འགྱུ་སྡུག་མ་བགྲང་ཞིག །རྒྱུ་འབྲས་ཁྱད་དུ་བསད་ནས་ཀྱང་། །འདུལ་བ་ལས་འཛིན་མ་ཟེར་ཅིག །ཉེ་རིང་ཕྱོགས་ཆ་ཡོད་བཞིན་དུ། །སེམས་བསྐྱེད་ང་ཆེ་མ་ཟེར་ཅིག །རིམ་གཉིས་བསྐྱེད་རྫོགས་མ་འབྱོངས་པར། །གྲུབ་ནུས་ངར་ཡོད་མ་ཟེར་ཅིག །རང་མགོ་ཙམ་ཡང་མི་ཐོན་པར། །སེམས་ཅན་ངས་འདྲེན་མ་ཟེར་ཅིག །ངན་མཚང་ཕྱི་ལ་སྟོན་བཞིན་དུ། །ཆོས་ཕག་གཡོ་སྒྱུ་མ་བྱ…

སེམས་ཅན་ཆེན་པོ་ཡང་། །འཆི་བའི་དགྲ་ལས་ཐར་བའི་གོ་སྐབས་མེད། །སྐྱེ་བའི་འགྲོ་ཀུན་འཆི་ལས་མི་འདའ་ཞིང་། །ནམ་འཆི་འདིར་འཆི་ཅིས་འཆིའི་ངེས་པ་མེད། །གསོད་སར་ཁྲིད་པའི་སེམས་ཅན་གོམ་རེ་ཡི། །འཆི་ལ་ཇེ་ཉེར་འགྲོ་བ་དེ་བཞིན་དུ། །ཡུད་རེ་སོང་བཞིན་འཆི་ལ་ཇེ་ཉེར་འགྲོ། །འཆི་བདག་ཉི་མའི་གྲིབ་བཞིན་ཚུར་ཚུར་ཉེ། །བྲོས་པས་མི་ཐར་ཕྱོགས་ཀུ…

མཛོད།། །། ༈ དྲང་སྲོང་ཆེན་པོ་སྐྱོན་ཀུན་བྲལ་བ། །རྗེ་བཙུན་བླ་མ་ཐུགས་རྗེ་ཅན་ལ། །སྙིང་ནས་གུས་པས་གསོལ་བ་འདེབས་སོ། །སྐྱོན་ཅན་ང་ལ་བྱིན་གྱིས་རློབས་ཤིག །དེ་རིང་རྗེ་བཙུན་བླ་མའི་དྲིན་གྱིས། །མུན་རུབ་ནང་དུ་གློག་འགྱུ་ཙམ་ལ། །རང་སྐྱོན་མཚང་ལ་བག་ཙམ་འཕྲིག་ནས། །འཁོར་ལ་ཡི་ཆད་མེད་པའི་བློ་བྱུང་། །དད་དང་མོས་གུས་དམ་ཚིག་རྣམ་ག…

ལ་མི་འདུག །ཉན་མཁན་སློབ་མ་ཁྱེད་ལ་མི་རེ། །བྱམས་དང་སྙིང་རྗེ་ཕན་འདོགས་རྣམ་གསུམ། །མེད་དུ་མི་རུང་ཆོས་གསུམ་ཡིན་ཀྱང་། །བཤད་མཁན་སློབ་དཔོན་ང་ལ་མི་འདུག །ཉན་མཁན་སློབ་མ་ཁྱེད་ལ་མི་རེ། །དུལ་ཞིང་གཡོ་མེད་རང་རྒྱུད་དྲང་བ། །མེད་དུ་མི་རུང་ཆོས་གསུམ་ཡིན་ཀྱང་། །བཤད་མཁན་སློབ་དཔོན་ང་ལ་མི་འདུག །ཉན་མཁན་སློབ་མ་ཁྱེད་ལ་མི་རེ། །དག…

བཤད་མཁན་སློབ་དཔོན་ང་ལ་མི་འདུག །ཉན་མཁན་སློབ་མ་ཁྱེད་ལ་མི་རེ། །མཆོད་སྦྱིན་བསྔོ་སྨོན་ཕྱག་སྐོར་རྣམ་གསུམ། །མེད་དུ་མི་རུང་ཆོས་གསུམ་ཡིན་ཀྱང་། །བཤད་མཁན་སློབ་དཔོན་ང་ལ་མི་འདུག །ཉན་མཁན་སློབ་མ་ཁྱེད་ལ་མི་རེ། །རང་སྒྲུབ་གཞན་བསྐུལ་ཟོལ་མེད་རྣམ་གསུམ། །མེད་དུ་མི་རུང་ཆོས་གསུམ་ཡིན་ཀྱང་། །བཤད་མཁན་སློབ་དཔོན་ང་ལ་མི་འདུག །ཉན…

མེད་དུ་མི་རུང་ཆོས་གསུམ་ཡིན་ཀྱང་། །བཤད་མཁན་སློབ་དཔོན་ང་ལ་མི་འདུག །ཉན་མཁན་སློབ་མ་ཁྱེད་ལ་མི་རེ། །སློབ་དཔོན་རང་སྐྱོན་མཐོང་བའི་གླུ་འདི། །སློབ་མར་ཡི་ཆད་གྱོད་བཟླ་མེད་པར། །ངེས་པར་བློ་ཐག་ཆོད་པ་བྱུང་ནས། །ལས་རབ་སྨྱོན་པས་རང་མཚང་བཤད་དོ།། །། ༈ འོ་སྐོལ་འགྲོ་བ་འཇིག་རྟེན་པ། །སངས་རྒྱས་ཐོབ་རེའི་རྨོངས་པ་མང་། །ཅུང་ཟད་སྒ…

སོང་གིན་འཕེལ་སྐྱེད་བྱེད། །ལས་ངན་གྱང་རིམ་དགུ་བས་འཐུག །ད་རུང་རང་དོན་འགྲུབ་པ་མེད། །འགྲུབ་ཅིང་ཐར་པ་ཐོབ་པ་མེད། །ད་རུང་གཞན་དོན་ནུས་པ་མེད། །མེད་ཅིང་སེམས་ཅན་འདྲེན་ནུས་མེད། །མ་བྱས་ལས་ལ་མེད་པར་མཛོད།། །། ༈ དེ་ནས་རིག་རྩལ་སྤྲུལ་སྐུ་ལས་རབ་ཀྱིས། །མགོ་ནག་མི་ལ་གསང་རྟགས་བྲིས་པ་ནི། །བཤའ་ལུག་ཚོང་ཁྲིམས་དམྱལ་བ་སྒྲུབ་པ་རྣ…

ངས་བཤད་བཞིན་དུ་རིམ་གྲོ་རྔོ་ཐོགས་ན། །སྒྲིབ་གཉིས་སྤྲིན་ནག་འཐུག་པོ་ལས་འཐོན་ནས། །སྐྱོན་བྲལ་ཟླ་བའི་དཀྱིལ་འཁོར་རབ་ཏུ་དཀར།། །། ༈ དལ་ཚོགས་ལོང་གཏམ་ཁ་འཆལ་སྒྲོག་ཅིང་། །ཁ་ཏོན་ཆོས་སྤྱོད་སྤངས་པའི་ནོར་བུ་རི་པ། །དགོན་དང་དབེན་པ་ཆོས་གྲྭ་བསྐྱུར་ནས། །གྲོང་དང་ཁྱིམ་ལ་དད་པའི་ནོར་བུ་རི་པ། །ཕར་བཏབ་ཚུར་ལ་མེད་པའི་ལྟས་ངན། །ཟ་ཐ…

བདག་རྒྱལ་པོར་མི་ཞུ་ཀ་མེད། །མཆོད་གནས་གཅིག་སྡུག་གཉིས་སྡུག་ཀུན་སྡུག །བདེན་དང་དྲང་པོའི་བསྟན་པ་ནུབ་པའི། །ལྟས་ངན་གཡོ་སྒྱུ་བག་མེད་ཚོད་མེད།། །། ༈ ཀྱེ་མ་ཉོན་དང་མ་རིག་རྨོངས་པ་ཚོ། །ཚེ་འདིའི་ཚ་གྲང་ཅུང་ཟད་མི་ཐེག་པར། །ལྟོ་ཚོད་མ་ཟིན་ཕོ་ལོག་བྱུང་བ་ལ། །ལུང་དང་གསུང་རྟགས་མོ་ལ་ནན་གྱིས་འདྲི། །ཕྱི་མ་ངན་སོང་སྡུག་བསྔལ་དྲག་…

བརྒྱའི་མཚན་འབུམ་དགོས། །གཞན་གནོད་བསམ་ངན་ཁོང་སྐྲན་ཞུགས་པ་རྣམས། །སྡིག་སྦྱོང་སྙིང་རྗེ་སེམས་བསྐྱེད་སྨན་མཆོག་དགོས། །སྡིག་ལ་འགྱོད་ཅིང་དམྱལ་བར་སྐྲག་པ་རྣམས། །སྡིག་སྦྱོང་རྡོར་སེམས་སྒོམ་བཟླས་རྟགས་མཐོང་དགོས། །གཞན་ཡང་ལས་ནག་རྩད་ལག་འདི་ལྟ་སྟེ། །མཐའ་ཟས་དུ་བ་འཐེན་པའི་མི་དེ་ནི། །དབུ་མའི་ལམ་འགགས་རྣམ་ཤེས་འོག་སྒོར་འཕོ། …

སུ་ཚོམ་ཚོམ་བྱེད་ཀྱིན་འགྲོ། །ཁུངས་བཙུན་སེལ་མེད་དམ་རྫས་མྱངས་པ་རྣམས། །སངས་རྒྱས་ཞིང་དུ་ཁྱུ་དེད་བྱེད་ཀྱིན་འགྲོ།། །། ༈ ལས་ཀ་སོ་ནམ་དཔྱིད་དུས་གྱིས། །འགྲོ་འདུག་དབྱར་གྱི་དུས་སུ་གྱིས། །རྩོལ་སྒྲུབ་སྟོན་གྱི་དུས་སུ་གྱིས། །ཉལ་མལ་དགུན་གྱི་དུས་སུ་ཟུངས། །མེ་དང་རྒྱལ་པོར་གཅར་མ་ཆེ། །རྦབ་དང་ཁང་ཧྲུལ་ཞབས་ནས་འབྲོས། །ཕོངས་བ་…

བདེ། །གཡོ་མེད་དྲང་པོ་ཀུན་གྱིས་བརྩི། །ཞེ་ས་བརྩི་བཀུར་དཔོན་ལ་གྱིས། །གཅེས་ཀ་དྲིན་ལན་རྒན་ལ་གྱིས། །བྱ་བ་ཡིག་ཚང་བུ་ཚར་སློབ། །ཕན་བཏགས་དམན་པ་རྣམས་ལ་གྱིས། །ཡོ་བྱད་ལྡང་ཚོད་དག་དང་བསྟུན། །མོད་དུས་ཉོས་ལ་དཀོན་དུས་ཚོངས། །ཡར་ལ་མཆོད་ལ་མར་ལ་བྱིན། །བཟང་བྱས་མི་ལ་དྲིན་ལན་ལྡོན། །རྐུན་པོ་ལ་ནི་ནོར་མ་སྟོན། །བསམ་ངན་ཅན་ལ་བློ་…

ཡ། །དགུང་ནས་སྨིན་དྲུག་ནི་བཀྲ་བྱུང་གནམ་གྱི་རྒྱན་ཡ། །ས་ལ་འབྲས་དྲུག་ནི་འཁྲུངས་བྱུང་ས་ཡི་རྒྱན་ཡ། །བདུད་རྒན་རང་མིང་ནི་ཐོག་བྱུང་བདུད་ངའི་རྒྱན་ཡ། །ཚིག་དང་དོན་དུ་ནི་མཐུན་པ་བདུད་ངས་གོ་བྱུང་། །དེ་ལ་བླ་མ་ནི་དགྱེས་པའི་མཎྜལ་མཛོད། །དེ་ལ་ཡི་དམ་ནི་དགྱེས་པའི་དམ་རྫས་མཛོད། །དེ་ལ་མཁའ་འགྲོ་ནི་དགྱེས་པའི་ཚོགས་འཁོར་མཛོད། །…

འགྱུ་གཉིས་ལ་ཞལ་འདོན་མཛད། །འདི་སྣང་སྐྱིད་ཐབས་མཁས་མཁས་ནས། །ཚོང་ཁེ་བུན་སྐྱེད་ཕྱག་ལེན་གཟབ། །བག་མ་བཞིན་དུ་བརྒྱན་བརྒྱན་ནས། །འཇའ་ཚོན་བས་ཀྱང་བཀྲག་བཀྲག་འདྲ། །ཞོལ་གཡག་བཞིན་དུ་འགྱིངས་འགྱིངས་ནས། །འབྲོང་ཆེན་ལྟར་དུ་ངར་ལ་ཁད། །སློབ་གཉེར་སྙན་ངག་བར་ལེའུ་ལ། །རྒྱན་འཆོལ་ཐག་ཆ་འཛིང་འདྲ་ངོམ། །སོ་ཐར་རྒྱུ་འབྲས་གཞིག་པས་ཞིབ། །…

ལུད་བཞིན་སྤུངས། །ལས་འཕྲོ་ཅན་ལ་སྐྱེ་རྒྱུད་གསུངས། །སྐལ་བ་ཅན་ལ་སྐུ་ཚབ་གནང་། །འགྲོ་དོན་ཅན་ལ་དམ་རྫས་གཏད། །དད་པ་ཅན་ལ་སྙན་བརྒྱུད་གདམས། །གསང་སྔགས་བསྟན་པའི་སྲོག་ཤིང་བཙུགས། །ཁོང་གནས་དུས་གདུལ་བྱ་རྟེན་འབྲེལ་གསུམ། །དུས་གཅིག་འཛོམས་ལ་རྗེས་ཡི་རང་། །བདེ་ཆེན་དཀར་པོར་བཏང་བ་ཡི། །གཏམ་སྙན་མཛད་སྤྱོད་ཡ་མཚན་རྨད། །ངོ་མཚར་འདི…

སྨད་བདུད་རྒན་ཆང་གིས་མྱོས། །ཀུན་གྱིས་བྱ་རོག་དཀར་པོར་མཐོང་། །སྐྱོན་ཆེན་ང་ཡིས་སྐྱོན་བརྗོད་པ། །ཐམས་ཅད་ཐུགས་དམ་གསུང་དགོས་ཞེས་གདམས་སོ། །མངྒ་ལཾ།། །། ༈ འདུ་བ་ཆེན་པོ་སྡེ་དགེ་ལྷུན་གྲུབ་སྟེང་གི་ཕོ་བྲང་ཆོས་ཉིད་ཡང་སྟེང་ལ་ཡོད་སྐབས་རྒྱལ་ཐབས་ཆེན་པོའི་ལུགས་གཉིས་ཀྱི་མཛད་པ་དང་མི་མང་འདུས་འུར་ཆེ་བའི་སྟབས་སེམས་འཁྲུགས་པས་…

ཉམས་དང་ཕྱོགས་འཛིན་སེམས་ཀྱིས་མི་འཛིན་ལ། །གང་ཤར་གང་བབས་ཚིག་བྲལ་བློ་འདས་པ། །འཁོར་བ་སྤང་མེད་མྱང་འདས་བསྒྲུབ་ཏུ་མེད། །འདི་འདྲ་རྟོགས་པའི་བློ་དེ་བདེ་ཡང་ཆལ། །གླུ་འདི་ལེན་སྤྲོ་སེམས་ཀྱི་ན་ཆུང་མ། །ཀྱེ་ཧོ་ཡེ་དག་ཡེ་ནས་ཀུན་བྲལ་བདེ་བའི་ངང་། །མ་བཅོས་རང་བབས་གྱི་ནར་གློད་པའི་གཤིས། །རྟག་ཆད་ཡོད་མེད་འདི་ཞེས་ཚིག་བྲལ་ཟླུམ། …

འདི་ནས་མ་བྱུང་ཞེས་ཀྱང་མེད་པ་ལ། །བྱུང་དང་མ་བྱུང་མེད་ཅེས་མི་དམིགས་པ། །བར་དེར་རྟོག་པ་འགགས་ནས་བརྗོད་མེད་ལ། །མངོན་དུ་གྱུར་སོང་རྒྱལ་ཐབས་སྤྱི་བླུགས་ཞེས། །པད་འབྱུང་བཱི་མའི་སངས་རྒྱས་ངོ་སྤྲད་དེ། །ཐེག་རིམ་གཞན་ཚོ་ད་རུང་རྣམ་རྟོག་སྤེལ། །ཕན་གནོད་ཆགས་སྡང་འཛད་མེད་འཁོར་བའི་གཤིས། །ཨ་ཀྱང་རྩེད་མོ་ཡིན་ཡང་མཐར་ཞེན་མཛོད། །ས…

སེམས་གནོང་མེད་གྱུར་ན་དམ་ཚིག་ཡིན། །ཐམས་ཅད་རྫུན་དུ་ཤེས་ན་མཁས་པ་ཡིན། །རིམ་བགྲོོད་སྤང་བླང་བྱེད་དུས་གླེན་པ་ཡིན། །ཐམས་ཅད་རྟོག་མེད་གྱུར་དུས་དྲང་པོ་ཡིན། །གང་ཡང་བླང་དོར་མེད་དུས་རྩེད་མོ་ཡིན། །འདི་ཞེས་འོག་མིན་རྔ་ཡབ་དཔལ་རི་ནས། །མཚུངས་མེད་བཀའ་དྲིན་ཨོ་རྒྱན་ཞལ་ནས་གསུངས། །ཞེས་པ་ཕྲིན་ལས་བསྟན་དར་གྱིས་སོ།། །། ༈ དུས་གས…

གསང་སྔགས་སྔགས་ཀྱི་དགེ་ཚུལ་ཡིན། །ཤེར་དབང་སྔགས་ཀྱི་དགེ་སློང་ཡིན། །ཚིག་དབང་སྔགས་ཀྱི་དགེ་སྦྱོང་ཡིན། །ཡང་ཅིག་རྫོགས་ཆེན་རྣམ་དབྱེ་བཤད། །སྣང་བ་སེམས་ཡིན་སེམས་སྡེ་ཡིན། །སྟོང་པ་སེམས་ཡིན་ཀློང་སྡེ་ཡིན། །སྣང་སྟོང་གཉིས་མེད་མན་ངག་སྡེ། །མིང་ཚིག་བྲལ་བ་སྙིང་ཐིག་ཡིན། །ཡང་ཅིག་གྲོལ་བའི་ཐབས་བཤད་པ། །བསྒོམས་པས་གྲོལ་བ་རིམ་གཉ…