བརྩིགས་པ་ལ་རྟ་མགྲིན་དང་བདུད་རྩི་འཁྱིལ་པ་སོགས་གང་བབ་བསྐྱེད་བསྟིམ་ཕྲིན་བཅོལ་བྱེད། ཐོག་མར་དགོང་ཐུན་ནས་འཇུག །ཐུན་བཞིའི་འགྲོས་བྱ་ཞིང་། ཐོ་རངས་ནས་ཉིན་གུང་། ཉིན་གུང་ནས་དགོང་མོ། དགོང་མོ་ནས་སྲོད་འཁོར་ཏེ་ཐུན་བཞིའོ། །ཡང་བསྙེན་པ་འགྲོ་ཁྱད་ཀྱིས་ཐུན་གཉིས་སམ་གསུམ་སོགས་བྱས་ཀྱང་མི་འགལ། ཐོ་རངས་སྔ་མོར་དབྱངས་གསལ་རྟེན་འབ…

པ་བྱ། གཏེར་ཁ་འགའ་ཞིག་ཏུ་འབུམ་ཕྲག་གིས་ཆོག་པར་བཤད་པས་ཐ་ན་དེ་ག་ཙམ་གྱིས་ཀྱང་གོ་ཆོད། དྲེགས་པ་གཟིར་བའི་སྔགས་ནི་ཁ་ཅིག་ལས་སྡེ་བརྒྱད་ཁ་ཆུར་བཤད་ཀྱང་། འདིར་ནི་ཁྲོ་རྒྱལ་སྟོབས་འདུས་བདེ་གཤེགས་ཡོངས་རྫོགས་ཀྱི་དྲག་སྔགས་ཏེ་ཁམས་གསུམ་ལས་རྒྱལ་ཞིང་དགྲ་བགེགས་ཚར་གཅོད་པའི་ཡོན་ཏན་མཐའ་ཡས་པ་ཅན་དུ་བཞེད་ཅིང་། ལྷ་སྔགས་ལས་འཕྲོས་པའ…

སྤྱི་ཁྱབ་དང་རིགས་འགྲེས་སོ། །དེ་ནས་མཚམས་གྲོལ་བ་ན་ཚོགས་གཏོར་བཟང་དུ་བཤམས། དངོས་གྲུབ་བསྡུ་བའི་སྔགས་དམིགས་བསལ་དུ་བྱ་ཞིང་ཐོ་རངས་སྒྲུབ་རྫས་རྣམས་ལས་དབང་ལེན་པ་སོགས་བྱ། མཚམས་རིམ་གྱིས་གྲོལ། ཐོ་བསྡུ་ཤུལ་མི་མངོན་པར་བྱ། སྒྲུབ་རྫས་རྣམས་དམ་མེད་ལ་སྦའོ། །དེ་ལྟར་གྲོ་ལོད་ཀྱི་གསང་སྒྲུབ་ཕྲིན་ལས་ཐོགས་མེད་ཀྱི་བསྙེན་ཡིག་ཟིན…

࿅༔ རྡོ་རྗེ་གྲོ་ལོད་ཀྱི་དམ་རྫས་སྒྲུབ་ཐབས་བཞུགས་སོ༔ གུ་རུ་རྡོ་རྗེ་གྲོ་ལོད་ལ་ཕྱག་འཚལ་ལོ༔ བླ་མ་སྒྲུབ་པའི་ཁ་སྐོང་དུ༔ འགྲོ་དོན་ཕྲིན་ལས་རྨད་པོ་ཆེ༔ མྱོང་གྲོལ་མ་བསྒོམས་སངས་རྒྱས་བསྟན༔ བུམ་རྫས་ཉེར་ལྔར་གཞི་བྱས་ལ༔ བདེ་གཤེགས་རིང་བསྲེལ་སྐྱེ་བདུན་གདུང་༔ ཡབ་ཡུམ་བྱང་སེམས་ཆོས་སྨན་རིགས༔ ཁུངས་བཙུན་སེལ་མེད་མང་དུ་བསགས༔ བག…

རྒྱ་འདྲེ་དམ་སྲིའི་ཁ་རླངས་ཞི༔ བོད་དང་བོད་ཆེན་སྡུག་བསྔལ་སེལ༔ དེ་ཕྱིར་ལུང་བཞིན་ཉམས་སུ་ལོངས༔ འདི་ལ་མཐུན་རྐྱེན་སུས་སྦྱོར་བ༔ བར་ཆད་ཞི་ཞིང་དངོས་གྲུབ་ཐོབ༔ ས་མ་ཡཱ༔ མངྒ་ལཾ༔ ༀ་པདྨ་དྷ་རི་ནི་ཧཱུྃ༔ ༀ་མ་ཎི་པདྨེ་ཧཱུྃ་ཧྲཱི༔ ༀ་བཛྲ་གུ་རུ་རྡོ་རྗེ་གྲོ་བོ་ལོད་ལོ་ཀ་སརྦ་ཧཱུྃ་ཧཱུྃ༔ སྔགས་གསུམ་ཡིན་ལགས། །ལས་རབ་རྩལ་གྱིས་སོ།། །།

࿅༔ རྡོ་རྗེ་གྲོ་ལོད་ཀྱི་ཟོར་གྱི་ལས་མཐའ་ཤིན་ཏུ་ཟབ་པ་བཞུགས༔ རྡོ་རྗེ་གྲོ་ལོད་ཀྱི་ཐུགས་དམ་བསྐུལ་བ་ནི༔ ཧཱུྃ་བྷྱོ༔ སྣང་བ་མཐའ་ཡས་ཐུགས་རྗེའི་རོལ་པ་ལས༔ དབང་ཆེན་ཁྲོས་པ་རྔམ་པའི་རྟ་གདོང་ཅན༔ མ་འགགས་ཆོ་འཕྲུལ་པདྨ་ཐོད་ཕྲེང་རྩལ༔ གདུག་པ་ཚར་གཅོད་རྡོ་རྗེ་གྲོ་བོ་ལོད༔ ཡེ་ཤེས་ཁྲོ་རྒྱལ་མཐུ་སྟོབས་རྫོགས་པའི་དཔལ༔ ཁྲོས་པའི་སྐུ་…

སྤྱན་རྒྱང་གཟིགས༔ ཁྲག་འཐུང་རོལ་པ་ཆེན་པོའི་སྐུར་བཞེངས་ལ༔ སྣང་སྲིད་འཁོར་འདས་བྲན་དུ་ད་བཀོལ་ཅིག༔ མ་སྲིང་མཁའ་འགྲོ་གྲོགས་སུ་ད་རོལ་ཅིག༔ དམ་ཅན་ཆོས་སྐྱོང་ལས་ལ་ད་ཆོས་ཤིག༔ དགྲ་བགེགས་འབྱུང་པོ་རྡུལ་དུ་ད་རློགས་ཤིག༔ ཐུགས་དམ་བསྐུལ་ལོ་དྲག་པོའི་ཕྲིན་ལས་མཛོད༔ ཧཱུྃ་བྷྱོ༔ རབ་འཇིགས་ཁྲོ་བོའི་རྒྱལ་པོ་གྲོ་བོ་ལོད༔ སྨུག་ནག་བརྗ…

ལ་བབ༔ ལྷ་སྲིན་སྡེ་བརྒྱད་མ་ལུས་ཆམ་ལ་ཕོབ༔ སྣང་སྲིད་གདོན་ཚོགས་གཡོ་འགུལ་མེད་པར་གནོན༔ མཐའ་བཞིའི་དམག་དཔུང་རང་རང་གནས་སུ་ཟློག༔ ཤ་ཁྲག་བརྒྱན་པའི་གཏོར་མ་འདི་བཞེས་ལ༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ བསྐུལ་བ་འདི་དྲག་ཅིང་རྩུབ༔ བྱིན་རླབས་ཀྱི་ཚན་ཁ་ཆེའོ༔ ཟབ༔ ཟབ༔ ཟབ༔ དམ་རྒྱ༔ ཨྠྀི༔ དགེའོ༔ ལས་རབ་རྩལ་གྱིས་སོ།། …

࿅༔ རྡོ་རྗེ་གྲོ་ལོད་ཀྱི་ལས་མཐའ་མཚོན་ཆའི་འཁོར་ལོ་བཞུགས༔ གུ་རུ་རྡོ་རྗེ་གྲོ་ལོད་ལ་ཕྱག་འཚལ་ལོ༔ གནོད་བྱེད་འགུགས་སྒྲོལ་མནན་པའི་ལས་མཐའ་ནི༔ དབང་ཐོབ་དམ་ཚིག་དང་ལྡན་ཞིང་བསྙེན་གྲངས་རྫོགས་ཤིང་ལས་སུ་རུང་བའི་སྔགས་པས༔ དྲག་པོའི་ལས་ལ་ཤིས་པའི་གནས་སུ་འཕུང་གསུམ་བདུད་ཀྱི་ཉི་མ་ལ་དུག་ཤོག་ལ་དུག་ཁྲག་གིས་གནོད་བྱེད་ཀྱི་རཱུ་པ་དབ…

གཉིས་འཕྲོས༔ ཁ་དང་བཤང་ལམ་ནས་ཞུགས༔ སྙིང་གར་ཕྱིན་པས་ཟངས་ལྕགས་ཀྱི་འཁོར་ལོ་རྩིབས་བརྒྱད་པ་གཉིས་སུ་གྱུར་ནས་གཡས་གཡོན་དུ་དྲག་ཏུ་འཁོར་བས་ཁོའི་སྲོག་རྩ་སྙིང་རྩ་ཁྲག་རྩ་ཐམས་ཅད་དམར་ཕྲི་ལི་ལི་གཏུབ༔ ཡེ་ཤེས་དང་འཇིག་རྟེན་གྱི་ཁྲོ་བོ་ཁྲོ་མོ་ཆོས་སྐྱོང་དྲག་རྩལ་ཅན་རྣམས་ལྕགས་སྡིག་ཏུ་སྤྲུལ་ནས་ཧབ་དི་རི་རི་ཟོས་པར་བསམ་ཞིང་༔ སྔག…

࿅༔ རྡོ་རྗེ་གྲོ་ལོད་ཀྱི་ལས་མཐའ་རྦད་བསྐུལ་བཞུགས༔ གུ་རུ་རྡོ་རྗེ་གྲོ་ལོད་ལ་ཕྱག་འཚལ་ལོ༔ དགྲ་བགེགས་བསྒྲལ་ཕྱིར་རྦད་བསྐུལ་ནི༔ བདེན་བརྗོད་དགུག་གཞུག་དྲག་ཏུ་བྱས་ལ་འདི་སྐད་དོ༔ བྷྱོ༔ དཔལ་ཆེན་རྡོ་རྗེ་གྲོ་ལོད་ཀྱི༔ སྤྲུལ་པ་ཡང་སྤྲུལ་ཚོགས་རྣམས་དང་༔ ཁྲོ་བོ་ཁྲོ་མོའི་ཚོགས་རྣམས་དང་༔ མ་མོ་མཁའ་འགྲོའི་ཚོགས་རྣམས་དང་༔ ཆོས་སྐྱ…

ཚོགས་ཀྱིས་ཁྲག་ལ་འཐུངས༔ མུར་བྱེད་ཚོགས་ཀྱིས་རུས་པ་མུར༔ མཱ་ར་ཡ་ཡི་དུས་ལ་བབ༔ དུས་ལ་བབ་བོ་ས་མ་ཡཱ༔ ཞེས་དྲག་སྔགས་དམོད་ཅིང་ཐུན་མཚོན་བརྡེག༔ སླར་ཡང་འདི་ལྟར་བསྐུལ༔ བྷྱོ༔ རྡོ་རྗེ་གྲོ་ལོད་ཁྲོ་བོའི་རྒྱལ༔ ཡེ་ཤེས་འཇིག་རྟེན་དྲེགས་པའི་ཚོགས༔ དབང་དུ་བསྡུས་ལ་བྲན་དུ་ཁོལ༔ དམ་ཉམས་དགྲ་བགེགས་བྱད་དུ་ཕོབ༔ དགྲ་བགེགས་ལས་ངན་སྡིག་…

གཤེད༔ བསྐོར་ཞིང་གདེངས་ཏེ་རྔམ་ཞིང་འདྲིལ༔ ཤུགས་དྲག་རྣོ་དབལ་འབར་བའི་སྟོབས༔ ལོག་འདྲེན་དགྲ་བགེགས་སྙིང་ལ་ཐོབ༔ ལུས་སྲོག་ཐལ་བ་རྡུལ་དུ་རློགས༔ མཱ་ར་ཡ་ཡི་ལས་མཛོད་ཅིག༔ ཀཱི་ལ་ཡ་ཡི་དུས་ལ་བབ༔ ཅེས་དྲག་སྔགས་དང་བཅས་པས་བསྒྲལ༔ དེ་ནས་ཞལ་དུ་བསྟབ་པ་ནི༔ ཧཱུྃ༔ མ་རིག་ལས་གྲུབ་ཕུང་ཁམས་འདི༔ རྡོ་རྗེ་གྲོ་ལོད་ཞལ་དུ་སྟོབས༔ ཕོ་ཉ་ལས་…

࿅༔ རྡོ་རྗེ་གྲོ་ལོད་ཀྱི་མན་ངག་སྦས་པ་ལོཀྟྲིའི་དྲག་སྔགས་དྲེགས་པ་སྤྱི་འདུལ་བཞུགས༔ གུ་རུ་རྡོ་རྗེ་གྲོ་ལོད་ལ་ཕྱག་འཚལ་ལོ༔ སྣང་སྲིད་སྡེ་བརྒྱད་ཀུན་གྱི་གཤེད༔ གདོན་བགེགས་འབྱུང་པོ་ཚར་གཅོད་པའི༔ དྲག་སྔགས་ཀུན་གྱི་ཡང་ཟབ་འདི༔ ཁྲོ་རྒྱལ་སྤྱི་གཟུགས་གྲོ་ལོད་ཀྱི༔ ལས་མཐར་བསྡེབས་པས་སྤུ་གྲི་འདྲ༔ མན་ངག་ཀུན་གྱི་མཐར་ཐུག་སྟེ༔ ཅེ…

སོད༔ ཤིག་ལྷུར་གཏུབས༔ ཧ་ལ་པ་ཏི་ནན༔ འཁོར་བ་ཐུལ༔ ཀཱ་ཝཱ་ཙི་བརླག༔ མཱ་ར་ཡ་ཧཱུྃ་ཧཱུྃ་ཕཊ་ཕཊ༔ བརྒྱ་སྟོང་ཁྲི་འབུམ་སྐབས་ལྟར་བྱ༔ ཐུན་མཐར་དྲང་སྲོང་དམོད་པ་ནི༔ བཀའ་ལྟར་མི་བྱེད་ཅིང་དམ་ལ་མི་གནས་པ་གཞན་དུ་དེངས་ཤིག༔ སྲིད་པ་སྤྱི་ནས་ཤིག་ཅིག༔ སྟོང་གསུམ་རྨང་ནས་སྒྱེལ་ཅིག༔ འཁོར་བ་གཏིང་ནས་ཕྱུངས་ཤིག༔ བསྐལ་པའི་མེས་སྲེགས་ཤིག༔ དམ…

རྡོར་བསྒོམ༔ སྐུ་མདོག་ཕྱག་མཚན་སྤྱི་དང་མཚུངས༔ རྫས་ལ་གབ་པའི་མན་ངག་ནི༔ རྟེན་ནི་རྡོ་རྗེ་ཕུར་པ་བྱ༔ བྲབ་པའི་རྫས་ནི་ཡུངས་ཀར་བྱ༔ བདུག་པའི་རྫས་ནི་གུ་གུལ་བྱ༔ བྱུག་པའི་རྫས་ནི་དུག་ཁྲག་བྱ༔ བཀྲུ་འཐུང་ནུས་ལྡན་དྲི་ཆུར་བྱ༔ དེ་དག་སྔགས་ཀྱི་ནུས་ལྡན་གཅེས༔ སྔགས་ལ་གབ་པའི་མན་ངག་ནི༔ གནོད་བྱེད་མཚམས་སུ་མིང་ཐེམས་གཞུག༔ སྤྱིར་སྨྲ…

࿅༔ གུ་རུ་རྡོ་རྗེ་གྲོ་ལོད་ཀྱི་ཟོར་ལས་ཐོག་རྒོད་འབར་བ་བཞུགས་སོ༔ གུ་རུ་རྡོ་རྗེ་གྲོ་ལོད་ལ་ཕྱག་འཚལ་ལོ༔ དེ་ཉིད་དྲག་པོར་སྒྲུབ་པ་ཡི༔ མངོན་སྤྱོད་ཐུགས་དམ་བསྐུལ་བའི་ལས༔ དམ་ལྡན་སྔགས་པའི་དོན་དུ་བསྟན༔ ས་མ་ཡཱ༔ རྒྱ་རྒྱ་རྒྱ༔ ཧཱུྃ་བྷྱོ༔ སྔོན་འདས་དུས་ན་པདྨ་ཧེ་རུ་ཀ༔ ད་ལྟའི་དུས་ན་རྡོ་རྗེ་ཐོད་ཕྲེང་རྩལ༔ དུས་གསུམ་ཀུན་མཁྱེན་…