འདོད་པའི་ཡུལ་ལ་སྤྲོ་བ༔ ཆགས་པ༔ མི་འདོད་པའི་ཡུལ་ལ་ཁྲོ་བ༔ སྡང་བ༔ འཁྲུལ་སྣང་གཟུང་འཛིན་གྱི་རྟོག་པ་ལས་སྐད་ཅིག་ཀྱང་དལ་ཁོམ་མེད་པ༔ ལས་དེས་བསྐྱེད་པའི་ཁམས་གསུམ་རིགས་དྲུག་ལ་སྤྱོད་པའོ༔ ད་ནི་རྟག་ཆད་དང་བྲལ་བའི་སེམས་ཉིད་དེ་ཇི་ལྟར་སྒོམ་ན་ད་ལྟའི་རྟོག་པ་བཟང་ངན་གང་ཤར་ཡང་སྔུན་ནས་མ་བསུ༔ རྗེས་ནས་མ་དཔྱོད་༔ མ་སྤྲོ༔ མ་བསྡུ༔ …

འདྲའོ༔ དག་གིས་ལྟ་བ་རྟོགས་འདུག་སྙམ་པའི་ངེས་ཤེས་དང་༔ མ་རྟོགས་བསམ་པའི་ཐེ་ཚོམ་སྟེ༔ དེ་དག་ཀྱང་འགྱུ་བ་ཡིན་པས་མ་བཅོས་པར་ཞོག་ཅིག༔ རང་སར་ཞི་ནས་རང་གསལ་འགྱུ་བ་མེད་པའི་ཡེ་ཤེས་ཆེན་པོ་སྐྱོངས་ཤིག༔ མདོར་ན་དངོས་གྲུབ་དང་བར་ཆད༔ ལྷ་དང་བདུད༔ དགེ་བ་དང་སྡིག་པ༔ སྐྱོན་དང་ཡོན་ཏན་གང་ཤར་ཐམས་ཅད་མ་བཅོས་རང་བབས་དེ་གའི་ངང་དུ་ལྷོད་ཅ…

གང་གིས་ཀྱང་མ་བསླད་པ༔ ཚིག་མེད་པ༔ དཔེར་བརྗོད་མེད་པ༔ ཡི་གེ་མེད་པ༔ བློ་འདས་ཀློང་ཡངས་ཆེན་པོ་གདོད་མའི་ཀ་དག་ཆེན་པོ་ཞེས་བྱ་བ་དེ་ཡིན་ནོ༔ ས་མ་ཡཱ༔ ཨྠྀི༔ རྫོགས་ཆེན་སྙིང་ཐིག་གི་ལྟ་གྲུབ་འཛིན་པ་ལས་རབ་རྩལ་གྱིས་བཤེས་གཉེན་དམ་པ་གུ་རུ་འཕེལ་ལ་གདམས་པའོ༔ མངྒ་ལཾ༔

࿅༔ རྫོགས་པ་ཆེན་པོ་རྡོར་སེམས་སྙིང་ཐིག་ལས༔ ངོ་སྤྲོད་སྦས་པའི་གསང་ཚིག་བཞུགས་སོ༔ དཔལ་མཆོག་དང་པོའི་སངས་རྒྱས་ཀུན་ཏུ་བཟང་པོ་ལ་ཕྱག་འཚལ་ལོ༔ དེ་ནས་སྣོད་ལྡན་སློབ་མ་ལ༔ ཏིང་འཛིན་དྲོད་ཐོབ་བླ་མ་ཡིས༔ སྙིང་པོ་དོན་གྱི་ངོ་སྤྲོད་བྱ༔ གཅེས་ཚད་མིག་དང་གཉན་ཚད་སྙིང་༔ སྤེལ་བའི་གནས་མེད་གུད་དུ་བྲིས༔ ས་མ་ཡཱ༔ ཀྱེ༔ སེམས་དང་པོ་བྱུང་…

གཉེན་པོས་མ་བསླད་པར་རང་གསལ་སྒོམ་མེད་ཆེན་པོར་སྐྱོངས་ཤིག༔ རྟོག་བྲལ་རང་གསལ་གྱི་ངང་དེ་ཉིད་མཉམ་བཞག་ཡིན་ཅིང་༔ མཐར་དེ་ལས་ལངས་པའི་ཚེ་ཡང་སྤྲོས་བྲལ་གྱི་ཡེ་ཤེས་ལས་མི་གཡོ་ཞིང་ཚུགས་ཐུབ་འདུག་པ་ལྟ་བུ་དེ་རྗེས་ཐོབ་ཅེས་བྱའོ༔ དེའི་གཞུག་ཏུ་རྟོག་པ་སྣ་ཚོགས་འཕྲོ་བ་ལ་རྗེས་ཤེས་ཟེར༔ ཁ་ཅིག་རྟོག་པ་ལ་བྱ་ར་བྱེད་ཅིང་འགོག་པར་བྱེད་ཀ…

བབས་སོ་མར་སྐྱོངས་ཤིག༔ ཕཊ༔ ཀུན་ཁྱབ་ཤར་གྲོལ་འགག་མེད༔ སྤང་བླང་གིས་མ་བསླད་པར༔ འཛིན་མེད་ཀྱི་ངང་དུ་ཞོག་ཅིག༔ ཕཊ༔ སྨྲ་མེད་རང་རིག་རྗེན་པ༔ རྟོག་དཔྱོད་ཀྱིས་མ་བསླད་པར༔རང་བབས་སོ་མར་སྐྱོངས་ཤིག༔ ཕཊ༔ འཁོར་འདས་ལམ་གསུམ་གྱིས་བསྡུས་པའི་ཆོས་ཐམས་ཅད༔ དོན་ལ་གཏད་མེད་སྟོང་པ་ཡིན་པས༔ དམིགས་གཏད་རྟོག་པས་མ་བཅིངས་པར༔ གུ་ཡངས་ཟང་ཐལ་…

࿅༔ རྫོགས་པ་ཆེན་པོ་རྡོར་སེམས་སྙིང་ཐིག་ལས༔ དོན་དམ་ཆོས་སྐུའི་ལམ་རིམ་གྱི་ཡིག་ཆ་བཞུགས་སོ༔ དབྱིངས་ཉིད་ཆོས་སྐུ་འགྱུར་བ་མི་མངའ་ཡང་༔ ནམ་མཁའི་རང་བཞིན་ཤིན་ཏུ་དག་པ་ལ༔ སྤྲིན་དང་ན་བུན་གཟའ་སྐར་གྱིས་བསྒྲིབས་བཞིན༔ འཁྲུལ་སྣང་སྣ་ཚོགས་བདེ་སྡུག་ཅིར་ཡང་སྣང་༔ སེམས་དང་སེམས་བྱུང་རང་བཞིན་མ་ཤེས་པས༔ སྤྲོས་བྲལ་འདོད་ཕྱིར་སྤྲོས་པ…

རྟོག་འཚུབ་མ་ལངས་པའི་དུས༔ གཞན་དུ་བཙལ་བས་མི་རྙེད་རང་ཉིད་སྟོར༔ རང་ཡིན་རང་ངང་བཞག་པས་རང་ཞལ་མཐོང་༔ སྒྲོ་འདོགས་བཅད་ཅིང་སེམས་ཉིད་བཙལ་བའི་ཐབས༔ གཞན་དུ་བཙལ་བས་མི་རྙེད་རང་ཉིད་སྟོར༔ རང་ཡིན་རང་ངང་བཞག་པས་རང་ཞལ་མཐོང་༔ སྒོམ་དེ་བློ་ཡིས་བཅོས་སྒྱུར་མང་བའི་དུས༔ གཞན་དུ་བཙལ་བས་མི་རྙེད་རང་ཉིད་སྟོར༔ རང་ཡིན་རང་ངང་བཞག་པས་རང་ཞ…

ཅུང་ཟད་རྐྱེན་ངན་མི་ཐུབ་མཚང་སྟོན་དུས༔ གཞན་དུ་བཙལ་བས་མི་རྙེད་རང་ཉིད་སྟོར༔ རང་ཡིན་རང་ངང་བཞག་པས་རང་ཞལ་མཐོང༔ ཅུང་ཟད་ཡོན་ཏན་རང་ངོས་ང་རྒྱལ་དུས༔ གཞན་དུ་བཙལ་བས་མི་རྙེད་རང་ཉིད་སྟོར༔ རང་ཡིན་རང་ངང་བཞག་པས་རང་ཞལ་མཐོང༔ གཞན་གྱི་ཕུན་ཚོགས་མི་འདོད་བློ་འཁྲུགས་དུས༔ གཞན་དུ་བཙལ་བས་མི་རྙེད་རང་ཉིད་སྟོར༔ རང་ཡིན་རང་ངང་བཞག་པས་…

བཞིན༔ དེ་བཞིན་སེམས་ཀྱིས་ཐམས་ཅད་མཐོང་ན་ཡང་༔ རང་ཉིད་མི་མཐོང་ཕྱིར་ན་སྟོང་པར་བཏགས༔ སྔོན་ཆད་འཁྲུལ་སྣང་བློ་ཡིས་སྦགས་པས་འཁྲུལ༔ ཐོག་མ་འཁྲུལ་རྟོག་དེ་ཡིས་མི་ཆོག་པར༔ ད་རུང་བློས་བྱས་དམིགས་པས་མ་བཅིངས་པར༔ རང་བབས་ཅོག་བཞག་རང་རྩལ་རྗེན་པར་ལྟོས༔ འདི་ནི་དུས་གསུམ་སངས་རྒྱས་དགོངས་པ་ཡིན༔ ངན་སོང་དམྱལ་བར་འགྲོ་བ་འདི་མཐོང་ཡང་༔…

࿅༔ རྫོགས་པ་ཆེན་པོ་རྡོར་སེམས་སྙིང་ཐིག་ལས༔ གནད་ཀྱི་ཚིག་གསུམ་པ་བཞུགས་སོ༔ ཀྱེ་རིགས་ཀྱི་བུ༔ ཀུན་ཏུ་བཟང་པོ་མྱ་ངན་ལས་འདའ་བར་བྱེད་པའི་དགོངས་པ་རྫོགས་པ་ཆེན་པོ་གནད་ཀྱི་ཚིག་གསུམ་པ་འདི་ཡི་དམ་བྱེད་པ་དག་འཁྲུལ་མེད་ཀྱི་ཡི་དམ་ལ་དབང་ང་ོ༔ ཚིག་དང་པོ་ནི༔ སེམས་ཅི་ཡང་མེད་པའི་ཕྱིར་སྟོང་པ་ཆོས་སྐུ༔ རང་གསལ་རྗེན་པ་བརྗོད་པ་དང་བྲ…

པོ་མྱ་ངན་ལས་འདས་པའི་དགོངས་པ་ཚིག་གསུམ་པ་རྫོགས་པ་ཆེན་པོའི་གནད་ཀྱི་གསང་གཏམ་ཆེན་པོ་འདི་ཆོས་དབྱིངས་རང་གྲོལ་གྱིས་གདམས་པ་དམ་ཅན་སྲུང་མས་བྱ་ར་གྱིས་ཤིག༔ སྐལ་ལྡན་ལས་འཕྲོ་ཅན་ལ་གཏད་རྒྱ༔ དགེའོ༔ བཀྲ་ཤིས༔

࿅༔ རྫོགས་པ་ཆེན་པོ་རྡོར་སེམས་སྙིང་ཐིག་གི་སྲོག་ཐིག་རབ་ཏུ་སྦས་པ་བཞུགས་སོ༔ དཔལ་མཆོག་དང་པོའི་སངས་རྒྱས་ཀུན་ཏུ་བཟང་པོ་ཕྱག་འཚལ་ལོ༔ སྲོག་ཐིག་རབ་ཏུ་སྦས་པ་འདི་ལ་གནད་རྣམ་པ་བཞི༔ ཞལ་ཤེས་དང་ལྔས་སྟོན་ཏེ༔ གནད་དང་པོ་ནི༔ སེམས་ཀྱི་བྱུང་གནས་འགྲོ་གསུམ་ལ༔ འདི་ནས་བྱུང་ཞེས་པ་དང་གཅིག༔ འདི་ནས་མ་བྱུང་ཞེས་པ་དང་གཉིས༔ འདི་ནས་བྱུང…

བདག་གིས་མ་རྙེད་འདུག་སྙམ་པ་དང་བཞིའོ༔ ལུས་ངག་ཡིད་གསུམ་གཅིག་དང་ཐ་དད་ཡིན་ཞེས་པ་དང་གཅིག༔ མིན་ཞེས་པ་དང་གཉིས༔ གཅིག་དང་ཐ་དད་གང་ཡང་མ་ཡིན་ཞེས་པ་དང་གསུམ༔ གཅིག་དང་སོ་སོ་ལྟ་བུ་གང་རུང་ཡོད་ནའང་བདག་གིས་མ་རྙེད་པའི་ཐེ་ཚོམ་དང་བཞིའོ༔ སེམས་ཀྱི་གཟུགས་ཁ་དོག་མཚན་ཉིད་གང་ལ་ཡང་༔ ཡོད་པའི་མཐའ་དང་གཅིག༔ མེད་པའི་མཐའ་དང་གཉིས༔ གཉིས་…

དགག་པའི་མན་ངག་འདི་འཆལ་དུ་མ་བཅུག༔ དམ་ཅན་ཤན་པ་དམར་ནག་ཁྱོད་ལ་གཏད་དོ༔ ཐུབ་པར་སྲུངས་ཤིག་བཛྲ་ས་མ་ཡཱ༔ རྒྱ༔ གནད་གཉིས་པ་ནི༔ དཔེ་རྒྱུད་མཐོང་བས་གོ་ཡུལ་དུ་ལུས་ནས་ཉམས་ལེན་རང་ཐོག་ཏུ་ངོ་མ་འཕྲོད་པ་དང་༔ གཞན་གྱིས་ཟློས་པའི་རྗེས་སུ་འབྲངས་ནས༔ སྣང་བ་ཐམས་ཅད་སེམས་ཡིན་ཟེར་བ་ཡང་༔ དེ་ཡིན་ན་སེམས་མཐོང་ཆོས་སུ་རུང་༔ དངོས་པོ་བཅག་ན…

ཞེས་ནོར་འཁྲུལ་ཚབས་ཆེ་བ་ཡིན༔ གོ་ཡུལ་བྱ་ཤོར་གྱི་འཕྲང་བཅོས་པའི་ཡི་གེ་འདི་དམ་ཅན་ཤན་པ་ཁྱོད་ཀྱིས་སྲུངས༔ སྐལ་མེད་ལོག་ལྟ་ཅན་ལ་གསང་༔ ས་མ་ཡཱ༔ རྒྱ་རྒྱ་རྒྱ༔ གནད་གསུམ་པ་ནི༔ ལྟ་གྲུབ་གཞན་ལ་ཞུགས་པའི་རྫོགས་ཆེན་ཀྱང་རུང་༔ ལྟ་བ་འཁྲིད་ཉེས་ཀྱི་རྗེས་སུ་འབྲང་༔ རྟག་ཆད་དང་མཚན་འཛིན་གྱི་ཕྱོགས་སུ་ཡོ་བའམ༔ འཛིན་བཅས་དམིགས་པའི་འཁྲི…

དམིགས་མཐའ་ཅན་ནི་སྙིང་ཐིག་ཟབ་མོའི་སྣོད་མིན་ནོ༔ ཟབ་དོན་ཡི་གེ་འདི་ནི་དམ་ཅན་ཤན་པས་སྲུངས་ཤིག་རྒྱ༔ གནད་བཞི་པ་ནི༔ སྐྱོན་དང་ཡོན་ཏན་གཉིས་གཉིས་ལ་རེ་དོགས་ཆེ་བ་དང་༔ དམིགས་པ་སྙིང་གར་གཏད་དྲགས་པ་དང་༔ གནས་དགའ་འགྱུ་སྡུག་བགྲངས་ཆེ་བ་དང་༔ རྟོག་པ་བཀག་པའམ་ཀོར་ཚེར་བཅིངས་པ་སྐྱོན་འཇུག་སྟེ་སྒོམ་སྨྱོན་དང་སྙིང་རླུང་ཅན་དུ་འགྱུར…

ཡིན༔ ཉིན་སྣང་དང་མཚན་སྣང་ཁྱད་མེད་ན་ཚེ་འདིར་སངས་རྒྱས་མངོན་དུ་འགྱུར་བ་ཡིན༔ སྐྱེས་བུ་དེ་ལ་བར་དོ་མེད༔ བྱིང་རྒོད་དང་ཐེ་ཚོམ་བསམ་གཏན་གྱི་བར་ཆད་ཡིན༔ དོན་ལ་འགྱུ་རྟོག་ཡིན་པས་མ་བཅོས་རང་གསལ་ངང་དུ་གློད་པ་དང་༔ རང་ཞི་རང་དག་རྐྱེན་ངན་ཡོན་ཏན་ཉིད་དུ་འགྱུར་རོ༔ བཀའ་འདི་ཤན་པ་དམ་ཚིག་ཅན་གྱིས་སྲུངས༔ བདུད་རྒན་ལས་རབ་རྩལ་གྱིས་ད…

࿅༔ རྫོགས་པ་ཆེན་པོ་རྡོར་སེམས་སྙིང་ཐིག་ལས༔ ལུས་ཀྱི་རྣམ་བཞག་བཀོད་པ་ཞེས་བྱ་བ་བཞུགས་སོ༔