ཤེས་པ་རང་ག་མ་ཡེ་ནས་གནས་པའི་གཉུག་མ་ད་ལྟ་གང་ཤར་དེ་ལྟའི་སྟེང་དུ་སོ་མ་རང་ལ་བརྗོད་དུ་མེད་པ་རྗེན་པ་བློ་འདས་ངོས་བཟུང་ཕྱོགས་ལྷུང་ཐམས་ཅད་དང་བྲལ་བའི་ཡེ་ཤེས་ཉིད་དེ་ཐག་གཅིག་ཐོག་ཏུ་ཆོད་པ༔ བཟང་པོས་མ་བསྒྱུར་ང ན་པས་མ་བསླད༔ གྲ་མ་བརྗེས༔ སྤུ་མ་བསྒྱུར༔ རང་ངོ་རང་གསལ་རང་བབས་དེའི་ཀློང་ལས་མ་གཡོས༔ ཞི་གནས་ཀྱིས་མ་གླེན༔ བདེ་གས…

ནམ་མཁའ་ལྟ་བུ་དེ་ལ་ནམ་ཡང་གོས་མ་མྱོང་བར་རྟོགས་པ་དེ་ནི་ཀློང་ཆེན་རབ་འབྱམས་ཆེན་པོའི་དགོངས་པའི་ཀློང་དུ་བརྡ་ཐིམ༔ ས་མ་ཡཱ༔ དོན་འདི་ལྟ་བུ་ཁོང་དུ་ཆུད་ཅིང་མངོན་དུ་གྱུར་ན་སེམས་ཅན་སངས་རྒྱས་སུ་མངོན་དུ་གྱུར་པ་ཞེས་བྱའོ༔ སྤང་ཐོབ་གཉེན་པོར་ལྟོས་པའི་གྲུབ་མཐའ་ཀུན་རྫོབ་ལས་མ་འདས་པའི་ཕྱིར་ན་ཚུལ་གཞན་གྱི་དོན་དམ་པ་ངེས་པའི་ཚུལ་…

࿅༔ རྫོགས་པ་ཆེན་པོ་རྡོར་སེམས་སྙིང་ཐིག་ལས༔ ཞལ་གདམས་སྣང་གསལ་སྒྲོན་མེ་བཞུགས་སོ༔ དཔལ་མཆོག་དང་པོའི་སངས་རྒྱས་ཀུན་ཏུ་བཟང་པོ་ལ་ཕྱག་འཚལ་ལོ༔ དེ་ཡང་རྣལ་འབྱོར་ཚེ་གཅིག་སངས་རྒྱས་ཐོབ་འདོད་པའི་སྐལ་བཟང་ལས་འཕྲོ་ཅན་རྣམས་ཀྱིིས་རྣམ་པ་ཀུན་ཏུ་དད་པ་དང་དམ་ཚིག་དང་ཤེས་རབ་དང་བརྩོན་འགྲུས་རྣམས་མི་འབྲལ་ཞིང་༔ བླ་མ་དམ་པ་དགེ་བའི་བཤེས…

ལོག༔ བྱས་པ་དོན་མེད༔ རང་གཞན་འཕུང་ལ་སྦྱོར་བ་རྣམས་ཡིན་ནོ༔ ས་མ་ཡཱ༔ ཡང་ཆོས་ལ་སྤྱོད་པ་རྣམས་ཀྱིས་རྣམ་པ་ཀུན་ཏུ་རང་རྒྱུད་ལ་བཙན་ཕྱུག་དང་༔ རིགས་རྒྱུད་དང་༔ མཁས་བཙུན་དང་༔ ལྟ་བ་དང་ཚུལ་ཁྲིམས་སོགས་ཀྱིས་ཁེངས་པའི་ང་རྒྱལ་དང་༔ མཆོག་འཛིན་འདུག་གམ་མི་འདུག་བརྟག༔ གལ་ཏེ་འདུག་ན་ཆོས་མིན་ཆོས་འགལ་ཅན་དུ་ངོས་འཛིན་རང་སྐྱོན་རང་གིས་ས…

དང་ཕྱོགས་ཆ་ཇེ་ཆེ༔ ཆོས་ལ་ཁ་གཡར་ནས་ཚེ་འདིར་སྣང་གི་བྱ་བ་མུ་མཆེད་ནས་ཟོལ་ཟོག་ལ་སྤྱོད༔ གཞན་གྱི་ཆོས་དང་གང་ཟག་ལ་སྐུར་འདེབས་དང་ངན་སྒྲ་སྒྲོགས༔ ཞག་གཅིག་འགྲོགས་པའི་གྲོགས་ལ་ཡང་ངན་མཚང་སྣ་རེ་སྟོན༔ དཔོན་སློབ་ཐམས་ཅད་ཆོས་མིན་དང་དམ་སེལ་གྱི་འདམ་ལ་ཟུག༔ དམྱལ་བ་གཏིང་ཇེ་ཟབས༔ ཉེས་ལྟུང་གི་ཁུར་པོ་མི་ཐེག་བཞིན་ཨ་རེ་འགྱོད༔ ཆོས་མ…

ཟ༔ མན་ངག་ཟབ་མོ་གཞན་ཞིག་འཚོལ་སྙམ་འདོད༔ རྨི་ལམ་བཟང་ངན་ཙམ་ལའང་དགའ་སྡུག་ཆེ༔ བདུད་ཀྱི་བྱིན་རླབས་དངོས་སུ་ཞུགས་པས་བློ་སྣ་མང་དུ་འགྲོ༔ བར་བར་ངག་ལ་ནུས་པ་ཡོད་མདོག་གི་བྱིན་རླབས་བག་ཙམ་འབྱུང་༔ དེ་ལ་རློམ་པ་བསྐྱེད༔ གཞན་གྱིས་གུས་ཤིང་འབུལ་བ་བྱེད༔ དེས་བྲིད་ནས་རྙེད་པ་དང་སྡུད་བྱའི་རྗེས་སུ་འབྲང་༔ ལྟས་ངན་དེ་འདྲའི་སློབ་མ་ལ…

ཆེ་བ༔ སྙིང་རྗེ་དང་ངེས་འབྱུང་སྐྱོ་ཤས་ཆེ་བ༔ བླ་མས་ཅི་མཛད་ལེགས་ཅི་གསུང་ཚད་མར་མཐོང་བ༔ ཤེས་རབ་སྡུག་སྲན་བརྩོན་འགྲུས་ཆེ་བ༔ བློ་བརྟན་ཁོག་ཡངས༔ རྒྱུད་དུལ༔ ཉོན་མོངས་བ་བབས་ཀྱིས་ཆུང་བ༔ གྲོགས་ལ་བརྩེ་བ་ཕྱི་ཐག་རིང་བ་ཞིག་སྨོན་ལམ་དང་ལས་འཕྲོ་དུས་ལ་བབ་ནས་ཞལ་འཛོམས་ཏེ་ཆོས་རྫོགས་པ་ཆེན་པོ་འཆད་སྒོམ་ཉམས་སུ་བླངས་ན༔ ནངས་བསྒོམས…

བྱམས་སེམས༔ བར་རང་རྒྱུད་ལ་ངེས་འབྱུང་དང་སྐྱོ་ཤས་དད་པ་རྣམས་བསྟེན་དགོས༔ འཚོ་བ་བྱ་འཚོ༔ གོས་གྱི་ན༔ གནས་ཁང་ལྷགས་སྐྱོབ་ཙམ་ལ་བརྟེན༔ དགོས་མེད་ཞེན་ལོག་ཆོག་ཤེས་རྣམ་པ་གསུམ་ལ་དམ་བཅའ་བརྟེན་དགོས༔ ཚོགས་གསོག་སྒྲིབ་སྦྱོང་བླ་མའི་རྣལ་འབྱོར་སོགས་ལ་འབད་པ་ལྷུར་ལེན༔ ལྟོ་གོས་གཏམ་གསུམ་ལ་གྱོང་ཁུར༔ ཕྱི་ནང་སུས་ཀྱང་ངོ་མི་ཤེས་པར་ཡ…

བོའི་རྒྱུན་གྱི་རྣལ་འབྱོར་ཁོ་ར་ཁོར་ཡུག་ཏུ་འབྱོངས༔ སྣང་སྲིད་སེམས་སུ་ཤེས༔ སེམས་ཉིད་གཞི་རྩ་བྲལ་བས་སྟོང་པར་ཐག་ཆོད༔ སྣང་སྟོང་གཉིས་མེད་དམིགས་མཐའ་དང་བྲལ༔ སྲིད་ཞིའི་ཆོས་ཐམས་ཅད་སྒྱུ་མ་དང་རྨི་ལམ་ལྟར་བདེན་འཛིན་ཞིག༔ སྙེམས་དང་ཐེ་ཚོམ་མ་སྤངས་རང་དག་ལ་སོང་༔ སྤྱན་དང་མངོན་ཤེས་ལམ་རྟགས་ཀྱི་ཡོན་ཏན་མང་པོ་དང་སངས་རྒྱས་དང་ས་བ…

ལེན་པའི་དུས་དེ་ན༔ སྟོང་ཉམས་ཀྱིས་མ་བསླད༔ ཡིད་དཔྱོད་ཀྱིས་མ་དམིགས༔ ཡིད་ཆེས་ཀྱིས་མ་བཅིངས༔ ངེས་ཤེས་ཕྲ་མོས་མ་བསྒྲིབས་པར་བློ་འདས་རང་གསལ་བསྒོམ་མེད་ཡེངས་མེད་འཛིན་མེད་རང་བབས་སུརང་ལུགས་སུསྐྱོངས་ཤིག༔ ཞལ་གདམས་དེ་ཁོ་ནའོ༔ དེ་ཁོ་ནའོ༔ དམ་ཅན་བཤན་པས་བཀའ་འདི་སྲུངས༔ ལས་ཅན་དམ་ཚིག་ཅན་ལ་གཏོད༔ ཨྠྀི༔

࿅༔ རྫོགས་པ་ཆེན་པོ་རྡོར་སེམས་སྙིང་ཐིག་ལས༔ གནད་འགག་ཟབ་མོ་བཞུགས་པ་ལགས༔ དཔལ་མཆོག་དང་པོའི་སངས་རྒྱས་ཀུན་ཏུ་བཟང་པོ་ལ་ཕྱག་འཚལ་ལོ༔ ཀུན་བཟང་བདེ་ཆེན་རང་རིག་སྙིང་པོར་འདུད༔ དེ་ཡང་རྣལ་འབྱོར་པ་ལམ་ཉམས་སུ་ལེན་པ་ལ་དོན་འབྲས་བར་དོར་འབྱུང་བ་ཁོ་ན་ཁག་ཆེ༔ སྦྱངས་པ་ཤིན་ཏུ་ཆེ་བ་དང་དབང་རབ་གསང་སྔགས་ཟབ་མོ་བཀའ་བརྒྱུད་སེལ་མེད་རྣམས…

དུས་བཤད་ན༔ འཕོ་བ་ལ་འབྱོངས་པའི་རྣལ་འབྱོར་པས་འཆི་རྟགས་ཚང་ནས་རང་སྟོབས་ཀྱིས་འཕོ་བ་དང་༔ རང་སྟོབས་མེད་དམ༔ ཡང་ན་སྡིག་ཅན་ཕྱི་དབུགས་མ་ཆད་བར་དེར་ཟབ་ལམ་འཕོ་བའི་གདམས་པ་གཞན་སྟོབས་ལ་བརྟེན་པས་བཙན་ཐབས་སུ་གྲོལ་བར་བྱེད་པ་གལ་ཆེ༔ རྫོགས་ཆེན་གྱི་རྣལ་འབྱོར་པ་རྩ་བྷ་ཝན་ཏུ་སྙིང་ནས་མིག་ཏུ་འབྲེལ་བའི་ཡེ་ཤེས་ཀྱི་རྩ་བརྒྱུད་ནས་སྤྱ…

བུའི་ངང་དུ་གནས་པ་དེ་ཉིད་ཏིང་ངེ་འཛིན་ལྷག་མཐོང་གནད་ཀྱིས་ཐེབས་པའི་ལམ་གྱི་འོད་གསལ་བུ་ལྟ་བུ་དང་༔ གཞི་དབྱིངས་འོད་གསལ་མ་ལྟ་བུ་རང་ངོ་འཕྲོད་ནས་གྲོལ་བ་ཆེན་པོ་སངས་རྒྱའོ༔ གསོན་དུས་ཀྱི་ལོ་ཟླ་མང་པོར་བསྒོམས་པ་ལས་ཤི་བའི་ཚེ་ཤེས་པ་ཕྲ་རགས་རྣམས་ནུབ་པའི་རྐྱེན་གྱིས་བསམ་གཏན་གྱི་ཞག་ཚད་དུ་སྐད་ཅིག་མར་རང་རིག་ཏིང་ངེ་འཛིན་གྱི་ལ…

འཕྲོད་པས་གྲོལ་བ་ཐོབ༔ དོན་ལ་ལྷུན་གྲུབ་ཐོད་རྒལ་གྱི་འཆར་སྒོ་དེ་ཉིད་ཀ་དག་རིག་པའི་ཡེ་ཤེས་ཀྱིས་ཟིན་པས་དེ་ཉིད་དུ་སངས་རྒྱས་པའོ༔ འདི་དུས་ཡང་རིག་པ་ལས་རླུང་གི་དབང་དུ་ཆེར་མ་སོང་བ་ཡིན་པའི་སྟབས་ཀྱིས་དེ་མ་ཐག་ཏུ་གྲོལ་ལོ༔ དེ་ནས་མ་གྲོལ་ན་སྒྲ་འོད་ཟེར་གསུམ་སོགས་འཆར་སྒོའི་སྣང་བ་ལ་སེམས་ཀྱི་གཟུང་འཛིན་དུ་གྱུར་ནས་མེད་བཞིན་ས…

དགེ་རྩ་ཇི་ལྟར་སྤྱད་ཀྱང་སྲིད་པ་བར་དོར་འཁོར་བའི་སྐྱེ་སྲིད་བཟང་པོར་འཇུག་པ་ཙམ་མ་གཏོགས་འཆི་ཁ་དང་ཆོས་ཉིད་བར་དོར་གྲོལ་བ་ཐོབ་པ་ནི་མི་སྲིད་ངེས་པས་དེ་ལ་རེ་བར་མི་བྱའོ༔ འཁོར་བ་གང་དུ་ཡང་བདེ་བ་མེད་ཅིང་ཡང་ནས་ཡང་དུ་འཁོར་བའི་ཆོས་ཅན་ལས་མ་འདས་པས་དབང་རབ་སྣོད་ལྡན་ཟབ་མོའི་སྔགས་ལ་ཉམས་སུ་ལོངས་ཤིག༔ སྙིང་གཏམ་གྱི་མཐར་ཐུག་པའོ༔…

࿅༔ རྫོགས་པ་ཆེན་པོ་རྡོར་སེམས་སྙིང་ཐིག་ལས༔ རིག་འཛིན་བརྒྱུད་པའི་དགོངས་དོན་རྡོ་རྗེའི་གླུའི་དམར་ཁྲིད་ལྟ་སྒོམ་ཟབ་མོའི་ཆིངས་བཞུགས་སོ༔ དཔལ་མཆོག་དང་པོའི་སངས་རྒྱས་ཀུན་ཏུ་བཟང་པོ་ལ་ཕྱག་འཚལ་ལོ༔ རིག་པའི་ཡེ་ཤེས་གདོད་ནས་སྤྲོས་བྲལ་བ༔ དུས་གསུམ་རིག་འཛིན་བླ་མའི་སྙིང་ཁྲག་དངོས༔ དོན་བརྒྱུད་བྱིན་རླབས་ལྟ་སྒོམ་ཟབ་མོའི་ཆིངས༔ …

དགོངས་པ་ནི༔ སངས་རྒྱས་སྒྲུབ་མེད་འཁོར་བ་སྤང་དུ་མེད༔ གང་ཤར་རང་བབས་བཟོ་མེད་ཤར་གྲོལ་ལོ༔ རང་བྱུང་པདྨ་འབྱུང་གནས་དགོངས་པ་ནི༔ འཁོར་བའི་བག་ཆགས་མྱང་འདས་ལམ་ཆོས་ཉིད༔ ཐམས་ཅད་རང་གྲོལ་བསྒོམ་པའི་ལམ་དུ་གྲོལ༔ པཎ་ཆེན་བི་མ་མི་ཏྲའི་དགོངས་པ་ནི༔ མཉམ་རྗེས་ཁྱད་མེད་ཉིན་མཚན་བར་མེད་ཅིང་༔ དུས་གསུམ་དུས་མེད་རོལ་པ་གཅིག་ཏུ་འབྱམས༔ མཁ…

ཆོས་སྐུའི་སངས་རྒྱས་རྣམས་ཀྱི་དགོངས་པ་ནི༔ འཁོར་འདས་ཆོས་རྣམས་ངོ་བོའི་ཆ་ནས་སྟོང་༔ བརྗོད་དུ་མེད་པའི་ཕྱིར་ན་སྟོང་པའོ༔ ལོངས་སྐུའི་སངས་རྒྱས་རྣམས་ཀྱི་དགོངས་པ་ནི༔ འཁོར་འདས་སེམས་ཉིད་རང་བཞིན་རིག་པར་གཅིག༔ རང་རིག་རང་གསལ་རྗེན་པ་རང་བཞིན་ནོ༔ སྤྲུལ་སྐུའི་སངས་རྒྱས་རྣམས་ཀྱི་དགོངས་པ་ནི༔ འཁོར་འདས་བྱེད་ལས་གང་ཡང་མ་འགགས་པ༔ …