཐར་ཐོས་པས་ཡིད་རབ་ཚིམས། །གནས་སྒོ་ཕྱེས་ཚེ་མེ་ཏོག་ཆར།…

གྲུབ་ཀུན་གྱིས་སྤྱི་བོར་བཀུར། །སྡེ་ཆེན་ཀུན་གྱིས་གུས་པས་བཏུད། །དེ་འདྲའི་གཏམ་སྙན་ཐོས་པ་ཡི། །མི་རྒན་བློ་སེམས་ཚིམས་པར་གྱུར། །ཨོ་རྒྱན་ཆེན་པོའི་བཀའ་དྲིན་ཡིན། །སླར་ཡང་ཨོ་རྒྱན་ཆེན་པོ་མཁྱེན། །དེ་ནས་གོ་ཡི་ལུང་པ་དེར། །སྐྱ་བདུད་ལྷ་འབྲོང་འདྲེས་པ་ལ། །དབང་ཁྲིད་གདམས་ངག་རྒྱ་ཆེར་འཕེལ། །དེ་ནས་གོ་ཆེན་ཞེས་བྱ་རུ། །སྐྱབས་ཆ…

སྐད་ཅིག་དབང་བསྐུར་བྱས་པ་སྙམ། །དེ་ནས་སྨར་ཁམས་སྒང་སྟོད་དེར། །ཤིན་ཏུ་གཉན་ཆག་ཆེ་བའི་རི། །ཟླ་གངས་གཡུང་དྲུང་ལྷ་རྩེ་ཞེས། །བྲག་རི་དཀར་པོ་མཆོད་རྟེན་དབྱིབས། །སྔོན་དུས་དེ་ལ་རི་དྭགས་པས། །རི་དྭགས་བསད་པས་གངས་རིད་བརྒྱབ། །མི་ནི་གསུམ་ཙམ་བསད་པ་དང་། །སོག་པོའི་གོ་བཏང་རི་དྭགས་བཤོལ། །དེ་ཚེ་མ་སོད་སེར་བས་བྲབ། །དེ་ནས་སོག་པོ…

མཚམས། །སྐྱ་མི་ཆས་བཟང་འཁོར་གསུམ་ཅན། །ཆེ་ཆུང་དིལ་མགོ་ཆེ་ཤོས་ཙམ། །ལུང་པ་དེ་ཡི་ཕུ་ངོས་ནས། །བདག་གི་དྲུང་དུ་བྱུང་སྙམ་བྱེད། །ཕུ་ཡི་གཞི་བདག་ཡིན་པ་འདྲ། །དེ་མ་ཐག་ཏུ་འབྲོང་པ་དཔོན། །བཀྲ་ཤིས་དབང་དྲག་དེར་བྱུང་ནས། །སང་ཉིན་འབྱོན་ཞོར་ཕུ་འདི་ན། །ང་ཡི་རི་ཞིག་ཡོད་པ་ལ། །བསང་མཆོད་མཛད་རོགས་ཐུགས་འདོགས་ཟེར། །དེ་ཡི་དོན་དེ་ཡི…

ཁང་དུ། །ཞག་དྲུག་མགོན་པོའི་བསྐང་མདོས་བྱས། །ཉི་མའི་དཀྱིལ་འཁོར་གསལ་པོ་ནི། །ལན་གསུམ་ཤར་གྱི་ཕྱོགས་ནས་ཤར། །ཟླ་བའི་དཀྱིལ་འཁོར་ལྷོ་ནས་ཤར། །ཉམས་རྨིས་མཚམས་སུ་དེ་ལྟར་བྱུང་། །དེ་ནས་རི་བོ་ཆེ་ཕྱོགས་སུ། །བཀྱག་ཁ་རང་གི་ཉམས་རྨིས་སུ། །བྱ་རོག་མང་པོས་མདུན་ཁེངས་རྨིས། །མགོན་པོ་དགྱེས་པའི་རྟགས་སུ་གོ །ལམ་དུ་ཞག་ནུབ་རྨི་ལམ་དུ།…

དང་མ་གཉིད་ངོ་བོ་གཅིག །གཉུག་མ་རྒྱུན་ཆད་མེད་པའི་དོན། །ཡེ་ནས་ལྷུན་གྲུབ་རང་བཞིན་ལ། །ངེས་ཤེས་གཏིང་ནས་སྐྱེ་བ་བྱུང་། །འདི་ཉིད་རྟོགས་པ་ཡིན་ལགས་སེམས། །ཡང་ན་ཧམ་པ་ཆེ་བ་ལགས། །ཉམས་ལེན་སྟེང་དུ་བཞག་ཙམ་ན། །གཟུགས་སྒྲ་ལ་སོགས་སྣང་བ་ལ། །ཡིན་མིན་བཟང་ངན་འཛིན་པ་མེད། །གཟུགས་རྣམས་སྣང་སྟོང་སྒྲ་གྲག་སྟོང་། །ཚོགས་བརྒྱད་རྟོགས་པ་…

པའི་བདག །རྗེ་ཉིད་ལགས་པས་བཀའ་བསྩལ་ཞུ། །སྐྱོན་ལ་ཕྱག་མཛུབ་མ་བཙུགས་པར། །ཡོན་ཏན་སྐྱེ་ཐབས་མི་གདའ་བས། །ང་ཡི་དེ་རྣམས་རྟོགས་པ་དང་། །ཧམ་པ་གང་རེད་དབྱེ་བར་ཞུ། །དེ་དག་ལྷུག་པར་ཞིབ་རྒྱས་ཞུས། །དེ་ཚེ་ཞལ་ནས་བཀའ་བསྩལ་པ། །རྒྱུ་ལས་མ་བྱུང་འབྲས་བུ་དཀའ། །གཞན་གྱིས་དེ་འདྲ་བྱུང་ཟེར་ཡང་། །ངེད་ཀྱིས་བདེན་པར་འཛིན་མི་བྱེད། །འོན་ཀྱ…

ཡེངས་དང་མ་ཡེངས་མེད་པ་འདི། །ཧམ་པ་ཡིན་ནམ་དོན་དང་ལྡན། །ཞུས་པས་བཀའ་བསྩལ་གནང་བ་ནི། །དེ་ཉིད་དོན་དང་ངེས་པར་ལྡན། །ངེད་ཀྱང་དེ་ལ་ཆགས་བཞག་ཡིན། །འོན་ཀྱང་ཁྱད་པར་མེད་སྙམ་ནས། །ཉལ་ནས་བསྡད་པས་ག་ལ་འོང་། །ཐུགས་དམ་དགེ་སྦྱོར་འབད་དགོས་གསུངས། །འོ་ན་དེ་ཉིད་དོན་ལྡན་ན། །ཁོ་བོ་འཚིངས་ནས་འདུག་ལགས་ཞུས། །དེ་དག་དོན་གྱི་རྩ་བ་སྟེ། །…

འགྱོད་སེམས་མ་བྱུང་བར། །རང་སེམས་ངོ་བོའི་སྟེང་དུ་བཞག །འོན་ཀྱང་རྗེས་སུ་རྒྱུག་པ་ཚོ། །ཆུ་ཡིས་ཁྱེར་དོགས་པད་འབྱུང་དང་། །སྤྱན་གཟིགས་སྒྲོལ་མའི་སྔགས་དམིགས་བྱས། །མཆོད་ཆ་དཔེ་ཆ་བཅས་པ་ལོན། །དཔེ་ཆ་ཐང་ཁ་མ་སྐྱོན་པས། །ཆུ་སྡུག་བྱས་ཀྱང་རུང་ངམ་སེམས། །ཡི་དམ་ཐུགས་རྗེ་མྱུར་བར་གོ །དབང་ཆས་ཆུ་ལ་ནུབ་པ་དེ། །འགྲོ་དོན་ཚོད་གྱིས་ཟེ…

དེ་ཡི་ལས་འབྲས་ཡིན་པར་ནི། །རྨི་ལམ་རྨིས་ཤིང་གསལ་བ་ནི། །རྡོ་ཡི་རྒྱབ་ལུགས་ལ་སོགས་པ། །རྨི་ལམ་ཡུལ་དུ་གསལ་བར་དྲན། །དེ་ཕྱིན་ལྷག་པར་ལས་འབྲས་ལ། །ཡིད་ཆེས་ཆེན་པོ་སྐྱེ་བར་བྱུང་། །བསང་བཏང་ལྷ་མོ་དགའ་སྤྲོ་སོགས། །རྨིས་དང་མཚུངས་པར་རི་ཁྲོད་དུ། །ལྷོ་སྤྲུལ་ཕེབས་ཤིང་མཇལ་སྤྱད་དང་། །ཕན་ཚུན་འདོད་ཆོས་ཕུལ་ཞིང་ཞུས། །འདི་སྐབས་ར…

ཡི། །རྒྱུ་ལུས་ན་བ་ཕྲལ་དུ་བདེ། །མ་མགོན་དབང་གཏེར་འཛིན་པའང་བྱུང་། །ཡར་ལམ་དབིག་མདར་ཞག་པའི་ནུབ། །ཉམས་དང་རྨི་ལམ་འདྲེས་པའི་མཚམས། །དབའ་རྒྱལ་ཀ་ཐི་ཞེས་པ་དེ། །སྔགས་ཆོས་སྐྱ་པ་འཁོར་གསུམ་ཅན། །གུས་ཚུལ་གོ་མཚོན་མང་པོ་ཕུལ། །ཞག་གསུམ་ལོངས་སྤྱོད་ཆར་ལྟར་བབ། །དེ་ནས་གནས་མདོ་ནང་དུ་ཕྱིན། །བཀའ་བརྒྱད་སྒྲུབ་ཆེན་དབང་དང་ནི། །སྦྱོ…

ཁྲིད་དཔེ་བྱིན་རླབས་ཆེ་བར་གོ །དེ་ལྟར་ས་ཕོ་ཁྱི་ལོ་ཡི། །ཆོ་འཕྲུལ་ཆེན་པོའི་ཚེས་གཅིག་ནས། །ཤིང་འབྲུག་མགོ་ཟླའི་ཉེར་གསུམ་བར། །ལོ་བདུན་བར་དུ་འགྲོ་དོན་བྱས། །རྗེ་འབངས་སོག་པོ་ལྷ་དཔལ་གྱི། །སྐྱེ་མཐར་འབྲི་ཁུང་ཞབས་དྲུང་གི །ངོས་འཛིན་ཁྲི་འདོན་མཛད་པ་དང་། །གནམ་ཆོས་ལུང་བསྟན་མཚུངས་པ་སྟེ། །འབྲི་གུང་གསེར་ཕྲེང་གྲྭར་བཞུགས་དང…

གྲ་བླ་མ་ཁུ་དབོན་གསུམ། །སྤྱན་རས་གཟིགས་དབང་སྤྲུལ་པའི་སྐུ། །གཞོན་ནུ་མཚན་ཅན་ནས་བཟུང་སྟེ། །བླ་བརྒྱུད་མུ་ཏིག་ཕྲེང་འདྲ་བའི། །སྒྲིས་སྣ་བླ་མ་ཁུ་དབོན་བཞི། །རི་པ་བླ་མ་ཁུ་དབོན་བཞི། །ཁོ་བ་བླ་མ་ཁུ་དབོན་གཉིས། །སེ་བོ་བླ་མ་ཁུ་དབོན་གསུམ། །ཝ་པ་སྐུ་སྐྱེ་ཡབ་སྲས་བཞི། །སྟོང་ནག་བླ་མ་སྐུ་སྐྱེ་དང་། །དགེ་བཤེས་དང་བཅས་བླ་མགོ་གས…