ཤི་དུས་འོང་ཞུས་པ་སོགས་དག་སྣང་མང་པོ་དང་། ཆིབས་པ་རྐུ་མས་ཁྱེར་བ་ལ་དྲེགས་པའི་འཁོར་ལོ་བསྐོར་བས། སྤྲེའུས་མེ་འབུད་པ་དང་། ཁྱིམ་དུ་རྫ་ཕོར་རྒྱུག་པ་དང་། རྟ་ལ་མེ་འབར་བ་དང་། ཐོག་བརྒྱབས་ནས་བུད་མེད་གཅིག་དང་དུད་འགྲོ་འགའ་རེ་བསད་པ་བྱུང་བས། རྐུ་མས་རྟ་ཚུར་ཕུལ། མར་ཐུད་རྒྱབ་གཅིག་ཕུལ་ནས་དབང་ཞུས་བཀའ་བསྒོ་དང་རལ་པ་ལ་ཕྱག་མདུད…

བརླག་ཏུ་སོང་བ་དང་རྫས་ལ་བརྟེན་ནས་རྨོ་ན་རི་བསྙིལ་བ་དང་གྲུབ་ཆུ་བསྟན་པར་ཡང་གྲགས། ཁོ་རང་ལྷ་རྒོད་རྒྱལ་གྱི་སྐྱེ་བ་ཡིན་པས་ང་མཁར་འདི་ལ་བད་ཁ་གྱིས་དང་ང་དགའ། ལྷ་རྒོད་རྒྱལ་གྱི་དམག་ཇག་མང་པོ་བྱས་ནས་སྡེ་བཅོམ་པའི་རྣམ་སྨིན་གྱིས་ང་ནོར་དབུལ་བ་ཡིན་པ་འདྲ་གསུངས། ཞི་ཁྲོ་དང་དབང་ལུང་ཡང་འགའ་རེ་མཛད། དེའི་སློབ་མ་ཁོ་རང་གི་ཚ་བོ་པ…

མེད་པར་འགྲོ་གསུངས་ནས་དགོང་ལོ་བརྒྱད་ཅུ་གྱ་གཉིས་པ་ལ་ཟངས་མདོག་དཔལ་རིའི་སྨོན་ལམ་དང་བདེ་བ་ཅན་གྱི་སྨོན་ལམ་བརྩམས་ནས། ལེའུ་བདུན་མ་ཐོན་གསུངས་ནས་བཏོན་པས། ཙིཏྟ་ཨོ་རྒྱན་ཡུལ་དུ་ཕེབས་པ་དང་། །རྟེན་འབྲེལ་ཁྱད་པར་ཅན་ལ་གསོལ་བ་འདེབས། །ཟེར་བའི་ཚིག་འཕྲོད་དང་དུས་མཉམ་འདས། ཞག་བདུན་གསུམ་ལ་ཐུགས་དམ་ལ་བཞག །གདུང་བཞུས་པས་ཀུན་ཏུ་བ…

མ་ཀརྨ་རིན་ཆེན་གྱི་གདན་ས་ཟུན་པར་བཞུགས་ནས་མཚམས་སྒྲུབ་དང་འགྲོ་དོན་འཕེལ་ལོ། །མགོན་པོ་རྒྱལ་མཚན་ཡན་ཆད་ཀྱི་དབོན་མོ་རྣམས་ཀྱང་ཕག་མོའི་ཆོ་ག་དང་ཚོགས་དང་། སྒྲོན་མ་ལ་ཐུགས་དམ་བྱེད་པས་འཆི་དུས་རྟེན་རིང་བསྲེལ་འབྱོན་པ་ཤ་སྟག་བྱུང་ཟེར། དབང་ཕྱུག་རྒྱལ་མཚན་གྱི་སྲས་ཆུང་བ་ནི་མགོན་པོ་རྒྱལ་མཚན་ཡིན་ཏེ། བྱ་བཏང་ཀུན་དགའ་དཔལ་འབྱོར…

ཐུགས་མཆན་ཤལ་མཛད་ནས་ཆབ་མདོར་བྱོན་དུས། གཡོ་རྫོང་དུ་ཞག་མལ་བྱས་ཏེ། དེ་ནུབ་སྦྲུལ་ནག་བསམ་གྱིས་མི་ཁྱབ་པས་མིག་ནས་ཚྭ་ཚྭ་ཐུལ་བ་གཅིག་གིས་ཕ་ཟད་ནས་དངོས་སུ་གཅུད་བརྒྱབ་ནས་བྱུང་བས། འགུ་རུ་དྲག་པོ་ཁྱུང་གི་དབུ་རྒྱན་པའི་བསྐྱེད་རིམ་བྱས་པས། དེ་མ་ཐག་སྦྲུལ་དེ་མེད་སོང་། དེ་མ་ཐག་ས་གཞི་ཐམས་ཅད་རྒྱ་མཚོ་ནག་ལྟེམ་མེ་བ་ཞིག་རེད་ནི་ཐ…

དོ་བས། གནས་ཚང་ལ་ཆང་ཁྱེར་ཤོག་གསུངས་ནས་ཆང་མང་པོ་དེ་ལ་བླུད་པས། བུ་ཚ་དང་གནས་ཚང་ཚོས་ཨ་ནུ་ཐུགས་ལ་མ་ཟུན་པར་རེད་བསམས་ནས། ཆང་ཁུར་ཤོག་བྱས་དུས་ཆུ་ཁུར་ནི་འོང་། དེ་ནས་སྐད་ཅིག་ལ་དེ་རྣམས་མི་སྣང་བར་གྱུར་ཏེ། དང་པོ་ཆོ་འཕྲུལ་བསྟན། རྗེས་མ་ཇོ་བོ་རྗེའི་ཐུགས་ལ་དགེ་བསྙེན་གྱི་མཆོད་པ་བྱེད་པ་ཡིན་པར་འདུག་གསུངས། གཞན་ཡང་རྔ་དང་རྔ…

ཟོས། དེ་ནས་ཁོ་གྲིར་ཤི་བའི་སྙིང་དང་མགོ་ལག་ཕྲག་པ་སོགས་བླངས་ནས་ཆོས་སྐྱོང་ལ་མཆོད་པ་བྱས། ཕྱིས་ཆོས་རྗེ་གཅེར་བུར་བུད་ནས་མུ་གེས་ཤི། ཡང་མགོན་ཁང་ཤོ་མ་བྱ་བའི་དུད་ཕྱུག་དར་ཅན་ཅིག་དང་འགྲས་པས། ཁྱིམ་ལ་ལྷོག་ཚང་བཅས་གཏན་བརླག་རྗེས་མེད་དུ་སོང་། གཞན་ཡང་འགྲས་ཚོལ་བ་མང་དུ་བྱུང་བ་ཐམས་ཅད་གཏན་བརླག་རྗེས་མེད་ཁོ་ན་དང་། ཇེ་ངན་དུ་ས…

ལྗགས་སྤྱན་གསུམ་གཤིན་རྗེ་ཁྲོ་ཆུའི་སྐུ་རྣམས་བྱོན་ནོ། །མགོན་པོ་རྒྱལ་མཚན་ལ་མཁན་ཟའི་སྲས་བཞི་ཡོད་པས་པདྨ་ལྷུན་གྲུབ་ནི་འཇིག་རྟེན་བོད་ཀྱི་སྐྱེས་ལྷག་འོང་བ་ཡོད་ཟེར་བ་བྱུང་ན་ཡང་། གཞོན་ནུ་ནས་ཆུས་ཁྱེར། གསོལ་དཔོན་དགེ་འདུན་ནི་ཆབ་མདོ་ཆོས་རྗེའི་མི་གཡོ་རྙིང་པོའི་གསོལ་དཔོན་དང་གཉེར་གཉིས་ག་མཛད། ཆོས་འཇིག་རྟེན་གཉིས་ག་ལ་སྐྱ…

དོན་འགྲུབ་ཡིན། བཙན་ཕྱུག་གི་བུ་ཨ་ནུ་པདྨ་དབང་དྲག་ཡིན་ཏེ། ཆུང་ངུ་ན་ཡོན་ཏན་སྣ་ཚོགས་བསླབ་སྟེ། རྩིས་དང་ས་དཔྱད་རི་མོ་འབུར་སྐུ་སྔགས་ཆོས་ལ་མཁས་པར་སྦྱངས། ཞལ་ཐང་བདུན་བརྒྱད་དང་མཁར་སྐུ་བཞི་ཨོ་རྒྱན་གྱི་ལྡེར་སོ་བཞེངས། འབྲུག་པ་ཀརྨ་བསྟན་འཕེལ་དང་། འགུ་རུ་ཀུན་དགའ་བསྟན་འཛིན། བྱང་བདག་པོ་བཀྲ་ཤིས་སྟོབས་རྒྱལ་དང་། ཁུ་བུ་དབང…

གྱི་སྒབ་མ་ཧྲུག་གིས་བཅད་པ་དང་། མཚམས་གྲོལ་ནས་དགུན་དགུ་གཏོར་གྱི་ཚེས་བཅུ་ལ་ཚོགས་མཛད་དུས། སྲུག་རློན་པ་སྡེར་གང་ཙམ་དངོས་སུ་གཞི་ཐོག་ཏུ་སྤུང་ནི་འདུག་པ་དེར་ཡོད་པ་རྣམས་ཀྱིས་དངོས་སུ་ཟ་རྒྱུ་ཡོད་པ་བྱུང་བ་དང་། མཚམས་ཁུང་དུ་མཁའ་འགྲོས་དངོས་སུ་འབྲས་མར་ཁུ་ཡང་ཟེར། གྲོ་མ་མར་ཁུ་དྲངས་བ་དངོས་སུ་གསོལ་རྒྱུ་ཡོད་པ་བྱུང་། དེ་དུས…

པ་ཅིག་གིས་ཐོ་བ་ལ་ཇ་སྤོབ་རྩེ་ཚད་ཙམ་ཕྱར་ནས་འདིར་སྒྲ་དང་བཅས་པས། མི་དེ་བརྡུང་ཞིང་ཁྲིད་བྱུང་ནས་མེ་ཆེན་མོ་བང་བ་ཙམ་ཞིག་འདུག་པའི་ནང་དུ་མི་དེ་འཕངས་བས་གསུར་གཞོབ་ཁ་ཆེ་ལེ་བསྲེགས་པ་རྨིས་གསུངས་པས། འགྲས་ཆེ་བའི་དགྲ་གཅིག་ཡོད་པ་ལོ་མ་འགོར་བར་ཁ་ཕུང་དུ་སོང་བ་དང་། འཇམ་དཔལ་དམར་ཆུང་སྒྲུབ་དུས་བྲུབ་ཁུང་དུ་ཁྲག་ལྷོ་དངོས་སུ་ཕྱི…

སོགས། ལུས་ངག་དགེ་སྦྱོར་ཁོ་ནས་དུས་འདའ་བར་མཛད། དགོང་ལོ་རེ་བདུན་པ་ལ། ཚེ་རིང་ན་བཟང་སྟེ་འབྱམས་ན་ཞེན། ཁྱེད་ཐམས་ཅད་འཛོམ་དུས་འདིར་ང་ཤི་ན་དགའ། ཨོ་རྒྱན་རིན་པོ་ཆེའི། ཁྱེད་རྣམས་ཕོ་བྲོ་བཟང་དུས་འདིར། ང་ཡང་ཨོ་རྒྱན་ཡུལ་དུ་འགྲོ་གསུང་པ་དང་འདྲ། ང་ནི་ཟངས་མདོག་དཔལ་རིར་ཨོ་རྒྱན་གྱི་དྲུང་དུ་འགྲོ་བ་ལ་ཐེ་ཚོམ་མེད། ཁྱེད་ཚོས་བས…

ཕྱག་བཞི་པའི་སྐུ་ཤིན་ཏུ་གསལ་བ་གཅིག་ཞིང་སྐྱོང་གི་སྐུ། ཨ་ཡིག་སྔོན་པོ་གཉིས་ཧཱུྃ་ཡིག་ནག་པོ་གཅིག །འཁོར་ལོ་རྩིབས་བརྒྱད་དཀར་པོ་གཅིག །ཤ་རི་རམ་འཁྱུད་གང་ཙམ་ཆུ་ཤེལ་ལྟ་བུ་ཕྱི་ནང་མི་སྒྲིབ་པ་གཅིག །སོར་མཛུབ་ཀྱི་རྩེ་ཙམ་གྱི་དུང་དཀར་གཡས་འཁྱིལ། རྒྱུ་རུས་ཚིག་རྙི་མོ་ལས་གྲུབ་པ། བཟོས་ཀྱང་ཐོན་དཀའ་བ་ངོ་མཚར་བ་ཆེ་གཅིག་བྱོན་ཏེ།…

བརྡུང་མཁན་ནི། ཤིན་ཏུ་མང་དུ་འཕེལ་ལོ། །ཨ་ནུ་ཆོས་དབང་གི་སྲས། བུ་དྲུང་ནི་རིན་ཆེན་རྒྱལ་དང་། ཐོན་བུ་ཨ་ནུ་རྡོ་རྗེ་ཡིན། ཨ་ནུ་རིན་རྒྱལ་ནི་ཆུང་དུས་ནས་ཡི་གེ་གཤར་གཟབ་གཉིས་ཀར་འབྲི་ཀློག་ཤིན་ཏུ་མཁས། ཡབ་ཀྱི་སྔགས་ཆོས་ཐམས་ཅད་ཤེས། གསོ་རིག་ལ་སྦྱོང་བས་མཁས་པར་གྲགས་ཤིང་ཕན་ཐོགས་ཆེ་བ་བྱུང་། སློབ་མ་ཡང་ལྷ་རྗེ་མཚོ་སྐྱེས་བྱུང་།…

མཐོང་ཚད་སེམས་སྐྱོ་ཤས་སྐྱེ་བ་དང་། གདུང་བཞུས་ཉིན་ཡང་སྤྲིན་འཇའ་དང་རུས་པ་ལ་གསལ་བྱེད་ཀྱི་ཡིག་འབྲུ་འགའ་རེ་དང་ཤ་རི་རམ་ཡ་ཟུང་གདའ། མ་འདས་དུས་སོ་གཅིག་བུད་པ་ལ་རིང་བསྲེལ་ཞུན་ཐིག་གསལ་པོ་གཅིག་བྱོན་པ་སྐུང་ཞིང་ཡོད་པས་གར་སོང་མ་ཤེས། ཁོང་ལ་འཇའ་དང་རིང་བསྲེལ་འོང་བསམ་པའི་ཐུགས་རྗེ་དགེ་སྦྱོར་ནི་མེད་པར་འདི་ཡན་ཆད་མཁའ་སྤྱོད་པ…

དང་སླ་བ་དང་སོ་དང་སེན་མོ་ཀླད་པ་དང་གཞུང་པ་དང་བྱང་སེམས་ནི། ཕ་ཡི་བྱང་སེམས་དཀར་པོ་ལས་གྲུབ་པ་ཡིན། གདུང་རྒྱུད་མ་འཆུགས་ན། དེའི་རུས་པ་སོ་དང་སེན་མོ་རྣམས་མཁའ་སྤྱོད་པའི་བྱང་སེམས་ལས་གྲུབ་པའི་རྟེན་རིང་བསྲེལ་འབྱོན་ཏེ་ཕ་རུས་དཀར་པོ་ཟེར་བ་དེ་ཡིན་ནོ། །རིང་བསྲེལ་བྱོན་པ་ཡང་ཕྱི་མ་མི་ཕན་བསམ་ན་མཁའ་སྤྱོད་པས་བདེ་བ་ཅན་དུ་འདྲེ…

གསུངས་། དེ་རྩར་མཆོད་དགོས་བསམ་པས། མཆོད་པ་བྱེད་ཚུལ་ཀུན་ཏུ་བཟང་པོས་ལུང་བསྟན་པ་དང་། སྐད་ཅིག་ཉིད་ལ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མདུན་དུ་མཁའ་སྤྱོད་པ་རེ་རེ་སྤྲུལ་ནས། ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པ་བསམ་གྱིས་མི་ཁྱབ་པ་ཆ་ཚང་བ་རེ་རེ་སྤྲུལ་ནས་མཆོད་པས། སངས་རྒྱས་དེ་ཐམས་ཅད་མགྲིན་གཅིག་ཏུ་…

ཀྱང་ཞོར་ལ་འོང་། ངག་ནུས་ཆེ་བ་ཡིན་ཏེ། ཆོས་སྐྱོང་རྣམས་ཀྱིས་ཁས་ལེན་དམ་བཅའ་ཡོད་པའི་ཕྱིར་རོ། །གདུང་རྒྱུད་འཆུགས་ན་ནི་ཕ་མར་ཐོབ་ཅིང་ལྷ་སྲུང་འཁོར་བར་དཀའ་སྟེ། ལྷ་ལ་མངོན་ཤེས་ཀྱི་སྤྱན་དང་ལྡན་པའི་ཕྱིར་རོ། དེ་ཡང་བོད་ན་གདུང་རྒྱུད་དྲགས་ཆེ་བ་འབྲི་སྟག་གཉིས། ཀརྨ་པཀྵིའི་གདུང་རྒྱུད། ཞྭ་དམར་བའི་དབོན་རྒྱུད་སྡེ་པ་ཡང་པ་ཅན་པ།…

ལྡོག །ཕྱག་གི་རྣམ་འགྱུར་སྐད་ཅིག་ཙམ་ཡང་བརྟག་སྒོ་མེད་པ་གཅིག་ཡོད་པ། ཁམས་ཤིལ་བྱིན་གསུང་པ་ནི་བྱ་བྲལ་བའི་རྒྱུད་རྣམས་བྱ་བརླག་མང་ཞིང་སྐུ་སྤྱོད་འཚུབ་པོ་འོང་བར་ལུང་བསྟན་པར་མངོན་ནོ། །དེ་ལྟར་གསུངས་པའི་ལུང་བསྟན་དང་མཐུན་པར་དྲུང་བྱ་བྲལ་ཁམས་ཤིལ་བའི་སྲས་ཆུང་བ་མགོན་པོ་རྒྱལ་ནི། དཔའ་རྒོད་སྐྱེན་གསུམ་འཛོམ་ཞིང་བཙན་དྲག་ཆེ་ས…

རྒོད་རྒྱལ་གྱིས་ནོར་བུ་གནམ་ཆགས་པའི་དུམ་བུ། སྒམ་པོ་པའི་ཞྭ་ནག་ཁྱུང་གཤོག་གསེར་མདོངས་སྒམ་པོ་པའི་སྐུ་བསྲུང་རས་ཐུག་མ་རྣམས་ཐོབ། གསེར་གྱི་ཐམ་ཀ་མ་དུམ་ནས་བགོ་ཤོམ་བྱས་པས་མགོན་པོ་རྒྱལ་གྱིས་བློ་བཏོན་ནས་འདི་བགོས་ན་གཉིས་མེད་ཡིན། དེ་བས་སྤྱི་ཁ་ནས་ཆོས་བཞེངས་གསུངས་པ་ཞལ་འཆམ་ནས། གསེར་ཐམ་ཕྱི་ཤུན་གསེར་དེ་ལ་མདོ་བསྐལ་གཉིས། ན…