སྦྱོར་བ་དེ་ཀུན་ལ་བྱང་གྲོལ་གྱི་ས་བོན་ཐེབས་པར་གསུངས་སོ༔ སྦས་རྒྱ༔ གུ་ཧྱ༔ དེ་ནས་མཚན་མ་འགུགས་པའི་སྦྱོར་བས་འགུགས༔ རྒྱུ་འབྲས་སྤང་བླང་དང་སེམས་བསྐྱེད་སྔགས་ཀྱི་དབང་དང་༔ རིམ་གཉིས་ཐབས་ལམ་གྱི་ཆེ་བ་བརྗོད་པ་སོགས་ཀྱིས་སྣོད་དུ་རུང་བར་བྱས་ལ༔ དང་པོའི་རྣལ་འབྱོར་པས་བསྟན་པའི་དམིགས་རྐྱེན་དང་མཆེད་གྲོགས་དང་ཐ་མལ་པས་ཡ་ག་མི་འབ…

རྗེའི་རྩ་ལྟེམ་པ་སོགས་བཤད་མོད༔ འདྲེན་པ་ལ་མཁས་པ་སྨྱུག་སྦུབས་ནས་ཆུ་འདྲེན་པ་ལྟ་བུའི་མན་ངག་ནི༔ སྦྱོར་བ་དྲུག་ལྡན་ཁོ་ན་སྟེ༔ ཧཱུྃ་འདྲེན་སོགས་རང་བྱང་ཆེ་བ་བག་འདྲེན་གྱི་འཕྲུལ་འཁོར་དང་དམིགས་པ་ཧཾ་ལ་གཏོད༔ འགྲེམ་པ་ལ་མཁས་པ་ཆུ་སྦྱིན་ཤུགས་ཅན་ཡོ་ལང་བཀྱེ་བ་ལྟ་བུ་ནི༔ གཡང་མོའི་འབའ་སྤྲུག་གྱི་ལིང་བཞི་འཕྲད༔ སེངྒེ་རྩལ་སྤྲུགས…

རླུང་རྒྱུ་བ་མི་ཚོར་བར་རྣལ་བ་ནི་ལ་བཟླ་བ་རྫོགས་རིམ་གྱི་རྒྱས་འདེབས་ཤིན་ཏུ་གལ་ཆེ་བའོ༔ ཡང་དམིགས་པ་དང་འཕྲུལ་འཁོར་གྱི་ཐིག་ལེ་འདྲེན་བཀྲམ་བྱས་པ་ཀུན་རྫོབ་ཀྱི་གནད་དེས་ཐིག་ལེ་ལུས་ཀྱི་དམིགས་པ་གར་ཟིན་དུ་འདྲེན་ནས་ནད་དང་ཟུག་རྔུ་སོགས་གེགས་རྐྱེན་དུ་འགྱུར་བས་ན༔ འདི་ན་རང་བབས་སུ་བཀྲམ་པའི་ཁྲེམས་པར་འགྱུར་བའི་གནད་ཀྱི་མཐར་ཐ…

ཆོས་འདིའི་གནད་དེ་གཞན་དུ་བསྟན་པ་མེད་དོ༔ ཐིག་ལེ་འདྲེན་པའི་འཕྲུལ་འཁོར་དུས་ལུས་ཐམས་ཅད་བསྒྲིམ༔ འོག་སྒོ་ནང་དུ་གྱེན་ལ་ཆུ་ཡོད་པར་དྲག་ཏུ་འཐེན་པ་སོགས་འཕྲུལ་འཁོར་སྦྱོར་བ་དྲུག་ལྡན་བྱ༔ ཐིག་ལེ་འདྲོངས་པའི་རྟགས༔ རྡོ་རྗེ་ངར་འཆོར་བདེ་བ་ཡལ༔ སྨད་སྟོང་ཕྱམ་ཕྱམ་སྟོད་དུ་བརྫངས་ཚ་ཕྱུར་དང་རྔུལ་ཕྱུར་བ་ཡོང་༔ ཧ་ཅང་འདྲེན་ཤིན་ཏུ་བ…

སོགས་དྭངས་མ་གང་དུ་འབྲེལ་བ་དེར་འོང་ཞིང་༔ རྐེད་པ་ན་ཆུ་དང་བསྡོངས་ནས་དྭངས་མ་འཆོར༔ ཆུ་ངན་བྲོ་སྙམ་པ༔ རྡོ་རྗེ་རེངས་པ་དང་ཚ་བ་གཡའ་སྦྲིད་པ་སོགས་འོང་༔ དེ་ལ་འདྲེན་བཀྲམ་སྦྱངས་ཤིང་ཞེས་ཀྱང་གེགས་མ་སེལ་ན་ཡུམ་ལ་སྲིད་མི་ཆགས་པའི་བྷ་གར་ལྷ་ཚོགས་བསྒོམས་ཏེ་ཐིག་ལེ་མཆོད་པ་འབུལ་ཞིང་གཏོང་༔ དེས་ལྟུང་བ་མེད་ཅིང་ཚོགས་ཆེན་རྫོགས་པར་…

དོ༔ འདི་དག་རྣམས་ནི་ཐབས་ལམ་འདོད་པ་སྤྱིར་བཏང་བར་མ་གྲགས་པའི་སྙན་བརྒྱུད་དོ༔ སྦས་རྒྱ༔ གུ་ཧྱ༔ རིག་མ་ཡོན་ཏན་ལྡན་པ་ལ་བརྟེན་ནས༔ ཕྱིའི་ཕྱི་ནང་གསང་གསུམ་ལ་བརྟེན་པ་དང་ནང་ཁྱད་པར་གྱི་ཕྱི་ནང་གསང་གསུམ་ལ་བརྟེན་ནས་ཚེ་སྒྲུབ་པའི་ཐབས་ཟབ་མོ་དངོས་གྲུབ་དང་ཏིང་ངེ་འཛིན་ངོ་མཚར་བ་འགྲུབ་པའི་གནད་མཆོག་ཏུ་གྱུར་པ་ཡོད་ཀྱང་༔ སྣོད་ལྡན་…

སྤྱོད༔ ཐ་ནའང་ཡིད་དུ་འོང་བའི་བུད་མེད་ལ་རྩེ་བ་དང་བལྟ་བ་སོགས༔ ཆགས་པ་བསླང་བའི་ཐབས་དེ་ལས་སྐྱེས་པའི་བདེ་བ་ཏིང་ངེ་འཛིན་གྱིས་ཟིན་པར་བྱའོ༔ སྦས་རྒྱ༔ གུཧྱ༔ དབབ་མ་ཐུབ་ན་བདེ་བ་མི་སྐྱེ༔ བསྐྱིལ་མ་ཐུབ་ན་ཐིག་ལེ་འཆོར༔ འདྲེན་མ་ཐུབ་ན་དྭངས་མ་ཆུ་དང་འདྲེས་ནས་འཆོར༔ དྲངས་མ་ཐུབ་ན་བཀྲམ་ན་ནད་དུ་འགྱུར༔ དེའི་ཕྱིར་མན་ངག་གི་གནད་ལ་…

ཅིག་སྐྱེས་དགའ་སྟེ༔ དེ་དག་ཐམས་ཅད་བདེ་བ་ལ་ཏིང་ངེ་འཛིན་གྱི་རྒྱས་ཐེབས་པ་སྔགས་ཀྱི་མྱུར་ལམ་དམ་པ༔ གུ་ཧྱ༔ སྦས་རྒྱ༔ ཐིག་ལེ་བཏང་བའི་དུས་ནི་སློབ་མ་ལ་དབང་བསྐུར་དུས༔ དམ་རྫས་སྦྱོར་དུས༔ རིགས་རྒྱུད་བཞག་དུས༔ ཚོགས་དང་གསང་མཆོད་ཀྱི་དུས༔ རིག་མ་ཁྲག་འདྲིལ་དུས་རང་ལུས་རྩ་ནང་དུ་ཐིག་ལེ་མཁར་ནས་ནད་དུ་འགྱུར་བའི་དུས༔ འཆི་བ་བརྟག་པ…

ཡངས་ཤིང་ཆགས་པ་ཆུང་བ་ལ༔ བདེ་བ་དབབ་བསྐྱིལ་འདྲེན་བཀྲམ་བདེ་བ་ཆོས་ཉིད་དུ་ལ་བཟླ་སྟེ་སྦ༔ དེ་ནས་རིག་མ་མཚན་ལྡན་ལུང་བཞིན་ནོ༔ སྐབས་དེ་དག་ཏུ་བདེ་བ་སྟོང་པ་དེ་བཞིན་ཉིད་ཀྱིས་རྒྱས་ཐེབས་པ་དང་༔ ཡབ་ཡུམ་ལྷར་གསལ་བ༔ མཁའ་གསང་རྡོ་རྗེ་པདྨར་བྱིན་གྱིས་བརླབས་པ༔ ལག་ལེན་གྱི་གནད་དབབ་འཛིན་འདྲེན་བཀྲམ་ལ་བཟླ་བ་སོགས༔ རྒྱུད་ལུང་མན་ངག་ཞ…

པ་མིན་ཏེ༔ སྣོད་དུ་མ་རུང་བ་དེ་དག་གིས་ཐེག་པ་ཆེན་པོ་ལ་སྐྱོན་དུ་མཐོང་བའི་དབང་གིས་འཁོར་བ་ནས་ངན་སོང་ལ་ཡུན་རིང་པོར་མནར་བའི་རྒྱུར་གྱུར་ཏེ༔ སྡུད་པ་ལས༔ ཐོས་ནས་བློ་ཆུང་དེ་ནས་འདི་སྤངས་ཏེ༔ སྤངས་ནས་སྐྱབས་མེད་གྱུར་པ་དེ་ནི་ངན་འགྲོར་འགྲོ༔ དེ་ཡང་སྔགས་ཀྱི་ལམ་འདིར་ཏིང་ངེ་འཛིན་ཁོ་ན་གཙོ་ཆེ་སྟེ༔ ཏིང་ངེ་འཛིན་གྱིས་ཟིན་དུས་ད…

ཡེ་ཤེས་ལྷན་ཅིག་སྐྱེས་པ༔ ཀུན་རྫོབ་ཀྱི་ཐིག་ལེ་ལྷན་ཅིག་སྐྱེས་དགའ་འདི་ཕ་མ་བུ་གསུམ་ཁུ་ཁྲག་སེམས་གསུམ་འདྲེས་དུས་དང་༔ དར་མ་ཕོ་མོ་འཕྲད་དུས་དང་༔ འཆི་དུས་དཀར་ལམ་དམར་ལམ་གཉིས་འདྲེས་དུས་དེ་རྣམས་སུ་ཀུན་རྫོབ་ཀྱི་ཐིག་ལེའི་བྱེད་ལས་དེ་དག་འཆར་བས༔ ད་ལྟ་ལྷག་མཐོང་གདོད་མའི་ཡེ་ཤེས་དེས་ཟིན་པས་ཐིམ་སྡུད་དུས་སངས་རྒྱས་སུ་གྱུར་པ་…

རྫོགས་པ་ཆེན་པོ་རྡོར་སེམས་སྙིང་ཐིག་ལས༔ བཏགས་གྲོལ་སངས་རྒྱས་སྲས་གཅིག་གི་ཙཀྲ་བྲི་ཐབས་གྲོང་ཁྱེར་རྒྱུན་གཅོད་བཞུགས༔ དཔལ་མཆོག་དང་པོའི་སངས་རྒྱས་ཀུན་ཏུ་བཟང་པོ་ལ་ཕྱག་འཚལ་ལོ༔ མ་འོངས་རྩོད་ལྡན་ལྔ་བརྒྱའི་དུས༔ མི་རྣམས་གསང་སྔགས་ཆོས་ལ་ཞུགས༔ དམ་ཚིག་མི་བསྲུང་གྱ་ཚོམ་སྒྲོགས༔ གསང་སྔགས་མི་གསང་ཁྲོམ་དུ་གླེང་༔ རྡོ་རྗེའི་མཆེད་…

འོད་ལྔའི་ཟླུམ་བསྐོར་བྲི༔ ཞལ་གསུབ་ལྷག་ཆད་སྤང་བ་གཟབ༔ སེལ་མེད་བདུད་རྩི་ཆོས་སྨན་དང་༔ བུམ་རྫས་ཉེར་ལྔ་རྫས་སུ་གླན༔ རྫོགས་ཆེན་སྟོན་པའི་སློབ་དཔོན་གྱིས༔ སྐུ་བལ་རིང་བསྲེལ་དག་ཀྱང་གཞུག༔ རབ་གནས་ཚོགས་འཁོར་དགའ་སྟོན་དང་༔ སྨིན་ཁྲིད་ནོད་པར་བྱས་ནས་སུ༔ དར་སྣ་ལྔས་དྲིལ་མགུལ་དུ་གདགས༔ ཕན་པའི་ཡོན་ཏན་བརྗོད་ལས་འདས༔ རྡོ་རྗེ་སེམ…

མ་ཡཱ༔ བརྡ་ཐིམ༔ ཞེས་པ་འདི་ཡང་བཙུན་གཟུགས་རྨོངས་པ་གདོལ་སྤྱོད་མཁན་རྡོ་རྗེ་ཚེ་མཆོག་རྩལ་ཞེས་པ་དེས་ལྷག་པའི་ལྷ་མཆོག་འདི་ཉིད་ཀྱི་བསྙེན་བསྒྲུབ་ལ་བརྩོན་སྐབས་ཉམས་ལ་གང་ཤར་བཅོས་བསྒྱུར་མེད་པ་ཐོལ་བྱུང་དུ་གནས་དུས་རྟེན་འབྲེལ་ཕུན་སུམ་ཚོགས་པ་ལ་བྲིས་པའི་དགེ་བས་ལུས་ཅན་རྣམས་དཔལ་གདོད་མའི་མགོན་པོའི་ཐུགས་ཀློང་དུ་འཚང་རྒྱ་བའི་…

དཔེའུ་རིས་ཡོད། རྡོ་རྗེའི་ཕྱི་རོལ་འོད་ལྔ་ནང་ནས་རིམ་བཞིན་དཀར་མཐིང་སེར་དམར་ལྗང་ངོ་།། མཆན།

࿅༔ རྫོགས་པ་ཆེན་པོ་རྡོར་སེམས་སྙིང་ཐིག་ལས༔ ཟབ་དོན་གཅོད་ཡུལ་བདུད་བཞི་དབྱིངས་སུ་གཅོད་པའི་རྣམ་རོལ་བཞུགས་སོ༔

མ་ཅིག་དབྱིངས་ཀྱི་ཡུམ་ལ་འདུད༔ རྐྱེན་ངན་ལམ་ཁྱེར་སེམས་ཉིད་བོགས་འདོན་ཐབས༔ ཨོ་རྒྱན་གཏེར་གཅོད་མ་ཅིག་བཀའ་གཏེར་དོན༔ གཅིག་ཏུ་དྲིལ་བའི་ཡང་སྙིང་འདི་ལྟར་རོ༔ ཕཊ་ཕཊ་ཕཊ༔ ཀྱེ་མ༔ རིགས་དྲུག་རྣམས་ཀྱི་སྒྲིབ་པ་སྦྱང་བ་ནི༔ བདག་གིས་གཅེས་འཛིན་ལུས་འདི་འདོར་བ་དང་༔ སྣང་སྲིད་ལྷ་འདྲེའི་བསམ་པ་བསྒྲུབ་པའི་ཕྱིར༔ ཕན་བྱེད་ལྷ་ཡང་འདུས་ལ…

མ་མཐིང་ནག་ཁྲོ་ཆས་རྫོགས༔ འཁོར་འདས་ཀུན་ལས་ཆེ་བཙན་བདག་ཉིད་མའི༔ ཐུགས་སྤྲུལ་ཕོ་ཉས་སྣང་སྲིད་འཇིག་རྟེན་ཁྱབ༔ ཡ་ཀི་ཀུན་ཏུ་བཟང་པོ་མན་ཆད་དང་༔ མ་ཀི་གྲོང་ཁྱེར་འདྲེ་མོ་ཡན་ཆད་ཀྱི༔ དབང་འཕྲོག་ཤེད་བཅོམ་བཙོན་པ་བཞིན་ཏུ་ཁྲིད༔ ལྕགས་ཀྱུས་སྙིང་བཟུང་གཡང་གཞི་མཚོན་ཆས་དེད༔ འཁོར་འདས་འདར་འདར་ཆུམ་ཆུམ་དཔུང་གཉེན་བྲལ༔ ཅི་གསུང་བཀའ་ཉན…

བཞེངས་ཤིག་ལོངས་སྐུ་ཁྲོས་མ་ནག༔ མ་དབྱིངས་ནས་བཞེངས་ཤིག་སྤྲུལ་སྐུ་ལབ་སྒྲོན་མ༔ བུ་མ་རིག་གཅོད་པའི་གཅད་བྱ་འདྲེ་གདོན་དང་༔ ལམ་གཅོད་ཡུལ་སྒོམ་པའི་གཅོད་བྱེད་གཉིས་འཛིན་འདི༔ བུ་ཡིས་དོ་ནུབ་གཅིག་ཏུ་གཅོད་པའི་ཕྱིར༔ སེམས་གཟུང་འཛིན་ལྷར་བཏགས་ཕན་སེམས་དང་༔ རང་འཁྲུལ་བས་འདྲེ་བཏགས་གདོན་བགེགས་སོགས༔ ཁུངས་མ་ཤེས་འཁྲུལ་བའི་རྫུན་ད…

ཚོགས༔ སྤྱིར་ཁམས་གསུམ་རིགས་དྲུག་སེམས་ཅན་དང་༔ སྒོས་འདྲེ་དང་བདུད་དང་ལྷ་འདྲེ་དང་༔ ཡང་ཁྱད་པར་ལན་ཆགས་འདྲེ་གདོན་ལ༔ ངས་སྦྱིན་མ་ནུས་ན་གཅོད་པ་མིན༔ ཁྱོད་ལེན་མ་ནུས་ན་ལྷ་འདྲེ་མིན༔ ཁྱོད་རེམ་ལ་རྒྱུགས་ཤིག་ལྷ་འདྲེ་རྣམས༔ ཕཊ་ཕཊ་ཕཊ༔ ཁྱོད་འཇིགས་པ་རྣམས་ཀྱིས་གཟུགས་སྟོན་ཅིག༔ ཁྱོད་རྔམ་པ་རྣམས་ཀྱིས་མཚོན་དོར་ཅིག༔ ཁྱོད་ཟ་བ་རྣམས…