ཕྱོགས་མཐུན་པོ་དེ་རང་ཉིད་ན་བ་ནས། །ནད་པ་ནད་ལས་གྲོལ་བ་རེ་མང་བྱུང་། །སྨྱོ་འབོག་ལ་སོགས་གདོན་ལ་གཟིར་བ་ན། །ནད་པར་ཕན་ཀྱང་གདོན་གྱིས་ལེ་ལན་བརྡ། །རང་ལ་གོད་ཁ་ཁ་སྨྲས་འོང་འདུག་ཀྱང་། །འོང་བ་ཤེས་བཞིན་དེ་འདྲ་མང་དུ་བྱས། །ཆར་པ་དྲག་འབོད་སེར་བའི་གདོང་ཟློག་སོགས། །བྱས་ཚེ་རང་ལ་གནོད་པ་བྱུང་ན་ཡང་། །བཟོད་པར་བྱས་ནས་གཞན་ཕན་བློ་…

བསྒྲིགས་ན་ཁྱེད་རང་ཚེ་ལ་གནོད་ན་ཡང་། །གཞན་ལ་ཕན་ཐོགས་དཔག་མེད་འབྱུང་གསུངས་པས། །ཕན་ཐོགས་ཆེ་ན་བདག་ཚེ་ཐུང་ཡང་བཟོད། །བསམས་ནས་གཞན་ཕན་བློ་ཡིས་བསྒྲིགས་པར་བྱས། །རེས་འགའ་རང་དབང་མེད་པར་སེམས་ཅན་ལ། །སྙིང་རྗེའི་དབང་གིས་མཆི་མ་འཁྲུགས་པ་དང་། །འཕོ་འདེབས་དུས་འགའ་སྙིང་རྗེ་དྲག་པོ་ཡིས། །བསྐྱེད་ཀྱང་མ་ཕན་མཆི་མ་འཁྲུགས་པ་བྱུང་།…

ཅན་ཞེས་པ། །འདི་ནི་བྱང་ཆུབ་བླ་ན་མེད་པའི་ལམ། །ཡིན་པར་གོ་ནས་ཡང་ཡང་བསྒོམས་པར་བྱས། །འདི་ནི་སྙིང་རྗེ་བསྒོམས་པའི་རྣམ་ཐར་ཡིན། །དེ་བཞིན་འགྲོ་ཀུན་བདེ་བ་མཆོག་དང་ནི། །ནམ་ཡང་འབྲལ་བ་མེད་ན་དགའ་བ་དང་། །དེ་ལྟར་བྱམས་དང་སྙིང་རྗེ་དགའ་བ་ལ། །ཕྱོགས་རིས་མེད་པར་ཀུན་ལ་སེམས་སྙོམས་པ། །ཚངས་པའི་གནས་བཞི་ཐུན་མགོ་རྣམས་སུ་བསྒོམས། །ད…

ཡིད་ལ་རྩེ་བ་གཏི་མུག་གཉེན་པོ་སྟེ། །རྟེན་འབྲེལ་སྒོམ་ལ་རེ་འགའི་འབྲེལ་པ་བཞག །བསྐྱེད་རིམ་ཆ་རྣམས་བསམ་གཏན་ཡིན་པས་ན། །སྦྱང་གཞི་སྦྱོང་བྱེད་ལེགས་པར་སྦྱར་ཤེས་པས། །བདག་བསྐྱེད་ཡི་དམ་ལྷ་ཡི་དཀྱིལ་འཁོར་དང་། །མདུན་བསྐྱེད་མོས་པ་བློར་བཟུང་བསྒོམས་པར་བྱས། །དུག་ལྔ་སོ་སོ་རིགས་ལྔ་སོ་སོ་ཡི། །ལྷ་རུ་བསྒོམས་ཤིང་བསྔོ་སྨོན་རྒྱས་…

རྣམ་རྟོག་མ་བཀག་པར། །ལྷོད་དེ་བཞག་པས་གནས་ཉམས་རྒྱ་མཚོ་བཞིན། །སྐྱེ་བ་དེ་ཡང་ཉམས་སུ་མྱོང་བར་བྱས། །ནམ་མཁའ་མཐའ་ཡས་རྣམ་ཤེས་མཐའ་ཡས་དང་། །ཡོད་མིན་མེད་མིན་ཅི་ཡང་མེད་པ་སོགས། །ཕྱི་རོལ་པ་དང་ཕྱོགས་མཐུན་བསམ་གཏན་བཞི། །ཉམས་ཀྱི་སྣང་བར་ཅུང་ཟད་རྟོགས་པར་བྱས། །དེ་ཡང་ཕྱི་རོལ་པ་དང་ནང་པའི་ལམ། །ཁྱད་པར་ཁྱེར་སོ་དག་ཀྱང་འབྱེད་པར་བ…

ན་རྫོགས་པའི་སངས་རྒྱས་ས་རུ་སླེབས། །དེ་ལྟར་གསུངས་ཕྱིར་བདག་གིས་ཤེས་རབ་བསྒོམས། །དེ་ལ་ཐུན་མོང་ཐུན་མོང་མིན་པ་གཉིས། །ཐུན་མོང་ཤེས་རབ་ཐོས་བསམ་གཉིས་པོ་སྟེ། །དེ་ཚུལ་གོང་དུ་བསྟན་པས་འདིར་མ་བརྗོད། །ཐུན་མོང་མིན་པའི་ཤེས་རབ་སྒོམ་པའི་ཐབས། །ཀུ་ས་ལི་དང་པཎྜིཏ་ཡི་ལུགས། །དཔྱད་སྒོམ་འཇོག་སྒོམ་གཉིས་སུ་ཡོད་པ་ལས། །པཎྜི་ཏ་ཡིས་ད…

རྒྱུན་དུ་ཀུ་ས་ལི་ཡི་འཇོག་སྒོམ་ནི། །ཆུ་ཆད་པ་ཡི་རན་ཐག་ཇི་བཞིན་དུ། །དུས་གསུམ་སྤྲོས་པ་བཅད་ནས་མཉམ་པར་བཞག །དེ་ཚེ་དང་པོ་རང་གི་སེམས་ཉིད་དེ། །ངོ་བོ་སྟོང་ལ་རང་བཞིན་གསལ་བ་དང་། །རྣམ་པ་འགག་མེད་སྐུ་གསུམ་རང་ཆས་མཐོང་། །དེ་ལ་གཟུགས་དང་ཁ་དོག་དངོས་པོ་དང་། །ངོས་བཟུང་མེད་པའི་གང་ཟག་བདག་མེད་དེ། །བསྒོམ་དུ་མེད་པའི་ངང་ལ་བསྒོམ…

འགོད་པར་འདོད་པའི་བློ་སྐྱེད་པ། །ཤེས་རབ་ཕར་ཕྱིན་བསྒོམས་པའི་སརྒ་དགུ།། །།དེ་ལྟར་ཕར་ཕྱིན་དྲུག་ལ་སྤྱད་ན་ཡང་། །དད་པ་མེད་ན་བྱིན་རླབས་མི་འབྱུང་བས། །དད་པ་ལ་ཡང་རྣམ་པ་གསུམ་ཡིན་ཏེ། །འདོད་དང་ཡིད་ཆེས་དང་བའི་དད་པའོ། །བདག་དང་འགྲོ་ཀུན་སངས་རྒྱས་ཐོབ་འདོད་པ། །སྐོམ་པས་ཆུ་ལ་གདུང་བ་འདྲ་ཞིག་བྱས། །མདོ་རྒྱུད་ཚད་ལྡན་པད་འབྱུང་ག…

སྲིད་ན་ཡང་ས་གནས་སེམས་དཔར་ངེས། །སྐྱེ་རྒྱུད་བཟང་ངན་ལ་སོགས་བཤད་ཐོས་ཀྱང་། །བཤད་ལུགས་ཐེག་པ་ཆེ་ཆུང་ཁྱད་པར་ཏེ། །ཐེག་དམན་ལུགས་ལ་ལྷས་སྦྱིན་བདུད་པོ་སྟེ། །དེ་ལས་ངན་པ་འཇིག་རྟེན་ཁམས་ན་མེད། །ཐེག་ཆེན་པདྨ་དཀར་པོའི་མདོ་ལས་ནི། །ལྷས་སྦྱིན་ཐུབ་པས་བྱང་ཆུབ་སྒྲུབ་པའི་གྲོགས། །རེས་འགའ་སྟོན་པའི་སློབ་དཔོན་དག་ཏུ་གྱུར། །བྱང་ཆུབ…

མི་གདའ་བས། །ཤཱཀ་ཐུབ་པད་འབྱུང་ལ་སོགས་དེ་རྣམས་ལ། །བཟང་ངན་འབྲེལ་ཐོགས་ཐམས་ཅད་དོན་ལ་ནི། །ས་གནས་སེམས་དཔའ་ཡིན་པར་ངེས་འདུག་སྙམ་། །དེ་ཕྱིར་སུ་ལའང་ལོག་ལྟ་ཆེན་པོ་མེད། །ཐམས་ཅད་ཀུན་ལ་དང་བའི་དད་པ་བགྱིད། །དད་པའི་ནོར་ལ་འབྲེལ་པ་བཞག་ཚུལ་ལོ། །ཚུལ་ཁྲིམས་ནོར་དང་ཐོས་པའི་ནོར་གཉིས་ནི། །གོང་དུ་བསྟན་པས་འདི་རུ་མི་དགོས་སོ། །གཏ…

པ་ནི། །ཐབས་ལ་མཁས་པའི་སྤྱོད་པ་ཡིན་པར་གསུངས། །དེ་གཉིས་བྱེད་ལུགས་འདྲི་ཡང་བསམ་པའི་ཁྱད། །ཉེ་དུ་ཤི་ལ་མ་ཕུལ་མི་ཁ་ལྡང་། །ཕུལ་ན་ཧ་ཅང་ཆེས་སྙམ་སེར་སྣ་ཤོར་། །སེར་སྣ་ཡོང་བས་དགེ་བ་ལམ་མི་འགྲོ། །དེ་བཞིན་མཐོན་པོ་ཕྱུག་དང་རིགས་རུས་ཅན། །བླ་མར་མཇལ་རྟེན་ཆུང་ན་ངོ་ཚ་དང་། །མཉམ་མཉམ་གཞན་གྱིས་འཕྱ་དོགས་ཆེ་བ་ཕུལ། །རྒྱུད་ལ་དཔྱད་པ…

ཆེ་བའི་མི་ནི་ལ་ལ་ཡིས། །ངོ་ལོག་ཕྱར་ཁ་གནོད་འཚེ་བྱེད་ན་ཡང་། །ཁྲེལ་གཞུང་བཟུང་ནས་ཧ་ཅང་གནོད་མ་བསྐྱལ། །དབོན་རིགས་ཉེ་དུ་རྩ་ལག་ཐམས་ཅད་ལ། །ཧ་ཅང་དཀོར་ལ་བག་མེད་བྱིན་ན་ནི། །ཟ་མཁན་ཁྲོ་ཆུ་འཐུང་བའི་དམྱལ་བ་དང་། །ཡི་དྭགས་ལུས་ངན་མང་དུ་ལེན་པ་དང་། །སྦྱིན་མཁན་རྔ་མོང་དག་ཏུ་སྐྱེ་གསུངས་པས། །ཧ་ཅང་འདོད་པ་ཚིམས་པར་མ་བྱིན་ཀྱང་། …

ཆོས་མིན་ལོག་པར་སྤྱོད་ན་ངོ་ཚ་བས། །བུད་མེད་གཞོན་ནུ་ཐོ་ཕྱིར་མི་བརྟེན་ཞིང་། །རི་ཁྲོད་ཁྱིམ་དུ་བུད་མེད་མི་བཞག་ཅིང་། །ཐག་རིང་འགྲིམས་པ་ལན་རེ་བྱུང་ན་ཡང་། །རོ་ཡིས་མནན་པ་ཙམ་དུ་གནོད་སྣང་ཆེ། །གྲྭ་པ་རྣམས་ཀྱང་དེ་དང་འབྲེལ་དོགས་པས། །ཀུ་རེ་ཐབས་ཀྱིས་བསྒགས་ནས་ཧོབ་བཅིལ་བྱས། །རང་ལ་དད་འདུན་འབུལ་བ་བཟང་ན་ཡང་། །བུད་མེད་རིགས་…

རྒྱ་བོད་རིག་འཛིན་གྲུབ་ཐོབ་ཐམས་ཅད་པ། །གཅིག་བསྡུས་རྡོ་རྗེ་འཆང་གི་སྐུ་རུ་བསྒོམས། །གསོལ་བ་བཏབ་ཅིང་དབང་བཞི་རྒྱུན་དུ་བླངས། །ཅི་མཛད་ཡེ་ཤེས་རོལ་པར་ཤེས་པ་དང་། །གང་གསུང་རྡོ་རྗེའི་གསུང་དུ་ངེས་པ་སྐྱེས། །རྩ་བའི་བླ་མ་དཀོན་མཆོག་ཀུན་འདུས་ཏེ། །ཐུགས་ནི་སངས་རྒྱས་གསུང་ནི་དམ་པའི་ཆོས། །སྐུ་ནི་དགེ་འདུན་ཡོན་ཏན་མཁའ་འགྲོའི་ཚ…

དག་དང་མ་དག་གཉིས་སུ་མཐོང་། །ཁོག་ན་འདོད་པ་ཆེ་ཡང་མི་འདོད་སྨྲས། །སྐྱེས་པའི་ཡུལ་དུ་སྤྱོད་ངན་རྩིས་ཆུང་བས། །ཕ་ཡུལ་སྤང་ཞེས་རྒྱུས་མེད་ཡུལ་དུ་འདུག །འདུལ་བྱ་མི་འབྱུང་དུས་སུ་མི་ལེན་ཟེར། །མཇལ་མི་མེད་པའི་དུས་སུ་སྐུ་མཚམས་བསྡམས། །དེ་ནས་དད་འདུན་འབུལ་ཞབས་བྱུང་ཙ་ན། །འདུལ་བྱ་དུས་བབ་ཡིན་ཞེས་ཆོག་ཤེས་མེད། །འགྲོ་དོན་གང་ཆེ་…

འདོད་མེད། །སྔ་ཐོག་གྲྭ་པ་གོ་ཆོད་མེད་པའི་དུས། །དུད་འགྲོ་གང་བྱུང་གང་ཁུག་རེ་དང་བརྗེས། །ཞག་འགའ་མ་ཚོང་ན་ཡང་གནོད་སྣང་ཆེ། །ཀུན་གྱིས་ཚོང་ཕམ་འདི་འདྲ་བྱེད་ཟེར་ཡང་། །ཕམ་པར་ཤེས་ཏེ་གང་ཁུག་བྱེད་པ་ནི། །དུད་འགྲོ་འཚགས་མི་འདོད་པས་ལན་པ་ཡིན། །མི་ལེན་ཀ་མེད་འགའ་རེ་མ་གཏོགས་པ། །ཞིང་ཡང་ཕུལ་མི་བྱུང་སྟེ་མ་བླངས་སོ། །ཁྲལ་ཞིང་གཏེ…

དངུལ་ཚོན་རྩི་དར་རས་དང་། །ནོར་གཡུ་ལ་སོགས་དངོས་གཙང་ཅུང་ཟད་རེ། །ཉ་ར་བྱས་ན་གནང་སྦྱིན་ལ་སོགས་པ། །མཁོ་དགོས་གཉེར་ཚང་ནང་ནས་ལེན་དཀའ་ཟེར། །འོན་ཀྱང་གང་ལ་སྲེད་པ་མེད་པའི་ཕྱིར། །ཅུང་ཟད་ཙམ་ཡང་འཚགས་པར་མ་བྱས་སོ། །འབུལ་བ་ཆེ་ཕྲ་སྣ་ཚོགས་ཅི་བྱུང་ཡང་། །དཔེ་ཆ་བྱུང་ན་མ་གཏོགས་ཐམས་ཅད་དང་། །ཆེ་ཆུང་བཟང་ངན་རྟོག་པ་མི་འཇུག་ཅིང་། …

འབུམ་ཕྲག་རི་བའི་གོས་ཀྱང་གྱོན། །མ་རྙེད་ཚོལ་ཕྱིར་སྡིག་པ་བསགས་པ་དང་། །དགེ་སྦྱོར་ཆག་པར་མི་བྱ་གང་རྙེད་ཀྱི། །ཟས་སྐོམ་ངན་ངོན་ལུས་འཚོ་ཙམ་ལ་བརྟེན། །གོས་ཀྱང་རོ་གོས་ལ་སོགས་མ་འཁྱོག་ཙམ། །དེ་བཞིན་ཤཱཀྱ་ཐུབ་པའི་ལུགས་སུ་གསུངས། །དཔེར་ན་བདག་ཀྱང་ཡོད་བཞིན་མི་ཟ་བའི། །དཀའ་ཐུབ་བཅུད་ལེན་ལ་སོགས་མ་བྱས་པར། །གང་བྱུང་བསྐྱེད་རིམ་…

དུ་གསལ་བཏབ་ཅིང་། །མ་བཅོས་སོ་མ་ལྷུག་པ་རང་བབ་ངང་། །འདི་བསྒོམ་གཏད་སོ་མེད་པར་རང་ལུགས་བཞག །དེ་ལྟར་སྒོམ་གྱི་འགོ་རྐང་བར་གསུམ་ལ། །འབྲེལ་པ་བཞག་པའི་སརྒ་བཅུ་གཅིག་པ།། །།དེ་ནས་བྱང་ཆུབ་སེམས་དཔའ་ཐམས་ཅད་ཀྱིས། །འགྲོ་དོན་སྒོ་མོ་བསྡུ་བའི་དངོས་པོ་བཞི། །མཁོ་བ་སྦྱིན་དང་སྙན་པར་སྨྲ་བ་དང་། །འཇིག་རྟེན་དོན་མཐུན་གདུལ་བྱའི་དོན་…

སེམས་། །བླ་མ་གསར་པ་མཆོད་ཆ་མི་འཛོམ་ལ། །ཐེབ་ཡོད་ན་ནི་གང་འོས་སྦྱིན་པར་སེམས། །རང་གི་སློབ་མ་ཆོས་དང་མཐུན་པ་ལ། །རི་ཁྲོད་ལ་སོགས་ཡུལ་གཞན་འགྲོ་བའི་ཚེ། །མེད་ན་མ་གཏོགས་དཔེ་ཆ་མཆོད་ཆ་སོགས། །གང་འོས་ཐབས་མི་ཆོག་ཙམ་སྦྱིན་པར་འདོད། །དབུལ་པོའི་ཕྲུ་གུ་བརྗེ་བྱེད་པ་ལ། །ཡོད་ན་སེར་ཆས་གོས་རྣམས་སྦྱིན་པར་འདོད། །གཉོམ་ཆུང་བྱ་བྲལ་…