རིམ་པ་ལ་གསུམ་སྟེ༔ གཞི་དང་ལམ་དང་འབྲས་བུའོ༔ དང་པོ་གཞི་གཏན་ལ་དབབ་པ་ལ་གཉིས་ཏེ༔ ཤེས་བྱའི་གཞི་དང་གནས་ལུགས་ཀྱི་གཞིའོ༔ ཤེས་བྱའི་གཞི་ལ་རྫོགས་པ་ཆེན་པོ་ལ་འདོད་གཞུང་མི་འདྲ་བ་བསམ་གྱིས་མི་ཁྱབ་ཀྱང་འདིར་མི་སྤྲོ༔ རང་གྲོལ་ལས༔ བཤད་པའི་དོན་ནི་དབྱིངས་སུ་སྡུད༔ བཤད་པའི་ལྟ་བ་ཐུག་པ་མེད༔ བཤད་པས་བསྒོམ་པ་མི་གནས་ཤིང་༔ བཤད་པའི་ར…

འཁོར་བ་མེད་དོ༔ མྱ་ངན་ལས་འདས་པ་མེད་དོ༔ རིག་པ་ཉིད་ཀྱང་ཡོད་པ་མ་ཡིན་ཏེ༔ ཡེ་ཤེས་སུ་སྣང་བ་གང་ཡང་མེད་དོ༔ དེ་ཐམས་ཅད་འཛིན་པ་མེད་པ་ལས་བྱུང་ངོ་༔ ཞེས་པས་ཅིར་ཡང་མ་གྲུབ་པའི་ཀ་དག་སྟོང་པ་ཉིད་དེ་ཡང་བེམས་སྟོང་མ་ཡིན་ཏེ༔ མུ་ཏིག་འཕྲེང་བ་ལས༔ གནས་ལུགས་རྣམ་པ་མང་བཤད་ཀྱང་༔ ཡེ་ཤེས་རྣམ་པ་གསུམ་ཡིན་ནོ༔ ཞེས་པས༔ གསུམ་གང་ཞེ་ན༔ ཉི་ཟ…

ལྟར༔ ངོ་བོ་ལ་རིག་མ་རིག་དང་འཁྲུལ་མ་འཁྲུལ་ཙམ་དུ་གྲུབ་པ་མེད་དེ༔ མུ་ཏིག་ཕྲེང་བ་ལས༔ ཐོག་མ་ཉིད་ཀྱི་ཀ་དག་ལ༔ ཞེས་སོ༔ ཡེ་ཤེས་གསུམ་པོ་དེའི་རང་བཞིན་གསལ་བར་བཞུགས་པས༔ ཕྱོགས་ལྷུང་དང་བྲལ་ཞིང་རིམ་སུ་མ་ཆད་དེ༔ རྒྱུད་ལས༔ སྟོང་དང་གསལ་དང་མི་འགག་ཕྱིར༔ རྒྱ་ཆད་ཕྱོགས་ལྷུང་མེད་པའོ༔ ཞེས་སོ༔ ཡེ་ཤེས་གསུམ་པོ་དེའི་རང་བཞིན་ཐུགས་རྗ…

པའོ༔ གསལ་བའི་རིག་པ་སྐུ་རུ་གནས་པའོ༔ སྐུའི་རིག་པ་སྣང་སྟོང་དུ་གནས་པའོ༔ ཡང་གཞིའི་རིག་པ་ཀ་དག་ཆེན་པོ་ཡིན༔ ལྷུན་གྲུབ་ཀྱི་རིག་པ་སྐུ་དང་ཡེ་ཤེས་ཡིན༔ ཐུགས་རྗེའི་རིག་པ་མ་འགགས་ལུ་གུ་རྒྱུད་དོ༔ དེ་ཡང་རང་གི་རིག་པ་སྟོང་པ་འདི་ཆོས་སྐུའི་ཡེ་ཤེས་ཡིན༔ རང་གི་རིག་པ་འོད་དང་སྐུ་རུ་གསལ་བ་ནི་ལོངས་སྐུའི་ཡེ་ཤེས་ཡིན༔ རང་གི་རིག་པ་…

རང་རིག་ཉིད༔ ངོ་བོ་དུས་གསུམ་འགྱུར་བ་མེད༔ རང་བཞིན་རྟག་ཏུ་འགག་པ་མེད༔ ཐུགས་རྗེ་ཀུན་ལ་རབ་སྣང་ཞིང་༔ ཞེས་སོ༔ དོན་ལ་ཧྲིལ་གྱིས་བསྡུ་ན༔ སྙིང་གི་མེ་ལོང་ལས༔ གཞིའིི་ཆོས་ཐམས་ཅད་ངོ་བོ་རང་བཞིན་ཐུགས་རྗེ་གསུམ་དུ་ཤེས་པར་གྱིས་ཤིག༔ དེ་ཡང་ངོ་བོའི་ཆོས་ཐམས་ཅད་སྟོང་པར་ཤེས་པར་གྱིས་ཤིག༔ རང་བཞིན་གྱི་ཆོས་ཐམས་ཅད་གསལ་བར་ཤེས་པར་གྱ…

རང་བཞིན་ཐུགས་རྗེ་གསུམ་མོ༔ ཀུན་ཏུ་བཟང་པོས་དགེ་བ་རྡུལ་ཙམ་མ་བྱས་ཀྱང་འདི་གསུམ་རིག་པས་སངས་རྒྱས༔ ཁམས་གསུམ་གྱི་སེམས་ཅན་གྱིས་སྡིག་པ་སྤུ་ཙམ་མ་བྱས་ཀྱང་འདི་གསུམ་མ་རིག་པས་འཁོར་བར་འཁྱམས་ཏེ༔ ངོ་བོ་སྟོང་པར་མ་རིག༔ རང་བཞིན་གསལ་བར་མ་རིག༔ ཐུགས་རྗེ་སྣང་སྟོང་དུ་མ་རིག་པས་འཁོར་བར་འཁྱམས་པའོ༔ ཐལ་འགྱུར་ལས༔ འཁྲུལ་པའི་རྒྱུ་ནི་…

ཆགས་སོ༔ ཕྱིའི་འབྱུང་བ་ལྔ་པོ་དེའི་དངས་མ་ལས༔ ནང་བཅུད་ཀྱི་སེམས་ཅན་རྣམས་ཆགས་སོ༔ ཆགས་ལུགས་ནི་ཌཱཀྐིའི་ཞལ་གདམས་ན་གསལ་ལོ༔ མདོར་ན་འཁྲུལ་པ་དེ་དག་ཀྱང་རྒྱུ་དང་གཞི་ལ་འཁྲུལ་པ་མེད་དེ༔ གཞིའི་གནས་ལུགས་རང་སྣང་དུ་མ་ཤེས་པས་འཁྲུལ་ཏེ༔ དཔེར་ན་རྒྱུ་ལ་མེད་བཞིན་དུ་སྣང་བར་འཛིན་པ༔ ཐག་པ་སྤྲུལ་དུ་འཁྲུལ་པའམ༔ དུང་ལ་སེར་པོར་སྣང་བ་ལ…

མེད་མིན་ཅི་ཡང་མེད༔ རྣམ་ཤེས་ཅུང་ཟད་མེད་པ་ཡི༔ གཟུགས་མེད་རྣམས་ནི་དེ་ལས་སྐྱེས༔ གནས་གཙང་ལ་སོགས་གཟུགས་ཅན་ནི༔ གོང་ནས་གོང་དུ་ཐིགས་པའི་ཚུལ༔ འོག་མིན་ལ་སོགས་འདོད་པ་འོ༔ ལྷ་དང་ལྷ་མིན་མི་རྣམས་ནི༔ མངོན་མཐོ་དེ་ནས་གནས་གསུམ་ནི༔ བྱོལ་སོང་ཡི་དྭགས་དམྱལ་བ་དང་༔ སེམས་ཅན་དེ་དག་སྐྱེ་བ་བཞི༔ དེ་ལྟར་འཇིག་རྟེན་གསུམ་པོ་ཉིད༔ ཕུང་པ…

ཚ་བའི་རོ་ལ་ཆགས༔ གཏི་མུག་ཆགས་པས་དམ་དུ་བཅིངས༔ ཞེ་སྡང་མེ་ཡི་ཚད་པས་གདུངས༔ ང་རྒྱལ་དབང་གིས་མགོ་བསྟུམས་ཏེ༔ ཕྲག་དོག་ཉིད་ཀྱི་སྒོ་མོ་འཁྲིགས༔ ཁོང་ཁྲོ་ལ་སོགས་དམག་གིས་བསྐོར༔ གཟུང་འཛིན་ཞགས་པས་སྐེ་ནས་བསྡམས༔ སྔ་ཕྱིའི་བག་ཆགས་འདམ་དུ་བྱིང་༔ རྣམ་སྨིན་ཉིད་དང་ལག་སྦྲེེལ་ཏེ༔ ལས་ཀྱི་མ་བུ་མཚམས་སྦྱར་ནས༔ གཅིག་ནས་གཅིག་ཏུ་ཟོ་ཆུ་…

དེས་མ་རིག་པའི་འཁྲུལ་གཞི་ཇི་ལྟར་བྱུང་བ་བསྟན་པའོ༔ ད་ནི་འཁྲུལ་པ་ལས་གྲུབ་པའི་ལུས་འདི་ལ༔ གྲོལ་གཞིའི་ས་བོན་ཇི་ལྟར་གནས་པ་བསྟན་པ་ནི་གསུམ་སྟེ༔ ལུས་འདི་ཡེ་ནས་སངས་རྒྱས་སུ་བསྟན་པ་དང་༔ སེམས་འདི་ཡེ་ནས་སངས་རྒྱས་སུ་བསྟན་པ་དང་༔ ཕྱི་རོལ་གྱི་ཡུལ་སྣང་ཐམས་ཅད་རང་སེམས་ལ་ཚང་བར་བསྟན་པའོ༔ དང་པོ་ལུས་ཡེ་ནས་སངས་རྒྱས་སུ་བསྟན་པ་ན…

མེད་ལྟ་བའི་རང་ལུས་ཡིན༔ ཅེས་པ་དང་༔ མུ་ཏིག་ཕྲེང་བ་ལས༔ ཕུང་པོ་ཁམས་དང་སྐྱེ་མཆེད་ཀུན༔ རིགས་དང་རིགས་ཀྱི་བདག་པོར་གྲོལ༔ ཅེས་པ་དང་༔ ཀློང་གསལ་ལས༔ སེམས་ཅན་ཀུན་རིག་དྲི་མ་མེད༔ ཕུང་པོ་འབྱུང་བ་ཡབ་ཡུམ་ལྔ༔ རྩ་ཁམས་སྐྱེ་མཆེད་སེམས་དཔའི་ཚོགས༔ སྲིད་གསུམ་དཀྱིལ་འཁོར་རང་ལུས་རྫོགས༔ ཞེས་པ་དང་༔ ཐལ་འགྱུར་ལས༔ གཞན་ཡང་ཁམས་གསུམ་སེམ…

གཡས་གཡོན་ཉི་མ་ཟླ་བ་འོ༔ ཞེས་སོ༔ དེ་ལྟར་རིག་པའི་རང་རྩལ་སྐུ་དང་ཡེ་ཤེས་ལ་སོགས་པའི་ལྔ་ཚན་ཐམས་ཅད་རིག་པའི་ངོ་བོ་ལ་ལྷུན་གྲུབ་ཏུ་ཚང་བར་བསྟན་པ་ནི༔ ཀློང་གསལ་ལས༔ རང་བྱུང་རིག་པའི་རང་རྩལ་ལས༔ སྐུ་ལྔ་དང་ནི་ཡེ་ཤེས་ལྔ༔ རིགས་ལྔ་འོད་ལྔ་རླུང་ལྔ་ནི༔ ཤེས་རབ་ལྔ་ལ་སོགས་པར་གནས༔ ཞེས་པས༔ རིག་པའི་ཡེ་ཤེས་སྐུ་ལྔར་གནས་པ་ནི༔ ཡང་སྔ་…

རྣམ་པ་ལྔ་དང་ལྡན༔ ཅེས་སོ༔ ཡང་རིག་པའི་ཡེ་ཤེས་གསུམ་ཚན་དུ་གནས་པར་གསུངས་ཏེ༔ ཀློང་གསལ་ལས༔ རིག་པའི་རྩལ་ལས་ཡེ་ཤེས་གསུམ༔ ངོ་བོ་སྟོང་པའི་ཡེ་ཤེས་དང་༔ རང་བཞིན་གསལ་བའི་ཡེ་ཤེས༔ ཐུགས་རྗེས་ཀུན་ཁྱབ་ཀྱི་ཡེ་ཤེས་སོ༔ ཞེས་སོ༔ ཡང་རིག་པའི་ངོ་བོ་སྐུ་གསུམ་དུ་ཤར་བ་ནི༔ རང་ཤར་ལས༔ རིག་པ་རྟོག་པ་མེད་པ་ཆོས་སྐུ་ཡིན༔ རིག་པ་མ་འགགས་གསལ…

ལུང་དུ་མ་བསྟན་པ་ལ་སོགས་པ་རྟོག་པ་ཕྲ་མོ་ཐམས་ཅད༔ རང་སྣང་རིག་པའི་འཆར་ཚུལ་དུ་མ་འདུས་པ་མེད༔ དེ་ཡང་ངོ་བོ་རིག་སྟོང་ཝལ་པོ་རྗེས་མེད༔ རང་ཤར་རང་གྲོལ་ངོ་བོ་སྟོང་གསལ་ལས་མ་འདས་ཏེ༔ ཀློང་གསལ་ལས༔ སེམས་ནི་དྲན་ཙམ་རིག་པའི་རྩལ༔ སྣང་ཤེས་དག་ཏུ་གྱུར་ཚད་ཀུན༔ རིག་པ་ཉིད་ལས་ལོགས་པ་མེད༔ ཅེས་སོ༔ མདོར་བསྡུ་ན༔ ལུས་སུ་གྱུར་ཚད་ལ་སངས་…

གནས་ལུགས་ཇི་ལྟར་གནས་བསྟན་པ་དང་༔ གནས་པའི་དཔེ་བསྟན་པའོ༔ དང་པོ་གནས་དངོས་བསྟན་པ་ནི༔ ཀློང་གསལ་ལས༔ སྙིང་དང་རྩ་དང་དུང་ཁང་དང་༔ མིག་དང་བཞི་ཡི་གཞལ་ཡས་ན༔ ཡེ་ཤེས་ཆེན་པོ་དེ་ན་གནས༔ ཞེས་པ་དང་༔ ཐལ་འགྱུར་ལས༔ སྤྱི་དང་ཙིཏྟ་རྩ་ནང་ན༔ མ་བཅོས་དག་པའི་ཆོས་ཉིད་གནས༔ ཞེས་པ་དང་༔ ཕྲ་བཀོད་ལས༔ རིན་ཆེན་ཟུར་བརྒྱད་གཞལ་ཡས་ཁང་༔ འགྱུ་བྱ…

ཏེ༔ སྙིང་གི་ནང་ན་ཞི་བའི་ལྷ་ཚོགས༔ བུདྡྷ་བཞི་བཅུ་རྩ་གཉིས༔ དེའི་རྩལ་ཀླད་པ་དུང་ཁང་ན་ཁྲག་འཐུང་ལྔ་བཅུ་རྩ་བརྒྱད་གནས་ཏེ༔ ཀློང་གསལ་ལས༔ རང་རིག་ངོ་བོ་སྐུར་གནས་ཏེ༔ གསལ་ལ་རང་བཞིན་མ་གྲུབ་པ༔ སྙིང་ནང་ཡབ་ཡུམ་ཞི་བའི་ཚུལ༔ དུང་ཁང་ཁྲོ་བོའི་ཚུལ་དུ་གནས༔ ཞེས་པ་དང་༔ ཐལ་འགྱུར་ལས༔ ཙིཏྟའི་ནང་ན་སྐུར་གནས་ཏེ༔ མདངས་ཀྱི་སྐུ་ནི་རྣམ་པ…

མཚན་རྒྱན་ཆ་ལུགས་རྣམས༔ སྙིང་དགོངས་ཀྱི་རྒྱུད་ན་གསལ་ལོ༔ ནང་ལྟར་ན་འཁོར་ལོ་ལྔ་ན༔ ཌཱཀྐི་ཡབ་ཡུམ་ལྟར་གནས་ཏེ༔ ཀློང་གསལ་ལས༔ ལུས་ལ་གནས་པའི་རིག་པ་ཡང་༔ ཕྱི་ལྟར་ཞི་ཁྲོའི་རང་བཞིན་ལ༔ ནང་ལྟར་ཌཱཀྐི་ཡབ་ཡུམ་མོ༔ ཞེས་སོ༔ ཇི་ལྟར་གནས་པ་ནི༔ མངོན་རྟོགས་ན་གསལ་ལོ༔ གསང་བ་ལྟར་ན་ཡི་གེ་ལྟར་གནས་ཏེ༔ ཡང་དེ་ཉིད་ལས༔ སྒྱུ་མ་ལུས་ཀྱི་རྩ་ན…

ཞེས་པ་དང་༔ ཀློང་གསལ་ལས༔ རིག་པའི་སྐུ་ཡི་རང་མདངས་ནི༔ རྩ་ཡི་ནང་ན་ཐིག་ལེ་དང་༔ འོད་ཟེར་ལྟ་བུར་གནས་པ་འོ༔ ཞེས་སོ༔ ཐུགས་རྗེའི་སྒྲོན་མར་གནས་པ་ནི༔ གོང་གི་རིག་པ་སྐུའི་རང་མདངས༔ འོད་དང་ཐིག་ལེ་རྩའི་ནང་ན་ཡང་དག་གསལ་བ་སྟེ༔ ལྟ་བྱེད་མིག་གི་ཡུལ་དུ་སྒྲོན་མར་གནས་པ་དེ༔ རྩལ་རྫོགས་ལས༔ འགག་མེད་གསལ་བའི་སྒོ་གཉིས་མཛོད༔ དབྱིངས་ད…

ཡེ་ཤེས་བུམ་པའི་མར་མེ་འདྲ༔ ཐུགས་རྗེ་མེ་ལོང་དངོས་ལྟར་གསལ༔ ལོངས་སྤྱོད་སྐུ་ལ་སྐུ་གསུང་ཐུགས༔ ཡོན་ཏན་དང་ནི་ཕྲིན་ལས་སོགས༔ སྐུ་ནི་སྣང་ལ་རང་བཞིན་མེད༔ ཅེས་སོ༔ དེས་འབྱུང་བཞི་ལུས་ཀྱི་དཀྱིལ་འཁོར་ལ༔ ཡེ་ཤེས་ཇི་ལྟར་གནས་པ་བསྟན་པའོ༔ ད་ཉམས་སུ་བླང་བའི་རིམ་པ་བསྟན་པ་ནི་གསུམ་སྟེ༔ ཡེ་ཤེས་འཆར་བའི་ལམ་བསྟན་པ་དང་༔ འཆར་བྱེད་ཀྱི…

མིག་གཉིས་ལ་ཟུག༔ རྩ་གཅིག་ལྕེ་ལ་ཟུག་པའོ༔ མར་གྱི་རྩ་གསུམ་ནི་མཚན་མ་དང་གཤང་ལམ་ལ་ཟུག་པའོ༔ རྩ་བྲན་ཐམས་ཅད་ལུས་སྤྱི་ལ་ཁྱབ་པར་གནས་ཡོད་དོ༔ རྩ་དེ་གསུམ་དབུ་མ་ན་དོན་དམ་པའི་ཐིག་ལེ་རྒྱུའོ༔ རྩ་རླུང་ཐིག་ལེ་གསུམ་པོ་དེས༔ གཟུགས་དང་༔ སྒྲ་དང་༔ དྲི་དང་༔ རེག་བྱ་དང་༔ བདེ་བ་དང་༔ སྡུག་བསྔལ་དང་༔ བཏང་སྙོམས་དང་ཡེ་ཤེས་ཀྱི་སྣང་བ་འཆ…