ཕུང་ཁྲོལ་ལས་ཀྱི་སེལ་ནག་འདི༔ ཕྱི་རབས་དོན་དུ་དགོངས་ནས་བཞག༔ ས་མ་ཡ༔ རྒྱ་རྒྱ་རྒྱ༔ བཅའ་གཞིའི་རིམ་པ་བསྟན་པ་ནི༔ རི་དྭགས་གླ་བའི་སྲེ་ལོང་གི༔ རུས་པར་དགྲ་བཅོས་རམ་གྱིས་བྱུགས༔ གདོང་ལ་མཚལ་གྱིས་ཁ་མིག་བྲིས༔ བྱད་ལ་བཙག་བྱུག་དམར་པོ་བྱ༔ སོལ་བ་གྱེན་འགྲེང་རྩེ་ལ་བསྐྱོན༔ ཚོན་སྐུད་སྣ་ལྔས་མི་འབྲལ་བཀྱིག༔ ནས་ནག་ཕུལ་གང་སྟེང་དུ་བ…

འགྱེལ་བར་ངེས༔ འདི་ཡིས་དགྲ་བོ་མ་ཕུང་ན༔ པདྨ་བདག་གིས་ཕྱི་རབས་བསླུས༔ གཞན་ལ་མ་སྤེལ་ཙིཏྟར་སྦོས༔ དགྲ་བོ་ཐུལ་བར་ཐེ་ཚོམ་མེད༔ ས་མ་ཡ༔ རྒྱ་རྒྱ་རྒྱ༔ ༈ བསྟན་པ་སྲུང་བའི་ལས་མཐའ་དུག་རི་འབར་བ་ལས༔ ཕུང་སྲི་ནག་པོའི་ལས་མཐའ་དམའ་འབེབས་བཞུགས་སོ༔ དྲེགས་པ་འདུལ་མཛད་དྲེགས་པའི་བདག་པོ་ལ་ཕྱག་འཚལ་ལོ༔ བསྟན་བཤིག་ལོག་འདྲེན་དམའ་འབེབས་བ…

ཟླ་བ་མར་ངོའི་འཆི་སྦྱོར་དྲག་ཐེབས་ལ༔ བསྟུན་ནས་དགྲ་བོའི་ནང་ལ་ཁ་བསྟན་སྦས༔ དམོད་བཅོལ་འདི་བཞིན་ལན་གསུམ་བརྗོད་པར་བྱ༔ ཀྱཻ༔ ཕུང་སྲི་ནག་མོ་མཐུ་ཆེན་ཁྱེད༔ དམ་ཉམས་དགྲ་བོ་ཆྒཻ་འདི༔ ཁྱོད་ཀྱི་ཟས་ཀྱི་སྐལ་བར་གཏད༔ འདིར་ཞུགས་ཤ་ཟོ་ཁྲག་ལ་འཐུངས༔ རུས་པ་ཆོག་ལ་ཁ་མུར་གྱིས༔ དགྲ་བོ་ཆྒཻ་འདིའི་མི་ནོར༔ ཟས་གསུམ་འཁོར་བཅས་རྩད་ནས་ཆོད༔ …

ཏྲིའུ་ཡེ་སྭཱ་ཧཱ༔ སྡིག་ཆེ་བས་གསང་བར་བྱ༔ ༈ བྱིས་པ་མི་ངུ་བའི་ཐབས༔ ༀ་མ་ཏྲི་ནི༔ ཙུ་རུ་ཙུ་རུ་ཏྲ་ཛ་སྭཱ་ཧཱ༔ ཡི་གེ་དབུ་ཅན་ལེགས་པར་བྲིས༔ རང་སྔགས་བརྒྱ་རྩས་རབ་གནས་བྱེད༔ བཏགས་ན་ངུ་བ་མི་སྲིད་དོ༔ ས་མ་ཡ༔ རྒྱ་རྒྱ་རྒྱ༔ ༈ དམ་ཉམས་འདྲེས་གནོད་བྱེད་པའི་ཐབས༔ སྦང་མར་སྔགས་འདི་བརྒྱ་རྩ་བཟླས༔ ཡང་ན་སྟོང་ཕྲག་གཅིག་བཟླའོ༔ དེ་ནས་ཐོག…

སྟེགས་བྷོ་ལིའི་མཐུ་འདིའི་རྫས༔ བ་དམར་དག་གི་ལྕི་བ་ནི༔ ས་ལ་མ་ལྷུང་བ་དང་གཅིག༔ དགྲ་བོའི་ཆུ་ཤུལ་ས་གཉིས་ལ༔ ཁོའི་གཟུགས་ཕོ་མཚན་ལྡང་བ་བཟོས༔ རྟ་ནི་གྲོ་བོའི་རྔ་མས་བསྡོམ༔ དེ་ནས་སྔགས་འདི་འབད་དེ་བཟླ༔ ༀ་མ་ནུ་མ་ནུ༔ མི་ནུ་མི་ནུ༔ འབ་ཤ༔ འབ་ཤ༔ འབི་ཤ༔ འབི་ཤ༔ དཔེ་ལ་་་་་་་འབའ་ཤ༔ འབའ་ཤ༔ འབ་ཤ༔ འབེ་ཤ༔ ཙེ་ནེ་ཙེ་ནེ༔ ཆྒཻ་མོ་འདིའ…

སར་སྦས་ན་མྱུར་དུ་འཆི༔ ཕོ་མོ་མཚན་མའི་ངན་མཐུ་དུས༔ དགུག་གཞུག་ལྷ་དབྱེ་ནན་ཏན་བྱེད༔ ཟབ་ཟབ་ཟབ༔ ས་མ་ཡ༔ རྒྱ་རྒྱ་རྒྱ༔ ཁྲག་འཐུང་ལས་རབ་རྩལ་གྱིས་བཀོད༔ ༈ བསྟན་པ་སྲུང་བའི་ལས་མཐའ་དུག་རི་འབར་བ་ལས༔ དགྲ་བོའི་རླུང་རྟ་སྦུབ་པའི་མན་ངག་བཞུགས་སོ༔ དྲེགས་པ་འདུལ་མཛད་དྲེགས་པའི་བདག་པོ་ལ་ཕྱག་འཚལ་ལོ༔ དུས་ཀྱི་སྙིགས་མར་གྱུར་པའི་ཚེ༔ …

བྲི་དང་སྒྲུབ་པའི་དུས༔ རང་ལས་སུས་ཀྱང་མི་མཐོང་གཅེས༔ ཟབ་ཟབ་ཟབ༔ ཨྠྀི༔ གུ་ཧྱཿས་མ་ཡ༔ ཁྲག་འཐུང་ལས་རབ་རྩལ་གྱི་ཐུགས་གཏེར་གྱི་ཆོས་སྡེའོ༔ སརྦ་མངྒ་ལཾ༔ དགེའོ༔ དགེའོ༔ དགེའོ༔

༄༅། །རྩ་གསུམ་གསང་བ་སྙིང་ཐིག་གིི་སྔོན་འགྲོ་ཟབ་དོན་འདུས་པ་བཞུགས། ཨཱོཾ་ན་མོ་ཧཱུྃ། དག་པའི་མཁའ་དབྱིངས་ཁྱབ་པར་བཞུགས་པ་ཡི། །དཀོན་མཆོག་རྩ་བ་གསུམ་ལ་སྐྱབས་སུ་མཆི། །འགྲོ་ཀུན་བྱང་ཆུབ་ལ་འགོད་སེམས་བསྐྱེད་དོ། །བླ་མ་རྒྱལ་བ་སྲས་བཅས་སྤྱན་སྔ་རུ། །ཕྱག་འཚལ་མཆོད་པ་འབུལ་ཞིང་སྡིག་པ་བཤགས། །དགེ་ལ་ཡི་རངས་ཆོས་འཁོར་བསྐོར་བར་བསྐ…

བརྒྱུད་འཛིན་རྩ་བརྒྱུད་བླ་མ་དང་། །བླ་མ་ཡི་དམ་མཁའ་འགྲོ་ཆོས་སྐྱོང་ལ། །བཅོས་མིན་དད་པས་སྙིང་ནས་གསོལ་བ་འདེབས། །ཆོས་ཉིད་མངོན་སུམ་རྟོགས་པར་བྱིན་གྱིས་རློབས། ། ༈ འཁོར་རྣམས་བླ་མ་ལ་ཐིམ་བླ་མ་ཡང་། །འོད་ཞུ་བདག་དང་དབྱེར་མེད་སྤྲོས་བྲལ་ངང་། །དགེ་བ་འགྲོ་ཀུན་བྱང་ཆུབ་ཐོབ་ཕྱིར་བསྔོ། །ཞེེས་པའི་སྔོན་འགྲོ་བསྡུས་པ་འདི་ཡང་བླ་…

࿅༔ གུ་རུའི་རྣམ་ཐར་དང་འབྲེལ་བའི་གསོལ་འདེབས་བཞུགས་སོ། །རབ་འབྱམས་རྡུལ་གྱི་གྲངས་མཉམ་རྒྱལ་བ་ཡི། །ཐུགས་རྗེ་ཕྲིན་ལས་གཅིག་བསྡུས་པདྨ་འབྱུང་། །མཐོང་ཐོས་དྲན་པས་རྣམ་མཁྱེན་གོ་འཕང་འཐོབ། །མཉམ་མེད་ཐུགས་རྗེ་ཅན་ལ་གསོལ་བ་འདེབས། །སྐྱེ་གནས་ཁྱད་འཕགས་པད་མའི་སྙིང་པོར་བལྟམས། །ཆོས་ཚུལ་ཁྱད་འཕགས་གསང་སྔགས་རྨད་དུ་བྱུང་། །ཕྲིན་ལས…

࿅༔ མཚན་བརྒྱད་རྗེ་འབངས་ཉེར་ལྔ་དང་བཅས་པའི་གསོལ་འདེབས་བཞུགས་སོ། །སྐུ་གསུམ་རྒྱལ་བ་རྒྱ་མཚོའི་ཐུགས་རྗེའི་སྟོབས། །གཅིག་ཏུ་འདུས་པ་གུ་རུ་ཐོད་ཕྲེང་རྩལ། །དགོས་འདོད་ཀུན་འབྱུང་ཡིད་བཞིན་དབང་གི་རྒྱལ། །རྡོ་རྗེ་སློབ་དཔོན་མཆོག་ལ་གསོལ་བ་འདེབས། །ཨོ་རྒྱན་ཡུལ་དུ་རྫུས་སྐྱེས་རྡོ་རྗེའི་སྐུ། །པད་མ་འབྱུང་གནས་ཞབས་ལ་གསོལ་བ་འདེབ…

དབུས་བྱོན་སྡེ་བརྒྱད་དམ་ལ་བཏགས། །རྡོ་རྗེ་གྲོ་ལོད་ཞབས་ལ་གསོལ་བ་འདེབས། །བདེར་འདུས་བཀའ་བབ་གཞན་སྣང་ཟིལ་གྱིས་གནོན། །ཁྲི་སྲོང་ལྡེའུ་བཙན་ཞབས་ལ་གསོལ་བ་འདེབས། །གཤིན་རྗེའི་བཀའ་བབ་བྲག་ལ་ཕུར་པ་བཏབ། །སངས་རྒྱས་ཡེ་ཤེས་ཞབས་ལ་གསོལ་བ་འདེབས། །རྟ་མགྲིན་བཀའ་བབ་དབུ་གཙུག་རྟ་སྐད་འཚེར། །རྒྱལ་བ་མཆོག་དབྱངས་ཞབས་ལ་གསོལ་བ་འདེབས། …

བཻ་རོ་ཙ་ནའི་ཞབས་ལ་གསོལ་བ་འདེབས། །གྲུབ་པའི་སྟོབས་ཀྱིས་རྟོགས་པ་མཆོག་དང་ལྡན། །གཡུ་སྒྲ་སྙིང་པོའི་ཞབས་ལ་གསོལ་བ་འདེབས། །གྲུབ་པའི་སྟོབས་ཀྱིས་རླུང་ལྟར་ཐོགས་མེད་འཕྱོ། །རྡོ་རྗེ་བདུད་འཇོམས་ཞབས་ལ་གསོལ་བ་འདེབས། །གྲུབ་པའི་སྟོབས་ཀྱིས་མཁའ་སྤྱོད་གནས་སུ་གཤེགས། །ཡེ་ཤེས་དབྱངས་ཀྱི་ཞབས་ལ་གསོལ་བ་འདེབས། །གྲུབ་པའི་སྟོབས་ཀྱི…

ཤུད་བུ་དཔལ་སེང་ཞབས་ལ་གསོལ་བ་འདེབས། །གྲུབ་པའི་སྟོབས་ཀྱིས་རོ་ལངས་གསེར་དུ་བསྒྱུར། །རྒྱལ་བའི་བློ་གྲོས་ཞབས་ལ་གསོལ་བ་འདེབས། །གྲུབ་པའི་སྟོབས་ཀྱིས་ནམ་མཁའི་བྱ་རྣམས་འཛིན། །ཁྱེའུ་ཆུང་ལོ་ཙཱའི་ཞབས་ལ་གསོལ་བ་འདེབས། །གྲུབ་པའི་སྟོབས་ཀྱིས་བྱང་ནས་གཡག་རྒོད་འགུགས། །དྲན་པ་ནམ་མཁའི་ཞབས་ལ་གསོལ་བ་འདེབས། །གྲུབ་པའི་སྟོབས་ཀྱིས་…

སོགས་རྣམས། །འཆི་མེད་རྟག་བརྟན་རྡོ་རྗེའི་སྐུ་ཐོབ་ནས། །ཚེ་ལ་དབང་བའི་རིག་འཛིན་མཆོག་ཐོབ་ཤོག །ཅེས་པ་འདི་དཔལ་ས་ཡི་དབང་ཕྱུག་ལྷ་སྲས་ཡིད་བཞིན་ནོར་བུའི་བཀའ་སྩལ་སྤྱི་བོར་ཕེབ་པ་ལ་བརྟེན་ནས་བློ་བྲལ་ཨ་ཏིའི་རྣལ་འབྱོར་པ་༧དཔའ་བོ་ལས་རབ་རྩལ་གྱིས་རྒྱ་རོང་དབེན་རི་མངོན་པར་དགའ་བའི་གནས་སུ་སྦྱར་བ་དགེ་གྱུར་ཅིག །

࿅༔ དྲི་མེད་བཤགས་རྒྱུད་ཀྱི་བརྒྱུད་འདེབས་སྨོན་ལམ་དང་བཅས་པ་བཞུགས་སོ། །

ཀུན་བཟང་རིགས་ལྔ་དང་ནི་རིགས་གསུམ་མགོན། །བློ་གྲོས་ཐབས་ལྡན་དང་ནི་རྒྱལ་པོ་ཛ། །ཀུ་ཀུ་རཱ་ཛ་ཨིནྡྲ་བྷུ་ཏིའི་ཞབས། །གསོལ་བ་འདེབས་སོ་སྒྲིབ་གཉིས་ཡོངས་དག་ཤོག །གོ་མ་དེ་ཝི་ཤཱཀྱ་སུ་ཏྲི་དང་། །རཱ་ཛ་ཧ་རི་དང་ནི་ཧཱུྃ་ཀ་ར། །བྷུ་ཏ་ཀུཊྚི་མཁན་པོ་པྲ་ཧསྟི། །གསོལ་བ་འདེབས་སོ་སྒྲིབ་གཉིས་ཡོངས་དག་ཤོག །རྡོ་རྗེ་བཞད་པ་སྠི་ར་མ་ཏི། །ར་…

ཤེས་དང་། །གནམ་དཔལ་ལྷ་དང་རྒྱལ་བ་བྱང་ཆུབ་པ། །བྱང་ཆུབ་ཤེས་རབ་བློ་གྲོས་རྒྱལ་བའི་སྙིང་། །གསོལ་བ་འདེབས་སོ་སྒྲིབ་གཉིས་ཡོངས་དག་ཤོག །གྲགས་པ་རྒྱལ་མཚན་རྡོ་རྗེ་རྒྱལ་མཚན་རྗེ། །རིན་ཆེན་ལྷུན་པོ་བྱང་བ་ཚུལ་ཁྲིམས་པ། །འདས་དགའ་དཔལ་གྲགས་ལྷ་རྗེ་རྒྱལ་བའི་ཞབས། །གསོལ་བ་འདེབས་སོ་སྒྲིབ་གཉིས་ཡོངས་དག་ཤོག །ལྕེ་སྒོམ་སྦས་སྟོན་སྨོན…