ཆོས། རྒྱུད་སྡེ་འབུམ་ཕྲག་དྲུག་ཅུ་རྩ་བཞི་གསུངས་པས། རྒྱུད་སྡེ་དེ་ལ་བརྟེན་ནས་སྔོན་གྱི་སངས་རྒྱས་ཐམས་ཅད་སངས་རྒྱས་པ་ཡིན་ནོ། །རྫོགས་པ་ཆེན་པོའི་རྒྱུད་འབུམ་ཕྲག་དྲུག་ཅུ་རྩ་བཞིའི་སྙིང་པོ་བསྡུས་པ་ནི། ཞི་ཁྲོ་དགོངས་པ་རང་གྲོལ་འདི་ཡིན་ནོ། །ཁྱད་པར་ཞི་ཁྲོ་ན་རཀ་དོང་སྤྲུག་གི་བསྐང་ཆོག་འདིའི་ལོ་རྒྱུས་ནི། སྔོན་འཇིག་རྟེན་གྱ…

མཁས་པར་གྱུར་པ་དང་རྒྱལ་པོས་བུས་བསམ་པ། སློབ་དཔོན་འདི་མེད་ན་རང་བས་མཁས་པ་གཞན་མེད་པ་གཅིག་འོང་བསམས་ནས། སློབ་དཔོན་དེ་བསད་ཐབས་ངན་པ་སྣ་ཚོགས་ཀྱིས་དངན་གསོད་བྱས་ནས། རྒྱལ་པོས་བུ་དེ་ཤི་མ་ཐག་ཏུ་མནར་མེད་པའི་དམྱལ་བར་ལྟུང་སྟེ། འགྲོ་བ་རིགས་དྲུག་གི་སྡུག་བསྔལ་དུས་གཅིག་མྱོང་བར་གྱུར་ཏོ། །དེར་བྱང་ཆུབ་སེམས་དཔའ་ཕྱག་ན་རྡོ་རྗེ…

ལ་དགོངས་པ་གཏད་ཙམ་གྱིས་ཆོག་པས། རྒྱལ་བ་དགོངས་པ་བརྒྱུད་པ་ཟེར། དེས་རྒྱ་གར་གྱི་རིག་འཛིན་དགའ་རབ་རྡོ་རྗེ། དེས་རྒྱ་ནག་གི་པན་ཊི་ཏ་ཤྲཱི་སེང་ཧ། དེས་ཨོ་རྒྱན་གྱི་སློབ་དཔོན་པདྨ་འབྱུང་གནས་ལ་གནང་སྟེ། དེ་གསུམ་གཅིག་གིས་གཅིག་ལ་བརྡ་སྟོན་པ་ཙམ་གྱིས་ཆོག་པས། རིག་འཛིན་བརྡ་ཡི་བརྒྱུད་པ་ཟེར། དེ་ནས་ཨོ་རྒྱན་རིན་པོ་ཆེའི་མཁའ་འགྲོ་…

གཏོགས་ཐར་ཐབས་མེད་ཟེར། དེར་ཡེ་ཤེས་མཚོ་རྒྱལ་གྱིས་ཞི་ཁྲོའི་ཆོ་ག་ཚར་གཅིག་མཛད་པས། ལྕགས་སྲེག་གི་ཁང་པ་རང་ཞིག་སོང་ནས། བློན་པོ་ལ་སོགས་པའི་འབུམ་ཚོ་ལྔ་དྲངས་སོ། །དེ་ནས་ཞི་ཁྲོའི་དཔང་ཀོང་ལ་སོགས་བཀའ་མ་དང་། རིག་འཛིན་རྒོད་ལྡེམ་ཅན་སངས་རྒྱས་གླིང་སོགས་ཀྱི་གཏེར་མ་མང་དུ་ཡོད་དེ། འདི་ནི་ལོ་ཙཱ་ཀླུ་ཡི་རྒྱལ་མཚན་གྱི་སྐྱེ་བ། གྲ…

ཆོས་སྐུ་ཀུན་ཏུ་བཟང་པོའི་བཀའ་ཡིན་པས་ཡིད་ཆེས། སྡིག་པ་དང་སྒྲིབ་པ་ཉེས་པ་དང་ལྟུང་བ། དམ་ཚིག་ཉམས་ཆགས་དག་གང་དཀའ་བ་ཐམས་ཅད་དག་པའི་ཆོ་ག །ན་རཀ་དོང་སྤྲུག་ཕན་ཡོན་ཆེ། ལྷ་འདི་རྣམས་གཞན་ནས་སྤྱན་འདྲེན་མི་དགོས། ངེད་རང་རྣམས་ཀྱི་ལུས་ལ་ཚང་བར་བཞུགས་པས། ཐུགས་རྗེ་དང་བྱིན་རླབས་མྱུར། མི་དགེ་བ་བཅུ་དང་། མཚམས་མེད་པ་ལྔ་དང་། དེ་དང་…

འབྱོར་གང་ཞིག་གིས། །དཀྱིལ་འཁོར་གྱི་ལྷ་དེ་རྣམས་ཀྱི་མཚན་ལན་གཅིག་ཐོས་པ་ཙམ་གྱིས་དམྱལ་བ་ཆེན་པོར་མི་ལྟུང་ངོ་། །དེ་བས་གུས་པས་ཕྱག་འཚལ་ལོ། །རང་གཞན་སྒྱུ་འཕྲུལ་དཀྱིལ་འཁོར་ལ། །གང་གིས་གུས་པས་ཕྱག་འཚལ་ནས། །ཉམས་ཆགས་ཀུན་ཀྱང་བྱང་བར་འགྱུར། །དམ་ཚིག་བསྐང་ནས་དངོས་གྲུབ་ཐོབ། །ཅེས་གསུངས་པ་དང་༔ འགྲོ་དྲུག་དོང་སྤྲུག་ལས་ཀྱི་སྤྱི…

ནུས་སོ། །དེའི་ཕྱིར་འདི་ལ་ཤིན་ཏུ་གཅེས་སྤྲས་སུ་བྱའོ། །འདི་ནི་ཆོས་ཐམས་ཅད་ཀྱི་བཅུད་ཡིན་ནོ། །བར་དོའི་གདམས་པ་ཐོས་པ་ཙམ་གྱིས་གྲོལ་བ། བལྟས་པ་ཙམ་གྱིས་གྲོལ་བའི་ཐོས་གྲོལ་ཆེན་མོ་ཞེས་བྱ་བ། མ་བསྒོམ་པར་སངས་རྒྱས་པའི་ཆོས། ཐོས་པ་ཙམ་གྱིས་གྲོལ་བའི་ཆོས། སྡིག་པོ་ཆེ་གསེང་ལམ་དུ་ཁྲིད་པའི་ཆོས་། སྐད་ཅིག་གཅིག་གིས་བྱེ་བྲག་ཕྱེད་པ…

ཅད་འདི་ལ་ཚང་། མར་མེ་བརྒྱ་རྩ་ཚང་བས་མར་མེ་བརྒྱ་ཚར་བལྟམས་པ་དང་འདྲ། ཚོགས་བརྒྱ་རྩ་ཡོད། ལྷ་ཡང་བརྒྱ་རྩ་ཚང་བས་ཚོགས་བརྒྱ་ཚང་། མཆོད་པ་སྣ་ཁ་སྟོང་ཕྲག་གཅིག་ཡོད་པས། སྟོང་མཆོད་ཚང་། ཚོགས་ཆེན་དང་ཇོ་ཧུབ་ཡོད་པས་ཚོགས་ཆེན་དང་དགེ་ཧུབ་ཚང་། ཇོ་རྒྱུན་ཞོར་དུ་ཡོད་པས་ཡིག་དྲུག་ཞོར་ལ་འགྲོ། བསྐང་བ་ཡིན་པས་རིམ་གྲོ་ཡང་ཞོར་ལ་འགྲོ་བ་ཡ…

ལས། ལུས་ཀྱི་སྒོ་ནས་ཀྱང་ཕྱག་ངག་གི་སྒོ་ནས་ཀྱང་ཕྱག་འཚལ་ཞིང་། དཀྱིལ་འཁོར་གྱི་ལྷ་ཚོགས་རྣམས་ཀྱི་མཚན་ནས་ཐོན་ཅིག །ཅེས་གསུངས་པའི་དོན་བརྒྱ་ཕྱག་སྡིག་སྒྲིབ་རང་གྲོལ་འཚལ་བ་ཡིན་པས། མདུན་གྱི་ནམ་མཁར་འཁོར་དཀྱིལ་འཁོར་འདི་དང་ཐ་དད་མེད་པའི་ཞི་བའི་ལྷ་ཚོགས་བུདྡྷ་བཞི་བཅུ་རྩ་གཉིས། ཁྲག་འཐུང་ཧེ་རུ་ཀ་དྲག་པོའི་ལྷ་སུམ་ཅུ་ཐམས་པ། ཐ…

འདུད་པ་དང་བཅས་པས་ཕྱག་འཚོལ་ཞིག །ཅེས་པ་རཱ་ག་ཨ་སྱས་སོ། །མངྒ་ལཾ།། །།༧ཁམས་སྟོདནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཞི་ཁྲོ་དམ་པ་རིགས་བརྒྱའི་དཀྱིལ་འཁོར་གྱི་ལོ་རྒྱུས་ཕན་ཡོན་དང་བཅས་པ་བཞུགས་སོ༔

འོ་ན་ད་ལམ་དཀྱིལ་འཁོར་འདི་ཡི་ལོ་རྒྱུས་ཟུར་ཙམ་ཞུ་ན༔ ཡེ་ཐོག་དང་པོ་སངས་རྒྱས་དང་སེམས་ཅན་ཞེས་རིས་སུ་མ་བྱེ་བའི་དུས་ན་སེམས་ཅན་ཐམས་ཅད་ང་མེད་པ་ལ་ང་དང་བདག་མེད་པ་ལ་བདག་ཏུ་བཟུང་༔ རང་ངོ་རང་གིས་མ་ཤེས་ཏེ་འཁོར་བར་འཁྱམས་སོ༔ དཔལ་ཀུན་ཏུ་བཟང་པོ་ནི་འཁྲུལ་མ་མྱོང་བར་གཞི་གདོད་མའི་གནས་སུ་མངོན་པར་བྱང་ཆུབ་སྟེ་སངས་རྒྱས་ཐམས་ཅད་ཀ…

མཚོའི་ཚོགས་ལ༔ དུས་ཕུན་སུམ་ཚོགས་པ་ཆོས་ཉིད་འཕོ་འགྱུར་མེད་པའི་ཚེ༔ ཆོས་ཕུན་སུམ་ཚོགས་པ་རང་བཞིན་རྫོགས་པ་ཆེན་པོ་རང་ཆས་ལྷུན་གྲུབ་ཀྱི་ངང་དུ་འོད་གསལ་ལོ༔ དེ་ཉིད་ལས་མ་གཡོས་བཞིན་དུ་རྣམ་དག་འཐུག་པོ་བཀོད་པའི་ཞིང་ཡེ་ཤེས་ཀྱི་རང་མདངས་ལས་གྲུབ་པའི་འོད་ཁྱིམ་རིན་པོ་ཆེའི་གཞལ་ཡས་ཁང་ན༔ དཔལ་ཀུན་ཏུ་བཟང་པོའི་ཡེ་ཤེས་ལྔའི་རང་མདངས…

རང་མདངས་ལས་སེམས་མ་བརྒྱད་དང་༔ མཐའ་བཞི་དང་སྐྱེ་གནས་བཞི་རྣམ་པར་དག་པའི་རང་མདངས་ལ་སྒོ་བ་ཡབ་ཡུམ་བརྒྱད་དུ་སྣང་སྟེ༔ དེ་དག་གི་སྐུ་ལ་ཡང་རིགས་ལྔའི་སྐུ་བསམ་གྱིས་མི་ཁྱབ་པ་འཕྲོ་ཞིང་༔ མངོན་པར་དགའ་བ་དང་༔ དཔལ་ལྡན་དང་༔ བདེ་བ་ཅན་དང་༔ ལས་རབ་རྫོགས་པ་ལ་སོགས་ལོངས་སྐུ་དག་པའི་ཞིང་དཔག་ཏུ་མེད་པར་ཞི་བའི་ལྷ་ཚོགས་དེ་རྣམས་ཆ་ཚང་བ་…

སུ་ཐུབ་པ་དྲུག་ཏུ་ཤར་ནས་སོ་སོའི་སྐད་དུ་ཆོས་བསྟན་ཏོ༔ དེ་ལྟར་ཆོས་སྐུ་ཀུན་ཏུ་བཟང་པོ་ནི་འཁོར་འདས་ཐམས་ཅད་ལ་ཁྱབ་པར་རང་བཞིན་ལྷུན་གྲུབ་ཏུ་བཞུགས་སོ༔ རིགས་ལྔ་སོགས་ཞི་བའི་ལྷ་རྣམས་ནི་ཕྱི་ལྟར་ན་དག་པའི་ཞིང་ཁམས་ལྔར་འཁོར་ཚོམ་བུ་བཅས་ཏེ་བཞུགས་སོ༔ ནང་ལྟར་ཙིཏྟ་རིན་ཆེན་སྙིང་གི་གནས་དྭངས་མ་ལྔའི་ཐིག་ལེ་ཐིག་ཕྲན་གྱི་རྣམ་པར་བཞ…

ཡན་ལག་མང་པོ་སྣ་ཚོགས་ཅན༔ གདུག་པའི་ལག་ཆ་སྣ་ཚོགས་ཐོགས་པ་འཁོར་རབ་ཏུ་མང་པོ་འཇིགས་པའི་གཟུགས་སྣ་ཚོགས་དང་ང་རོ་འཇིགས་པ་དང་༔ རླུང་ནག་དང་ཚ་བ་དང་གྲང་བའི་དབུགས་ཀྱིས་ཕྱོགས་འཁྲུག་ཅིང་༔ ནད་བཞི་བརྒྱ་རྩ་བཞི་འདེབས་པར་བྱེད་པས་མྱོས་ཤིང་ཉམས་པར་བྱེད་པའི་མཐུས༔ ལྷ་དང་ཀླུ་དང་ལྷ་མ་ཡིན་དང་ལྷ་གནས་འབྲས་བུ་ཆེ་བ་མན་ཆད་དབང་དུ་བསྡུས…

བསྐུམ་གྱིས་བཞུགས་ནས་ཕྱོགས་བཞིར་སླར་ཡང་ཁྲག་འཐུང་རིགས་བཞིར་སྤྲུལ་ལོ༔ བཙུན་མོ་ཁྲག་འཐུང་ཆེན་མོ་རྣམས་སྐུ་ལ་འཁྲིལ་ལོ༔ དེར་དྲག་པོ་ཁྱོ་ཤུག་ལ་།སོགས་པ་གདུག་པ་ཅན་རྣམས་ཀྱི༔ ཐོང་ཐོང་སྙིང་རྗེའི་བདག་པོས་འདི་ལྟར་བྱེད་དམ་ཟེར་ནས་གདུག་རྩུབ་རྣམས་བསྟན་ཏོ༔ དེ་ནས་བཅོམ་ལྡན་འདས་དབུ་དགུ་ཕྱག་བཅོ་བརྒྱད་ཞབས་བརྒྱད་དུ་བསྟན་ནས་ཧཱུ…

སྣམ་ཕྲག་ནས་ཁྲོ་བོ་རྨེ་བརྩེགས་ཐོན་ནས་མི་གཙང་བ་དེ་ཐམས་ཅད་འཐུང་ནས་དབང་ཕྱུག་ལ་སོགས་གདུག་པ་ཅན་རྣམས་དྲན་པ་རྙེད་དེ༔ ཁྲོ་བོ་ཆེན་པོའི་ཞལ་མཐོང་སྟེ་དེའི་ཚེ་ཕྱོགས་བཅུའི་དྲེགས་པ་དབང་ཕྱུག་ཐམས་ཅད་ཐབས་སྣ་ཚོགས་ཀྱིས་དུས་གཅིག་ཏུ་བཏུལ་ལོ༔ དེར་ཁོང་རྣམས་འདར་ཞིང་འབངས་སུ་མཆིའོ་འབངས་སུ་ནན་ཏན་མ་བགྱིས་ན༔ ལུས་དུམ་བུ་བརྒྱར་འགས་…

ཚོགས་དབང་ཕྱུག་ཉེར་བརྒྱད་ཐམས་ཅད་མགྲིན་གཅིག་ཏུ༔ བདག་ཅག་འཁོར་བཅས་ཐམས་ཅད་ཀུན༔ དཔའ་བོ་ཆེན་པོའི་འབངས་སུ་མཆི༔ དཔའ་བོ་ཆེན་པོས་།བདག་ཅག་རྣམས༔ ལས་ཀྱི་དངོས་གྲུབ་བསྩལ་དུ་གསོལ༔ ཞེས་ཞུས་པས༔ ལག་ཏུ་རྡོ་རྗེ་བྱིན་ལྕེ་ལ་བདུད་རྩི་བཞག༔ དབང་བསྐུར་ཏེ་དཀྱིལ་འཁོར་གྱི་ཕྱི་རིམ་དུ་བཀོད་ནས་བཀའི་སྲུང་མར་བཞག་གོ༔ དེ་ལྟར་ཁྲག་འཐུང་ཁྲ…

ལས༔ དེའི་ངང་ལས་སྤྲུལ་པ་ཆུ་ཟླ་ལྟ་བུས་གང་ལ་གང་འདུལ་དུ་ཤར་ནས་འགྲོ་དོན་མཛད་དེ༔ ས་བཅུ་པོ་ལ་གནས་པའི་སེམས་དཔའ་རྣམས་ལ་རིགས་ལྔ་སོ་སོར་སྣང་ངོ་༔ ཕྱོགས་བཅུའི་འཇིག་རྟེན་མཐའ་ཡས་མུ་མེད་པ་ན་འགྲོ་བ་རིགས་དྲུག་སོ་སོའི་ཐུབ་པར་སྣང་ནས་ཆོས་ཀྱི་འཁོར་ལོ་བསྐོར་རོ༔ དེ་ལ་འཇིག་རྟེན་གྱི་ཁམས་འདི་ན་སྤྲུལ་པས་འགྲོ་དོན་མཛད་ཚུལ་ནི༔ བྱ…