ཀྱང་། ལྷའི་དབང་གིས་ཕྱི་མ་ཉིད་རིགས་སོ་ཞེས་པའང་འདོད་མོད་ཀྱི། འདིར་ཡི་གེའི་མགོ་གླང་པོ་ཆེའི་སྣ་ལྟ་བུ། ཐིག་ལེ་ཚེག་དྲག་མིག་ལྟ་བུ། ཤད་མདའ་ལྟ་བུ་ཉིད་ལ་ངོས་བཟུང་ངོ་། །སྤྱིའི་དོན་ཏོ། །གཉིས་པ་གཞུང་གི་དོན་ལ་གསུམ་སྟེ། དོན་གྱི་འབྲེལ་དགོད། ཚིག་གི་དོན་བཤད། སྐབས་ཀྱི་དོན་བསྡུ་བའོ། །དང་པོ་ནི། གཞི་ལྷུན་གྱིས་གྲུབ་པའི་ངང…

ལས་ཡུངས་འབྲུ་བརྒྱར་གཤགས་པའི་ཚད་ཙམ་གྱི་ཤིན་ཏུ་ཕྲ་བའི་ཨ་དཀར་པོ་གྲངས་མེད་པ་རྣམས་སྤྲོས་པས། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཡོངས་སུ་གང་བར་བྱས་པའི་འོད་ཟེར་གྱིས་སྣང་སྲིད་ཐམས་ཅད་ཨའི་རྣམ་པར་གསལ་བར་གྱུར་ནས། དེ་ཐམས་ཅད་སླར་རྩ་བའི་ཨ་ཉིད་ལ་བསྡུས་ཤིང་ཐིམ་པར་གྱུར་ཀྱང་ཨ་དེ་ཉིད་སྔོན་ལས་ཆེར་འཕེལ་བའམ་ཆུང་དུ་འགྲིབ་…

གདུག་པ་ཅན་ཚར་བཅད་པའི་ལས་བྱས་ནས། མཐར་འཕེལ་འགྲིབ་མེད་པའི་ངང་ལ་མཉམ་པར་གཞག་གོ །རྒྱས་པར་ནི་ལེའུ་ལྔ་པའི་སྐབས་བཞིན་ནོ། །དེ་ནི་ལས་ཚོགས་སྒྲུབ་པའི་ཡི་གེ་སྤྲིན་ནོ། །གཉིས་པ་དེའི་ཕན་ཡོན་བསྟན་པ་ནི་དེ་ལྟ་བུའི་བསྒོམ་ཚུལ་འདི་ནི་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཡོན་ཏན་འཕྲིན་ལས་རྡོ་རྗེ་ཀུན་ཏུ་བཟང་པོའི་དངོས་གྲུབ་ཕུན་ས…

ཀ་དེ་ཉིད་ཅུང་ཟད་ཞུམ་ཞིང་སྤྱི་བོའི་གནས་དང་ཕྲད་པ་ལས་ཁ། དེ་ཅུང་ཟད་ཞུམ་པས་ག དེ་ཁོག་སྦུབས་ཀྱི་གནས་དང་ཕྲད་པས་གྷ། དེ་སྣ་དང་ཕྲད་པས་ང་སྟེ་སངས་རྒྱས་ཀྱི་མགུལ་གྱི་བུམ་པ་ལས་འཐོན་པའོ། །རིམ་པ་དེ་ཉིད་ལས་དཔགས་ཏེ་གཞན་ལའང་ཤེས་པར་བྱའོ། །དེ་ལ་ཙ་ཚ་ཛ་ཛྷ་ཉ་རྣམས་ནི་ཨ་དེ་ཉིད་རྐན་གྱི་དབུས་དང་ལྕེའི་དཀྱིལ་དུ་ཕྲད་པ་ལས་བྱུང་བས་ལྗགས…

ཅད་དུ་ཡི་གེ་སྤྲིན་གྱི་སྣང་བ་ཆེན་པོས་ཤར་མཐོ་ན་ནུབ་མདའ། ནུབ་མཐོ་ན་ཤར་དམའ། ལྷོ་མཐོ་ན་བྱང་དམའ། བྱང་མཐོ་ན་ལྷོ་དམའ། མཐའ་མཐོ་ན་དབུས་དམའ། དབུས་མཐོ་ན་མཐའ་དམའ་བའི་ཚུལ་གྱིས་རྣམ་པར་འགྱུར་བ་རྣམ་པ་དྲུག་ཏུ་ཆུང་ངུར་གཡོས་པས་སྣང་བ་ཐམས་ཅད་གཟུགས་བརྙན་གྱི་རང་བཞིན་དུ་དག་པར་བྱས། འབྲིང་དུ་རབ་ཏུ་གཡོས་པས་སྟོང་པ་ཐམས་ཅད་ཡེ་ཤེས…

གི་ཚེ། དེ་གཉིས་ཀྱི་རང་བཞིན་གཉིས་སུ་མེད་པའོ་ཞེས་པའི་དབུ་མའང་དམིགས་སུ་ཡོད་པ་མ་ཡིན་ཏེ། ལྟོས་ས་སྣང་བ་དང་སྟོང་པའི་རང་བཞིན་ལས་འདས་པའི་ཕྱིར་རོ། །དེ་ལྟར་ཆོས་ཐམས་ཅད་མིང་ཙམ་ལས་སྨྲ་བསམ་སྤྲོས་བརྗོད་ཀྱི་ངོ་བོར་མ་གྲུབ་པ་ནི་སངས་རྒྱས་ཀུན་གྱི་དགོངས་པ་སྟེ། དེ་ཉིད་ཡི་གེའི་ཕྲེང་བ་ཉིད་ཀྱི་ངང་ལ་གནས་སོ། །དེའི་གནས་ལུགས་ནི་…

ལ་ཨ་ནི་ཀུན་ཏུ་བཟང་མོའི་དབྱིངས་སོ། །ཡི་གེ་བཅུ་བཞི་རྩ་གཉིས་ནི་དེའི་ངང་ལས་འཕྲོས་པའི་སངས་རྒྱས་བཞི་བཅུ་རྩ་གཉིས་སོ། །དེའི་རང་བཞིན་ནི་ཡི་གེ་ལོངས་སྤྱོད་རྫོགས་པའི་སྐུར་བསྟན་པ་ཡིན་ནོ། །བཞི་པ་ལ་གཉིས་ཏེ། ཡི་གེ་ཚིག་གི་འབྱུང་ཁུངས་སུ་བསྟན་པ་དང་། ཡི་གེའི་རོལ་པ་སྣ་ཚོགས་སུ་འཆར་ཚུལ་བསྟན་པའོ། །དང་པོ་ནི། ངོ་བོ་ཆོས་སྐུར་…

དང་སེམས་ཅན་གྱི་རྩ་གནས་འཁོར་ལོ་རྣམས་ན་ཡི་གེ་དེ་དག་གི་དབྱིབས་སྣང་ལ་རང་བཞིན་མེད་པར་གནས་ཏེ། ཨ་སེང་གེ་བསྒྱིངས་པ་ལྟ་བུ་དང་། ཀ་བ་དན་བརྩེགས་པ་ལྟ་བུ་ལ་སོགས་པར་གནས་ཤིང་། ཁ་དོག་ཀྱང་ཨཱ་ལི་རྣམས་དམར་པོ་དང་། ཀཱ་ལི་རྣམས་དཀར་པོའི་རང་བཞིན་དུ་གནས་སོ། །དེ་དག་བསྒོམས་པ་ལས་རྣལ་འབྱོར་བའི་ལམ་དང་འབྲས་བུའི་དོན་ཡང་རྫོགས་པར་བྱེ…

བཤད་པའི་ཕྱོགས་ཙམ་ཡང་མ་མཐོང་བར་ཟད་དོ། །དྲུག་པ་སེམས་ཉིད་ཡི་གེར་སྣང་པའི་ངེས་ཚིག་བཤད་པ་ལ་གསུམ་སྟེ། སེམས་ཉིད་སྐྱེ་བ་མེད་པ་ཡི་གེའི་དོན་དུ་བསྟན་པ། སྐྱེ་བ་མེད་པ་ཉིད་ཀྱི་ངང་ལས་ཡི་གེར་སྣང་བས་ཡོན་ཏན་ལྷུན་གྱིས་གྲུབ་ཚུལ། སྣང་སྟོང་གཉིས་སུ་མེད་པའི་ཡི་གེ་གང་གིས་བྲིས་ཤིང་བཀོད་ཚུལ་ལོ། །དང་པོ་ནི། སེམས་ཀྱི་རང་བཞིན་འོད་…

ལྷུན་གྱིས་གྲུབ་པ་བྱ་རྩོལ་མེད་པའི་དབྱིངས་ཀྱིས་ཡེ་ནས་བྲིས་པ་སྟེ་གཏན་དུ་འཕོ་འགྱུར་མེད་པའི་ཆོས་ཉིད་རང་བཞིན་གྱིས་འོད་གསལ་བ་ལ་ཡི་གེ་ཞེས་བྱ་བའི་དོན་དོན་དུ་བཏགས་པ་ནི་གསར་དུ་བྱས་པའམ་བྱུང་བ་མ་ཡིན་པ་དེའི་ཕྱིར་ལྷུན་གྱིས་གྲུབ་པའི་ཡི་གེ་སྤྲིན་གྱི་འཁོར་ལོ་འཁོར་འདས་ཐམས་ཅད་ལ་ཡེ་ནས་རང་ཆས་སུ་གནས་པར་བརྗོད་པའོ། །གཉིས་པ་…

པར་མི་ཤེས་པར། རྡོལ་ཐབས་སུ་སྨྲ་བ་དག་ན་རེ། ཁྱོད་ཀྱིས་མགོ་ཤད་ཚེག་ཅེས་སྨྲོས་པ་མི་འཐད་དེ། རྒྱ་དཔེ་ལ་མེད་པས་བོད་ཀྱིས་བྱས་པའོ་ཞེས་ཟེར་ཏོ། །བཤད་པར་བྱ་སྟེ། ཁྱོད་ནི་བོད་དུ་སྐྱེས་ཀྱང་བོད་ཀྱི་སྡེ་སྣོད་ཆེན་པོ་རྣམས་ཀྱི་གཞུང་མ་མཐོང་ཞིང་། རྒྱ་གར་དུ་ཕྱིན་ཀྱང་ལེགས་པར་སྦྱར་བའི་བསྟན་བཅོས་ལེགས་པར་མ་བསླབས་པ་ཡུལ་ཐ་དད་ཀྱི་…

འདི་ལྟར་སེམས་ཏེ་བདུད་དང་མུ་སྟེགས་བྱེད་ཀྱིས་བཅོམ་ལྡན་འདས་ལ་རྒོལ་བའམ། སྒོ་ཁྱི་ངན་པ་དག་གིས་འཁོར་ལོས་སྒྱུར་བའི་རྒྱལ་པོ་ལ་ཟུག་པའམ། བ་ལང་རྫི་དག་གིས་ཐམས་ཅད་མཁྱེན་པའི་རང་བཞིན་ལ་དམོད་པ་བས་ཀྱང་བློ་གྲོས་བླུན་པའི་ཕྱིར། ཕྱུགས་པས་ཀྱང་ཕྱུགས་ཡིན་ནོ་ཞེས་བཤད་པ་དང་མཐུན་ནོ། །གཉིས་པ་ཡི་གེ་བཞི་བཅུ་རྩ་གཉིས་ཀྱི་དོན་བཤད་པ་ལ…

ལས་གཤིན་རྗེ་གཤེད་ཀྱི་ས་བོན་བསྟན་ཏོ། །སེམས་དཔའ་དེ་དག་གི་སྤྱད་བྱའི་ཡུམ་བཞི་ནི་སོ་སོའི་ཡུལ་དུ་སྣང་བར་མཚོན་པས་དེ་དག་གི་ས་བོན་བསྟན་ཏོ། །དེ་ནས་སྣང་ཡུལ་བཞི་པོའི་ཞེན་པ་ཉོན་མོངས་པའི་སྒྲིབ་པ་འཇོམས་པར་མཚོན་པའི་ཕྱིར་དེ་དག་གི་རྩལ་ལས་སྟོབས་ཆེན་སྣང་བས་དེའི་ས་བོན་བསྟན་པའོ། །ཡང་རྩ་བའི་རིགས་ལྔའི་གསུང་གི་རྩལ་ལས་གསུང་ག…

སུ་དག་པར་བསྟན་པའོ། །ཡུམ་ལྔ་ལ་དྲྭ་བའི་སྒྲས་བརྗོད་པ་ནི་ཤེས་རབ་གཉིས་སུ་མེད་པས་འབྲེལ་པར་མཚོན་པ་སྟེ། འབྱུང་བ་ལྔ་དབྱིངས་སུ་དག་པར་བསྟན་པའོ། །ནང་གི་སེམས་དཔའ་བཞི་ལ་ཐུགས་ཀྱི་སྒྲས་བརྗོད་པ་ནི་རྣམ་པར་ཤེས་པའི་རང་བཞིན་དག་པ་ཉིད་མཚོན་པའོ། །ཡུལ་གྱི་སེམས་མ་བཞི་ལ་སྐུའི་སྒྲས་བརྗོད་པ་ནི་དབང་ཤེས་འཆར་བའི་སྣང་ཡུལ་རགས་པར་སྣང…

མཱ་ལེ་མ་དང་། པུཥྤེ་མ་བཞིས་བསྐོར་བའི་ལྷོར་སྟོབས་པོ་ཆེ་དང་ཞགས་པ་མས་མཚོན་པ་སྟེ་དྲུག་དང་། ནུབ་ཏུ་འོད་དཔག་མེད་ཡབ་ཡུམ་ལ་ནམ་མཁའི་སྙིང་པོ། ཀུན་ཏུ་བཟང་པོ། གཱི་ཏི་མ་དང་། ཨཱ་ལོ་ཀེ་མ་བཞིས་བསྐོར་བའི་ནུབ་ཏུ་རྟ་མགྲིན་དང་ལྕགས་སྒྲོག་མས་མཚོན་པ་དྲུག་དང་། བྱང་དུ་དོན་ཡོད་གྲུབ་པ་ཡབ་ཡུམ་ལ་ཕྱག་ན་རྡོ་རྗེ་དང་། འཇམ་དཔལ་དང་། ན…

སློབ་དཔོན་ཆེན་པོ་པདྨ་དང་། བི་མ་ལས་ཞི་ཁྲོ་དོན་གྱི་སྒྲུབ་ཐབས་མཛད་པའི་མན་ངག་གི་ཡི་གེ་ཆེན་པོ་ནས་བཏུས་ཏེ་འདིར་བཀོད་པ་ཡིན་ནོ། །སྤྱི་དོན་འདི་ནི་ཤིན་ཏུ་གསང་ཞིང་གཅེས་པ་སྟེ་རྒྱུད་འདིའི་དགོངས་པ་མཐར་ཐུག་པའོ། །གཉིས་པ་གཞུང་གི་དོན་ནི་སྔ་རབས་པ་བཞིན་སྡེ་ཚན་སོ་སོར་ཕྱེ་ཡང་འགལ་བ་མེད་ཀྱི། འོན་ཀྱང་དཀྲུགས་ཏེ་བཤད་པས་འཆད་པ་…

པའི་ཐབས་ཀྱི་རང་བཞིན་དུས་ཀུན་ཏུ་སྒྱུ་འཕྲུལ་དོན་གྲུབ་ཀྱི་ས་བོན་ཉིད་དོ། །གསུམ་པ་ནི། ཐ་ནི་ཐབས་དང་ཤེས་རབ་གཉིས་སུ་མེད་པ་ནམ་མཁའི་རང་བཞིན་ཟུང་དུ་འབྲེལ་བའི་དྲྭ་བ་མངོན་པར་རྫོགས་པར་བྱང་ཆུབ་པ་ནམ་མཁའ་དབྱིངས་ཀྱི་དབང་ཕྱུག་མའི་ས་བོན་ཉིད་དོ། །ཏ་ནི་ཤེས་རབ་ཀྱི་དྲྭ་བ་བརྟན་པ་སངས་རྒྱས་སྤྱན་མའི་ས་བོན་ཉིད་དོ། །ད་ནི་ཡེ་ཤེས་…

མ་དང་བཅས་པའོ། །དང་པོ་ནི། པ་ནི་སྤྱན་གྱི་གསུང་མིག་གི་དབང་པོ་གནས་སུ་དག་པའི་མཆོག་བྱམས་པའི་ཡི་གེའོ། །ཕ་ནི་སྙན་གྱི་གསུང་གི་མཆོག་རྣ་བའི་དབང་པོ་དག་པ་སྒྲིབ་པ་རྣམ་སེལ་ལོ། །བ་ནི་ཤངས་ཀྱི་གསུང་གི་མཆོག་སྣའི་དབང་པོ་དག་པའི་ཀུན་ཏུ་བཟང་པོའོ། །བྷ་ནི་ལྗགས་ཀྱི་གསུང་གི་མཆོག་ལྕེའི་དབང་པོ་དག་པ་འཇམ་དབྱངས་སོ། །མ་ནི་གསུང་ཡང་འ…

དྷེ་བ་དང་། ཨཻ་ནི་རྡུལ་སྙེད་དམྱལ་བ་རྣམས་ལ་ཨ་ཝ་གླང་མགོས་འདུལ་བའི་ཡི་གེའོ། །ཡི་གེ་དྲུག་པོ་དེ་ཡང་ཚངས་པ་དབྱིངས་ཀྱི་སྒོ་སྟེ་ཐུགས་རྗེ་ཆེན་པོའི་རྣམ་པར་ཐར་པའོ། །ལྔ་པ་སྒོ་སྐྱོང་ཁྲོ་བོ་དང་བཅས་པའི་ཡི་གེ་ལ་གཉིས་ལས། སྒོ་བ་ནི་ཨོ་ནི་མཚན་མ་ཐམས་ཅད་དང་སྒོ་གསུམ་གྱི་སྤྲོས་པ་མཐའ་དག་འཇིག་པར་བྱེད་ཅིང་ཆོ་འཕྲུལ་ཆེན་པོ་སྟོན་པ་…

ཀྱི་སྙིང་པོ་ཡི་གེའི་སྤྲིན་གྱི་གསང་བ་ཆེན་པོ་འདི་ཉིད་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡོན་ཏན་དང་འཕྲིན་ལས་རྡོ་རྗེ་ལས་འདི་དག་ཕྱུང་ངོ་། །གཉིས་པ་ནི། གཉིས་སུ་མེད་པའི་རང་བཞིན་ལ་བསྔགས་པའི་ཕྱིར་ཨ་ཧོ་ཞེས་བཞད་ནས་ཡི་གེའི་འཁོར་ལོ་དེ་ཡང་ཐབས་རང་བྱུང་གི་ཐུགས་རྗེ་ཆེན་པོ་དང་ཤེས་རབ་མཐའ་གཉིས་ལས་འདས་པའི་…