༄༅། །བི མོ ཀྟ སྟ སྟི སི རྒྱ ཤྩ ཤི ར ས ཤ ནི སཾ བི ཧ ར ཏི སྨ།། ༄༅། །རྣམ་ཐར་གྱི་ཐལ་ཕྲེང་ཡོད་པའི་དབུ་ཕྱོགས་ལེགས་པར་བཞུགས་ལགས་སོ།།

ན་མོ་མཉྫགྷོ་ཥ་ཡེ། །ལོ་ཡི་རྒྱལ་པོ་བྱི་བའི་ལོ། །རྩི་ཐོག་རྒྱས་པ་དབྱར་གྱི་དུས། །དུས་བཟང་ཡར་ངོའི་ཚེས་བཅུ་ལ། །སྤྲིན་དཀར་འཛུམ་པའི་ལྷ་ལམ་ནས། །སཱུརྱ་མཛེས་པའི་ཞལ་རས་ངོམས། །བཻཌཱུར་མཛེས་པའི་སྤང་ལྗོངས་ལ། །འདབ་བརྒྱད་པདྨའི་ཚལ་ཆེན་རྒྱས། །ལྗོན་ཤིང་ཡལ་གའི་རྔ་ཡབ་ནི། །ལྷ་མོ་སྒྲོལ་མས་ཅུང་ཟད་གཡོབ། །རྐང་དྲུག་སྙན་པའི་གླུ་ད…

བཞུགས། །དེ་ཚེ་རང་ལས་མི་ཞན་པའི། །དགེ་ཚུལ་ཀརྨ་སློབ་ལམ་ཞེས། །མཚན་ཉིད་གྲྭ་ས་འགྲིམ་པ་ཞིག །བྱུང་ནས་རྣམ་ཐར་དེ་ལ་བལྟས། །མ་མགུ་ཁྲེལ་བགད་འགའ་རེ་བྱས། །དགེ་སློང་དེ་ལ་འདི་སྐད་ཟེར། །ཧེ་ཧེ་དགེ་སློང་བགྲེས་པོ་ཁྱེད། །མདོ་རྒྱུད་ལུང་དང་མི་མཐུན་པ། །དངོས་སྟོབས་རིགས་པས་མ་གྲུབ་པ། །འབྲེལ་མེད་དྲན་ཚད་གླེགས་བམ་བྲི། །འདི་འདྲ་གཏ…

བ། །མེ་སྦྱོར་ཁྱི་ཡི་མཇུག་མར་ཆིངས། །མཁས་པས་མཐོང་ན་ངོ་ཡང་ཚ། །བཟང་པོས་མཐོང་ན་ཐུགས་ཀྱང་ཁྲེལ། །བླུན་པོས་བཏོན་ན་ཁ་ཡང་ན། །སྣག་ཤོག་འདི་ཙམ་རྒྱུ་གྱོང་ལ། །ལག་པ་ན་བས་རྒྱུ་དེ་གྱོང་། །ཡིག་དྲུག་ཆག་པ་བར་ཆད་ཆེ། །ཉམས་ལེན་བཤོལ་བ་བདུད་ཀྱི་ལས། །ཟེར་ནས་ཕར་རྒྱུག་ཚུར་རྒྱུག་བྱས། །དེ་ཚེ་དགེ་སློང་དེས་སྨྲས་པ། །ཁྱེད་དགེ་ཚུལ་གྲྭ…

དགེ་སློང་གིས་ལན་བཏབ་པ། རྟགས་གཉིས་པ་མ་གྲུབ་སྟེ། གྲུབ་ཆེན་ཀརྨ་པ་སེམས་དཔའ་རང་བྱུང་རྡོ་རྗེ་སོགས་མཁས་གྲུབ་དུ་མས་རང་རང་གི་རྣམ་ཐར་རྩོམ་པའི་ཕྱིར། ཟེར་ནས་ལག་པ་རྡེབ་པ་ཙམ་ཞིག་དང་ཀི་ཤར་ཆུང་བ་གཅིག་བྱས་སོ། །དེ་ནས་རིམ་བཞིན་དུ་དགེ་ཚུལ་གྱིས་རིགས་ལུང་བཏང་། དགེ་སློང་གིས་ལན་བཏབ་སྟེ། རང་གི་རྣམ་ཐར་རང་གིས་བརྩམས་པ་མི་འཐད་པ…

འཐོབ་པའི་ཕྱིར། རྟགས་མ་གྲུབ་སྟེ། སྤྲུལ་སྐུས་ཤོག་ལྡེབ་སུམ་བརྒྱ་གླེགས་བམ་དུ་བྱས། འདིའི་ནང་ན་བྲིས་གསུངས་ཕྱིར་བཀའ་མི་བཅག་པའི་ཕྱིར་འོ་ན་ཕྱི་ཡི་རྣམ་ཐར་ཐ་མལ་བན་རྐྱང་ཞིག་གི་ལོ་རྒྱུས་ལས་མེད་པ་འདིས་སྤྲུལ་སྐུའི་དགོངས་པ་མི་འགྲུབ་པར་ཐལ། སྙན་ངག་གིས་བཅིངས་ནས་རྣམ་ཐར་ལེགས་པོ་ཞིག་དགོས་པའི་ཕྱིར་ཟེར་རོ། །རྗེ་མི་བསྐྱོད་ཞ…

རྟགས་མ་གྲུབ་སྟེ། སྙན་ངག་མཁན་ལ་བཀག་པ་མེད། །བྱི་བ་ལ་ནི་གླང་ཆེན་བཞིན། །ཞེས་གསུངས་པ་གང་ཞིག །སྙན་ངག་བྱས་ན་དྲང་པོའི་གཏམ་ཨེ་ཡིན་དང་། བསྟོད་རྒྱུ་མེད་པ་ལ་སྙན་ངག་གིས་བསྟོད་པ་གང་ཡིན་འབྱེད་དཀའ་བའི་ཕྱིར། སྨྲས། དེ་མི་འཐད་པར་ཐལ་ཏེ་དེ་གཉིས་མཁས་པ་རྣམས་ཀྱིས་འབྱེད་པའི་ཕྱིར། །ཟེར་བ་ལ་རྟགས་མ་གྲུབ་སྟེ། མཁས་གྲུབ་ཚད་ལྡན་སུ…

འདྲ་བས་ང་དེ་བས་མི་ལྷག་པའི་ཕྱིར་རོ། །སྨྲས་སོ། །ཁྱོད་ཀྱི་ནང་གི་རྣམ་ཐར་མི་འཐད་པར་ཐལ། རྨི་ལམ་ཤས་ཆེའི་ལྷ་མཐོང་འདྲེ་མཐོང་འདྲ་བ་དེ་དག་བདུད་དང་དམ་སྲིས་བསླུས་པ་ཡིན་པ་གང་ཞིག །རྨི་ལམ་མཆོག་འཛིན་ཆེ་བ་བར་ཆད་ཀྱི་རྒྱུ་ཡིན་པའི་ཕྱིར་ཟེར་རོ། །རྟགས་དང་པོ་མ་གྲུབ་སྟེ། བདུད་དང་དམ་སྲིས་བསླུས་པ་ཡིན་ན། འཕྲལ་དུ་བཀྲ་མི་ཤིས་པའམ…

ན་ཡང་གསང་གི་རྣམ་ཐར་མི་འཐད་པར་ཐལ། ཁྱོད་ས་ཐོབ་ཡིན་ནོ་སྤྲུལ་པ་ཡིན་ནོ་སོགས། ཟེར་བ་ལ་ང་རྒྱལ་སྐྱེས་ན་བདུད་ཀྱི་བར་ཆད་ཡིན་པས། བྱང་ཆུབ་སེམས་དཔའ་ཡིན་ཀྱང་སངས་རྒྱས་ཐོབ་པ་ལ་རིང་དུ་གྱུར་པའི་ཕྱིར། ཟེར་བས། རྟགས་མ་གྲུབ་སྟེ། དེ་དག་གཏེར་ཡིག་ཚད་ལྡན་ནས་བྱུང་བས་བདུད་ཀྱི་ལུང་བསྟན་མིན་པར་ངེས་པ་ནི་གང་ཞིག །བདག་ང་རྒྱལ་སྐྱེས་ན…

འབྱུང་བའི་ལས་དབང་ཡོད་པ་སྟེ། བར་ཆད་རྐྱེན་དབང་དུ་ཤོར་ན་སྔར་ཡང་ལུང་བསྟན་སྟེང་དུ་མ་སོང་བ་མང་བས། ང་དང་ང་ཡི་ལུང་བྱང་ལ་ཡང་དེ་བས་མི་ལྷག་པའི་ཕྱིར་སྨྲས། ཁྱོད་ཀྱི་རྣམ་ཐར་འདི་བྱ་རོག་སོ་བརྟག་གི་བསྟན་བཅོས་ལྟར་དགོས་པ་མེད་པ་ཐལ། ཕྱིའི་རྣམ་ཐར་འདི་མཐོང་བ་ལ་དགོས་པ་མེད་པ་གང་ཞིག །ནང་གི་རྣམ་ཐར་ལའང་དགོས་པ་མེད། གསང་བའི་རྣམ་…

མི་འདུག་པའི་ཕྱིར། ཟེར་བ་ལ། རྟགས་དང་པོ་མ་གྲུབ་སྟེ། སངས་རྒྱས་བྱ་ཤིང་རྟ་མོ་དང་ཆུ་སྲིན་དུ་སྐྱེས་དུས་ཀྱང་འགྲོ་དོན་ཧ་ཅང་མི་ཆེ་བའི་ཕྱིར། རྟགས་གཉིས་པ་མ་གྲུབ་སྟེ། རྣལ་འབྱོར་པ་ལུས་རྒྱ་ཁྱུང་གི་སློང་རྒྱ་སེང་གེའི་མངལ་རྒྱ་ཞེས། ཡོན་ཏན་རྣམས་བར་དོར་འཆར་བ་ཕྱག་རྫོགས་ཀྱི་བཞེད་པ་ཡིན་པ་གང་ཞིག །བྱམས་པའི་མདོ་ལས། དགེ་སློང་མ…

དད་པ་ཡོད་ཀྱང་དབང་གི་འབྲེལ་བ་མེད་པ་ལ་སྟོན་མི་རུང་ཟེར་བ་བདེན་བདེན་ཧེ་ཧེ། དེ་ནས་དགེ་ཚུལ་དགེ་སློང་གཉིས་པོ་དུམ་ནས་ཐ་དད་མེད་པར་འདུག་གོ །ཞེས་པ་སྣོན་ཟླའི་ཉེར་ལྔ་ལའོ། །མངྒ་ལཾ།།

༄༅། །དགེ་སློང་རཱ་ག་ཨ་སྱའི་རྣམ་ཐར་ལས། རིགས་རུས་དང་འབྲེལ་ཞིང་སངས་རྒྱས་ཀྱི་བསྟན་པའི་འཇུག་སྒོ་དང་མཐུན་པ་ཕྱི་ཡི་རྣམ་ཐར་ཡོད་དོ། །

ན་མོ་ཨཱརྱ་བ་ལོ་ཀི་ཏེ་ཤྭ་རི་སརྦ་བུདྡྷ་བོ་དྷི་སཏཱ་ཡེ་ན་མ། ཆོས་དབྱིངས་མཁའ་ལ་མཁྱེན་བརྩེའི་དཀྱིལ་འཁོར་རྒྱས། །སྐྱེས་དགུའི་མི་ཤེས་མུན་པ་མཐར་བྱེད་པ། །བདག་གི་སྐྱབས་མཆོག་འགྲོ་བ་ཡོངས་ཀྱི་མགོན། །འོད་མཚན་ཅོད་པན་འཆང་དེས་བདག་སྐྱོངས་ཤིག །འོག་མིན་གནས་སུ་ཀུན་བཟང་རྡོ་རྗེ་འཆང་། །དེ་ཡི་རྣམ་ཐར་ཡི་གེར་བྲིས་པ་ལ། །བླ་མེད་ཕ་…

བསྟན་པར་གྲགས། །མི་མཇེད་ཞིང་འདིར་སྤྲུལ་སྐུ་ཤཱཀ་ཐུབ་ཀྱི། །མཛད་པ་རྣམ་ཐར་ཡི་གེར་བཀོད་པ་ལ། །འདུལ་བ་མདོ་སྡེ་མངོན་པའི་སྡེ་སྣོད་དེ། །ལྔ་བརྒྱ་ཕྲག་བཅུར་གནས་པ་སྤྲུལ་སྐུའི་བསྟན། །འཕགས་པའི་ཡུལ་གྱི་པཎ་གྲུབ་ཐམས་ཅད་ཀྱི། །མཛད་པ་རྣམ་ཐར་ཡི་གེར་བཀོད་པ་རྣམས། །བོད་དུ་ཆ་ཙམ་འགྱུར་བ་བསྟན་འགྱུར་རོ། །སྔོན་ཚེ་པད་འབྱུང་སྤྲུལ་པའ…

བརྒྱུད་བཀའ་གདམས་རྣམས། །རང་རང་བླ་མ་བརྒྱུད་པའི་རྣམ་ཐར་དང་། །གསུང་སྒྲོས་བཀའ་འབུམ་དཔག་ཏུ་མེད་པ་ལ། །ཉམས་ལེན་བྱེད་པ་སོ་སོའི་གྲུབ་མཐའི་བྱུང་། །དེ་དག་དམ་ཆོས་དཀོན་མཆོག་ཅེས་བྱ་སྟེ། །བདག་ཅག་རྣམས་ཀྱི་སྐྱབས་ཡུལ་ཕྱག་གི་གནས། །ཅི་ཕྱིར་དེ་དག་འཕགས་པ་ཁོ་ན་ལགས། །བདག་གི་འདི་ནི་དེ་འདྲའི་གྲལ་མི་གཏོགས། །འཇིག་རྟེན་ཁ་ངག་སྐྱི…

དམན་གར་ཡང་སྐྱེས། །དེ་དག་སྐྱེས་པའི་ཤ་དང་རུས་པ་ཡང་། །ཕྱོགས་གཅིག་བསྡོམས་ན་སྟོང་གསུམ་འཇིག་རྟེན་གང་། །ཁྲག་རྣམས་བསགས་ན་རྒྱ་མཚོ་ཆེན་པོ་ཙམ། །དགྲ་རྣམས་བསད་པའི་མགོ་བོ་སྤུངས་ན་ཡང་། །དབུས་ཀྱི་རི་བོ་མཆོག་རབ་ཙམ་ཞིག་སྟེ། །ཉེ་དུ་ཤི་ཕྱིར་ངུས་པའི་མཆི་མ་ཡང་། །གཅིག་ཏུ་བསགས་ན་རོལ་པའི་མཚོ་བདུན་ཙམ། །རེས་འགའ་འཁོར་ལོས་སྒྱུར…

སྨིན་ཏེ་མི་ལུས་ཐོབ། །དེ་ཡང་མི་ལུས་ཙམ་པོ་མ་ཡིན་པར། །དལ་འབྱོར་ལུས་ནི་ཕུན་སུམ་ཚོགས་པ་སྟེ། །དམྱལ་བ་ཡི་དྭགས་དུད་འགྲོ་ཚེ་རིང་ལྷ། །ཀླ་ཀློ་དང་ནི་ཆོས་ལ་ལོག་ལྟ་ཅན། །སངས་རྒྱས་མ་བྱོན་ཞིང་དང་ལྐུགས་པ་སྟེ། །འདི་བརྒྱད་སྤངས་པས་ཆོས་ཀྱི་སྐལ་བ་ཡོད། །དེ་ལྟར་བདག་གིས་དལ་བ་བརྒྱད་འདི་ཐོབ། །མི་ཡི་དབང་པོ་ཚང་ཞིང་དད་པར་ལྡན། །དམ…

མི་གཞན་རྣམས། །དལ་འབྱོར་མི་ལུས་དོན་ལྡན་གལ་ཆེའོ། ༈ །དེ་ནས་སྐྱེ་བའི་ཡུལ་གྱི་དོན་བཤད་པ། །འོག་མིན་གནས་བཞུགས་རྣམ་སྣང་ཆེན་པོ་ཡི། །ཕྱག་མཐིལ་སྤོས་ཆུའི་རྒྱ་མཚོ་ཆེན་པོ་ལས། །པད་སྡོང་མེ་ཏོག་ཉེར་ལྔ་བརྩེགས་པ་ཡི། །བཅུ་གསུམ་པད་སྟེང་སངས་རྒྱས་ཐུགས་ཀའི་ཐད། །དེ་ལ་ཟེའུ་འབྲུ་ཕྲུམ་ཕྲུམ་རེ་རེ་ཡང་། །འཇིག་རྟེན་ཁམས་ནི་དཔག་ཏུ་མ…

གསུམ་བྲིས་པ་ལྟ་བུའི་ནང་། །ས་གཞི་ཆོས་འབྱུང་འབུར་དུ་དོད་པའི་དཀྱིལ། །ཁྲག་འབུར་ཕ་བོང་དཀྱིལ་འཁོར་ལྟ་བ་འདྲ། །དེ་ཡི་དྲུང་དུ་ཁོ་བོ་བཙས་པའི་ས། །དེ་ནས་མ་དང་ཕ་ཡི་རིགས་སྨོས་པ། །འགྲུ་ལ་མི་འགྱུར་ཐར་པའི་གནས་བརྒྱུད་ལས། །ཟླ་ངོམ་འདུས་མདོ་མི་འགྱུར་ཐར་པའི་གནས། །རི་ཐོ་དཀར་པོ་འབྲུ་ཡིན་ཞེས་པའི་རྒྱུད། །རྒྱ་ར་ཞེས་བྱ་ཕྱུག་ཅི…