གདའོ། །འདས་ཁ་དྲིས་པས། ཡང་གཏོར་མ་ཚར་གྲངས་ཁྲི་ཚོ་དྲུག་དང་སྟོང་ཚོ་བདུན། ཛམ་དམར་དང་རྣམ་སྲས་ཆུ་སྦྱིན་ཁྲི་ཚོ་དོན་དྲུག །རྣམ་སྲས་མདུང་དམར་ཅན་འབུམ་ཕྲག་གཅིག་དང་དྲུག་ཁྲི། ཚེ་སྒྲུབ་གསང་འདུས་བཞི་འབུམ་དགུ་ཁྲི། བཟློག་པའི་རིགས་ཐམས་ཅད་ཀྱི་སྔགས་ལ་སུམ་ཁྲི། རྒྱལ་བ་རྒྱ་མཚོ་ལྷ་ལྔའི་སྔགས་རིང་ཐུང་བསྲེ་མ་ལ་དུང་གཅིག་ལ་བྱེ་བ་…

གྱིས་འཁྱོངས་མཁན་མེད་པ་འཁྱོངས། །རང་ལོ་བཞི་བཅུ་ཞེ་གཉིས་ནས་བཟུང་སྟེ། །ལོ་གྲངས་བཅུ་གསུམ་མཚམས་ཀྱི་དམ་བཅའ་མཛད། །དེ་སྔོན་ཟླ་གསུམ་རྒྱལ་བ་རྒྱ་མཚོ་ཡི། །ལྷ་དགུ་བསྙེན་པ་ཟླ་གསུམ་བྱས་སྐབས་སུ། །རིན་རྒྱལ་འདས་ལ་ཉེ་བས་མཚམས་གྲོལ་ནས། །དཀྱིལ་འཁོར་དེ་ཉིད་སྟེང་ནས་དབང་བསྐུར་བས། །ལྷ་དགུ་བར་ཆད་དབང་དུ་ཤོར་གསུངས་ནས། །དེ་ཕྱིས་ལ…

ལ་རྒྱས་པ་དང་། །ལོ་རེ་བཞིན་དུ་ཕྱག་བཞི་པ་དང་ནི། །དམ་ཅན་མདོས་ཀྱང་ཆག་མེད་བཅའ་བ་དང་། །མར་ངོ་རེ་ལ་གཏོར་ཟློག་རེ་རེ་མཛད། །ལོ་ཤས་གཅིག་ལ་འཁྲུལ་འཁོར་མ་ཆག་དང་། །དུས་རྣམས་ཀུན་ཏུ་ཉམས་ལེན་ཕྱག་ཆེན་དང་། །ཐོད་རྒལ་རྣམས་ལ་ཐུགས་དམ་གཡེལ་བ་མེད། །རྒྱུན་དུ་བདེ་སྨོན་མ་ཆག་གཡར་དམ་བཅས། །དགེ་བ་གང་སྒྲུབ་རྣམས་ཀྱི་མཇུག་ཉིད་དུ། །བདེ…

དྲོ་བྱིན་ཆགས་དད་པ་དག་སྣང་ཆེ། །ངེས་འབྱུང་སྐྱེ་དང་དད་གུས་དབང་མེད་ཀྱིས། །ཨོ་རྒྱན་དྲན་པས་མཆི་མ་འཁྲུགས་པ་བྱུང་། །ཁྱད་པར་གུ་དྲག་སྒྲུབ་པ་ཡུན་རིང་སྐབས། །རྔ་དང་རྔ་ལྕག་མེད་འབར་ཚྭ་ཚྭ་འཕྲོ། །ཕྲེང་བར་མེ་སྟག་ཚྭ་ཚྭ་ཡང་ཡང་འཕྲོ། །དཀྱིལ་འཁོར་ནང་དུ་དགུན་སྒང་ཆང་ཕུད་ལ། །རླངས་པ་གནམ་ལ་ཐུག་པར་འཕྱུར་བ་དང་། །ཉམས་དང་རྨི་ལམ་མ་…

ཆོ་འཕྲུལ་ཡིན་ནམ་བསམ་པའི་ཚེ། །ཕྱིར་ནུབ་ཐོ་རངས་སྔར་ནུབ་འདྲ་བ་ཡིས། །སྨན་ལྷ་དངོས་ལྟར་ཤིན་ཏུ་གསལ་བ་ལ། །ཆོས་གོས་དར་ལིང་དམར་པོ་ཡིན་པ་གཅིག །དངོས་སུ་ཡུན་རིང་མཇལ་བ་དེ་ཕྱིས་ནས། །སྨན་དང་སྨན་ཡིག་སྨན་ཁུག་ལ་ཡང་བརྩོན། །མཚམས་ལ་བཞུགས་རྗེས་ཚེས་བརྒྱད་དུས་མཆོད་ལ། །སྨན་ལྷའི་ཆོ་ག་མ་ཆག་བྱེད་པ་ལ། །མར་མེ་བརྒྱ་དང་ལྷ་བཤོས་སྤོས…

མཆོད་སྦྱིན་བྱས། །དེ་ནས་ལྤགས་པ་ཐང་ཁུགས་ལྟར་བསྡུས་ནས། །ཆོས་དབང་ཀུན་བཟང་ཉིད་ཀྱི་ལུས་སུ་གྱུར། །ལུས་སྦྱིན་དེ་ལྟར་གྱིས་གསུངས་མ་གཅིག་ནི། །འཁོར་བཅས་མི་སྣང་འཇའ་ལྟར་ཡལ་བ་ཡིས། །རྨི་ལམ་གསལ་པོ་མདའ་རིས་རག་མོར་བྱུང་། །དེ་ཕྱིན་ལུས་སྦྱིན་རང་དང་གཞན་ལའང་བྱས། །ལུས་སྦྱིན་འགྲིགས་ཆོག་དཔེ་ཡང་བརྩོམས་པར་མཛད། །དབུས་ནས་ཕྱིན་ནས…

ཐང་སྐུའང་བྲིས། །གདུང་རྟེན་ལའང་སྒྲོལ་དཀར་བཞེངས་པ་འགྲུབ། །དུར་ཁྲོད་བདག་པོ་ཞག་བདུན་སྒྲུབ་པའི་ཚེ། །ཉམས་དང་རྨི་ལམ་འདྲེས་པའི་སྣང་བ་ལ། །ཀི་སྒྲ་བཤིར་སྒྲ་གཅར་མོ་བྱུང་ཙམ་ན། །མཚམས་ཁང་སྟེང་དུ་དུར་ཁྲོད་བདག་པོ་ནི། །ཡབ་ཡུམ་ཀེང་རུས་ལུས་ཅན་མངོན་རྟོགས་ལྟར། །བོང་རིང་སྤྲིན་ལ་ཐུག་གདའ་བསམ་པ་གཉིས། །ཞལ་ནས་བཤུད་པ་དྲག་པོ་བྱེ…

མ་ཐུག་ཙམ་རེ་རྟ་ཡི་འོག །དཔེར་ན་མེ་ཞགས་བརྒྱབ་པ་ལྟ་བུ་བྱུང་། །རྟས་ཀྱང་ཚོར་བས་རེ་ཞིག་འགྲོགས་ཤོམ་བྱས། །དེ་ནས་མེ་དེ་ཡར་ནས་སོང་བ་དང་། །ས་ལ་བསྣམ་ཞིང་རྐང་ལག་ཡང་ཡང་བརྡབ། །དེ་དུས་ཆོས་དབང་ཀུན་བཟང་མཚམས་ལ་ཡོད། །རྟ་ནི་གཅིག་པུ་དེ་ལས་མེད་པའི་ཕྱིར། །རྐུན་དོགས་ཆེ་ཕྱིར་རྟ་དེ་ཤོར་དོགས་ནས། །དེ་ནུབ་ཁོང་གི་དུར་ཁྲོད་བདག་པོ་…

བརྒྱན། །ཁོང་ལ་ལྟ་ཞིང་འཛུམ་ནས་དགའ་དགའ་བྱས། །ང་ཡི་གཏོར་མ་འདི་ལྟར་བཅས་ན་ནི། །ང་དགའ་བཀྲ་ཤིས་བདེ་ལེགས་འབྱུང་གསུངས་ནས། །འབྲས་དཀར་ཟན་ལ་གཏོར་མ་བཅས་ནས་བསྟན། །འོག་ཏུ་ཟླུམ་པོ་ཟོ་ཞབས་འདྲ་བའི་སྟེང་། །ཀོང་བུའི་གཟུགས་འདྲ་པདྨ་འདབ་བཞིའི་བྱས། །དེ་སྟེང་ལྕོག་རྡོག་འདྲ་བའི་ཟླུམ་པོ་བཞག །དེ་ཡི་རྩེ་དང་ལྟོ་བར་མེ་ཏོག་བརྒྱན། །…

སྒྲུབ་རྟེན་ཡིན་ངེས་པའི། །རཱ་ཧུ་ལ་ཡི་གསེར་ཐང་འཇིགས་པ་དེ། །ཆོས་དབང་ཀུན་བཟང་ཉིད་ཀྱི་ཞབས་སུ་བཏིང་། །ཡི་དམ་དྲག་པོའི་ང་རྒྱལ་བརྟན་པོ་ཡིས། །ཞལ་ཐང་དེ་སྟེང་ཨོང་རྡེབ་འགའ་མཛད་པས། །དེ་མ་ཐག་ཏུ་བསྙུངས་གཞི་རབ་གཅིག་ཕན། །དེ་ནས་རུབ་རྒྱུ་ཉི་མ་མདུང་གང་ལ། །ཆག་མེད་མཛད་ཅིང་ཕྱག་རྡོར་ཅུང་ཟད་བསྙེན། །དེ་སྐོར་གྲོང་ཆོག་གཅིག་ལ་བྱ…

མདའ་བ་རྣམས་སེར་བས་གནོད་པོ་བྱུང་། །རྐུན་མ་འགྲོ་ས་མ་རྙེད་ཞག་གཉིས་ལུས། །རྟ་གཉིས་སྒྱུར་བས་ར་མདའ་ལོན་ནས་སྣང་། །ས་སྨད་རྒྱ་འགྲོགས་ཕྱོགས་སུ་ཕེབས་པའི་དུས། །དུད་ཚང་རིམ་གྲོལ་གཟའ་ཡི་མདོས་བཅས་ཚེ། །ནོར་རྣམས་ཕྱིར་ལ་བསྡུས་ནས་ཤོག་ཅིག་གསུངས། །དེ་ནས་གཟའ་མདོས་ཡར་ལ་ཕུལ་ཙམ་གྱིས། །མདོས་སྣ་གཏད་པའི་བྲག་དེ་ཉིལ་ནས་ཀྱང་། །ངོམ་…

རང་བཞིན་ཤུགས་ལ་འཁོར་བར་གྱུར་པ་དང་། །འདས་དུས་ལའང་གྲིབ་གཞི་ཞད་མ་བྱུང་། །ཐུགས་དམ་ལ་ནི་གྲིབ་གཞི་བསྐྱར་དོགས་པས། །སྲུང་འཁོར་བཏགས་དང་དམིགས་པ་ལ་སོགས་པ། །ཨེ་དགོས་བླ་མོ་དོན་གྲུབ་ཀྱིས་གསུངས་ནས། །ཁས་ལེན་བྱུང་གདའ་ཨུ་དོགས་བསམས་ནས་བསྒྱུར། །ཚད་ཕུ་འདྲ་བས་གྲིབ་གཞི་མ་བསྐྱར་རོ། །རཱ་ཧུ་ལ་ཡིས་གནོད་པ་མི་བྱེད་ཅིང་། །བསྟན་པ…

འབྱོན་ནས་རཱ་ག་ཨ་སྱས་མཛད་པ་ཡི། །རྟ་གཟུངས་ཆོ་ག་ཚར་མང་བསགས་པ་དེས། །རྟ་གོད་ཆོད་ཅིང་དྲེལ་ཕྲུག་རྟེའུ་མང་སོས། །དེ་ནས་དཔེ་དེ་སྔགས་པ་གཅིག་ལ་ནི། །དཔེ་ནི་གཅོད་རྒྱུ་གཡར་བས་རྟ་གོད་ལངས། །དེ་ཕྱིར་དཔེ་འདི་མི་སྤེལ་བཀའ་རྒྱ་མཛད། །དེ་ཉིད་གཏོར་བསྔོས་ཐུགས་དམ་འགའ་མཛད་པའི། །ཉིན་གཅིག་ཉི་ཤར་ཉི་མའི་དཀྱིལ་འཁོར་ལ། །རེ་མནྟ་ཡིས་ཆ…

མ་ཐུས་ཏེ། །ཕྱིར་ལོ་ཕེབས་དུས་ཉམས་དང་རྨི་ལམ་མཚམས། །བཀག་ནགས་གྲིབ་ནས་རི་དང་མཉམ་པ་ཡི། །ནག་པོ་ཆེན་པོ་གཟུགས་དངོས་མི་གསལ་བ། །གཅིག་གིས་ཁོང་ལ་ཕྱག་ནི་འཚལ་བྱུང་བ། །བཀག་ནགས་བཀག་རོགས་བྱས་པས་དགའ་བ་དང་། །དེ་ཡང་མེ་དབལ་སྤྲུལ་པའི་རྟགས་སུ་ངེས། །དམ་ཅན་བསྙེན་སྒྲུབ་སོགས་ནི་མ་མཛད་དེ། །གསོལ་ཀ་ལ་ནི་བརྩོན་པར་མཛད་སྐབས་སུ། །ནུབ…

ཏེ་བསྟོད་པའོ། །བསྟོད་པ་འདིར་ཡང་ཕྱིར་ནངས་མ་བརྗེད་པས། །མཚར་འདོད་ཡི་གེར་བྲིས་ནས་བཞག་འདུག་གོ །སྐབས་ཤིག་ཆབ་མདོར་བྱུང་དུས་ཐོ་རངས་ཤིག །གཉིད་པ་མ་ཡིན་ཉམས་ཀྱི་སྣང་བ་ལ། །མགོན་ཁང་རྩེ་ནས་འཇིགས་བྱེད་མ་ཧེའི་ཞལ། །སྐུ་མདོག་སེར་མོ་ཞལ་གཅིག་ཕྱག་གཉིས་པ། །སྐུ་ལུས་མགོན་ཁང་ཉིད་དང་མཉམ་པར་མཐོང་། །དེ་མཐོང་དེ་ཕྱིར་ལེགས་ཤིང་དགེ…

དགེ་བསྙེན་འདིས་ཀྱང་སྡོང་གྲོགས་བྱེད་དམ་སྙམ། །འདི་ལ་ལེགས་པར་དཔྱད་ན་རྟེན་འབྲེལ་ཆེ། །དེ་བས་རྗེས་མ་སྐུ་མཚམས་བསྡམས་བྱས་ནས། །གནམ་ལྕགས་རྡོ་རྗེ་ལོ་གཅིག་བསྙེན་པ་ལ། །བྱེ་བ་བཅོ་ལྔ་ཙམ་ནི་སོང་བ་འདྲ། །དེ་ཚེ་རྨི་ལམ་བུམ་པ་ཆེན་པོ་གཅིག །འདུག་པའི་ནང་ན་ཚེ་དཔག་བཞུགས་པ་མཇལ། །རང་ལུས་རྩ་གསུམ་འཁོར་ལོ་བཞི་པོ་རྣམས། །མེ་ལོང་གཟུ…

རྣམ་རྟོག་ཆེན་པོ་མཛད་དོ་སྐད། །བདུད་འདུལ་རྡོ་རྗེར་ལི་མ་འབུལ་རྒྱུ་བསྐུར། །ཕྱག་ཏུ་ཐེང་ནུབ་རྨི་ལམ་ནམ་མཁའ་ནས། །ཨོ་རྒྱན་ཆེན་པོ་ཞི་མ་ཁྲོ་ཡི་སྐུ། །ཤིན་ཏུ་ཟིལ་ཆེ་གཟི་བརྗིད་འབར་བ་མཇལ། །དེ་ལྟར་ཨོ་རྒྱན་མཇལ་བ་ལན་གཉིས་ཡིན། །ཟུར་མང་སྙན་བརྒྱུད་བདེ་མཆོག་བསྙེན་པའི་ཚེ། །ཆོས་དབྱིངས་རྡོ་རྗེ་མངོན་སུམ་ལྟ་བུར་མཇལ། །ལྟ་ན་སྡུ…

ནག་མོས་སྟེང་ནས་མནན་བྱུང་བར། །དུམ་རྒྱུ་ཡུ་མེད་ཁ་མཆུ་མི་བྱེད་རེ། །སྨྲས་ཤིང་མནའ་བསྐྱར་ཡར་ལ་ལོང་བསམ་ཛ། །བུད་མེད་འཕུར་ནས་མཐོང་ཁ་ནང་ནས་སོང་། །གཅེར་བུ་མགོ་ལ་ཐོར་ཅོག་ཅན་གཅིག་གདའ། །དེ་ཉིད་ལྷ་འདྲེ་གང་ཡིན་མ་འབྱེད་ཀྱང་། །དེ་སྔོན་རྫོགས་ཆེན་ཐོབ་ཀྱང་ཉམས་ལེན་མེད། །དེ་ནས་བཟུང་སྟེ་རྫོགས་ཆེན་ཉམས་ལེན་འདོད། །འོད་དང་ཐིག་…

བལྟས་པ་ན། །ཐིག་ལེ་བཅོ་ལྔའི་ཟླ་ལྟར་དཀར་བ་དང་། །མཐིང་ག་ལ་སོགས་དུས་རྣམས་ཀུན་ཏུ་མཐོང་། །ཐིག་ལེའི་ནང་དུ་ཀུན་ཏུ་བཟང་པོ་དང་། །རིགས་ལྔའི་སངས་རྒྱས་ཞི་ཁྲོའི་ལྷ་རྣམས་ནི། །དང་པོ་ཞལ་སྤྱན་མི་གསལ་ཁ་དོག་གསལ། །ཕྱིས་ནས་སྤྱན་ཞལ་རྒྱན་དང་ཆ་ལུགས་རྫོགས། །གྲངས་མེད་དཔག་ཏུ་མེད་པ་དངོས་སུ་མཇལ། །དེ་ཕྱིས་རྫོགས་ཆེན་ཟབ་པའི་ངེས་ཤེས…

ཡི་དྭགས་ཆུ་སྦྱིན་ཐེབས་ཙེར་ཆུ་བླུགས་པས། །དོར་བར་མ་བྱས་ཟག་པ་མེད་པ་ལ། །ཆུ་དེ་མི་སྣང་ཐེབས་རྩེ་སྐམ་པོ་རེད། །ཡི་དྭགས་ཀྱིས་ནི་དངོས་སུ་འཐུང་བ་ནི། །ལན་གྲངས་འགའ་རེ་བྱུང་བ་མཚར་རོ་གསུངས། །མགོན་པོས་མདོས་ཆེན་བཅའ་དུས་ལ་སོགས་པ། །དགུན་ལ་ནང་མཆོད་བདུད་རྩི་ཁོལ་བ་དང་། །འཕྱུར་ཞིང་གཞི་ཐོག་མང་དུ་འབོ་བ་ནི། །ལན་གྲངས་གཉིས་གསུ…