སངས་རྒྱས་འཐོབ་པར་ཤོག༔ འཁྲུལ་བའི་ཉེས་ཚོགས་འདི་ལས་ཐར་བར་ཤོག༔ ཕཊ་ཕཊ་ཕཊ༔ འགྲོ་དྲུག་སེམས་ཅན་སྣང་སྲིད་ལྷ་འདྲེའི་ཚོགས༔ ཐོག་མེད་དུས་ཀྱི་ཕ་མ་དྲིན་ཅན་ཡིན༔ འདི་དག་ཕན་ཕྱིར་དགའ་བར་བྱ་བའི་ཕྱིར༔ བདག་གི་གཅེས་པའི་སྒྱུ་ལུས་སྦྱིན་པར་བྱ༔ ཕཊ་ཕཊ་ཕཊ༔ རང་གི་སྤྱི་བོར་རྒྱལ་བ་ཀུན་འདུས་ཀྱི༔ ངོ་བོ་ཨ་མ་ལབ་ཀྱི་སྒྲོལ་མ་ནི༔ ཞི་འཛུམ…

ཆོས་ཀུན་ཟད་སར་འཁྱོལ་བར་ལ་བཟླའོ༔ ཕཊ་ཕཊ་ཕཊ༔ སེམས་ཞེས་བྱ་བའི་ཡུལ་ཞེས་བརྗོད་མཐའ་ཟད༔ སེམས་ཞེས་འགགས་པའི་ཡུལ་དང་བརྗོད་མཐའ་ཟད༔ སེམས་ཞེས་གནས་པའི་ཡུལ་གྱི་བརྗོད་མཐའ་ཟད༔ ཡོད་དང་མེད་དང་གཉིས་ཀ་མིན་ཞེས་པའི༔ གོ་ཡུལ་ཡིད་དཔྱོད་བྲལ་བའི་ངང་དུ་གཅོད༔ ཕཊ་ཕཊ་ཕཊ༔ ཕྱི་རོལ་རྐྱེན་གྱིས་བསླད་པའི་དགའ་སྡུག་སོགས༔ ཐོགས་བཅས་བདུད་ཀུན་…

ཁྱབ་རིག་པས་ཁྱབ་པར་གྱུར༔ ཕཊ་ཕཊ་ཕཊ༔ སྐད་ཅིག་ཐོལ་གྱིས་རང་རིག་རྣལ་འབྱོར་མ༔ གྲི་གུག་ཐོད་འཛིན་སྤྱི་བོར་ཕག་ཞལ་མཚན༔ རུས་པའི་རྒྱན་དྲུག་སྤྱན་གསུམ་བར་སྣང་གཟིགས༔ རང་ལུས་ཚོ་སྣུམ་བཅུད་མདངས་ལྡན་པ་ལ༔ གྲི་གུག་གིས་བཤས་སྟོང་གསུམ་དམར་ཆེན་གང་༔ ཤ་རི་ཁྲག་མཚོ་རུས་པའི་གྲམ་ཁྲོད་དང་༔ དབང་པོ་དོན་སྙིང་ཡོད་དགུས་སྣང་སྲིད་གང་༔ ཕཊ་…

དགུ་རྣམས༔ ད་ལྟ་ཉིད་ནས་ང་ཡི་ཤ་ཁྲག་ཁྱེར༔ ད་ལྟ་ང་ཡི་མགོ་སྙིང་དབང་པོ་རོལ༔ ཕོ་གདོན་རྒྱལ་པོ་མོ་གདོན་འདྲེ་མོ་སོགས༔ ང་ཡི་ཤ་ཁྲག་དོན་སྙིང་ཐམས་ཅད་ཁྱེར༔ གཟའ་ཀླུ་སྡེ་བརྒྱད་ཐེའུ་རང་མ་མོའི་ཚོགས༔ ཤ་ཟོ་ཁྲག་འཐུངས་ཅི་དགའ་ཅི་བདེར་གྱིས༔ སྣང་སྲིད་ལྷ་འདྲེ་མ་གཤིན་བགེགས་ཀྱི་ཚོགས༔ ཤ་ཟོ་ཁྲག་འཐུངས་མགོ་སྙིང་ཡན་ལག་ཁྱེར༔ མང་ན་ཞིམ…

འཆི་མིན་ནུས་པར་གྱིས༔ རེམས་ཤིག་རེམས་ཤིག་གནས་གདོན་ལུས་གདོན་ཚོགས༔ ཟོ་ཤིག་ཁྱེར་ཅིག་འབྱུང་པོ་མི་མིན་ཚོགས༔ སྟེར་མ་ནུས་ན་གཅོད་མཁན་ང་ལན་ནོ༔ ཟ་མ་ནུས་ན་ལྷ་འདྲེ་ཁྱོད་ངན་ནོ༔ ཕཊ་ཕཊ་ཕཊ༔ ཤ་ལ་དགའ་བས་ཤ་ལ་ཟོ༔ ཤ་ཟན་ཅབ་སྒྲ་དི་རི་རི༔ ཁྲག་ལ་དགའ་བས་ཁྲག་ལ་འཐུངས༔ ཁྲག་འཐུངས་ཧུབ་སྒྲ་ཧོ་རོ་རོ༔ རུས་ལ་དགའ་བས་རུས་ལ་མུར༔ རུས་མུར་ས…

ཁྱོད་དང་ང་གཉིས་ད་ལྟ་ཉིད་དུ་རྫོགས་པའི་སངས་རྒྱས་ཐོབ་པར་ཤོག༔ ཕཊ་ཕཊ་ཕཊ༔ རང་ལུས་ནས་འ ཐོན་རྡོ་རྗེ་རྣལ་འབྱོར་མས༔ ཐོད་པ་ཧབ་ཀྱིས་བཀོག་པས་སྟོང་གསུམ་ཁྱོན༔ ནང་དུ་ལུས་འཕངས་ཤ་ཁྲག་དུམ་བུར་སྤུངས༔ འོག་ནས་མེ་རླུང་སྦྱོར་བས་ཞུ་ཞིང་ཁོལ༔ རྣལ་འབྱོར་མ་ཡིས་གྲི་གུག་ལན་གསུམ་གདེངས༔ སྤྱན་ལྡོག་ༀ་ཨཱཿཧཱུྃ་གསུམ་བརྗོད་པ་ཡིས༔ ཡེ་ཤེས་…

དགོས་དགུ་འབྱུང་བའི་རྫས༔ བླ་མ་དཀོན་མཆོག་རྣམས་ལ་མཎྜལ་ཚོགས༔ ཕྱི་ནང་གསང་བའི་མཆོད་པ་བསམ་མི་ཁྱབ༔ ཡི་དམ་ལྷ་ཚོགས་རྣམས་ལ་ཚོགས་ཀྱི་རྫས༔ སྨན་གཏོར་རཀྟ་དགའ་བཞིའི་ཡེ་ཤེས་འབར༔ མཁའ་འགྲོ་ཆོས་སྐྱོང་རྣམས་ལ་རྟེན་རྫས་དང་༔ སྤྱི་དང་བྱེ་བྲག་སོ་སོའི་མཐུན་རྫས་ཚང་༔ གཞི་བདག་རྣམས་ལ་རང་རང་ཁང་བཟང་དང་༔ རི་དྭགས་སྣ་ཚོགས་འདོད་ཡོན་སྣ་…

བྱེད་གཙོར་གྱུར་འགྲོ་ལ་སྨིན་གྱུར་ཅིག༔ གནས་སྐབས་བདེ་ཐོབ་མཐར་ཐུག་སངས་རྒྱས་ཤོག༔ ཕཊ་ཕཊ་ཕཊ༔ གཅོད་བྱ་འདྲེ་གདོན་འཇིགས་སྐྲག་ལྷ་འདྲེ་དང་༔ གཅོད་བྱེད་བསྐྱེད་རྫོགས་དམིགས་པའི་འཕྲོ་འདུ་དང་༔ མ་རིག་གཟུང་འཛིན་བདག་གི་རྣམ་ཤེས་གསུམ༔ གཅིག་ཏུ་འདྲེས་ནས་ཨ་ཡིག་དཀར་པོར་གྱུར༔ དབྱིངས་ཀྱི་རང་བཞིན་མ་ཅིག་ཐུགས་ཀར་ཐིམ༔ མ་ཅིག་ཨར་གྱུར…

བཀོད༔ ཡི་གེའི་རྐྱེན་འབྱོར་བསོད་ནམས་ཆོས་བཟང་བྱས༔ འདི་ལས་ཐོབ་པའི་དགེ་བ་དྲི་མེད་ཀྱིས༔ རེ་དོགས་ཆོས་བརྒྱད་དབང་སོང་འགྲོ་བ་རྣམས༔ བློ་འདས་ཆོས་དབྱིངས་ངང་དུ་གནས་གྱུར་ཅིག༔ མངྒ་ལཾ༔ བྷ་ཝནྟུ༔

࿅༔ ཐུགས་རྗེ་ཆེན་པོ་མ་རིག་མུན་སེལ་ལས་དྲོད་ཀྱི་བོགས་འདོན་གཏུམ་མོ་འབར་བར་མེའི་འཁོར་ལོ་བཞུགས་སོ༔ སྭ་སྟི༔ སྲིད་ཞིའི་ཁྱབ་བདག་སྨིན་གྲོལ་མཛོད༔ སྐྱབས་ཀུན་འདུས་པའི་ངོ་བོ་ཉིད༔ དྲིན་ཆེན་པདྨའི་མཚན་ཅན་ལ༔ བྱང་ཆུབ་བར་དུ་ཕྱག་འཚལ་ལོ༔ རྩ་རླུང་ཐིག་ལེའི་ཉམས་ལེན་གྱི༔ ཏིང་འཛིན་བོགས་སུ་འདོན་པའི་ཚེ༔ འབར་བ་མེ་ཡི་བོགས་འདོན་ནི…

དཔུང་པ་གཉིས་བཟུང་༔ གྲུ་ཁུག་གཉིས་སུ་པུས་མོའི་མགོ་ཆུད་པར་བྱ༔ པུས་འཁྱུད་ཀྱིས་བསྡམ་མེ་ཐབས་དྲུག་ཆིངས་འདུག་སྟངས་ཀྱི་གནད་དོ༔ ལུས་དང་རྩ་ཐིག་གི་དམིགས་པ་གསལ་བའི་ངང་ནས་རླུང་གཞུང་དང་འབྲེལ་ཞིང་ད་ནངས་རླུང་རོ་བུས་ཟིན་ན་དེས་ཆོག༔ མིན་ན་རླུང་རོ་དགུ་བུས་ལ༔ རླུང་དལ་བུས་བརྔུབས་ཤིང་དྲག་པོའི་རྩོལ་བ་རླུང་གི་གནད་དོ༔ དེ་ལྟ་བ…

སྐོར༔ དེ་ནས་རླུང་སྦྱོར་དག་ནས་ལག་གཉིས་ཁུ་ཚུར་གདན་ཁར་བཞག་ལ་འབེབས་ཆུང་གསུམ་མམ་བདུན་བྱའོ༔ དེ་ལྟར་གྲུབ་ཟིན་ཡང་སྔར་ལྟར་གནད་དང་ལྡན་པས་ཡང་ནས་ཡང་དུ་བརྩོན་འགྲུས་ལ་ཐང་ལྷོད་མེད་པར་ཆིག་དྲིལ་དུ་འབད་པར་བྱའོ༔ འདི་དག་སྐབས་སྐབས་སུ་ཡན་ལག་ལྔ་སྦྱང་བྱ་བ་གལ་ཆེ་དེ་ལྟར་སྦྱངས་པས་དམ་ཚིག་གཙང་བ་དང་༔ ཤིན་ཏུ་གཞོན་པ་དང་༔ ཏིང་འཛིན་…

བྱུང་ན་མཆོག༔ མ་རྙེད་ན་ཕོ་བ་མ་གཏོགས་ལུས་ཀུན་ལ་ཁྱབ་པར་མར་གྱིས་བྱུག༔ དེའི་སྟེང་དུ་རྩམ་པས་འཕུར་ནས་ཤིན་དུ་ཕྱི་དོར་བྱའོ༔ དེའི་དྲོད་འབར་བ་ལྟར་འོང་ངོ་༔ ཟབ་གཏེར་གཞུང་གི་དགོངས་པ་དང་༔ དཔལ་ལྡན་བླ་མའི་ཞལ་གདམས་དང་༔ འཕྲིན་ལས་བདག་ཉིད་ཉམས་ལེན་ཚུལ༔ རྣམ་གསུམ་དྲིལ་བ་སྙིང་པོའི་ཆོས༔ ཞེས་སྐྱབས་གནས་དམ་པ་ཉི་གྲགས་སྤྲུལ་སྐུའི…

ཐུགས་བཅུད་ཡོངས་འདུས་ཀུན་བཟང་རིག་པའི་གདངས་ཁྲིད་ཀྱི་ངག་འདོན་གསོལ་འདེབས་བྱིན་རླབས་གཏེར་ཆེན་བཞུགས་སོ༔ ན་མོ་གུ་རུ་འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས༔ སྤྲོས་བྲལ་གདོད་མའི་དགོངས་པ་མངོན་གྱུར་པའི༔ ཟབ་གསང་རྫོགས་ཆེན་བརྒྱུད་པའི་བླ་མ་ལ༔ གསོལ་བ་འདེབས་སོ་དབང་དང་དངོས་གྲུབ་སྩོལ༔ ཚེ་འདིའི་བདེ་འབྱོར་རྟག་འཛིན་འཆིང་ཐག་…

མར་རྟོགས་པར་བྱིན་གྱིས་རློབས༔ བརྒྱལ་གཉིད་འཆི་སོགས་ཞི་གནས་དྲན་མེད་ཀུན༔ ལྷག་མཐོང་རང་གསལ་ཐེམས་པར་བྱིན་གྱིས་རློབས༔ ཆོས་དང་ཆོས་མིན་དྲན་བསམ་སྣ་ཚོགས་པ༔ མ་ཡེངས་བྱ་རས་ཟིན་པར་བྱིན་གྱིས་རློབས༔ ཆོ་འཕྲུལ་བར་དོ་རྨི་ལམ་འཁྲུལ་སྣང་རིགས༔ ཆོས་ཉིད་དབྱིངས་སུ་ཐིམ་པར་བྱིན་གྱིས་རློབས༔ དོན་རྣམས་དཔེ་ཡི་སྟེང་དུ་མི་གོམས་པར༔ དཔེ…

བྱིན་གྱིས་རློབས༔ སྤྱན་དང་མངོན་ཤེས་རྫུ་འཕྲུལ་གཞན་དོན་སོགས༔ དྲོད་རྟགས་ཡོན་ཏན་འབྱུང་བར་བྱིན་གྱིས་རློབས༔ དེ་ལྟར་གསོལ་འདེབས་དོན་གྱི་ངོ་སྤྲོད་འདི༔ ཀུན་བཟང་རིག་པའི་གདངས་ཁྲིད་ངར་འདོན་དུ༔ བརྒྱུད་ལྡན་བླ་མའི་གསོལ་འདེབས་བྱིན་རླབས་གཏེར༔ ཕྲིན་ལས་བདག་གིས་བཀོད་པ་དགེ་གྱུར་ཅིག༔

༄༅། །ཐུགས་རྗེ་ཆེན་པོ་འགྲོ་བ་ཀུན་གྲོལ་གྱི་ལོ་རྒྱུས་སྣང་བ་གསལ་བྱེད་བཞུགས་སོ།། འཕགས་པ་སྤྱན་རས་གཟིགས་ལ་ཕྱག་འཚལ་ལོ། །དེ་ཡང་སྤྱིར་ཁོ་བོ་སྤྱན་རས་གཟིགས་ཀྱིས་དངོས་ཉམས་རྨི་ལམ་དུ་བྱིན་གྱིས་བརླབས་པའི་མཚན་མ་མང་ཞིང་། ཐུགས་རྗེ་ཆེན་པོའི་ཆོས་སྐོར་ཡང་བཀའ་གཏེར་དག་སྣང་རྒྱལ་པོའི་ལུགས་སོགས་བསམ་གྱིས་མི་ཁྱབ་པའི་དབང་ཆོག་དང་…

པོ་འགྲོ་བ་ཀུན་གྲོལ། བསྡུས་པ་ཕྲིན་ལས་དོན་གྱི་སྙིང་པོ་གསུམ་ལས། འདིར་རྟེན་འབྲེལ་གྱི་བབས་ཀྱིས་འབྲིང་དང་བསྡུས་པ་བཀོད་པའོ། །ཞེས་པའི་ལོ་རྒྱུས་སྡེ་དགེ་རྒྱལ་པོའི་ཕོ་བྲང་ལྷུན་གྲུབ་སྟེང་དུ་རིག་འཛིན་དཔའ་བོ་ལས་རབ་རང་ཉིད་ཀྱིས་མགྱོགས་རྩོལ་དུ་བགྱིས་པ་དགེ་བར་གྱུར་ཅིག །མངྒ་ལཾ།། །།

࿅༔ ཐུགས་རྗེ་ཆེན་པོ་འགྲོ་བ་ཀུན་གྲོལ་གྱི་གསོལ་འདེབས་བྱིན་རླབས་མྱུར་འཇུག་བཞུགས་སོ༔ ཆོས་སྐུ་འོད་དཔག་མེད་ལ་གསོལ་བ་འདེབས༔ སེམས་ཉིད་ཆོས་སྐུར་རྟོགས་པར་བྱིན་གྱིས་རློབ ས༔ ལོངས་སྐུ་སྤྱན་རས་གཟིགས་ལ་གསོལ་བ་འདེབས༔ འགྲོ་དྲུག་སྤྲུལ་པས་འདྲེན་པར་བྱིན་གྱིས་རློབས༔ སྤྲུལ་སྐུ་པདྨ་འབྱུང་གནས་ལ་གསོལ་བ་འདེབས༔ འཆི་མེད་བཙན་ས་ཟ…