མ་འཁྲུལ། །འཁྲུལ་བ་ཁྱོད་དེ་རང་རྫུན་དུ་འདུག །ཁྱོད་འཁྲུལ་གྲོལ་གཉིས་དབྱིངས་སུ་རང་བཞིན་གཅིག །བློ་དྲན་རིག་གི་ངན་མཚང་ང་ལ་ཡོད། །དེ་ཚུལ་བཞིན་དུ་ཤེས་ན་དོན་ཆེན་འདུག །སངས་རྒྱས་རིག་རྩལ་རྒྱལ་པོ་དེ། །སེམས་རྟ་རྒན་ལོང་བས་དབང་མེད་ཁྱེར། །འཇམ་རྩུབ་ཀྱི་ལམ་དུ་སོང་སོང་ནས། །འོ་བརྒྱལ་འགའ་ཁོང་ལ་རེད་ནས་གདའ། །ཁོང་ཆད་ཡུས་མེད་པ་…

བའི་ངག་གླུ་བསྐྱོད། །ང་རྣལ་འབྱོར་གྱི་སྒོམ་བྱུང་ཤེས་རབ་གླུ། །དོན་བརྗོད་མེད་བརྗོད་པར་འཇལ་བའི་ཚིག །ངག་རྡོ་རྗེའི་རྟ་ལ་བརྒྱུས་ནས་ལེན། །གླུ་འདི་ལ་བྱིན་རླབས་ཡོད་དུ་གཤའ། །ང་དག་རྗེ་བཙུན་བླ་མ་ལ། །མཉམ་འགྲོགས་བརྙས་བཅོས་མ་བྱས་ཤིང་། །སྐྱོན་རྟོག་ཐེ་ཚོམ་མ་སྐྱེས་པར། །ཁོང་བཀའ་དྲིན་ཅན་གྱིས་བྱིན་བརླབས་པས། །ང་ཚོགས་བསགས་ས…

བསྡད་ཚེ་གནས་འགྱུར་ཤོར། །ལྷག་མཐོང་གིས་ཟིན་ཚེ་ལྟ་བ་དངོས། །ཉམས་སྣ་ཚོགས་ཞི་གནས་ཁོ་ལ་གདའ། །གསལ་ཧྲིག་ཧྲིག་པ་དེ་འགྱུ་བར་སྣང་། །སེམས་མེད་པ་མིན་པའི་ཡོད་ཡོད་པོ། །ཡོད་པར་སྙམ་ན་སྟོང་ཆེན་པོ། །སེམས་ཁྲམ་པ་ཁྱོད་རང་ཁྲིམས་རང་ལ་ཆོས། །གསང་སྔགས་ཁོང་ལམ་ལ་ཞེན་ནས་གོལ། །ཉན་ཐོས་ཀུན་འགོག་པའི་རྒྱ་ཡིས་བཅིངས། །ཆོས་པ་རྣམས་དགེ་བའི…

བརྗེད་གསོས་བཞུགས་སོ། །རང་དོན་རྫོགས་པའི་སངས་རྒྱས་ཆེ། །གཞན་དོན་མཛད་ཕྱིར་སྤྲུལ་པའི་སྐུ། །རིགས་ཀྱི་ཁྱབ་བདག་རྡོ་རྗེ་འཆང་། །དྲིན་ཅན་བླ་མའི་ཞབས་ལ་འདུད། །སྙན་དང་གྲགས་པ་འདོད་པའི་ཆོས་པ་དང་། །རྙེད་དང་བཀུར་སྟི་འདོད་པའི་ཆོས་པ་དང་། །འཆི་ཆོས་ཁོ་ན་བསམ་པའི་ཆོས་པ་གསུམ། །འདྲ་དང་འདྲ་སྟེ་དོན་ལ་མ་ནོར་མཛོད། །ལས་ཀྱིས་མ་བསྐ…

དང་། །རྟོག་པས་རྟོག་པ་དེད་ཅིང་དཔྱད་པ་དང་། །བརྗོད་མེད་ཀློང་ཡངས་རབ་འབྱམས་རྫོགས་རིམ་གསུམ། །འདྲ་དང་འདྲ་སྟེ་དོན་ལ་མ་ནོར་མཛོད། །མཉམ་ལ་འགྲན་སེམས་སྐྱེས་པའི་སྒྲུབ་པ་དང་། །དམན་པ་ཁྱད་གསོད་བྱེད་པའི་སྒྲུབ་པ་དང་། །ཚེ་གཅིག་སངས་རྒྱས་བགྲོད་པའི་སྒྲུབ་པ་གསུམ། །འདྲ་དང་འདྲ་སྟེ་དོན་ལ་མ་ནོར་མཛོད། །ཆོས་དང་གང་ཟག་སྨོད་པའི་ཟུག…

དང་། །བསླུ་བྲིད་སྨྱོ་སྤྱོད་རྩིང་པོར་སོང་བ་དང་། །དྲོད་ཚད་གདེང་ཚུད་སྦྱོར་སྒྲོལ་སྤྱོད་པ་གསུམ། །འདྲ་དང་འདྲ་སྟེ་དོན་ལ་མ་ནོར་མཛོད། །ཕུང་སེམས་བྲལ་བའི་གཙང་རྩོག་སྐབས་མེད་དང་། །ཟས་ནོར་གདུང་བའི་རོ་གཤིན་འཛེམ་མེད་དང་། །ལྟ་བ་མངོན་གྱུར་རོ་མཉམ་རྟོགས་ལྡན་གསུམ། །འདྲ་དང་འདྲ་སྟེ་དོན་ལ་མ་ནོར་མཛོད། །བར་གཅོད་བདུད་ཀྱིས་ལོག…

དང་། །སྤང་བླང་མི་ཤེས་དུད་འགྲོ་ལྟ་བུ་དང་། །རྫོགས་ཆེན་ཆོས་ཟད་རེ་དོགས་བྲལ་བ་གསུམ། །འདྲ་དང་འདྲ་སྟེ་དོན་ལ་མ་ནོར་མཛོད། །སོ་ཐར་མ་ནུས་སྔགས་པར་ཁས་བླངས་དང་། །སྔགས་ལྟར་བྱས་ཀྱང་མན་ངག་མ་གོ་དང་། །ཡེ་བཀག་ཡེ་གནང་གནད་ཤེས་རྣལ་འབྱོར་གསུམ། །འདྲ་དང་འདྲ་སྟེ་དོན་ལ་མ་ནོར་མཛོད། །སྡིག་སྡུག་གཏམ་ངན་ལས་ཀྱི་དཀའ་བ་དང་། །ཟིན་མེད་བ…

ཚོད་ཟིན་ཆགས་སྡང་མ་བྱས་ཐབས་མཁས་དང་། །ཚེ་འདི་ཤོར་གོད་ལེགས་ཉེས་བློས་བཏང་གསུམ། །འདྲ་དང་འདྲ་སྟེ་དོན་ལ་མ་ནོར་མཛོད། །ལན་དང་ཉེ་ཕྱོགས་གཏོང་བའི་སྦྱིན་པ་དང་། །དགའ་འདུས་ཕྱོར་མགྲོན་ཚོགས་པའི་གཏོང་ཕོད་དང་། །ཚོགས་ཞིང་དག་པའི་ཡུལ་ལ་ཕུལ་བ་གསུམ། །འདྲ་དང་འདྲ་སྟེ་དོན་ལ་མ་ནོར་མཛོད། །མ་བརྟགས་ཕྱོགས་ཙམ་ཆ་ལ་འདྲ་ནའང་། །གནད་དོན…

ཅན་ལ་ཕྲག་དོག་སྐྱེ། །ལས་བསོད་ནམས་ཅན་ལ་བསམ་པ་ངན། །རང་རྙེད་འཚོལ་ངང་ལ་མི་ཚེ་ཟད། །ལས་འདི་ནི་དམྱལ་བའི་ས་བོན་ཡིན། །ལས་འདི་ནི་མར་འགྲོའི་སྣ་འདྲེན་ཡིན། །ལས་འདི་ནི་ངན་སོང་གཏིང་རྡོ་ཡིན། །ལས་འདི་ནི་བདུད་ཀྱི་དམག་དཔུང་ཡིན། །མི་རྨོངས་པ་དུད་འགྲོ་འདི་སྙིང་རེ་རྗེ། །མི་བསོད་ནམས་མེད་པ་འདིའི་རྗེས་འགྲོ། །མི་ཀླ་ཀློ་དུད་འགྲ…

ཕྱོགས་བན་དེར་བྱིན་པ་ཡི། །དགེ་ཆོས་དག་པའི་གནས་དང་འགལ་བ་ཅན། །གཏི་ཐུག་ཆོས་ལོག་དེང་སང་ངོ་སོར་འཁྱེར། །སྡིག་ལ་འགྱོད་བཤགས་མི་ཤེས་དྲན་པ་སྟོར། །དགེ་ལ་འབད་པ་མི་ཤེས་དྲན་པ་སྟོར། །སེར་ཆས་གྱོན་ཞིང་ཉོན་མོངས་སུ་བས་ཆེ། །ཟོབ་ཀྱི་ཁ་ཆོས་རང་འགལ་སྨྲ་ཞིང་གླེན། །ཐུན་མོང་མ་ཡིན་གོང་ན་མེད་པའི་ཆོས། །སྐལ་བཟང་དུས་བྱོན་སྔ་འགྱུར་རྫ…

ཤེས། །མ་ཡེངས་མ་འཁྲུལ་མ་ནོར་ད་རེས་རེམས། །ཆོས་མེད་གླེན་པས་གཞན་ལ་ཆོས་བཤད་འདོམས། །རིགས་པས་དཔྱད་ན་རང་མཚང་ངོམ་པ་འདྲ། །དུད་འགྲོ་སྤྲེལ་ཚ་རྣམས་ལ་ཞད་རེ་ཡོད། །དེང་སང་དུས་ཀྱི་ཆོས་འདི་ཡ་མ་བརླ། །ངེས་པའི་ཆོས་ཀྱི་ཉམས་ལེན་མེད་ནའང་། །བཙན་ཕྱུག་གཉིས་ལ་བླ་མ་འཆོས་པ་མང་། །བསྙེན་སྒྲུབ་ཟབ་མོའི་གདེང་ཚད་མི་ལྡན་ཡང་། །མི་བརྒྱུད…

དབྱེན་དང་ཕྲ་མས་མཐུན་གཉིས་འབྲལ་ཐབས་བྱེད། །སེར་ཆས་སྤངས་ནས་སྐྱ་ཆས་ཧོར་ཆས་བྱེད། །དཀར་པོ་དགེ་བའི་ལས་ལ་རྒྱབ་ཀྱིས་ཕྱོགས། །མི་དགེ་སྡིག་པའི་ལས་ཀྱི་ཁ་འཛིན་བྱེད། །ཚེ་འདི་ཉི་ཚེ་ཡུད་ཙམ་མ་ཤེས་ནས། །ཕྱི་མ་མི་བསམ་མི་ཚེ་སྡིག་ལ་ཟད། །ངོ་ཚ་མི་ཤེས་ཁྲེལ་མེད་ལས་ལ་འབྱམས། །ཉེས་བྱས་མི་འགྱོད་ད་རུང་སྡིག་འཕྲོ་མཐུད། །ཁ་ཏོན་མི་བྱེ…

བརྙས། །བསོད་ནམས་ཉམས་པས་ཟ་ཐང་རྙེད་པ་ཆུང་། །བདེན་པ་ཉམས་པས་རྫུན་དང་གཡོ་སྒྱུ་སྤྱོད། །འདི་དག་ཆོས་འགལ་བསྟན་བཤིག་ཉེས་པའོ།། །། ༈ ཡུད་ཙམ་ཏིང་འཛིན་སྒོམ་པར་མི་ནུས་པས། །རྫོགས་ཆེན་ཆོས་ལ་ཞུགས་པ་ངོ་རེ་ཚ། །བླ་སློབ་ཐམས་ཅད་བྲེལ་བའི་དབང་དུ་ཁྱེར། །རྫོགས་ཆེན་འཆད་ཉན་བྱས་པ་ངོ་རེ་ཚ། །བ་མོས་ཚྭ་ཆུ་བཞིན་དུ་ཁྱིམ་ལ་སྙོགས། །རྫོག…

ཆོས་དང་བླ་མ་སྔོན་འགྲོ་རིམ་གྱིས་སྤངས། །རྫོགས་ཆེན་ཆོས་སྤངས་དམ་ཉམས་ངོ་རེ་ཚ། །གོམས་འདྲིས་ཉམས་མྱོང་རྒྱུད་ལ་མ་བརྟེན་པས། །རྫོགས་ཆེན་ཡིག་ནག་ཀློག་པ་ངོ་རེ་ཚ། སྒྲུབ་པ་ཤི་རྒས་གཉིས་ལ་མི་གཏུག་པར། །རྫོགས་ཆེན་རེས་འཇོག་ཐང་ལྷོད་ངོ་རེ་ཚ། །མིང་ཆེ་ཇོ་བཟང་མདུན་ནས་ཐོབ་ཚར་ཟེར། །རྫོགས་ཆེན་མཐོ་འདོད་བཟང་འདོད་ངོ་རེ་ཚ། །ངོ་ཚ་བཅ…

དབྱིངས་དྲི་མེད་རྩལ་གྱིས་གདམས་པ་ཡིན། །ཐེག་པའི་ཡང་རྩེ་རྫོགས་པ་ཆེན་པོ་ལ། །མིང་བརྗེ་ལུས་བསྒྱུར་སྐྲ་བྲེག་མི་དགོས་ཏེ། །ཚུལ་བཞིན་སུས་སྒོམ་འཁོར་བའི་སྐྱེ་རྒྱུན་ཆད། །ཚེ་འདིར་རྫོགས་པའི་སངས་རྒྱས་མངོན་དུ་འགྱུར། །ཕྱི་གཤོལ་མ་བྱེད་མི་ངན་སྤྲེལ་ཚ་རྣམས། །ས་མ་ཡཱ།། །། ༈ རྗེ་བཙུན་བླ་མ་ཐུགས་རྗེ་ཅན། །སངས་རྒྱས་རྡོ་རྗེ་འཆང་ཆ…

མཚན་འབྱུང་། །ང་ཡི་ཆོས་ནི་འདི་དག་གི། །གཏེར་རྙིང་བྱིན་རླབས་ཡལ་བ་གསོས། །ང་ཡི་ཁ་ལག་འགྲིམ་པ་ཡི། །རྟེན་དང་ཆོས་ལ་བྱིན་རླབས་འབེབས། །ང་ཡི་ཆོས་ནི་སུས་བསྒྲུབ་པ། །དབང་པོར་འཚམས་པའི་རྟགས་ནུས་ཡོད། །ང་ཡི་ཞལ་གདམས་སྒོམ་ཡིག་ལ། །ལས་འཕྲོ་ཅན་གྱིས་མཐོང་བ་ཡིས། །དབང་མེད་བཙན་ཐབས་དད་པ་སྐྱེ། །ཆོས་ཉིད་མངོན་སུམ་རང་ངོ་འཕྲོད། །ཉམས…

ངན་སེམས་གནོད་པ་བྱེད། །ལས་ཅན་འགྲོ་བ་རྒྱང་རིང་ཡང་། །དད་ཅིང་དངོས་དང་ཕྲད་ན་བསམ། །ཕལ་ཆེར་མི་རྣམས་སྣོད་མེད་ཅིང་། །ལས་འཕྲོ་བསགས་སྦྱང་ཞན་པ་ཡིས། །ང་ཡི་ཆོས་བཞིན་སྤྱོད་པའི་བསོད་ནམས་མེད། །ཕལ་ཆེར་སློབ་མར་གྱུར་པ་ཡང་། །ཞལ་རྒྱུན་བཟང་པོ་བཤད་བྱས་ཀྱང་། །རང་ཐོག་ཉམས་ལེན་མེད་པའང་ཡོད། །ཕལ་ཆེར་མི་རྣམས་ལུང་མ་བསྟན། །དད་དང་སྐ…

འདིའི་རྟག་འཛིན་ཅུང་ཟད་ནོར་བ་འདྲ། །འབྱོར་པ་ལྷ་ཡི་ཁང་ཁྱིམ་འདྲ་བའི་ནང་། །ལུས་སྲོག་དང་བཅས་འདོར་ནས་འཆི་བ་ན། །མི་བཟོད་ཡི་དྭགས་གནས་སུ་སྐྱེས་པ་ན། །རྨི་ལམ་བདེ་སྐྱིད་སད་ནས་མེད་དང་མཚུངས། །སྐྱེས་པའི་རང་བཞིན་ཐམས་ཅད་འཆི་བ་སྟེ། །རི་གླིང་ཉི་ཟླ་ས་འོག་ས་སྟེང་ན། །ཀུན་རྫོབ་འདུས་བྱས་རྟག་པ་གཅིག་ཀྱང་མེད། །འཆི་དུས་དགོས་པ་ད…

ཞུགས་པ་ཡང་རུང་། །སྡིག་པ་མེད་ན་སྐྱེས་བུ་མཆོག་རབ་ཡིན། །གལ་ཏེ་ཡོད་ན་འགྱོད་སེམས་བཤགས་སྦྱོང་གྱིས། །ཐུབ་པའི་བསྟན་དང་མཇལ་བའི་དོན་གོ་ཡིན། །ཡོད་ཀྱང་ཆོག་ཤེས་མེད་པའི་ནོར་རྫས་འདི། །སྤྱད་ཀྱང་ངོམས་པ་མེད་པའི་འདོད་ཡོན་འདི། །བྱས་ཀྱང་ཟིན་དུས་མེད་པའི་བྱ་བྱེད་འདི། །སྙིང་ནས་སྙིང་པོ་མེད་པའི་འཁོར་བའི་ཆོས། །ཚུལ་འདི་སྤྲིངས་…

རྟག་ཏུ་དགེ་སྦྱོར་མ་ཆག་དང་། །འབྲས་བུ་རྒྱུན་དུ་འབྱུང་བར་འགྱུར། །སྲོད་དང་ཐོ་རངས་བསྐྱེད་བཟླས་རེམས། །བར་ཆད་བཟློག་པའི་དགོས་པ་ཡོད། །ཚེ་ཡི་རིང་ཐབས་འབོད་དང་ནི། །ཆོས་དང་འཇིག་རྟེན་ཡུན་གྱིས་འོང་། །ཆོས་ཉིད་ལ་བརྩོན་འབད་མཛོད་དང་། །ཟག་བཅས་བསོད་ནམས་ཤུགས་ཀྱིས་འོང་། །སེམས་ཅན་ཀུན་ལ་སྙིང་རྗེ་དང་། །བྱམས་སེམས་དང་ནི་མ་འབྲལ…