བ་ལ། །མི་འཇིགས་སེང་གེ་བརྒྱད་དང་ལྡན། །ཤར་ཕྱོགས་ལྟེ་བར་སྟོབས་ཆེན་གླང་། །ལྷོ་རུ་རྫུ་འཕྲུལ་རྟ་བརྒྱད་དེ། །ནུབ་ཀྱི་ཕོ་བྲང་རྨ་བྱ་དང་། །བྱང་དུ་འཕྲིན་ལས་ཤང་ཤང་བརྒྱད། ཁྲི་རྐང་བར་མཛེས་རབ་ལྡན་པ། །ཉི་མ་ཟླ་བ་ལྔ་བརྩེགས་སོ། །ཉི་ཟླ་ཆུ་སྐྱེས་སུམ་བརྩེགས་སེམས། །ཉི་རྐྱང་ཁྲོ་ལ་པད་རྐྱང་ཐུབ། །བྱ་བྱེད་ཀུན་བཟང་ཡབ་ཡུམ་ལ། །ཉི་…

གར་མའི་ཚོགས་སུ་བཅས་པའོ། །དེ་བཞིན་དུ་ཤར་ལྷོ་ལ་སོགས་པའི་གྲུ་ཆད་བཞི་ལ་ནི་རིམ་པ་བཞིན་མཐོང་བྱེད་བྱམས་པ་དང་། ཐོས་བྱེད་སྒྲིབ་པ་རྣམ་སེལ། སྣོམ་བྱེད་ཀུན་ཏུ་བཟང་པོ། མྱོང་བྱེད་འཇམ་དཔལ་རྣམས་བཙུན་མོ་བདུག་པ། མེ་ཏོག མར་མེ། དྲི་ཆབ་མ་དག་དང་འཁྲིལ་སྦྱོར་གྱི་ཚུལ་དང་བཅས་པ་གནས་སོ། །ཕྱིའི་བར་ཁྱམས་ལ་ནི་ལྷ་ལ་སོགས་པའི་ཐུབ་པ་ད…

པ་ཉིད་ཀྱི་ཡེ་ཤེས་ལྷུན་སྟུག་པོ་བཀོད་པ་ན་ལོངས་སྐུ་རིགས་ལྔ་ཡབ་ཡུམ་དང་། དེ་ལས་གདུལ་བྱའི་འཇིག་རྟེན་དུ་ཕྱག་ན་རྡོ་རྗེ་དང་རྡོ་རྗེ་སེམས་དཔའི་རང་བཞིན་དང་ཐུབ་པ་དྲུག་ལ་སོགས་པ་སྟེ་དཔེར་ན། སངས་རྒྱས་ཀྱི་ཞིང་འདིར་བཅོམ་ལྡན་འདས་ཤཱཀྱ་ཐུབ་པར་གྲགས་པ་དེ་ཉིད་ཉན་ཐོས་དང་རང་སངས་རྒྱས་དང་སོ་སོའི་སྐྱེ་བོ་དང་ཚོགས་སྦྱོར་ལ་གནས་པས་…

པས་མི་བསྐྱོད་པ་དབུས་སུ་བསྟན་པའོ་ཞེར་ཟེར་རོ། །དེ་ཐམས་ཅད་ཀྱི་ལེགས་པའི་དོན་ཇི་ལྟ་བ་བཞིན་ཁོང་དུ་མ་ཆུད་དོ། །དེའང་འཆད་པ་པོ་ཡིན་པས་དབུས་སུ་འབྱུང་བའི་ངེས་པ་ཡང་མེད་དེ། འཇམ་དཔལ་སྒྱུ་འཕྲུལ་དྲྭ་བ་དང་། ངན་སོང་སྦྱོང་བར་ཤཱཀྱ་ཐུབ་པ་དབུས་སུ་འབྱུང་བར་ཐལ་བ་ལས། རྣམ་སྣང་དང་ཡེ་ཤེས་སེམས་དཔའ་འབྱུང་བ་དེ་གཙོ་འཁོར་ལོག་པའི་སྐྱ…

མོངས་པ་གཅོད་པའི་བརྡར་རལ་གྲི་དང་། རྩ་ཕྱག་གཡོན་པ་ན་དྲིལ་བུ་འཛིན་པས་ཡུམ་ལ་འཁྱུད་པ་ཐུགས་ཀར་བསྣོལ་བ། གཞན་རྣམས་ནི་ཕྱག་མཚན་སྔར་བསྟན་པ་བཞིན་ནོ། །ཡུམ་རྣམས་ནི་གཡས་ཡབ་དང་མཐུན་ལ། གཡོན་ཡང་དྲིལ་བུ་ཡེ་ཤེས་རིན་པོ་ཆེ་འོད་འབར་བས་ཡབ་ལ་འཁྱུད་པའོ། །ཁ་ཅིག་ཡུམ་གྱི་གཡས་ན་ཕྱག་མཚན་མེད་པར་འདོད་པ་ནི་སྒྲུབ་ཐབས་ཆེན་པོ་མ་མཐོང་བར་…

སྐྱོན་གྱིས་མ་གོས་པས་པདྨ། སྒྲིབ་པ་རྣམ་སེལ་སེམས་ཅན་ལ་ཆོས་སྟོན་པས་རིན་པོ་ཆེའི་འཁོར་ལོ། །ཀུན་ཏུ་བཟང་པོ་སེམས་ཅན་གྱི་རེ་བ་སྐོང་བས་རིན་པོ་ཆེའི་སྙེ་མ། དེ་དག་གི་ཡུམ་རྣམས་ནི་མཛེས་ཚུལ་དུ་མཉེས་པའི་ཡོ་བྱད་འཛིན་པར་བྱེད་དེ། རྡོ་རྗེ་སྒེག་མོ་ནི་གཟུགས་ཐམས་ཅད་དེ་བཞིན་ཉིད་ཀྱི་ངོ་བོར་སྟོན་པས་རྡོ་རྗེ་ཁུ་ཚུར་དཀུར་བརྟེན་པའ…

གྲམ་འཛིན་པའོ། །ཡུམ་བཞི་ནི། བསྡུ་བའི་དངོས་པོ་བཞི་དང་ཚད་མེད་པ་བཞི་མཚོན་བྱེད་དུ་ལྕགས་ཀྱུ། ཞགས་པ། ལྕགས་སྒྲོག དྲིལ་བུ་འཛིན་པའོ། །བཞི་པ་སྐུ་མདོག་ཇི་ལྟར་སྣང་བ་ནི་རིགས་ཀྱི་སྐུ་མདོག་ཉི་ཤུ་རྩ་ལྔ། སྣ་ཚོགས་ཀྱི་སྐུ་མདོག་བཅུ་བདུན་ལས། དང་པོ་ཐུགས་ཀྱི་རིགས་ཆོས་ཉིད་མི་འགྱུར་བ་མཚོན་པའི་ཕྱིར་རྣམ་སྣང་ཡབ་ཡུམ། ཀུན་བཟང་ཡབ་…

ལྷ་དེ་དག་ཀྱང་སྐྱེ་བ་གནས་སུ་དག་པས་སྐུ་མཉེན་ཤ་ཆགས་པ་དང་། ན་བ་གནས་སུ་དག་པས་སྐུ་སྐབས་ཕྱེད་ཅིང་རིམ་པར་འཚམས་པས་ལྕུག་པ་དང་། འཆི་བ་གནས་སུ་དག་པས་སྐུ་ལྷོད་པོར་མ་གྱུར་པར་འཁྲིལ་བག་ཆགས་ཤིང་རབ་ཏུ་ལྡེམ་པ་སྟེ་དྲང་པོའོ། །རྒས་པ་གནས་སུ་དག་པས་སྐུ་འཇམ་ཞིང་གཞོན་ཤ་ཆགས་པའི་ངང་ཚུལ་ཅན་ནོ། །དེ་ལྟར་ལྔ་ནི་ངོ་བོའི་ཡོན་ཏན་ཡིན་ལ། …

ཚད་བསམ་ཡས་རང་བཞིན་ལྷུན་གྱིས་གྲུབ་པར་བསྒོམ་པ་ནི། ཆོས་ཀྱི་དབྱིངས་ལྟར་རྒྱ་ཆེ་ཞིང་ཡེ་ཤེས་དམ་པའི་ངོ་བོར་གྱུར་པའོ། །གཉིས་པ་དེས་གྲུབ་པ་འབྲས་བུའི་དཀྱིལ་འཁོར་བཤད་པ་ལ་གཉིས་ཏེ། སྤྱིའི་དོན་དང་། གཞུང་གི་དོན་ནོ། །དང་པོ་ལ་གསུམ་སྟེ། རྟེན་སྐུའི་རྣམ་པར་གཞག་པ། བརྟེན་པ་ཡེ་ཤེས་ཀྱི་རྣམ་པར་གཞག་པ། མཛད་པ་འཕྲིན་ལས་ཀྱི་རྣམ་པར…

དེ་ལྟར་སྣང་། །ཞེས་སོ། །དེ་བཞིན་དུ་མཆོག་གི་སྤྲུལ་པས་གདུལ་བ་ནི་སངས་རྒྱས་ཤཱཀྱ་ཐུབ་པ་ལ་སོགས་པས་དོན་མཛད་དེ་ཐེག་པ་སྣ་ཚོགས་ཀྱི་ཆོས་སྟོན་ཏོ། །བྱང་ཆུབ་སེམས་དཔའ་ས་བཅུ་ལ་གནས་པ་རྣམས་ལ་ནི་འོག་མིན་དུ་དཔལ་རྣམ་པར་སྣང་མཛད་དུ་སྣང་བས་ས་བཅུའི་སྒྲིབ་པ་སེལ་ལོ། །དེའང་སྐུའི་ཆོས་སྟོན་གྱི་གསུང་གིས་མི་སྟོན་ཏེ་ཆོས་དང་ལོངས་སྤྱོ…

ལ་དགོད་པའོ། །ཆེན་པོ་ལའང་རྒྱུ་མཚན་ཉིད་དང་། འབྲས་བུ་གསང་སྔགས་གཉིས་ལས། དང་པོ་ནི། སེམས་གཉིས་བསྐྱེད་དེ་ཚོགས་སྦྱོར་གྱི་རྗེས་ལ། མཐོང་སྒོམ་གྱི་ལམ་གཉིས་སུ་ས་བཅུ་ཕ་རོལ་ཏུ་ཕྱིན་པ་བཅུས་སྦྱངས་ཏེ་མཐོང་སྤང་དང་སྒོམ་སྤང་སྤོང་པ་ལ་དགོད་པའོ། །གཉིས་པ་ནི། སྨིན་བྱེད་དབང་དང་གྲོལ་བྱེད་བསྐྱེད་རྫོགས་བསྒོམས་པས་གནས་སྐབས་སུ་རིགས…

པའི་དཀྱིལ་འཁོར་གྱི་ལས་ནི་འདི་ཡིན་ཏེ་ཞེས་པ་ནས་རྐང་པ་ཉི་ཤུ་རྩ་བཞི་འཕྲིན་ལས་ཀྱི་འཕྱོང་དུ་གྲགས་པར་འདོད་པ་དང་། ཁ་ཅིག་གིས་དྲུག་པ་བདུན་པ་བརྒྱད་པ་གསུམ་ནས་སྐུ་གསུང་ཐུགས་ཀྱི་འཕྱོང་གསུམ། དགུ་པ་ནས་ཕྱོགས་བཅུ་དུས་བཞི་ལ་སོགས་པ་བརྒྱད་ཡོན་ཏན། བཅུ་གསུམ་པ་ནས་ཡེ་ཤེས་རྫོགས་པའི་དཀྱིལ་འཁོར་ལ་སོགས་པ་ལྔ་འཕྲིན་ལས། བཅུ་དགུ་པ་…

འབྲས་བུ་སྐུའི་འཆར་ཚུལ། དེ་ལས་འཕྲིན་ལས་མཛད་ཚུལ། དེ་ལས་འགྲོ་བ་གྲོལ་ཚུལ། ངོ་མཚར་ལྟས་ཀྱི་སྣང་ཚུལ་ལོ། །དང་པོ་ལ་ཆོས་ཀྱི་སྐུ་ནི་སྐུ་ཐམས་ཅད་ཀྱིི་ངོ་བོ་ཉིད་སྤྲོས་པའི་མཐའ་ཐམས་ཅད་དང་བྲལ་བས་ནམ་མཁའི་རང་བཞིན་དུ་མངོན་པར་སངས་རྒྱས་པའི་ཕྱིར་ཆོས་དབྱིངས་ཀྱི་སྐུ་ཡི་རང་བཞིན་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པ་མཐར་ཐུག་…

སྐལ་བ་དང་སྔོན་གྱི་ལས་འཕྲོའི་དབང་གིས་སར་གནས་ལ་རང་བཞིན་སྤྲུལ་པ་དང་། འགྲོ་བ་ཁ་ཅིག་ལ་འགྲོ་འདུལ་སྤྲུལ་པ་དང་། ཁ་ཅིག་ལ་མ་དག་སྤྲུལ་པ་དང་། ཁ་ཅིག་ལ་སྣ་ཚོགས་སྤྲུལ་པའི་སྐུ་ལ་སོགས་པ་སོ་སོར་སྣང་བ་སྟེ། དཔེར་ན་མེ་ལོང་གི་ངོས་ལ་བྱད་མ་འཕོས་ཀྱང་དེའི་རྣམ་པ་སྣང་བ་དང་། ཆུ་སྣོད་དུ་ནམ་མཁའི་ཟླ་བ་མ་འཕོས་ཀྱང་ཆུ་ཟླ་སྣང་བ་བཞིན་ན…

འབྲེལ་བར་འབྱུང་བ་དང་ལྡན་པའི་ཆོས་བརྡས་ཡང་དག་པར་སྟོན་ཏོ། །ཞེས་སོ། །ཐེག་པ་ཆེན་པོ་ལ་སྣང་ཚུལ་ནི་ཚུལ་དེ་དག་ལས་གཞན་ཡང་ཐེག་པ་མཆོག་གི་དབང་པོའི་རིམ་པ་བཞིན། ས་བཅུ་པའི་སེམས་དཔའ་ལ་སོ་སོར་སྣང་ཚུལ་ནི། གནས་ཕུན་སུམ་ཚོགས་དབང་ཕྱུག་ཆེན་པོའི་འོག་མིན་བླ་ན་མེད་པའི་གནས་གཟུགས་ཁམས་ལས་ཁྱད་པར་དུ་འཕགས་པའི་མཆོག་ཏུ། སྟོན་པ་ཉིད་སྐ…

ཤེས་རབ་འཆལ་བ། བདུན་པར་ཐབས་མི་མཁས་པ། བརྒྱད་པར་སེམས་ཅན་གྱི་དོན་མི་འགྲུབ་པས་སྟོབས་ལ་སྒྲིབ་པ། དགུ་པར་སྨོན་པའི་དོན་མི་འགྲུབ་པ། བཅུ་པར་མི་ཤེས་པ་ཕྲ་མོའི་ས་བོན་དང་བཅས་པ་ཕ་རོལ་ཏུ་ཕྱིན་པ་བཅུ་དང་སའི་ཡོངས་སུ་སྦྱོང་བས་སྦྱངས་པས། ས་བཅུའི་དྲི་མ་རྣམས་རིམ་གྱིས་སྦྱངས་ཤིང་། བླ་མེད་བྱང་ཆུབ་ཡང་དག་པར་ཐོབ་སྟེ༑ ས་བཅུའི་རྒྱུ…

བཟང་ངན་མེད་པའི་རང་བཞིན་དུ་ལྷུན་གྱིས་གྲུབ་ཅིང་། དེ་ལྟར་ཕུན་སུམ་ཚོགས་པ་ཐམས་ཅད་རང་སྣང་བས་བསོད་ནམས་ཀྱི་ཚོགས་དང་། གང་དུའང་འཛིན་པ་མི་མངའ་བས་ཡེ་ཤེས་ཀྱི་ཚོགས་ཏེ་ཚོགས་ཆེན་གཉིས་ཀྱང་རང་སྣང་དེ་ཉིད་དུ་ལྷུན་རྫོགས་ཆེན་པོར་རོལ་པའོ། །གཉིས་པ་སའི་རྫོགས་ཚུལ་ནི་ཐབས་སྤྲུལ་པ་སྐུའི་ས་ཀུན་ཏུ་འོད་དང་། ཤེས་རབ་རང་སྣང་དག་པ་ལོངས…

བྲལ་བ་ནི་འགྱུར་བ་མེད་པའི་ཡོངས་གྲུབ་སྟེ་སྐྱེ་ཤི་མེད་པའི་ཆོས་ཉིད་གཡུང་དྲུང་སྟེ་རྟག་པའི་སྐུ་ལྷུན་གྱིས་གྲུབ་པའོ། །དེ་ཉིད་ཀྱི་ངང་ལས་ལོངས་སྐུར་ཤར་བའི་བྱིན་རླབས་ལས་རང་བྱུང་བ་ཉོན་མོངས་པའི་སེམས་ཅན་ཀུན་གྱི་གདུལ་ཞིང་དུ་གང་ལ་གང་འཚམ་པའི་སྤྲུལ་སྐུ་གནས་ཏེ་དོན་མཛད་པའོ། །སྤྲུལ་སྐུའི་འཆར་གཞི་དེ་ཉིད་ཡོན་ཏན་གྱི་ཚོགས་ཟད…

རྐྱེན་ལས་སྐྱེས་པས་དངོས་པོ་དང་། འཇིག་པས་མི་རྟག་པ་དང་། ཆུ་སྐྱོར་བས་བུམ་པར་བཏགས་པ་རྣམས་ངོ་བོ་གཅིག་པ་བཞིན་ནོ། །བཞི་པ་ངོ་མཚར་གྱི་ལྟས་ཀྱི་སྣང་ཚུལ་ནི། དེ་སྐད་ཅེས་བརྗོད་པས། གདུལ་བྱའི་འཇིག་རྟེན་དྲུག་གི་ཕྱོགས་བཅུ་རེ་རེ་ཞིང་གྲངས་མཐའ་ཡས་ཤིང་མུ་མེད་པ་ཐམས་ཅད་དུ་རྣམ་པར་འཕྲུལ་པའི་དཀྱིལ་འཁོར་བསམ་གྱིས་མི་ཁྱབ་བརྗོད་ཀྱ…

ཉིད་རྫོགས་པ་ཆེན་པོས་ཁྱབ་པའི་དབྱིངས་དེ་བཞིན་ཉིད་བསྐྱེད་རྫོགས་ཙམ་དུའང་འཛིན་པ་མེད་པར་མཉམ་པར་བཞག་པ་ནི་ལམ་བསྐྱེད་རྫོགས་བསྒྲུབ་པའི་དཀྱིལ་འཁོར་རོ། །དེ་ལྟར་ཉམས་སུ་བླངས་པའི་མཐར་འབྲས་བུ་གཞི་ཐོག་ཏུ་ཕྱིན་པ་དེའི་ཚེ་ཡེ་ནས་སྣང་བ་ཀུན་ཏུ་འོད་གསལ་བའི་ལོངས་སྐུ་འགག་པ་མེད་པའི་དཀྱིལ་འཁོར་ལས། སྣ་ཚོགས་སྤྲུལ་པ་སྐུའི་དཀྱིལ་འ…