ཧོ་དགོངས་སུ་གསོལ་ལོ༔ ལན་གསུམ་སྨན་རཀ་གཏོར་ཞིང༔ ཆོས་སྐུ་སྐྱེ་མེད་སྣང་བ་མཐའ་ཡས༔ ལོངས་སྤྱོད་རྫོགས་སྐུ་ཐུགས་རྗེ་ཆེན་པོ༔ སྤྲུལ་པའི་ཁྲོ་བོ་རྟ་མགྲིན་ནག་པོ༔ སྐུ་མདོག་མཐིང་ནག་མུན་ལྟར་གཏིབས་པ༔ ཞལ་གདངས་ཤིང་ལྗགས་འདྲིལ་བ༔ མཆེ་བ་གཙིགས་པ༔ སྤྱན་གསུམ་སྡང་མིག་ཀློག་ལྟར་འཁྱུག་པ༔ དབུ་སྐྲ་ལྕགས་ཀྱི་རལ་པ་མུན་ལྟར་གཏིབས་པའི༔ …

སྲིད་པ་གསུམ་པོ་ཟིལ་གྱིས་གནོན་པ༔ སྐུ་ལ་དར་ནག་གི་བེར་ཆེན་གསོལ་བ༔ ཕྱག་གཡས་རལ་གྲིས་དགྲ་སྲོག་གཅོད་པ༔ གཡོན་པས་ལྕགས་ཀྱུས་དམ་ཉམས་དགྲ་བགེགས་ཀྱི་སྙིང་ནས་འདྲེན་པ༔ ཞབས་གཉིས་བརྐྱངས་བསྐུམས་འདོར་ཐབས་ཀྱི་དགྲ་བགེགས་མནན་པ༔ སྐུ་ལ་དུར་ཁྲོད་ཆས་བརྒྱད་ཀྱིས་བརྒྱན་པ༔ དཔའ་གཏུམ་རྔམས་བརྗིད་ཡེ་ཤེས་ཀྱི་མེ་དཔུང་ཀློང་ན་འགྱིང་བ༔ དུ…

སྲུང་༔ རྣལ་འབྱོར་གྱི་དགྲ་བླ༔ རྫུ་འཕྲུལ་གྱི་དབང་ཕྱུག༔ ཡེ་ཤེས་ཀྱི་སྤྱན་ཅན༔ སྡེ་བརྒྱད་ཀྱི་དམག་དཔོན༔ ཐུགས་རྗེ་ཆེན་པོ༔ སྤྱན་རས་གཟིགས་དབང་༔ གར་གྱི་དབང་ཕྱུག༔ དབང་གི་རྒྱལ་པོ༔ རྒྱ་གྲྭ་ཝ༔ རྟ་མགྲིན་ནག་པོ༔ གནོད་སྦྱིན་ནག་པོ༔ ཡཀྵ་ནག་པོ༔ བདུད་འདུལ་ནག་པོ༔ ཀླུ་འདུལ་ནག་པོ༔ གཟའ་འདུལ་ནག་པོ༔ གདོན་འདུལ་ནག་པོ༔ བགེགས་འདུལ་…

ཡཀྵ༔ ཀླུ་བདུད་འཆི་བདག་མགོ་དགུ༔ བཀའ་ཡི་ལྷ་སྲིན་སྡེ་བརྒྱད༔ སྤྲུལ་པ་ཡང་སྤྲུལ་དྲེགས་པ་ཕོ་རྒྱུད་ཀྱི་ཚོགས་དང་བཅས་པ་ཐམས་ཅད་ལ་གསོལ་ལོ་མཆོད་དོ༔ བདུད་རྩི་སྨན་གྱིས་མཆོད༔ རཀྟ་ཁྲག་གིས་མཆོད༔ བ་ལིང་གཏོར་མས་མཆོད༔ ཞལ་ཟས་ཚོགས་ཀྱིས་མཆོད༔ ཤ་ཁྲག་དམར་གྱིས་མཆོད༔ སྙིང་པོ་འཛབ་ཀྱིས་མཆོད༔ ཕྲིན་ལས་བསྟོད་བསྐུར་གྱིས་མཆོད༔ དད་པ་ད…

པ་ཟློག༔ ཆག་ཆེན་ཉམ་ང་བསྒྱུར༔ ལྷ་སྲིན་སྡེ་བརྒྱད་ཀྱི་གདུག་པ་ཟློག༔ ལོ་སྐག་ཟླ་སྐག་ཟློག༔ ཞག་སྐག་དང་ཟ་སྐག་ཐམས་ཅད་ཟློག་ཅིག༔ ༈ ཁྱད་པར་དུ་སངས་རྒྱས་ཀྱི་བསྟན་པ་ལ་ཞེ་མནག་པ༔ བསྒྲལ་བའི་ཞིང་བཅུར་གྱུར་པ༔ སྡིག་པོ་ཆེ་རྨད་དུ་བྱུང་བ༔ ལྟ་བ་ལོག་པ་སྤྱོད་པ་འཁྲུལ་བ༔ ལྷ་སྲུང་བྱང་ཆུབ་གླིང་བསྐལ་བ༔ དཀོན་མཆོག་གྱི་དཀོར་ནོར་ལ་རྐུ་འ…

འཁོར་ལོ་ལ་བཏབ་པ་འདི་རྣམས་མྱུར་དུ་ཁུག་ལ༔ ཚེ་ཐུང་སྲོག་ཆོད༔ དབུགས་ལོངས༔ ཤ་ཟོ་ཁྲག་འཐུང་རུས་པ་མུར༔ ཕོ་རྒྱུད་རྩད་ནས་ཆོད༔ མོ་རྒྱུད་མངལ་ནས་སྐམ༔ ཆུང་རྒྱུད་མཐའ་ནས་བསྡུས༔ ཕྱི་སྟེང་ཟློག༔ ཁ་ཞབས་སྲེས༔ མི་རྗེས་ཆོད༔ མཐའ་ནས་ཟློག༔ ནང་གི་དམེ་གྱིས་ཉིན་གྱི་གྲོ་གྱིས་ཤིག། ནུབ་ཀྱི་དགོང་གྱིས་ཤིག༔ ལོ་དང་ཟླ་བ་མ་བཞག༔ ཞག་དང་ཟ་མ…

རྟ་མགྲིན་ཡང་ཆུང་ནག་པོའི་ཟིན་བྲིས་འདོན་འགྲིགས་ཡོད་དོ།། གུ་རུ་ཧ་ཡ་གྲྭ་ཝ་ལ་ན་མོ། རྟ་མགྲིན་ནག་པོ་ཡང་ཆུང་གཏོར་ཟློག་གི་འདོན་འགྲིགས་བརྗེད་ཐོ་བླ་མའི་ཞལ་ཤེས་ལྟར་ལ། དང་པོ་གོང་གཏོར་རྩ་གསུམ་སོགས་དང་། གཏོར་ཟློག་དང་གསོལ་ཁ་རྣམས་དཔེ་རིས་དང་ཟིན་བྲིས་མཐོང་བ་བརྒྱུད་པ་ལྟར་མཆོད་གཏོར་རྣམས་ལེགས་པར་གྲུབ་ནས། དངོས་གཞི་ལ་ཆབ་ས…

གོང་གི་གསེར་སྐྱེམས་མཐའི། ཨོཾ་བཛྲ་ཀྲོ་ཏ་སོགས་ནས་བསྒྲལ་ལས་བསྟབ་པ་དང་། བཟློག་པ་རྣམས་དང་ཁྱུང་ཟློག །སྡེ་བརྒྱད་བསྐུལ་ཟློག །རྩང་ཟློག་རྣམས་བྱ། དེ་ནས་ཚོགས་ལ་རོལ་ཞིང་ལྷག་མ་བྱའོ།། ༈ ཞག་གྲངས་བཞག་ན་བཟློག་པ་ཚར་གྲངས་བྱ། ནུབ་རྣམས་སུ་ཡི་དམ་ལྟར་གྱི་གཏོར་འབུལ་སོགས་དང་། ཆད་མདོ་བརྟན་སྐྱོང་བྱའོ།། ༈ རྗེས་ཀྱི་ལས་རིམ་ནི། དང…

དཔལ་རྟ་མགྲིན་ནག་པོའི་མགོན་ཆུ་བསྐོལ་བ་ཞེས་བ། དྲག་པོའི་ལས་སྦྱོར་བཙོ་རྔོ་སྲེག་གསུམ་གྱི། ཕྱག་ལེན་བལྟས་ཆོག་ཏུ་བཀོད་པ་བཞུགས་ལགས་སོ།།

རྒྱ་གར་སྐད་དུ། ཤྲཱི་བྱ་གྷཾ་ཝ་ཀཱ་ལ་ཙིཏྟ་མ་སཱ་དྷ་ན་མ། བོད་སྐད་དུ། དཔལ་རྟ་མགྲིན་ནག་པོ་ཐུགས་ཀྱི་སྒྲུབ་ཐབས་ཞེས་བྱ་བ། རྒྱ་གཞུང་ཆེན་པོ་ལས། གནོད་བྱེད་འདུལ་བའི་ལས་བྱེད་ན། །བཙོ་བ་བརྔོ་བ་བསྲེགས་པ་གསུམ། །དང་པོ་བཙོ་བའི་ལས་བྱེད་ན། །གྲུ་གསུམ་དུར་ཁྲོད་སྒྱེད་པུ་བཙུགས། །མགོན་ཟངས་ནང་དུ་ཆུ་གཙང་བསྐོལ། །སྟེང་དུ་དྲག་པོའི་…

བགེགས་བཏུལ། །དྲག་སྔགས་གཟིར་ཞིང་ལྕག་གིས་བྲབ། །དེ་ནས་མགོན་ཟངས་གྲུ་གསུམ་དུ། །གདོན་བགེགས་བཀུག་ལ་གཏོར་མ་བརྡེག །མགོན་ཟངས་སྒྲུབ་ལ་རྟ་བྲོ་བརྡུང་། ༈ གཉིས་པ་བཟོ་བའི་ལས་བྱེད་ན། །རབས་ཆད་ནག་མོའི་སླ་ང་རུ། །མར་ནག་དུག་སྣ་སྦྱར་ལ་བསྐོལ། །སྟེང་དུ་གདོན་བགེགས་ལིངྒ་བཞག །མེ་ཐབས་རྟ་མགྲིན་ནག་པོ་བསྒོམ། །སླ་ང་ཁྲོ་བོའི་ཞལ་དུ་བ…

རྟ་མགྲིན་བསྐྱེད། །ལིངྒ་བྷ་ལིང་ཤ་ཁྲག་ལ། །གདོན་བགེགས་བསྟིམས་ནས་ཉེར་གཅིག་འབུལ། །དགྲ་བགེགས་དངོས་སུ་གསོལ་བར་བསམ། །རྗེས་ཀྱི་བྱ་བ་གོང་བཞིན་ནོ། །ཞེས་འབྱུང་སྟེ། སློབ་དཔོན་པདྨ་འབྱུང་གནས་ཀྱིས་མཛད་ཅིང་། མངའ་བདག་ཉང་གི་གཏེར་མ་འདི་ཤིན་ཏུ་ཁུངས་བཙུན་ཞིང་དབང་ལུང་གི་རྒྱུན་ཡོད་པས། འདིའི་ཕྱག་ལེན་གཏན་ལ་འབེབས་པ་ལ་རྩ་བ་གསུ…

ད་མགོན་ཆུ་བསྐོལ་བ་འདི་འཚེར། དགོས་ཆའི་རྫས་རྣམས་རྟེན་འབྲེལ་ཡིན་པས་མ་ཚང་བ་དང་། སྔགས་གྲངས་ཉུང་བ་དང་། དམིགས་པ་མ་ཟིན་ན་ཚིག་སྲོག་སོགས་འོང་ཉན་ཆེ། སྔར་དེ་འདྲ་བྱུང་རབ་ཡང་མང་པོ་ཡོད་པས་གཟབ་དགོས། སང་ཉིན་སྔ་དྲོ་ངས་ངག་གཅོད་དགོས་པས་དགོས་ཆ་འདི་རྣམས་འཛོམས་པར་གྱིས། སྐག་ལེ་ཅུང་ཞིག་འགེམ་ཡོད་པ་ཞིག །བལ་རྩི་མེད་པའི་བསད་ཡག་…

སུར་དཀར་སོགས་ཤིང་སྣ་གང་འཛོམས་ཆག་རེ་ཙམ། སྒྱེད་པུ་ས་སྐྱེད་སོགས་རྙིང་པ་ཡང་རུང་མེད་ན་རྡོ་འཕག་དོགས་མེད་པའི་སྒྱེད་པུ་གསུམ། མཁར་སྒོང་ཐེབ་སྐོར་ཙམ་གསུམ། རྗེས་གེ་མཛུབ་མགོ་ཙམ་དཀར་པོ་བཅུ་གསུམ། ནག་པོ་བཅུ་གསུམ། རབ་ཟངས་ཆག་གས་མེད་པ། འབྲིང་བལ་མ་ཆེན་པོ། ཐ་མ་ལྕགས་འགུ་ཆེན་པོ། རྫ་མ་ནི་རྐུབ་བུད་པས་མི་ཉན། ༈ ཞོར་ལ་མེ་མཆོད་…

པ། སྔོན་གྱི་ཆོས་རྒྱལ་རྣམས་ཀྱི་ཁྲིམས་ཡིག་ལས། བླ་མཆོད་ལ་ལྷ་རྟེན་མ་བཞག་པར། ཡོན་བདག་ཚང་དུ་བླ་མཆོད་ཤི་ན་ཡོན་བདག་ཚང་ལ་ཁག་ཡོད། ལྷ་རྟེན་བཞག་ནས་དེར་ཤི་ཡང་ཁག་མེད་པར་སྲོག་རིན་ཡིན་ཟེར་སྲོལ་གདའ། དེ་ལ་སྔོན་ནས་བཞག་པ་དང་ཕྱི་ཁས་ཀྱིས་མི་ཆོག །སང་བཅའ་ཚོགས་ཚར་ནས་འདོན་པའི་དབུ་བཙུགས་ཙམ་ལ། ལྷ་རྟེན་ཅི་འབྱོར་ཅིག་ཁྱེར་ཤོག །དེ…

ངེས་ངེས་མ་གསུངས་ཀྱང་རང་ངག་ནུས་ཡོད་ན་སྟོང་ཚོ་ལྔ་ཙམ༔ ངག་ནུས་ཆུང་ན་དེ་ཡན་ཅི་ནུས་བཟླས། འདི་ནི་ཇོ་ལྕགས་ཆུ་གསུམ་གྱིས་སྔགས་སྔར་གྱི་ལག་བླངས་ཅན་ཡིན། ཡང་གནམ་ཆོས་ནས་གསུངས་པའི་ལྕགས་གནུར་སོགས་ཀྱི་སྔགས་ནི། ༈ ཨོཾ་བྲམ་ཟེ་དཀར་ནག་མགོ་ལ་སད༔ དེ་ལ་རྦད་སྭ་ཧཱཿ འདི་ལ་སྟོང་ཡན་ཆད་ཅི་མང་བཟླས་ལ་སྔགས། སྔགས་འདིས་ཆུ་བསྐོལ་དུས་ཐུབ…

མ་ཡི་དམ་མཁའ་འགྲོ་ཆོས་སྐྱོང་ནོར་ལྷ་ཕྱི་རྒྱུད་ཀུན་འདུས་ཕུགས་གཏོར་ལྔ་ཚོམ་ཙམ་བཅའ། ཚོགས་གཏོར་འབུལ་དཀར་གཏོར། སྔོན་འགྲོ་དཀར་བགེགས་ལྷ་བཤོས་གཅིག །དེ་རྣམས་གཞུང་ལྟར་ལས། ཟངས་ལྕགས་སམ་སྡེར་ནང་དུ་དུང་རྡོག་བཅུག་པའི་གཏོར་མ་ཟུར་གསུམ་མཐོ་གང་མར་རྒྱན་ཅན། དེའི་རྩེ་མར་གྱི་བྱ་ཁྱུང་བཙུགས། གཏོར་མ་དེའི་གཡས་གཡོན་མདུན་གསུམ་དུ། …

བདག་གིས་བྱང་ཆུབ་སེམས་བསྒྲུབས་པས། །མཆོད་འབུལ་དཔང་མཛོད་ས་འདི་ཞུ། །བཅུ་གཉིས་ལོ་ཡི་རྟ་ལ་ཞོན། །ཀོ་ལོང་སྡོམ་པའི་ལྷ་དགུ་སོགས། །འབྱུང་པོའི་ཚོགས་རྣམས་མ་ལུས་ཀུན། །ས་གླུད་མཆོད་སྦྱིན་གཏོར་མ་བཞེས། །ས་འདི་བདག་ལ་གནང་བར་མཛོད། །འབྱུང་པོ་ས་ཡི་བདག་པོ་ཀུན། །གནས་རྟེན་གཞན་དུ་ཁྱོད་སྤོས་ལ། །ས་འདི་བཀྲ་ཤིས་མཛད་དུ་གསོལ། །སརྦ་…

སྒྲུབ་པ་ཡིན། །མི་འཁྱམས་དོན་མེད་ཕྱིར་ལ་ཕུད། །ཛོ་ལྕགས་ཆུ་སོགས་འགྲིམ་དགོས་པའི། །མི་རྣམས་གང་ཡོད་ནང་དུ་འཚོགས། །མཚམས་བཅད་ནས་གཏོར་སུམ་བྷ་བརྗོད། །དེ་ནས་ངོ་སར་མི་གཏུག་སྟེ། །མི་གཏུག་ཁ་མེད་བྱུང་བ་ན། །ཆབ་བླངས་ཤུག་དུད་སྤོས་རུམ་བྱ། །ནང་དུ་བྱུང་ཚེ་སུམ་བྷ་ནི། །བརྗོད་ཅིང་ནས་ལྕག་གདོང་ལ་གཏོར། །དེ་ནས་ཕུགས་གཏོར་བྲན་བྱས་…

མ་མཛད་ཅིག །བྱང་དོན་ཡོད་གྲུབ་པའི་ས་གཞི་འདི། །མགོན་ཆུ་བསྐོལ་བའི་ས་གཞི་ཡིན། །ས་འདི་ལ་ཕྲག་དོག་མ་མཛད་ཅིག །ཁར་རྩང་ཁར་གྱི་ཉིན་པར་ལ། །ལྷ་སྲིན་གཉིས་པོ་འཐབ་ཤུལ་ལ། །མགོན་གཡག་ཁམ་པ་འདྲིལ་བའི་ས་གཞི་འདི། །མགོན་ཆུ་བསྐོལ་བའི་ས་གཞི་ཡིན། །ས་བཅག་པ་རྡོ་རྗེ་འགྲོས་ཀྱིས་བཅགས། །ཅགས་སེ་ཅགས་སེ་གར་གྱིས་བཅག །གར་ཁྲིགས་སེ་ཁྲིགས་ས…