རྒྱས་ཐེབས་ལྷག་མཐོང་ཡིན། །སྒོམ་ཞེས་བསྒོམ་བྱ་སྒོམ་བྱེད་གང་ཡང་མེད། །སེམས་ལ་ངོས་བཟུང་ཁས་ལེན་གང་ཡང་མེད། །ཇི་བཞིན་སྒོམ་ལ་གནས་པ་མཉམ་བཞག་ཡིན། །བསྒོམས་ལས་ལྡང་བའི་ཐུན་མཚམས་རྗེས་ཐོབ་ཡིན། །རྗེས་ཐོབ་བྱ་བྱེད་ལྟ་བའི་ལམ་ཁྱེར་བྱ། །བསྒོམས་ནས་མཉམ་རྗེས་འདྲེས་ན་ཤིན་ཏུ་ལེགས། །དེ་ལྟར་རྫོགས་ཆེན་ཉམས་སུ་ལེན་ཚུལ་འདི། །ཆོས་རྒྱ…

བསྔལ་སེལ་བར་ད་རེས་བརྩོན། །རྣམ་གཡེང་འདུ་འཛིས་བསླུ་བ་སྤོང་རེ་རན། །ནང་དུ་སྒྲུབ་ལ་འབད་པ་ད་རེས་རེམ། །རྣམ་ཀུན་དགེ་བའི་ལས་ལ་འབུངས་རེ་རན། །མི་རྟག་རྒྱུད་བསྐུལ་ལེ་ལོ་ད་རེས་སྤང་། །མི་གཡོ་མཉམ་ཞག་བསྒོམ་པ་གོམས་རེ་རན། །སྤང་བླང་རེས་འཇོག་འདམ་ཁ་ད་རེས་བོར། །རང་བཞག་ཡེ་ཤེས་རང་ངོ་སྐྱོང་རེ་རན། །ཉམས་མྱོང་ཚད་ཕྱིན་གོམས་པ་ད་ར…

འབེབས་མོས་ཤིང་། །དེ་ཡང་སྒོམ་པས་ལག་ཏུ་ལོན་པ་དགོས། །ཚེ་འདིར་འབད་པའི་ལས་ལ་དོན་མེད་ཅིང་། །དོན་གྱི་སྙིང་པོ་རང་སྐུལ་རང་ལ་ཐོབས། །མདོ་སྔགས་སྤྱི་དང་ཁྱད་པར་རྫོགས་པ་ཆེ། །རང་ལུགས་རྙིང་མའི་ཐུགས་དམ་བརྣག་པ་དེ། །ཉིན་མཚན་རྟག་ཏུ་བརྩོན་པས་ཉམས་སུ་ལོངས། །སེམས་ནི་གཞི་རྩ་བྲལ་བའི་སྟོང་པ་ཉིད། །སྟོང་པའི་སྣང་བ་མི་འགག་རང་ལས་འཕ…

ཞེས་བསྐུལ་བའི་དོན་སྨོས་པ། །འགྲོ་བ་གཞན་གྱི་ལུས་ལ་བསམ་པ་ན། །མི་ལུས་ཆོས་ལྡན་ད་རེས་སྐལ་བ་བཟང་། །ཀུན་རྫོབ་འདུས་བྱས་ཐམས་ཅད་འཇིག་པའི་ཆོས། །མི་རྟག་འཆི་བ་ནམ་ཡོང་ཆ་མེད་པས། །མྱུར་དུ་མྱུར་དུ་ཆོས་ལ་བརྩོན་པར་བྱ། །དགེ་སྡིག་ལས་ལ་འཇུག་ལྡོག་མ་ལོག་པར། །ཐར་པ་དམ་བ་དོན་དུ་གཉེར་བར་མཛོད། །དཀོན་མཆོག་མཆོད་དང་ཕོངས་པར་སྦྱིན་གཏ…

རྣམས་ལ་མཆོད། །རིགས་དྲུག་ཕ་མ་ལན་ཆགས་བགེགས་ལ་སྦྱིན། །རྐྱེན་ངན་བར་ཆད་ལམ་ཁྱེར་ལྟ་བའི་ངང་། །ཉམ་ང་བག་ཚའི་སྟེང་དུ་ཐོག་བརྫིས་ཐོངས། །འདིས་ནི་ནད་གདོན་བར་ཆད་ཞི་བ་དང། །ལྟ་སྒོམ་སྤྱོད་པའི་ཏིང་འཛིན་བོགས་ཐོན་འགྱུར། །ཁྲེགས་ཆོད་ཐོད་རྒལ་ཉམས་ལེན་བར་སྐབས་འགར། །སྒོ་གསུམ་རུ་ཤན་ངལ་ཆད་དུབ་པར་སྦྱངས། །དེ་ཡང་བོགས་འདོན་རྩལ་འབྱི…

ཞེས་བསྐུལ་བ་དེ་ཡི་ངོར། །ཁྱབ་བདག་རྗེ་བཙུན་བླ་མའི་བྱིན་རླབས་དང་། །རང་གི་སྔ་མའི་བག་ཆགས་གོམས་སྟོབས་ཀྱིས། །སེམས་ཉིད་དོན་གྱི་ཉམས་ལེན་བོགས་འབྱིན་བཅས། །བདུད་རྒན་ཕྲིན་ལས་བདག་གིས་ཡི་གེར་བཀོད། །དགེ་བས་སེམས་ཅན་ཐམས་ཅད་སངས་རྒྱས་ཤོག །དགེའོ།། །། ༈ མདོ་རྒྱུད་གཟིགས་པའི་ཤེས་བྱ་རབ་ཡངས་ཤིང་། །སྡོམ་གསུམ་བསྐྱེད་རྫོགས་བསྟན…

ཟིན་ཐེ་ཚོམ་མི་དགོས་ཤིང་། །རེད་དང་མ་རེད་ཡིན་མིན་སྤྱོད་པ་སོགས། །ཕྲ་རགས་རྟོག་པའི་འགྱུ་བ་གང་ཤར་ཡང་། །བཟོ་མེད་ལྷུག་པར་འཇོག་པའི་བཞག་ཐབས་འདི། །པད་འབྱུང་རིག་འཛིན་བརྒྱུད་པའི་ཞལ་གདམས་ལགས། །རང་གསལ་འཕོ་འགྱུར་མེད་པའི་ངང་གནས་པ། །མངོན་སུམ་རྟོགས་པ་རིག་པ་ཚད་ཕེབས་ཡིན། །དེ་ཚེ་ཉམས་སྣང་སྣ་ཚོགས་འབྱུང་བ་རྣམས། །ཉམས་སྣང་གོང…

མྱ་ངན་འདས་པའི་ཡོན་ཏན་འདི་ལས་འབྱུང་། །ལྷ་སྔགས་མེད་ཀྱང་འདི་ག་རྐྱང་པས་མཆོག །འོན་ཀྱང་མཉམ་བཞག་རྗེས་ཐོབ་འདྲེས་པ་དང་། །གང་ཡང་ལམ་ཁྱེར་ཆོག་པའི་བློ་སྒོམ་ན། །ལྷ་སྐུ་མཆོག་དེ་རང་སེམས་སངས་རྒྱས་ཡིན། །ངོ་བོའི་ངང་དེར་བསྐྱེད་རིམ་བརྒྱ་ལས་ལྷག །དེ་ཕྱིར་བསྐྱེད་རིམ་ཆད་པའི་སྐྱོན་འཇུག་མང་། །མི་ཡི་འདྲེན་པ་ཐུབ་པས་དཀོན་བརྩེགས་…

རྣམ་བཞག་ལས་གཞོལ་རྫོགས་པ་ཆེན་པོའི་ལུགས། །ངེས་པ་དོན་གྱི་སྙིང་པོའི་ལྟ་གྲུབ་ལ། །རྟོགས་གྲོལ་དུས་མཉམ་དགོངས་པ་ཡིན་པའི་ཕྱིར། །ས་ལམ་རིག་འཛིན་བཞི་དང་དེ་བཞིན་དུ། །བཀའ་གདམས་རྣལ་འབྱོར་བཞི་རིམ་བཅུ་གཉིས་སོགས། །རྫོགས་ཆེན་བློ་འདས་དམིགས་གཏད་བྲལ་བ་ལ། །ལྷན་པོར་གདབ་ཅིང་ནག་ནོག་འཆོལ་སྤྱོད་ཅན། །རྨོངས་པའི་གསང་ཚིག་རྫོགས་ཆེན་…

སྨྲ་བརྗོད་ཚིག་ལས་འདས་པའི་རྫོགས་པ་ཆེ། །གང་གིས་བརྩོན་པའི་ཉམས་སུ་བླངས་པ་ཡིས། །བཟང་ངན་ངོ་མཉམ་རྩོལ་སྒྲུབ་རེ་དོགས་ཟད། །སངས་རྒྱས་གཞན་དུ་མི་ཚོལ་རང་ལས་རྙེད། །སྒྲོ་བཏགས་ཆོས་ཀུན་འཁྲུལ་བའི་རྫུན་ཁུངས་བརྡིབ། །འཆི་ཁར་མི་འཇིགས་འཆི་མེད་བཙན་ས་ཟིན། །འཁོར་འདས་ཆོས་ཀུན་སྒྱུ་མའི་གཏད་མོར་རིག །ཐོག་མའི་སངས་རྒྱས་མངོན་གྱུར་རྫོ…

རྣམས་ཐམས་ཅད་ཀུན། །ཐུགས་སུ་ཆུད་ཅིང་འདམ་མཛད་པའི། །ཀློང་ཆེན་རབ་འབྱམས་ལ་ཕྱག་འཚལ། །བདག་དང་རྗེས་སུ་འཇུག་རྣམས་ལ། །ཐུགས་རྗེའི་བྱིན་གྱིས་བརླབ་ཏུ་གསོལ། །སྔོན་གྱི་དྲང་སྲོང་ཆེན་པོའི་སྲོལ། །ཐུབ་པའི་དབང་པོའི་ཆོས་ཚུལ་ལ། །སྡིག་པ་སྤང་བར་གདམས་པ་དང་། །དགེ་བ་སྒྲུབ་དགོས་གསུངས་པ་དང་། །འཁོར་བ་སྡུག་བསྔལ་ཡིན་ཞེས་གསུངས། །འདུ…

སྟོན་པའི་གཤེས་གཉེན་དམ་པ་དང་། །ཆོས་ཚུལ་དེ་དང་འཇལ་བ་ནི། །བསྐལ་མང་ཚོགས་བསགས་དགེ་བས་ཏེ། །མ་རྨོངས་མ་ནོར་འགྲོ་བ་རྣམས། །ངལ་དུབ་དཀའ་ལས་ཁྱད་བསད་ནས། །ད་རེས་རྩེ་གཅིག་འབད་པ་ཐོན། །ལྟོ་གོས་གཏམ་ལ་གྱོང་བསྐུར་ནས། །འཁོར་བའི་སྡུག་བསྔལ་སྐྱོན་མཐོང་སྟེ། །ནག་ཅན་བཙོན་ནས་འབྲོས་པ་བཞིན། །སྙིང་རུས་རྩེ་གཅིག་ཆོས་ལ་དྲིལ། །ད་ལྟའི་…

ཉིད། །བསྒོམ་བྱ་མ་བྱུང་སྙམ་པ་ཡི། །རང་སྡུག་རང་ལ་བསྐུར་དོན་མེད། །རང་གསལ་རྗེན་པ་ཆོས་ཉིད་ཡིན། །དོན་གྱི་ལྷག་མཐོང་དེ་ལ་ཟེར། །ལྷག་མཐོང་གནད་ཀྱིས་མ་ཟིན་ན། །གནས་འགྱུ་བགྲང་བ་ཨ་རེ་སྡུག །ངོ་ཤེས་རྩལ་རྫོགས་ཀྱིིས་ཟིན་ན། །གནས་ན་ཆོས་ཉིད་ངང་ན་གནས། །འཕྲོ་ནའང་ཆོས་ཉིད་རྩལ་ལས་འཕྲོ། །འཕྲོ་གནས་ཆུ་དང་རྦ་རླབས་བཞིན། །རང་ལས་ཤར་ཞ…

མེད། །ཐོག་མའི་སངས་རྒྱས་ཀ་དག་ཉིད། །ཡེ་ནས་རང་ལ་གནས་པ་ཡིན། །དེ་ཉིད་གདོད་ནས་དག་པ་ཡིན། །ད་ལྟ་བླ་མའི་བཀའ་དྲིན་གྱིས། །མ་རིག་སྒྲིབ་བསལ་རང་རིག་བསྟན། །དེ་ལ་དག་པ་གཉིས་ལྡན་ཟེར། །བདུད་རྒན་ཨ་རག་གིས་མྱོས་ནས། །ཆོས་ཉིད་ཡངས་པའི་གླུ་བླངས་པ། །ཀྱེ་ཧོ་དམིགས་བསམ་འཕྲོ་འདུ་བྲལ་བ་ཡི། །རང་ངང་རང་བབས་འཕྲོ་འདུ་མེད་པ་སྟེ། །ཀུན་ཏུ…

དག་པ་ཆེ། །གློ་བུར་སྤྲིན་དང་ཁ་ཆར་ཅི་བྱུང་ཡང་། །སེམས་རྟོག་འཁྲུལ་བའི་འགྱུ་བ་དེ་འདྲ་སྟེ། །ངང་ལས་བྱུང་ཞིང་ངང་ལ་ཐིམ་ཞིང་མེད། །མཚོ་རླབས་རྒྱ་མཚོ་ལས་བྱུང་དེར་ཐིམ་འདྲ། །སེམས་ཀྱི་འགྱུ་རྟོག་བདེ་སྡུག་སྣ་ཚོགས་པ། །མ་བཅོས་དགོངས་པའི་ངང་དེར་བཞག་པའི་དུས། །རང་ཤར་རང་གྲོལ་བློ་བྲལ་དེ་འདྲའོ། །དེ་ནི་བདུད་རྒན་སྨྱོན་པས་གླུ་རུ…

བཏགས་ཟིན་པ་ལ་ད་གཟོད་བཏགས་རྒྱུ་མེད། །སྤང་བླང་རེ་དོགས་མཚན་མའི་དགེ་སྦྱོར་ཅན། །རྫོགས་པ་ཆེན་པོའི་སྐྱོན་དུ་དེ་ཆེ་འོ། །འཁོར་བ་སྤོང་འདོད་ཡེ་ཤེས་སྒྲུབ་འདོད་པ། །རྫོགས་པ་ཆེན་པོའི་སྐྱོན་དུ་དེ་ཆེ་འོ། །དམ་ཚིག་སྤང་བླང་མཚན་འཛིན་དམ་པོ་ཅན། །རྫོགས་པ་ཆེན་པོའི་སྐྱོན་དུ་དེ་ཆེ་འོ། །གནས་དགའ་འགྱུ་སྡུག་ལུས་བཅོས་སེམས་བསྡམས་པ།…

སྣང་མིན་སྟོང་མིན་སྣང་སྟོང་གཉིས་མེད་མིན། །འདི་ཡིན་འདི་མིན་ཕྱོགས་ལྷུང་བྲལ་བ་སྟེ། །བཏགས་པའི་ཆོས་ཀུན་མེད་པར་ངས་བསྟན་གྱིས། །མདོ་སྔགས་ཐེག་པ་རྣམས་ཀྱི་ལུགས་དང་ནི། །བསྒོམ་པར་ཕྱོགས་པའི་བླང་དོར་རྣམ་མང་པའི། །ཁམས་གསུམ་སྲིད་པའི་ཆོས་དེས་མ་འཆིངས་པར། །ཀུན་བཟང་བདེ་ཆེན་ཆོས་ཉིད་ཡངས་པའི་ཀློང་། །ཀློང་འདི་སྨྲ་བསམ་བརྗོད་འད…

སྒོམ་བྱེད་དེར་འཛིན་མེད་པ་སྟེ། །སྒོམ་དུ་མེད་པའི་སྒོམ་པ་ངོ་མཚར་ཆེ། །བལྟ་བྱ་ལྟ་བྱེད་གཉིས་སུ་མེད་པ་ཡི། །ཕྱོགས་ལྷུང་མེད་པའི་ལྟ་བ་ངོ་མཚར་ཆེ། །ཀྱེ་ཧོ་གང་དག་བཙལ་བས་མ་རྙེད་པས། །མ་རྙེད་པ་དེ་ལྟ་བའི་མཆོག་ཡིན་ནོ། །ཅི་ལྟར་བསྒོམས་ཀྱང་འདི་ཡིན་ངོས་བཟུང་མེད། །སྒོམ་མེད་པ་དེ་སྒོམ་པའི་མཆོག་ཡིན་ནོ། །ཇི་ལྟར་སྤྱད་ཀྱང་སྤྱད་…

ཀྱིས་ཉམས་སུ་བསྟར་བར་མཛོད། །ཚུལ་འདི་བློ་གྲོས་ཐོས་བསམ་མཆོག་མངའ་བ། །སྤྲུལ་པའི་སྐུ་མཆོག་ནམ་མཁའ་ཚེ་དབང་ཉིད། །དགྱེས་པར་བྱ་ཕྱིར་ཨ་རག་གིས་མྱོས་པ། །བདུད་རྒན་ཐན་གྱི་བྱ་རོག་དཀར་པོའི་གཏམ། །ངོ་མཚར་ལྷ་ཡི་རྔ་སྒྲའི་ཆེས་ལྷག་པ། །བརྗོད་པའི་དགེ་བས་རང་ལུགས་རྫོགས་པ་ཆེའི། །དོན་ལོག་དོན་ནོར་སྨྲ་བའི་བདུད་སྡེའི་ཚོགས། །གླང་རྒན…

བློ་ལྡན་པདྨོའི་ཚལ། །རབ་ཏུ་དགའ་བའི་གཉེན་དུ་བྱས། །མངྒ་ལཾ།། །། ༈ གུ་རུ་པདྨ་འབྱུང་གནས། །མ་གཅིག་ཡེ་ཤེས་མཚོ་རྒྱལ། །ཕ་གཅིག་ཉི་གྲགས་གཉིས་པ། །དད་དམ་ཡང་དག་ལྡན་པའི། །ཀུན་བཟང་བྱིན་གྱིས་རློབས་ལ། །མཆོག་ཐུན་དངོས་གྲུབ་སྩོལ་ཅེས། །ཞུའོ་དགྱེས་བཞིན་གནང་མཛོད། །རྣམ་ཀུན་བརྩེ་སེམས་ལྡན་པའི། །སྒྲུབ་པོས་ཐུགས་དམ་འདི་མཛོད། །རྣམ…