སྲིད་གཡོ་འགུལ་འཁོར་འདས་ཀྱི་ཆོས་ཐམས་ཅད་རང་གི་རིག་པའི་རྩལ་དུ་ངོ་ཤེས༔ རང་རིག་པས་རང་ལ་དབང་ཐོབ་ཙ་ན་ཐམས་ཅད་རང་གི་དབང་དུ་མ་གྱུར་བ་མེད་དེ༔ རང་རིག་རང་ཤར་རང་གྲོལ་དུ་སོང་བའི་དུས་སུ༔ སངས་རྒྱས་ལ་རེ་བ་མེད་དེ་རིག་པ་རང་སངས་རྒྱས༔ ཡེ་ནས་གནས་པའི་དོན་རང་གིས་ངོ་ཤེས་ཐག་ཆོད༔ མ་ཁྱབ་པ་མེད་དེ་མཐའ་རྒྱས༔ འཁོར་བ་ལ་དོགས་པ་མེད་དེ…

བདག་ཉིད་ཆེ༔ ཞེས་པ་ནི༔ གང་གིས་དབང་དེ་ཐོབ་ཙ་ན༔ ངང་ནས་རང་རིག་པའི་ངང་དུ་ཆོས་ཀུན་འདུས་པ་ངོ་བོ་ཉིད་ལ་དབང་བསྒྱུར་བ་རང་བཞིན་རིག་པའི་རང་མདངས་ཐམས་ཅད་རང་རིག་ཡིན༔ བདག་ཉིད་ཆེན་པོ་ནི་རང་ལས་གཞན་པའམ་བདག་ཏུ་མ་འདུས་པ་སྤུ་ཙམ་ཡང་མི་འདུག་པས་རང་རིག་པའི་སངས་རྒྱས་ཀུན་ཏུ་བཟང་པོ་ཡིན་པས་ན༔ དབང་ཆེན་རབ་འབྱམས་རིག་པའི་རྩལ་དབང་ཐོབ…

དབྱིག༔ རབ་ཏུ་གཅེས་དང་ཡིད་འཐད་འབུལ༔ ཅེས་པས་རིན་པོ་ཆེ་གསེར་ལ་སོགས་པ་ཕྱག་ཏུ འབུལ་ལོ་ལོངས་སྤྱོད་ཕུན་སུམ་ཚོགས་པ་འབྱུང་བའི་རྟེན་འབྲེལ་ཡོད༔ གཅེས་འཛིན་བློས་བཏང་བའི་ཕྱིར༔ རང་གི་བུ་འབུལ་སངས་རྒྱས་ཀྱི་རིགས་འཛིན༔ འགྲོ་བའི་དོན་ལྷུན་གྱིས་གྲུབ་པར་བྱ་བའི་ཕྱིར༔ གཞན་གྱི་མི་མཆོག་འབུལ་ན་དོན་མཆོག་འགྲུབ་བུ་ལྡན་དབུལ༔ ཆགས་ས…

ཐམས་ཅད་ཐོབ་པ་ཡིན་པས་བསྔགས་པ་བརྗོད་པར་བྱའོ༔ སྨིན་གྲོལ་གྱི་རྩལ་དབང་དེ་ལྟར་བསྐུར་བར་བྱའོ༔ འབྲས་བུ་ཡོངས་རྫོགས་བཏགས་གྲོལ་ཐུགས་ཀྱི་སྙིང་པོ་འདི་ལ་དབང་ཐམས་ཅད་ཀྱི་རྩ་བ་རང་རིག་པའི་རྩལ་དབང་དུ་ངོ་སྤྲོད་པ་རིག་པའི་སྒྲོན་མེ་འདི༔ ཤེས་རབ་བློ་ལྡན་སྙིང་རྗེ་ཅན་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ ཨྠྀི༔

བཏགས་གྲོལ་བཅངས་ཐབས་ཀྱི་ཏི་ཀ་བཞུགས་སོ༔ འབྲས་བུ་ཡོངས་རྫོགས་ཆེ་ལ་ཕྱག་འཚལ་ལོ༔ རང་བྱུང་གི་རྒྱུད་བཅངས་པས་ཆོག་པར་བསྟན་པ་འདིའི་ལག་ལེན་བསྟན་པ་ནི༔ ཡིད་བཞིན་ནོར་བུའི་རྒྱུད་དྲུག་རྣམས༔ བསྟན་པ་གང་ལ་བབས་པ་ཡི༔ རིན་ཆེན་བཞུ་བའི་ཁུ་བ་ཡིས༔ གླེགས་བམ་སོར་བརྒྱད་ལེགས་བྲིས་ལ༔ ཞེས་པ་ནི༔ ནོར་བུ་ལྟ་བུའི་རྒྱུད་དྲུག་པོ་འདི་སྟོན་…

ལ་གསོལ་བ་གདབ་བོ༔ རིན་ཆེན་འབྲུ་སྨན་མཎྜལ་དབུལ༔ ཅེས་པ་ནི་རིན་པོ་ཆེ་སྣ་ལྔའི་མཎྜལ་དང་༔ གསེར་གྱི་མཎྜལ་དང་༔ སྨན་དང་འབྲུའི་མཎྜལ་ཅི་འབྱོར་དུ་འབུལ་ལོ༔ དབང་བསྐུར་རྒྱུད་བཀླག་བུ་ལ་གདགས༔ ཞེས་པས༔ བླ་མས་ཀྱང་༔ གླེགས་བམ་དེ་ཉིད་ཐོགས་ཏེ༔ རྩལ་དབང་བསྐུར་ཞིང་རྒྱུད་ལན་གསུམ་བརྗོད་དོ༔ སློབ་བུ་དེའི་སྤྱི་བོའམ༔ སྙིང་ཁའམ༔ མཆན་ཁུ…

གཞན་དོན་ཏི་ཀ་བཞུགས་སོ༔ ཀུན་ཁྱབ་ཐུགས་རྗེའི་ངང་ལ་ཕྱག་འཚལ་ལོ༔ འགྲོ་བ་སེམས་ཅན་གྱི་དོན་རྒྱ་ཆེན་པོ་བྱ་བར་འདོད་པས་ནི༔ གཞན་གྱི་དོན་ཆེན་བྱ་བའི་ཕྱིར༔ མཚན་མ་བྱུང་བའི་དུས་དག་ཏུ༔ ཞེས་པས༔ སེམས་ཅན་གྱི་དོན་བྱ་བ་ནི༔ ནམ་མཁའ་ལ་འཇའ་འམ༔ འོད་དམ༔ འབྲུག་གམ༔ ས་གཡོས་པའམ༔ སད་སེར་རམ༔ ཁྱད་པར་དུ་ཉི་ཟླ་གཟས་ཟིན་པའི་ཚེ་ནའོ༔ རང་ཉིད་…

ཡུམ་དུ་བསྒོམ་སྟེ༔ ཁ་སྟེང་དུ་བལྟས་ལ་རང་གི་ལྕེ་འཁོར་ལོ་རབ་ཏུ་འབར་བར་བསམ་སྟེ་རྒྱུད་ཚར་གཅིག་བསྒྲག་གོ༔ མཚན་མ་དེ་དག་འགྲོ་བ་གང་གིས་མཐོང་བ་དང་༔ ཐོས་པ་དང་༔ རེག་པ་ཐམས་ཅད་མྱུར་དུ་མངོན་པར་རྫོགས་པར་སྤྲུལ་པའི་སྐུ་ཐོབ་པར་འགྱུར་རོ༔ ཡང་གོང་གི་འཇའ་འོད་ལ་སོགས་པའི་མཚན་མ་དེ་དག་ཤར་ལྷོ་ནུབ་བྱང་ལ་སོགས་ཕྱོགས་གང་དུ་བྱུང་བའི་…

རྟགས་བསྟན་ཏི་ཀ་བཞུགས་སོ༔ རྒྱུད་འདི་བརྟགས་ཤིང་བཅངས་པས༔ གྲོལ་བའི་རྟགས་བསྟན་པ་ནི༔ ཨེ་མ་འདི་འཆང་བཏགས་གྲོལ་སྐྱེས་བུ་ནི༔ དུས་གསུམ་རྒྱལ་བའི་མཆོད་རྟེན་ཡིན༔ ཅེས་པས༔ རྒྱུད་འདི་རྟོགས་ཤིང་བཅངས་པའི་སྐྱེས་བུ་ནི༔ སངས་རྒྱས་

ཐམས་ཅད་ཀྱི་གདུང་འཛིན་སྲས་གཅིག་ཡིན་ཏེ༔ དེ་ཉིད་འདས་ཚེ་གདུང་བཞུ་བས༔ ཞེས་པ་ནི༔ དེ་ལྟ་བུའི་རྒྱུད་འཛིན་དེ་གཤེགས་པའི་ཚེ་མཆོད་པ་རྒྱ་ཆེན་པོ་བཤམས་ལ་དབུལ༔ དབེན་པའི་གནས་སུ་པུར་ཁང་ལེགས་པའི་ནང་དུ༔ འོག་ཏུ་སླ་ང་བཤམས་དེའི་སྟེང་དུ་པུར་བཞུགས་ལ་ཙན་དན་དང་རྒྱ་ཤུགས་ལེགས་པར་གཅེར་ལ༔ འབྲུ་མར་གྱིས་བླུགས་ཤིང་བླ་མ་དང་མཆེད་གྲོགས…

ཤ་རཱི་རམ་དང་ཆུ་རཱི་རམ༔ བ་རཱི་རམ་དང་ཉ་རཱི་རམ༔ པཉྩ་རམ་དང་ལྔ་ལྡན་གདུང་༔ རིགས་ལྔའི་གདུང་སྟེ་སྐུ་ཡང་འབྱུང་༔ དེ་རྣམས་སྐུ་ཐོབ་རྟགས་ཡིན་ནོ༔ ཞེས་པས༔ ཤའི་རྟེན་དུ་གདུང་ཤ་རཱི་རམ་འབྱོན་ཏེ༔ ཡང་དག་པའི་རྟེན་དུ་བཞག་པའོ༔ ཁྲག་གི་རྟེན་དུ་ཆུ་རཱི་རམ༔ འབྱོན་ཏེ་སྲ་ཞིང་མཁྲེགས་པ་རྡོ་རྗེའི་གདུང་དུ་བཞག་པའོ༔ རུས་པའི་རྟེན་དུ་བ་ར…

ཐོབ་པའི་རྟགས་སོ༔ གདུང་འབྱུང་བའི་གནས་ནི༔ གདུང་རིགས་ལྔ་ནི་འདི་ལས་འབྱུང་༔ མགོ་དང་ཁྲག་དང་སྒལ་ཚིགས་དང་༔ རྐང་དང་སྙིང་ལས་འབྱུང་བ་ཡིན༔ ཅེས་པས༔ གདུང་ཤ་རཱི་རམ་མགོ་ལས་འབྱུང་༔ ཆུ་རཱི་རམ་ཁྲག་ལས་འབྱུང་༔ བ་རཱི་རམ་སྒལ་ཚིགས་ལས་འབྱུང་༔ ཉ་རཱི་རམ་ཡན་ལག་གི་རྐང་ལས་འབྱུང་ངོ་༔ པཉྩ་རམ་སྙིང་ལས་འབྱུང་༔ གདུང་དེ་རྣམས་ཀྱིས་འབྲས་…

ཡོན་ཏན་འབྱུང་ཚུལ་གྱི་ཏི་ཀའོ༔ འཕྲད་ཆོག་དོན་གྱི་རྒྱལ་པོ་ལ་ཕྱག་འཚལ་ལོ༔ རྒྱུད་འདི་གནས་ལུགས་མ་རྟོགས་ཀྱང་༔ འབྲས་བུའི་རྒྱུད་འདི་ཉིད་བཅངས་པ་ཙམ་གྱིས་ཀྱང་༔ སངས་རྒྱ་བས་ཁྱད་པར་འཕགས་ཏེ༔ རྒྱུད་ལས༔ ཨེ་མ་འདི་ནི་ཁྱད་པར་འཕགས༔ ཀུན་གྱི་སྤྱོད་ཡུལ་མ་ཡིན་ཏེ༔ དབང་པོ་རྣམ་ལྔ་འོན་གྱུར་ཅིང་༔ རྒན་གཞོན་ཕོ་མོ་དགེ་སྡིག་མེད༔ བག་ཆགས…

འཕགས་སོ༔ ལས་དགེ་སྡིག་རྣམ་སྨིན་གྱིས་མ་གོས་པའི་ཆོས་རྒྱུད་འདི་ཡིན་ཏེ༔ རྒྱུད་གཞན་དགེ་སྡིག་སྤང་བླང་མ་བྱས་ན་འབྲས་བུ་མི་ཐོབ་སྟེ༔ དེ་སྔར་མཚམས་མེད་ལྔ་སྤྱད་ཀྱང་༔ རྒྱུད་འདི་དང་འཕྲད་ནས་ངན་སོང་ལས་ཐར་བར་འགྱུར་ཏེ༔ རྒྱུད་བཏགས་གྲོལ་ཁྱད་པར་འཕགས་སོ༔ རྒྱུད་འདི་འགྲོ་བ་གང་གི་དབུགས་ལ་སླེབས་པ་ཙམ་གྱིས་ཆོག་གོ༔ རྒྱུད་འདི་འགྲོ…

ཆེ་བ་བསྟན་པའི་ཏི་ཀའོ༔ ཇི་ལྟར་བརྒྱུད་པ་དང་ཆེ་བ་བསྟན་པ་ནི༔ སྟོན་པ་ཀུན་བཟང་ཡབ་ཡུམ་གྱིས༔ ཉིད་ལས་མི་གཞན་སེམས་དཔའི་སྣོད༔ ཅེས་པ་ནི༔ ཆོས་ཀྱི་སྐུ་ལས་ལོངས་སྐུའི་ཐུགས་སུ་རང་བྱུང་རང་ཤར་དུ་བརྒྱུད་པའོ༔ རྡོ་རྗེ་སེམས་དཔའི་བྱིན་རླབས་ཀྱིས༔ རང་བྱུང་དགའ་རབ་ཐུགས་ལ་ཤར༔ ཞེས་པ་ནི༔ ལོངས་སྐུའི་བྱིན་རླབས་ཀྱི་ཐུགས་བརྒྱུད་སྤྲུལ…

ཞེས་པས༔ རང་རིག་ཡེ་ཤེས་མ་རྟོགས་པར༔ ཡང་དག་པའི་དོན་མི་འབྱུང་ངེས་སོ༔ བྱིན་གྱིས་བརླབས་པའི་རྒྱུད་ཚིག་འདི༔ གང་ལ་སྣང་བའི་མི་དེས་ཀྱང་༔ ཞེས་པས༔ སྐུ་གསུམ་རིམ་པར་བརྒྱུད་པའི་རང་བྱུང་གི་རྒྱུད་ཚིག་གཅིག་པོ་འདི༔ དོན་རང་བྱུང་གི་ཡེ་ཤེས་རང་གི་རྒྱུད་ལ་གནས་ཤིང་རིག་པ་འདིས༔ རྒྱུད་ཐམས་ཅད་ཀྱི་དོན་བརྗོད་པར་ནུས་ཏེ༔ མ་མཐོང་རྒྱུ…

ཐུགས་རྒྱུད༔ རང་བྱུང་པ་འདི་མ་རྟོགས་ན༔ བྱ་བའི་ཚིག་རྒྱུད་སྤྲོས་པའི་མཐའ་ལ་རྩོལ་སྒྲུབ་བྱས་ཀྱང་ནེ་ཚོ་དང་འདྲ་སྟེ༔ འདས་མ་འོངས་ད་ལྟར་དུས་གསུམ་དུ་ཡང་སངས་མི་རྒྱའོ༔ དུས་གསུམ་སངས་རྒྱས་ཐམས་ཅད་ཀྱང་༔ འདི་ལ་བཏགས་གྲོལ་སངས་རྒྱས་ཏེ༔ སྐུ་ལྔ་འགྲོ་དོན་ལྷུན་གྱིས་གྲུབ༔ ཅེས་པ་ནི་འདས་མ་འོངས་ད་ལྟར་དུས་གསུམ་གྱི་སངས་རྒྱས་ཐམས་ཅད་…

རྟ་མགྲིན་ཡབ་ཡུམ་གྱི་ལུས་དཀྱིལ་བཞུགས་སོ༔

པད་མ་དབང་གི་སྐུ་ལ་ཕྱག་འཚལ་ལོ༔ ཐུགས་དམ་རྟ་ཕག་ལུས་དཀྱིལ་འདི༔ སྒྲུབ་ཐབས་གསོལ་འདེབས་བསྟོད་པ་ཕྱོགས་གཅིག་བསྟན༔ རིག་རྩལ་ངར་དང་ལྡན་པས་འདི་ལྟར་བསྒོམ༔ ༀ་མི་གནས་མི་དམིགས་ཆོས་སྐུ་དེ་བཞིན་ཉིད༔ ཨཱཿཀུན་སྣང་ཀུན་ཁྱབ་འགྲོ་ལ་སྙིང་རྗེ་བསྒོམ༔ ཧཱུྃ་སྟོང་ཉིད་སྙིང་རྗེ་དབྱེར་མེད་འཕྲིན་ལས་ཀྱིས༔ ཧྲཱིཿཐབས་ཤེས་ཉི་ཟླ་རྟོག་མེད་བམ…