སངས་རྒྱས་ཀུན་འདུས་ངོ་བོ་པདྨ་འབྱུང་༔ རིགས་རྣམས་ཀུན་གྱི་ཁྱབ་བདག་རྡོ་རྗེ་སེམས༔ འགྲོ་བ་ཡོངས་ཀྱི་གཉེན་གཅིག་སྤྱན་རས་གཟིགས༔ ཚེ་རབས་ཀུན་ཏུ་འབྲལ་མེད་སྤྱི་བོར་མཆོད༔ སྔོན་གོམས་བག་ཆགས་བཟང་པོའི་ལས་འཕྲོ་ཡིས༔ བཤེས་གཉེན་དམ་པ་རྡོ་རྗེ་སྙིང་པོ་མཇལ༔ ཐེག་མཆོག་རྩེ་མོ་རྫོགས་ཆེན་མང་དུ་ཐོས༔ རྨི་ལམ་ན་ཡང་དགེ་བའི་སྣང་བ་འགྲོགས༔…

བོ་ལོ་ལྔ་ཙམ་ན་འཆད་ཉན་བྱེད་པ་དང་༔ དབང་བསྐུར་བ་དང་༔ སྒོམ་སྒྲུབ་དང་༔ རླུང་འཛིན་པ་སོགས་ཀྱི་ཚུལ་བྱེད་པ་ཀུན་གྱིས་བག་ཆགས་བཟང་པོར་ངོས་བཟུང་༔ ཉི་སྤྲུལ་རྡོ་རྗེ་འཆང་གིས་རྗེས་སུ་བཟུང་སྟེ་དབུས་སུ་སོང་སྐབས༔ རྡོར་བྲག་པ་རིག་འཛིན་ཆེན་པོ་སྐལ་བཟང་པདྨ་དབང་ཕྱུག་ལས་གསོལ་འདེབས་ལེའུ་བདུན་མ་ལས་ལྟ་བ་རྣམས་ལྗགས་ཁྲིད་མཛད་པ་ཐོབ༔…

ལྗགས་ཁྲིད་རྣམས་ཐོབ༔ རང་གི་ཁུ་བོ་ནོར་བུ་རྒྱ་མཚོ་ལས་མཁའ་འགྲོ་སྙིང་ཐིག་གི་ཁྲིད་རྒྱལ་དབང་ལྔ་པའི་མཆན་གསལ་འབུམ་ཕྲག་སྣང་བའི་ཡི་གེའི་སྟེང་ནས་ནོད་ཅིང་སྦྱངས་པ་ངེས་འདྲོངས་བགྱིས༔ ཤིང་ཁྱི་ལོར་ཉི་སྤྲུལ་རྡོ་རྗེ་འཛིན་པ་ལས་གཏེར་ཆེན་ཆོས་ཀྱི་རྒྱལ་པོ་ཉི་མ་གྲགས་པའི་རྩ་གསུམ་གསང་བ་སྙིང་ཐིག་གི་སྨིན་ཁྲིད་ཞིབ་པར་ཐོབ་ཅིང་༔ འད…

སེམས་ཅན་གྱི་དོན་བྱེད་པར་ཤོག་ཅིག་ཅེས་པའི་སྨོན་ལམ་ཡང་མང་དུ་བཏབ༔ ངེས་ཤེས་ཀྱང་ཇི་ལྟ་བ་བཞིན་འདྲོངས་ཏེ༔ ཕྱིའི་ཐེག་པ་རྙོག་མ་ཅན་རྣམས་མཐོང་དུས་དྲང་དོན་གྱི་རྒྱུ་འབྲས་ལོས་བདེན༔ བྱང་ཆུབ་མཆོག་གི་སེམས་བསྐྱེད་ཐེག་པ་ཆེན་པོ་དང་གསང་སྔགས་ཀྱི་ཐབས་རྣམས་ཟབ་ཅིང་རྨད༔ འོན་ཀྱང་གཅོད་བྱ་གཅོད་བྱེད་ནོར་བུ་ལྟ་བུ་བློས་བྱས་ཀྱི་རྒྱུ…

ཚུལ་འདིའི་ངེས་པ་རྙེད་ཙམ་དུ་མཆིས༔ རྗེ་བཙུན་བླ་མ་དམ་པའི་གསུང་གིས་གཞན་ལ་ཁྲིད་འབོགས་ཞེས་ལན་གསུམ་གསུངས་པའི་དོན་དེ་བསྒྲུབ་པའི་ཕྱིར༔ རྩ་གསུམ་གསང་བ་སྙིང་ཐིག་ལན་བཅུ་གསུམ་དང་གཞན་ཡང་རང་ལུགས་ཀྱི་ཁྲིད་ཀ་རྣམས་གང་ལྕོགས་བསྡམས་པར་ལན་ཉི་ཤུ་རྩ་ལྔ་ཙམ་སོང་ཞིང་ཚུལ་བཞིན་ཉམས་ལེན་ལྡན་མིན་དུས་ཀྱི་དབང་གིས་མང་ནའང་༔ ཆོས་ཐོབ་ཀྱི…

རིན་པོ་ཆེའི་རྒྱན་སྤྲས་པ་སྐྲ་ཐོར་ཅོག་ཏུ་བཅིངས་པ་ལག་པ་བཞི་པ་སྨད་གཡོགས་དར་ལྗང་ཁུས་བྱས་པ་ཞིག་གུ་རུས་འདི་ཁྱེད་ལ་གྲོགས་སུ་བྱིན་པ་ཡིན་གསུངས་ཤིང་བདག་ལ་གཏད༔ འདི་ཡང་རྨི་ལམ་དུ་འདུག༔ རྡོ་རྗེ་སེམས་དཔའི་ཞིང་ཉུལ་དགོས་བསམ་མ་ཐག་ཏུ་སྐད་ཅིག་ལ་ཞིང་ཁམས་མ་གསལ་རྡོ་རྗེ་སེམས་དཔའ་དཀར་པོ་མཚན་དང་དཔེ་བྱད་བལྟར་མི་མངོན་པ་ལོངས་སྤྱ…

གང་ཐལ༔ བསྡུས་པས་སྣང་བ་དེ་རྣམས་གཅིག་ཏུ་འདུས་རང་ལུས་སུ་བསྒྱུར༔ ཡང་རི་བོ་ཏ་ལར་འགྲོ་བསམ་པ་དང་མཉམ་དུ་མཚོ་ཆེན་བསམ་གྱིས་མི་ཁྱབ་པ་མེར་བའི་དབུས་ན་རི་མཐོ་ལ་རྒྱ་ཆེ་བ་ལྷུན་སྡུག་པ་ཤིང་སྣ་ཚོགས་ལོ་འབྲས་དང་ཡལ་ག་རྒྱས་པ་མེ་ཏོག་རྣམ་པ་སྣ་ཚོགས་བཀྲ་བ་ཡིད་ཆགས་པ་དེ་ལྟ་བུ་ཞིག་གི་སྟེང་ན་ཤེལ་གྱི་གཞལ་ཡས་ཁང་བཀོད་ལེགས་ཡངས་ཤིང་རྒ…

བ་ངོམ་ཐབས་སུ་བགྲངས་ནས་ༀ་མ་ཎི་པདྨེ་ཧཱུྃ་འདི་ནི་སངས་རྒྱས་བྱང་སེམས་ཇི་སྙེད་པ་ཐམས་ཅད་ཀྱི་ཐུགས་བཅུད་གསང་སྔགས་རིག་སྔགས་གཟུངས་སྔགས་ཐམས་ཅད་ཀྱི་ཡང་སྙིང་ཡིན༔ ཁྱེད་རྒྱ་གར་དུ་སློབ་དཔོན་ཞི་བའི་གོ་ཆ་དང་རྡོ་བོད་མཚམས་སུ་བྱང་ཆུབ་རྒྱལ་པོ་ཡང་ཡིིིན་གསུངས་པ་དང་བདག་གིས་ཡང་སྔ་ཕྱིའི་སྐྱེ་བ་མང་པོ་ཡད་ཡུད་དྲན་བྱུང་༔ ད་རྨི་ལམ་…

ད་དུང་ཏིང་ངེ་འཛིན་གྱི་ངང་ལ་ཁད་དེ་འདུག་གོ༔ གསུམ་པ་ནི༔ མེ་ཁྱི་ལོར་ཉི་སྤྲུལ་རྡོ་རྗེ་འཛིན་པས་བླ་མ་ཡང་ཏིག་གི་དབང་ལུང་ཁྲིད་བཅས་དུས་གཅིག་ཚར་བར་མཛད་དུས་དབང་གསུམ་པའི་ནུབ་མོ་ནམ་སྟོད་སྤྲུལ་སྐུ་མཆོག་དེས་དྲེགས་པ་ཟིལ་གནོན་གྱི་དབང་བསྐུར་བདག་ལ་མཛད་པ་དང་༔ དེའི་མུར་ཁོ་བོ་ཤིན་ཏུ་སྐོམ་ཉམས་འདུག་པས་དགེ་སློང་རྣམ་གྲོལ་བྱ་བ…

གྱུར་རོ་རྐྱང་ནས་ཞུགས་དབུ་མའི་ལམ་ནས་བརྒྱུད་སྙིང་གར་བླ་མ་རིག་འཛིན་མཁའ་འགྲོའི་ཚོགས་ཀྱིས་གླུ་ལེན་བྲོ་རྡུང་བྱེད་པར་དམིགས་ནས་རླུང་བཟུང་གསུངས་སོ༔ ཡང་གཅིག་རྗེ་བཙུན་དམ་པ་དེ་ལས་ཟབ་མོ་ཡང་ཏིག་གི་དབང་ཞུས་པའི་རྨི་ལམ་དུ་ནམ་མཁའ་གཡའ་དག་ཉི་མ་ཤིན་ཏུ་གསལ་ཞིང་འོད་འབར་བར་འདུག༔ བདག་གི་ལག་ན་ཤེལ་རྡོ་མདའ་ཚད་ཙམ་ཤིན་ཏུ་སྦོམ་པ་…

གཏད་དབང་རྫས་དཀྱིལ་འཁོར་དང་བཅས་པ་བདག་ལ་ཐིམ་པར་རྨིས༔ ལྔ་པ་ནི༔ ཉི་སྤྲུལ་རྡོ་རྗེ་འཛིན་པ་ལས་མཁའ་འགྲོ་སྙིང་ཐིག་གི་དབང་ལུང་ཁྲིད་བཅས་གཏེར་གཞུང་ཟོལ་མེད་ཀྱི་སྟེང་ནས་ཞུས་པས་དབང་སྔོན་འགྲོ་དངོས་གཞི་རྗེས་དང་གསུམ་ཀར་ཞག་གསུམ་འགོར་བའི་དེའི་རིང་ཀུན་བཟང་ཡབ་ཡུམ་མཐིང་གའི་སྐུ་ལས་འོད་ཟེར་མུ་མེད་པར་མཆེད་པའི་ནང་ན་རིགས་ལྔ་ཡབ…

པ་ཙམ་བྱུང་སྟེ་ཡི་གེར་མ་བཏབ༔ བདུན་པ་ནི༔ ཉང་དང་ཆོས་དབང་གི་གཏེར་བྱོན་གླེགས་བམ་མང་པོ་མཇལ་བའང་རྨིས༔ བརྒྱད་པ་ནི༔ རྨི་ལམ་དུ་བུད་མེད་རཏྣ་དང་རུས་པ་མེ་ཏོག་དར་གྱིས་བརྒྱན་པ་མང་པོས་ཡི་གེ་ཐོགས་ནས་འདུག་པས་ཡི་གེ་གང་ཡིན་དྲིས་པས་དཀོན་མཆོག་སྤྱི་འདུས་ཀྱི་ཁྲིད་ཡིན་ཟེར༔ བདག་ལ་ཤོག་བུ་ཡུག་ཤིན་ཏུ་ཆེ་བ་གཅིག་གཏད་ནས་ད་ཁྱོད་སྐྱ…

ལུང་བྱས་པས་དབང་གསུམ་སོང་བའི་ནུབ་མོ༔ ཉི་སྤྲུལ་རིན་པོ་ཆེའི་མདུན་ན་བདག་འདུག་ཤོག་སེར་བརྡ་ཡིག་ཅན་ཤིན་ཏུ་ཆེ་བ་གཉིས༔ ཡང་གཅིག་ཟབ་ཆེན་སྔོན་པོ་ལ་གསེར་གྱིས་མཚོ་རྒྱལ་གྱིས་ཕྱག་བྲིས་སུ་སྣང་བ་དེ་རྣམས་བདག་གི་ལག་ན་འདུག་པ༔ ཕུད་ཅུང་ཟད་སྐྱབས་མགོན་རིན་པོ་ཆེ་ལ་ཕུལ་བས་ཞལ་དུ་གསོལ་ནས་འདི་རྣམས་རྫོགས་པ་ཆེན་པོའི་ཆོས་སུ་འདུག་གས…

དབང་རྣམས་བསྐུར་ཚར་བ་རྨིས་སོ༔ ཨ་ཏི་བླ་མེད་ཀྱི་སྐོར་གང་ཟག་གཅིག་གིས་ཉམས་སུ་ལེན་སྙམ་ན་ཁོ་བོས་འདི་ལྟར་སྙམ༔ རྒྱུ་འབྲས་སྤང་བླང་དྲང་དོན་མདོ་སྡེ་ལྟར་དང་སེམས་བསྐྱེད་ཐེག་པ་ཆེན་པོའི་མདོ་ལྟར་དང་༔ གསང་སྔགས་ཀྱི་ཐབས་ལམ་ཆེས་རྨད་དུ་བྱུང་བ་རྣམས་ལམ་སྟེགས་སུ་འོས་པ་དང་༔ གསང་སྔགས་ཀྱི་བསྒྲུབ་བྱའི་མཐར་ཐུག་པ་ཚུལ་འདིའི་ལམ་དུ་…

གཅིག་ཅེས་འདོམས་བྱེད་ཀྱང་༔ ར་གན་གསེར་གྱི་གྲངས་སུ་བརྩི་བ་འདྲའི༔ ལོག་པར་སྤྱོད་པའི་བདུད་ཚོགས་ཚར་གཅོད་ཤོག༔ ས་མ་ཡཱ༔ ཞེས་པའི་ལོ་རྒྱུས་འདི་རྣམས་བཀའ་རྒྱའི་གནད་ཆེ་ཤོས་ཡིན་ནའང་༔ རང་གི་གམ་དུ་ཆང་གཉིས་པ་ཞིག་ཡོད་པ་དེ་ཕྱི་ཉིན་ཤིན་ཏུ་ལེགས་པ་ཞིག་ལམ་སོང་ཡོད་ཐོག༔ བྱང་ཆུབ་སེམས་ལྡན་ཚེའི་རིག་བྱེད་ལ་དབང་འབྱོར་བ་གུ་རུ་འཕེལ་…

࿅༔ རྫོགས་པ་ཆེན་པོ་རྡོར་སེམས་སྙིང་ཐིག་ལས༔ བྱིན་རླབས་རང་བྱུང་གི་རྒྱུད་ཅེས་བྱ་བ་བཞུགས་སོ༔

ཀུན་ཏུ་བཟང་པོས་རྡོ་རྗེ་འཆང་ཆེན་ལ༔ རྡོ་རྗེ་འཆང་གིས་རྡོ་རྗེ་སེམས་དཔའ་ལ༔ གཅིག་གིས་གཅིག་ལ་དགོངས་པས་བྱིན་བརླབས་པའི༔ དགོངས་བརྒྱུད་བླ་མ་རྣམས་ལ་ཕྱག་འཚལ་ལོ༔ རྡོ་རྗེ་སེམས་དཔས་དགའ་རབ་རྡོ་རྗེ་ལ༔ དེ་ཡིས་ཤྲཱི་སེང་དེ་ཡིས་པད་འབྱུང་སྟེ༔ བརྡ་བརྒྱུད་བླ་མ་རྣམས་ལ་ཕྱག་འཚལ་ལོ༔ པད་འབྱུང་བི་མས་ཆོས་རྒྱལ་རྗེ་འབངས་དང་༔ བཀའ་གཏེ…

གྱི༔ ཚེ་གཅིག་འོད་ལུས་འཕོ་བ་ཆེར་འགྲུབ་པའི༔ གྲུབ་བརྙེས་མང་དུ་བྱོན་ལ་ཕྱག་འཚལ་ལོ༔ ཚེ་འདིར་མངོན་ཤེས་རྫུ་འཕྲུལ་མངའ་བརྙེས་ཤིང་༔ བར་དོར་ཆོས་ལོངས་སྤྲུལ་གསུམ་གང་རུང་དུ༔ གྲོལ་རྟགས་ངོ་མཚར་སྟོན་ལ་ཕྱག་འཚལ་ལོ༔ དོན་གྱི་སྙིང་པོ་རང་རིག་སངས་རྒྱས་མཆོག༔ འཁོར་འདས་ཀུན་ལ་ཁྱབ་པར་བཞུགས་པ་ཡི༔ ཆོས་དབྱིངས་ཡེ་ཤེས་མཆོག་ལ་ཕྱག་འཚལ་…

པོ་སྟེ༔ བློ་ལས་འདས་པ་དེ་ལ་ཕྱག་འཚལ་ལོ༔ སྒོམ་དུ་མེད་པའི་ཡེ་ཤེས་ཆེན་པོ་སྟེ༔ སྟོང་ཉིད་སྤྲོས་དང་བྲལ་ལ་ཕྱག་འཚལ་ལོ༔ རྩོལ་སྒྲུབ་ཐེག་པའི་གཟུང་འཛིན་ཆད་པ་ཡི༔ བྱ་བྲལ་བདེ་བ་ཆེན་པོར་ཕྱག་འཚལ་ལོ༔ རྫོགས་པ་ཆེན་པོ་རྡོར་སེམས་སྙིང་ཐིག་གི་བྱིན་རླབས་རང་བྱུང་གི་རྒྱུད་ལས་མཆོད་པར་བརྗོད་པའི་ལེའུ་སྟེ་དང་པོའོ༔ སངས་རྒྱས་སེམས་ཅན་…

ཤང་བེམ་སྟོང་ནམ་མཁའ་ལྟ་བུ་མིན༔ འཁོར་འདས་བདེ་སྡུག་སྐྱོན་ཡོན་ལྟར་སྣང་ཕྱིར༔ ཅི་ཡང་མེད་པའི་སྟོང་ཆད་མ་ཡིན་ནོ༔ དངོས་པོར་བཟུང་བ་འཁྲུལ་བའི་རང་བཞིན་ཏེ༔ སྟོང་པར་བཟུང་བ་དེ་བས་ནོར་བ་ཆེ༔ གང་ལྟར་བཟུང་བ་དེ་དེ་འཆིང་བའི་རྒྱུ༔ འཆིང་བས་བཅིངས་པས་ཁམས་གསུམ་འཁོར་བར་འཁོར༔ གཞི་ཉིད་ངོ་བོ་ཀ་ནས་དག་ན་ཡང་༔ ལྷན་སྐྱེས་མ་རིག་སྒྲིབ་པ…