བཞུགས་པ་བཛྲ་ས་མ་ཛཿས་སྤྱན་དྲངས། ༀ་ཨགྣེ་ཡེ་སྭཱ་ཧཱ། ཁམས་གསུམ་སྲིད་གསུམ་སོགས། རྫས་རྣམས་ལན་བདུན་འབུལ། མཆོད་བསྟོད་དང་བཟོད་གསོལ་ནི། ཧཱུྃ། ཕྱི་ནང་གསང་མཆོད་མ་ལུས་ཀུན། །འབར་བ་མེ་ཡི་ལྷ་ལ་འབུལ། །དྲང་སྲོང་ཆེན་པོ་ཁྱེད་ཕྱག་འཚལ། །ཆོ་གའི་ཉམས་ཆག་འགལ་འཁྲུལ་བཤགས། །ཡིག་བརྒྱ་བཟླ། ༀ་ཨགྣེ་ཡེ་དྷེ་ཝ་གཙྪ་མུ། མེ་ལྷའི་ཡེ་ཤེས་པ་…

དུས་དང་དབང་གི་དམིགས་པའི་སྤྲོ་བསྡུ་སོགས་སྤྱི་མཐུན་ལྟར་ཤེས་པར་བྱའོ། །འདིར་སྨྲས་པ། གསང་ཆེན་རྒྱུད་ལུང་རྒྱ་མཚོའི་སྙིང་པོའི་བཅུད། །རྩ་གསུམ་དགྱེས་བྱེད་མེ་མཆོད་ཆོ་གའི་ཁྲིགས། །མྱུར་བྱེད་དབང་གི་ལྕགས་ཀྱུ་ཆེར་འབར་༔ བས། །སྣོད་བཅུད་འབད་མེད་འགུགས་པའི་སྔགས་པའི་ལས། །རྩ་གསུམ་སྲུང་མ་དང་བཅས་དབང་གི་ཕྲིན་ལས་སུ་འོས་པ་རྣམས…

࿅༔ མགོན་པོ་དམར་པོ་དབང་གི་ཕྲིན་ལས་དབང་ཕྱུག་རླུང་གི་ཞགས་པའི་ལོ་རྒྱུས་གསལ་བྱེད་མེ་ལོང་བཞུགས་སོ༔

དཔལ་ཆེན་ཁྲོ་བོའི་རྒྱལ་པོ་རྟ་མཆོག་རོལ་པ་ལ་ཕྱག་འཚལ་ལོ༔ བྱིན་གྱིས་བརླབ་ཏུ་གསོལ༔ མགོན་པོ་དམར་པོ་དབང་གི་ཕྲིན་ལས་རླུང་གི་ཞགས་པའི་ལོ་རྒྱུས་ཅུང་ཟད་ཅིག་བརྗོད་ན༔ སྔོན་ཚེ་བསྐལ་པའི་ཐོག་མར་བསོད་ནམས་ཀྱི་ཚོགས་རླབས་པོ་ཆེའི་བསགས་སྦྱང་དཔག་ཏུ་མེད་པ་བྱས་པའི་རྣམ་དཀར་བདེན་འབྲས་ཀྱི་མཐུ་ལས་གྲུབ་པའི་ལྷ་དབང་ཕྱུག་ཆེན་པོར་གྱུར…

བརྙེས༔ ལུས་ཅན་དང་སེམས་ཅན་དུ་གྱུར་པ་ཐམས་ཅད་དབང་སྒྱུར་བའི་རྗེ་བོར་གྱུར་པ་ཉིད་དེ༔ རྣམ་པ་འཇིག་རྟེན་གྱི་གཙོ་བོར་བསྟན་ཀྱང་དོན་གྱི་ངོ་བོར་འཕགས་མཆོག་སྤྱན་རས་གཟིགས་ཀྱི་རྣམ་པར་འཕྲུལ་བ་ངེས་པ་ནི༔ མདོ་ཟ་མ་ཏོག་ལས་སྤྱན་རས་གཟིགས་ཀྱི་དཔྲལ་བ་ལས་དབང་ཕྱུག་ཆེན་པོ་བྱུང་བར་བཤད་པ་དང་༔ དབང་ཕྱུག་ཆེན་པོས་འདུལ་བ་ལ་ནི་དབང་ཕྱུག་…

སངས་རྒྱས་བཅོམ་ལྡན་འདས་དབང་ཕྱུག་ཅེས་བྱ་བར་འགྱུར་བ་དང་༔ ལྷ་མོ་ཨུ་མ་འཇིག་རྟེན་གྱི་ཁམས་གངས་ཀྱི་རིའི་གཡས་ཕྱོགས་ངོས་སུ་ཨུ་མའི་དབང་ཕྱུག་ཅེས་པར་སངས་རྒྱས་པར་ལུང་བསྟན་པ་བཞིན་ནོ༔ དེ་ལྟ་བུའི་དབང་ཕྱུག་ཆེན་པོ་དེ་ནི་སྔགས་ནང་པའི་གདུལ་བྱ་སྣོད་ལྡན་རྗེས་སུ་བཟུང་བ་དང་༔ སྔགས་ཕྱི་པའི་སྲུང་མར་གྱུར་པ་ཞིག་སྟེ༔ མདོ་སྔགས་ཀྱི་…

དང་༔ གཞན་ཡང་སློབ་དཔོན་ཆེན་པོས་ཕྱི་ནང་གི་བླ་མ་མང་དུ་བསྟེན་པ་ལས་བྱུང་བའི་འདི་ཉིད་ཀྱི་སྒྲུབ་ཐབས་མན་ངག་མཐའ་ཡས་པ་ཞིག་ཐུགས་ལ་མངའ་བ་ཡིན༔ དེ་ལྟ་བུའི་གདམས་པ་འདི་ཉིད་སློབ་དཔོན་ཆེན་པོ་པདྨས་བོད་ཆོས་བཞིན་སྐྱོང་བའི་རྒྱལ་པོ་ཁྲི་སྲོང་ལྡེའུ་བཙན་དང་༔ རྗེ་འབངས་རྣམས་ལ་ལྷ་ཆེན་གྱི་སྒྲུབ་ཐབས་མན་ངག་རིགས་མི་འདྲ་བ་མང་དུ་བསྩལ…

དང་༔ ཁྱད་པར་དུ་ཤིང་གླང་ཧོར་ཟླ་བཅུ་གཅིག་པའི་ཉེར་ལྔའི་ནུབ་མོ་རྨི་ལམ་དུ་ལྷ་ཆེན་པོ་བདག་གི་ནུ་བོར་བརྫུས་པ་རྨིས་ཤིང་༔ དེས་བདག་ལ་ལྷ་གོས་དར་དཀར་པོ་དྲི་མ་མེད་པ་དཀྱུས་རིང་ཞིང་ཞེང་ཆེ་བ་དང་༔ དངུལ་དཀར་གྱི་མེ་ལོང་འཐུག་ཅིང་བརླིང་བ་མཛུབ་གང་༔ གཞན་ཡང་ཡོ་བྱད་མང་པོ་བྱིན་པ་རྨིས་ཤིང་༔ དེའི་ཐོ་རེངས་ཁར་གཏེར་ལས་བྱུང་བའི་རླུ…

སོང་གཏིང་རིང་དུ་འཕེན་ཅིང་༔ ཐུགས་རྗེ་དབང་གི་ཕྲིན་ལས་ཀྱིས་དབང་དུ་བསྡུས་ནས་ཆོས་ལ་སྦྱར་ན་བདག་གཞན་གཉིས་མེད་བྱང་ཆུབ་ཐོབ་ཅིང་༔ དེ་ལྟར་མ་ཡིན་ཀྱང་གནས་སྐབས་རང་གཞན་བྱམས་པ་ལ་གནས་ཤིང་༔ མཐར་ཐུག་ལྷ་འདི་ཉིད་ཀྱི་སྒོ་ནས་དབང་དུ་བསྡུས་པའི་སེམས་ཅན་ཐམས་ཅད་ས་བཅུའི་དབང་ཕྱུག་མགོན་པོ་སྤྱན་རས་གཟིགས་ཀྱི་ཐུགས་རྗེེས་ཟིན་པས་ངན་སོ…

བཏགས༔ གོས་དམར་ཡུག༔ གསེར་སྦྲམ༔ ལྷ་རྫས་སིལ་སྙན་བཅས་གསུང་བསྐུལ་གནང་བས༔ བསྟན་འཛིན་དམ་པ་རྣམས་ཀྱི་བཞེད་དོན་འགྲུབ་པའི་ཆེད་དུ༔ གདོད་མའི་ཀ་དག་ཆེན་པོའི་ཡེ་ཤེས་ལ་བརྟན་པ་ཐོབ་པའི་རྣལ་འབྱོར་པ་རིག་རྩལ་ཐོགས་མེད་དཔའ་བོ་ལས་རབ་རྩལ་གྱིས་ཐུབ་བསྟན་ནོར་བུའི་གླིང་གི་གཙུག་ལག་ཁང་དུ་སྦྱར་བའི་ཡི་གེ་པ་ནི་བསོད་ནམས་ཆོས་བཟང་གིས་བག…

࿅༔ མགོན་པོ་དམར་པོ་དབང་གི་ཕྲིན་ལས་དབང་ཕྱུག་རླུང་ཞགས་ནོར་བུ་བསམ་འཕེལ་ལས༔ བང་མཛོད་ལ་བརྟེན་པའི་སྒྲུབ་པ་བཞུགས་སོ༔ དཔལ་ཆེན་ཁྲོ་བོའི་རྒྱལ་པོ་རྟ་མཆོག་རོལ་པ་ལ་ཕྱག་འཚལ་ལོ༔ བྱིན་གྱིས་བརླབ་ཏུ་གསོལ༔ དབང་ཕྱུག་ཆེན་པོ་ནོར་བུ་བསམ་འཕེལ་གྱི་ལུགས་སུ་ཕྱི་ནང་གསང་གསུམ་དུ་སྒྲུབ་པ་ལ༔ ཕྱི་སྒྲུབ་ནི་འདི་ལྟར་བྱ་སྟེ༔ རང་གི་གནས་ག…

ཀྱི་གཡང་སྤུ་སྣ་ཚོགས་དང་༔ འབྲུ་སྣ་དང་གཡང་རྫས་སྣ་ཚོགས་པ་བཞག༔ ལོ་དུས་ལྟར་གཞུང་བསྲང་ཞིང་བསྙེན་སྒྲུབ་མཆོད་བསྟོད་བྱ༔ རྒྱུན་དུ་རྟེན་དབང་ཕྱུག་ཡབ་ཡུམ་གཙོ་འཁོར་དུ་གསལ་ཞིང་འཛམ་བུའི་གླིང་གི་ཟས་ནོར་གྱི་གཡང་བཅུད་བསྡུ་བར་དམིགས༔ ཤིན་ཏུ་གསང་ན་འགྲུབ་པར་འགྱུར་ཏེ་དངོས་གྲུབ་མྱུར་རོ༔ དེ་ནི་བསམ་འཕེལ་དངོས་གྲུབ་ཀུན་འབྱུང་ལོ…

࿅༔ མགོན་པོ་དམར་པོ་དབང་གི་ཕྲིན་ལས་དབང་ཕྱུག་རླུང་གི་ཞགས་པ་ནོར་བུ་བསམ་འཕེལ་གྱི་སྦྱིན་སྲེག་བཞུགས་སོ༔

དཔལ་ཆེན་ཁྲོ་བོའི་རྒྱལ་པོ་རྟ་མཆོག་རོལ་པ་ལ་ཕྱག་འཚལ་ལོ༔ བྱིན་གྱིས་བརླབ་ཏུ་གསོལ༔ དབང་ཕྱུག་རླུང་ཞགས་ནོར་བུ་བསམ་འཕེལ་ནང་ལྟར་མེ་མཆོད་ལ་བརྟེན་ནས་སྒྲུབ་པ་ནི༔ ཐོག་མར་རྒྱུ་སྐར་རྒྱལ་ལ་འཇུག་ཅིང་རྒྱུན་དུ་རྒྱལ་དགོས་པ་མ་ཡིན་ནོ༔ གང་དུ་བྱ་བའི་གནས་དེར་གཉེན་སྦྱོར་ཚོང་དུས་གཞིས་ཆེན་པོའི་ས་སྣ་ལ༔ མཎྜལ་ཟླ་གམ་མདའ་གང་བ་དཔངས་ད…

ཕྱེ་མར་རཏྣ་འབྲུ་སྣ་དར་ཟབ་ཤིངཏོག་དམར་པོའི་རིགས་སོགས་ཟས་སྣ་ཚོགས་སྐྱི་ཁྱབ་ཀྱི་རྫས་དང་༔ ཟླ་མཚན་སིནྡྷུ་ར་ཚྭ་སྣ་ཚོགས་བྱེ་བྲག་གི་རྫས་དང་༔ གླང་སྣ་དམར་པོ་ཨུག་ཆོས་དམར་པོ་སོགས་མེ་ཏོག་དམར་བོའི་རིགས༔ དར་རས་དམར་པོ་ཁྱད་པར་གྱི་རྫས་ཏེ༔ དེ་རྣམས་ལེགས་པར་བསྲེས་ལ༔ བྱུང་ན་བདུད་རྩི་ཆོས་སྨན་གྱི་ཆུས་ལེགས་པར་བྲན་པ་མཆོག་ཏུ་ཤི…

ཧཱུྃ༔ ཞེས་བརྗོད་པས་སྐད་ཅིག་གིས༔ བདག་ཉིད་དབང་ཕྱུག་ཆེན་པོར་གྱུར༔ གཅེར་བུར་མདོག་དམར་དབུ་སྐྲ་བརྫེས༔ ཕྱག་ན་ལྕག་ཀྱུ་ཞགས་པ་བསྣམས༔ དར་དང་ནོར་བུ་རིན་ཆེན་བརྒྱན༔ སྐུ་ལས་འོད་ཕུང་གཟི་བརྗིད་འབར༔ ཁམས་གསུམ་ཐམས་ཅད་དབང་དུ་སྡུདཿ༔ ཆེ་བཙན་དབང་གི་རྒྱལ་པོར་གསལ༔ བསྲེག་རྫས་བྱིན་གྱིས་བརླབ་པ་ནི༔ སྭཱ་བྷ་ཝས་སྦྱང་༔ སྟོང་པའི་ངང་ལ…

གྱིས་སྤྲས༔ གཡས་བསྐུམ་གཡོན་བརྐྱང་སྟབས་ཀྱིས་བཞུགས༔ ཨུ་མ་དམར་མོ་མཛེས་ཆ༷གས་འཁྲིལ༔ ཕྱག་གཡས་དུང་དམར་གཡོན་ལྕགས་ཀྱུ༔ རིན་པོ་ཆེ་ཡི་རྒྱན་དང་ལྡན༔ མདུན་དུ་ལྷ་སྲས་གཙུག་ཕུད་དམར༔ ལྕགས་ཀྱུ་ཞགས་འཛིན་བཀའ་སྡོད་ཅིང་༔ ཕྱི་རོལ་འདབ་བཞིར་ཌཱཀྐི་བཞི༔ དཀར་སེར་དམར་ལྗང་རུས་རྒྱན་ཅན༔ གཡས་རྣམས་རྩེ་གསུམ་བ་དན་གཡབ༔ གཡོན་རྣམས་རླུང་གི་…

ཀོ་བྷི་ར་ཧཱུྃ༔ ཧྲིང་ཧྲིང་ཛཿཛཿ ཨ་ཝེ་ཤ་ཡ་ཨ་ཨ༔ བཛྲ་ས་མ་ཡ་ཏིཥྛ་ལྷན༔ ན་མོ་པུ་རུ་ཤ་ཡ་ཧོ༔ ཨེ་མཉྫུཀུགྟ་ཧཱུྃ༔ ཀ་བྷི་ར་ཀོ་བྷི་ར་ཧཱུྃ༔ སརྦ་པུ་ཙ་ལ་ཁ་རཾ་ཁཱ་ཧི༔ ལྷ་ཆེན་ཡབ་ཡུམ་འཁོར་བཅས་ལ༔ རྫས་རྣམས་ཕུལ་བས་དགྱེས་ཤིང་མཉེས༔ གང་འདོད་མཁོ་དགུའི་ལོངས་སྤྱོད་ཀྱི༔ དངོས་གྲུབ་ཆར་ལྟར་འབེབས་པར་གྱུར༔ ཨེ་མཉྫུ་ཀུགྟ་ཧཱུྃ༔ ཀ་བྷི་ར་ཀོ…

དར་གྱི་ཅོད་པན་པུ་རུ་རུ༔ ཕྱག་གདུབ་ཞབས་གདུབ་སི་ལི་ལི༔ ཕྱག་ན་བྱི་རུའི་གཞོང་བ་བསྣམས༔ དམར་མོ་འབུམ་གྱི་འཁོར་དང་བཅས༔ འདིར་གཤེགས་ཁམས་གསུམ་དབང་དུ་སྡུས༔ སྲིད་གསུམ་ཟིལ་གྱིས་གནོན་པར་གྱིས༔ དབང་གི་དངོས་གྲུབ་བསྩལ་ཏུ་གསོལ༔ རྒྱལ་བའི་ཐུགས་རྗེ་བྱིན་རླབས་དང་༔ སྐྱེ་འགྲོ་མཐོང་ཐོས་དྲན་རེག་སོགས༔ ཁམས་གསུམ་དབང་དུ་འདུས་གྱུར་ཅ…