ལས་ལ་མཁས་པའི་རྣལ་འབྱོར་པས་བཞག་སྟེ། ཏིང་ངེ་འཛིན་གྱིས་དགུག་གཞུག་བྱའོ། །དེའང་མཁས་ཚུལ་ལྔ་སྟེ། རང་བཞིན་གྱིས་སྒྲོལ་བའི་ལྟ་བ་ལ་མཁས་པ། ཏིང་ངེ་འཛིན་གྱིས་སྒྲོལ་བའི་སྒོམ་པ་ལ་མཁས་པ། དབང་པོ་ཡུལ་དུས་ཀྱིས་སྒྲོལ་བའི་སྤྱོད་པ་ལ་མཁས་པ། ཐབས་ཆེན་གསང་བས་སྒྲོལ་བའི་གདམས་ངག་ལ་མཁས་པ། མངོན་ཕྱུང་ཟབ་མོས་སྒྲོལ་བའི་མཛད་སྤྱོད་ལ་མཁ…

འདི་ནི། ཐེག་པ་གཞན་ལས་ངོ་མཚར་བ་རྡོ་རྗེ་ཐེག་པའི་གསང་ཆེན་ཏེ་སྡིག་ཅན་ངན་འགྲོ་ལས་ཐར་ནས་གྲོལ་བ་ཐོབ་པའི་ཐབས་འདི་ནི་ཁྱད་པར་འཕགས་པའོ། །ཁ་ཅིག་གསོད་པ་འདི་ནི་ཞེ་སྡང་གི་ལས་ཡིན་པས་ལམ་དམ་པ་མ་ཡིན་ནོ་ཞེ་ན། དེའང་དམ་པ་རྣམས་ནི་ཞེ་སྡང་མེད་པའི་ཕན་སེམས་ཀྱིས་སྒྲོལ་པས་འགྲོ་བ་ཐར་པ་ལ་དགོད་པའི་ཕྱིར་ཉེས་པ་མེད་དེ། རིག་བྱེད་བླ་མ་…

ཆོས་རྣམས་ཐམས་ཅད་ཡེ་ནས་དག་ཅིང་སྒྱུ་མའི་རང་བཞིན་ཡིན་པས་སྦྱོར་སྒྲོལ་ཡང་ཡེ་ནས་དག་ཅིང་སྒྱུ་མའི་རང་བཞིན་དུ་ཁོང་དུ་ཆུད་པའི་རྣལ་འབྱོར་བས། སྦྱོར་བ་དང་སྒྲོལ་བའི་བྱ་བ་ཀུན་བྱས་ཀྱང་བྱེད་དུས་ཉིད་ནས་ལས་གསོག་བྱེད་ཀྱི་ཉེས་པས་བསྐྱེད་པའི་སྦྱོར་སྒྲོལ་རང་མཚན་པ་རྡུལ་ཕྲ་རབ་ཀྱི་ཆ་ཙམ་ཡང་དོན་ལ་བྱས་པ་མེད་དེ། འཛིན་ཞེན་མེད་པའི་…

ཀུན་གསལ་ལས། རྟེན་དང་གང་ཟག་ཡོ་བྱད་ཚོགས། །ཐབས་ཆེན་གསང་བས་ཚོགས་ཞེས་བྱ། །ཞེས་སོ། །གཉིས་པ་ལ་གསུམ་སྟེ། དབྱེ་བ་དངོས་དང་། ལས་རིམ་དང་། གང་གི་དོན་དུ་བྱ་བའོ། །དང་པོ་ནི། རྡོ་རྗེ་ལས་རིམ་ལས། སྐྱེ་བོ་མཛའ་བ་ཀུན་ཚོགས་པ། །རྣལ་འབྱོར་འདུས་པའི་ཚོགས་ཞེས་བྱ། །འབྱོར་པའི་ལོངས་སྤྱོད་ཚང་བ་ནི། །བདེ་བའི་ལོངས་སྤྱོད་ཚོགས་སུ་བཤད། …

དང་རོལ་མོའི་སྤྲིན་ཕུང་དུ་མས་བརྒྱན་པའོ། །གསུམ་པ་ནི། རྟེན་དང་བརྟེན་པར་བཅས་པའི་དཀྱིལ་འཁོར་དམ་ཅན་རྒྱ་མཚོའི་ཚོགས་གཙོ་བོ་ལ་འཁོར་གྱིས་བསྐོར་བ་ཐམས་ཅད་དེ་དངོས་ཀྱི་སྐུ་དང་། མེ་ཏོག་གི་ཚོམ་བུ་ལྷར་བསྐྱེད་པ་དང་། ཏིང་ངེ་འཛིན་གྱིས་བསོད་ནམས་ཀྱི་ཞིང་དུ་སྤྱན་དྲངས་པ་ཐམས་ཅད་དོ། །བཞི་པ་ནི། རྒྱུན་གྱི་ཚོགས་གཉིས་དང་ཁྱད་པར་ད…

རྡོ་རྗེ་སློབ་དཔོན་གྱི་གཡས་གྲལ་དང་། ཁྲོ་བོ་རྣམས་གཡོན་གྲལ་ལ་འཁོད་དོ། །རྣལ་འབྱོར་ཕོ་མོ་ཡང་གྲངས་མཉམ་ན་ཤིན་ཏུ་ལེགས་སོ། །གསུམ་པ་གང་གི་དོན་དུ་བྱ་བ་ནི། ལས་བཞིའི་བྱེ་བྲག་གིས་ཤེས་པར་བྱ་སྟེ། རྣལ་འབྱོར་པ་གང་དག་དམ་ཚིག་གསོ་ཞིང་སྒྲིབ་པ་སྦྱོང་ན་ཞི་བའི་དོན་དུ་ཚོགས་ཀྱིས་བསྐངས་ཤིང་། ཚེ་དང་འབྱོར་པ་སྤེལ་ན་རྒྱས་པ། དབང་དང…

བཅད་དེ་སྔར་བསྟན་པ་བཞིན་ལྷའི་དཀྱིལ་འཁོར་དུ་གསལ་བཏབ་ལ། མཆོད་པས་མཉེས་པའི་བར་དུ་མཉེས་པར་བྱ་སྟེ། ཚོགས་མཆོད་རྣམས་བསང་སྦྱངས་སྤེལ་བསྒྱུར་ཇི་ལྟ་བ་བཞིན་བྱའོ། །དེའང་ཐོད་པའི་སྣོད་ཡངས་ཤིང་རྒྱ་ཆེ་བར་ཤ་ལྔ་བདུད་རྩི་ལྔའི་རང་བཞིན་ལས་གྲུབ་པར་བྱིན་གྱིས་བརླབས་ཏེ་མཆོད་དོ། །བཞི་པ་ལོངས་སྤྱོད་པ་ནི་ལག་པ་གཉིས་ཀྱི་མཐིལ་དུ་ཉི་མ…

རྒྱལ་བའི་ཞིང་། །ཀུན་ཏུ་བཟང་པོ་ཐོབ་པར་འགྱུར། །ཞེས་སོ། །དེའང་རྣམ་པ་གསུམ་གྱིས་ཐེག་པ་འོག་མའི་མཆོད་སྦྱིན་ལས་འཕགས་ཏེ། ཡུལ་ལྷར་གསལ་བས་སངས་རྒྱས་ཡིན་པ་དང་། དངོས་གྲུབ་བདུད་རྩིར་གྱུར་པས་ཐ་མལ་མ་ཡིན་པ་དང་། བསམ་པ་ཆོས་ཉིད་དུ་རོལ་པས་འཛིན་ཞེན་མེད་པ་སྟེ། དེའི་ཕྱིར་ཐབས་ཀྱི་རང་བཞིན་རྡོ་རྗེའི་ཐེག་པ་ཤེས་རབ་ཁྱད་པར་ཅན་གྱིས…

ཡོངས་ལ་ཁྱབ། །ཅེས་སོ། །གང་གིས་ཤེས་པར་བྱ་བ་ནི། དེ་ལྟར་རྫོགས་པ་ཆེན་པོའི་རང་བཞིན་དུ་རྟོགས་པས་ཆོས་ཉིད་དོན་གྱི་དཀྱིལ་འཁོར་ལ་དབང་ཐོབ་པའི་ཚེ་སྒོ་གསུམ་གྱི་བྱེད་སྤྱོད་ཅི་བྱས་ཀྱང་བསོད་ནམས་དང་ཡེ་ཤེས་ཀྱི་ཚོགས་ཆེན་པོ་གཉིས་ངམ་ངམ་ཤུགས་ཀྱིས་རྫོགས་པར་གྱུར་ནས་ཅི་སྣང་ཡེ་ཤེས་སུ་འཆར་བ་སྟེ། ནམ་མཁའ་ཆེ་ལས། ཆོས་ཀུན་སྐྱེ་མེད་…

དབུས་སུ་གཙོ་བོ་ཡབ་ཡུམ་ཀུན་ཏུ་བཟང་པོའི་རང་བཞིན་ལ། སེམས་དཔའ་རྡོ་རྗེ། རིན་ཅེན་རྡོ་རྗེ། ཆོས་ཀྱི་རྡོ་རྗེ། ལས་ཀྱི་རྡོ་རྗེ་བཞིའི་ཡུམ། བརྟན་མ་རྡོ་རྗེ། འབར་མ་རྡོ་རྗེ། སྡུད་མ་རྡོ་རྗེ། བསྐྱོད་མ་རྡོ་རྗེ་སྟེ་ཡབ་ཡུམ་བཅུའོ། །ཤར་དུ་མི་བསྐྱོད་པ་ཡབ་ཡུམ་ལ། རྡོ་རྗེ་སེམས་དཔའ། རྡོ་རྗེ་རྒྱལ་པོ། རྡོ་རྗེ་ཆགས་པ། རྡོ་རྗེ་ལེགས…

རིགས་ལྔར་ཕྱེ་བའི་ཐུགས་ཀྱི་ཐུགས་ཏེ་གཙོ་བོ་རྣམ་སྣང་མཐིང་གས་བརྒྱན་པ་ནི་ཐུགས་ཀྱི་མཆོག ལྷ་བཅུའི་དཀྱིལ་འཁོར་གྱི་མཐར་སྒོ་བ་ཡབ་ཡུམ་བརྒྱད་ཀྱི་ཁྲོ་བོའི་ཚོགས་དང་ལྡན་པ་ཡི་ཚོམ་བུ་གཅིག་པའི་ལྷ་བཅོ་བརྒྱད་པོ་རྣམས་བསྒོམ་པར་བྱའོ། །གཉིས་པ་ཁྲོ་བོའི་དཀྱིལ་འཁོར་ནི། ཁྲོ་བོ་ལྔ་དང་ཁྲོ་མོ་ཀྲོ་དྷཱི་ཤྭ་རི་ལྔའི་ཚོགས་ཆེན་པོ་སྟེ་ཡབ…

གཉིས་པ་ནི། དྲང་སྲོང་ལ་སོགས་པ་ཏིང་ངེ་འཛིན་ལ་དབང་ཐོབ་པའི་རིག་པའི་མཐུས་སྡུག་བསྔལ་ལས་སྐྱོབ་པའོ། །གསུམ་པ་ནི། བདེན་ཚིག་བགོས་པའི་ཚིག་འབྲས་བུ་ཕན་གནོད་བྱེད་པའོ། །དེ་ལྟ་བུའི་དོན་གྱིས་བསྒྲུབ་པར་བྱ་བའི་དངོས་གྲུབ་ནི་མཆོག་དང་ཐུན་མོང་གི་ཡོན་ཏན་ཕུན་སུམ་ཚོགས་པ་སྟེ། དེ་ཉིད་ཆོས་ཐམས་ཅད་ཡེ་ནས་མཉམ་པ་ཉིད་རང་བཞིན་རྫོགས་པ་ཆ…

དཔལ་འབར་བ་འགྲུབ་ཅིང་། སེམས་ཅན་ཉོན་མོངས་པའི་སྡུག་བསྔལ་མ་ལུས་པ་སེལ་བར་མཛད་ནས། སེམས་ཅན་དེ་དག་རྡོ་རྗེའི་རིགས་སུ་སྐྱེ་བའི་གནས་ལ་འགོད་པའི་འཕྲིན་ལས་བྱེད་དོ། །གསུམ་པ་ཚོམ་བུ་ལྔ་པ་ལ་ཡང་གཉིས་ལས། གང་ཟག་གང་གིས་ཚུལ་ཇི་ལྟ་བུས་བསྒྲུབ་པའི་ཚུལ་ནི། སྔགས་འཆང་བའི་རྣལ་འབྱོར་པས་དངོས་གྲུབ་ཡང་དག་པ་ནི་རྒྱུད་ལ་ཐོབ་པར་བྱ་བའི་ཕ…

ལག་ལ་གསུམ་ལས། གང་བསྒྲུབ་པ་ཏིང་ངེ་འཛིན་གྱི་ཡན་ལག་ནི། ཆོས་ཐམས་ཅད་དཀྱིལ་འཁོར་དུ་སྒྲུབ་པའི་ཚེ་ཕྱི་ནང་གི་ལུས་དང་ལོངས་སྤྱོད་ལ་སོགས་པ་སྤྱད་པར་བྱ་བའི་ཡུལ་དང་། སྤྱོད་བྱེད་བདག་ཉིད་དཀྱིལ་འཁོར་གྱིས་རོལ་པས་སོ་སོའི་སྔགས་དང་ཕྱག་རྒྱ་དང་ཏིང་ངེ་འཛིན་གྱི་རྣམ་པ་སྐབས་སུ་གང་བབ་པ་རྣམས་ཕྱིན་ཅི་མ་ལོག་པ་ཡང་དག་པར་སོ་སོར་གསལ་ཞ…

པའི་ཚེས་གྲངས་དང་གཟའ་སྐར་ལ་སོགས་པ་ནི་རྒྱས་པའི་རྒྱུད་ལས། དུས་ནི་ཡར་ངོའི་བརྒྱད་ལ་བརྩམ། །ཤིན་ཏུ་སྐར་མ་རྒྱལ་རྣམས་ལ། །བྱང་ཆུབ་སྤྱོད་པ་ཆེར་སྤྱོད་པས། །གསང་མཆོག་དངོས་གྲུབ་ཐོབ་བྱའི་ཕྱིར། །གཟའ་སྐར་ཤིས་པའང་བླང་བར་བྱ། །ཞེས་སྨོས་པ་བཞིན་དུ་བཤད་པར་བྱའོ། །དེའང་སྤང་བླང་མེད་པས་ངེས་གཟུང་མི་འཐད་དོ་ཞེ་ན། ངོ་བོ་ལ་དེ་ལྟར་ཡ…

ཐམས་ཅད་སྤང་བླང་མེད་པར་སྤྱོད་པར་བྱའོ། །རྡོ་རྗེ་གསང་བའི་ངོ་བོ་རྒྱུད་འདི་ནི། ཚིག་ཏུའོ། །ཞེས་གསུངས་དུས་ལྷུན་སྟུག་པོ་བཀོད་པའི་རང་སྣང་ཐམས་ཅད་སངས་རྒྱས་ཀྱི་རོལ་པ་ལས་གཞན་མ་ཡིན་པས་དེ་བཞིན་གཤེགས་པ་ཉིད་ལ་དེ་བཞིན་གཤེགས་པ་ཉིད་ཆེད་དུ་གླེང་ངོ་ཞེས་བྱ་བ་སྟེ། ཡུལ་ཡུལ་ཅན་གཉིས་སུ་མེད་པར་མཚོན་པ་ཡིན་ནོ། །ཚུལ་འདིས་ཆོས་ཐམས་…

ཚོགས་བསྒྲུབ་པའི་འབྲས་བུ་བྱེ་བྲག་ཏུ་བཤད། ཚོགས་ཀྱི་རྟེན་དཀྱིལ་འཁོར་ཀུན་འདུས་པ་ཆེན་པོས་དོན་བསྡུ་བའོ། །དང་པོ་ལ་གཉིས་ཏེ། མདོར་བསྟན་པ་དང་། རྒྱས་པར་བཤད་པའོ། །དང་པོ་ནི། ཆོས་ཐམས་ཅད་ཡེ་ཤེས་ཀྱི་རོལ་པ་སྒྱུ་འཕྲུལ་དྲྭ་བའི་ངོ་བོར་ཡུལ་ཡུལ་ཅན་ཡབ་ཡུམ་ཟུང་འབྲེལ་ཆེན་པོར་མངོན་པར་རྫོགས་པ་ལྷ་དང་ལྷ་མོའི་དཀྱིལ་འཁོར་དུ་གནས་པ…

གི་དངོས་གྲུབ་ཐོབ་པར་འགྱུར་རོ། །དེའང་འོད་ཟེར་ཀུན་ཏུ་བཀྱེ་བའི་མདོ་ལས། ང་ལ་འོད་ཟེར་ཡང་ཡོད་དེ། །དེ་མིང་ཆོས་ཀྱི་དུང་ཞེས་བྱ། །དབྱངས་གཅིག་ཐམས་ཅད་གོ་བ་ཡིས། །འཇིག་རྟེན་ཀུན་ཏུ་ཁྱབ་པར་བྱེད། །འོད་ཟེར་དེ་ཡི་དགེ་བའི་རྩ། །དཔག་མེད་དེ་ལས་སྐྱེས་པ་ཡིན། །ཞེས་པ་ལྟར་རོ། །དེའང་སངས་རྒྱས་ཀྱི་གསུང་ནི་གདུལ་བྱ་གང་ཡོད་དུ་ཉེ་རིང…

དབྱིངས་བཀང་བའི་སྟོབས་ལས་སངས་རྒྱས་འཕགས་པར་དཀོན་ཅོག་བརྩེགས་པ་ལས་གསུངས་པའི་ཚུལ་གྱིས་སྟོབས་བཅུའི་རྩལ་མངའ་བ་ཡིན་ནོ། །བཞི་པ་བཟའ་བཏུང་གི་ཕྱག་རྒྱ་ལའང་གཉིས་ལས། ཏིང་ངེ་འཛིན་ནི། ཁྃ་ལས་བཟའ་བཏུང་བདུད་རྩིར་བྱིན་གྱིས་བརླབས་ཏེ། ཉ་དང་ཤ་ལ་སོགས་པའི་བཟའ་བ་དང་ཇ་དང་ཆང་ལ་སོགས་པའི་བཏུང་བའི་ཕྱག་རྒྱ་ཡིས་ཕྱི་ནང་གི་ལྷ་མཆོད་དོ།…

གྱི་གཟུགས་ལས་གནས་མ་གྱུར་པ། ལུས་རྒྱ་དང་བྲལ་ནས་ཕྱག་རྒྱ་ཆེན་པོའི་སྐུ་འཐོབ་པ་སྟེ། རྔམ་གློག་ལས། ཡིད་ཀྱི་ལྷ་ཡི་གཟུགས་བཟུང་ཞིང་། །ལུས་ཀྱི་རྒྱ་མདུད་གྲོལ་གྱུར་ནས། །ཕྱག་རྒྱའི་སྐུ་ཉིད་གསལ་གྱུར་པ། །རྣམ་པར་སྨིན་ཞེས་དེ་ལ་བརྗོད་། །ཅེས་སོ། །གཉིས་པ་ནི། རྣམ་སྨིན་གྱི་ལུས་རྡོ་རྗེའི་ལུས་སུ་གནས་འགྱུར་ཞིང་དེ་ཉིད་མ་སྤངས་པར…