པའམ་བདག་ཏུ་མ་འདུས་པ་སྤུ་ཙམ་ཡང་མི་འདུག་པས༔ རང་རིག་པའི་སངས་རྒྱས་ཀུན་ཏུ་བཟང་པོ་ཡིན་པས་ན༔ རབ་འབྱམས་རིག་པའི་དབང་ཐོབ་པའོ༔ རིག་པའི་རྩལ་དབང་མ་ཐོབ་ན༔ འདུས་བྱས་ཆོ་གས་གྲོལ་མི་སྲིད༔ ཅེས་པ་ནི༔ རྡུལ་ཚོན་རིན་པོ་ཆེ་སྣ་ལྔའི་དཀྱིལ་འཁོར་མང་པོ་བསྟན༔ བུམ་ཁྲུས་ཀྱིས་ཤ་ལ་བསྐུར༔ ཅོད་པན་གྱིས་ཐེབས་སུ་བཅུག༔ ཚོགས་འཁོར་གྱི་འདམ་ད…

ཕྱིར་གཞན་སུ་ལྡན་དབུལ༔ དེའི་ཡོན་ཏན་མི་མཆོག་ཕུལ་ན་དོན་མཆོག་འགྲུབ༔ ཅེས་སོ༔ ཆགས་སྲེད་འཛིན་པ་བཏང་བའི་ཕྱིར༔ རང་གི་ཆུང་མ་དབུལ༔ དེའི་ཡོན་ཏན་ཆོས་སྐྱེད་བདེ་བ་ཆེན་པོ་དངོས་སུ་འབྱུང་ངོ་༔ ཚོགས་གཉིས་ཡོངས་སུ་རྫོགས་པར་བྱ་བའི་ཕྱིར༔ གཞན་གྱི་ཆུང་མ་དང་བུ་མོ་ཡིད་འཐད་པ་གསེར་གཡུས་བརྒྱན་པ༔ དར་ཟབ་ཀྱིས་སྤྲས་ལ་བླ་མའི་ལས་རྒྱ་ལ་…

ཐོད་རྒལ་ཁྱད་པར་དབང་ལྔ་བཞུགས་པ་ལགས་སོ༔

རང་རིག་ཀུན་ཏུ་བཟང་པོ་ལ་ཕྱག་འཚལ་ལོ༔ སྐལ་ལྡན་གདུལ་བྱར་གྱུར་པ་ལ༔ སྤྲོས་བཅས་བུམ་པའི་དབང་དག་གིས༔ ཐུན་མོང་ལས་སྨིན་པར་བྱ་བའི་ཕྱིར་དང་པོ་ལ་བསྐུར༔ ལས་ཅན་གཅིག་གཉིས་གསུམ་དེ་བཞི་ལས་མང་དུ་མི་རུང་ལ༔ གསུམ་པའི་དབང་ཉིད་ཆགས་ཅན་དོན་དུ་ུབསྐུར་བྱ་སྟེ༔ དབང་ཁྲིད་སོ་སོར་གསུམ་ཀ་ལ་རྟགས་ཐོན་ནས་ཉམས་རྙེད་ནས༔ སྐལ་ལྡན་ཁྱད་པར་ཅན་ས…

ཅད་ཧཱུྃ་དུ་གྱུར༔ བདག་གཞན་ཡིད་སྒྲིབ་ཀུན་དག་བསམ༔ ཚོགས་གཏོར་མཆོད་ཡབ་ཡུམ་བདེ་བས་རོལ་ཧཱུྃ་ཉིད་བཟླས༔ ཡིད་ཀྱི་སྒྲིབ་པ་ཀུན་དག་ནས༔ སངས་རྒྱས་ཐུགས་ཀྱི་དབང་རྣམས་ཐོབ༔ ལྟེ་བའི་ད་ལར་ཏྲཱཾ་སེར་བསྒོམ༔ འོད་འཕྲོས་རང་ལུས་ཏྲཱཾ་དུ་གྱུར༔ ཏྲཱཾ་ལས་འོད་ཚོགས་ཏྲཱཾ་འཕྲོས་པས༔ སྣང་སྲིད་ཐམས་ཅད་ཏྲཱཾ་དུ་གྱུར༔ བདག་གཞན་ང་རྒྱལ་ཀུན་དག་བས…

ངོ་འཕྲོད་ནས་སྤྲོ་བ་བསྐྱེད་པར་ཆོས་བཤད་བཞུགས་སོ༔ མ་ཧཱ་གུ་རུ་ན་མོ་ཧཱུྃ༔ བླ་མས་རིགས་ཀྱི་བུ་ུལ་མངོན་སུམ་གྱི་ངོ་སྤྲད་ནས་འདི་སྐད་སྤྲོ་བ་བསྐྱེད་པར་བྱའོ༔ འོ་རིགས་ཀྱི་བུ་འདི་ལྟར་མཐོང་བ་འདི་རང་བྱུང་གི་རིག་པ་ཐིག་ལེ་ཉག་གཅིག༔ ཆོས་ཉིད་མངོན་སུམ་གྱི་སྣང་བ་ཞེས་བྱ་བ་ཡིན་ནོ༔ སངས་རྒྱས་དང་༔ རིགས་ལྔ༔ བྷོ་དྷ་ིས་ཏྭ༔ བླ་མ༔ ཡི…

མཐོང་ཉོན་མོངས་པ་ཞེ་སྡང་དག༔ འོད་སེར་པོ་མཐོང་བས་རིན་ཆེན་མཁའ་འགྲོའི་ཞལ་མཐོང་ཉོན་མོངས་པ་ང་རྒྱལ་དག༔ འོད་དམར་པོ་མཐོང་བས་པདྨ་མཁའ་འགྲོའི་ཞལ་མཐོང་ཉོན་མོངས་པ་འདོད་ཆགས་དག༔ འོད་ལྗང་ཁུ་གསལ་བས་ལས་ཀྱི་ཌཱཀྐིའི་ཞལ་མཐོང་ཉོན་མོངས་པ་ཕྲག་དོག་དག་པའོ༔ ཡེ་ཤེས་ཀྱི་སྣང་བ་མཐོང་བ་ཞེས་བྱ་སྟེ༔ འཁོར་བ་དང་རྒྱབ་གྱེས་པ་ཞེས་བྱའོ༔ དུག…

པྲ་ཁྲིད་ཆོས་ཐུན་ཁྲིད་ཀྱི་ཞག་གྲངས་བཞུགས་སོ༔ ༔སྐུ་གསུམ་འདུ་འབྲལ་མེད་ལ་ཕྱག་འཚལ་ལོ༔ གསང་ཆེན་གནད་ཀྱི་གལ་མདོ༔ མངོན་སུམ་གནད་ཀྱི་མན་ངག༔ གཅེར་མཐོང་རིག་པའི་ལྕགས་ཀྱུ༔ སྐུ་གསུམ་ལམ་ཁྲིད་ཀྱི་ལག་ལེན༔ པྲ་ཁྲིད་དུ་བསྟན་པ་ནི༔ སྔོན་འགྲོ༔ དངོས་གཞི༔ རྗེས་གསུམ་ལས༔ དང་པོ་སྔོན་འགྲོ་ནི་གཉིས་ལས༔ དང་པོ་སྔོན་འགྲོའི་སྔོན་འགྲོ་རྣ…

རུ་ཤན་དབྱེ་བ་ལ་ཞག་གཉིས་སུ་བསླབ་སྟེ༔ ལུས་ཀྱི་སྔོན་འགྲོ་ལ་ཞག་གཅིག༔ ལུས་རྡོ་རྗེའི་སྐྱིལ་ཀྲུང་ལ་ཞག་གཅིག་སྟེ་ཞག་གཉིས་སུ་བྱའོ༔ དེ་ནས་ངག་གི་སྔོན་འགྲོ་ལ་ཞག་གཅིག༔ རྒྱས་གདབ་པ་གཉིས་ལ་ཞག་རེ་རེ༔ རྩལ་སྦྱོང་རྣམ་པ་གཉིས་ལ་ཞག་རེ་རེ༔ མཉེན་བཙལ་བ་ལམ་དུ་ཞུགས་པ་གཉིས་ལ་ཞག་རེ་རེ༔ ངག་གི་སྔོན་འགྲོ་ལ་ཞག་བདུན་དུ་བྱའོ༔ དེ་ནས་སེམ…

དེ་ལས་མི་འབྲལ་བར་བྱས་ཏེ༔ སྣང་བ་བཞི་མ་རྫོགས་ཀྱི་བར་དུ་མཐའ་རྟེན་གྱི་རྒྱབ་བྱས་ཏེ་ཉམས་སུ་བླང་ངོ་༔ དེ་ལྟར་ཉམས་སུ་བླངས་པས་དབང་པོ་རབ་ནི་ལོ་གསུམ་དང་ཟླ་བ་གཅིག་ནས་གྲོལ་བ་ཡིན་ནོ༔ ཐ་མ་ཡང་ལོ་བདུན་དང་ཟླ་བ་བཅུ་གཅིག་ན་གྲོལ་བ་ཡིན་ནོ༔ ཁྲིད་དུ་བྱེད་པའི་དུས་སུ་ཡང་ལས་དང་ལྡན་པ་བདུན་ལས་མང་དུ་མི་རུང་༔ མཁའ་འགྲོའི་བཀའ་ཆད་འབྱ…

ཌཱཀྐིའི་གཏོར་མའི་རིམ་པ་བཞུགས་སོ༔ དེ་ནས་གཏོར་མ་བཏང་ཞིང་བཤམ་པ་ནི༔ ཐོད་པའམ་རཏྣའི་སྣོད་དུ་དབུས་སུ་ཆེ་བ་གཅིག་ལ་ཐ་མ་པད་མ་བརྒྱད་ཀྱིས་བསྐོར་བ་བྱའོ༔ ཤ་མར༔ ཁུར་བ༔ འབྲུ༔ སྒོག་ཙོང་༔ ཆང་དང་ཟས་ཀྱི་རྣམ་པ་ཅི་འབྱོར་པས་བརྒྱན་ཅིང་བཤམ་མོ༔ དེ་ནས་ཤ་ལྔ་བདུད་རྩི་ལྔར་བྱིན་གྱིས་བརླབ་པ་གཞན་དང་མཐུན༔ སྟོང་གསུམ་གང་བར་སྤྲུལ་ལ་དབུ…

གཡས་བསྐུམ་གཡོན་བརྐྱང་ཐབས་དང་ཤེས་རབ་དང་༔ མ་རིག་མུན་སེལ་ཉི་ཟླའི་གདན་སྟེངས་སུ༔ རྣམ་རྟོག་འཇོམས་པས་མི་རོའི་གདན་ལ་བཞུགས༔ མཐོང་དང་དྲན་པ་ཙམ་གྱིས་ཡེ་ཤེས་སྐྱེ༔ ཡོན་ཏན་བྱེ་བས་བརྒྱན་པའི་སྐུ་མངའ་མ༔ ཡེ་ཤེས་ཌཱཀྐི་མ་ལ་ཕྱག་འཚལ་ལོ༔ བདེ་གཤེགས་རིགས་ཀྱི་ཌཱཀྐི་ནི༔ ནམ་མཁའ་ལྟ་བུར་འདུས་མ་བྱས༔ སྐྱེ་བ་མེད་པའི་སྐུ་ལ་བསྟོད༔ རྡོ…

གཅིག༔ ཐ་མ་ཟླ་བ་གཅིག་ན་མཁའ་འགྲོའི་དངོས་གྲུབ་ཐོབ་ཅིང་ལུང་སྟོན་པར་འགྱུར་རོ༔ འདི་ལས་ཟབ་པའི་ཆོས་གཞན་ན་མེད༔ འདི་དང་སྙིང་ཐིག་གཉིས་སྦྲེལ་ན༔ གཡུ་ཡི་མཎྜལ་བཀོད་ལེགས་ལ༔ གསེར་གྱི་རྒྱན་གྱིས་སྤྲས་པ་འདྲ༔ བདག་གཞན་དོན་གཉིས་འགྲུབ་པ་སྟེ༔ འགྲོ་དོན་དཔག་མེད་འབྱུང་བའོ༔ ལན་ཅིག་དུས་ཀྱི་ཐ་མ་ལ༔ ཐུགས་ཀྱི་སྲས་དང་འཕྲད་པར་ཤོག༔ གཅི…

ཌཱཀྐིའི་ཚོགས་མཆོད་བཞུགས་སོ༔

རིགས་ཀྱི་ཌཱཀྐི་ལྔ་ལ་ཕྱག་འཚལ་ལོ༔ ཡེ་ཤེས་ཌཱཀྐི་ཡབ་ཡུམ་གྱི་ཚོགས་མཆོད་འདི་ལ་བཅུར་གནས་པ་ལས༔ དང་པོ་ཕྲིན་ལས་གདགས་པ་ནི༔ ཧོ་དགོངས་ཤིག་གསན་དུ་གསོལ༔ ཆོས་དབྱིངས་རྣམ་པར་དག་པའི་ཀློང་ནས༔ འགྲོ་བ་འདུལ་བའི་བཅོམ་ལྡན་འདས་དཔལ་རྟ་མགྲིན་ཡབ་ཡུམ༔ མཁའ་འགྲོ་འབུམ་ཚོགས་ཡབ་ཡུམ་འཁོར་དང་བཅས་པ་རྣམས་གསན་ཅིང་དགོངས་སུ་གསོལ༔ ཅེས་བྱའོ༔ …

དངོས་གྲུབ་འབྱུང་བའི་དུས་ལ་བབ༔ ཚོགས་ཀྱི་མཆོད་པ་བཞེས་སུ་གསོལ༔ དམ་ཚིག་ཤ་ཟ་ལོ་ཀ་ཌཱཀྐིའི་ཚོགས༔ དངོས་གྲུབ་འབྱུང་བའི་དུས་ལ་བབ༔ ཚོགས་ཀྱི་མཆོད་པ་བཞེས་སུ་གསོལ༔ དེ་ལ་སོགས་པ་ཌཱཀྐིའི་རིགས་རྒྱུད་མ་ལུས་ཀུན༔ དངོས་གྲུབ་འབྱུང་བའི་དུས་ལ་བབ༔ ཚོགས་ཀྱི་མཆོད་པ་བཞེས་སུ་གསོལ༔ ཆོས་སྐྱོང་ཕོ་རྒྱུད་མོ་རྒྱུད་ཐམས་ཅད་ཀྱང་༔ དངོས་གྲ…

སྤྱོད་ཏིང་འཛིན་ཚོགས་ཀྱིས་ཐུགས་དམ་བསྐང་༔ བདུད་རྩི་རཀྟ་ཛ་གད་ཐུགས་དམ་བསྐང་༔ གླུ་གར་སྒྲུབ་པའི་དམ་ཚིག་ཐུགས་དམ་བསྐང་༔ མཐུན་པའི་རྫས་ཀྱིས་ཐུགས་དམ་བསྐང་གྱུར་ཅིག༔ ཌཱཀྐི་སྡེ་ལྔ་ཡབ་ཡུམ་འཁོར་བཅས་ཀྱང་༔ ཞལ་ཟས་ཚོགས་གཏོར་མཆོད་པས་ཐུགས་དམ་བསྐང་༔ ལྟ་སྤྱོད་ཏིང་འཛིན་ཆོ་གས་ཐུགས་དམ་བསྐང་༔ བདུད་རྩི་རཀྟ་ཛ་གད་ཐུགས་དམ་བསྐང་༔ ག…

འདི་སྐད་དོ༔ ཧཱུྃ་ང་ནི་རྟ་མགྲིན་ཡབ་ཡུམ་སྟེ༔ འཁོར་དུ་མཁའ་འགྲོ་འབུམ་གྱིས་བསྐོར༔ ཀུན་ཀྱང་མི་བཟད་འཇིགས་པའི་གཟུགས༔ དམར་ནག་མེ་ཡི་མཚོན་ཆ་འཕྲོ༔ ཁྲོ་བོའི་གཟུགས་ལ་གནམ་ས་གང་༔ སྟོད་ནི་ཞལ་གཅིག་ཕྱག་གཉིས་པ༔ གནམ་ལྕགས་ངར་མའི་ཕུར་པ་འདྲིལ༔ སྨད་ནི་ཡེ་ཤེས་ཕུར་བུ་སྟེ༔ ནམ་མཁའི་མཐོངས་ནས་འདྲིལ་ཞིང་འདེབས༔ དྲག་པོར་གྱུར་པའི་ཕུར…