࿅༔ གཤིན་རྗེའི་གཤེད་དགྲ་བགེགས་ཕུང་བྱེད་ཀྱི་རིམ་པ་དབང་གི་གབ་ཡིག་བཞུགས་སོ༔ འཇམ་དཔལ་དྲག་ཏུ་ཁྲོས་པ་ལ་ཕྱག་འཚལ་ལོ༔ བྱིན་བརླབ་དབང་གི་རིམ་པ་ནི༔ རྫས་དང་ཡོ་བྱད་སྟ་གོན་བྱ༔ གཞུང་བསྲང་བསྒྲུབ་ཅིང་ཚོགས་ཀྱིས་མཆོད༔ ནམ་གྱི་སྲོད་ལ་བབ་པའི་དུས༔ སློབ་མས་གོ་མཚོན་མཎྜལ་འབུལ༔ ཁྲུས་བྱས་བགེགས་བསྐྲད་ལོ་རྒྱུས་སྤྲོས༔ དབང་དོན་གསོལ་…

ཆེན་འབར་བའི་དཔལ༔ གང་གི་གསུང་གི་བྱིན་རླབས་ཀྱིས༔ ཁྱོད་ཀྱི་ངག་ལ་བྱིན་གྱིས་རློབས༔ དབང་ཆེན་དམ་པ་ཐོབ་པར་ཤོག༔ ༀ་བཛྲ་ཀྲོ་ཏ་ཡ་མནྟ་ཀ་ཝཱཀྐ་ཨ་བྷི་ཥིཉྩ་ཨཱཿ སྙིང་ཁར་བཞག༔ ཧཱུྃ༔ དུས་གསུམ་སངས་རྒྱས་ཀུན་གྱི་ཐུགས༔ དེ་རིང་ཁྱོད་ཀྱི་ཡིད་ལ་ཞུགས༔ འཇམ་དཔལ་ཁྲོ་ཆེན་འབར་བའི་དཔལ༔ གང་གི་ཐུགས་ཀྱི་བྱིན་རླབས་ཀྱིས༔ ཁྱོད་ཀྱི་ཡིད་ལ་བྱི…

མནྟ་ཀ་ཀརྨ་ཨ་བྷི་ཥིཉྩ་ཨཱཿ ལིངྒ་འགུགས་བསྟིམ་བཅིངས་སྒྲོལ་སོགས་བསྒྲལ་དབང་བསྐུར༔ ཤིས་པ་བརྗོད་མེ་ཏོག་འཐོར༔ ཁས་བླངས་ཡོན་འབུལ་དམ་ཚིག་བསྒྲག༔ སྲོག་དབང་གནད་ཡིག་གསང་བའི་རྒྱ༔ ཁ་ཐཾ༔ གུ་ཧྱ༔

࿅༔ འཇམ་དཔལ་གཤིན་རྗེའི་གཤེད་དགྲ་བགེགས་ཕུང་བྱེད་ནག་པོའི་བསད་ལས་ཐུན་བསྐུལ་བཀླག་བདེར་བཀོད་པ་དུག་རིི་རེག་འཇོམས་བཞུགས་སོ༔

རྒྱལ་ཀུན་སྐུ་ཡི་རྡོ་རྗེ་འཇམ་དཔལ་དབྱངས༔ རབ་ཁྲོས་མི་བཟད་དུས་དགྲའི་དབང་པོ་དང་༔ དབྱེར་མེད་དྲིན་ཅན་དཔའ་བོ་ལས་རབ་རྩལ༔ རྣམ་མཁྱེན་བར་དུ་ཞབས་སེན་སྤྱི་བོར་འགོད༔ གཞོམ་མེད་རྡོ་རྗེའི་མཚོན་ཆེན་བདེ་ཆེན་གདེངས༔ ལྷ་སྔགས་དུས་ཀྱི་ཞུགས་ཆེན་འབུམ་ལྷག་གཟིས༔ ཞལ་རུངས་ནག་པོའི་དཔུང་བསྐྱེད་ཞིང་བཅུའི་དགྲར༔ རེག་ཟ་བསད་ལས་ཐུན་བསྐུལ…

ཁུང་དང་ལིངྒ་སྒོས་ཆོས་དང་ལྡན་པ་དང་༔ སྤྱིར་བཏང་གཏོར་བཟློག་རྐྱང་པ་སོགས་ལ་འབྱོར་ན་འཁོར་ལིང་དང་༔ ཡང་ན་བག་ཟན་གྱི་ཉ་བོ་གཟུགས་དབྱིབས་དོད་པ་ཧོམ་དུ་བཅུག༔ བྲུབ་ཁུང་གི་གཡས་སུ་བྱ་རོག་དང་གཡོན་དུ་འུག་སྒྲོ་བཙུགས༔ ཐོད་ངན་གནམ་ལྕགས་ཀྱི་སྣོད་དུ་གཡས་སུ་ཡུངས་དཀར་ནག༔ རྡོ་ཟངས་ལྕགས་ཕྱེ་སོགས་ཐུན་རྫས༔ གཡོན་དུ་མཛེ་དམེ་ནད་ནལ་སོ…

བྱིན་གྱིས་བརླབས་ལ༔ ཧཱུྃ༔ རྩ་བརྒྱུད་བླ་མ་ཡི་དམ་དཀྱིལ་འཁོར་ལྷ༔ མཁའ་འགྲོ་དམ་ཅན་རྒྱ་མཚོ་མ་ལུས་པ༔ གསེར་སྐྱེམས་འདི་བཞེས་བདག་གི་དཔུང་གཉེན་མཛོད༔ སྣང་ཞིང་སྲིད་པའི་ལྷ་ཀླུ་འབྱུང་པོ་དང་༔ སྡེ་བརྒྱད་མཐུ་ཆེན་ཡུལ་ལྷ་གཞི་བདག་ཚོགས༔ གསེར་སྐྱེམས་འདི་བཞེས་བདག་གི་དཔུང་གཉེན་མཛོད༔ ཅེས་པས་འབུལ་ལོ༔ ཆོས་སྐྱོང་སྲུང་མ་གནད་ནས་བས…

དབུ་ལ་བརྒྱན་བྱས་ནས༔ གཤོག་སྒྲོ་སྤུ་གྲིར་གཏམས་པ་དོན་མེད་དམ༔ གངས་ལ་གནས་པའི་སེང་གེ་དཀར་མོ་ལ༔ དུར་ཁྲོད་ཝ་སྤྱང་འཇོལ་མོས་བརྙས་བཙུགས་སོ༔ ཆེ་རྟགས་གཡུ་རལ་སྔོན་མོས་བརྒྱན་བྱས་ནས༔ རྩལ་གསུམ་ལུས་ལ་རྫོགས་པ་དོན་མེད་དམ༔ ཀུན་ལ་དབང་བསྒྱུར་ས་བདག་རྒྱལ་པོ་ལ༔ འབངས་འཁོར་སྐྱེ་བོ་ངན་པས་བརྙས་བཙུགས་སོ༔ ཆེ་རྟགས་མེན་ཏྲཾ་ཐོད་དམར་བ…

ཁྲོའི་སྐུར་བསྒོམས་ནས༔ བཟླས་བརྗོད་ཚུལ་བཞིན་བྱས་པ་དོན་མེད་དམ༔ ཧཱུྃ་བྷྱོ༔ གསང་སྔགས་རྡོ་རྗེ་ཐེག་པའི་དཀྱིལ་འཁོར་དུ༔ མི་ཕྱེད་དད་པས་ཞུགས་པའི་རྣལ་འབྱོར་བདག༔ སྒྲུབ་པའི་སྙིང་པོ་དམ་དུ་བཅས་པ་ལ༔ བར་ཆད་འཚེ་བ་དམ་ཉམས་དགྲ་ཡིས་བྱས༔ ད་ནི་མངོན་སྤྱོད་དྲག་པོའི་ལས་རྩོམ་ན༔ ལྷ་དང་དམ་ཅན་རྒྱ་མཚོ་གྲོགས་ལ་བྱོན༔ བདག་གིས་མ་ཉེས་དམ…

བསྐུལ་བ་ནི༔ ཧཱུྃ་བྷྱོ༔ གདོད་ནས་མ་སྐྱེས་བྱང་ཆུབ་སེམས་ཉིད་འདི༔ མ་དག་སྐྱེ་བོ་རྣམས་ཀྱིས་མ་རྟོགས་པས༔ སྐྱེས་མཆོག་བདག་གིས་དྲང་ཞིང་དོན་བགྱིད་དུ༔ བདུད་དང་སྲིན་པོས་ཚེ་ལ་བར་གཅོད་ཅིང་༔ བགེགས་དང་འབྱུང་པོས་འདི་ལ་གླགས་ལྟ་ན༔ ཀུན་མཁྱེན་མགོན་པོས་འདི་ལ་དཔང་མཛོད་ཅིག༔ མ་ནོངས་ཡེ་ཤེས་ལྷ་ལ་མཁྱེན་པར་གསོལ༔ ངེས་པའི་དོན་རྟོགས་…

བོས་བགྱིད་དུ་མ་སྟེར་ན༔ ཀུན་མཁྱེན་མགོན་པོས་འདི་ལ་དཔང་མཛོད་ཅིག༔ མ་ནོངས་ཡེ་ཤེས་ལྷ་ལ་མཁྱེན་པར་གསོལ༔ ངེས་པའི་དོན་དུ་འབྲ ས་བུ་ཆུད་མ་གསོན༔ དམ་ཅན་སྲུང་མ་མེད་དམ་ར་མདའ་མཛོད༔ ཧཱུྃ་བྷྱོ༔ བདག་ནི་ཟོལ་མེད་ངེས་པའི་རྣལ་འབྱོར་པ༔ བྱང་ཆུབ་བསྒྲུབ་ཅིང་འགྲོ་བའི་དོན་བགྱིད་པར༔ སེམས་ཀྱིས་ཐག་བཅད་སྐྱེས་མཆོག་བདག་ལྟ་བུས༔ བཤགས་ཀྱ…

ཚ་བ༔ འཆི་བདག་གཤིན་རྗེའི་བཙོན་དོང་སྡིག་ཅན་གྱི་བཤས་ར་འཇིགས་ཤིང་ཡ་ང་བ༔ ཐར་མེད་མུན་ཁང་ཆེན་པོའི་ནང་དུ་དགྲ་བགེགས་ཀྱི་རྣམ་པར་ཤེས་པ་ནྲྀ་སྔོ་ལྗང་དང་ཏྲི་དམར་སེར་མར་མེ་ལྟ་བུ་གནས་པ་དེ་ཡོངས་སུ་གྱུར་པ་ལས་ཉ་བོ་འདི་རྣམས་དགྲ་བགེགས་གང་ཡིན་པ་དེ་དག་དངོས་སུ་གྱུར་ཏེ་མི་སྡུག་པའི་གཟུགས་ཅན་སྔོ་ལ་ཧམ་པ༔ ནག་ལ་རིད་པ་གཅེར་བུ་ཉམ་…

དང་༔ ཕྱག་རྒྱ་དང་༔ སྔགས་འཆང་བདག་གི་ཕྱག་རྒྱ་དང་ཏིང་ངེ་འཛིན་དང་བདེན་པའི་སྟོབས་ཀྱིས་སངས་རྒྱས་ཀྱི་བསྟན་དགྲ༔ སེམས་ཅན་གྱི་སྤྱི་དགྲ༔ བླ་མའི་སྐུ་དགྲ༔ རྣལ་འབྱོར་པ་བདག་ཅག་དཔོན་སློབ་ཡོན་མཆོད་མི་ཕྱུགས་འཁོར་དང་བཅས་པར་གནོད་ཅིང་འཚེ་བར་བྱེད་པའི་གཟུགས་ཅན་གྱི་དགྲ༔ གཟུགས་མེད་ཀྱི་བགེགས༔ བར་ཆད་ཀྱི་རྐྱེན༔ ཁྱད་པར་དུ་བྱད་མ་…

དགྲ་གདོན་ཐན་ལྟས་མི་ཁ་གྱོད་བྱུར་གོད་འདྲེ་ཕུང་སྲི་ཐམས་ཅད་དང་བན་བོན་མུ་སྟེགས་བྱད་མ་ནག་པོ་ཙི་ཙི་ཏྲ་རྦད་རྦད་ཟློག་ཟློག༔ ཅེས་སམ༔ རྣྲི་ཤ་ཀུ་རུ༔ རྣྲི་ཤ་ཀུ་རུ༔ ཁ་སོ་བ་ཏི༔ ཡཾ་རུ་ཏེ༔ ཡཾ་སེན་ཡཾ་སེན་མེན་ཡཾ་སྙིང་ཚལ་པ་བཾ་རིལ་རྦད༔ དགྲ་བགེགས་བྱད་མ་ལྷ་སྲུང་དང་བཅས་པའི་བླ་རྟེན་ཚེ་རྟེན་སྲོག་རྟེན་དང་བཅས་པ་ཁུག་ཅིག༔ དྲག་སྔག…

ཏིང་འཛིན་གསལ་ལ༔ ཧཱུྃ་བྷྱོ༔ ད་ནི་བསྒྲལ་བའི་ཐུགས་དམ་དུས་ལ་བབ༔ དོ་ནུབ་ནམ་གྱི་སྲོད་དང་གུང་ལ་བབ༔ ད་ལྟ་ནམ་གྱི་གུང་ལ་བབ་དུས་འདིར༔ སེམས་མེད་འབྱུང་བ་ཆུ་ཡང་གཉིད་པ་ཡི༔ དགྲ་བོ་ལས་ངན་སྡིག་ཅན་གཉིད་ལོག་གི༔ བླ་ཚེ་འཁྱམས་ནས་ད་ལྟ་ཁྲིད་ལ་ཤོག༔ སྲོད་ལ༔ བྷྱོ༔ ད་ལྟ་ནམ་གྱི་སྲོད་ལ་བབ་དུས་འདིར༔ ཆོམ་རྐུན་ལས་ལ་འགྱེད་པའི་དུས་ཡིན…

དུས༔ བླ་འཁྱམས་ལས་ངན་མྱུར་དུ་ཁྲིད་ལ་ཤོག༔ ཉི་མ་ནུབ་པའི་དུས༔ བྷྱོ༔ ད་ལྟ་ཉི་ནུབ་གྲིབ་སོ་ཕོག་པའི་དུས༔ སྙིང་མི་དགའ་ཞིང་ཤེས་པ་འཕྱོ་བའི་དུས༔ དགྲ་བོའི་བླ་ཚེ་རྣམ་ཤེས་འཕྱོ་བའི་དུས༔ བླ་འཁྱམས་ལས་ངན་མྱུར་དུ་ཁྲིད་ལ་ཤོག༔ བླ་གཤེད་ཕོ་ཉ་བརྒྱད་པོ་བསྐུལ་བ་ནི༔ བྷྱོ༔ བླ་འཁྱམས་ལས་ངན་འཕྱོ་བའི་དུས་དྲུག་ལ༔ བླ་གཤེད་ཕོ་ཉ་ཁྱེད་ར…

དགྲ་བོའི་བླ་འཁྱམས་ར་རུ་བརྫུ་བ་ན༔ ཕོ་ཉ་བྱུ་རུའི་ཁྱི་མོའི་སྐུར་སྤྲུལ་ལ༔ རང་དབང་མེད་པར་མྱུར་དུ་ཁུག་ལ་ཤོག༔ དགྲ་བོའི་བླ་འཁྱམས་བྱ་རུ་བརྫུ་བ་ན༔ ཕོ་ཉ་བྱ་རྒྱལ་ཁྱུང་དུ་སྐུར་སྤྲུལ་ལ༔ རང་དབང་མེད་པར་མྱུར་དུ་ཁུག་ལ་ཤོག༔ དགྲ་བོའི་བླ་འཁྱམས་གླ་བར་བརྫུ་བ་ན༔ ཕོ་ཉ་གསེར་གྱི་འཕར་བའི་སྐུར་སྤྲུལ་ལ༔ རང་དབང་མེད་པར་མྱུར་དུ་ཁུག…

ཤོག༔ སོ་དང་སེན་མོ་པགས་པ་རྣམ་པ་གསུམ༔ ཕྱི་རྟགས་ཡིན་པས་ད་ལྟ་ཁྱེར་ལ་ཤོག༔ སྣ་དང་ལྕེ་དང་མིག་དང་རྣམ་པ་གསུམ༔ དབང་པོ་ཡིན་པས་མྱུར་དུ་ཁྱེར་ལ་ཤོག༔ གློ་བ་སྙིང་དང་མཆིན་པ་གསུམ་པོ་ནི༔ དོན་སྙིང་ཡིན་པས་མྱུར་དུ་ཁྱེར་ལ་ཤོག༔ གཉེ་མ་རྒྱུ་མ་མཁལ་མ་གསུམ་པོ་ནི༔ ནང་ཁྲོལ་ཡིན་པས་ད་ལྟ་ཁྱེར་ལ་ཤོག༔ ཤ་ཁྲག་བརྒྱན་པའི་གཏོར་མ་འདི་བཞེས་ལ…