ཉམས་པར་གྱུར་ན་ཚོགས་ཀྱི་མཆོད་པ་དང་ལོངས་སྤྱོད་རྫས་ཕུལ་ཡང་བཞེས་སུ་མི་གནང་ཞིང་མཉེས་པར་མི་འགྱུར་རོ༔ དེ་ཅིའི་ཕྱིར་ཞེ་ན༔ དེ་ལ་བསོད་ནམས་མེད་ཅིང་འབྲས་བུ་མི་འཐོབ་པའི་ཕྱིར་རོ༔ ཞེས་གསུངས་སོ༔ གལ་ཏེ་དཀྱིལ་འཁོར་འདི་ལ་མཆོད་པཆེན་པོ་མ་འབྱོར་ནའང་ཅི་འབྱོར་ཙམ་ཞིག་ཁ་འདེབས་ཙམ་ཞིག་བྱས་ཀྱང་བསམ་པའི་ཁྱད་པར་གྱི་ཕན་ཡོན་སྟོབས་ཆེ…

འདྲ་བར་སྐལ་བ་མཉམ་པར་འགྱུར་རོ༔ དེ་ཅིའི་ཕྱིར་ཞེ་ན༔ དེ་སངས་རྒྱས་ཀྱི་རང་བཞིན་ཡིན་ནོ༔ ཞེས་གསུངས་སོ༔ དེ་ལྟར་དཀྱིལ་འཁོར་འདི་ལ་ཚོགས་དང་མཆོད་པ་ཕུལ་པའི་ཕན་ཡོན་ཆེ་བའི་དོན་ཇི་ལྟར་ཡིན་ཞེ་ན༔ སྟོན་པ་རྡོ་རྗེ་སེམས་དཔས་བཀའ་སྩལ་པ༔ སངས་རྒྱས་རྣམས་ལ་བསེར་བ་དང་སྒྲིབ་པ་དང་སྐྱེམས་པ་དང་ལྷུང་བ་དང་ཆགས་པ་མི་མངའ་བ་ལགས་ན༔ དཔེར་ན་…

མགོ་བསྐོར་ན་རང་ཉིད་ངན་སོང་དུ་ལྟུང་སྟེ༔ བཅོམ་ལྡན་འདས་རྡོ་རྗེ་སེམས་དཔས་བཀའ་སྩལ་པ༔ འདི་ལ་ཡིད་ཆེས་མེད་པར་གཡོ་སྒྱུས་ཚུལ་འཆོས་ན་ངན་འགྲོར་ལྟུང་སྟེ༔ སྔོན་རྣལ་འབྱོར་དུ་ཁས་ཆེ་བ་ཅིག་གིས་མི་ཤེས་བཞིན་དུ་ཚུལ་འཆོས་སུ་བཤད་པས༔ འཁོར་ལྔ་བརྒྱ་དོན་ལས་གོལ་ཞིང་ངན་འགྲོར་སོང་༔ འདི་དོན་རང་རང་གིས་མི་ཤེས་པས་གཞན་ཤེས་པ་ལ་སྨོད་ན་…

པ་གྲངས་མེད་པར་སྐྱེས་སོ༔ ཡང་ཕྱོགས་རིས་ཀྱི་དབང་གིས་ཆགས་སྡང་བྱས་ཏེ་འདི་བཀག་ན་འབྱུང་པོ་ཤོ་གམ་ཅན་གྱི་རིགས་སུ་སྐྱེ་སྟེ༔ རྡོ་རྗེ་སེམས་དཔས་བཀའ་སྩལ་པ༔ སྔོན་དགེ་སློང་ཞི་གནས་བྱ་བ་འཁོར་ལྔ་བརྒྱ་དང་བཅས་པ་དོན་མི་ཤེས་པར་ཀུན་གྱིས་བསྙེན་བཀུར་བ་ལ༔ དགེ་སློང་གྲོལ་བའི་བློ་གྲོས་ཞེས་བྱ་བ་དོན་དང་ལྡན་པ་ཞིག་བྱོན་ནས་ཡང་དག་པའི་…

སྡང་བྱས་པས་འཁོར་སྟོང་དང་བཅས་པ་སྲིན་པོར་སྐྱེས་སོ༔ ཡང་རང་གིས་མི་ཤེས་གནད་ཀྱིས་འདི་ཤེས་པ་ལ་སྐུར་པ་བཏབ་ན་མནར་མེད་དུ་སྐྱེ་སྟེ༔ བཅོམ་ལྡན་འདས་རྡོ་རྗེ་སེམས་དཔས་བཀའ་སྩལ་པ༔ སྔོན་རྣལ་འབྱོར་པ་དོན་དང་ལྡན་པ་རྣམ་པར་དག་པའི་བློ་གྲོས་འཁོར་མང་པོ་སྐྱོང་བར༔ དོན་དང་མི་ལྡན་པ་མི་འཇིགས་བློ་གྲོས་བྱ་བ་འོང་སྟེ༔ ངན་སེམས་ཀྱིས་སྒྲ…

ངོ་༔ སྔོན་དྲང་སྲོང་པྲ་སེ་ན་བྱ་བ་དམ་ཚིག་ཉམས་དོན་ལ་རླུག་ཡང་ང་རྒྱལ་གྱིས་སྔགས་སྤྱོད་པས་འཁོར་བརྒྱ་དང་བཅས་པ་ཕག་ཏུ་སྐྱེས་སོ༔ ཞེས་གསུངས་སོ༔ ཡོན་བདག་གི་དཀྱིལ་འཁོར་ནི་ཡོན་བདག་བྱས་པ་ལ༔ ཉེ་དུ་དང་ཕྱག་ཚང་བ་རྣམས་ཀྱིས་སེར་སྣ་དང་ཕྲི་བ་བྱས་ན་ཡི་དྭགས་བྲེལ་ཕོངས་ཅན་དུ་སྐྱེ་སྟེ༔ རྡོ་རྗེ་སེམས་དཔས་བཀའ་སྩལ་པ༔ སྔོན་རྣལ་འབྱོར…

བ་མཆོག་གི་བདག་པོར་འགྱུར་རོ༔ ཞེས་གསུངས་སོ༔ གསང་སྔགས་ཀྱི་ཆོས་གཞན་ནི་ཁྲོམ་ཆོས་སུ་མི་རུང་སྟེ༔ འདི་ནི་ཐམས་ཅད་ལ་བསྟན་རུང་བ་སྟེ༔ དཔལ་ཀུན་ཏུ་བཟང་པོའི་བཀའ༔ གང་གི་སྒྱུ་འཕྲུལ་ཞི་ཁྲོ་ཡི༔ དཀྱིལ་འཁོར་ལྷ་ལ་ཕྱག་འཚལ་ན༔ ཉམས་ཆག་ཀུན་ཀྱང་བྱང་བར་འགྱུར༔ མཚམས་མེད་ལྔ་ཡི་སྡིག་ཀྱང་དག༔ ན་རཀ་གནས་ཀྱང་དོང་སྤྲུགས་ནས༔ རིག་འཛིན་རྒྱལ…

སྐྱེས་པ་ཁོ་ནས་གྲོལ་བར་འགྱུར་རོ༔ དེ་ཅིའི་ཕྱིར་ན་འདི་ལ་ཤིན་ཏུ་གཅེས་སྤྲས་བྱའོ༔ འདི་ནི་ཆོས་ཐམས་ཅད་ཀྱི་བཅུད་ཡིན་ནོ༔ ཞེས་དང་༔ སྒོམ་སྒྲུབ་བྱ་མི་དགོས་པའི་ཆོས༔ བལྟས་པས་གྲོལ་བ༔ ཐོས་པས་གྲོལ་བ༔ བཀླག་པས་གྲོལ་བའི་གདམས་པ་ཟབ་མོ༔ སྡིག་པོ་ཆེ་གསེང་ལམ་ལ་ཁྲིད་པའི་གདམས་པ་ཟབ་མོ་འདི༔ ཁྱི་བདུན་གྱི་བརྡས་ཀྱང་ཚིག་དང་ཐ་སྙེད་མ་བ…

འོ་རིགས་ཀྱི་བུ་བརྒྱུད་པ་དམ་ཚིག་དང་ལྡན་པ་རྣམས་དཀྱིལ་འཁོར་འདི་ལ་ལྟོས་ལ་ཉོན་ཅིག༔ སེམས་ཅན་དང་སངས་རྒྱས་རྒྱུད་གཅིག་པའི་རྟགས་སུ་དཀྱིལ་འཁོར་འཇམ་ཞིང་སྲུབ་མེད་པའོ༔ ཆོས་སྐུ་འགྱུར་བ་མེད་པའི་རྟགས་སུ་དཀྱིལ་འཁོར་གྱི་གཞི་མཐིང་ནག་ཏུ་ཡོད་པའོ༔ ལོངས་སྐུ་གསལ་ལ་མ་འགག་པའི་རྟགས་སུ༔ དཀྱིལ་འཁོར་ཁྲ་བོར་འདུག་པའོ༔ ཐུགས་རྗེ་སྤྲུ…

མེད་པ་བཞི་དང་ལྡན་པའི་རྟགས་སུ་གྲུ་ཆད་བཞིར་འདུག་པའོ༔ ཆོས་སྐུ་སྐྱེ་བ་མེད་པའི་ཕོ་བྲང་དུ་འགྲོ་བའི་རྟགས་སུ༔ རྣམ་པར་ཐར་བའི་སྒོ་བཞི་རུ་འདུག་པའོ༔ ཡབ་ཡུམ་གཉིས་སུ་མེད་པའི་རྟགས་སུ༔ གྲུ་ཆད་མཛེས་ཚོན་དུ་འདུག་པའོ༔ ཞི་ཁྲོ་རིགས་ལྔའི་ཞིང་ཁམས་སོ་སོར་ཡོད་པའི་རྟགས་སུ༔ སྒོ་བཞི་ཕྱོགས་ཚོན་དུ་འདུག་པའོ༔ རིགས་ལྔའི་དགོངས་པ་འཁྱེ…

པའི་རྟགས་སུ༔ ལྷ་དང་ལྷ་བྲན་གྱི་དྲལ་ཕྱམ་བྱས་པའོ༔ ཡོན་ཏན་ཐམས་ཅད་ལྷུན་གྱིས་གྲུབ་པའི་རྟགས་སུ༔ རིམ་པ་ལྔའི་ཐོག་ཕུབ་ནས་ཡོད་པའོ༔ ཐུགས་རྗེས་།སེམས་ཅན་ལ་རྒྱུན་དུ་གཟིགས་པའི་རྟགས་སུ༔ ཉི་ཟླའི་མཐོང་ཁུང་བཞིར་ཡོད་པའོ༔ ཐུགས་གཡོ་འགུལ་མེད་པའི་རྟགས་སུ༔ བདུད་རྩིའི་གར་སྦྱིན་གྱིས་སྦྱར་ནས་ཡོད་པའོ༔ འགྱུར་མེད་དོན་གྱི་དགོངས་པ་མ…

གཉིས་གཉིས་ཀྱིས་བརྒྱན་པའོ༔ སེམས་ཅན་ལ་ཆོས་སྟོན་པའི་རྟགས་སུ༔ ཆོས་ཀྱི་འཁོར་ལོ་བཞིས་མཚན་པའོ༔ བྱམས་པ་ཆེན་པོ་དང་ལྡན་པའི་རྟགས་སུ༔ རིན་པོ་ཆེའི་གདུགས་ཕུབ་ནས་ཡོད་པའོ༔ ཐབས་དང་ཤེས་རབ་འདུ་འབྲལ་མེད་པའི་རྟགས་སུ༔ དར་གྱི་ཆུན་འཕྱང་ཟུར་བཞི་དང་ལྡན་པའོ༔ རྣམ་རྟོག་འགྱུ་བ་དྲན་རིག་དང་བྲལ་བའི་རྟགས་སུ་རླུང་རྡོ་རྗེ་རྒྱ་གྲམ་ཕྱོག…

རྟགས་སོ༔ རིགས་ཀྱི་ཡུམ་ལྔར་སྣང་བ་འདི་ཡང་འབྱུང་བ་ལྔ་རྣམ་པར་དག་པའི་རྟགས་སོ༔ ཟུང་སྦྱོར་དུ་སྣང་བ་འདི་ཡང་༔ འཁོར་བ་ཟིལ་གྱིས་གནོན་ཅིང་སྐྱོན་གྱིས་མ་གོས་པ་བདེ་བ་ཆེན་པོར་གཅིག་པའི་རྟགས་སོ༔ སེམས་དཔའ་བརྒྱད་དུ་སྣང་བ་འདི་ཡང་རྣམ་ཤེས་ཚོགས་བརྒྱད་རྣམ་པར་དག་པའི་རྟགས་སོ༔ སེམས་མ་བརྒྱད་དུ་སྣང་བ་འདི་ཡང་༔ ཡུལ་བརྒྱད་རྣམ་པར་དག…

སུམ་ཚོགས་པའི་རྟགས་སོ༔ རིག་སྟོང་༔ གསལ་སྟོང་༔ ཤར་སྟོང་༔ བདེ་སྟོང་༔ སྣང་སྟོང་ཟུང་འཇུག་གི་རྟགས་སུ༔ རིགས་ལྔའི་ཕྱག་མཚན་སོ་སོར་གསལ་བའོ༔ སྣང་སྲིད་ཐམས་ཅད་ཡེ་སྟོང་རྩ་བ་དང་བྲལ་བའི་རྟགས་སུ༔ འཁོར་རྣམས་ཀྱིས་ཕྱག་མཚན་འཛིན་པའོ༔ རིག་འཛིན་ཡབ་ཡུམ་བཅུ་ཟུང་སྦྱོར་དུ་སྣང་བ་འདི་ཡང་༔ བག་ཆགས་དབྱིངས་སུ་དག་པའི་རྟགས་སོ༔ སྐུ་མདོག…

མ་སྤང་གནས་སུ་དག་པའི་རྟགས་སོ༔ སེང་ཧ་མ་བརྒྱད་དུ་སྣང་བ་འདི་ཡང་༔ ཡུལ་བརྒྱད་མ་སྤང་གནས་སུ་དག་པའི་རྟགས་སོ༔ སྒོ་མ་བཞི་རུ་སྣང་བ་འདི་ཡང་། སྐྱེ་གནས་བཞི་མ་སྤང་གནས་སུ་དག་པའི་རྟགས་སོ༔ དབང་ཕྱུག་མ་ཉི་ཤུ་རྩ་བརྒྱད་དུ་སྣང་བ་འདི་ཡང་༔ ཉོན་མོངས་རྟོག་ཚོགས་ཉི་ཤུ་རྩ་བརྒྱད་མ་སྤང་གནས་སུ་དག་པའི་རྟགས་སོ༔ ཁྲག་འཐུང་གཙོ་འཁོར་འཇིགས…

པ་ཐིག་ལེ་ཉག་གཅིག་གི་སྐུ་རུ་ཡོད༔ ངོ་བོ་འགྱུར་བ་མེད་པ་ཆོས་ཀྱི་སྐུ་རུ་ཡོད༔ རང་བཞིན་གསལ་བ་ལོངས་སྤྱོད་རྫོགས་པའི་སྐུ་རུ་ཡོད༔ ཐུགས་རྗེ་རང་གྲོལ་དུ་ཡོད་པ་སྤྲུལ་པའི་སྐུ་རུ་ཡོད༔ ལྟ་སྒོམ་ཡིད་ཡུལ་དུ་གསལ་བ་ཟུང་འཇུག་གི་སྐུ་རུ་ཡོད༔ དེ་ནས་བུམ་པ་དང་རྒྱན་ངོ་སྤྲད་པ་ནི༔ འོ་རིགས་ཀྱི་བུ་དད་པ་རྣམས་ཉོན་ཅིག༔ ཆོས་སྐུ་སྤྲོས་དང…

ཆེ་ལྔ་བུམ་སྙིང་དུ་ཡོད་པའོ༔ སྒྲོན་བཞི་མིག་ཡུལ་དུ་གསལ་བའི་རྟགས་སུ༔ རྨ་བྱའི་སྒྲོ་མདངས་གཟུགས་པའོ༔ རིག་པ་ལུ་གུ་རྒྱུད་དུ་གནས་པའི་རྟགས་སུ༔ རྒྱན་དྲྭ་བ་རིས་སུ་བྲིས་ནས་ཡོད་པའོ༔ སངས་རྒྱས་ཀྱི་བསྟན་པ་མི་ནུབ་པའི་རྟགས་སུ༔ རྒྱལ་མཚན་དང་བ་དན་ཕྱར་བའོ༔ བླ་མ་ཡི་དམ་མཁའ་འགྲོ་ཆོས་སྐྱོང་མཉེས་པར་བྱ་བའི་རྟགས་སུ༔ མཆོད་གཏོར་དང་…

རྟགས་སུ༔ བདག་རྡོ་རྗེ་སློབ་དཔོན་ཁྲི་ལ་བཞུགས་པའོ༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

སོ་ཤིང་ཚོམ་བུའི་སྟེང་དུ་དོར་བ་ན༔ རྗེས་ཟློས། ཧོ༔ བླ་མ་ཡི་དམ་མཁའ་འགྲོ་དང་༔ སངས་རྒྱས་བྱང་ཆུབ་སེམས་དཔའ་དང་༔ ཞི་ཁྲོ་རིགས་ལྔ་ཐམས་ཅད་དགོངས། བདག་གིས་རིགས་ལྔ་དངོས་གྲུབ་ལྗ༔ གང་ཐོབ་མི་ཐོབ་བསྟན་དུ་གསོལ༔ བཛྲ་ཧ་ས་ཧ༔ སྲུང་སྐུད་ལ་རྩ་སྔགས་ཤམ་དུ༔ བཛྲ་རཀྵ་རཀྟ་ཧཱུྃ༔ ཧཱུྃ༔ ལུས་ཀྱི་བར་ཆད་བསྲུང་བའི་ཕྱིར༔ སྲུང་སྐུད་རྡོ་རྗེ…

ཡེ་ཤེས་དབབ་པ་ནི༔ བླ་མས༔ འོ་བུ་རྣམས་ཡར་ལངས༔ ལག་པ་སྙིང་གར་ཐལ་མོ་སྦྱར་མིག་བཙུམ་ལ༔ སྐད་ཅིག་གིས་ཁྱེད་རང་རྡོ་རྗེ་ཕག་མོ་མཐིང་ནག་བཅུ་དྲུག་གི་ན་ཚོད་ཙམ༔ ཞལ་གཅིག་ཕྱག་གཉིས་ཅང་ཏེའུ་དང་དྲིལ་བུ་བསྣམས་པ༔ རྒྱན་ཆ་ལུགས་ཡོངས་སུ་རྫོགས་པ༔ གར་ཐབས་ཁྱུག་ཁྱུག་མཛད་པ་ཞིག་བསྒོམ༔ མདུན་གྱི་ནམ་མཁར་རྩ་བ་གསུམ་གྱི་ལྷ་ཚོགས་རྣམས་དང་༔ ཁ…