ལྡན་པ་ལ་བུ་འཛིན་པའི་དུས་སུ༔ མཁས་པ་ལྔའི་སྒོ་ནས་ཐིག་ལེ་བཏང་སྟེ༔ སེམས་བསྐྱེད་ཁྱད་པར་ཅན་གྱི་སྒོ་ནས་བདག་དང་ཕྱག་རྒྱ་མ་བདེ་བ་གསུམ་སེམས་སུ་ཤེས་པའི་ཡེ་ཤེས་རྟོགས་པར་བྱ་སྙམ་པ་ཡིས༔ ཕུང་པོ༔ ཁམས༔ སྐྱེ་མཆེད་ཀྱི་ལྷ་ཐམས་ཅད་གསལ་ཞིང་མཆོད་པར་དྲན་པ༔ བདེ་བ་དེས་བདེ་སྟོང་ལྷན་ཅིག་སྐྱེས་པའི་ཡེ་ཤེས་རྟོགས་པར་བྱ་སྙམ་པ་དང་༔ བདེ་…

ཅིང་ཡུམ་ཡང་དེ་དག་གི་ཡུམ་དུ་བསྐྱེད་ལ་སྐུ་གསུང་ཐུགས་བྱིན་གྱིས་བརླབ༔ ངག་ཏུ་བསྐྱེད་པའི་ཕྲིན་ལས་དེ་འདོན་པ་དང་བཅས་པས་གསལ་ཞིང་མ་ཡེངས་པར་རང་གི་ཐིག་ལེ་གང་འདོད་པའི་ལྷར་བསྐྱེད་དེ༔ ཡུམ་གྱི་མངལ་གཞལ་ཡས་ཁང་གི་ལྟེ་བ་ལ་ཡུམ་གྱི་ཐིག་ལེ་དམར་པོ་ཉི་མའི་དཀྱིལ་འཁོར་གྱི་སྟེང་དུ་ཡབ་ཀྱི་ཐིག་ལེ་ལྷ་སྐུར་བྱོན་ནས་བཞུགས་པས་འདྲེས་པ…

ལ་བབ་ནས་མ་སྐྱེས་བར་དུ་འོ་མ་སྐྱེ་བ་ཡིན༔ བེའུ་ཕྱི་མ་ཚུན་ནས་འོ་མ་སྐམ་པ་ཡིན༔ དཔེ་དེ་དང་འདྲ་བར་བྱིས་པའི་དུས་ནས་ལོ་བཅུ་དྲུག་གི་བར་ལ་ཐིག་ལེ་སྐྱེ་བ་ཡིན༔ རྒས་ནས་སྐམ་པ་ཡིན༔ ཐིག་ལེ་རྒྱུན་དུ་ཉམས་ན་ནི༔ ལུས་སེམས་ཀྱི་ཏིང་ངེ་འཛིན་ལ་གནོད་པ་ཤིན་ཏུ་ཆེའོ༔ ཞལ་གདམས་གནད་ཀྱི་ཕྲེང་བ་འདི༔ པདྨ་བདག་འདྲ ས་ལོགས་སུ་གབ༔ མ་སྤེལ་རང་…

བར་དོའི་ངོ་སྤྲོད་བཞུགས་པས་གཟིགས་པར་ཞུའོ༔ དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ༔ རིགས་ཀྱི་བུ་དད་པ་དང་ལྡན་པ་དེ་ལ་ངོ་སྤྲོད་ཀྱི་གདམས་པ་བསྟན་པར་བྱ་སྟེ༔ དེ་ཡང་ཐོག་མའི་གཞི་ཀ་དག་ཆེན་པོའི་ས༔ འགག་མེད་ཀྱི་རྩལ་ལྷུན་གྲུབ་དང་ཐུགས་རྗེར་གསལ་བས༔ དེ་མ་རིག་པ་བཞིའམ་གསུམ་དུ་སོང་སྟེ༔ འཁྲུལ་པའི་ལུས་འདི་ལ་ཕྱི་ལྟར་ན་ཙིཏྟ་སྙིང་ག…

ཐུགས་རྗེའི་འགྱུ་བྱེད་ཀུན་ལ་ཁྱབ་པ་གསུམ་པོ་འདི༔ དོན་གྱིས་སོ་སོ་མ་ཡིན་ཏེ༔ དབྱེ་བ་མེད་ཅིང་སོ་སོར་གསལ་བ་ལ༔ ཉི་མ་དང་འོད་ཟེར་ལྟ་བུའམ༔ ཆུ་དང་རླན་ལྟ་བུའམ༔ མེ་དང་དྲོད་ལྟ་བུའམ༔ ནམ་མཁའ་དང་སྟོང་པ་ལྟ་བུའམ༔ སོ་སོར་གསལ་བ་ལ་དབྱེར་མེད་དེ་ཐ་མི་དད་པར་བཞུགས་སོ༔ གནས་ལུགས་དེ་དག་ཀྱང་ད་ལྟར་འབྱུང་བཞི་ལུས་ཀྱི་ཕོ་བྲང་ཙིཏྟ་དང་ད…

མཁའ་རྐྱེན་དང་བྲལ་བའི་དུས་སུ༔ ཉིན་བྱེད་ལྷོ་ལ་སོང་བའི་དུས་སུ་བྱང་ངོས་སུ་ཡོལ་བ་དམར་པོའི་མདུན་དུ་མེ་ལོང་ལ་སོགས་པའི་མདངས་ཅན་རྣམས་བཀྲམ༔ ཞི་ཁྲོའི་སྐུ་བཀྲམ་པའམ༔ ཡང་ན་རྡོ་རྗེ་སྤུན་ཁྲོ་བོའི་ཆས་སུ་བཅུག་ལ་བཞག༔ སློབ་བུ་ལྷོའི་གྲིབ་མ་ནས་བྱང་དུ་ཁ་བལྟས་ཏེ༔ མན་ཤེལ་ཟུར་བརྒྱད་པ་དབང་པོ་ལ་གཏད་དེ་ནམ་མཁའ་ལ་བལྟས་པས༔ ཡེ་ཤེས་…

དང་༔ མཆོངས་པ་ལ་སོགས་པ་བྱེད་དུ་འོང་༔ དེ་ལྟར་བྱུང་ན་བར་དོ་མ་འབྱོངས་པ་ཡིན་ནོ༔ གོང་གི་དེ་དག་ལ་རང་སྣང་དུ་ངོ་ཤེས་ནས་འཇིགས་སྣང་གྲོལ་ན་བར་དོ་འབྱོངས་པ་ཡིན་ནོ༔ དེས་ན་དེ་དག་ལ་བསླབ་ཅིང་རང་སྣང་གི་འཆར་ཚུལ་དུ་འབྱོངས་པར་བྱའོ༔ བར་དོའི་ཞལ་གདམས་གནད་ཀྱི་དུམ་བུ་འདི༔ མ་འོངས་ལས་ཅན་ཅིག་དང་འཕྲད་པར་ཤོག༔ བཀའ་རྒྱ་མ་ཡིན་པས་སྦ་བ…

ཁཐཾ༔ གུ་ཧྱ༔ གསང་རྒྱ༔ ཟབ་རྒྱ༔ གཉན་རྒྱ༔ གཏད་རྒྱ༔ གཏེར་རྒྱ༔ སྦས་རྒྱ༔ ཕྱི་མའི་དུས་ན་ཆུ་ཁམས་ཡོས་ཀྱི་ལོ༔ པད་མའི་རིགས་ལ་དོན་གྱི་བློ་ཡང་ལྡན༔ སྦས་ཚུལ་འཁོར་བའི་ཆ་འཛིན་དབང་པོ་གསལ༔ བརླ་གཡས་ཤ་སྨེ་ཌཱཀྐིའི་སྤྱན་འདྲས་མཚན༔ སྣ་ཚོགས་སྤྱོད་པ་ཆོ་རོལ་ཉིད་དུ་སྨྲ༔ དོན་བློར་ལྡན་ཡང་རྫུབ་ཆེ་ཞེན་པ་ཆུང་༔ ཌཱཀྐིའི་རིགས་གྱུར་ཀུན་ཏ…

མངོན་སུམ་ངོ་སྤྲོད་བཞུགས་སོ༔ མ་ཧཱ་གུ་རུ་ན་མོ་ཧཱུྃ༔ བླ་མས་རིགས་ཀྱི་བུ་ལ་མངོན་སུམ་གྱི་ངོ་སྤྲོད་ནས་འདི་སྐད་དུ་སྤྲོ་བ་བསྐྱེད་པར་བྱའོ༔ འོ་རིགས་ཀྱི་བུ་འདི་ལྟར་མཐོང་བ་འདི་རང་བྱུང་གི་རིག་པ་ཐིག་ལེ་ཉག་གཅིག་ཆོས་ཉིད་མངོན་སུམ་གྱི་སྣང་བ་མཐོང་བ་ཞེས་བྱ་བ་ཡིན་ནོ༔ སངས་རྒྱས་དང་བྱང་ཆུབ་སེམས་དཔའ་བླ་མ་ཡི་དམ་ཌཱཀྐི་ཐམས་ཅད་ཀ…

ཟད་པ་ཞེས་བྱའོ༔ ཉོན་མོངས་པ་ཆོས་ཉིད་དུ་ཤར་བ་ཞེས་བྱའོ༔ ལས་དང་སྐལ་བར་ལྡན་པ་ཞེས་བྱའོ༔ བསོད་ནམས་ཀྱི་ཚོགས་རྫོགས་པ་ཞེས་བྱའོ༔ སངས་རྒྱས་ཐམས་ཅད་ཀྱི་དབང་དུས་གཅིག་ལ་ཐོབ་པ་ཞེས་བྱའོ༔ རིག་པ་རྩལ་གྱི་དབང་ཐོབ་པ་ཞེས་བྱའོ༔ དུས་དེ་རིང་ནས་སངས་རྒྱས་ཀུན་ཏུ་བཟང་པོ་དང་རིགས་ལྔའི་སངས་རྒྱས་དང་ཁྱོད་ལ་ཁྱད་པར་རྡུལ་ཙམ་ཡང་མེད་དོ༔ ཞེས…

བར་དོའི་མཚན་ཉིད་བཤད་པ་དང་སྐྱེ་གནས་རྣམས་ཀྱི་རྒྱུ་བསྟན་པ་བཞུགས་སོ༔ ༔དབང་པོ་ཐ་མ་ཆོས་འདིའི་སྒོ་མཐོང་ཡང་གོམས་པ་ཆུང་ཞིང་དམ་ཚིག་མ་ཉམས་པ་ཚན་ཅིག་སྤྲུལ་པ་སྐུའི་ཞིང་ཁམས་ལྔར་དབུགས་ཕྱུང་ནས་ཕྱིས་བར་དོ་མེད་པར་གྲོལ་བར་གསུངས་ཤིང་༔ དབང་པོ་ཐ་མའི་ཐ་མ་ཞིག་སྲིད་པ་བར་དོར་འཁྱམས་ཤིང་ཡང་སྲིད་ལེན་དགོས༔ དེ་བཤད་པ་ལ་གཉིས༔ སྐྱེ་བ…

བ་གཉིས་འགྲུབ་སྟེ༔ མཐོ་རིས་དང་ངན་སོང་གི་ལམ་ལ་ཕར་འཐེན་ཚུར་འཐེན་བྱེད༔ དགེ་སྡིག་ལ་རྩིས་གཞིག་བཏང་ཞིང་རྫུན་གྱིས་ཀྱང་སྒྲུབ་པར་བྱེད་དོ༔ དེ་ཚེ་རང་སྣང་ལོག་པས་གཤིན་རྗེ་ཆོས་ཀྱི་རྒྱལ་པོའི་སྐུར་ཤར་ནས༔ ཆེ་བ་ནམ་མཁའི་མཐའ་དང་མཉམ་པ༔ འབྲིང་པོ་རི་རབ་ཙམ༔ མིག་ཤེལ་མིག་ཏུ་ཡོད་པ༔ སྐྲ་སྤྱི་བོར་བཅིངས་པ༔ གསུས་པ་ཆེ་བ༔ སྐེ་ཕྲ་བ༔ …

ཁམས་ན༔ མགོན་དང་སྐྱབས་དང་དཔུང་གཉེན་མེད་པར་ཤིན་ཏུ་སྡུག་བསྔལ་ལོ༔ སྲིད་པ་བར་དོ་ལ་ད་ལྟ་བས་ཤིན་ཏུ་རིག་པ་བདུན་འགྱུར་གྱིས་གསལ་ཞིང་ཕར་ཐམས་ཅད་མཐོང་༔ ཚུར་རིགས་མཐུན་དང་ལྷ་མངོན་ཤེས་ཅན་མིན་པས་མི་མཐོང་༔ རིག་པ་རྟེན་མེད་བྱ་སྒྲོ་རླུང་གིས་ཁྱེར་བ་ལྟ་བུར་དབུགས་ཀྱི་རྟ་ལ་ཞོན་ནས་རིག་པ་འཕྱོ་ལང་ལང་ཡོང་ངོ་༔ ལུས་ཀྱིས་གདུངས་ནས་…

འཛམ་གླིང་ཁང་བཟང་ཉམས་དགའ་བ༔ ལྷ་མིན་ནགས་ཚལ་སྟུག་པོ་སྟེ༔ ལྷ་ནི་རིན་ཆེན་གཞལ་མེད་ཁང་༔ དུད་འགྲོ་ས་ཕུག་སྤྱིལ་པོར་མཐོང་༔ ཡི་དྭགས་རང་གི་ལུས་ཀྱི་ཆ༔ ཇོ་རྡུམ་ཕྱར་བ་ལྟ་བུར་མཐོང་༔ དམྱལ་བར་འགྲོ་ན་སྤྱི་གཙུག་ལོག༔ མཐོ་རིས་ལ་ནི་གྱེན་ལྟ་སྙམ༔ དུད་འགྲོ་འཕྲེད་ཀྱི་རྣམ་པ་འོ༔ ཞེས་གསུངས་པས༔ རླུང་ལྔའམ་དུག་ལྔ་འདུས་པའི་རྟེན་འབྲེ…

བདུན་ཟག་པ་དང་བཅས་པའི་འབྲས་བུ་དང་༔ དགེ་བ་བཅུ་དང་འབྲེལ་བའི་ལམ་ལས་གྲུབ་པའི་ལྷ་གནས་རྣམ་པ་གསུམ་སྟེ༔ འདོད་པ་གཟུགས་ཁམས་གཟུགས་མེད་དོ༔ དེ་ལ་རྒྱལ་ཆེན་བཞི་སུམ་ཅུ་རྩ་གསུམ༔ འཐབ་བྲལ༔ དགའ་ལྡན༔ འཕྲུལ་དགའ༔ གཞན་འཕྲུལ་དབང་བྱེད་རྣམས་འདོད་ལྷ་གཟུགས་མེད་དོ༔ གཟུགས་ཁམས་གནས་རིགས་བཅུ་བདུན་ཏེ༔ བསམ་གཏན་སྐྱེ་མཆེད་བཅུ་གཉིས་ནི༔ ཚང…

སྐྱེ་བ་རྣམ་པ་བཞི་ལའང་༔ སྒོ་ང་སྐྱེས་བྱ༔ འབུ་སྲིན་དྲོད༔ རྟ་གླང་ལ་སོགས་མངལ་སྐྱེས༔ རྫུས་སྐྱེས་ནི་ལྷ་དང་དམྱལ་བའོ༔ ཡི་དྭགས་སུ་སྐྱེ་བའི་རྒྱུ་ནི༔ སེར་སྣ༔ དབྱེ་བ་ནི༔ ཕྱི་སྒོ་ཁུལ༔ སྤྱི་མཐུན་སྒྲིབ་པ་ཅན༔ མཁའ་ལ་རྒྱུ༔ མི་མ་ཡིན་རྣམས་སོ༔ དམྱལ་བ་ལ་ཡང་སོས་ཀྱི་རྒྱུ་མི་བསད་པ༔ ཐིག་ནག་གི་རྒྱུ་སྲོག་གཅོད་མ་སྦྱིན་ལེན༔ བསྡུས…

བཏགས་གྲོལ་ཕྲན་དྲུག་གི་ཏི་ཀ་བཞུགས་པ་ལགས་སོ༔

རྩལ་དབང་གི་ཏི་ཀ་རིག་པའི་སྒྲོན་མེ་བཞུགས་སོ༔ རང་རིག་ཡེ་ཤེས་ལྷ་ལ་ཕྱག་འཚལ་ལོ༔ དེ་ནས་ཀུན་བཟང་ཡབ་ཡུམ་གྱི༔ སྨིན་བྱེད་རིག་པའི་རྩལ་དབང་བསྐུར༔ ཅེས་པས་སངས་རྒྱས་དགོངས་པ་འདུས་པ་བཀའ་རབ་འབྱམས་རིག་པའི་རྩལ་དབང་བསྐུར་བའི་ཐབས་འདི་ལ་གསུམ་སྟེ༔ སྦྱོར་བ་དངོས་གཞི་རྗེས་སོ༔ དེ་ཡང་མཚན་ཉིད་ལྡན་པའི་བླ་མ་ཡིས༔ སྐལ་བར་ལྡན་པའི་སློབ…

པས༔ བླ་མས་དབང་བསྐུར་བར་ཞལ་གྱིས་བཞེས་ནས༔ ཌཱཀྐི་ལ་མཆོད་པ་བཤམ༔ ཚོགས་གཏོར་ཆེན་པོ་ལན་བདུན་བཏང་༔ དེས་བར་ཆད་སེལ་ལོ༔ དེ་ནས་དགེ་སློང་བཞི་སྡེ་བྱ༔ སྔགས་དང་ཕ་རོལ་ཏུ་ཕྱིན་པ་ལ་ཐུན་བཟུང་༔ འབྱུང་པོ་ལ་གཏོར་མ་རྒྱ་ཆེན་པོ་བཏང་ངོ་༔ དེས་སྔོན་འགྲོའི་བར་ཆད་ཐམས་ཅད་སེལ་ལོ༔ རིན་ཆེན་སྨན་འབྲུའི་མཎྜལ་དབུལ༔ ཅེས་པས༔ དེ་ནས་བླ་མ་ལ་ག…

དབང་ཞུ་བའི་གསོལ་འདེབས་ལན་གསུམ་བྱའོ༔ སྨིན་གྲོལ་དོན་གྱི་ཞུ་བ་དབུལ༔ ཅེས་པས༔ ཀྱཻ་བླ་མ་རྗེ་བཙུན་པ་རྣམས་ཀྱིས་བདག་སྨིན་པར་མཛད་དུ་གསོལ༔ རིག་པ་རྩལ་གྱི་དབང་བཀའ་རབ་འབྱམས་བསྐུར་དུ་གསོལ༔ བདག་གྲོལ་བར་མཛད་དུ་གསོལ༔ མཆོག་ཐུན་མོང་གི་དངོས་གྲུབ་ཐམས་ཅད་སྩལ་དུ་གསོལ༔ ཅེས་པས་གསོལ་བ་དྲག་ཏུ་གདབ་བོ༔ དེ་ནས་རྩལ་དབང་སེམས་ལ་བསྐུར…