བཞེངས་ཤིག་དབྱིངས་ནས་བཞེངས༔ བསྐུལ་ལོ་བསྐུལ་ལོ་གནད་ནས་སྐུལ༔ རྡོ་རྗེ་གཞོན་ནུ་འཁོར་བཅས་རྣམས༔ ཞི་རྒྱས་དབང་དྲག་ལས་མཛོད་ཅིག༔ ཆད་མདོ་ནི། ཧཱུྃ་བྷྱོ༔ འཇིག་རྟེན་འདས་དང་མ་འདས་པའི༔ བཀའ་ཡི་སྲུང་མ་དམ་ཚིག་ཅན༔ སྔོན་གྱི་ཐ་ཚིག་རྗེས་དགོངས་ལ༔ གཏོར་མ་ལོངས་ཤིག་ཕྲིན་ལས་མཛོད༔ བརྟན་མ་སྐྱོང་བ་ནི། བྷྱོ༔ སྣང་ཞིང་སྲིད་པའི་འཇིག་ར…

གྱིས༔ དུས་གསུམ་ཚོགས་གཉིས་ཅི་བསགས་པ༔ བསྒྱུར་རྫོགས་ཡང་དག་ཆེན་པོར་བསྔོ༔ ངོ་བོ་གཉིས་མེད་འབྲས་ཐོབ་ཤོག༔ བཀྲ་ཤིས་ནི། ཨོཾ༔ ཆོས་སྐུ་ཀ་དག་ལྷུན་འབྱམས་བཀྲ་ཤིས་ནི༔ ཨ་ལོངས་སྐུ་རང་བྱུང་འོད་གསལ་ངང་དུ་ཤོག༔ ཧཱུྃ༔ སྤྲུལ་སྐུ་སྣ་ཚོགས་འགྲོ་འདུལ་བཀྲ་ཤིས་ནི༔ ཧཱུྃ༔ ཐབས་མཁས་ཐུགས་རྗེ་སྙིང་རྗེའི་ངང་དུ་ཤོག༔ ཅེས་བརྗོད་ལ་མེ་ཏོག་འ…

རྡོ་རྗེ་ཕུར་པའི་གསོལ་མཆོད་བར་ཆད་ཀུན་སེལ་འདོད་དོན་ལྷུན་གྲུབ་བཞུགས་སོ།། ན་མོ་ཤྲཱི་བཛྲ་ཀུ་མཱ་ར། བར་དུ་གཅོད་པ་བདུད་འདུལ་ཞིང་། །བར་ཆད་ཐམས་ཅད་བསལ་བའི་ཕྱིར། །ཕུར་པའི་གསོལ་མཆོད་དོན་བསྡུས་ནི། །གཙང་སྦྱར་བ་ལོ་རྒྱན་ལྡན་དང་། །གསེར་སྐྱེམས་མཆོད་རྫས་ཅི་འབྱོར་བཤམས། །ཕྲིན་ལས་རང་གཞུང་བརྟེན་པ་ཡི། །ཐུན་མཚམས་དག་ཏུ་འདི་ལྟ…

གསུང་ཐུགས་ཡོན་ཕྲིན་ལས་རྫོགས་ལ་བསྟོད། །རྩ་བ་ཡན་ལག་ཉམས་ཆག་འགལ་འཁྲུལ་བཤགས། །ཡེ་ནས་རང་དང་དབྱེར་མེད་སྒྲུབ་ལགས་ན། །སྐུ་གསུང་ཐུགས་ཀྱི་དངོས་གྲུབ་བསྩལ་དུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ་ས་པ་རི་ཝཱ་ར་པཉྩ་ཨ་མྲྀ་ཏ་རཀྟ་བ་ལིཾ་ཏ་སརྦ་པཱུ་ཛ་ཁཱ་ཧི། ཞེས་འབུལ། དེ་ནས་བསྟོད་ཅིང་ཕྲིན་ལས་བཅོལ་བ་ནི། ཧཱུྃ། དཔལ་ཆེན་རྡོ་རྗེ་གཞོན་…

གསུམ་བཙན་རྒོད་སྙིང་དྲུང་བཙན། །བསྲེ་ལྕགས་དུང་གི་སྐྱེས་བུ་ལ་སོགས་ཏེ། །ཕུར་པའི་སྲུང་མར་ཞལ་བཞེས་རྣམས་ལ་བསྟོད། །མ་གཡེལ་མ་འཕང་སྒྲུབ་པའི་ལས་མཛོད་ཅིག །བརྒྱན་པའི་མཆོད་གཏོར་དམ་པ་འདི་བཞེས་ལ། །ཕྲིན་ལས་རྣམ་བཞིའི་དངོས་གྲུབ་མྱུར་དུ་སྩོལ། །བདག་ཅག་དཔོན་སློབ་བསྟན་དང་རྗེས་འཇུག་རྣམས། །སྒོ་གསུམ་ལོངས་སྤྱོད་བཅས་པ་སྲུང་བ་ད…

འཇུག་གི་བུ་སློབ་སྐྱོངས་ཤིག །བསྟན་པ་དར་ཞིང་རྒྱས་པར་མཛོད་ཅིག །རྣལ་འབྱོར་པ་བདག་གི་འདོད་དོན་རེ་བ་ཐམས་ཅད་ཡིད་བཞིན་དུ་འགྲུབ་པར་མཛད་དུ་གསོལ། ཉིན་གྱི་བྱ་ར་དང་མཚན་གྱི་མེལ་ཚེ་མ་གཡེལ་ཞིག །ཅེས་ཕྲིན་ལས་བཅོལ་རོལ་མོ་འུར་བརྡུང་བྱ། དེ་ལྟར་ཕུར་སྲུང་གསོལ་ཁ་རྒྱས་པ་ཡི། །དོན་བསྡུས་རྒྱུན་ཁྱེར་ཉུས་བསྡུས་འདི་ཉིད་ནི། །པདྨ་བས…

ཕུར་སྲུང་གི་གསོལ་མཆོད་ནི། ཕུར་སྲུང་དམ་ཅན་བཅུ་གཉིས་ལ་གཏོར་མ་འབུལ་བར་འདོད་ན། བསང་སྦྱང་། ཡེ་ཤེས་ཀྱི་བདུད་རྩིར་བྱིན་གྱིས་བརླབས་ལ། རང་ཉིད་དཔལ་ཆེན་པོར་གསལ་བའི་ཐུགས་ཀའི་ཧཱུྃ་ཡིག་ལས་བྱུང་བའི་འོད་ཟེར་གྱིས་ཕུར་སྲུང་དམ་ཅན་འཁོར་དང་བཅས་པ་སོ་སོའི་གནས་ནས་སྤྱན་དྲངས་པར་བསམས་ལ། རྐང་གླིང་དང་དང་བཤུགས་པས་དྲངས་པའི་རོལ་མོ…

ཕུལ་ལ། ཕུར་སྲུང་དམ་ཅན་བཅུ་གཉིས་འཁོར་དང་བཅས་པ་རྣམས་ཀྱིས་མཆོད་པ་དམ་པ་འདི་བཞེས་ལ་སོགས་ཀྱིས་ཕྲིན་ལས་བཅོལ། བསྟོད་པ་ནི། ཧཱུྃ། དཔལ་ཆེན་ཁྲག་འཐུང་ཀཱི་ལ་ཡའི། །བཀའ་ཉན་སྲུང་མ་དམ་ཚིག་ཅན། །ཤྭ་ན་བདག་ཉིད་ས་བདག་མ། །གིང་ཆེན་མ་སྲིང་ཕོ་ཉར་བཅས། །རྔམས་བརྗིད་དུར་ཁྲོད་རྒྱན་ཆ་ཅན། །ཐོགས་མེད་དྲག་རྩལ་ཕྲིན་ལས་བདག །གྲངས་མེད་འཁོར…

ཧཱུྃ༔ སྔོན་གྱི་བསྐལ་པའི་དང་པོ་ལ༔ དུས་གསུམ་བདེ་གཤེགས་དབྱིངས་སྤྲུལ་ལྟར༔ དེང་གི་གནས་མཆོག་དམ་པ་འདིར༔ བྱིན་རླབས་དངོས་གྲུབ་ཆར་ལྟར་ཕོབ༔ མ་གཡེལ་མ་འཕངས་རིག་འཛིན་ཚོགས༔ མ་གཡེལ་མ་གཡེལ་ཕྲིན་ལས་ཚོགས༔ མ་གཡེལ་མ་གཡེལ་མ་མོའི་ཚོགས༔ མ་གཡེལ་མ་གཡེལ་མཁའ་འགྲོའི་ཚོགས༔ མ་གཡེལ་མ་གཡེལ་གིང་གི་ཚོགས༔ རྡོ་རྗེ་གདན་གྱི་ནུབ་བྱང་མཚམས༔…

ཚལ༔ སློབ་དཔོན་པདྨ་ཐོད་ཕྲེང་རྩལ༔ མཁའ་འགྲོའི་མིང་ནི་ཞི་བ་འཚོ༔ མ་མོ་གསེར་གྱི་རྣ་ཆ་ཅན༔ ཕྱག་ན་མི་རྐང་གླིང་བུ་བསྣམས༔ སྒྲ་བསྒྱུར་མང་པོ་དི་རི་རི༔ རྣལ་འབྱོར་ཕོ་མོ་དམ་རེ་གཙང་༔ མཁའ་འགྲོའི་ཚོགས་རྣམས་དང་རེ་སྤྲོ༔ དུར་ཁྲོད་གནས་མཆོག་ཉམས་རེ་དགའ༔ ཞིང་ཆེན་བླ་རེ་རྒྱན་དང་ལྡན༔ གསུར་ཆེན་དུད་པ་དྲི་རེ་ཞིམ༔ བམ་ཆེན་ཁོག་སྟོད་བ…

བགེགས་འདུལ་ཞིང་གཤེགས་སུ་གསོལ༔ སྲིད་པའི་ཕུར་བུ་བདག་སྒྲུབ་ཀྱིས༔ སྲིད་པའི་ཕུར་བུར་བྱིན་ཕོབ་ཅིག༔ རྒྱ་མཚོ་གླིང་གི་མཁའ་འགྲོ་བཞི༔ བལ་མོ་གར་བྱེད་ཁྱུགས་སེ་ཁྱུག༔ སིལ་སྙན་མང་པོ་སི་ལི་ལི༔ རྒྱན་ཆ་མང་པོ་པུ་རུ་རུ༔ སྲིད་པའི་ཕུར་བུར་བྱིན་ཕོབ་ཅིག༔ ཡུལ་གྱི་མིང་ནི་རྒྱ་གར་ཡུལ༔ གྲོང་ཁྱེར་མིང་ནི་ཡངས་པ་ཅན༔ དུར་ཁྲོད་མིང་ནི་…

གཤེགས་སུ་གསོལ༔ བདུད་དང་མུ་སྟེགས་ཚར་གཅོད་པའི༔ འཕགས་པ་སེང་གེ་སྒྲ་སྒྲོག་བྱོན༔ མ་ཆགས་སྐྱོན་གྱིས་མ་གོས་པའི༔ པདྨ་འབྱུང་གནས་གཤེགས་སུ་གསོལ༔ བོད་ཡུལ་དབུས་སུ་བྱོན་པའི་ཚེ༔ གསང་མཚན་རྡོ་རྗེ་གྲོ་བོ་ལོད༔ བྱིན་གྱིས་བརླབ་ཕྱིར་གཤེགས་སུ་གསོལ༔ སྔོན་གྱི་ཐུགས་དམ་བརྩེར་དགོངས་ལ༔ སྲིད་པའི་ཕུར་བུ་བདག་སྒྲུབ་ཀྱིས༔ གནས་མཆོག་འདི…

བྱིན་འབེབས་ནི། བླ་མ་རིག་འཛིན་ལྷ་དང་མཁའ་འགྲོ་དམ་ཅན་ཐམས་ཅད་ནམ་མཁར་སྔོན་གྱི་ཐུགས་དམ་དབང་གིས་སྤྲིན་བཞིན་འཐིབ་ནས། དཀྱིལ་འཁོར་གནས་དང་རྣལ་འབྱོར་པ་རྣམས་ལ་བྱིན་ཆེན་འབེབས་ཤིང་ཐུགས་བརྩེ་བ་ཆེན་པོས་དགོངས་པར་གྱུར་པར་མོས་ལ། བཛྲ་ས་མ་ཡ་ཧོཿ ས་མ་ཡ་སཾ༔ ཧཱུྃ༔ དབུས་ཕྱོགས་འོག་མིན་ཆོས་དབྱིངས་ནས༔ བཅོམ་ལྡན་རྡོ་རྗེ་གཞོན་ནུ་དང…

དཀྱིལ་འཁོར་འདི་ལ་བྱིན་ཆེན་ཕོབ༔ དུར་ཁྲོད་གང་དང་དབེན་གནས་ནས༔ གིང་ཆེན་བཅོ་བརྒྱད་ལང་ཀའི་ཚོགས༔ དབང་ཕྱུག་བརྟན་མའི་ཚོགས་བཅས་ཀྱིས༔ དཀྱིལ་འཁོར་འདི་ལ་བྱིན་ཕོབ་ཅིག༔ སྒྲུབ་མཆོག་རྣམས་ལ་དབང་ཆེན་བསྐུར༔ རྟགས་དང་མཚན་མ་བཟང་པོ་སྟོན༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་བཛྲ་ཀཱི་ལི་ཀཱི་ལ་ཡ་བཛྲ་ས་མ་ཡ་ཨཱཿ་བེ་ཤ་ཡ་ཨཱཿ་བེ་ཤ་ཡ…

ཕུར་པ་ཡང་གསང་བླ་མེད་དོན་གྱི་སྙིང་པོའི་ལས་བྱང་ཕྲིན་ལས་ཀྱི་སྤུ་གྲི་ཞེས་བྱ་བའི་རྒྱུན་ཁྱེར་ཉམས་སུ་ལེན་ཚུལ་ཟིན་བྲིས་བསྡུས་པ་གཅིག་བཞུགས་སོ། །

ན་མོ་ཤྲཱི་ཀུ་མཱ་ར་ཡེ། དུས་གསུམ་རྒྱལ་བ་ཀུན་གྱི་ཕྲིན་ལས་ནི། །གཅིག་ཏུ་བསྡུས་པ་བདུད་འདུལ་ཕུར་པའི་ལྷ། །བར་ཆད་ཀུན་སེལ་དེ་ལ་ཕྱག་འཚལ་ནས། །ལས་བྱང་རྒྱུན་ཁྱེར་ཉམས་སུ་ལེན་ཚུལ་བརྗོད། །ཕུར་སྲུང་རྣམས་ཀྱིས་བཀའ་ཡི་གནང་བ་སྩོལ། །འདི་ལ་དང་པོ་ཡིད་ཆེས་ཕྱིར་ལོ་རྒྱུས་བཤད་པ། སྤྲོ་བ་འཕེལ་ཕྱིར་ཕན་ཡོན་བཤད། སྟ་གོན་དངོས་གཞི་རྗེས…

རྒྱུས་མེད་དོ། །སངས་རྒྱས་ཐམས་ཅད་སྤྲུལ་གཞིའི་བདགཔོ་ཡིན་གསུངས་ཏེ། ཕུར་པ་བྷི་ཏོའི་རྒྱུད་ལས། བདེ་བར་གཤེགས་པ་གར་གྱི་བདག །འདོད་དགུར་གྱུར་པས་གང་ཡང་བདེ། །གར་གྱི་དབང་ཕྱུག་ཆེན་པོ་ལ། །མཁས་པས་ཕྱོགས་རིས་མི་རྟོགས་སོ། །ཞེས་གསུངས་སོ། །ཁྱད་པར་དུ་ཕྱི་ཞི་བའི་དུས་རྡོ་རྗེ་སེམས་དཔའ། བྱ་རྒྱུད་དུས་རྡོ་རྗེ་རྣམ་འཇོམས། །བྱང་ཆུ…

དུར་ཁྲོད་ན། སྟོན་པ་ཕུན་སུམ་ཚོགས་པ་བཅོམ་ལྡན་འདས་ཕྲིན་ལས་ཀྱི་བདག་པོ་རྡོ་རྗེ་གཞོན་ནུ་ཕྲིན་ལས་རོལ་པའི་ཏིང་ངེ་འཛིན་ལ་བཞུགས་པའི་ཚེ། འཁོར་ཕུན་སུམ་ཚོགས་པ་རིགས་ལྔའི་སངས་རྒྱས་ཁྲོ་བོ་ཁྲོ་མོའི་ཚོགས་དཔག་ཏུ་མེད་པ་དང་ཐབས་ཅིག་ཏུ་བཞུགས་པ་ན། བྱང་ཆུབ་སེམས་དཔའ་ཕྱག་ན་རྡོ་རྗེ་ལ་སོགས་པས་ཞུས་པའི་ངོར། དུས་ཕུན་སུམ་ཚོགས་པ་ཐོག…

རོལ་པའི་རྒྱུད་ཕྲིན་ལས་ཀྱི་སློབ་དཔོན་པྲ་ཆེན་ཧསྟིའི་ཕྱག་ཏུ་བབ་པས། ཕྲིན་ལས་ཀྱི་སློབ་དཔོན་པྲ་ཆེན་ཧསྟི་ཞེས་གྲགས་སོ། །དེ་ལྟར་རིག་འཛིན་བརྒྱད་ཀ་ལ་བཀའ་བརྒྱུད་སོ་སོའི་དབང་ལུང་སློབ་དཔོན་ཆེན་པོ་པདྨ་འབྱུང་གནས་ཀྱིས་གསན་མོད་ཀྱིས། སླར་ཡང་ཨོ་རྒྱན་ཆེན་པོ་དུར་ཁྲོད་བསིལ་བའི་ཚལ་དུ་དགོངས་པ་ལ་བཞུགས་པའི་ཚེ་ན། དུག་ཤིང་གི་སྡ…

ཅེས་ལུང་བསྟན་པས། དེར་བྱོན་པས་དུར་ཁྲོད་ཀྱི་གཞལ་ཡས་ཁང་གྲུ་གསུམ་མཐིང་ནག་འབར་བའི་གདན་ལ། མཁའ་འགྲོ་མ་ཞལ་གཅིག་ཕྱག་གཉིས་ཁཊ་དང་ཐོད་ཁྲག་བསྣམས་པ་དབུ་སྐྲ་ཁམ་ནག་གྱེན་དུ་བརྫེས་པ། ཞལ་གྲུ་གསུམ་ཧོམ་ཁུང་གདངས་བ་འདྲ་བ། ཞབས་གཉིས་བརྐྱང་བསྐུམས་སུ་བཞུགས་པ། སྟག་ཤམ་དང་གཡང་གཞི་དང་ཐོད་ཕྲེང་དང་རྒྱན་དྲུག་གིས་སྤྱས་ནས། འཁོར་མཁའ་འག…