བོ། །ཧཱུྃ། བཀྲ་ཤིས་ཚེ་ཡི་ལྷ་མོ་ཁྱེད་རྣམས་ཀྱིས། །བདག་དང་ཡོན་བདག་འཁོར་བཅས་ཀྱི། །ཚེ་ཡི་བླ་རི་མ་སྙིལ་ཅིག །ཚེ་ཡི་བླ་མཚོ་མ་སྐམ་ཞིག །ཚེ་ཡི་བླ་ཤིང་མ་སྐམ་ཞིག །ཚེ་ཡི་ཁང་པ་མ་ཡོ་ཞིག །ཚེ་ཡི་གདུང་མ་མ་ཆག་ཅིག །ཚེ་ཡི་བླ་གཡུ་མ་འབུད་ཅིག །ཚེ་དར་དཀྱིལ་ནས་མ་རལ་ཅིག །ཚེ་ཡི་དམུ་ཐག་མ་ཆད་ཅིག །ཚེ་ཡི་བརྟན་ཕུར་མ་བུད་ཅིག །ཚེ་ཡི་ད…

བྱའོ། །དེ་ལྟར་ཚེ་འགུགས་ཤིང་ཡེ་ཤེས་པ་དབབ་པས། ལུས་བྱིན་ཐིབ་ཐིབ་པ་དང་། སེམས་ལ་བདེ་གསལ་མི་རྟོག་པའི་ཉམས་བཟང་པོ་དང་དད་པ་གློ་བུར་དུ་སྐྱེ་བ་འབྱུང་བར་གསུངས་སོ། །དེ་ལྟར་ཚེ་འགུགས་ཤིང་ཡེ་ཤེས་ཕ་ཕབ་པ་དེ་མི་ཉམས་བརྟན་ཕར་བྱས་པར་སྒྲོམས་ཤིག །རྡོ་རྗེ་མེ་ཏོག་མགོར་བཞག་གོ །ཏིཥྛ་བཛྲ། ཧི༔ མཚོ་སྐྱེས་རྡོ་རྗེ་ཧེ་རུ་ཀཿ བུ་ཁྱོད་…

བསྩལ་དུ་གསོལ། །ཞེས་ལན་གསུམ་གསོལ་བ་བཏབ་ནས། ད་བུམ་པ་འདིའི་ནང་ན་གུ་རུ་མཚོ་སྐྱེས་རྡོ་རྗེའི་ལྷ་ཚོགས་བཞུགས་པའི་སྐུ་ལས་འཆི་མེད་ཚེའི་བདུད་རྩི་བབས་ནས། བུམ་ཅོལ་ནས་བདུད་རྩི་ན་ར་ར་བབས་ཏེ། ཁྱེད་རང་རྣམས་ཀྱི་སྤྱི་བོ་ཚངས་པའི་བུ་ག་ནས་ཞུགས། ལུས་ཐམས་ཅད་འཆི་མེད་ཚེའི་བདུད་རྩིས་གང་ནས་ཚེའི་རིག་འཛིན་ཐོབ་པར་སྒོམས་ཤིག་།བུམ་པ…

འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པར་གྱུར་ཅིག །ཚེ་ལ་ལྷུན་གྱིས་གྲུབ་པ་མཚོ་སྐྱེས་རྡོ་རྗེ་དང་མཉམ་པར་གྱུར་ཅིག །ཆེའི་བདག་པོ་བཅོམ་ལྡན་འདས། མགོན་པོ་ཚེ་དཔག་ཏུ་མེད་པ་དང་མཉམ་པར་གྱུར་ཅིག །ཨོཾ་ཨཱ༔ཧཱུྃ་བཛྲ་གུ་རུ་པདྨ་ཊཱ་ཀི་ནཱི་ཧ་རི་ནི་ས་ར་ཙ་ཧྲི་ཡ་ཨོཾ་ཧཱུྃ་ཧཱུྃ་ཧཱུྃཨཱཿ ཨོ་ཨ་བྷི་ཥིཉྩ་ཧཱུྃ་ཨཱ༔ ཞེས་བུམ་པ་སྤྱི་བོར་…

མངའ་བདག་སྤྱན་རས་གཟིགས་དབང་སྐུ། །མཚོ་སྐྱེས་རྡོ་རྗེ་རིག་འཛིན་ཚེ་ཡི་ལྷ། །བདེ་གཤེགས་སྤྲུལ་པའི་སྐུ་ཡི་བཀྲ་ཤིས་ཤོག །ཅེས་ནས་གཏོར། འོ་དེས་བུམ་པའི་དབང་ཐོབ། ལུས་ཀྱི་སྒོ་ནས་བསགས་པའི་སྡིག་སྒྲིབ་དག །ལམ་བསྐྱེད་རིམ་བསྒོམ་པར་དབང་། འབྲས་བུ་སྤྲུལ་པའི་སྐུ་འགྲུབ་པའི་སྐལ་པ་དང་ལྡན། སྐུ་འགྱུར་བ་མེད་པ་ཚེའི་དངོས་གྲུབ་ཐོབ་པར…

ཡི། །ཐོད་པ་བདུད་རྩིས་དབང་བསྐུར་རོ། །ཨོྃ་ཨཱ༔ཧཱུྃ་བཛྲ་པདྨ་ཊཱ་ཀི་ནཱི་ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཨ་མྲྀ་ཏ་ཨ་བྷི་ཥིཉྩ་མཱ། ཞེས་མགྲིན་པར་གཏུགས་ཤིང་བླུད་དོ། །ཧིཿ མ་ཆགས་སྐྱོན་བྲལ་པདྨ་རིགས་ཀྱི་ལྷ། །འཆི་མེད་ཚེ་དབང་མགོན་པོ་འོད་དཔག་མེད། །ཐུགས་རྗེའི་མངའ་བདག་སྤྱན་རས་གཟིགས་དབང་སྐུ། །མཚོ་སྐྱེས་རྡོ་རྗེ་རིག་འཛིན་ཚེ་…

ཕྲེང་རྩལ་སྡེ་ལྔ་ཡབ་ཡུམ་བཞུགས་པའི་ཕྱག་གཡོན་ཀ་པཱ་ལའི་ནང་ན་བདེ་གཤེགས་རིགས་ལྔ་དང་བཅས་པ་གསལ་བ་དེ་ཁྱེད་རང་རྣམས་ཀྱི་སྙིང་གར་བཞག་པས་འོད་དུ་ཞུ་ནས་དབྱེར་མེད་དུ་ཐིམ་པར་སྒོམས་ཤིག །མཚོ་སྐྱེས་རྡོ་རྗེའི་ལྷ་ཚོགས་ཀྱི། །སྐུ་གསུང་ཐུགས་ཀྱི་བྱིན་རླབས་ལས། །འཆི་བདག་གནས་སུ་འཇོམས་པ་ཡི། །མེ་ལོང་ཡིག་འབྲུས་དབང་བསྐུར་རོ། །ཨོྃ་ཨ…

དབང་བའི་རིག་འཛིན་རྣམས། །འཆི་མེད་རྡོ་རྗེའི་དབང་ཐོབ་ནས། །བཞི་པའི་དབང་མཆོག་གནང་དུ་གསོལ། །གསུམ་མམ་གཅིག །ད་ཚེ་ཡི་འབྲང་རྒྱས་འདི་ཉིད། ཕྱི་རིན་པོ་ཆེ་ཟུར་བརྒྱད་པ། ནང་འཇའ་ཚོན་སྣ་ལྔའི་གཞལ་ཡས་ཁང་གི་དབུས་སུ་སངས་རྒྱས་ཚེ་དཔག་མེད་ཡབ་ཡུམ། དེའི་ཚེ་བུམ་ནང་ན་ཕད་སྡོང་གི་རྩེར་གུ་རུ་མཚོ་སྐྱེས་རྡོ་རྗེ་ཡབ་ཡུམ་དེ་ལ་སངས་རྒྱས་…

ཤོག །འོ་དེས་བསགས་པ་ཆ་སྙོམས་ཀྱི་སྒྲིབ་པ་དག །དབང་བཞི་པ་ཐོབ། འབྲས་བུ་ངོ་བོ་ཉིད་སྐུ་འགྲུབ་པའི་སྐལ་པ་དང་ལྡན། ལྷུན་གྱིས་གྲུབ་པའི་དབང་ཐོབ་པ་ཡིན་ནོ། །ད་ཚེའི་དབང་ཡོངས་སུ་རྫོགས་པར་ཞུ་བའི་ཕྱིར་གསོལ་བ་འདེབས་པ་འདིའི་རྗེས་ཟློས་མཛོད། མཚོ་སྐྱེས་རྡོ་རྗེ་ཡབ་ཡུམ་དང་། །ཚེ་ལ་དབང་བའི་རིག་འཛིན་རྣམས། །འཆི་མེད་རྡོ་རྗེའི་དབང…

པ། བྷནྡྷའི་ཕྱི་རོལ་པད་འདབ་རྣམས་ལ་རིམ་པ་ལྟར་ཚེ་ལ་དབང་བའི་རིག་འཛིན་བཀའ་བརྒྱུད་ཀྱི་བླ་མ། སངས་རྒྱས་བྱང་སེམས་རྒྱུད་སྡེའི་ལྷ་ཚོགས་དཔའ་བོ་མཁའ་འགྲོ་ཆོས་སྐྱོང་ནོར་ལྷའི་ཚོགས་ལྷ་སྲིན་སྡེ་བརྒྱད་རིགས་དྲུག་སེམས་ཅན་དང་བཅས་པ་ཐམས་ཅད་ཡི་དམ་ལྷ་ཡི་སྐུར་གྱུར་ནས་ཚེ་ཡི་བུམ་པ་འཛིན་པར་སྒོམས། །དེ་ནས་གཏོར་མ་འདི་སྤྱི་བོར་བཞག་པ…

འཆི་མེད་རྡོ་རྗེའི་ལུས་ཐོབ་ནས། །ཉི་ཟླ་དང་མཉམ་ཚེ་འགྲུབ་ཤོག །ཆོས་སྐུ་སྣང་བ་མཐའ་ཡས་ཡབ་ཡུམ། ལོངས་སྐུ་ཐུགས་རྗེ་ཆེན་པོ་ཡབ་ཡུམ། སྤྲུལ་སྐུ་པདྨ་འབྱུང་གནས་ཡབ་ཡུམ། མཁའ་འགྲོ་ཡེ་ཤེས་མཚོ་རྒྱལ། གཏེར་སྟོན་སངས་རྒྱས་གླིང་པ། ལས་ཅན་ཆོས་བདག་ཉེར་གཅིག །སྐལ་ལྡན་རྡོ་རྗེའི་གདུང་བཞི། །བསྟན་འཛིན་པདྨ་མཆེད་དྲུག །སྐྱེས་ཆེན་ཆོས་བདག…

ནུབ་པའི་རྒྱལ་མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པར་གྱུར་ཅིག །ཚེ་ལ་ལྷུན་གྱིས་གྲུབ་པ་གུ་རུ་མཚོ་སྐྱེས་རྡོ་རྗེ་དང་མཉམ་པར་གྱུར་ཅིག །ཚེ་ཡི་བདག་པོ་བཅོམ་ལྡན་འདས་ཚེ་དཔག་ཏུ་མེད་པ་དང་མཉམ་པར་གྱུར་ཅིག །ཨོཾ་ཨཱ༔ཧཱུྃ་བཛྲ་གུ་རུ་པདྨ་ཊཱ་ཀི་ནཱི་ཚེ་ཧཱུཾ་བཛྲ་ཨཱ་ཡུ་ཤེ་ཧཱུྃ་ཨཱ༔ ཨོཾ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུ…

བསྐོར་བ་ལྟ་བུ་ཕྲིན་ལས་ཀྱི་ཚེ་དང་ལྡན་པར་གྱུར་ཅིག །ཚེ་དབང་རིན་པོ་ཆེ་ཕུན་སུམ་ཚོགས་པའི་སྐལ་པ་དང་ལྡན་པར་གྱུར་ཅིག །འགྱུར་མེད་ཚེ་འདི་བརྟན་པར་མཛོད། །འགག་མེད་ཚེ་འདི་བརྟན་པར་མཛོད། འཁྲུལ་མེད་ཚེ་འདི་བརྟན་པར་མཛོད། ཚེ་མི་ནུབ་པའི་རྒྱལ་མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པར་གྱུར་ཅིག་་་།ཚེ་ལ་ལྷུན་གྱིས་གྲུབ་…

བརྒྱན། །རིན་ཆེན་ཚེ་ཡི་རིལ་བུས་བསྐོར། །བཀྲ་ཤིས་རྫས་བརྒྱད་རྒྱལ་སྲིད་བདུན། །དར་ཟབ་སྤྱན་གཟིགས་རིན་ཆེན་རྒྱན་གྱིས་སྤྲས། །ཟས་ཕུད་སྣ་ཚོགས་རི་ལྟར་སྤུངས། ཤ །རྣལ་འབྱོར་བདག་གི་ཚེ་གཡང་བླན། །བདག་དང་ཡོན་བདག་འཁོར་བཅས་ལ།།བཙན་ཕྱུག་འཕན་དར་རྒྱས་པ་དང་། །མི་ནོར་ཟས་གསུམ་ཆར་ལྟར་འབེབས་པར་ཤོག །ཉོན་མོངས་སྡིག་སྒྲིབ་མ་ལུས་ཀུན། …

ཤིག །ཧཱུྃ། ཚེ་ཤ་ལུག་ཐང་ལག་པ་འདི། །སྟེང་འོག་ཕྱོགས་མཚམས་ཀུན་ནས་གཡབ། །སྟེང་འོག་ཕྱོགས་མཚམས་ཀུན་ཏུ་ཡང་། །བདག་དང་ཡོན་བདག་འཁོར་བཅས་ཀྱི། །ས་ཡི་ཁམས་སུ་ཚེ་ཉམས་ན། །སངས་རྒྱས་སྤྱན་མའི་བྱིན་བྱིན་རླབས་ཀྱིས། །ས་ཡི་ཁམས་སུ་བཅུད་སྡུས་ལ། །ཤ་ལྔ་བྱིན་རླབས་ཚེ་ཡི་བཅུད། །སྐལ་ལྡན་ཚེ་དང་ལྡན་པ་རྣམས་ཀྱིས་བཟའ། །སྐལ་ལྡན་ཚེ་དཔལ་རྒ…

འགྱུར་མེད་ཚེ་དཔལ་རྒྱས་པར་མཛོད། །འགག་མེད་ཚེ་དཔལ་རྒྱས་པར་མཛོད། །འཁྲུལ་མེད་ཚེ་དཔལ་རྒྱས་པར་མཛོད། །བཛྲ་ཨཱ་ཡུཛྙཱ་ན་ཨ་མྲྀ་ཏ་ཧཱུྃ་ཧྲི་ཝཱ། ཅེས་ཚེ་ཆང་བླུད། །ད་ཚེ་མདའ་རྒོད་སྒྲོ་མེ་ལོང་བླ་གཡུ་རིན་པོ་ཆེ་སྣ་ཚོགས་བཏགས་པ་འདི་ཉིད་ངོ་བོ་རྟ་མགྲིན་གྱི་སྐུར་གསལ་བས་གཡབ་པ་ཙམ་གྱིས་ལྷ་འདྲེ་མི་གསུམ་ཚེ་དང་བསོད་ནམས་ཐམས་ཅད་ཤོག་…

ཁྲོ་རྒྱལ་ཉིད་ཀྱི་ཆས། །དར་སྣ་ལྔ་སྣང་ཡེ་ཤེས་ལྔ་ཡི་དངོས། །མེ་ལོང་འོད་འབར་ཁྲོ་རྒྱལ་ཉིད་ཀྱི་མདངས། །བླ་གཡུ་བཏགས་པ་ཁྲོ་རྒྱལ་ཉིད་ཀྱི་སྲོག །དྲིལ་ཆུང་སྣང་བ་ཁྲོ་རྒྱལ་ཉིད་ཀྱི་གསུང་། །དྲང་པོར་མ་འགྱུར་ཁྲོ་རྒྱལ་ཉིད་ཀྱི་སྐུ། །ཁོང་གསེང་སྤྲོས་བྲལ་ཆོས་ཉིད་ཆོས་ཀྱི་དབྱིངས། །མི་འགྱུར་ཆོས་ཉིད་དབྱིངས་ལ་ཚེ་བརྟན་པའི། །བཀྲ་ཤི…

ཡི། །འཁོར་ལོ་འདི་ཡིས་དབང་བསྐུར་རོ། །ཨོྃ་ཨཱ༔ཧཱུྃ་བཛྲ་གུ་རུ་པདྨ་ཊཱ་ཀི་ནཱི་ཚེ་བྷཾ་བཛྲ་ཨཱ་ཡུ་ཤེ་ཧཱུྃ་ཨཱ༔ འདིར་སྔགས་རྒྱས་པ་སྦྱར་ན་ལེགས། ཙཀྲ་ཨ་བྷི་ཥིཉྩམཾ། སྔོན་ཡང་དག་པར་རྫོགས་པའི་སངས་རྒྱས་ལ་ས་ཡི་ལྷ་མོ་བརྟན་མས་མེ་ལོང་གཡའ་དག་པ་ཕུལ་བ་ལ་བརྟེན་ནས་བཀྲ་ཤིས་ཚེ་འཕེལ་ཀྱི་རྫས་སུ་བྱིན་གྱིས་བརླབས་པ་དེ་བཞིན་དུ། རྡོ་རྗེ…

མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པ་ལ་མངའ་བརྙེས་པར་གྱུར་ཅིག །དཱར་བས་ཚེ་ནི་འཕེལ་བར་བྱེད་པ་སྟེ། །རྡོ་རྗེ་སེམས་དཔའི་ཚེ་ནི་རབ་བསྒྲུབས་ནས། །ཉོན་མོངས་སྐྱེ་འཆི་རྒྱུན་གཅོད་གྱུར་པ་ཡི། །དབང་མཆོག་དེས་ཀྱང་ཚེ་ཡང་འཕེལ་བར་ཤོག །ཨ་པྲ་ཏི་ཧ་ཏ་ཨ་བྷི་ཥིཉྩ་མཱི། སྔོན་ཡང་དག་པར་རྫོགས་པའི་སངས་རྒྱས་ལ་ཁྱིམ་བདག་བདེ་བ…

བརླབས་པ་དེ་བཞིན་དུ་རྡོ་རྗེ་སློབ་དཔོན་བདག་གིས་སློབ་མ་ཁྱོད་ལ་གི་ཝཾ་གིས་དབང་བསྐུར་བ་ལ་བརྟེན་ནས། མི་ནུབ་པའི་རྒྱལ་མཚན། མི་འགྱུར་བའི་སྲོག་ཤིང་། ཚེ་ཉི་ཟླ་དང་མཉམ་པ་ལ་མངའ་བརྙེས་པ་དང་ལྡན་པར་གྱུར་ནས། བཞི་བརྒྱ་རྩ་བཞིའི་ནད་ལས་གྲོལ་བར་གྱུར་ཅིག །གི་ཝཾ་དུག་གསུམ་འཇོམས་པ་ནད་ཀྱི་སྨན། །སྨན་མཆོག་རྣམ་དག་ཆོས་ཉིད་རབ་རྟོགས་…