ནས་འོད་དང་སྲས་ཙནྡའི་སྐབས་སུ་སངས་རྒྱས་གསེར་ཐུབ་བྱོན་ཏེ་ཚེ་ལོ་སུམ་ཁྲིའོ། །དེ་ནས་རྒྱལ་རབས་སུམ་བརྒྱ་ན་རྒྱལ་པོ་རཏྣ་ཆེན་པོ་དང་རྒྱལ་བུ་ཀྲི་ཀྲིའི་དུས་འོད་སྲུང་བྱན་ཏེ་མི་རྣམས་ཚེ་ལོ་ཉི་ཁྲིའོ། །གཞན་ཡང་རྒྱ་གར་གྱི་ཡུལ་སོ་སོར་མང་བཀུར་རྒྱལ་པོ། དེའི་བུ་ཚའི་རྒྱུད་ལ་ལྷ་ཆེན་པོ་ཟེར་བའི་རྒྱལ་པོ་བརྒྱད་ཁྲི་བཞི་སྟོང་བྱུང་།…

རམ་ཤིང་པའི་རྒྱལ་པོ་ཟས་གཙང་མའི་སྲས་ལ་ཤཱཀྱ་ཐུབ་པ་འཁྲུངས་ཏེ། ཤཱཀྱའི་རིགས་ཐམས་ཅད་རབ་ཏུ་བྱུང་ནས་སྲས་སྒྲ་གཅན་ཟིན་དང་ཤཱཀྱའི་རྒྱལ་པོ་བཟང་ལྡན་ཡང་རབ་ཏུ་བྱུང་ནས་མང་བཀུར་རྒྱལ་པོའི་རྒྱལ་རྒྱུད་ཤཱཀྱའི་རིགས་ཐམས་ཅད་རྫོགས་པར་བཤད་དེ། དེ་ནི་ཡུལ་དབུས་དེར་ཤཱཀྱ་ཆེན་པོའི་རབ་རྫོགས་པ་ལ་གསུངས་པ་ཡིན་གྱི། མང་བཀུར་རྒྱལ་པོའི་རྒྱུ…

ཚོགས་བཅུ་གཉིས་ཞེས་པ་ཀླ་ཀློའི་དམག་བྱུང་ནས་ཤམ་བྷའི་རྒྱལ་པོ་གཡུལ་ཕམ་པས། མི་སྟོང་ཕྲག་གཅིག་བུད་མེད་དུ་བརྫུས་ནས་བོད་དུ་བྲོས་པའི་རྒྱུད་ལ་བོད་ཀྱི་མི་རྣམས་བྱུང་ཟེར། རྒྱལ་རབས་དང་མ་ཎི་བཀའ་འབུམ་སོགས་ཆོས་ཀྱི་ལུགས་ལ། སྤྲེའུ་བྱང་ཆུབ་སེམས་དཔའ་དང་བྲག་སྲིན་མོའི་བུ་རྒྱུད་ལ་བོད་འདི་བྱུང་བར་གསུངས་ཏེ། གང་ལྟར་ཡང་བོད་དཔོན་…

རྒྱུད་ཡིན་པས་ལྷའི་རྨུ་ཐག་སྤྱི་བོ་ནས་འོད་ཟེར་དཀར་པོ་རྟ་རྔ་ཙམ་ཞིག་སྟེང་ལྷ་ཡུལ་ན་ཟུག་ནས་ཡོད་པ་དེ་ལ་འཇུས་ནས་དབུས་ལྷ་རིའི་རྩེར་བྱོན་ནས་གཟིགས་པས། ཡར་ལུང་ས་བཟང་བར་གཟིགས་ནས་ཡར་ལུང་དུ་བྱོན་པས། རྫི་བོ་རྣམས་དང་ཕྲད་ནས་ཁྱེད་ག་ནས་ཡིན་ཟེར་བས། སྐད་མ་གོ་ནས་གནམ་ལ་མཛུབ་གུ་བཙུགས། སུ་ཡིན་ཟེར་བར་གོ་ནས་བཙན་པོ་ཡིན་གསུངས། ད…

ཞེས་བྱ་བ་ཡིན་པར་བཤད། དེའི་རྒྱལ་རྒྱུད་ད་ལྟའི་བར་དུ་ཡོད་དོ། །དེ་ནས་གྲི་གུམ་བཙན་པོ་ནས་རྒྱལ་རབས་མང་ཞིག་དད་པ་ནས་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྲུལ་པ། རྒྱལ་པོ་ཐོ་ཐོ་རི་སྙན་ཤལ་བྱ་བ་བྱུང་སྟེ། དེའི་ཕོ་བྲང་ནང་གི་རྩེ་ན་མདོ་སྡེ་ཟ་མ་ཏོག་དང་ཚ་ཚའི་བརྐོར་ཕོར་དང་ཤེལ་གྱི་མཆོད་རྟེན་རྣམས་བབ་ཅིང་། འཇའ་འོད་དང་མེ་ཏོག་…

རྒྱལ་རབས་ལྔ་ནས་འཇམ་དབྱངས་ཀྱི་སྤྲུལ་པ་རྒྱལ་པོ་ཁྲི་སྲོང་ལྡེའུ་བཙན་བྱོན་ཏེ། ཨོ་རྒྱན་གྱི་མཁས་པ་པདྨ་འབྱུང་གནས། རྒྱ་གར་གྱི་མཁས་པ་བི་མ་མི་ཏྲ། ཟ་ཧོར་གྱི་མཁས་པ་བྷོ་དྷི་སཏྭ། རྒྱ་ནག་གི་མཁས་པ་དུ་ཧར་ནག་པོ་སོགས་པཎྜི་ཏ་རྒྱང་རིང་གདན་དྲངས། བསམ་ཡས་ལ་སོགས་གཙུག་ལག་ཁང་ཆེན་པོ་བརྒྱ་དང་རྩ་བརྒྱད། ཕྲན་བུ་སྟོང་དང་རྩ་གཉིས་བཞེང…

བསྣུབས་པའི་ཉེས་པ་དང་བློན་པོས་སྨོན་ལམ་ལོག་པར་བཏབ་པའི་ནུས་པས་རྒྱལ་པོའི་གདན་ས་འཁྲུགས་ནས་རྒྱལ་པོའི་སྲས་འོད་སྲུང་དང་། རྒྱལ་པོའི་སྲས་མིན་ཀྱང་བཙུན་མོ་དབང་ཆེ་བས་སྲས་ཡིན་པར་བྱས་པའི་ཡུམ་བརྟན་ཟེར་བའི་སྲས་གཅིག་བྱུང་སྟེ་མ་འཆམས། འོད་སྲུང་གི་མངའ་རིའི་སྐོར་གསུམ་དབང་། ཡུམ་བརྟན་གྱིས་དབུས་གཙང་རུ་བཞི་དབང་བར་བྱུང་། དེ་ར…

བྱས་། །ཀོང་པོའི་ཕྱོགས་སུ་རྒྱལ་བློན་ཚན་གཅིག་ཆགས། །ཞེས་པ་ནི་ཀོང་པོ་སྟོང་ཤོང་རྒྱལ་པོ་སྐྱེས་ས་ཨ་བོ་ཚང་སྟེ།། འདི་ཚང་ལ་ཞྭ་དམར་དཀོན་མཆོག་ཡན་ལག་ཀྱང་འཁྲུངས་སོ། །ཡར་ལྷ་ཤམ་པོ་ལྷ་ཡིས་ཞུ་བ་བྱས། །དབུས་ཀྱི་ཕྱོགས་སུ་རྒྱལ་བློན་ཚན་གཅིག་ཆགས། །ཞེས་པ་ནི། བསམ་ཡས་རྒྱལ་རྒྱུད་དང་དེ་ལས་འཕྲོས་པ་ཡར་ལུང་ཆོས་རྒྱལ་ཕོ་བྲང་བ་གཉིས་ཡ…

པ། གཅིག་ཙོང་ཁ་དང་གཅིག་སྐྱོ་ན་ངོམ་སྨད་ནས་བཟུང་སྟེ། དེའི་རྒྱུད་ལ་ཙོང་ཁ་རྒྱལ་པོ་དང་གདོང་སྤོམ་ར་བྱུང་སྟེ། དེ་ཡང་གདུང་རབས་བརྩི་ན་མངའ་བདག་ཁྲི་རལ། གླང་དར། འོད་སྲུང་། དཔལ་འཁོར་བཙན། བཀྲ་ཤིས་བརྩེགས། འོད་ལྡེ། འོད་ལྡེའི་ཚ་བོའི་སྲས་ལ་སྤྱག་བཙན་འཁྲུངས་ཏེ་གདོང་རིགས་ཀྱི་ཕོ་ལྷ་ཡིན་ནོ། །འོད་ལྡེའི་སྲས་བཞིའི་ནང་ནས་ཁྲི་ལ…

མངའ་ཐང་ལོངས་སྤྱོད་རྒྱ་ཆེན་པོ་དང་ལྡན་པ་ཡིན་ནོ། །དེའི་སྲས་དབོན་རྒན་སྦྱིན་པ་ཡིན་ཏེ། དབུལ་ཕོངས་རྣམས་ལ་སྦྱིན་པ་བཏང་བ་དང་། རྒྱས་འབྲིང་རྣམ་གསུམ་བཞེངས་པ་སོགས་བྱ་བ་ཆོས་ལ་བྱས་པས། གདོང་སྦྱིན་པ་ཆོས་ཀྱི་བལ་དུར་ཟེར་བ་བྱུང་། ཕྱིས་རང་བྱུང་རྡོ་རྗེ་ལ་བསྙེན་པར་རྫོགས་ནས་མཚན་ཡོན་ཏན་འབྱུང་གནས་སུ་བཏགས། དེ་ལ་སྲས་གསུམ་ཡོད་པ…

ཁྲི་སྐོར་བཅུ་ས་སྐྱ་བ་ཆོས་འཕགས་ལ་རྒྱལ་པོས་དབང་ཡོན་དུ་ཕུལ། དེ་དུས་མདོ་ཁམས་སྒང་དྲུག་གི་སྤྱི་དཔོན་ལ་གོ་འཇོ་བསྐོས། དབུས་གཙང་རུ་བཞིའི་སྤྱི་དཔོན་ལ་སྣེའུ་གདོང་གོང་མ་ཆེན་པོས་བསྐོས། སྤྱིར་དུ་བཅུ་ལ་བཅུ་དཔོན་དང་བརྒྱ་ལ་བརྒྱ་དཔོན། སྟོང་ལ་སྟོང་དཔོན། ཁྲི་ལ་ཁྲི་དཔོན་བསྐོས་ཏེ། དེ་དུས་ལྡོང་དྲག་པ་རྒྱལ་མཚན་ལ་རྒྱ་ནག་གི་ར…

མཛད་། །མདོ་ཁམས་མི་དཔོན་བསྐོ་ཕབ་ལ། །དབང་བྱས་དེ་ནི་རྒྱལ་པོ་བཞིན། །ཅེས་གསུངས་སོ། །དྲག་ནག་གིས་གན་ཤོག་ལ་གསེར་རྐྱང་པའི་བཀའ་འགྱུར་ཚར་གཅིག་བཞེངས་པའི་ཕྱེད་ཙམ་གླིང་ཡུལ་འདན་ན་ཡོད། ཕྱེད་ཙམ་རི་བོ་ཆེའི་ལྷ་ཁང་ན་བཞུགས། ཇོ་བོ་ལ་གསེར་ཀོང་བཙུགས་སོ། །དྲག་ནག་བུ་དགུ་ཕ་དང་བཅུ་ཟེར་ནས། སྲས་པོ་དྲུང་ལྔ་བསུས་བུ་སོགས་དགུ་ཙམ་ཡོད…

མངའ་ཐང་ཆེ་ཞིང་ཕྱུག་དྲགས་པས། གཞི་སྟོང་སོགས་ཕྱི་དགྲ་མང་པོ་སྡང་སྟེ། དམག་བརྒྱབས་ནས་བཅོམ་པ་ལ། སླར་རྒྱལ་བ་བཟང་པོས་དགྲ་ཐམས་ཅད་བཏུལ་ནས་མིང་མི་གྲགས་པར་བྱས་ཏེ། སྒམ་པོ་པས། པདྨས་དམ་བཏགས་ལྷ་འདྲེ་བཞིན། །མ་ལུས་དགྲ་ལས་རྣམ་རྒྱལ་ཞིང་། །བསྟན་བྱ་གང་ལ་རབ་བཟང་བས། །ལྷ་རྣམས་ཀུན་གྱིས་དེ་ཡི་མིང་། །དོན་མཐུན་རྒྱལ་བ་བཟང་པོ་ཞེས།…

ཆེ་ཚང་སངས་རྒྱས་ཡེ་ཤེས་ཀྱི་ཞལ་ནས་མཁའ་སྤྱོད་པ་འདི་ཨོ་རྒྱན་པདྨའི་སྤྲུལ་པ་ཡིན་གསུངས། དེ་བཞིན་གཤེགས་པ་དང་མཁན་ཆེན་མགོན་བློན་པས། མཁའ་སྤྱོད་པ་འདི་དཔལ་ཆེན་རྒ་ལོའི་སྐྱེ་མཐའ་ཡིན་གསུངས་ཏེ། མཁའ་སྤྱོད་པ་ཉིད་ཀྱིས་ཀྱང་སྐྱེ་བ་ཉི་ཤུ་རྩ་ལྔ་དྲན། འཁྲུངས་དུས་ནས་བལྟས་བཟང་པོ་བྱུང་ཞིང་། །དགོང་ལོ་བཞི་ནས་ལས་མགོན་བྱ་རོག་གདོང་ཅ…

སྟེ། ཀརྨ་པ་དེ་བཞིན་གཤེགས་པ། ཞྭ་དམར་ཆོས་དཔལ་ཡེ་ཤེས། གཏེར་སྟོན་རཏྣ་གླིང་པ། འབྲི་ཁུང་བ་ཆོས་ཀྱི་རྒྱལ་པོ། སྟག་ལུང་ཡར་ཐང་གི་རཏྣ་ཀ་ར་དང་། ས་སྐྱ་བའི་རོང་སྟོན་ཆོས་རྗེ། རྗེ་བློ་བཟང་གྲགས་པ་ལ་སོགས་པ་ཕྱོགས་རིས་མེད་པའི་བླ་མ་བརྒྱ་དང་སུམ་ཅུ་ལ་ཆོས་དང་དབང་ལུང་ཞུས། འགྲམ་རྒྱས་བྲག་དཀར། ཙཱ་རི་ཀམ་པོ་གནས་ནང་སོགས་སུ་སྒྲུབ་པ…

བཏགས་། བསྟན་པ་སྲུང་བར་ཁས་བླང་སྲོག་སྙིང་ཕུལ། རྨ་ཀུང་ལུང་གནས་སྒོ་ཕྱེས། ཐོག་རྒྱུག་པ་དང་། རྡོ་རྗེ་དྲིལ་བུ་ནམ་མཁའ་ལ་བཞག་པ་དང་། རྔ་རྟེན་མེད་བར་སྣང་ལ་བཞག་ནས་བརྡུང་བ་དང་། ནམ་མཁའ་ལ་འཕུར་ནས་འདིང་སྐོར་མཛད་པ་དང་། རྡོ་ལ་ཕྱག་རྗེས་དང་ཞབས་རྗེས་མང་པོ་བཞག་པ་དང་། གཏོར་མ་འཕང་བ་རྡོ་ལ་ཕྱེད་ཙམ་ཟུག་པ་དང་། དབབ་ལ་སྡིགས་མཛུབ་…

རྣམས་རང་རྒྱུག་བྱས། རྒྱ་ནག་ཏུ་ལན་གཉིས་བྱོན་པའི་དང་པོ། ཀརྨ་པ་དེ་བཞིན་གཤེགས་པའི་བླ་མཆན་མཛད་ནས་བྱོན་ཏེ། རྒྱལ་པོས་ཐུག་འདོགས་དང་གནང་སྦྱིན་རྒྱ་ཆེན་པོ་མཛད། ངོམ་པ་ལ་དགོས་པ་བྱུང་ན་རྒྱ་ནག་རྒྱལ་པོའི་དམག་འོང་ཆད་ཀྱིས་འཇ་སའི་བཀའ་ཤོག་རྒྱ་ཡིག་ལ་རྒྱ་སྐད་བོད་ཡིག་ལ་བོད་སྐད་བྲིས་པའི་ཐམ་ཡི་གེ་གནང་། །རྒྱལ་མོ་འདས་པའི་ཆོ་ག་…

རྗེའི་སྐུ་ཐོབ་ནས་ད་ལྟ་ཡང་དངོས་སུ་བཞུགས་ནས་ཡོད་པས། དད་པ་ཅན་གྱིས་གསོལ་བ་བཏབ་ན་ད་རུང་ཡང་དངོས་སུ་མཇལ་རྒྱུ་ཡོད་པར་བཤད་དོ། །མཁའ་སྤྱོད་པའི་སྲས་ཆེ་བ་སྒམ་པོ་པ་ཆོས་ཀྱི་རྒྱལ་མཚན་ནི། སྤྱན་སྔ་སྟག་ཐོད་པའི་སྐྱེ་བ་ཡིན་ཏེ། ལོ་བརྒྱད་ནས་མི་དཔོན་མཛད། ལོ་བཅུ་གཅིག་ནས་དགྲ་ཕམ་པར་བྱས། ལོ་ཉེར་གཉིས་བར་དུ་རྒྱལ་ས་བཟུང་སྟེ། དཔལ་…

ལུང་ཞུས་པས། འཆད་རྩོད་རྩོམ་གསུམ་ལ་ཐོག་པ་མེད་པའི་མཁས་པ་ཆེན་པོར་འགྱུར། དྭགས་ལྷ་སྒམ་པོར་ལོ་དྲུག །ཀརྨར་ལོ་དྲུག །ལྷ་སྟེང་དུ་ལོ་བཞི། །དྭགས་པོ་དག་འཕྲང་ཙཱ་རི་གསར་རྙིང་སོགས་སུ་ལོ་རེ་སྟེ། སྤྱིར་ལོ་ཉི་ཤུ་ལ་སྐུ་མཚམས་མཛད་པས། མཉམ་མེད་དྭགས་པོ་དང་། ཀརྨ་པཀི་སོགས་བཀའ་བརྒྱུད་ཀྱི་བླ་མ་རྣམས་དང་དངོས་སུ་མཇལ་ནས་ཆོས་གསན། རྨི…

བ་བྱུང་ནས་རྟ་དྲེལ་རྣམས་འཚོ་བ་མཐོང་ནས་ཇག་པ་རྣམས་བྲོས་ཏེ། དོམ་དེ་གནོད་སྦྱིན་ཁྱེ་ཏྲ་པཱ་ལའི་སྤྲུལ་པ་ཡིན་ནོ། །རྨི་ལམ་དུ་མགོན་པོ་ཕྱག་དྲུག་པ་དཀར་སེར་དམར་ལྗང་ལྔ་ཞལ་གཟིགས་གཉིད་སད་ནས་ཀྱང་དངོས་སུ་མཇལ་སྟེ། མགོན་པོ་ཕྱག་དྲུག་པའི་བཀའ་བབ། སྣང་སེམས་གཅིག་ཏུ་འདྲེས་པ་རོ་གཅིག་ཆེན་མོ་མངོན་དུ་གྱུར། དེ་ནས་ཁྲོམ་ཁྲི་དཔོན་དང་…